39 1. Beri reti jaku nama di baruh tu. perabung langkau sebun panggau puchau jejaga kebuk dini hari munsuh 2. Terangka reti rambai jaku besilup di baruh tu. a. liat ati b. telenga lilih c. betangkup jaku d. baka mayau ke ngelamun tai kita sida mata sayap langit mingkai Isi tempat puang ngena jaku nama di baruh tu. orang bulu tuai pengabang rumah panjai iya Hari siti, tekura enggau seraban burung ngabang ngagai Raja Langit ti begawai. Bala burung meri (1) ... siti siku dikena ngaga (2) ... tekura ngambika iya ulih terebai. Nyau kelama udah terebai, (3) ... pan datai ba menua (4) ... . Sebedau niki ke (5) ... , tekura ke ngambu diri nyadi (6) ... madahka adat orang menua nya ngasuh pengabang nukar nama maya ngabang. Tekura pan lalu berunding.(7) ... lalu ngambu nama diri Semua Kita. Raja Langit ngelaluka sida makai. Tekura nanyaka bagi (8) ... ti patut makai laban bala sida ke ngabang nya mayuh bendar. “Eh, nadai nya sapa-sapa dih unggal. Tak semua (9) ... mih makai nya,” saut Raja Langit. Ninga munyi nya, tekura lalu makai jamah amat sambil diperatika bala burung ke semina pepeli (10) ... aja. Sida baru nemu diri udah diakal tekura. UNIT 3 TEMA 2
40 1. Gaga jaku nama tumbuh ari urat jaku di baruh tu. 2. Tembuka kar gelembung di baruh tu ngena chunto jaku nama pengempu. 3. Gaga ayat nuan empu ngena jaku nama pengempu ari tanya 2 di atas. 4. Gaga ayat ari jaku turu di baruh tu. 2. Gaga ayat nuan empu ngena jaku nama tumbuh ari tanya 1 di atas. Urat Jaku Jaku Nama Tumbuh rindang makai pekit jual kereja tengkebang Jaku Nama Pengempu mata ai aum juak tai lalat baju burung segi tiga tinga pelanduk bengal beruang kumang menyarung UNIT 3 TEMA 2
41 Unit 4 CHERITA BUJANG BERANI Kati pengasai ati nuan meda raban soldadu ngena pekayan seraris maya sida bebaris? Siti chara dikena kitai nerenakka nasionalisma iya nya ari macha cherita senentang pemerani soldadu. Mending enggau Bejaku 1.3.2 Bejaku ngena sebut ti terang sereta lanchar nitihka konteks enggau rampa sosial. Macha 2.2.4 Nentu sereta bejuraika tema teks literari. 2.3.1 Macha lalu meretika teks literari. Nulis 3.3.2 Nulis analisis bekaul enggau watak, latar enggau plot. 4.3.1 Nengkebang leka main nitihka tema, tuju, konteks enggau aspirasyen. 5.1.3 Milih lalu ngena raban jaku ti betul.
42 5 Pendingka cherita tu. Ragai tedani ninga lagu rock ari radio ti dipasang apai iya. Radio nya enda padam ari pagi nyentukka seduai ngetu merarau tadi. Apai iya sigi enda kala ngelaung hari masang radio taja diau di rumah tauka maya gawa di kebun lada, umai enggau sebelah madang getah sida. Radio nya endang disandik belama. Enti niki tangga lada, tali penyandik radio nya ditanchang tegut ba puchuk tangga lada. Radio mih kaling rapat iya laban ari radio nya mih iya bulih informasyen sereta beperindang. Ulah nya ti diperatika Ragai. Pending Ragai nyau lekat mendingka radio Iban ti naburka berita enggau masang sekeda lagu ti benung popular kemaya hari. Perati Ragai memanah leka lagu rock nya, kumbai iya lagu Melayu jeman 90-an, nemu nya lagu pasal Sarawak Rangers enggau Iban Trackers. Dipendingka iya manah agi, dinga bisi nyebut nama Kanang Anak Langkau, Awang Anak Raweng, Menggong Anak Panggit enggau sida bukai. Pengingat iya pulai baru ngagai kelas Sejarah sida dua taun ti udah. Iya agi ingat pengajar Sejarah sida enggau gaya-gaya, nunda bala soldadu ti bebaris maya Hari Kebangsaan ti seruran dianti semua ninting 31 Ogos tiap-tiap taun. Pengentap ati iya deka nyadi soldadu kenyau ari nya mengkang enda berubah. “Pai, badas endar lagu nya tadi,” ku Ragai sepengudah lagu nya abis. Nyawa iya setengah merak enggaika apai iya ti agi pejam baka ti enda ninga ketegal dibalut sura nyawa ari radio. Meda apai iya enda nyaut, Ragai angkat lalu madamka radio nya. Iya angkat duduk semak apai iya ti gali telentang atas geladak langkau kebun sida. “Apai, nama nuan enda ninga utai tanya aku? Badas amai leka lagu nya tadi?” ku Ragai nandu baru. Sintak seput Lajang bisi dipeda Ragai berupai panjai dalam dada iya ti bebajuka genarau pantang asal Iban, baka ketam itit, gerama murung, bungai terung, enggau motif-motif bukai ti enda tentu benama. “Lagu rock nya manah, pia?” tanya apai sambil ngeliat lalu nilik jam ba lengan. “Au, bebisi nyebut pasal Sarawak Rangers dinga aku?” tandu Ragai baru, sekali tu iya minta saut nyemetak ari apai iya. “Nya mih anak, pasal nya mih, ‘agi idup agi ngelaban’ nya mih jaku peransang ti enda kala lepas ari mulut aki nuan maya agi idup suba,” ku saut Lajang. “Nya mih pai, aku ingat mih. Suah aki nyebut rambai jaku nya. Aki, taja udah tuai bendar tang iya tetap ransing enti aku ngasuh iya becherita ke pengawa maya iya agi biak menya,” subuk Ragai awakka apai iya becherita baru. “Nya mih, aki nuan endang kala enggau orang nyadi Iban Trackers suba tang iya enda ingatka taun. Ukai iya nya nemu macha, nya iya enda ingatka taun. Iya semina ingatka sida bisi betimbak di menua Kajang. Pelaba aku di Selangor ke diatu nya?” ku Lajang. UNIT 4 Te ma 2 Peturun Bujang Berani
43 “Nya mih apai. Kati iya tau enda ingat agi dih apai?” tumbak Ragai baru. “Enda nemu, maya kami agi mit sampai iya nyau agu ketegal sakit tuai tu suba, nadai mih iya nemu madah enggau nyentuk.” Bisi nyima mimit gamal mua Lajang ngingatka ulah aki Ragai nya ke enda teingatka utai agi. “Agi bisi perengka tauka baju soldadu iya disimpan kitai, pai?” ku Ragai deka mansik dalam agi. “Agi ah, beret enggau badge iya bisi dalam peti kitai di rumah din tang baju iya udah belubang-lubang empa gegat,” sambung apai Ragai. Gamal iya baka ti tusah ati tang enda ga berupai sambil mata iya merening jauh ngeluah puchuk engkabang. “Nama kebuah kita enda ngeripot nama iya ngagai Gerempung Veteran Soldadu Darat Malaysia, pampang Sarawak dih apai awakka iya nerima bantu ari perintah?” tanya Ragai baru. Lajang nemu penyalah diri ti enda kiruh ngeripot nama apai iya ari suba nyau ngiarka palik diri ke tisi. “Hem, udah aku ke opis lalu betanya enggau pemesai din dih. Disebut aku nama iya tang sida madah nganti mansik dulu. Betaun udah nya pansut baru gerah ngiga orang ti bisi kaban belayan bedau ngeripot diri ngagai gerempung nya. Udah nya, baru aku nyerungkai peti endur ini nuan nyimpan perengka lama iya, dia aku tetemuka badge iya. Baru aku nemu ba tisi badge nya bisi nama aki nuan, baka ke ba duit siling lima puluh sen ti bisi ditulis nama Bank Negara Malaysia. Nama iya dia lain ari nama ke dalam tingki iya ke diatu,” panjai penerang apai sekali tu. Mua Ragai baka ti kesal, pengingin ati iya deka nemu majak dalam-sedalam. “Baka ni dih apai?” kuing mua Ragai majak merening mata apai iya baka orang ti nesal. Jari apai murus-murus mua iya ti nyau pansut peluh ukai ketegal kena panchar mata panas ngalih hari. “Insol Anak Jab nya nama ditulis dia tang nama iya ba tingki ti ditemu aku nya, Thomas Anak Jab. Nyelai amat, bebendar mih aku nukik iya tang iya semina tuchum aja. Deka nanya orang bukai ti serambau enggau iya, semua udah dulu ngejang. Nanya ipar iya ti biak pan madahka diri enda nemu. Sekayu Ulu Manding tu sama enda nemu, tusah ati aku laban nya,” tampung Lajang baru. Ragai nyau majak ituk. Penerang ti diberi apai iya tadi ngasuh runding iya majak bepusin. Darah puda iya asai ti niki ke pala. Deka nganu apai iya enggai ga nyadi. Basa enggau penyiru ke apai iya endang digenggam rat ba ati. Kuing runding Lajang nikal baru. Lajang agi ingat, lebuh iya nemu pasal pekara nya, iya nurun baru ngagai opis soldadu veteran betemu enggau pemesai din. Sida beratika badge nya lalu mansik rekod dalam fail. Lama diri ga orang ngiga rekod maya nya. Lajang agi ingatka jaku pemesai opis nya ti madahka sida endang ngiga waris Insol Anak Jab. Seminggu udah nya, Lajang dikangauka orang ngagai opis nya baru laban deka nerima insentif ari gerempung soldadu. Taja pan aki Ragai udah nadai sereta enda nerima pinchin baka orang bukai tang nama iya ti nyadi Bujang Berani Iban ba Iban Trackers udah ditemu sereta mengkang ba dinding pengingat Lajang belama. “Aram mupuk baru tua ngumpul buah lada,” ku Lajang sambil nyeling ngagai anak iya. Lajang angkat ngereduas lalu nyawil raga tangkin sambil tetuchum malik ke langit biru, ngading semengat orang tuai nya lantang diau di serega. “Patut mih aku tu baka tu, darah berani aki ti nyelamar dalam tubuh aku tu. Juluk ati aku endang enda ke bukai,” ku Ragai bejaku dalam ati. UNIT 4 Te ma 2
44 1. Tusui baru ngena chara ngelansa cherita ti udah dipendingka. 2. Terangka reti leka jaku ti bechelak biru dalam teks cherita nya. 3. Kerandauka dalam raban pasal watak enggau latar cherita. Udah nya, bantaika asil randau kita. 4. Ba mua kelas, tusui konflik entara Ragai enggau Layang sereta Layang enggau Insol dalam cherita tu. Aktiviti: 4 Latih: 4, 5 UNIT 4 UNIT 1 1. Sebut guna radio ba pengidup Layang. 2. Padahka kebuah lagu rock nya narit ati Ragai. 3 Cheritaka baru tunga kuing pengingat Ragai sepengudah mendingka lagu rock nya. 4. Tembuka grafik di baruh tu. 5. Ragai tu nembiak ti bisi ngembuan pengingin ati deka mansik. Beri evidens nuan. 6. Rintaika jaku pengawa tumbuh ti bisi dalam teks cherita nya. UNIT 4 Te ma 2 Ajar manah bepelasarka teks cherita
