Doruntina 58 99
Duhet thënë edhe këtë: libri botohet pa një dorë
herrjeje për shkaqet që i ceka më lart, madje aty
mongojnë elemente të domosdoshme aparaturës
shkencore (literatura, citatet etj.) të cilat autori do t’i
rregullonte po ta kish patur shëndetin dhe gjithsesi do
t’i bënte po të mos ikte si papritur. Sido që të jetë,
brumi i materjes është aty dhe lexuesit e kultivuar që
dinë ta vlerësojnë studimin, do ta pëshëndesin këtë
mund dhe sakrificë të autorit, Yrjet Berishës.
Përzemërsisht, i Juaji
Nehas Sopaj
Trekëndëshi poetik, Dunav, Gjilan, 2016
100 Doruntina 58
3.
Agim Morina, KOHËRA, roman, Shkup,
2019
Para se të flas për romanin e autorit të cilin po e
promovojmë sot, më lejoni t’i them disa fjalë për
autorin. Autori Agim Morina, një nga shkrimtarët më
produktivë shqiptarë te ne, ka lindur në Rahovec të
Kosovës në vitin 1954, por në fëmijëri të hershme është
transferuar në Shkup, ku kryen të gjitha shkallët e
shkollimit, filloren, të mesmen dhe Fakultetin
Filologjik dhe ka një vit që është pensionuar. Autori
rrjedh nga Drenica kreshnike, nga djepi i saj më bujar,
kurse deri sot ka botuar një mori veprash të ndryshme
letrare, prej të cilave duhet shquar përmbledhjet me
tregime “Shkupi dhe unë” dhe “Tregime për jetë”,
sidomos romanet “Tre ditët e djallit”, “E nesërmja nuk
të duhet”, “Vazhdo”, “Lugina me lulediell”, “Bozhuret
e këputura në plazhin e Tivarit” dhe“Fuqia e
dashurisë”, pastaj dramat për fëmijë prej të cilave
“Gjykimi në lulishten e pyllit”, “Fantazma e malit” etj.
Nga ky autor opinioni shkupjan mban mend disa nga
dramat e tij të inskenuar nga Teatri Shqiptar i Shkupit,
ka lexuar ndonjë reçension ose ndonjë shkrim tjetër te
opinioni lexues, dhe kaq. Pra, një krijues kaq produktiv
me gjithë këtë begati krijuese, përmbledhje me tregime,
Doruntina 58 101
romane e drama, fitohet përshtypje sikur kemi të bëjmë
me një autor debutant, edhe pse vepra e demanton
këtë konstatim, sepse ajo flet për gjerësinë, begatinë
dhe vlerat e mirëfillta të këtij krijuesi, se, opinioni ynë
lexues e njeh kahmoti, prandaj ka nevojë që shtypi i
ditës dhe mediat, të mos jenë të shurdhër, por të
shkruajnë dhe ta afirmojnë autorin dhe veprat e tij.
Romani “Kohëra” është vepra më e mirë e
autorit. Ajo është frymëzuar nga jeta e të atit, që këtu
në mënyrë besnike e shpalos një të kaluar shumë të
hidhur të intelektualëve të parë shqiptarë të pas Luftës
së Dytë Botërore, të cilët, krahas anëve pozitive që
presupozon jeta e bartësve të arsimimit fillestar të asaj
kohe, paraqet histori më vete me ndjekjet, burgosjet
dhe sfidat nga më të vështirat me të cilat ballafaqohen
ata. Një kohë e jetuar e babait të autorit kur ai vepron,
këtu,kjo temë vjen e përpunuar nga autori në mënyrë
artistike përmes protagonistit kryesor, Lirim Gashit,
duke nxjerrur në dritë të gjitha vuajtjet dhe krajatat jo
vetëm të atij si arsimtar, por edhe të gjithë atyre
intelektualëve të parë të pasluftës në vitet ’50, ’60 deri
te ato të fillimeve të viteve ’70, kohë që paraqet valën e
dytë të dëbimit të madh të shqiptarëve për në Turqi, në
kohë të socializmit retrograd dhe të vëllazërim‐
bashkimit të rrejshëm. Vepra para se të jetë monografi
apo kronikë e ngjarjeve historike të asaj kohe, ajo është
roman, një materializim artistik, që don të thotë se
është pasqyrë besnike e asaj kohe të hidhur të dhunës
102 Doruntina 58
kolektive ndaj shqiptarëve nga masat dhe dhuna
represive serbomadhe të instaluar në Kosovë, por që
sipas faqeve të romanit, interkalohet në Maqedoni, më
saktë në rrethinën e Shkupit, ku protagonisti i romanit
arratiset pasi ka përjetuar një burgosje në Kosovë, më
saktë në Prizren.
