Шоирнинг туғилиши

АБДУЛЛА ОРИПОВ

Ва сокин Ойпетр оқ тунларини,
Куйламоқ истайман мангуга қониб.
Толзорларинг бебош шовуллашини,
Ҳам узоқ шаҳарни айлаб яқининг
МСПРОМ1нинг гувуллашини –
Сенинг оғушингда қутлуғ ошиён!

ГЭС ҲАҚИДА

Тоғ оралаб ўрмалайди тун,
Уфқларда кўчади шуъла.
Бунда шодлик топади якун,
Дарё бўлиб оққан ашула.
Нақоратин сўйлаб тоғ-тошдан,
Бунда келиб минар авжига
Ва куй, қўшиқ сиғмай ич-ташга,
Порлаб кетар, ёнар авжида.

1 МСПРОМ – Маҳаллий саноат корхонаси.

152

Oyina.uz portali kutubxonasi

ШОИРНИНГ ТУҒИЛИШИ

153

Oyina.uz portali kutubxonasi

АБДУЛЛА ОРИПОВ

ОНА ТУПРОҚ

Йўқ! Йўқ! Севишимнинг сабаби умас,
Севгимга табиат сабабчи эмас.
Сабаб бўлганда ҳам нозли гул наргиз
Сенинг бағрингдадир, ўзга элдамас.
Куйлашга ҳақлиман, севганман жондан
Ойна булоқларни... у ҳам сеники.
Тошқин дарё оқар уйим ёнидан,
У бориб қуйилар кўл ҳам сеники.
Йўқ! Йўқ! Севишимнинг сабаби умас,
Севгимга табиат сабабчи эмас.
Мен учун энг буюк – ҳар бир ватандош
Кўксингга она деб қўйишади бош!

154

Oyina.uz portali kutubxonasi

ШОИРНИНГ ТУҒИЛИШИ

155

Oyina.uz portali kutubxonasi

АБДУЛЛА ОРИПОВ

ОНАМГА

Тунлари уйқусиз, мурғак бошимни
Аллалаб, улғайтган сенсан, онажон!
Илк бор юрганимда қўлимдан тутиб,
Шодлик чаманига элтган меҳрибон.
Ёшлигим нур бўлиб қўнди сочингга,
Мана, юзларингни қоплади ажин.
Она, меҳр тўла боққан кўзингда
Бахтим севинч бўлиб балқмаганмикин?
Кексалик – умрнинг нурли шодаси,
Ёшликни улғайтган умр қаримас.
Она меҳри билан улғайган фарзанд
Онанинг қадрига ета олса, бас.
Она, ёшлигим сеники ҳамдир,
Менга гул ёшликни берган ҳам сенсан.
Меҳру муҳаббатнинг дарслиги бўлиб,
Менга садоқатни ўргатган сенсан.
Орзу ҳарорати оқ сутинг билан,
Шодлик, қувонч бўлиб кирсин юракка.
Бахтлиман, онажон, қўлга қалам олиб,
Сени улуғлаш-ла етсам тилакка.

156

Oyina.uz portali kutubxonasi

ШОИРНИНГ ТУҒИЛИШИ

157

Oyina.uz portali kutubxonasi

АБДУЛЛА ОРИПОВ

ЧЎПОН

Изларингни қучиб шалола,
Гул баргига шабнам солади.
Пешвоз чиқиб сенга Гуллола,
Яна келгин, дея қолади.
Савлат тўкиб қўриқчисимон
Боботоғинг турар ёнингда.
Сени севиб қаршилаган тонг
Нур тўшайди истиқболингга.
Шўхликларга тўлгин, ўйнагин,
Яйра, завқлан янглиғ қўзичоқ.
Сарғаймасин сен севган чаман,
Қуримасин сен севган булоқ.
Най чалишиб бирга сен билан,
Қалбга илҳом солгим келади.
Шодликларга тўлиб бир умр,
Ҳузурингда қолгим келади.

