139 Nama kebuah sekeda orang bulih pemedis ketegal enda nemu ngatur belanja diri? Sida ti enda bekelimat deka merinsa dudi hari. Mending enggau Bejaku 1.2.1 Meri komen ngena lebas jaku ti engkeman pasal pekara ti didinga nitihka konteks. 4.2.1 Macha sereta meretika tema dalam mayuh bengkah leka main. Macha 2.2.2 Manding mida ti relevan nitihka konteks ti di bacha. Nulis 3.2.1 Nusun idea lebuh nulis enggau mantaika penemu. 3.2.2 Nerangka isi ti beguna. 5.2.3 Mida bagi ayat transitif enggau ayat intransitif. Unit 11 BEJIMAT SEBEDAU PEDIS, BEKELIMAT SEBEDAU ABIS
140 Pendingka pelandai tu. 15 Aku tu ukai tanggi ngayung langit, Ukai ga kelambi ninding bukit, Aku tu baka ingkat ti nemu nyapat lubang kilat, Tang enda nemu mampul lubang guntur, Aku tu bengkang ti nemu mampul lubang nyang, Tang enda nemu mampul lubang lambur, Kita mih Sebaru landik merau diajar ngemudi, Kita mih Tawang landik bedagang diajar bebeli. Tu jaku peransang, jaku kenang kena bedindang, Nuju kitai di rumah panjai kedua di rapi nengeri, Tuai besai enggau nembiak sama-sama diasuh mereti, Enda ngira orang periman sereta ti gawa makai gaji, Anang kitai mabuk enda ditumi, ngabang enda diambi, Pandak mulut engkerasak, panjai mulut kitai, Enti bebelanja anang sengapa utai dikedeka, Kira manah-manah sepiak sen pan bisi rega. Enti duit kitai majak mimit, bisi belanja salah pekira, Kerigai abis tebantai, gawa bebendar nyau naka iya, Anak kitai nyabak, nyawa diperadak sepeneka iya, Reraie minta belika ruti, minta andai, nadai mih didinga, Orang bukai ti makai nangka, orang bukai ti dibalut getah, Enda baka rayah nitihka gendang, tebah nitihka terantang, Bejimat kitai napi pemalat pangka segang pasang, Bekelimat kitai napi pemar rega barang dijual orang. Ukai aku nibarka jala enda betating, Jaku aku tu dikena mutarka pemintar kuing runding, Punka pengawa lati bejual beli nengah arus e-dagang, Laban tak sepemansai pan batu chanai, Enti enda dibai bumai enda mih bulih padi, Setibang pan batu lua kenyalang enti enda ditandang, Enda mih bulih pemenang bulih pemerani. Badu baka ti ngibun padi taun, nubai padi suai, Guna semua pemandai ulih kitai maya besekula, Berengkah ubah ulah, sama ngereja pengawa ti beguna, Tunda pengawa pelin daya menyadi kitai bansa China, Sida nya endang tebilang mansang ba dagang serata dunya, Seleda peluang kereja sebelah media sosial kemaya dia, Minta Petara merekatka semua sama gaga nguan menua, Minta pengaya, minta reta bulih pengelantang belama iya. Pelandai nya sebansa leka main ti diparit leka main moden. Leka main tu dikena mantaika buah runding ti menyana ngena leka jaku ti badas sereta ngengkahka pemanis jaku tapis ke meruan. Pelandai Bekelimat Bebelanja UNIT 11 Te ma 6
141 1. Ngena chara nelusur leka main, sadaka leka main ngena sebut ke terang sereta intonasyen ti betul. 2. Dalam raban, kerandauka reti leka jaku enggau rambai jaku ti bechelak biru dalam teks leka main. 3. Dalam raban, terangka rampa reti tiap-tiap entelian leka main. Entelian Reti Entelian 1 Entelian 2 Entelian 3 Entelian 4 Entelian 5 UNIT 11 Te ma 6 4. Beri komen ngagai isu di baruh tu. Chara mutarka: Nembiak kemaya hari tu mayuh bankrap Kebuah: Empas: Aktiviti: 4 Leka Jaku Reti rayah nyang nyapat lambur ngayung terantang batu chanai orang periman
142 1. Nama tuju penulis nengkebang leka main tu? 2. Rintaika rambai jaku dalam leka main ti ngayanka penulis ngemaruhka diri. 3. Beri sempama ti bisi dalam leka main dikena nipak situasyen di baruh tu. Latih: 5, 6 UNIT 11 Te ma 6 Situasyen Sempama Enti sema kitai ngasaika diri bisi pengelandik bejaku ba mayuh bengkah pekara kitai patut ngemaruhka diri. Ba pengawa bekelimat ngena belanja kitai mesti nunda orang ti bisi penemu sereta pengelandik ba pekara nya. Raman nya orang ke suah mandangka penyegak diri ba mua mayuh taja pan nadai tentu batang pekara ti dikegagitka. Indai James endang beberita nampung cherita ti bedau temu pengamat sereta bejakuka orang ari belakang. Taja pan pemesai bank nya gawa sereta bepegaika duit belama tang ukai reti iya nemu ngaga atur belanja sida sebilik. Taja pan kitai bisi belajar senentang pengelandik bedagang enti enda berani ngambi risiko muka dagang besai enda mih kitai kaya. Pengawa Asong ti landik belicha ba mua mayuh pasal pengawa e-dagang seruran dibantaika iya enda ngira orang rindu tauka enda ke penemu iya. 4. Pejuraika ajar manah bepelasarka leka main. 5. Sida ti enda bekelimat deka merinsa dudi hari. Saraka penemu tu. 6. Terangka pekara dalam leka main ke bisi kaul enggau pendiau pengidup nuan. 7. Kelala ayat aktif transitif enggau ayat aktif intransitif di baruh tu. Ayat Bansa Ayat Kitai mesti nentuka maya tauka hari enti deka meli barang. Orang besai tuai enggau nembiak mesti bisi atur maya bebelanja. Lebuh meli barang di pasar kitai mesti nyaga pengingin ati diri. Licha pasal bekelimat tu nuju orang di rumah panjai enggau di nengeri.