Romani ka një strukturë ndërtimi me dy pjesë të
mëdha, në të cilën, në pjesën e parë,rrëfimi është në
formë të rrëfimit realist dhe të duket sikur e gjithë
materja e rrëfimit mbyllet këtu, por në pjesën e dytë,
rrëfimi shtrihet në një periudhë më të re kohore dhe
dinamizohet që dmth. se romani merr tipare të
kronikës, me çka elementet e përgjithshme universale
artistike, tani shkrihen dhe marrin tipare të
dokumentaritetit, marrin elemente të biografizmit.
Pjesa e parë, që është më e madhja, për objektiv ka
ndjekjet e Lirimit që ia bën UDB‐ja, duke ia kurdisur
disa ndjekës njerëzit vendas, pos atyre zyrtarë që janë
serbë nga Beogradi. Romani i shkruar në vetë të parë,
ka një hyrje të gjerë në të cilën protagonisti në mënyrë
shumë të zgjeruar dhe dramatike, merret me Sadriun,
shokun e ngushtë të Lirimit, njeriun e shpirtit të cilin ai
vazhdimisht e quan “Sadriu im”, dhe kjo të duket
sikur gjithçka fillon dhe mbaron me këtë njeri, figurën
e njeriut idealist i cili është prototip i njeriut stoik dhe
dinjitoz dhe prej të cilit rrëfimtari personazh kryesor,
Lirim Gashi, merr mësim si njeri model se si duhet të
veprojë ai, si duhet flijuar dhe rezistuar për komb dhe
Doruntina 58 103
atdhe, njeriun e kohës aktuale, të asaj kohe që rrëfehet.
Hyrja e stërzgjatur me njeriun model, Sadriut pra, që
më vete mbruan dhunën e pushtetit dhe rezistencën e
tij deri në vdekje, do të jetë një ndër faqet më të bukura
të dinjitetit njerëzor dhe intelektual, që nganjëherë ta
kujton Hafizin e Hivzi Sylejmanit te romani “Njerëzit”,
dilemat dhe traumat e tij të ngjara pak kohë më parë,
në kohën e Luftës së Dytë Botërore.
Protagonisti, Lirim Gashi, mëson shumë nga
Sadriu, personazhi model se si duhet vepruar në
kushtet e konspiracionit, se si duhet flijuar në mënyrë
që njeriu ta arrijë satisfakcionin shpirtëror, kurse
trimëria, rezistenca ndaj armikut dhe qëndresa deri në
flijim me jetë, do të jetë mësim jetësor i tij. Po asaj rruge
që bën Sadriu, në mos edhe më me besnikëri, do të ecë
protagonisti i romanit, Lirimi. Po kush është Lirim
Gashi, si e përshkruan atë shkrimtari në roman? Në
gjithë romanin, duke qenë njeri model, si pasardhës i
Sadriut, të cilin UDB‐ja e masakron, këtu shkrimtari atë
e paraqet në mënyrë më të thelluar dhe të gjithanshme
duke e rrëfyer drejtpërdrejt dramën e tij jetësore, që në
fakt është drama e babait të vetë autorit. Gjithçka që
kish mësuar Lirim Gashi nga Sadriu, tani në mënyrë të
drejtpërejtë zbatohet dhe realizohet qëndresa e tij para
pushtuesit serb i cili ka të gjitha në dispozicion: duart e
gjata të ndjekjes dhe të përgjimit, instrumentet e
pushtetit, gjykatat, policinë, burgjet dhe gjithë
intrumentariumin e represioneve. Nga disa elemente të
104 Doruntina 58
ngjyrërave “ideologjike” që e mbrujnë protagonistin,
kuptojmë se ai nuk është një njeri i rastit, por është