158

Oyina.uz portali kutubxonasi

ШОИРНИНГ ТУҒИЛИШИ

159

Oyina.uz portali kutubxonasi

АБДУЛЛА ОРИПОВ

КЎЗГУ – ОФТОБ

Тунлари уйқуни эркка топшириб,
Кўзларим сайр этар юлдузлар аро.
Мана бу Етакан, бу-чи Тарозу,
Ана у маъбуда – гўзал Венера.
Балки, дейман, ҳозир Марсдан мен каби,
Ярқироқ еримни кўраётир ким.
Кўзлар тўқнашарми?! Эрта тонг отсин,
Офтобга сен ҳам боқ, марслик оғайним.

СИНФДОШ

Мактабда ҳам жону тан эдик,
Бир партада ҳар пайт елкадош.
Эслайсанми, икки кара икки,
Аҳди паймон этдик, синфдош.
Ўша пайтлар қалам ҳам олдим,
Илк бор ёздим сенга, синфдош.
Қофиясин ўйлаб, уялдим,
Энди дадил ёздим, умрдош.

160

Oyina.uz portali kutubxonasi

ШОИРНИНГ ТУҒИЛИШИ

161

Oyina.uz portali kutubxonasi

АБДУЛЛА ОРИПОВ

ЗИЁФАТ

Осмон булутидан хабарчи томчи
Қўноқ бўлиб қўнар боғлар қўйнига.
Мезбон-боғ меҳмонин кутар чамаси,
Бинафша мунчоқлар яшнар бўйнида.
Даврага нур пуркаб, кўкнинг хўжаси
Офтоб ҳам келади меҳмонлар боши.
Яйрашиб, зиёфат қурар барчаси:
Баҳорнинг боғи-ю, ёмғир, қуёши!

МЕҲМОНДЎСТ ЧОЛ

Қишлоқ кўчасидан меҳмон етаклаб
Кекса чол келарди уйига томон.
Ўтди-ку машина, чанг, тупроқ туфлаб,
Меҳмон томоқ қирди ранжигансимон.
Сўнгра четланди-да қоқди кийимин,
Ота меҳмонига тикилиб бирпас,
Дейди: – Чанг кийимни тозалаш осон,
Меҳмонжон, юрагинг чанг бўлмаса, бас!

162

Oyina.uz portali kutubxonasi

ШОИРНИНГ ТУҒИЛИШИ

163

Oyina.uz portali kutubxonasi

АБДУЛЛА ОРИПОВ

ЙЎЛЛАР, БОШЛАНГ

Йўллар!
Қаёқларга бошлайсиз мени,
Қайси манзилларга элтасиз!
Йўллар, айтинг, ёш йўловчини
Қаёқлардан олиб ўтасиз.
Мен сафарлар мухлиси бўлдим,
Куйлай деган қўшиқларим кўп.
Йўллар ишқи фикримга тўлди,
Ўспиринлик йилларимдан хўп,
Яшил яйлов, даралар ошиб,
Манзилларга етишни севдим.
Сўқмоқлардан шошиб, адашиб,
Кечувлардан ўтишни севдим.
Бу йўлларнинг фикри, хаёли,
Майли, яна адашсам, чопсам.
Йўқ! Йўқ! Энди манзилларимни
Одамларнинг қалбидан топсам...
Ва куйласам, тўйиб куйласам,
Ватанимни, ватандошимни!
Чунки топдим шу пўлат сафдан
Қалб оташи ва бардошимни.
Тарк этайин тоғларинг, майли,
Дарёларни... аммо билингиз:
Мен қалбларда тоғ ўстираман,
Кашф этаман қудратли денгиз!
Йўллар, бошланг!
Отланинг, қани.
Кўп юксакдир у манзил, шошинг
Ва элтингиз она ўлкамнинг
Уфққача қайноқ тафтини.

164

Oyina.uz portali kutubxonasi

ШОИРНИНГ ТУҒИЛИШИ

165

Oyina.uz portali kutubxonasi

АБДУЛЛА ОРИПОВ

ВИСОЛ МАНДАТИ

Минорасин қадим шаҳрининг
Нақшларидек сендаги ҳусн.
Икки ўрам зулф қаро сочинг
Зарафшондек тўлғанар бетин.
Ўрни келса, таъриф-тавсифнинг
Сен-чун ҳар вақт сахий бисоти.
Номинг қўшиб куйлашга мангу
Қўлимда бор висол мандати.