45 Sarjan Ngitar: (Nyawa enda tentu inggar, sambil mata tajam merening ke mua, ke kiba, ke kanan) Sehari tu lagi kitai disadang betempuh enggau munsuh. Sepiak bukit nyin enti nitihka kar tu, sarang munsuh. Bejimat-jimat kitai enggaika sida ninga rejat kaki kitai. Aram ke mua agi. Koperal Sigat: (Saut rapas-rapas sambil nyingkang lelubah ari belakang Sarjan Ngitar) Yes, tuan. Pelaba aku sida enda nemu penatai kitai tuan. Sesengit ati tu deka betempuh. Prebet Asun: (Tetuchum ngeraba, bisi kesal mimit gamal mua, bejaku betelai tang tinggi munyi) Gegitik isi tu, sepi asai sida enti betempuh lagi, aku timbak enggau M-16 tu lagi. Kumbai enda betegaring sida lagi. Prebet Inggih: (Mata diperening tajam ke mua sambil nyeling ngagai Prebet Asun, bejaku meransang diri) Aku tu baka nya mih, taja tu keterubah masuk kampung enggau kita nginau. Lagi sepi asai. Lama pengaruh aki enda diansing. Lebu udah besampi ngagai Petara. Oh, Petara, jaga kami tu ari penusah! Sida bejalai belubah-lubah, singkang nadai didinga, empilup nengah babas nadai beguyat, neresap babas niki munggu, ninting lebak mimit. Majak semak nuju sarang komunis. Sarjan Ngitar: (Betelai, sambil jari digenggam diangkat ke atas tuntun bau, tanda ngasuh ngetu. Bala platun ngerebahka diri nyandih ba tanah renjan mimit, nadai engkeretik agi) Umbas nya, anang inggar. Koperal Sigat: (Betelai sambil idung iya singut-singut nguji ngiga bau asap ti dipadahka Koperal Sigat) Aku bisi nyium bau asap, enda pia sarjan? Sarjan Ngitar: (Betelai) Nadai ah, lansik amat idung nuan! Koperal Sigat: (Betelai mega sambil rerising mua iya, baka ti enda takut) Ney, kumbai nuan enda lansik idung kami tu! Teleba nyidi jelu maya ngasu. Alah ukui pengasu kami serumah. Sarjan Ngitar: (Agi betelai, sambil jari ngayanka tanda mansang ke mua) Aram, mansang lelubah, kira setengah batu agi di mua. Sedia kitai! Sida bejalai engkenduk, singkang bejimat, nadai dinga kerus nengah rau rangkai ti ngapar ba tengah tanah dalam kampung nya. Sarjan Ngitar: (Betelai, jari tanda ngetu diangkatka iya baru) Di mua dia, tu bisi bekau agi baru. Dalam kampung puang. Seraban soldadu Sarawak Rangers benung nyidi tugau komunis ti agi bekupan di Ulu Manding. Sarjan Ngitar benung meri jaku peransang ngagai anak buah iya. Bacha drama di baruh. Ngelaban Beris Leka Senapang UNIT 4 Te ma 2
46 Akaun A Mata sida tajam merening ngagai tuju tunjuk Sarjan Ngitar. Prebet Asun: (Betelai sambil nunjukka jari ngagai puchuk kayu) Nyin tempara peninjau munsuh. Sedia! Sida malik magang ngagai utai ditunjukka iya sambil bejalai bejimat lalu nyandih ba bandir kayu. Sida mansang sesemak. Munyi senapang beterachat, daun anak raras nyau beteguyat, seduai ningkap. Sarjan Ngitar: (Meradakka nyawa inggar sambil ngachitka senapang M-16 lalu bejalai nuju tunga penatai munyi senapang munsuh) Munsuh di mua, timbak! Sida bukai sama ngachitka senapang diri. Munsuh merejin sida ari atas. Siku munsuh labuh ari tempara. Sida majak betimbak. Koperal Sigat: (Nyawa inggar sambil ajak nerachatka senapang, belanda ngagai munsuh ti rari) Gagai! Nyin sida! Anang takut! Agi idup agi ngelaban! Prebet Asun: (Munyi nyawa inggar sambil belanda ke mua. Malik ngagai pah ti bedarah. Majak nyingkang, terus merejin munsuh) Agi idup agi ngelaban! Idup Sarawak Rangers! Jaga kita! Sida majak betimbak. Prebet Inggih: (Ngangau sambil belanda nuju Prebet Asun) Asun, nama tu bisi darah? Kena timbak nuan? Prebet Asun: (Nyawa inggar) Au, kena timbak aku tu! Tulung aku. Balut pah aku tu. Prebet Inggih malut pah Asun. Munyi timbak senapang nyau pukas. Mata sida agi merening tajam ngagai tunga munsuh. Sarjan Ngitar nunu langkau dunju komunis. Sarjan Ngitar: (Nyawa inggar) Asun, telih nuan udah dibalut? Prebet Asun: (Bediri tetegi, baka ti nadai pemedis) Udah Tuan! Nadai ngawa, enda pedis, Tuan! Sarjan Ngitar: (Jaku Perintah) Gumpul semua bangkai munsuh. Bai kitu semua. Ngetu dulu kitai, enda ibuh digagai agi. Koperal Sigat kangauka helikopter ngena walkie-talkie minta sida ngesah kitai. Koperal Sigat: (Meri tabi) Yes, tuan. Sarjan Ngitar: Operasyen kitai mujur amat sekali tu. Terima kasih semua. Platun: (Sereta nyaut sambil meri tabi) Yes, tuan. Terima kasih tuan. Sida gegenung malik ke atas nganti penatai helikopter pengesah. 1. Padahka reti leka jaku ti bechelak biru dalam teks drama. 2. Terangka watak, latar maya enggau latar tempat. 3. Dalam raban, pejuraika tema teks drama. 4. Keluluka baru drama nya tadi. UNIT 4 Te ma 2 Aktiviti: 3, 4
47 1. Padahka pengelebih ti dikembuan Koperal Sigat. 2. Terangka konflik ti nyadi entara watak soldadu enggau komunis. 3. Pejuraika pelengka drama nya. 4. Tembuka grafik di baruh tu. Ajar manah Evidens Evidens Evidens Evidens 5. Tembuka grafik di baruh tu. Latih: 3, 4, 5 UNIT 4 Te ma 2 6. Tulis urat jaku pengawa tumbuh dalam grafik di baruh tu. nguji nemu ngetu ngasu nyandih ngelaban merening ngachitka mandangka uji Jaku Pengawa Tumbuh Urat Jaku Chara nerenak penaluk ke menua Ari jaku peransang apai indai
48 6 Pendingka cherpan tu. Mimpi Nyadi Nyata Jaku ansah tu ukai saja ukai sengapa pia, Suba dikena ngansah Sarawak Rangers enggau Iban Trackers, Dikena meransang sida Awang Anak Raweng, Kedua Kanang Anak Langkau tampak rita, Seduai nya sama bela dikenang kitai bansa, Nyadi Bujang Berani ti mutus ati ngetanka menua, Enda rari ngelaban munsuh komunis Malaya, Abis lengis enda tepadahka nyawa. Nyadi diatu dikena aku ngansah Rengga anak pungka lelaki, Ti sanggup berambun nyawa minta kereja, Ngembuan pemerani mutus ati, Sanggup nyaga menua ngetanka nengeri, Laban enti segantang pan batu lua kenyalang, Enti enda ditandangka nyerang, Enda mih tau tebilang pansut pemerani. Menyadi tuai Ragai ti benama Rengga ngingkak gaga. Pengawa ti dianti iya udah ditemu pemutus. Beberapa minggu ti udah, sida sebilik sampal nganjung iya interbiu tebuka nyadi soldadu. Iya dipilih belatih ba Kem Penrissen di Kuching. Bebungai ati iya laban pengawa ti dianti sereta disampi ngelama tu diberekat Petara. Minggu baru iya dipinta datai ngerejista diri di kem nya. Semua perengka ti patut udah disediaka magang. Apai enggau indai Rengga sama-sama ransing sereta gaga mega. Nya alai, seduai berunding ngatur pengerami makai selamat lalu ngangauka kaban belayan ti semak. Seduai berati deka ngatur pengerami dikena meri terima kasih ngagai Petara ke tanda sida gaga sereta meri peransang ngagai Rengga. Tambah mega, pengawa makai selamat endang udah nyadi budaya ba bansa Iban. “Engga, ujung minggu tu kitai makai selamat ke nuan. Kami duai indai nuan udah nesau sereta nimpuh pengawa tu enggau bala sida aya, ibu sereta bala petunggal nuan awakka bisi ngerami pengawa nya ila,” ku apai Rengga. Bisi penampak di mua iya laban darah berani aki sida semua nyelamar ngagai sida sebilik. “Au, apai. Sebarang ku seduai mih. Aku nitih aja. Terima kasih apai,” ku saut Rengga tuchum. Malam ti dianti udah datai, sampal magang mih orang ti dikangau, sida serumah di Ulu Manding enggau kaban semak sama bisi magang udah duduk di ruai. Keterubah iya, apai Rengga empu bejaku ngelalu sereta madahka batang pengawa sida lemai nya. Udah nya, ditangkan enggau pengawa ngayanka perengka piring ading dikena miau perengka ubat niang aki iya. Tembu bebiau, Tuai Rumah Bakir dituduh nyadaka jaku peransang ti disebut jaku ansah laban iya endang lemambang di menua sida. Baka tu munyi jaku ansah iya: UNIT 4 Te ma 2
49 UNIT 4 Nuan tu ila bujang, udah ti diansah, Ukai orang sengapa, ukai orang segena, Sigi munuh nuan ari ipuh ujung jenggi, Sigi pang ari kepayang rendam sepagi, Belinsar ari lambar bemban enseluai, Juring ari anting laja dikirai, Gagah ari gajah menua Ribai, Ulih mindahka bungkah tanah landai, Ulih ngerandang gentilang remang jurai, Ulih nyapat lubang kilat ngelambai lemai, Ulih mampul lubang guntur ke bedepur enda begadai. Udah tu lagi ransing mih nuan Rengga baka Keling, Bejuluk Gerasi Nading Bujang Berani Kempang, Keling Manuk Biring disabung mali lenyang, Keling Aji berani ati tau serang, Nyengkidang berang beabis tulang ngelaban orang, Ti datai nyerang datai numbang, Ngetanka menua ari diserang bansa orang. Jaku tu ngading nuan anak lelaki, Sepengudah tu ila nuan mutus ati berani mati, Nyaing muting geraji, nyeligi nyemilu bindang, Taja sayap patah rerebap, betungkat ga ngena patung, Taja bukang tejula di kelang, rebah gegaring, Nuan enda surut selangkah singkang. Ngetanka sempadan nyaga menua, Enda mudah alah surut ke belakang, Biar seput padam ba ujung senapang, Berambun nyawa ngetanka menua kitai Malaysia. Tembu Tuai Rumah Bakir nyadaka jaku ansah nya, Rengga lalu disurungka tuai rumah nya segelas ai tuak laban nya simbolik ba pengawa bansa Iban. Enda berasai Rengga nyeradakka ai dalam gelas. Ati iya chukup regas, bebungai sereta asaika nambah sejengkal. Jaku ansah ngasuh ati iya asaika udah datai di menua ti dituju. Asaika enda terengkah kaki berindik di tikai lampit ti ditusuk apai iya. Sepenembu nya, tuai rumah ngasuh Rengga empu mantaika seleka dua jaku ke peransang bala petunggal iya ti bukai. Pengerami nya diteruska enggau pengawa bukai. Mayuh mih chara uti sida baka bekuntau, bepencha, mantaika ajat bebunuh enggau belagu. Kira nyau ngalih dini hari, bala kaban belayan pan nyurutka diri. Apai enggau indai Rengga taja pan lelak tang seduai puas ati udah nengkiraka pengawa selamat ke anak ti bulih pengawa. Mata Rengga enggai tinduk taja pan buntau, leka jaku ansah tuai rumah mengkang dalam ati iya. UNIT 4 Te ma 2 Jaku Ansah - Dikena ngansah pikir sereta ngelancham ati pangan diri lebuh maya bisi pengerami melah pinang, gawai enggau pengerami bukai. - Tuju leka main tu ngambika orang ti diansah berasai teperansang sereta ransing ati mendingka jaku ansah nya.