143 Sida Ngelai ari Kelab Penguna SMK Munggu Entawa diasuh pengajar mansik penatai pemisi siku-siku orang. Bacha asil pansik sida dalam grafik di baruh tu. Nama: Bungkong Anak Tabam Umur: 48 taun Tikas pelajar: Degree Pengawa: Pengajar Pengelama udah gawa: 21 taun Penatai Pemisi: Batang gaji: RM5,208.12 Elaun rumah: RM300.00 Elaun servis rama: RM160.00 Elaun mangku pengawa: RM160.00 Elaun bukai: RM781.22 Penyampau gaji: RM6,609.34 Gaji Diputung: Chukai penatai pemisi: RM138.00 Putung rumah: RM1,020.00 Insurans: RM149.00 Personal loan: RM349.00 Angkasa: RM250.00 Amanah Saham Nasional: RM150.00 Penyampau gaji diputung: RM2,056.00 Laluh gaji: RM4,553.34 Purata Belanja Ninting Bulan: Belanja dapur: RM1,000.00 Loan kerita: RM560.00 Bil elektrik: RM105.00 Bil ai: RM13.00 Bil Astro: RM110.00 Bil telekomunikesyen: RM200.00 Belanja sekula anak (4 iku): RM450.00 Meli gari diri sebilik: RM450.00 Meri apai indai: RM400.00 Belanja penabat: RM500.00 Belanja pengerami: RM535.34 Duit simpan tauka tabung: RM230.00 Nama: Panting Anak Entebang Umur: 26 taun Tikas pelajar: Degree Pengawa: Pengajar Pengelama udah gawa: 1 taun Penatai Pemisi: Batang gaji: RM2,222.90 Elaun rumah: RM250.00 Elaun servis rama: RM300.00 Elaun mangku pengawa: RM250.00 Penyampau gaji: RM3,022.90 Gaji Diputung: KWSP: RM333.00 Penyampau gaji diputung: RM333.00 Laluh gaji: RM2,689.90 Purata Belanja Ninting Bulan: Belanja dapur: RM200.00 Loan kerita: RM560.00 Bil elektrik: RM55.00 Bil ai: RM9.00 Sua rumah: RM250.00 Bil telekomunikesyen: RM200.00 Meli gari diri empu: RM450.00 Meri apai indai: RM200.00 Belanja penabat: RM100.00 Belanja pengerami: RM200.00 Duit simpan tauka tabung: RM465.00 Akaun A Akaun B UNIT 11 Te ma 6
144 Aktiviti 1. Dalam raban, tembuka kar gelembung gandin di baruh tu. 2. Pejuraika kebuah Akaun A enggau Akaun B ti enda sebaka. 3. Beri simpul penemu senentang bida atur belanja kita sebilik enggau atur belanja Akaun A. Aktiviti: 1, 2, 3 Latih: 1, 2, 3 1. Ba runding nuan, terangka bagi belanja ti patut dikurangka ba kedua-dua akaun nya. 2. Enti sema nuan pengempu Akaun B, patut tauka enda nuan meri apai indai duit semina RM200.00 aja? Beri kebuah. 3. Sema nuan bisi duit RM2,000.00, terangka chara melanjaka duit nya. Bansa belanja Penerang Penyampau gaji Penyampau gaji Akaun A enda sama enggau Akaun B laban pengempu Akaun A lama agi udah bekereja enti dibanding enggau pengempu Akaun B. Penyampau gaji diputung Penyampau laluh gaji Purata belanja ninting bulan UNIT 11 Te ma 6 Akaun A Akaun B
145 4. Sekeda kitai suah rua belanja. Rintaika chara dikena ngurangka pekara nya ngena kar segala rata di baruh tu. 5. Pejuraika penguntung kitai enti bisi duit penabat. Latih: 4, 5, 6 Chara dikena ngurangka belanja diri Ayat Aktif Transitif Sida Ngelai seraban ngiga pansik pasal penatai pemisi ruang bilik. Ayat Aktif Transitif Panting Ayat Aktif Transitif Batang gaji Ayat Aktif Transitif Bungkong nya Ayat Aktif Intransitif Pengawa Panting Ayat Aktif Intransitif Bil internet Panting Ayat Aktif Intransitif Laluh gaji Bungkong Bansa Ayat Subjek Predikat UNIT 11 Te ma 6 6. Tembuka ayat dalam grafik di baruh tu awakka nyadi ayat aktif transitif enggau ayat aktif intransitif. Ayat Akitif Transitif - Dibagi ngagai 3 chara ngaga iya nya: i. Aktif transitif mai siti objek ii. Ayat aktif transitif mai objek terus enggau objek sangking iii.Ayat aktif transitif mai objek terus enggau rambai jaku penempat nyadi penerang Bisi dikena maya tusah Penguntung enti bisi duit penabat
146 Bacha teks di baruh tu. Pengelandik bebelanja endang patut dikemeranka enda milih nya ba orang besai tuai tauka nembiak. Peneleba enda bekelimat endang patut diseliahka kitai ba jeman diatu laban rega mata duit kitai udah kusut bendar ari ti suba. Ari nya, bebelanja mayuh agi ari penyampau duit ti dikemisi diri tau bendar mai penanggul ngagai kitai. Nya alai, peratika chara ngelimat belanja awakka kitai enda tusut runding enti duit enda chukup ninting bulan. Keterubah iya, kitai mesti nemu ngagihka belanja ba pekara ti patut aja. Kita ke nembiak mesti nemu magi duit ti diberi apai indai dikena maya besekula nya bisi ungkup magang. Kitai mesti nemu bansa barang ti mesti dibeli, patut dibeli enggau iya ti tau enda ibuh dibeli. Apai indai mesti ngajar anak diri nguna duit meli perengka dikena di sekula baka mayuh bansa bup, kereban tulis, pemakai enggau ti bukai. Chara bekelimat tu mai empas ti manah ngagai atur bebelanja enti kitai nemu ngungkupka duit meli barang ti nitihka pematut iya. Nya alai, kitai enda patut bebelanja nitihka pengingin ati diri. Nangkanka nya, kitai mesti nemu ngagihka duit penabat maya pengajar ngasuh bebayar tauka meli kereban sekula baka bup sanding, bup