ШЕЪР ЁЗГАНДА...

Шеър ёзганда сатрлар аро
Хаёлимни олиб қочасан.
Мисраларим оша мўралаб,
Тизгин, дея дурлар сочасан.
Билки, шеърдек азиздир менга,
Ёз, ёз дея қистаб қўймаган.
Қаҳрамонин ёзиб тўярми,
Ахир, ўзин ўпиб тўймаган.

166

Oyina.uz portali kutubxonasi

ШОИРНИНГ ТУҒИЛИШИ

167

Oyina.uz portali kutubxonasi

АБДУЛЛА ОРИПОВ

ХАЁЛЛАРИМ, СЕН УЧУН...

Сен – гўзаллик, сен – ёниқ идрок,
Сен гоҳ қудрат, сен гоҳ фаришта.
Сен гоҳ селдек, лекин тиниқ, пок...
Ҳамроҳимсан ижодда, ишда.
Дилкаш ҳамроҳ, тингла, сен учун,
Ҳароратдан қўшиқ яратдим!
Ҳис этдингми? Уни жисмимга
Юрак тепиши-ла таратдим!..

НИҲОЛ

Келганида ҳар йил гулбаҳор,
Ўша дамлар тушар ёдимга.
Эсингдами илк баҳор, дилдор,
Ниҳол эккан эдик боғимга.
Йиллар ўтди, сен ҳам тўлишдинг,
Ҳам бўй чўзди сен эккан ниҳол.
Кези-кези ташлардинг нигоҳ,
Ўзинг эккан дарахтга хушҳол.
Ниҳол экиб боғимга ўзинг,
Хўп ўстирдинг (раҳмат бу учун).
Бир қиё боқ ахир қалбимга,
Ишқ ниҳолин экдинг не учун?..

168

Oyina.uz portali kutubxonasi

ШОИРНИНГ ТУҒИЛИШИ

169

Oyina.uz portali kutubxonasi

АБДУЛЛА ОРИПОВ

ЧЕЧАКЛАР

Қалбимда туйғулар уйғотиб яна,
Чаккамга қўндилар баҳор гуллари.
Чечакка ишқимни яширмам сира,
Унга бўлсин, дейман шеърим, сўзларим...
Ўзим севган қир бу, чиқаман ҳар тонг,
Қирда гуллар аро чечаклари кўп.
Севган гулгинамни узиб, ўпаман,
Йўлимда лолалар ўсса-да тўп-тўп.
Илк дафъа, шу қирга севганим билан
Чиққандик у севган чечак сайрига.
Хайр-маъзурин ҳам берганди шунда,
У гўзал; бўйсундим виждон амрига.
О, мусиқ гулларим, эрка чечаклар,
Майли, завққа тўлай сизлар туфайли.
Сизни узган маҳал, ўзга сунбуллар
Кўзларини сузиб қолсалар, майли.

170

Oyina.uz portali kutubxonasi

ШОИРНИНГ ТУҒИЛИШИ

171

Oyina.uz portali kutubxonasi

АБДУЛЛА ОРИПОВ

***

Қўзғама қалбимда нелар борлигин,
Олис тоғлар билан ошноман бу дам.
Кўраман чўққилар оппоқ қорлигин,
У – олмос қоялар, севаман жондан.
Унда тоғлар аро ёш бургут асов,
Юксак-юксакларга уринар бу чоқ.
Кумуш булутларни ёрар беаёв,
Шиддат қанотида қучоқ ва қучоқ.
У ёш ва гўзалдир, уни на армон,
На беҳуд хаёллар банд этар бу дам.
Пастда қолди бари, ошно ошиён
Ва эрка шамолнинг қутқулари ҳам.
У қанот қоқмоқда... панжаларида
Ҳилпирар ошиён ипи, сарсари,
У қанот қоқмоқда из тушмаган кўп
Олис чўққиларнинг чўққиси сари.
Қўзғама қалбимда нелар борлигин,
Олис тоғлар билан ошноман бу дам.