intelektual sfidues për kohën, është aktivist dhe
veprimtar i çështjes kombëtare. Ai e përkrah lëvizjen
antifashiste të kohës, nuk i mbyll sytë dhe nuk i druan
dhunës serbe, fushatës së egër të dëbimit masiv të
shpirtarëve të Kosovës nga plëngu i tyre duke u bërë
flamurtar i rezistencës së saj deri sa burgoset dhe nuk
ndalet edhe pas saj. Ndaj, në rrethana të tilla të
veçanta, në rrethana kur atij i kurdiset likuidimi, ai me
ndihmën e miqve arratiset në Shkup, në ndërkohë që
pas hamendjes a të shkojë në Shqipëri (siç mëson nga
një kushëri për likuidimin që ia ka përgatitur pushteti)
apo Maqedoni, në fund vendos që, fshehtë nga
ndjekësit nga lart, në Beograd, për një kohë strehohet
në rrethinën e Shkupit, gjersa “lidhja” e rezistencës do
ta ndihmojnë të vendoset këtu. Krahasuar me pjesën e
parë ku shkrimtari në mënyrë kronkrete dhe të gjerë
pasqyron diçka të madhe nga totaliteti i realitetit
objektiv, në pjesën e dytë të romanit, këtu ngjarjet
fillojnë të intensifikohen dhe të marrin karakter të
kronikës, që dmth. rrëfimi zhvillohet me një dinamikë
të përshpejtuar dhe në nëndije lexuesi kupton se
ngjarjet tjera mund të presupozojnë jo një, por disa
romane tjera të ngjashme, ndaj autori e mbyll rrëfimin.
Siç e dimë, ngjarjet e periudhës së viteve ’50, ’60
dhe ’70 janë shumëfish të trajtuara nga shumë
shkrimtarë bashkëkohorë shqiptarë që asobote
Doruntina 58 105
shkruheshin dhe trajtoheshin në mënyra të ndryshme
në të dy krahët e mëdhenj të letërsisë së atëhershme
shqiptare, Shqipëri dhe Kosovë, por kjo e autorit tanë,
tani në kohën e sotme, sa janë formë e re e ngjarjeve të
vjetra me petk të ri, janë edhe version i fundit, për të
mos thënë si përfundimtar të një teme të përhershme
dhe të shpeshtë, të absolvuar nga shkrimtarët e dy apo
tre gjeneratave të mëparme. Se kjo që po lexojmë tani
në këtë roman të autorit është qasje e re, shifet si kjo
më poshtë: gjersa vende‐vende personazhet i drejtohen
tjetrit me nofkat si psh. shoku Kërsta (tipike për
rrethanat dhe kohën komuniste që trajton shkrimtari),
në gjuhën e rrëfimit s’ka asnjë element soc‐realist të
kohës, çfarë dikur shkrimtarët shqiptarë të fazës së
parë letrare vlonin me elemente të atij diktati,
përkundrazi, një rrëfim modern, shpesh me elemente
të përshkrimeve lirike me diskurs poetizues, e bëjnë
shumë të bukur këtë roman. Romani jo vetëm pse është
shkruar në një kohë me distancë jo edhe të paktë
kohore, pothuaj gjysmëshekullore pas ndodhive kur
trajtohet tema, që don të thotë, se rrethanat e reja lëre
që janë stërpjekur, por autori në këtë distancë kohore,
edhe vetë është pjekur si krijues, dhe kjo shihet nga
stili dhe mënyra e tij e rrëfimit, një temë të këtillë, të
materializuar si vepër romaneske në ditët tona, edhe si
zhanër letrar e ka avansuar shumë më mirë se autorët
tanë të kohës të cilët temën e këtillë e trajtonin me tezë
paraprake se si duhej trajtuar.