50 1. Kerandauka enggau pengajar pasal batang pekara dalam cherpan nya tadi. 2. Terangka reti tiap-tiap entelian jaku ansah. 3. Tembuka grafik di baruh tu. 4. Gaga analisis latar komuniti dalam cherita nya. 5. Tembuka grafik di baruh tu. 6. Kerandauka tema ba jaku ansah nya. 7. Tengkebang siti jaku ansah dikena meransang bakih nuan ti ngembuan juluk ati nyadi raban penyaga pengelikun menua. Pun cherita Kerembai cherita Ujung cherita UNIT 4 Te ma 2 Aktiviti: 3, 4, 5, 6, 7 Pemai ulah Rengga Pemai ulah bujang berani
51 8. Giga sereta rintaika jaku pengawa tumbuh dalam teks cherita. Udah nya, tembuka grafik di baruh tu. UNIT 4 Te ma 2 Aktiviti: 9 Latih: 3 Jaku Pengawa Tumbuh ngingkak 9. Gaga ayat ngena jaku pengawa tumbuh bepelasarka grafik di baruh tu. 1. Padahka kebuah Rengga gaga bendar ati. 2. Terangka tuju apai enggau indai Rengga ngatur pengawa makai selamat. 3. Pejuraika ajar manah dalam teks cherita nya tadi. Jaku Pengawa Tumbuh Nyadi ari proses meri penambah ngagai urat jaku. Urat jaku nya tau ari raban jaku nama, raban jaku pengawa, raban jaku adjektif enggau ti bukai. Leka jaku bepenambah ba pun, ba ujung, ngepit urat jaku tauka nyelit ba urat jaku. Jaku Pengawa Tumbuh nitih Rengga nitih aja pengawa ti udah diatur apai enggau indai iya pasal pengerami nya. belatih dituduh ngelancham betungkat ditandangka nyeradakka numbangka
52 4. Rintaika leka jaku ti besenimbal munyi enggau leka jaku di baruh tu. 6. Beri justifikasyen nuan bepelasarka grafik di baruh tu. 5. Tembuka grafik di baruh tu. Perintah majak ngambi orang nyadi soldadu Peluang gawa Kaul menua kitai enggau menua bukai Pengelikun menua Agih belanja Latih: 6, 7 UNIT 4 Te ma 2 Anafora Jaku Dalam Sigi munuh nuan ari ipuh ujung jenggi, Sigi pang ari kepayang rendam sepagi, mutus ati 7. Tembuka grafik di baruh tu. Ekonomi Sosial Politik Penyadi enti kitai enda talukka menua enda maju gagah bujang berani ransing menua enseluai gajah, patah, bedigah, selangkah
53 Internet Bup teks Bup sanding Isi tempat puang ngena jaku pengawa tumbuh ti engkeman di baruh. mai meri dibai ditusun diundan diambat ngambat betuaika disadangka Operasyen Mai Pulai udah mujur diatur kena 26 Julai 2011 suba. Operasyen nya dikena ... rangkah 21 Iban Trackers ti midang di Malaya enggau Singapore. Sida tu parai urung taun 1940 kelia. Rangkah sida tu ... bilun TUDM Hercules Charlie. Datai di Kuching, sida ... enggau penuh basa ari 21 iku soldadu darat enggau soldadu langit Malaysia. Kaban belayan sereta suku juru niang bela ... pemulai rangkah dua puluh satu iku Iban Trackers. Lungun sida ... soldadu darat ba atas mija lalu pengawa miring ti ...Temenggong Kanang Anak Langkau dipenyadi. Piring Turun Semilan diatur kena ... basa ngagai kaban belayan. Rangkah 21 iku Iban Trackers bansa Iban ke ... pulai, iya nya Ungkok Jugam, Jaweng Jugah, Unggat Ujom, Ugap Utut, Letan Kusing, Nyambik Pasang, Kumpang Tinggi, Bulan Kasau, Kelambu Gadung, Untang Engan, Rejap Bagi, Entap Tulu, Nyantau Juna, Manit Cheling, Nyaru Talap, Mat Akit, Empati Dugu, Adrain Tandang, Utot Tanggang, Dampi Berain enggau Janggak Ingkoi. Operasyen mai pulai rangkah bujang berani tu, diberi nama Operasyen Ngerapuh ... Lt Kol (B) Robert Rizal Abdullah ba taun 2010 suba. Sadang penemu nya dibai sereta dipesetuju sapit kepala menteri Sarawak maya nya. 1. Giga penerang ari mayuh bengkah sumber senentang bansa Iban ti digelar bujang berani bepelasarka grafik di baruh tu. 2. Tengkebang siti jaku ansah ti betemaka nasionalisma. UNIT 4 Te ma 2 (Dibali ari: https://www.theborneopost.com/2011/07/27)
54 angkun tampak teranting entaruh 2. Tulis ayat ti engkeman belalauka jaku pengawa tumbuh ba tisih 1. 3. Isi tempat puang di baruh tu ngena leka jaku ti engkeman. undang 1. Beri penambah ngagai urat jaku di baruh tu awakka nyadi jaku pengawa tumbuh. a. Ketegal nemu diri enda salah Chulo Tarang nyanggup dibai sida ... kalam ai. b. Orang Kaya Pemancha Nanang bemimpi asai ti ... Bukit Santubong lalu betemu enggau Kumang. c. Orang Kaya Pemancha Dana Bayang ari Padeh tu anak bunsu Orang Kaya Beti ke ... Tajai Ngindang. d. Penghulu Dalam Munan tu beberita ketegal iya ... perintah Raja Brooke ngaluska pengachau di menua Sarawak. e. Nyau kepuas ti belelang ... indu benama Riti, Beti Berauh Ngumbang lalu rembus ba Nanga Enteban di Batang Skrang. f. Tuan Bailey mejal Bantin Ijau Lelayang ... chukai tajau enggau barang temaga ke dibeli sida tama ngagai menua Sarawak. g. Aji Apai Limpa, Nanang enggau Luyoh ... diri nunduk lalu badu agi ngelaban perintah Raja Brooke dalam taun 1843 menya. h. Ngumbang Berauh Langit tu tuai Iban ke pemadu beberita ... Iban Ulu Ai ngelaban perintah Raja Brooke maya nya kelia. i. Ketegal ari pemerani enggau penaluk nembiak ngagai iya, Kedu Lang Ngindang ... perintah Raja Brooke nyadi penghulu di Nanga Bunu, Skrang. j. Ijo ari Nanga Delok, pindah ari Emperan di Batang Ketungau Kalimantan tang pindah baru ke Batang Ai sepengudah Perang Dunya Kedua lalu ... mendam di Wong Pandak. 4. Tengkebang siti drama ti betemaka patriotisma. UNIT 4 Te ma 2 diau mayar mantu nangga dichiri nguluka madahka belaban beensumbar ngiga
55 Unit 5 ADAT Mending enggau Bejaku 1.4.1 Beinteraksyen ngena jaku ti engkeman ba mayuh bengkah konteks. Macha 2.2.2 Manding mida ti relevan nitihka konteks ti dibacha. 4.4.1 Ngena sempama nitihka tuju, audiens, konteks enggau budaya. Nulis 3.3.3 Nulis karang nitihka format ti betul. 5.2.1 Ngelala konstruk ayat. Adat berumah betuntung temetung, Adat bumai betangkup punjung, Adat ngasu bebagi semeliung, Adat napang bekunsi rintung. Rintaika adat asal Iban ti ditemu nuan.