bacha, kalkulator, enggau ti bukai. Kitai mega mesti nemu ngira penyampau ti chukup dikena di sekula lalu enti duit nya bisi laluh, nya patut disimpan dalam tabung. Pia mega, ngena chara nya kitai enda ngasaika diri suntuk lalu enda suah minta ari apai indai. Laluh duit nya enti udah mayuh tau dikena maya suntuk sendat tauka ditambah ngagai akaun kitai. Pengelandik ngelimat belanja dipeda enti kitai nemu nyimpan laluh duit maya bebelanja. Kelimpah ari nya, kitai mesti enggau naka ulih mekal diri enggau pengelandik konsumerisma enggau penemu finansial. Penemu tu mesti diterenak ari mit nyentukka besai tuai awakka kitai semampai bepegai ba chara nya belama. Kebuah pia, ari kitai ti bisi penemu baka nya kitai nemu bida UNIT 11 Te ma 6 Pun karang: Pemuka jaku Pugu idea/isi Paragraf 1 (Paragraf Deduktif) - ngenuluka ayat isi Penanda kaul penemu Paragraf 2 (Paragraf Induktif) - ngenuluka ayat chunto kerembai isi Ayat isi Ayat
147 1. Tembuka genteran karang awakka nyadi karang ti menyana. 2. Tulis genteran karang bepelasarka grafik di baruh tu. UNIT 11 Te ma 6 Dikena nyimpul penerang nya tadi, ari chara-chara ti udah dipejuraika nya, kitai udah nemu bekelimat tu pekara ti patut diperati sereta dipetatika belama. Pekara tu ngajar kitai bekelimat lalu ngemeranka chara ti semitan nya dikena napi pemar rega barang. Nya alai, ngarapka semua kitai ulih bekelimat ngena belanja. Aram mih kitai sama beratika rambai jaku tu; bejimat sebedau pedis, bekelimat sebedau abis. entara bebelanja, nabung duit enggau berutang. Berindik ari nya, Ayat chunto Penutup karang . . Aktiviti: 1, 2 - nyambung pelajar - endang begunaka belanja ti besai - kelebih agi enti sekula di menua tasik Topik karang Kebuah orang berutang Langkar isi Bansa genteran Genteran karang - meli pekayan ti mar sereta benama - enggai enda meli gari iya ti benama - enggai alah laban kaban - ngetanka status sosial - meli kerita baru - nadai besimpanka duit chukup kena meli kerita - loan kerita ti besai - kerita ti benung popular - gaji diputung lebih ari 60% deduktif deduktif induktif induktif - meli rumah baru - endang mar rega - jarang orang ti baru gawa tebelika rumah ngena chara cash
148 1. Kelimpah ari genteran deduktif enggau induktif, pejuraika chara bukai dikena nulis genteran karang. 2. Tulis karang belalauka isi karang ba lambar 146 ngagai 147. 3. Gaga ayat aktif transitif enggau ayat aktif intransitif ngena jaku pengawa di baruh tu. UNIT 11 UNIT 1 3. Belalauka grafik di baruh tu, tusun sereta terangka isi karang ti beguna dikena ngasilka karang. 4. Tulis karang belalauka isi karang ba aktiviti 3. Aktiviti: 4 Latih: 2, 3 - ai beresi ti dikena kitai di rumah patut dikelimat - maya beberus ngeli tauka mandi, ai ti pansut ari paip nya mesti ditutup - biki paip enti bisi nitik tauka tiris - apai indai nemu konsep penatai pemisi - duit simpan = belanja - nyimpan duit nya dalam tabung - bagi belanja ngagai tiga bengkah, duit belanja, duit simpan enggau duit penabat - duit belanja lebih ari patut - duit ke bukai kurang tauka enda chukup - enda chukup duit tiap-tiap bulan - berutang - bisi aplikasyen bebeli barang online - bandingka rega - giga ti pemadu murah - aplikasyen online kena booking hotel murah - mayar ba kaunter Isi karang UNIT 11 Te ma 6 bedaja bejalai berubat bebelika bepakaika beambi ulih beempas pulas betimbah ayah Jaku Pengawa Ayat Ayat Aktif Intransitif - Nya ayat ti ngundan jaku pengawa intransitif ti enda ulih nerima objek. - Ayat tu dibagi ngagai dua bansa iya nya: i. Ayat aktif transitif ti tau ditingkilka. ii. Ayat aktif transitif ti ngundan penerang ti enggai nyadi ditingkilka.
149 1. Kelala bagi ayat aktif transitif di baruh tu. UNIT 11 Te ma 6 2. Gaga lima iti ayat aktif transitif enggau ayat aktif intransitif belalauka gambar tu. 1. Tembuka entelian leka pelandai di baruh tu. Uji ketuka dulu runding kita ti udu pabu, Tanka ati kita napi pemar rega barang, Anang majakka runding maya rangkat niang Begiling, Terenak dalam diri empu ngena penemu baru, Kuasa nemu bedaja ngena chara online, Buka media sosial endur bejual sebarang utai, Dunya , , , . Tiap-tiap ruang bilik mesti bisi ngembuan telefon binching. Bil internet sida Panting sebilik sebulan-sebulan dibayar apai iya. Orang ti ngembuan pengelandik bekelimat bebelanja deka senang dudi hari. Kredit telefon prabayar tau dipasukka kredit seminggu tauka sebulan sekali. Kitai ulih ngurangka streaming video ba telefon ari ti ngena wifi enda bebayar. Data internet ulih dikelimat ngena chara nutup autodownload media ba telefon pintar. Kompeni telekomunikesyen diatu udah nyediaka arus internet 5 Gigabyte sesikin. Chara ngelimat duit belanja diri empu iya nya ngena aplikasyen media sosial ti enda bebayar.