106 Doruntina 58
Autori Agim Morina temën e fatit të
intelektualit e trajton në stilin e biografive të
letrarizuara, si palimpsest, një palimpsest por në të
cilin figurat e rrëfimit, pasazhet e përshkrimeve të
hollësishme, tabllotë dramatike, rrëfehen në trajtë të një
monologu retrospektiv, shpesh herë me reminishenca
lirizmi, me figura të poetizuara. Lexuesi nuk ka se si
mos t’i besojë këtij rrëfimi mallëngjyes, ku stili i autorit
dëshmohet si mjeshtër i hollë me një pathos lirik,
asnjëherë deklarativ. Duke i dëshiruar autorit të na
befasojë me vepra të reja edhe më të arrira në këto vite
të pjekurisë së tij më të thellë krijuese, them se kjo
vepër duhet lexuar me një frymë, mu ashtu siç e ka
shkruar edhe vetë autori.Të përshëndes përzemërsisht
miku im!
Nehas SOPAJ
Takimet poetike nën Rrap, Shkup, 2019
Doruntina 58 107
4.
Kreshnik Sopaj, IMAZHET E NATËS,
poezi, Lidhja e Shkrimtarëve Shqiptarë,
Shkup, 2018
Kreshnik Sopaj është emër i ri në letrat shqipe,
kurse libri që po promovojmë sot mban titullin
“Imazhet e natës” dhe ky është libri i tij i parë poetik
që domethënë se sot po shënojmë debutimin e autorit.
Kreshniku, lexuesi dhe frekuentuesi im më i
shpeshtë i bibliotekës sime shtëpiake, qysh herët m’i ka
dhënë shenjat e sigurta se një ditë do jetë krijues i
ardhshëm, dhe këtë gjë mund ta vërtetojmë vetëm sa të
fillojmë t’i lexojmë poezitë e tij të para. Aty lexuesi
sheh një kulturë të lartë shkrimi, të parëndomtë për
krijuesit e rinj, në të cilin ndjeshmëria, subtiliteti dhe
shkalla e invencionit, janë shkrirë në masë të madhe,
kaq sa gojaplot mund të themi se ai që në librin e parë
e ka tejkaluar fazën fillestare, entuziaste, me të metat e
natyrshme që i bëjnë krijuesit e rinj, duke shkelur më
lart, në fazën e pjekurisë krijuese. Po e përsëris, këtë gjë
e vërteton ky libër. Mënyra si e ka menduar dhe
komponuar autori librin, është për t’ia patur lakmi: një
gjuhë poetike plot emocione, një varg i lirë që godet
mes mendimit të lirë dhe figurave të rreshtuara me
plan, një gjuhë dhe një diskurs poetik fillim e fund
108 Doruntina 58
unik, që herë rrëfen e herë bën lojë me fjalë, radhit fjalë
dhe mendime por të bukura e të matura dhe të
menduara mirë, kështu që menjëherë lexuesi ndjen më
shumë se këngë dhe mendim njëkohësisht, gjegjësisht
qëllim dhe realizim të plotë artistik.
Libri brenda vetes ka 47 këngë, dhe ato në sy të
parë duken sikur janë heterogjene, por ato në fakt janë
këngë të pavarura dhe kanë harmoninë e tyre, kurse
ndjeshmërinë dhe simetrinë artistike e ndjejmë si
motive apo hallka tematike duke mos i hetuar
ndryshimet dhe dallimet që interkalohen butësisht, ato
lexohen si një këngë e gjatë me disa ndërprerje. Në
këngën e parë me titull “Ti flutur që pulson në mua”,
poeti është i pushtuar nga muza e cila vjen dhe ia
shtron rrugën kah duhet ecur dhe kjo tregon se kjo
është poezia e hyrjes. Kjo shpërfaqje atij i vjen si
dashuri, si mall apo si kujtim që ia hap horizontet e
mikrokozmosit kur ai bëhet një me peizazhin, me
natyrën. “Në horizontit tim, është lëshuar një hije e
bardhë bletash që fluturojnë”, nis të këndojë poeti në
fillim që më poshtë të këlthasë: “Ah, o Ana ime/ dimri i
madh u zhbë/ udha me akuj u shkri!”. Pra, u hap dera
gjithçka që do të pasojë është harmoni mes tij dhe
peizazhit, gjithçka nis të pulsojë me ndjenjat, kurse
raporti unë – ti (poet ‐ muzë), fillon t’ia hap sferat e
fshehta të botës sipas një kronologjie që uni krijues ia
shpalon botën subjektive. Kjo Ana me gërmë të madhe
që do të na paraqitet në këngën e parë të librit, më
Doruntina 58 109
vonë, sidomos në pjesën dominante të poezive
kryesore, do t’i shndërrohet në kronotop
fantazmagorik, herë pastër lirik e herë me elemente
biblike. Pothuaj të gjithë librin e përshkon kjo frymë
shenjtërie; e gjithë poezia merr timbër dhe ngjyrë të
këtillë imagjinare, e gjithë poezia mësyn hyjnoren,
kurse këtë e shofim përmes vargjeve “diell në një fener,
i lënë pas dore” që shënon mikrokozmosi dhe ja
“universi pa fund” që shënon makrokozmosin.