56 7 Pendingka audio tu. Leka jaku adat tu asal ari jaku Arab. Belalauka bup An Iban - English Dictionary ti ditulis Anthony Richards ba taun 1981, adat mai reti chara idup, prinsip pelasar bejalaika pengidup, budaya enggau ti dipesetuju ba ulah enggau sempekat. Ba bansa Iban adat tu diterima sida nyadi atur dalam pengidup besehari-sehari. Nya alai, rampa reti jaku tu chukup besai lalu mungkur semua ajar manah ti dikembuan tiap-tiap iku sida. Dalam bup Sereba Reti Jaku Iban ti dikeluarka Tun Jugah Foundation taun 2011, adat tu dibagi ngagai tiga pampang reti. Reti keterubah, atur tauka turan ti tebalan tauka pendiau, sigi jelan sereta peneleba. Penerang reti jaku tu mungkur adat basa, adat pemati, adat begawai, adat semakai enggau ti bukai. Kedua, bayar ti diberi ke orang dikena mampas pengawa ti udah dikereja iya. Chunto iya derian, sabang, upah enggau pengeras. Ketiga, bayar ti diletak ngagai pesalah ketegal penyalah iya. Tu ti disebut tunggu, ukum enggau timbang. Bayar tu dikena ba adat berumah, adat jadi melaki bini, adat sarak, adat ngiru anak enggau ti bukai. Bansa Iban endang udah bisi ngembuan bup tusun tunggu sida empu. Bup Adat Iban 1993 ditulis dikena nerangka mayuh bengkah tusun tunggu enggau penti pemali bansa sida. Tuju asal bup tu dikena nerekun ulah enggau pendiau ke manah. Adat nya mega dikena nanggam pendiau enggau ulah begulai sejalai awakka mai penyelap, pengerai enggau pengelantang ba diri serumah. Nambahka nya, adat dikena nanggam penyerakup diri sereta matih pendiau ke menyana di mua Petara. Enti bansa Iban bisi tekelanjur jari tekelanjur kaki ngelaban adat, nya tau ngerumpang pemanah kaul enggau basa entara sida. Kaul entara sida enggau diri sama diri mega tau berubah sereta enda baka selama agi. Nya alai, sida enda tau enda tekala nya nguna adat tauka ngayanka piring ading dikena ngampun penyalah ngagai Petara. Sida pechaya amat ngagai Petara ulih meri berekat ba pengidup sida besehari-sehari. Disimpul ngena jaku pandak, adat tu endang pekara ti pemadu beguna nyadi pelasar pengidup bansa Iban enda ngira endur diau baikka nya di rumah panjai, genturung pendiau di nengeri enggau ba endur bukai. Pengidup bansa Iban deka bulih penyenang enggau pengelantang enti sida ngemeran sereta bepegai rat ba adat. (Dibali ari: Bup Adat Iban: Majlis Adat Istiadat, 1993) UNIT 5 Te ma 3 Adat Iban
57 1. Tanda ( √ ) tauka ( X ) ba reti rambai jaku bechelak biru dalam teks ngena grafik di baruh tu. 1. Terangka reti adat ba pengidup rumah panjai. 2. Giga penerang ari mayuh bengkah sumber sereta tembuka grafik di baruh tu. UNIT 5 Te ma 3 Aktiviti: 2 Latih: 2, 3 Bida tunggu, ukum enggau timbang Tunggu: Ukum: Timbang: 3. Adat beguna bendar dalam pengidup tiap-tiap raban bansa. Tembuka kar gelembung senentang pekara di baruh tu. Empas enti kitai ngelaban adat Rambai Jaku Reti Tanda nerekun ulah nerenak sereta ngibun ulah ti menyana dalam ati nanggam pendiau nanchang pengidup diri empu begulai sejalai seati dalam pendiau enggau pengawa tekelanjur kaki tekelanjur jari sengaja ngereja pengawa ti ngenataika penusah ngagai diri empu tauka orang bukai piring ading kereban tauka rengka pemakai ti diberi ngagai Petara 2. Dalam raban, pejuraika pengawa ngelaban adat tau ngerumpang pemanah kaul. Bantaika asil kita ba mua mayuh.
58 6. Gaga ayat ti ngundan subjek enggau predikat bepelasarka pola ayat baruh tu. UNIT 5 Te ma 3 4. Tembuka grafik di baruh tu bepelasarka pengelandik bekomunikesyen ti engkeman. 5. Kelala pola ayat di baruh tu. Ayat Pelasar Batang ayat ti suah nyadi pugu ke bansa ayat ti bukai. - Suah disebut ayat mudah. - Digaga ari klausa ti disebut subjek enggau predikat. - Ngembuan empat iti tusun tauka pola baka JN + JN, JN + JP, JN + JA enggau JN + JPt. - Ulih nyadi mayuh macham ayat tumbuh. Latih: 5, 6 Ayat Pola Apai Ngelai nya tuai rumah kami di Ulu Manding. Kitai mesti belajarka adat bansa diri awakka kitai dibasa orang bukai. Orang ti diau di rumah panjai ngasi amat ke adat sida. Penyerakup nya siti ari pelasar bejalaika pengidup ba budaya Iban. Pengidup kitai deka lantang enti semua kitai ngemeranka ajar manah sereta beradat. Jaku Nama + Jaku Nama Jaku Nama + Jaku Pengawa Jaku Nama + Jaku Adjektif Jaku Nama + Jaku Penempat Subjek + Predikat Leka jaku adat tu + asal ari jaku Arab. Ayat Nuan diasuh pengajar ngerandau siku tuai raban bansa Iban pasal adat ti dikemeranka di menua sida. Pengelandik maya nanya: Jaku tabi basa Jaku kangau siru Jaku munka randau Eksyen mua Jaku alus Selamat pagi
59 Bacha teks rama di baruh tu. Adat berumah betuntung temetung, adat bumai betangkup punjung, adat ngasu bebagi semeliung, adat napang bekunsi rintung. Rambai jaku tu endang terang bendar ngayanka bansa Iban ngembuan adat ba mayuh bengkah pengawa. Bansa Iban dikelala ari sida ti ngemeranka mayuh bengkah adat ti nyadi lalau pengidup ke endang dititi entali ari aki ini sida kelia. Siti ari adat dalam kategori adat budaya iya nya adat semakai. Adat semakai tu iya nya adat bebalas-balas lebuh ngereja sesebengkah pengawa baikka nya maya pengerami tauka maya bisi penusah. Reti iya, adat tu bepun ari sempekat ti dipesetuju ba aum sida semenua. Sida sama bela ngayanka sukung enggau tulung enda ngira sida nya ripih kaban semak ba pengawa berat baka rabat, tasah ampuh bah, angus rumah enggau pengawa lantang baka gawai sereta pengerami bukai. Ambika chunto, rumah panjai ti semakai Gawai Antu, baka orang ba pelilih menua Betong enggau Saratok sereta sekeda menua bukai endang seruran ngemeranka adat tu. Ba gawai tu sepintu bilik ti bisi berantu sida sebilik nya nikika sekayu rumah panjai. Pengawa baka nya dibalas maya rumah panjai sida bisi nirika gawai nya jemah ila. Nya alai, ngena bendar enti kitai nyemaka pengawa bansa tu ngena sempama berat sama ngangkat, lempung sama nanggung. Kebuah Iban ngemeratka pengawa begotong royong sereta betulung maya ngereja pengawa laban nya endang budaya asal sida. Sida sama bela ngesah penusah diri serumah laban sida endang diri sekaban magang. Ambika banding, sida ukai semina nulung ari segi duit ringgit tang lempung tulang ngereja pengawa ti patut. Pengawa baka tu, ukai semina ba diri serumah aja tang sama mega dikemeranka orang ba rumah panjai ti semak-semak pelilih menua sida. Taja pia, bisi sekeda rumah panjai ti kala semakai suba tau enda semakai agi. Pekara tu nyadi laban bisi penanggul ti enda ulih diseliahka sida baka sempama indah batu tungku tau mih besengki. Kelimpah ari nya tadi, kitai sama nemu endang ari kelia sida endang saum getah saum tanah, saum pendai saum ai, saum asal enggau saum penatai. Diatu, mayuh peranak sebuah-sebuah rumah panjai ari ulu ari ili sida, udah betampil jadi enggau pangan diri. Sida endang niti entali pesan aki ini taja pan adat tu nadai ditulis ba tusun adat tauka atur rumah panjai. Maya bisi pengawa berat sida enda ibuh diansak, enda ibuh ulih ngasuh tang endang tekala nya nurun siku sepintu ngesah pengawa nya. Nya alai, ulah manah sida endang nitihka ajar sempama baka bungkung nyurungka genalu. UNIT 5 Te ma 3 Adat Semakai
60 1. Giga reti sempama ti bechelak biru dalam teks. Udah nya, bantaika ba mua mayuh. Adat semakai tu mai mayuh pemanah ngagai bansa Iban. Pemanah iya, enti sema orang ti dituntung penusah nya ukai orang ti pemisi, ari sukung tauka tulung orang rumah bukai penusah sida nya tau nyadi lempung. Ambika chunto, maya pemati enti nadai disah orang rumah bukai tentu sida nya enda chukup belanja, sida ti semakai nya ngumpul duit tulung pemati nitihka penyampau ti udah diletak. Enti enda chukup tubuh ngereja pengawa baka nyedia sereta mela pemakai, baka beambika kayu api, ruas, ngalu ke pasar bebelika barang sida ti semakai nya beragih nitihka aum ngereja pengawa nya. Pia mega, maya beban lungun tauka sentubung, orang ari rumah panjai bukai endang enda ibuh diasuh endang sama enggau siku sepintu. Pengawa tu dikereja nyentukka tembu sampai ba pengawa nganjung niang ke pendam. Nya alai, sida endang enggau naka ulih bepegai ba sempama baka ubung nitihka jarum. Kepenudi iya, mayuh bendar empas positif ari adat semakai tu. Ukai semina sida ulih betulung enggau diri sama diri tang sida bulih empas bukai baka ulih ngelempungka pengawa, ngurangka belanja, ngerapatka kaul enggau ti bukai. Reti iya, enti sema dalam tiap-tiap pengawa, enda ngira tusah tauka senang sida sigi bepegai ba tuju ti sama. Raban bansa Iban deka dipeda bansa bukai ba tikas sosio budaya ti tinggi ari sukut adat. Adat tu tau ditunda bansa bukai awakka semua bansa ulih begulai rapat enda ngira bansa, jalai pengarap enggau menua. Kitai enda tau nyemaka adat tu enggau sempama raung ke ngandung, pama ke bepenti, lutung ke beketebung empeliau ke bengkak jari. Enti diraup sekali, taja pan ukai semua bansa Iban nemu sereta ngemeranka adat semakai tu baikka nya di rumah panjai tauka ba nengeri tang adat tu patut ditanka. Kebuah pia, pekara tu patut dikerembaika agi awakka nyadi adat budaya semua bansa di Malaysia enda ngira sida bansa Iban, Melayu, China enggau India. Ngena adat tu, kitai dikearapka ulih ngelempungka semua pengawa sereta ulih ngerapatka agi kaul ke endang udah manah selama jaga tu. (Sumber: Penghulu Sela Anak Entalang, 2020). Sempama - Sebagi ari adat basa ti endang dititi entali ari aki ini maya bejaku enggau orang bukai. - Dikena ngayanka penalam enggau peninggi basa bansa Iban lebuh ke begulai enggau pangan diri. UNIT 5 Te ma 3
61 3. Bepelasarka teks lambar 59 ngagai 60, banding sereta bidaka entara adat nya maya begawai enggau penusah ngena kar gelembung gandin di baruh tu. 2. Adat semakai lama udah dikemeranka bansa Iban. Tembuka grafik senentang pemanah adat nya di baruh tu. Adat semakai maya Gawai Antu Adat semakai maya rabat Pemanah adat semakai UNIT 5 Te ma 3 Aktiviti: 2, 3
62 4. Beri situasyen ngagai sempama di baruh tu. 1. Teks ti udah dibacha tadi ngundan mayuh ajar manah. Rintaika pekara nya ngena grafik di baruh tu. Aktiviti: 4 Latih: 1 Sempama Situasyen berat sama ngangkat, lempung sama nanggung indah batu tungku tau mih besengki baka bungkung nyurungka genalu baka ubung nitihka jarum raung ke ngandung, pama ke bepenti, lutung ke beketebung empeliau ke bengkak jari UNIT 5 Te ma 3 Ajar manah Kami serumah seruran besaup ngereja pengawa lebuh bisi pengerami baka maya gawai, bisi pemesai datai nemuai sereta maya rabat.