150 2. a. Tanda ( √ ) ba pom pansik chara kita sebilik ngatur belanja nitihka peneleba diri dalam grafik di baruh tu. UNIT 11 Te ma 6 Rua ngena ai Rua ngena karan Masu gari ba dobi Meli barang online Bemain game online Ngaduka pisin buk ba salon Raun tauka bemalam ba hotel Ngaga anggar belanja diri sebilik Masang televisyen besehari-sehari Berapi sereta manduk lauk di rumah Ngemeranka hobi ti kelalu besai belanja Ngemeratka pengerai tubuh enggau mental Ngena mayuh data tauka mayar bil telefon ti kelalu mar Makai di luar kelebih agi di restoran tauka kedai fast food Mandingka rega dulu maya meli barang ba kedai tauka online Bisi pengingin ati ngayanka diri kaya baka ngena barang benama Meli majalah pemerindang enggau surat berita ti enda tentu dibacha Meli barang maya bisi orang promosyen jual murah enda ngira kuantiti enggau kualiti Rindu meli barang maya bisi orang bejual ke rumah tauka tempat kereja taja barang nya agi bisi dikembuan Chara belanja Suah Kala Jarang Penyampau Skor (A+B+C) x 3 = A x 2 = B x 1 = C
151 Kira penyampau tanda ( √ ) nuan dikena meda chara kita sebilik bebelanja. Udah nya, kira penyampau skor lalu tentuka tikas. b. Gaga refleksyen nuan pasal chara kita sebilik bebelanja. Enti nuan udah bekereja jemah ila, perundingka penyampau gaji ti dikearapka nuan sebulan. Udah nya, tagaka chara nuan bebelanja dalam grafik di baruh tu. Kira penyampau, udah nya tusun nitihka pemesai belanja nuan. Tinjau Dudi Hari UNIT 11 Te ma 6 Bayar kerita: RM... Bayar rumah: RM... Duit simpan: RM... Bil ai, karan, telefon: RM... Belanja bukai: RM... Pelajar bala anak: RM... Belanja raun: RM... Apai indai: RM... Belanja rami: RM... Belanja dapur: RM... Pengerai: RM... Meli gari: RM... Penyampau gaji: RM ... Tikas Chara bebelanja Skala Enda rua Jelan pengerua Rua (0 - 20) (21 - 40) (41 - 60)
152 2. Tembuka ayat dalam grafik di baruh tu. UNIT 11 UNIT 1 1. Tanda (√ ) bagi ayat di baruh tu ti ngundan ayat aktif transitif enggau ayat aktif intransitif. UNIT 11 Te ma 6 Kitai ulih ngelimat belanja enti diau di rumah aja. Lampu LED jimat agi energi karan ari lampu kalimantang. Kitai patut meli kereban elektrik ti bisi tiga ngagai lima bintang. Bisi orang enda nemu diri rua belanja taja pan diau di rumah aja. Bil elektrik ti dibayar besai agi enti mayuh energi karan dikena. Kitai mesti nemu energi elektrik ti dikena besehari-sehari enda tau dirua. Berapi ngena dapur karan rua agi belanja enti dibandingka ngena dapur gas. Airkon nya mesti diservis awakka iya beoperasyen ba tikas optimum. Orang ke ngerua karan ba rumah laban sida ngena energi elektrik dua puluh empat jam. Tenaga Nasional Berhad (TNB) bisi ngeluarka tips ti patut ke malin kitai awakka enda ngerua energi karan. Ayat (√ ) Ketegal rega minyak petroleum ti niki ... . Orang ti kurang penatai pemisi deka ... . Isu pemar rega barang ba pasar dunya ... . Orang ke pandai ba pengawa dagang deka ... . Bekunsi kerita enggau bakih nya siti chara ... . Ngena kereban elektrik beteknologi gadung ... . Siti chara dikena napi kos ngidupka diri iya nya ... . Nadai chara bukai, enti deka kaya kitai mesti ... . Menteri besai kitai suah ngelalau kitai ... . Enti sema kita pechayaka Petara bisi kuasa, kitai ... . 3. Tulis siti karang pasal penguntung kitai bekelimat ngena belanja. 4. Tengkebang leka pelandai betemaka konsumerisma.
153 Unit 12 BERANAKKA PUKU Mending enggau Bejaku 1.3.2 Bejaku ngena sebut ti terang sereta lanchar nitihka konteks enggau rampa sosial. Macha 2.1.3 Bekaulka idea penulis enggau idea diri empu ba situasyen baru. 4.2.2 Nerangka lebas jaku dalam leka main ti dibacha. Nulis 3.3.3 Nulis karang nitihka format ti betul. 5.2.2 Ngaga mayuh bansa ayat ti gramatis.
154 16 Pendingka randau Sawai enggau Encik Philip ti udah mujur ba pengawa nanam kulat ngena chara komersial. Sawai: Selamat pagi Encik Philip. Terima kasih laban nuan ulih ngelimpangka awak lalu meri peluang intebiu senentang pengawa nanam kulat tiram. En. Philip: Selamat pagi ngagai nuan mega endu. Sigi udah nyadi tanggung pengawa kitai ke udah mujur bekunsika penemu ti manah enggau orang bukai. Sawai: Encik Philip, berapa pengelama nuan udah ngemeranka pengawa betanam kulat tu sereta baka ni nuan bulih runding deka ngereja iya? En. Philip: Baka tu ku iya endu. Kira bisi dua taun lebih aku udah ngereja pengawa betanam kulat tu. Aku sigi rindu ke pengawa betanam betupi kenyau ari mit. Taja pan aku nyadi pengajar ba sekula tang pengerindu aku ngagai pengawa tu tetap meruan. Enti bisi maya lepa kelebih agi maya ujung minggu, aku sigi ngena peluang nya ngereja pengawa ti baka tu. Sawai: Aku meda kebun kulat nuan tu jelan pemesai sereta meruan diintu. Ulih aku nemu, berapa iku orang ti gawa enggau nuan naka diatu? En. Philip: Naka diatu, aku nadai ngaji orang bukai gawa tang semina dibantu kami sebilik aja. Nya alai, aku empai berunding deka nambahka penyampau bungkah kulat naka diatu. Untung ari asil pengawa kami sebilik tu dibagi aku enggau bala anak menantu ke mantu aku. Sawai: Au, pia iya nih Encik Philip. Baka ni ga nuan ngepunka projek nanam kulat tiram tu dih, sekalika nya datai ari pansik nuan empu tauka bisi ngulu kus nanam kulat? En. Philip: Penemu enggau penau aku ba pengawa nanam kulat tu bepun ari pemuas ti meratika ba internet pasal pengawa betanam betupi. Ari nya, aku pan belajarka teknologi nanam, ngintu sereta ngemataka penumbuh kulat nya nyentuk ke iya tuai lalu tau diketau. Kelimpah ari nya, aku mega bisi betanya sereta bekunsi penemu enggau bala bakih bukai ba media sosial ti udah dulu agi mujur ba pengawa betanam kulat. Sawai: Manah amat penerang nuan nya. Lebuh nuan ngepunka projek kulat tiram tu, berapa ungkus ti dikena nuan? En. Philip: Semua ungkus dikena ngepunka projek nanam kulat aku tu iya nya RM12,000.00. RM10,000.00 dikena aku meli ramu enggau ngaji orang nirika bansal endur engkah semua bungkah kulat. Nyadi, bungkah kulat ti udah diengkah benih kulat nya dibeli aku kediri UNIT 12 Te ma 6