172

Oyina.uz portali kutubxonasi

ШОИРНИНГ ТУҒИЛИШИ

173

Oyina.uz portali kutubxonasi

АБДУЛЛА ОРИПОВ

***

Остонангни гулга кўмар эл,
Фидо десанг жонингни унга.
Бағишласанг умрингни буткул,
Унутмайди элинг мангуга.
Бироқ сохта кулгу ила сен
Шон қўйнида бурканиб ётсанг.
Майли, тоза, соф бўлсин номинг,
Сен элингга яхшилик истаб,
Эгри йўлга бошласанг агар
Ва гуноҳсиз тўксанг қатра қон.
Бир вақт элинг тутган гул сенга
Лаънат тоши бўлур бегумон...

***

Қаҳ-қаҳ урар бўлсам виждонимдан мен,
Меҳнатим эвазин сўраб олурман...
Бенаф ўтган дамлар, мен сизнинг учун,
Ҳайҳот! Қабримга ҳам йиғлаб борурман.

174

Oyina.uz portali kutubxonasi

ШОИРНИНГ ТУҒИЛИШИ

175

Oyina.uz portali kutubxonasi

АБДУЛЛА ОРИПОВ

КЎЗИ ОЧИҚ КЕТДИ ДУНЁДАН

Яшади-ю, умрида бир бор
Эшитмади “она” сўзини.
Сўнг нафас ҳам ўлимга эмас,
Афсусларга отди ўзини.
Ёшликнинг ҳирс-ҳаваслари ҳам
Ортда қолди, бари фойдасиз.
Пичирлади: “Афсус, минг афсус,
Сўнгги умидларим, қайдасиз?”
Ёшлик эди...
Фарзанддан кечди...
Ўткинчи деб билган муддао
Орзуларнинг йўлини кечди,
Топилмади афсусга паноҳ.
Атрофига сўнг бор қаради,
Аммо ҳеч ким “Она” демади.

176

Oyina.uz portali kutubxonasi

ШОИРНИНГ ТУҒИЛИШИ

177

Oyina.uz portali kutubxonasi

АБДУЛЛА ОРИПОВ

АЛДАНГАН ОШИҚ

Сенинг учун мен куйдим,
Сенинг куйганинг ёлғон.

Кўп ўқиди,
Тўймай ўқиди...
Қўлларидан қўймай ўқиди,
Тун-кун...
Бутун
Сатрларин айлаб олди ёд:
“Жоним, сенинг ҳажрингда куйдим,
Сен куймадинг... дод...”
Наҳот,
Севган қизи ёзмиш бу хатни?!
...Аммо шубҳа қилмади, гарчи
Имзосиз,
Ахир, сўраб олган китобда
Бор-ку имзоси.
Билмайдики, севги хатини
Ёзган бошқа қўл.
У ҳам ўзи каби бир ошиқ
Тополмасдан йўл.
Зора, эрирми, дея қиз китобига
Қистирган, фақат
Бирор номга қаратилмаган
Имзосиз у хат...
Кўп ўқиди,
Тўймай ўқиди...
Узун тун,
Келар кун,
Етишини кутар ошиқиб.

178

Oyina.uz portali kutubxonasi

ШОИРНИНГ ТУҒИЛИШИ

179

Oyina.uz portali kutubxonasi

АБДУЛЛА ОРИПОВ

***

Биламан, кўпдандир шундайсан, гўзал,
Нотаниш бир туйғу кетмас кўзингдан.
Сохта табассумлар, яширин алам,
Қалбинг рози эмас берган сўзингдан.
Сенинг ўз йўлинг бор, юргил, кузатай,
Чопқила, аммо, қиз, ортингга боқма.
Унутма, сени ким раҳм этиб севса,
Йўлини тўсмагин, ёдингда сақла.