63 3. Sambung ayat tunggal dalam grafik di baruh tu awakka nyadi ayat turu. Latih: 2, 3 2. Adat di rumah panjai enggau di nengeri bebida. Banding sereta bidaka entara pekara nya ngena kar gelembung gandin di baruh tu. UNIT 5 Te ma 3 Subjek Penerang 1 Penerang 2 Adat asal Iban tu Adat semakai Bansa Iban Orang Betong Pengawa semakai Kitai adat ti udah dikena sida ari aki ini dulu menya. Ayat Tunggal Dibagi ngagai dua elemen ti dikumbai subjek enggau predikat. Subjek nya rambai jaku ti nyadi pugu ayat lalu predikat nya elemen ti nerangka subjek. Ayat Turu Ayat ti digaga ari berakitka dua tauka lebih ayat tunggal awakka nyadi siti ayat baru ti ngundan lebih ari siti klausa. Ayat turu bisi empat bengkah iya nya: i. Ayat turu berakit iii. Ayat turu champur ii. Ayat turu selit iv. Ayat turu pasif Adat di rumah panjai Adat di nengeri
64 Bacha lalu peratika grafik di baruh tu. 1. Dalam raban, kerandauka chara nulis karang. 2. Tulis siti karang bepelasarka grafik nya tadi. Aktiviti: 2 UNIT 5 Te ma 3 Format Karang Penemu Pun Karang - mesti ngundan ayat pugu idea tauka ayat Isi Karang - mesti ngundan pugu isi tauka idea - mesti ngundan ayat isi tauka topik - bisi ayat kerembai - bisi ayat chunto - ayat simpul isi tauka ayat sukung Penutup Karang - ngundan ayat penyimpul penemu Chara ngetanka adat semakai Tanggung pengawa tuai rumah - selalu ngelalau nembiak redak maya bisi pengawa tauka pengerami Tanggung pengawa media massa - mandangka penguntung enti ngemeranka adat tu Tanggung pengawa pengajar - ngajar adat tu dalam kurikulum sekula Tanggung pengawa tuai-tuai raban bansa - mesti nerangka pemanah adat tu ari maya bisi begulai enggau mensia mayuh
65 3. Kelala lalu tulis jaku penyambung dalam ayat turu ba grafik di baruh tu. Tuai rumah kami nurun ke Opis Adat Istiadat Iban di Kuching laban deka betemu enggau pemesai dia. Kami serumah begotong royong ninting bulan awakka kandang rumah panjai kami beresi sereta cherira. Adat basa ti dikembuan kitai ari kelia mesti dikemeranka belama. Enti sema kitai enda beradat orang enda tentu rindu begulai enggau kitai. Rumah panjai kami panjai amat taja pia nadai mayuh orang nguan. laban Ayat Turu Jaku Penyambung Latih: 1 1. Gaga ayat turu ngena leka jaku enggau rambai jaku ti dirintaika dalam grafik di baruh tu. UNIT 5 Te ma 3 Tuai-tuai raban bansa ngansak rayat di genturung pendiau sida beserakup ngambika pengidup sida lantang senang belama. Kenyau ari udah merintah diri Malaysia nadai kala charut taja pan diuan mayuh pupu raban bansa. Leka Jaku Tiap-tiap iku mensia ti idup di dunya tu mesti nitihka atur ti udah ditetapka Petara. atur tebalan jelan budaya derian sigi alas adat basa Ayat Turu
66 UNIT 5 UNIT 1 Bayar ketegal penyalah iya baka tunggu, ukum enggau timbang. Upah ti diberi ke orang dikena mampas iya ketegal pengawa ti dikereja. Atur tauka peneleba ti nyadi budaya ti dikemeranka sekeda bansa. Chunto: Adat basa Chunto: Derian Chunto: Sigi alas UNIT 5 Te ma 3 Tembuka grafik di baruh. Bansa ti ngemeranka adat nya bansa ti menyana. Beri Pun karang: penemu nuan. Reti adat Isi 1: Pemanah ngemeranka adat Isi 3: Chara mutarka penanggul enti orang enda beradat Penutup karang: Simpul penemu Isi 2: Empas enti adat enda dikemeranka 2. Tulis karang bepelasarka grafik di baruh tu. Latih: 2 Adat Iban
67 Tipak situasyen ngena sempama di baruh tu. Nibarka jala enda betating Antu berumah di baruh dagu Batu tungku pan tau besengki Sumpah chuik enggau empitu Baka buyah nabakka diri ke api Bisi niki nibung, bisi niki pinang Enda ulih dirika tali basah, enda ulih dudukka mangkuk belah Belakang bungkuk diasuh ngema pintu, lengan singkung diasuh nyan alu Raung ke beketebung pama bengkak jari, tichak ke beranak engkarung beadi-adi Situasyen Sempama Igap ngemedis diri lebuh ti nguji ngerara laya Dunggau enggau ipar iya ketegal enda setujuka entara umai. Bantan suah bendar mansutka jaku enda berunding dulu maya sida serumah baum ngatur pengawa gawai. Orang ke nyadi tuai anang bechiping adat lebuh mutuska pechara orang ti minta atur sida. “Maya pengerami tu kitai anang enda bejimat bebuti enggau pangan diri indah diri menyadi dih nemu belaya,” ku Tuai Rumah Masing nangkan nembiak iya. Penghulu Sating madahka diri enda nanah sapa-sapa laban sida endang salah ba pechara berebutka temuda enggau orang ari ili rumah panjai sida. Uchak Liman bulih pengiruh sereta rugi mayar ukum laban adi iya ti gawa di nengeri enda kala enggau orang begotong royong di rumah panjai sida. Kitai anang ngelanggar semaya enggau pangan diri enggaika tulah dulu ditinggang penusah ketegal pekara nya. Kitai mesti bejimat mansutka jaku enggau penemu diri laban ari jaku kitai nya tau ngenataika penusah ngagai kitai ti nyebut iya. Jabing endang enggai dichiri orang nyadi tuai rumah nganti apai iya laban ti ngasaika diri enda tetangkupka pengawa nya. UNIT 5 Te ma 3 a. b. c. d. e. f. g. h. i.
68 1. Isi tempat puang ngena leka jaku di baruh tu. ke lalu sereta ari dalam lebuh sereta enggau nyentuk senentang Jaku sempama nya sebagi ari budaya bejaku ba bansa Iban. Sida ngena jaku sempama tu ... pengidup sida besehari-sehari. Sida suah agi besempama ... bisi pengerami baka melah pinang, gawai enggau rami ngambat penatai pemesai ngagai rumah panjai sida. Maya tu sida mantaika jaku tapis ... jaku karung ngena leka main baka jaku nanya indu, geliga, ai ansah, muka kuta, muka kujuk enggau mayuh agi ti bukai. Jaku sempama baka tu disebut sida sempama karung. Tuju jaku nanya indu iya nya dikena ngayanka pemanah rambai jaku ... dikena mandangka orang ti bejaku nya bisi ngembuan basa sereta beradat. Sempama mega dikena sida ngalu petara iya nya siti ... rurun pengawa maya gawai. Tiap-tiap bansa gawai ... diintu sida endang bisi pengawa ngalu petara iya nya bejalai bebala mayuh niti ruai. Orang ke udah dipadu duduk ari atas, nya orang ti nyadi petara ... siku pengari nanya pejalai sida ke niti ruai nya ngena jaku tapis. Nya mih penerang ... jaku sempama ti dipeturunka ari aki ini bansa Iban ngagai anak uchu sida kemaya hari tu. Sekeda jaku sempama nya endang meruan dikena sida ... ke sehari tu. Dalam sekula, jaku sempama dipetati ... dikemeratka ba isi pelajar jaku Iban. Nya mih, kaul jaku sempama dalam budaya bansa Iban. UNIT 5 Te ma 3 2. Gaga ayat turu ngena leka jaku di baruh tu. Leka Jaku Ayat Turu atur bayar mayar kereja ngatur ngereja pesalah penyalah 3. Tulis siti cherita ngena sempama “enda ulih dirika tali basah, enda ulih dudukka mangkuk belah”.