155 ngena rega RM1.20 siti. Aku meli 500 iti bungkah keterubah. Udah nya, aku nambah 500 iti baru. Iya ke bukai nya belanja meli perengka dikena ngintu enggau nyaga kulat ngambika enda dirampit penyakit. Sawai: Pama diri ga penyampau ungkus dikena nuan ngepunka projek tu. Baka ni ga chara nuan ngulihka puku dikena ngepunka projek tu? En. Philip: Ari pengeran ati mih nya endu. Semua puku ti dikena aku ngepunka pengawa nanam kulat tu endang ngena duit simpan aku empu. Aku enda minta bantu subsidi ari perintah laban ngasaika iya agi ulih dikereja aku kediri. Sawai: Nyau ngelimpangka randau tua bekaul enggau puku, ulih nuan bekunsika chara ngelakuka sereta nyual asil kulat nuan? En. Philip: Naka diatu, aku empai nganjung asil ngagai pasar besai. Aku semina nyual ngena chara nganjung ari rumah sebuah ngagai rumah sebuah enggau nyual ngena chara online. Kelimpah ari nya, aku nyual ngagai bala bakih ke dikelala. Diatu, aku ukai semina nyual kulat tang bisi mega nyual bungkah kulat ngagai orang ti deka nguji nanam kulat kediri. Sawai: Encik Philip, ulih nuan madahka penyampau asil kulat enggau penguntung dalam sebulan? En. Philip: Dalam sebulan, aku ulih ngeluarka asil kulat entara 90 ngagai 100 kilogram. Nyadi sekilo kulat nya aku nyual ngena rega RM12.00 aja. Nyengkaum rega bungkah ke dijual, aku bisi bulih entara RM1,500.00 ngagai RM2,000.00 sebulan. Sawai: Encik Philip, sebedau ngujungka randau tua tu, aku minta nuan meri jaku lalau dikena meransang bala mayuh ke lebih agi nembiak rebak baru ngambika ransing agi ati ngereja pengawa betanam betupi. En. Philip: Baka tu iya endu. Pengawa nanam kulat tu ulih dikereja semua kitai semina begunaka pengingin ati ditambah enggau pengerajin. Pengawa tu lempung lalu enda begunaka pengering tulang tang begunaka kitai mesti ngembuan penau sereta penemu senentang teknologi. Ari nya, mesti rajin macha enggau belajar teknologi ari orang bukai tauka menua luar ti udah dulu agi mansang dalam pengawa tu. Enti iya dikereja enggau bebendar tentu iya ulih nyadi dagang ti ulih mansutka asil ti mayuh lalu ulih mega ngangkatka pengidup diri sebilik. Sawai: Sebedau ngujungka randau tu, aku meri besai terima kasih ngagai nuan laban ti enda sanggu ngelimpangka diri berandau sereta bekunsika penemu nuan ba pengawa nanam kulat ngena chara komersial. En. Philip: Terima kasih mega ngagai nuan endu. Arapka pekara ke udah dikunsi aku tadi ulih nyadika malin enggau peransang ngagai raban nembiak rebak baru. UNIT 12 Te ma 6
156 1. Ripihka chara Encik Philip bejalaika projek nanam kulat. 2. Tembuka chara Encik Philip ngagihka puku belalauka grafik di baruh tu. Latih: 1, 2, 3 1. Rintaika penguntung projek nanam kulat tiram ngagai diri sebilik. 2. Pengawa nanam kulat tiram meri penguntung ngagai orang ti ngereja iya. Tembuka grafik di baruh tu. nyual asil Pekara Ungkus (RM) Langkau kulat 500 iti bungkah keterubah 500 iti bungkah baru Perengka bukai Penyampau RM12,000.00 Frasa tauka Rambai Jaku Chunto Chara ngelakuka kulat tiram 3. Padahka agensi perintah ti ulih meri bantu ngagai orang ti deka numbuhka projek betanam betupi? 4. Kelala frasa tauka rambai jaku ti bechura gadung ba teks belalauka grafik di baruh tu. Rambai Jaku Nama Rambai Jaku Adjektif Rambai Jaku Pengawa UNIT 12 Te ma 6
157 Pendingka pantun tu. 17 UNIT 12 Te ma 6 Aih…, Uji anang guai ragak kita nembiak ke bekejengkak mayuh bebala, Kita ke indu enda alah tiu ngetu bejaku ketawa gaga, Mendingka tubuh lemi aku wai menyadi neranting kesuling ruding temaga, Nusun pantun mantaika sanggai engku wai leka kana, Kada mih tu lagi deka nyadi nyaris inggar kela-kela, Ngena di ati kita asi bala pengabang. Aih..., Sebedau tubuh imun aku nusun leka pantun mantaika kitai sanggai leka kana, Dulu aku minta ampun sereta tabi basa, Nyema tusun leka pantun timpang salah dinga, Tak enggai enda ga aku keling aka, Madahka tubuh ruri aku senang ati chukup pengaga-ngaga, Meda kitai betubuh mayuh begelumu duduk bepangkang. Aih…, Anang rawan ninga dek tuan Philip ransing bekereja, Ditantaika aku sedindam beram ai bisa, Ngambika udah nyeradakka ai tuak indai dara, Bemimpi dek lagi tuan laja jenak tinduk di leladi pana pelangka, Enggau orang begau ngembuah sibau mansau di kebun raja, Mimpi rawan dek lagi tuan dibai orang nepan bilun raun ke menua China, Terebai datai ke menua Amerika, Mimpi datai di Gelong disurungka sida Keling Bungai Nuing batu pematak raja, Betemu enggau uchu aki Manang Menjaya ngambi iya ngeretatka nuan ubat seribu guna, Pengaruh udu pemayuh seribu bansa batu gayu lantang senang. Pantun Puji