ЖАВОБ

– Қўшиқ нима? – дейсан, – куйнинг сири не?
Нега у қалбимни этади мафтун?
– Ҳа, дилдор, қўшиқдан, куйдан яралган
Лабларинг кашф этган кулгу, табассум.
Кулгингдек доим ёш умримиз бордир,
Ҳа, қўшиқ ёшликни этар тараннум.

180

Oyina.uz portali kutubxonasi

ШОИРНИНГ ТУҒИЛИШИ

181

Oyina.uz portali kutubxonasi

АБДУЛЛА ОРИПОВ

ОЙ БОТГАНДА

Сен кимнинг элига ботдинг, ой,
Қай осмонки, узоқ субҳидам.
Қайси гардиш теграси чирой,
Кўркамликда тенгсиз ушбу дам!
Унда не шивирлар япроқлар
Арғимчоқ новдалар бандида.
Шаббода кимларни сўроқлар
Сарсари, қай қўшиқ дардида.
Кимларнинг алласин тинглаш-чун
Йўл олдинг сайрга, тўлин ой.
Куйларми? Кимларни хушлаш-чун
Тоғлардан шовуллаб оққан сой!
Куйимга созлан, эй табиат,
Қани бахт қўшиғин куйла, ёқ!
Ой ботди... Балки у тарафда
Сочларга тушмоқда нур ё оқ...

182

Oyina.uz portali kutubxonasi

ШОИРНИНГ ТУҒИЛИШИ

183

Oyina.uz portali kutubxonasi

АБДУЛЛА ОРИПОВ

УЛҒАЙИШ

(Лирик шеър)
Узоқдасан, йиллар ҳам узоқ,
Ўтди қанча ҳафтаси, ойи.
Кечагина эдинг қизалоқ,
Бугун гулгун тўлмиш чиройинг.
Сен ёш эдинг, мен ҳам, албатта,
Шўхлик билан шод эди баҳринг.
Юборибсан расмингни, мана,
Улғайибсан, кирибди ақлинг.

ЎХШАШЛИК

Ўғлимнинг кўз-қоши меники эмиш,
(Лаби онасининг лабига ўхшар.)
Шунинг-чундир балки, аксар вақт ёрим
Ўғлининг кўзию қошидан ўпар.

184

Oyina.uz portali kutubxonasi

ШОИРНИНГ ТУҒИЛИШИ

185

Oyina.uz portali kutubxonasi

АБДУЛЛА ОРИПОВ

БОЛАЛИГИМГА

Хаёлимда кўрай деб сени,
Уриндим-у, ўзим қолдим лол.
Хаёлларга чўкканим кўйи,
Қайтиб чиқиш кўринди маҳол.
Қўлларимдан ушлаб, болалик,
Эргаштириб кетдинг узоққа.
Лолазорлар ичра яйрадик,
Сўнг йўл олдик оқарган тоққа.
О, мириқиб кўз уздим сендан,
Қўмсаб қолдим ва этдим ҳавас.
Узоқларда илҳом йўллайбер,
Ширингинам, нафас ва нафас.

***

Арслон қайтмас эмиш изидан,
Жасоратда берар эмиш жон.
Йигит қайтмас эмиш сўзидан,
Мардга иқрор бўлар эмиш шон.
Она юртим! Нурли кўксингдан
Иқбол сутин эмар эканман,
Меҳнат, ижод – садоқат – қасам!
Бахт шу: шон-ла қувнар эканман!

186

Oyina.uz portali kutubxonasi

ШОИРНИНГ ТУҒИЛИШИ

***

Нени кўриб билдим ёруғ оламда,
Нени идрок этдим, нени тасаввур?
Сенинг хаёлингга берилган дамда,
Барчаси кўринди бекор ва бенур.
Мен учун хаёлсан, ундан зиёда,
Йўқ, ўзинг билмассан аслинг, жисмингни,
Бир умр шоирлик қилиб дунёда,
Кошкийди, ёзолсам ошкор исмингни.
Кимсан? Хаёлмисан?.. Йўқ, ундан зиёд...
Билолмади ҳеч ким ниҳон жисмингни.
Бир умр шоирлик қилиб одамзод,
Тополмади сенинг асл исмингни.