69 Unit 6 TAJAU Tajau ke dikembuan aki ini kitai kelia siti ari reta pesaka ti chukup berega. Nama keresa lama ke agi mengkang dikembuan kita sebilik? Mending enggau Bejaku 1.4.2 Meri respons tekala nya, mantah, nulak peminta enggau nyakal ngena lebas jaku ti engkeman, koheren sereta lanchar. Macha 2.2.3 Macha lalu madahka asai ati penulis ari teks ti dibacha. 4.1.2 Ngaga rebiu bekaul enggau ajar manah dalam leka main. Nulis 3.4.1 Ngerintaika batang pekara ari mayuh bengkah stimulus. 3.4.2 Nulis kedut penerang enggau simpul penemu. 5.2.4 Nukar ayat aktif ngagai ayat pasif enggau ayat pasif ngagai ayat aktif.
70 Gopal, Ming Ho enggau Riena bisi nemuai ngagai rumah sida Ngelai laban deka ngiga penerang bekaul enggau tajau dikena ngaga projek pasal pesaka asal. Pendingka randau tu. 8 Gopal: Apu, mayuh amat tajau kita ke berintai tisi dinding nya Ngelai! Rindu amat aku meda. Ngelai: Tu mih naka tajau ke bisi dikembuan kami sebilik Gopal. Aram angkat semak ngagai tajau nya ngambika ulih beratika silik pasal tukuh enggau motif tajau. Riena: Tentu semua tajau tu beguna amat ngagai kita sebilik nih Ngelai? Nya kebuah tajau tu mayuh amat. Ngelai: Amat nya Riena. Taja pia, enda semua tajau tu dikena magang. Sekeda ke bisi ayan tu semina ke pengias bilik aja. Ming Ho: Aku setuju enggau Ngelai. Aku kala meda orang ngujakka bungai dalam tajau dikena ngias bilik enggau opis. Gopal: Amat ga nya. Aku pan kala meda. Aku rindu meda ukir naga ti bekenarau ngelingi tajau. Kelimpah ari ukir naga, nama agi ukir bukai ke suah dikena ba tajau dih Ngelai? Ngelai: Nadai agi. Endang ukir naga nya mih ke suah dikena ba tajau, Gopal. Riena: Minta ampun Ngelai, aku enda tentu besetuju enggau nuan. Kelimpah ari ukir naga, bisi mega ukir bukai baka motif bungai enggau sulur paku. Ngelai: Oh… amat ga nih! Minta ampun Gopal. Salah penerang ti dipadah aku tadi. Gopal: Au, nadai ngawa Ngelai. Ming Ho: Enti pia, kitai tau bejuraika pasal motif tajau dalam projek kitai tu. Riena: Aku setuju enggau penemu nuan nya Ming Ho. Gopal: Au, tang ba penemu aku, kitai mega tau nulis pasal guna tajau dikena nambahka penerang. Kati ku runding nuan Ngelai? Ngelai: Amat nya. Mayuh agi penerang, manah agi ga asil pansik kitai sebuat. Ming Ho: Enti nitihka ukir enggau motif ke dipeda aku, tajau tu mayuh agi ngena motif jelu. Ambika chunto, ukir naga enggau ular ba enam igi tajau tu. Riena: Ukai semina nya aja, kelimpah ari motif utai idup, motif bintang, bulan enggau mata panas pan bisi mega. Gopal: Eh Ngelai, benda ke mit siti tu manah amat motif enggau tukuh dipeda aku! Deka nuan, aku meli iya? Ngelai: Minta ampun Gopal. Aku enda ulih nyanggup peminta nuan nya laban semua tu reta pesaka kami sebilik. UNIT 6 TEMA 3
Aktiviti: 3, 4 71 1. Keluluka randau nya tadi ngena intonasyen ti engkeman. 2. Ngena chara betawing, kerandauka lalu giga ayat aktif enggau ayat pasif dalam teks randau. 3. Dalam raban, pejuraika guna tajau kelimpah ari ti disebut dalam randau. Bantaika asil kita nya ngena grafik di baruh tu. 4. Saraka penemu pasal pekara di baruh tu ngena lebas jaku ti engkeman sereta bebasa. Pengawa tu dikereja dalam raban penyukung enggau penyakal. Sekeda rambai jaku alus dikena meri respons, mantah, nulak peminta enggau nyakal. Chunto rambai jaku alus baka: • Ba penemu aku, … • Aku setuju enggau penemu nuan … • Minta ampun, aku enda tentu besetuju … • Nama runding nuan pasal … • Penemu nuan nya manah tang … UNIT 6 TEMA 3 Guna tajau Tajau patut dikembuan semua ruang bilik bansa Iban. Reta pesaka tau dijual maya kitai suntuk belanja. Kitai patut gawa ngambika ulih nambahka pengeraja pengidup.
72 1. Padahka tuju penemuai Gopal, Ming Ho enggau Riena ngagai rumah sida Ngelai. 2. Sebut kebuah Riena madahka semua tajau nya beguna amat ngagai sida Ngelai sebilik. 3. Rintaika keresa pesaka lama ke bukai kelimpah ari tajau belalauka grafik di baruh tu. Ayat Aktif Ayat ti ngundan jaku pengawa ke lebih ngemeratka subjek nyadika batang pekara ke diterangka. Chunto: • Bansa Iban rinduka ukir kelingai. Ayat Pasif Ayat ti ngundan jaku pengawa ke lebih ngemeratka objek. Chunto: • Ukir kelingai dikerinduka bansa Iban. 4. Kelala bagi ayat aktif tauka ayat pasif di baruh tu. a. Gopal, Ming Ho enggau Riena dibai Ngelai nemuai ngagai rumah iya laban sida deka ngaga pansik pasal tajau. b. Peminta Gopal ti deka meli tajau mit sida Ngelai sebilik ditulak Ngelai enggau basa. c. Riena mantah penemu Ngelai ti madahka tajau semina bisi motif naga. d. Sida Ngelai sebilik ngembuan mayuh tajau ti nyadi reta pesaka lama enggau pengias bilik. e. Sadang Ming Ho ti mai sida sebuat mansik pasal motif tajau disukung Riena. f. Ngelai madahka bala pangan iya pasal guna tajau ti bukai kelimpah ari nyadi pengias bilik. Latih: 4 UNIT 6 TEMA 3 tawak
73 Jawang Muji Tajau Pendingka leka jawang di baruh tu. (Ditengkebang: Ngabong Anak Katoi, 2020) 9 Ala... medung, Naka mih penyuma, Aku nelengaka rasa ujung dabung, Tak berasai malu aku di lempedu kandang chantung, Laban nyawa enda nekis nyaris inggar berengangung, Penemu tak selebubu enda betampung, Semadi diasuh kita ke betunga duduk betugung, Mantaika leka jawang jaku bekarung, Ngenang pesaka lama bansa kitai, La jawang wai. Ala... lidi, Naka pemanah tajau guchi, Di bilik penaik rumah lelanji, Beukir chenagir gambar gerasi, Ngimbai setawak sendi kendi, Ulih aki kita ke udah rimpi lama lesi, Ari menua nengeri Miri, Ditepanka di luan kapal besi, Nanjak gelenggang gumbang nyadi, Nuntung di perabung rumah lelanji, Lalu dibiau sida iya enggau selanjau ijau manuk lelaki, Dipiring enggau ading asi sungki, Nya ti ngasuh bilik kita pegari manah ditampai, La jawang wai. Ala... tinda, Naka pemanah tajau menaga, Di bilik penaik buka dua, Beukir chenagir gambar naga, Ngimbai setawak sendi benda, Ulih aki kita ke udah rimpi mabun nyaya, Ari menua tanah Malaya, Ditepanka di luan kapal Jokara, Nanjak gelenggang gumbang bebunga, Nuntung di perabung rumah reremba, Lalu dibiau sida iya enggau selanjau ijau manuk banda, Dipiring enggau ading penganan jala, Nya ti ngasuh kita tampak rita ditemu orang bukai, La jawang wai. Leka main pemerindang dikena bebuti lebuh maya bisi pengerami. Iya suah dibantaika dua iku orang ngena chara betimbal-timbal. Tuju jawang tu iya nya dikena muji, meransang, ngenataika serebana tauka ngenang pemansang ti bisi nyadi. Jawang bisi mayuh macham bansa baka: Jawang i. Jawang sinu ati iii. Jawang pemansang ii. Jawang peransang iv. Jawang puji v. Jawang serebana UNIT 6 TEMA 3
74 1. Terangka reti leka jaku di baruh tu. 2. Tembuka grafik di baruh tu. 3. Ngena chara betawing, padahka asai ati penulis senentang tajau. Bantaika asil ngagai bala mayuh. 4. Dalam raban, tembuka grafik di baruh tu. Aktiviti: 2, 3, 4 nekis rimpi ditampai nanjak penyuma berengangung luan nyaya Ajar manah UNIT 6 TEMA 3 Jaku sebar madahka diri enggai nyadaka jawang tang laban diansak bala sida ke duduk dia, iya pan nyanggup ngenang pesaka lama bansa kitai. Reti Jawang Muji Tajau Entelian 1 Entelian 2 Entelian 3
75 1. Ba penemu nuan, sapa bagi orang ti ditujuka jawang tu? 2. Rintaika bansa tajau ti bisi disebut dalam leka jawang tu. 3. Nitihka leka jawang, padahka asal penatai tajau. 4. Kelala elemen gaya jaku ti bisi dikena dalam leka jawang belalauka grafik di baruh tu. 5. Nembiak rebak baru patut rinduka leka main jawang. Tembuka grafik di baruh tu. 6. Tengkebang siti jawang ngenang pesaka lama bukai nitihka kreativiti nuan. Latih: 6 Chara narit ati nembiak rebak baru rinduka jawang Elemen Gaya Jaku Chunto Inversyen Personifikasyen Metafora Enteli UNIT 6 TEMA 3