158 Aih…, Enda lembau mih tubuh pipau aku rerangau ngangau orang Panggau sida Laja, Menua sida Keling Nading pungka lelaki nyaing mutus changka, Nya mih orang lelaki nganjung ke dek wai menyadi puchung lambung dunya, Meri dek tanduk pelanduk ngelung segala, Nyua ke dek tanduk rusa gunja, Besaruk enggau tanduk gigi ular naga, Nya mih orang mai ke dek sakang lia jerenang bisa, Nganjung ke dek puchung chabi padi segala, Ngambi penemu dek bisa baka taring uting babi menua, Tau ajih sebaka enggau enggi pungka lelaki Keling seduai Laja, Semua utai disebut pansut tau nyadi nyata, Utai tanam tau nyadi tumbuh ngilah tanah munggu raya, Ringgit dek ila ukai mimit enda alah lipat jari tunjuk dua, Dagang kulat dek ila apai endun dara, Enda alah pungkang bisi belama-lama, Nyentukka tikas menua antarabansa, Ngambi dek ila tuan asi landik bebeli milang wang. Aih…, Siti da agi tubuh liut aku enggai enda mansut ari mulut dabung nyawa, Kena nanggam dek jemah ila ayam raja, Enti nyema dek udah nyulut lelegit datai di tuchung Bukit Sekuang Kana, Enti dek udah bediri betunda-udi enggau sida menteri pemegai menua, Udah megai kunchi peti duit pematak pengaya, Anang sekali dek enda ingatka tangkai menganda, Enggaika lebu iya ila gayu udah bekeradai kereja, Enti dek ninga sida di menua bisi serebana merinsa kepapa, Seripitka dek mimit anak ringgit wang ke belanja, Ngambika dek ila keling kenu semampai dikerindu dikenang belama, Utai ulih dek ila deka mudah datai muntang. UNIT 12 Te ma 6 (Ditengkebang: Madiah Nyingat, 2020)
159 1. Sadaka pantun nya. 2. Terangka reti leka jaku di baruh tu belalauka pantun. Aktiviti: 3, 4 3. Giga reti tibak pantun ba grafik di baruh tu. 4. Pejuraika dalam raban, pengawa bukai ti ulih ngenataika asil enggau jampat kelimpah ari betanam kulat. UNIT 12 Te ma 6 Leka Jaku seripitka nyulut puchung lembau timpang ditantaika nyeradakka Utai tanam tau nyadi tumbuh ngilah tanah munggu raya. Kena nanggam dek jemah ila ayam raja. Anang sekali dek enda ingatka tangkai mengandai. Ngambi dek ila tuan asi landik bebeli milang wang. Reti: Reti: Reti: Reti:
160 Latih: 2, 3, 4 5. Tembuka kar kayu di baruh tu belalauka pantun. 1. Padahka lalau orang ti bepantun ngagai orang ti dituju leka pantun nya. 2. Pejuraika ajar manah ti ditemu nuan dalam pantun. 3. Enti nyema nuan mujur nyadi orang dagang dudi hari, peragamka chara nuan bekunsi penguntung tauka nulung orang bukai kelimpah ari diri sebilik? 4. Tembuka frasa di baruh nyadi ayat tunggal. UNIT 12 Te ma 6 Rambai Jaku Rambai Jaku Adjektif Rambai Jaku Pengawa Rambai Jaku Nama deka mudah nyulut lelegit landik bebeli beram ai bisa duduk berintai kita ke nembiak udah bekeradai papan pelangka rerangau ngangau Frasa Ayat Tunggal
161 Sebedau berengkah ngaga projek nanam kulat tiram, Encik Philip enggau anak iya bisi merambu atur belanja dikena ngemujurka projek iya. Iya minta sanding penemu anak iya ke bisi belajar ba bidang akauntan ngatur perambu belanja senentang projek iya nya. Taja pan puku ti dikena iya ngepunka projek enda besai tang pengeran ati ti ngasuh iya ransing lalu mujur. Di baruh tu, penerang belanja ti dikena Encik Philip ngepunka projek kulat tiram. Peratika silik. Debit RM Kredit RM Duit simpan 10,000.00 Papan 1” x 6” x 12’ 1,400.00 Duit gaji 2,000.00 Ramu 2” x 4” x 12’ 2,200.00 Ramu 2” x 3” x 12’ 2,100.00 Ramu 1” x 2” x 12’ 1,300.00 Atap spandeks 12’ 1,200.00 Kain mesh chelum 100% 1,500.00 Paku lawang 150.00 Bungkah kulat 1,200.00 Gaji orang ngaga bansal kulat 800.00 Barang bukai 150.00 Penyampau puku 12,000.00 Langgur Penerang Belanja Projek Nanam Kulat Tiram UNIT 12 Te ma 6 Bansa kulat ti pemadu tebilang nyadika produk komersial di dunya nyengkaum kulat shiitake (Letinula edodes) enggau kulat jerami padi (Volvariella).
162 Ayat Turu Berakit Ayat Turu Selit 1. Kerandauka penerang belanja ti diatur lalu dikena Encik Philip ngepunka projek nanam kulat tiram iya. 2. Kira rega tiap unit perengka ke dikena Encik Philip belalauka langgur belanja iya. 3. Giga leka jaku penyambung ti dikena dalam ayat turu berakit enggau ayat turu selit dalam teks belalauka grafik di baruh tu. Gaga ayat ngena jaku penyambung nya tadi. Perengka Kuantiti Rega seunit Penyampau rega Papan 1” x 6” x 12’ Ramu 2” x 4” x 12’ Ramu 2” x 3” x 12’ Ramu 1” x 2” x 12’ Atap spandeks x 12’ Kain mesh 35 25 50 50 20 4 RM1,400.00 RM2,200.00 RM2,100.00 RM1,300.00 RM1,200.00 RM1,500.00 UNIT 12 Te ma 6 Aktiviti: 3 Ayat Turu Berakit Leka jaku penyambung iya nya enggau, tauka, sereta, tang, taja pia, ukai semina enggau ti bukai. Ayat Turu Selit Ayat turu selit relatif Chunto: ti, ke Ayat turu selit komplemen Chunto: pasal, senentang Ayat turu selit penerang Chunto: Penerang kebuah: ketegal, laban; Penerang empas: sampai, nyentuk ke Penerang pinta: sema, enti; Penerang besakal: taja pan Penerang pengadang: ngambika, awakka Penerang maya: sebedau, kenyau, suba, ila, kala, seraya a. b.
163 1. Maya deka berengkah ngereja sesebengkah projek, kitai patut ngaga perambu belanja. Tembuka grafik di baruh tu. 2. Kelab Betanam Betupi SMK Munggu Entawa deka bejalaika projek nanam kulat tiram. Tembuka perambu belanja bepelasarka langkar perambu di baruh tu. Pemanah merambu langgur belanja Penerang Belanja Projek Nanam Kulat Tiram Kelab Betanam Betupi SMK Munggu Entawa Debit RM Kredit RM 1,000.00 Meli bungkah tiram 550.00 Penyampau Penyampau Duit kelab UNIT 12 Te ma 6 Latih: 1, 2
164 3. Mayuh chara ngulihka puku dikena bejalaika sesebengkah projek. Tembuka grafik di baruh tu. Chara ngulihka puku projek nanam kulat tiram SMK Munggu Entawa 4. Gaga ayat tunggal lalu gaga ayat turu ngena jaku penyambung ti engkeman ba grafik di baruh tu. 5. Tulis surat pekirum rasmi ngarika kelab betanam betupi sekula kita minta pemendar nemuai sambil belajar ngagai siti kebun kulat tiram di menua kita. UNIT 12 Te ma 6 Latih: 3, 4, 5 Ayat Tunggal Ayat Turu • Encik Philip rindu ke pengawa betanam. • Encik Philip rindu nanam kulat tiram. • Kulat tiram berega. Encik Philip rindu ke pengawa betanam baka nanam kulat tiram laban iya berega.