Ornamentike dhe madhështore duken disa hartime të
autorit si psh. poezitë “Akuarel”, “Teorema e
heshtjes”, “Metamorfozë” etj. në cilat është vështirë të
elaborohen sepse është mund që t’ia prishim bukurinë
që kanë dhe që shfaqin dhe ndryjnë botën e krijuesit ‐
sa talentin, po kaq edhe kulturën e lexueshmërisë që ka
autori.
Ajo ndjenjë e thellë e dashurisë për atdheun,
shtëpinë e vjetër, në kondita të kohës aktuale dhe në
përgjithësi të gjithçkasë që mund të konsiderohet si
optimizëm, te disa poezi paksa më të hapura, ndjehet e
kaluara e hidhur, gjegjësisht shpërthejnë ndjenjat
pesimiste. Kështu, sepse e keqja me të cilën ai
ballafaqohet përditë dhe me të cilën është rritur dhe
mbijeton, është shumë më e rëndë se sa vetë
ngushëllimi që i vjen nga poezia. Të keqes së madhe që
e kaluam këtyre tri dekadave të fundit, pra, kësaj
përditshmërie moderne, mu kësaj padrejtësie ta
quajmë “epike”, autori i përgjigjet me një tundje koke,
110 Doruntina 58
me një mohim pa fjalë. Kësaj autori ia ndajvesh
tragjizmit kombëtar, dhe ai i përgjigjet jo me vargje të
rëndomta, jo me poezi dosido, por me anë të vargjeve
të futura në thonjëza, vargjeve të futura në shkrim
italik, por edhe fjalë të potencuar me gërma të mëdha,
në mënyrë që të përcillet drejt mesazhi poetik, pra të
tejlexohet mendimi i përkundërt, inversiv, mohues,
negator. Thashë me anë të mjeteve ndihmëse, kurse për
ta parë më mirë, është të shihet se si përçohet mesazhi
poetik, si thuhen porosi të mëdha të kohës sonë, qoftë
edhe formalisht në dukje të parë. Në disa nga poezitë
programatike siç janë poezitë: “Viti 1999”, “Por një ditë
e vitit ogur 1999” dhe “Pesëmbëdhjetë vite më vonë”,
poeti në mënyrë të bukur e shpreh (pa)kënaqësinë e tij,
dhe mund të shihen mesazhet e mëdha të kohës sonë
që artikullohen përmes të disa sekuencave të shkurtëra
por të thukta lirike, si më poshtë:“Nën thundra të
hekurta,/ e mbështollën Lirin’/ dhe ia shkruan epitafin:
/ E vdekur është!?” (shif. poezinë“Viti 1999”), pastaj
“dhe pyetëm: KUSH ËSHTË AJO ZONJË?!! / Qenë
bishat e egra përtej Karpateve / Ah, të shihni se si /
Gjallë po e hanin / Zonjën Hënë” (shif poezinë “Por një
ditë e vitit ogur 1999”), dhe në fund: “Tani të lirë / zogjtë
fluturojnë / Përmbi Prishtinë” (shih poezinë
“Pesëmbëdhjetë vite më vonë”). Diçka të ngjashme më
ka rënë të lexoj te Zef Zorba, ku me fare pak fjalë,
thuhet frymëzimi dhe katarsa e poezisë, tema e saj, e
kaluara që kaluam tok me të keqen universale që kemi
Doruntina 58 111
trashëguar (bishat përtej Karpateve) dhe të cilën shumë
rëndë ta tejkalojmë...