76 Tajau sebengkah ari kereban lama bansa Iban ti suah bisi ba sesebuah ruang bilik. Nitihka pansik, tajau berengkah bisi di menua kitai ba Borneo tu kenyau ari abad ke-12 iya nya lebuh pedagang ari menua China datai di menua kitai. Dulu menya, tajau dikena nukar barang baka beras, padi, sayur, telu masin, garam, gula enggau mayuh agi barang ke guna kitai besehari-sehari. Tajau Kelimpah ari nya, raban bansa Iban mega bulih tajau ari sida bujang berani ke mai tajau pulai ke menua sepengudah ngayau. Tajau tu suah dikena lebuh maya ngintu pengawa Gawai Kenyalang. Tajau ke bansa tu dipelabaka bisi semengat sereta mai tuah ngagai orang ke beempu iya. Nya kebuah, tajau bansa tu enda tau enda diintu sereta diberi makai. Enti intu enda chukup, dia iya tau mai pemedis ngagai orang ke nguan bilik ti ngempu iya. Sekeda bansa tajau ti pemadu berega ba bansa Iban iya nya tajau Segiu, Ningka, Menaga, Betanda, Rusa, Pantar Rusa, Alas, Salang-alang, Pereni, Lambing enggau ti bukai. Kelia, tajau suah dikena nyimpan padi, beras, tuak enggau barang berega baka emas, gari enggau ngepan asal Iban. Nyau kelama-lama, bansa Iban ngasaika tajau tu sebengkah ari pesaka ke berantu lalu sida arapka tajau ngembuan semengat baka utai idup. Nya alai, iya lalu nyadi reta ke berega sereta kereban ti beguna kelebih agi ba pengawa ritual baka nyadika sabang ngagai manang ba pengawa merubat. Tajau mega nyadika baya sereta kelai lubang orang ke mati. Pia mega, iya dikena ba pengawa ngerapuh bangkai iya nya pengawa ke ngintu pemati orang ke enda temu bangkai tang iya udah ditemu lesi laya sulai. Nyadi, tajau nya mih ganti tubuh iya ti udah parai lalu disenggai sebedau ditumbakka ba pendam. Bacha silik teks di baruh tu. Sebedau bisi undang-undang menua ke nyadi lalau kitai kemaya hari tu, tajau dikena mayar ukum nitihka Adat Tusun Tunggu. Suah agi, atur ke begunaka tajau dikena mayar ukum tunggu nya bekaul enggau penyalah berat baka penyalah munuh, enchuri, ngerusak reta enggau umai orang sereta penyalah bukai ti ngelanggar adat enggau penti pemali. Enti orang ti ditemu ngereja penyalah munuh, iya dipinta mayar tunggu ngena tajau ke tanda adat pati nyawa. Dulu kelia, tajau mega dikena ngambi ulun orang bukai ti deka diambu kitai ke diri sebilik nengah adat nembang ulun. Kelimpah ari nya mega, iya nyadika derian maya jadi melaki bini sereta nyadi pemai orang ke bebini tauka belaki nguai. UNIT 6 TEMA 3
77 Diatu, tajau nyau udah nyadi perengka pengias bilik ke alai sekeda orang rindu ngembuan mayuh tajau nyadika koleksyen. Kebuah pia, mayuh orang rinduka tukuh enggau motif tajau ti bemacham gamal baka motif naga, utai tumbuh, jelu, bintang, bulan, mata panas enggau motif gelumbang tasik. Nya alai, enti nyema sesebengkah ruang bilik nya nadai ngembuan tajau lalu enda tebayarka ukum tunggu ngena tajau nitihka udah diletak, dia ruang bilik nya tadi deka bulih penusah dudi hari. Ari nya, bansa Iban angkun amat ke tajau laban iya nyadika ukur pemisi sesebengkah ruang bilik sereta tanda tikas pengidup siku-siku orang. Nitihka Adat Tusun Tunggu, bansa tajau ti dikena mayar ukum nya bepanggai ba bansa penyalah ti digaga. Reti nya, enda semua bansa tajau ulih nangkup bayar semua bansa penyalah. Jaku Pun Ayat Dikena kitai ngepunka sesebengkah ayat ngambika ayat nya koheren enggau ayat ti dulu. Sekeda chunto jaku pun ayat iya nya: - Keterubah - Nangkanka nya - Kelimpah ari nya - Pia mega - Taja pia - Nya alai - Kepenudi 3. Kedutka pasal guna tajau ke udah dibacha nuan. Aktiviti: 3 1. Kerandauka batang pekara dalam teks nya tadi enggau pengajar nuan. 2. Ngena chara beraban, rintaika guna tajau ngena grafik di baruh tu belalauka teks. UNIT 6 TEMA 3 Guna tajau belalauka teks
78 1. Tusun ripih bansa tajau nitihka tikas rega iya belalauka penerang dalam teks. 2. Terangka kebuah sekeda tajau patut diintu sereta diberi makai. 3. Rintaika bagi penyalah ti enda tau enda dibayar ngena tajau nitihka Adat Tusun Tunggu ngena grafik di baruh tu. Segiu Penyalah ti dibayar ngena tajau 4. Nama kebuah orang Iban angkun amat ke tajau lalu nyadika tajau tu siti ari pesaka? 5. Nama empas enti sema orang ke salah enda tebayarka tunggu? Latih: 4, 5 UNIT 6 TEMA 3
79 6. Tembuka grafik di baruh nitihka teks ti udah dibacha tadi. 7. Tukar ayat aktif di baruh tu ngagai ayat pasif. Ayat Pasif Ayat pasif jaku Iban tau dibagi ngagai tiga raban: i. Ayat pasif enggau jaku pengawa bepenambah pasif. ii. Ayat pasif enggau jaku ganti nama orang kesatu enggau kedua. iii. Ayat pasif enggau jaku bantu pasif kena. 8. Tukar ayat pasif di baruh tu ngagai ayat aktif. Ayat Aktif Ayat Pasif Bansa Iban angkun amat ke tajau laban iya nyadika ukur pemisi sesebengkah ruang bilik. Tajau ti enda diintu tau mai pemedis ngagai ruang bilik orang ke ngempu iya. Mayuh orang rinduka tukuh enggau motif tajau ti bemacham gamal. Sekeda orang rindu ngembuan mayuh tajau nyadika koleksyen. Sida pechayaka tajau ngembuan semengat baka utai idup. Tajau dikena mayar ukum nitihka Adat Tusun Tunggu. Ayat Pasif Ayat Aktif Tingkat pengidup orang kelia ditentuka pemayuh tajau ti dikembuan. Tajau disenggai sida maya ngintu pemati orang ti lesi nadai temu bangkai. Tajau dibai bala Bujang Berani ke tanda sida udah bulih dengah. Barang berega baka ngepan asal enggau emas disimpan sida dalam tajau. Tajau diberi nyadika derian orang ke belaki tauka bebini. Ruang bilik orang ke enda tebayarka tunggu deka ditinggang penusah enti sida enda tebayarka ukum. UNIT 6 TEMA 3 Motif ukir tajau
80 a. Perau ti aka dianyutka bah tunggal tadi. b. Buah jambu ti udah mansau aki ngena sengkuar. c. Kasut adi ti dijembui ba belakang bilik ukui sida Meling. d. Igat endang apai iya ngereja mayuh macham pengawa rumah panjai. e. Semua nembiak pom lima Pengajar Lila sampal datai ngulu kus Sains. f. Sida serumah tuai rumah ngambika beserakup enggau pangan diri. 1. Beri penambah ngagai urat jaku ti diberi ngambika iya nyadi jaku aktif enggau jaku pasif. Leka Jaku Jaku Aktif Jaku Pasif tukar kumbai ambu ukum senggai ubat engkah 2. Pilih leka jaku ti engkeman dikena ngisi tempat puang ba ayat aktif di baruh tu. meda nganyam madamka makai meri nulis dipinta dilalau diajar dijuluk dipanggum ditambat a. Ibu Jelumi tikai bebuah ba ruai kami. b. Menyadi aku ensera Apai Saloi maya pekit nya. c. Mayau nya lauk ti enda ditangkup ba atas mija. d. Sida sekelas udah pemandang bantai pasal sejarah menua. e. Pengajar Rani kami selimpir keretas bechura dikena nulis seentelian dindang. f. Raban pengerara api enggau penyah penusah api ti nganguska rumah nya. 3. Pilih leka jaku dikena ngisi tempat puang ba ayat pasif di baruh tu. UNIT 6 TEMA 3
81 e. Ngengkah ilustrasyen dalam bup skrap. d. Ngiga ilustrasyen ti bekaul enggau pesaka lama ke dipansik. 1. Tukar ayat aktif di baruh tu ngagai ayat pasif. Ayat Aktif Ayat Pasif Suboh rinduka ukir bungai terung nyadika pantang iya. Roslin nusui ensera Apai Saloi ngagai adi iya ba ruai sida. Pengajar Connie nerangka chara ngaga bup skrap bekaul enggau keresa lama. Umang meransang bala pangan iya masuk pekit nulis cherpan ti diatur opis penerang. Ijah nganyam mayuh macham bansa tikai ngambika bisi dijual iya. Ayat Pasif Ayat Aktif Bup cherita nya deka dipulaika Elvin ke librari lusa. Latih ngarang nya patut kita tembuka enggau jampat. Cherita lama patut dikerembaika nembiak rebak baru. Duit aku udah bayar nuan minggu nyin kemari. Kantung gari iya kena tabanka orang bukai. 2. Tukar ayat pasif di baruh tu ngagai ayat aktif. 3. Bemalinka grafik di baruh, gaga siti projek bup skrap pasal siti ari pesaka lama bansa Iban kelimpah ari tajau. c. Nulis pansik pasal pesaka lama ngena semua penerang ti udah digumpul dalam bup skrap. UNIT 6 TEMA 3 b. Ngumpul penerang bekaul enggau pesaka lama ti dipansik. a. Nentuka bansa pesaka lama ti deka dipansik.
82 1. Gaga ayat ngena leka jaku di baruh tu. 2. Isi tempat puang dalam tibak teks di baruh tu ngena leka jaku ti engkeman. Sape tu sebengkah perengka muzik ti tebilang sereta dikerinduka mensia mayuh kelebih agi ba bansa Dayak. Sape (1) ari kayu ke kering baka kepapa, engkabang, meredang enggau merebau. Kayu nya tadi mesti (2) dulu dataika chukup rangkai. Udah nya, baru orang ngaga lubang ba sepiak belakang kayu nya (3) pat. Tembu nebuk lubang, dia kayu nya tadi dijembui baru dikena (4) bagi ke udah dipat. Udah nya, kayu sape lalu (5) . Nangkanka nya, baru orang (6) kayu nya enggau bemacham-macham motif ti (7) kreativiti bansa Dayak. Proses kepenudi iya nya proses (8) kayu sape nya ngena chura ti dikerindu. Saiz enggau tukuh sape enda sama nitihka guna iya sekalika (9) bemain merindang ati diri tauka bemain ba atas panggau. Diatu, sape udah nyadi siti perengka ti ulih ngenataika penatai pemisi ngagai orang ti landik ngaga iya. dijembui ngechat mandangka diempelas digaga ngerangkaika ngukir ngena dikena UNIT 6 TEMA 3 bejakuka merindang nangkan ngingatka dikangauka timbak dipanjah diburu
83 Unit 7 UJAN ENGGAU PANAS Mending enggau Bejaku 1.4.3 Mansutka penemu enggau idea ti relevan sereta nusui peneleba nitihka konteks enggau rampa budaya. Macha 2.3.3 Bejuraika pemanah enteli enggau tukuh jaku betandu. 4.1.3 Berandauka gaya jaku dalam leka main ti didinga. Nulis 3.4.2 Nulis kedut penerang enggau simpul penemu. 5.1.4 Nempa leka jaku bisi reti ti menyana ngena proses ti betul. Nama kebuah kitai suah madahka hari ujan disebut hari jai lalu hari panas nya hari manah?