165 Rintaika rambai jaku nama, rambai jaku pengawa enggau rambai jaku adjektif ke bechelak biru dalam ayat di baruh tu. a. Iya bidik nanam kulat. b. Kulat tiram nya agen antioksidan sereta ulih nyaga pengerai. c. Mayuh bansa pemakai asil ari produk kulat tiram bisi dijual ba pasar besai. d. Untung asil ari nanam kulat mayuh agi enti nguna puku ari duit simpan diri empu. e. Orang dagang mesti landik ngatur ungkus lebuh numbuhka projek nanam kulat tiram. f. Proses ngeluarka produk kulat patut dipejalaika diri empu dikena ngurangka ungkus projek. a. Bala nembiak enggau pengajar sekula SMK Munggu Entawa numbuhka projek nanam kulat. b. Iya nyual kulat tiram ngagai pasar besai sereta ari rumah ke rumah. c. Ungkus belanja dikena numbuhka projek nanam kulat tiram enda mayuh tang begunaka pengelandik ngatur belanja. d. Pekebun kulat ulih minta bantu subsidi ari opis betanam tauka agensi bukai dikena ngulihka puku. e. Anak Encik Philip belajar nyentuk ngagai tikas degree ba universiti dalam bidang akauntan. f. Pengawa nanam kulat tiram enda begunaka belanja ti besai laban ungkus puku enda tinggi. 1. Tentuka subjek enggau predikat dalam ayat turu di baruh tu. UNIT 12 Te ma 6
166 2. Kelala ayat tunggal dalam ayat turu selit di baruh tu. Ayat Turu Selit Ayat Tunggal a. Kereban ke dibeli Pengajar Munai nya mayuh amat. b. Rak kulat ti digaga sida empu udah tembu. c. Sida seraban baum pasal projek nanam kulat. d. Iya rindu ke pengawa betanam laban ulih nambahka penatai pemisi diri. e. Kami serumah bisi nanam chabi ngena chara fertigasyen ti dipejalaika gerempung nembiak. f. Pasal Encik Philip ke nanam kulat tiram ngena chara komersial endang tau ditunda. 1. Gaga ayat turu berakit enggau ayat turu selit ti engkeman belalauka rambai jaku di baruh tu. 2. Tulis siti ripot senentang projek betanam betupi ti udah dipejalaika di sekula kita. UNIT 12 Te ma 6 anak belanja besai puku mayuh untung ungkus tetap dandang besai pengeran ati a. b. c. d. e. f.
167 Mending enggau Bejaku 1.4.2 Meri respons tekala nya, mantah, nulak peminta enggau nyakal ngena lebas jaku ti engkeman, koheren sereta lanchar. Macha 2.3.2 Nentuka penemu enggau kuing runding penulis. 5.1.1 Ngelala struktur leka jaku. Nulis 3.4.1 Ngerintaika batang pekara ari mayuh bengkah stimulus. 4.4.3 Nulis karang bepelasarka sempama. Unit 13 ORANG ASAL DALAM KONTEKS UNESCO Kati nuan kala ninga pasal UNESCO? Nemu nuan reti akronim nya?
168 Bacha silik penerang tu. United Nations Educational, Scientific and Cultural Organization (UNESCO) ditumbuhka nengah kerejasama antarabansa ba bidang pelajar, sains, enggau budaya. Program UNESCO endang besenutuk enggau tuju Sustainable Development Goals (SDG) ti dipasukka dalam Agenda 2030 ke dibantaika dalam Aum Besai PBB taun 2015. Pengelantang dunya ukai semina bepanggai ba pengentap politik enggau ekonomi aja tang mega bepelasarka penyerakup intelektual enggau moral mensia. Ari nya, UNESCO ngangkatka pelajar dikena mantu rayat dunya ti nadai pemenchi enggau ulah ti enda besabi enggau pangan diri. Nya alai, UNESCO deka bejalaika tanggung pengawa nyapai tuju keempat SDG iya nya nentuka tiap iku nembiak nerima akses pelajar ti bekualiti. Ari promosyen pasal waris budaya mega, UNESCO ngembuan tanggung pengawa nanggam kaul ti rat entara menua lalu bejalaika program saintifik ti nyadi pelasar ngagai pemansang enggau kerejasama antarabansa. Nitihka pansik, 40 persen ari populasyen rayat dunya nadai akses ngagai pelajar ti ngena jaku ke diperetika sida. Nya alai, ‘Pelajar Ungkup Semua’ nyadika chuan UNESCO bejalaika pengawa nyediaka akses pelajar ti bekualiti ngagai nembiak ari raban bansa Orang Asal kelebih agi ngagai nembiak indu, nembiak ari ruang bilik ke seranta enggau nembiak ari etnik minoriti. Atur UNESCO tu udah ngamatka langgur pengawa ba ‘Pelajar Ungkup Semua’ enggau Konvensyen Hak Nembiak ti befokus ngagai Orang Asal ke lalu nyediaka bantu teknikal ngagai Forum Tetap PBB bekaul enggau isu Orang Asal. Tanggung pengawa UNESCO tu endang bekaul enggau pengerembai kereban pedagogi ti engkeman nitihka budaya enggau jaku sereta ngemataka instrumen antarabansa dalam pekara: • Pelajar ungkup Orang Asal. • Human rights enggau pengelantang pelajar. • Pelajar entara budaya. • Pelajar dikena ngemenyanaka sekayu dunya sereta penemu Orang Asal. • Transmisyen tauka pindah penemu. • Guna jaku asal nyadi jaku pelajar sekula dalam pelajar bilingual tauka multilingual. Siti pekara ti tentu nyadi tanda tanya ngagai kitai, iya nya nama kebuah UNESCO berat amat ke pemansang Orang Asal? Nemu nuan? Orang Asal diau ba serata dunya lalu ngembuan sereta ngena 22 persen tanah global di dunya tu. Penyampau sida ti dianggarka bisi 370 ngagai 500 juta iku nya ngarika mayuh macham budaya sereta lebih kurang 7000 bansa jaku ti bisi dikena ba dunya tu. Mayuh raban Orang Asal napi seraka sosial ti prejudis, tikas penyeranta ti tinggi sereta pengawa ti ngelanggar human rights sida. Nya alai, UNESCO enggau naka ulih nyukung lalu mantu sida napi penanggul tu sereta meri aku ngagai sida dalam pengawa ngetanka diversiti budaya enggau landskap biologikal. Enti enda pia, udah tentu sekeda ari raban bansa minoriti deka lenyau lalu nabanka identiti bansa nya munyi ku jaku tuai, tengelam nama enggau rita. UNESCO UNIT 13 TEMA 7