Në të vërtetë, libri ka aso poezish të
përshpirtshme në të cilat në mënyrë besnike ndjehet
fryma e burimësisë, lashtësia dhe ardhmëria e
njëkohësishme në të cilat edhe unë si shkrues të këtij
shkrimi nuk mund të jem indiferent. Për shembull
poezia “Guri i shtëpisë” e cila motivohet nga akti i
rrafshimit të shtëpisë së vjetër duke u zëvendësuar me
një të re (një traditë jo kaq edhe e lumtur nga jeta e jonë
e mbijetuar, e diktuar nga rrethanat kryesisht sociale),
lexuesit i bën me dije aktin e ankthshëm të rrafshimit të
shtëpisë së vjetër; e vjetra, në të cilën mund të
rrafshohen edhe ëndrrat, kurse e reja në të cilën priten
të lindin shpresat për ardhmëri, të gjithat që përbëjnë
dykohësinë. Ky është një frymëzim i derdhur në vargje
motivuar nga një ngjarje shumë të rëndë psikologjike
(pos asaj, ekzistencialiste) që vetëm ai që e ka përjetuar
mund ta ndjejë, sikundër na rrëfejnë dy poezitë binjake
“Guri i shtëpisë” dhe poezia tjetër simotër “Shtëpia e
vjetër”. Në fakt, këtu te e para, poeti bën fjalë për një
gur i cili si për inat, nuk don të shkulet edhe pas
mundit dhe mjeteve më të sotisfikuara për ta bërë
rrafsh mjeshtrit më të mëdhenj, kurse Kreshniku për
këtë akt tundimi shpirtëror, thotë: “Luluan kujtime në
të, që dikur kishin rrënjë”, edhe kur “gjithçka u bë
rrafsh”, sado që aty “u venit një zjarr i tejzjarrtë”. E
vjetra, me dhembje dhe plagë vështirë e zëvendëson të
112 Doruntina 58
renë, sikur flet mesazhi i nënkuptuar! Këtë frymëzim,
poeti e vërteton me vargjet: “E grisëm një fletë nga jeta
jonë” që është vargu i strofës së parë (që përsëritet
edhe në strofën e dytë) të poezisë “Shtëpia e vjetër”: “E
grisëm një fletë nga jeta jonë / tek muret shtëpisë së
vjetër / ku gurët fosilizonin / gjurmët e vjetra/ të së
shkuarës/ që s’vdes”.
Poezitë që janë programatike të librit dhe në të
cilat qëndron boshti kurrizor i kësaj poezie, janë ato të
cilat lidhen me figurën e Anës. Edhe poezitë në të cilat
figura e Anës mungon, poeti i jep shtimung artikullimi
për t’u ndjerë fryma e saj e vërtetë. Në të vërtetë, fryma
e gjithë poezisë së Kreshnik Sopajt, është ndjenja e
butësisë, dhembja e bukur dhe melankolia, tingulli
emblematik që qëndron në zanafillën e artit poetik të
tijin. Nuk do të ishte ndonjë zbulim nëse themi se
poezitë e autorit, jo vetëm në zanafillë janë të nënqiellit
prej nga edhe vjen autori; Sllupçani, Bregu i Bardhë,
Guri i Shqipes, Buçalla, Lisi i Bardhë e tj. që të gjitha
toponime të malit mbi vendlindje, në vargjet e poetit
Kreshnik Sopaj në përdorimin e tij të matur e kanë
përjashtuar çdo mburracakëri dhe krekosje të cilët i
cilëson poetët e rrejshëm, të shtirur dhe të pa talent, të
cilët i vardisen epizmit të vendit të lashtë karadakian
dhe plot të bëma historike, ato poeti i përdor si një ind
burimor prej nga edhe vjen, si pjesë e petkut normal
gjuhësor të tijin, herë me kuptime të drejtpërdrejta, e
herë me kuptime metaforike. Përndryshe, të gjitha
Doruntina 58 113
vargjet dhe natyra e tyre e brendshme, i cilëson
shprehja metaforike me rrëfim lirik në të cilën lexuesin
e shtyn të mendojë.