84 Raban Kelab Geografi SMK Munggu Entawa ti diuluka Pengajar Munai bisi nemuai ngagai Opis Meteorologi Malaysia (MET Malaysia) pampang Nanga Paun laban nambahka penemu senentang gaya hari kelebih agi pasal fenomena El Nino enggau La Nina. Ngelai: Selamat pagi Encik Mohd. Ali. En. Mohd. Ali: Selamat pagi. Nama pejalai kita ke opis kami kitu? Gopal: Kami tu raban Kelab Geografi SMK Munggu Entawa dipinta pengajar kami ngerandau nuan pasal klimet, ubah gaya hari menua kitai tu, bisi hari nuan encik? En. Mohd. Ali: Bisi, manah amat pejalai kita tu. Keterubah iya, aku deka nerangka klimet menua Malaysia. Menua kitai tu dibungkur klimet Khatulistiwa ti nerima ujan enggau panas sepemanjai taun. Reti iya, kitai ngasaika pengembap enggau pengangat ti sebaka sepemanjai hari. Purata tikas pengangat menua kitai setaun iya nya 26°celsius lalu penyampau ujan kurang lebih ari 2500 mm setaun. Nya mih gaya hari selama tu tang bisi ga maya iya nyelai ketegal puput Angin Monsun Timur Laut enggau Angin Barat Daya, angin setempat sereta fenomena El Nino enggau La Nina. Norlili: Pia nih encik? Baka ni fenomena El Nino enggau La Nina mai empas ngagai ubah gaya hari kitai tu dih, encik? En. Mohd. Ali: Baka tu ku iya, El Nino tu nyadi ketegal tikas pengangat arus ai tasik ba Tasik Besai Pasifik bebali angat ukai chelap baka selama urung tiga tauka tujuh taun sekali. Fenomena tu nyadi sepengelama semilan ngagai lapan belas bulan. Maya nya, tikas pengangat arus ai tasik tu ti ngasuh bah besai ngagai menua adap ke barat lalu mai kemarau ngagai menua kitai nyengkaum Australia enggau Papua New Guinea. Ba taun-taun bukai tikas pengangat arus ai tasik di Tasik Besai Pasifik muak ke tengah enggau timur nyadi bebali baruh ari selama. Tu ke disebut fenomena La Nina. Maya tu, kandang menua semak garis Khatulistiwa di Tasik Besai Pasifik muak ke barat embap agi ari selama lalu ngasilka gumpal mua hari ke tebal agi lalu mai ujan bangat. Ngelai: Pia, ulih nuan madahka taun ni fenomena El Nino enggau La Nina kala nyadi di menua kitai, encik? UNIT 7 Te ma 4
85 En. Mohd. Ali: Ulih, menua kitai kala ngasaika nya ba tengan taun 2015 nyentuk ke pun taun 2016 tu suba. Kedua-dua fenomena tu ngubah gaya hari kitai berupai ekstrem ari selama, kadang-kadang ujan berunggu dalam beberapa hari ba ujung taun. Musin kemarau panjai nyadi maya tengan taun, nya ketegal El Nino. Maya nya, kemarau panjai nyadi lalu pengamah angin ba tikas tinggi laban sebun asap ketegal ari ulah mensia ti enda beradat nunu kampung. Ming Ho: Au pia, kati La Nina kala nyadi di menua kitai tu? En. Mohd. Ali: Nitihka pansik bala saintis, La Nina tu bisi tiga kategori iya nya balat, sedang enggau lemi. La Nina ti nyadi maya tu enda tentu balat mai ujan enda baka ti nyadi ba taun 2014 suba. Taun nya suba, ujan balat urung bulan Disember ukai laban La Nina tang laban sintak angin chelap, pusin angin Borneo enggau fenomena Ayun Madden-Julian ba nengeri pantai timur Semenanjung Malaysia. Gopal: O, lenak amat penerang nuan, terima kasih encik. En. Mohd. Ali: Sama-sama, enti kita deka nemu enggau silik agi, kita tau meda ba laman web kami http://www.met.gov.my/ tauka kita tau ngena aplikasyen ba telefon pintar kita iya nya mycuaca tauka Weather Malaysia. 1. Keluluka baru randau nya ngena intonasyen ti engkeman. 2. Ngena chara mija segala, kerandauka dalam raban empas El Nino enggau La Nina ngagai pengidup kitai. Bantaika asil randau kita lalu beri sadang penemu ti relevan sereta engkeman ngagai raban bukai. 3. Tusui peneleba nuan lebuh musin kemarau panjai di menua kita ngena chara bantai asil. UNIT 7 Te ma 4 Aktiviti: 1, 2, 3
86 1. Padahka batang pengawa ti dipegai Encik Mohd. Ali. 2. Pejuraika bida fenomena El Nino enggau La Nina belalauka penerang Encik Mohd. Ali. 3. Ngena penemu ICT, pejuraika empas ubah gaya hari ngagai flora enggau fauna. 4. Rintaika jaku betandu ti bisi dalam teks. Aktiviti: 4 Latih: 2, 3, 4 350 300 250 200 150 100 50 0 J 136 156 94 127 227 181 201 151 234 251 331 314 F M A M J J O S O N D Penyampau ujan (mm) Bulan (Sumber: Jabatan Meteorologi Malaysia, 2020) UNIT 7 Te ma 4 4. Bepelasarka graf di baruh, gaga analisis lalu bantaika simpul penemu nuan. Malin Nulis Simpul Penemu Ripih 1: Analisis data ba bar tiap-tiap bulan. Ripih 2: Kira semua penyampau ti pemadu tinggi enggau pemadu baruh. Ripih 3: Peda penyampau ujan tiap-tiap bulan sekalika niki tauka nurun. Ripih 4: Tulis ngena ayat nuan empu berengkah ari ayat topik lalu diujungka enggau ayat simpul penemu. Ripih 5: Bacha baru lalu edit penyalah jalai jaku dalam simpul penemu nya.
87 Pendingka audio leka main tu. Gaya Jaku Chara nusun leka jaku ti bisi ngundan elemen estetik: Enteli Munyi senimbal ba ujung baris tauka genteran leka main. Aliterasyen Munyi konsonan ti betandu ba siti-siti baris leka main. Asonansyen Munyi vokal ti betandu ba siti-siti baris ayat dalam leka main. Anafora Leka jaku ti betandu ba pun baris leka main. Responsi Leka jaku ti betandu ba tengah baris. Simile Jaku banding dalam genteran leka main. Chunto: munyi, baka, asai, mesai Biau - Dikena minta berekat datai ba batang tubuh, individu tauka raban ke diintu ba sesebengkah pengawa tauka gawai. - Ngajihka pemanah enggau pemujur tau nyadi dalam semua pengawa ke dikereja. - Ngajihka orang ke empu rumah, bilik, sereta enggau pengabang mayuh gerai nyamai lantang senang sereta mujur dalam semua pengawa. UNIT 7 Te ma 4 10 Biau Ngampun Hari Sa, dua, tiga, empat, lima, enam, tujuh, Tak malu mih aku di lempedu kandang dada, Miau kita enggau selanjau ijau manuk banda, Meda mua kita ti besemuka duduk betentang. Enda aku busung ngelangkah gunung, Enda aku tulah ngelangkah tanah, Enda aku danjan ngelangkah bulan, Enda aku lesi bebadi ngelangkah matahari, Enda aku tumbang ngelangkah remang. Kati ku aku enda miau kita dih, Aku ga dituduh aku diasuh bala mayuh, Diasuh nembuka pengawa kitai sehari tu, Pengawa kitai ti ngampun hari ti balat kudi, Ketegal fenomena El Nino, panas nyau ngebo, Utai tanam kitai nyau majak parai nyelempepai, Dikerekai panas ngemauka api nyadi baka bebuli, Seput nyau pedis disirut, Dada penuh karbon dioksida, Ai mata seruran nyaya, Lempuang majak kusang. Minta Petara ngetuka panas ti balat bisa, Minta Petara nyarau kemarau ti panjai rangkai, Anang ga ngasuh ujan datai berentayan labuh nelian, Anang ngasuh menua ampuh bah nganjung penusah, Enggaika kami merinsa tebunsa abis pemakai, Enggaika kami lesi nengali hari sulai nengali lemai, Besampika rampa menua tampak beberak cherira belama, Besampika pengani dunya lantang senang nadai ke timpang. Aku tu ngangauka Petara ti pemadu bekuasa, Ngenjuk berekat nadai besekat nengah adat tali sempekat, Ngambi kitai tu ila tau betuah belimpah, Bedigah mih kitai udah tu ila baka tanah, Nempusung mih kitai tu ila baka bukit, Ngebung baka langit, Bumai bulih padi, bedagang menang bebeli, Belajar bulih PhD, gawa makai gaji, Pendiau lati mansang pegari tampak tebilang.
88 1. Bacha biau ngena intonasyen ti betul. 2. Kerandauka reti leka jaku ti bechelak biru dalam leka main. 3. Tembuka grafik di baruh tu bepelasarka leka main. 4. Tembuka kar gelembung ngena gaya jaku ti engkeman. 1. Padahka kebuah orang ke bebiau tu berasai malu. 2. Rintaika ajar manah dalam leka biau. 3. Terangka tuju leka biau. 4. Naka ni leka main biau tu agi relevan ba pengidup kitai? 5. Terangka kebuah leka main mesti ngembuan gaya jaku ti engkeman. 6. Tengkebang segenteran biau ti betemaka pemeresi rampa menua. Aktiviti: 4 Latih: 4, 5, 6 Aliterasyen Asonansyen Meda mua kita ti besemuka duduk betentang Tak malu mih aku di lempedu kandang dada UNIT 7 Te ma 4 Anafora Responsi Gaya Jaku Simile