187

Oyina.uz portali kutubxonasi

АБДУЛЛА ОРИПОВ

ЙИГИРМА БИР ЁШ

Йигирма бир ёшни кутиб оламан,
Ҳовлиқма нодонлар орасида мен.
Ўзим ҳам нодонман, ғамга толаман
Май сепиб қалбимнинг ярасига мен.
Қадаҳлар чиқиллар атрофимда зич,
Қўллар узатилар нозик бандларга.
– Ўртоқлар, ким учун кўтарамиз, а?
Фалончи, сен менинг ижодим-чун ич!
Бошланар мақтовлар, ғийбату бўҳтон,
Ҳар ким эълон этар ўзин даҳо деб.
Ана, юлдуз сочди даврага осмон,
Мени-чи, қаърига тортар жудолик.
Қўмсайман, қўмсайман содиқ дўстимни,
Илҳом каби майин, камтарин, дилкаш.
Ким билар, қайда у! Енгилмас тугун,
Безайди илҳомнинг нури-ла яккаш.
Бачкана кимсалар яқинроқ чиқинг,
Ўрнингдан тургин, эй ожиз қарқара.
“Менга керак эмас мақтов лираси,
Менга Ювеполнинг қамчиси керак!”
Такрорлайман секин муқаддас байтни.

188

Oyina.uz portali kutubxonasi

ШОИРНИНГ ТУҒИЛИШИ

189

Oyina.uz portali kutubxonasi

АБДУЛЛА ОРИПОВ

МЕРОС

Муҳаббатни тутиб бўларми,
Қучиб бўлармикан тутганда?!
Ҳар чоқ ёноғимда куларми,
Кўксига бошимни қўйганда?!
Инжу шеъриятим, қулоқ ос!
Савдолардан кечиб, авлодга
Айларман мен ишқимни мерос,
Бўлиб беражакман ҳар ётга!

***

Ишқинг менга тушди қимматга,
Куйга солдинг, айламадим ор.
Севгим элга бўлса-да ошкор,
Содиқ қолдим номус, ҳурматга;
Кам кўриндинг, озингни севдим,
Ёндим, ноёб нозингни севдим!

190

Oyina.uz portali kutubxonasi

ШОИРНИНГ ТУҒИЛИШИ

191

Oyina.uz portali kutubxonasi

АБДУЛЛА ОРИПОВ

СЕВГИ

Катта чинор тагида хушҳол,
Чақчақлашар уч-тўртта йигит.
Суҳбат яна ўша мавзуда,
Қимор, дилдор, аллақандай дид.
Ҳар ким ўзин солар ўртага,
Бири дейди уялмай-нетмай.
– У кун шуни айтди юзимга,
Қолганмишман дидига ёқмай.
Ажаб, йигит! Ёқмаган бўлсанг,
Боисини ўша қиздан сўр.
Гар чиндан ҳам ёқимсиз бўлсанг,
Нима дердим, қилмишингдан кўр.
Ҳеч ажабмас ўша қиз сени
Ёқтирмаган, севмаган бўлса.
Наҳот севги ғунчаси бўлиб,
Меҳнат билан кулмаган бўлса.

192

Oyina.uz portali kutubxonasi

ШОИРНИНГ ТУҒИЛИШИ

193

Oyina.uz portali kutubxonasi

АБДУЛЛА ОРИПОВ

ОРОМ ЎҒРИСИ

Оромингни ким олиб кетди,
Қандай бахтли экан у ўғри?!
Ором излаб сен ҳам тутоқдинг,
“Ўғридан дод! Бормикан тўғри?”
Қани энди, ўғри мен бўлсам,
Мени тутсанг, ўғрини излаб,
Ҳеч гап бўлмас.

Айбдор!
Ҳам келдим

Сени – ором ўғрисин излаб...

БУ ҲАМ БИР ГАПДА...