Ndonjë poezi që mund ta konsiderojmë si poezi
të angazhuar, siç është për shembull poezia “Ikja”, në
fakt është ndërtuar me një intonim të thellë lirik dhe jo
të një pathosi të lartë çfarë mund të na duket ndjenja e
pikëllimit që e përshkon atë. Në të vërtetë, motivi i
largimit të të rinjve nga atdheu, me arsye, në venerimin
dhe shenjestrimin e poetit, nuk kanë asnjë element të
realizmit kritik siç mund të na duken tek e lexojmë.
Kurbeti, tema e një plage të vjetër kombëtare, në tingujt
e kësaj vjershe ritmike, e shkruar me një espresivitet të
lartë këndimi, lexuesin e bën ta shohë poetin të
dëshpëruar nga kjo dukuri sociale, si diçka shumë të
dhembshme për kombin. Por poeti e di detyrën e vet,
nuk e merr rolin e moralizatorit që të qajë e të vajtojë
rrejshëm siç bëjnë psh. poetët soc‐realistë, ai e
regjistron atë që sheh, plagën e “ikjes” së të rinjve, e
regjistron atë si zbrazje të vendit duke e çmuar se
largimi i tyre drejt perëndimit nuk është Edeni që
kishin ëndrruar, por një mashtrim ku shpëtimin social
që kishin kërkuar u kthehet si bumerang, dhe si edhe
te poezitë e tjera, autori përgjigjet me një tundje koke.
Poezitë “Kur bota zë e kotet”, “Ti që je vetë koha
e që po më qesh pavdekshëm” dhe “Ec para Ana”, janë
poezi të një frymëzimi me takt, me shkollë dhe me
kuptime polivalente. Figura e Anës në epiqendër,
114 Doruntina 58
duhet kuptuar si timon që i udhëheq jo vetëm këto
poezi, por edhe të gjithë librin. Ana, Anamaria,
Shënmëria nuk është vetëm e ëma e Krishtit, por ajo te
poezia “Ti që je vetë koha e që po më qesh
pavdekshëm”, figura e Anës pra, nuk është vetëm
figurë frymore, por ajo është ama e gjithësisë; gjithësia,
kozmosi vetë. Si e tillë, ajo i mban të gjitha frymëzimet
e poetit, edhe kur ajo nuk i ka këto kuptime, pra kur
poeti thjesht dialogon me të, dhe madje kur edhe ky
dialog duket se është intim, që dmth. heroi lirik thjesht
zbret në pathos të konkretësisë, madje edhe atëherë
kur ajo s’është figurë biblike, por është thjesht një
femër që krejt rastësisht quhet Ana. Madje, kështu si i
ka vënë raportet autori mes mashkullit e femrës, në
lexim të parë, të duket sikur kjo poezi është poezi
erotike, po kur nisim dhe lexojmë paksa më thellë,
nisin të na dalin shkëndijat e raporteve më të larta se sa
erotizmi: të njeriut me njeriun, të njeriut me natyrën, të
njeriut me shoqërinë, raporte këto të poezisë me
gjuhën dhe mundësive të saj të pakufishme shprehëse.
Duke deklaruar publikisht se poezisë sonë po i
shtohet edhe një emër i ri, shumë i veçantë nga të tjerët,
autorit Kreshnik Sopaj i dëshiroj vepra të reja, të kësaj
natyre.
Nehas SOPAJ
Salloni ’19 ’19, Shkup, 2019
Doruntina 58 115
Klubi i Shkrimtarëve
“Jehona e Karadakut” ‐ Kumanovë
Për botuesin:
Fatos Rushiti
Revista “DORUNTINA”, nr.58
Viti 2020
Shtypi: Syth – Tetovë
Adresa: rr. Ilindenit , nr. 93/7, Tetovë
Tirazhi: 300 copë
ISSN: 1409‐6013
Mirëpresim bashkëpunimin tuaj!
e‐mail: [email protected]
Na vizitoni në internet:
www.jekaradakut.org
Ky botim financohet nga