Қадаҳ кўтарамиз
Фалон нарса учун.
Гўё тақдиримиз ўша қадаҳда,
Фойдаси тегарми ишга қадаҳнинг,
Бу ҳам бир одатдир,
Бу ҳам бир гапда...

194

Oyina.uz portali kutubxonasi

ШОИРНИНГ ТУҒИЛИШИ

195

Oyina.uz portali kutubxonasi

АБДУЛЛА ОРИПОВ

ПОРТРЕТ

Балки гул ёшликнинг сўлим боғидан
Чечаклар узганман сўнгги бор, шу пайт.
Балки ошгандирман ижод тоғидан,
Шеърим! Авлодларга шу гапларни айт:
“У сизни деди-ю, тунлардан кечди,
Умрим сенга, деди, хаёлчан сиймо.
Тарк этманг! Нажотни унутинг уни,
Унинг қалби менман! Ҳис этдингми ё!..
Йиллар ўтар, шаксиз, тингла, ёшлигим!
Қанча давон турар ҳали олдингда.
Бўёқлар кўчмангиз! Шеърим, парвоз эт!
Мангу қол, ёшлигим, шеърим – обидам!

***

Табиатни севдим, сени-чи,
Юзидаги ҳинду хол дедим.
Гўзалликнинг бўлиб мафтуни,
Сени тақдир берган фол дедим.
Қайрағочлар қарсиллаб, тунда
Аёз елса, маврид ҳол дедим.
Висолингни қийғос кўрганда,
Баҳорга ҳам яхши қол, дедим.

196

Oyina.uz portali kutubxonasi

ШОИРНИНГ ТУҒИЛИШИ

197

Oyina.uz portali kutubxonasi

АБДУЛЛА ОРИПОВ

ТАНГА МАДОР

Сийнаси жон офати, жимжимадор гўзалсан,
Ширинсухан, ширин тил, танга мадор гўзалсан.
Ҳусн-чиройда тенгсиз, ягонасан, париваш,
Гоҳ йиғлатиб, гоҳ қувнаб хўб беқарор, гўзалсан.
Райҳонга ҳид берибсан тундек қаро сочингдан,
Қалбимга ўқ отибсан камон кўзу қошингдан,
Жон керакми, мана, ол, зар қуяйми бошингдан,
Бир нигоҳин аяган, хўп ишвакор гўзалсан,
Қўлимга тушганинг кун – ишда барор гўзалсан...

ҚИСМАТ

Бир вақтлар тунларни
Ёритган чирой –
Боши узра увлади
Гўзал деган ой.
Бино қўйди ўзига,
Деди: “Гўзалман!”
Ўйнаб қолай 5–10 йил
Кўп менга жазман.
Эл олдида чиқазди
Танноз деган ном.
Узоқлашди ошиқлар,
Ёлғиз у бадном...

198

Oyina.uz portali kutubxonasi

ШОИРНИНГ ТУҒИЛИШИ

199

Oyina.uz portali kutubxonasi

АБДУЛЛА ОРИПОВ

ХАЁЛЛАР

Хаёлларим, о, сиз хаёллар,
Кечмишларни эсга соласиз.
Гоҳ фикримни осуда дамлар
Узоқларга олиб қочасиз.
Келажакка ошиқиб, баъзан
Қаршингизга чиқаман пешвоз.
Истиқболдан нур олиб жадал
Илҳом бўлиб этасиз парвоз.
Сиз хаёллар, учқур хаёллар,
Беҳудамас, жонлисиз, ўктам!
Яратувчан, ўтли қалбларнинг
Алангасин учқуни сиз ҳам.

ЎЛКАМ

Гоҳо гулдор кўйлакда кўрдим,
Оқ шоҳига ўрандинг гоҳо.
Бир умрлик мафтунинг бўлдим,
Сен ўзингсан, севганим, танҳо.
Тўрт фасл ҳам либоси кўркам,
Севимли қиз кабисан, ўлкам.

200

Oyina.uz portali kutubxonasi

ШОИРНИНГ ТУҒИЛИШИ

201

Oyina.uz portali kutubxonasi