169 Urat Jaku Seleka leka jaku ti ditulis serara ari jaku ti bukai lalu iya nadai diberi penambah. 1. Kerandauka urat jaku ti bisi dalam teks ngena chara betawing. 2. Ngena chara beraban, terangka reti leka jaku di baruh bepelasarka guna iya dalam teks. besenutuk besabi nanggam akses minoriti instrumen prejudis aku diversiti identiti 3. Ngena chara mija segala, kelikuhka pasal pengawa ngambi tanah endur Orang Asal ngidupka diri ti majak nyadi di menua luar. Aktiviti: 3 Jaku Sangkal Jaku ti dikena madahka pengasai enda setuju enggau sesebengkah penerang. Iya dikena ngayanka penemu ngena penerang ke negatif baka leka jaku ukai enggau nadai. UNIT 13 TEMA 7
170 1. Padahka tuju UNESCO ditumbuhka. 2. Pengelantang dunya ulih dipeda ari mayuh sukut. Tembuka grafik di baruh tu. 3. Sebut penanggul ke ditapi Orang Asal ti ngujungka sida enda bulih human rights? 4. Terangka konsep ‘Pelajar Ungkup Semua’. 5. UNESCO ditumbuhka nengah kerejasama antarabansa. Pejuraika grafik di baruh tu. Latih: 4, 5 Penteba pengelantang dunya Kebuah UNESCO ngemeratka pemansang Orang Asal UNIT 13 TEMA 7
171 Jaku Bansa Orang Asal Dikelala damun ari kayu, dikelala buah ari langgu, dikelala basa ari penyiru, dikelala bansa ari jaku. Nya mih rambai jaku ti nunjukka jaku nya beguna bendar dikena ngayanka identiti siku-siku kitai. Siti ari fokus pemansang UNESCO iya nya bekaul enggau human rights Orang Asal kelebih agi dalam bidang pelajar sekula ngena jaku asal tauka jaku tangkai mengandai. Nitihka penemu UNESCO, jaku ukai semina nyadika medium komunikesyen, pelajar, sosial, integrasyen enggau pemansang tang mega nyadika repositori ngagai identiti siku-siku orang, sejarah budaya, tradisyen enggau pengingat. Nya kebuah, UNESCO ngaga pansik enggau ripot dikena mantu ngemansangka pelajar ti ngena mayuh jaku asal kelebih agi ba taun-taun keterubah besekula. UNESCO mega nyediaka licha ti berat ngagai tanggung pengawa pengajar jaku bansa Orang Asal kelimpah ari meri latih ngagai raban Orang Asal. Taja pan jaku tu berega amat tang sekeda jaku di dunya tu ti majak lenyau-selenyau balat ti ngirauka ati. Ari nya, United Nations tauka PBB udah netapka taun 2019 nyadi Taun Jaku Tangkai Mengandai dikena nambahka pemereti ati sida seraya ke meri penguntung ngagai Orang Asal ti endang bejaku ngena jaku tangkai mengandai. Kelimpah nya mega, tuju Taun Jaku Orang Asal tu iya nya meri apresiasyen ngagai Orang Asal ti udah nambahka pengaya budaya ba dunya tu. Bisi lima pekara ti nyadika lalau UNESCO lebuh ti bejalaika program Taun Jaku Orang Asal 2019: i. Nambahka pemereti ati, pengawa bebaik enggau kerejasama antarabansa. ii. Nyediaka situasyen ti meransang pengawa bekunsika penemu enggau pengerembai chara idup ti manah bekaul enggau Orang Asal. iii. Integrasyen jaku tangkai mengandai ti standard. iv. Ngering sereta meri kuasa nengah kapasiti tanggung pengawa. v. Penumbuh enggau pemansang ari penerang penemu baru. Nangkanka nya, UNESCO mega ngatur pengerami ‘Jaku Nadai Entara’ nyerumba Hari Jaku Tangkai Mengandai tikas antarabansa ti diintu ninting 21 Februari tiap taun. Buah runding pasal Hari Jaku Tangkai Mengandai tikas Antarabansa (IMLD) tu siti ari inisiatif Bangladesh lalu dikemendarka maya Aum Besai UNESCO 1999 sereta diperatika serata dunya kenyau ari taun 2000. Nengah program tu, jaku ti ngelui entara menua ulih meransang dialog pengelikun sereta mantu ngetanka waris asal bansa. Budaya enggau linguistik ti bebida sereta mayuh bansa tu nyadika kunchi kena nyerakupka rayat pupu bansa enggau menua ngambika ulih nerima lalu bebasaka jaku enggau chara idup pangan diri. Jaku bansa ti ngelui entara tu dikumbai dinamik laban iya ulih meri peluang ngagai budaya enggau tradisyen Orang Asal ti ngempu jaku nya ngerembai nitihka pemansang dunya. Bacha silik teks tu. UNIT 13 TEMA 7
172 1. Kerandauka tuju “Taun Jaku Orang Asal” tu diatur. 2. Sulu jaku “Jaku Nadai Entara” meri mayuh pemanah. Ngena chara beraban, tembuka grafik di baruh tu. Aktiviti: 2 Ba menua Malaysia, bansa Iban mega tau disebut sebagi ari bansa Orang Asal tang bisi tauka enda kitai kala berundingka ni naka tikas jaku bansa Iban dikelala ba mata dunya? Kitai sama bela enggai enti nyema jaku asal kitai lenyau sereta enda ditemu raban nembiak ke dudi. Nya alai, kitai mega beempu tanggung pengawa ngetan lalu ngerembaika jaku Iban ngagai tikas ke tinggi agi ngambika dikena raban bansa bukai lalu mega ulih nyadika jaku penemu enggau ekonomi. Pemanah “Jaku Nadai Entara” UNIT 13 TEMA 7
173 besekula berega pemereti ngeramika dikemendarka bebida nyerakupka 3. Ngena chara betawing, kelala jaku tumbuh ti bisi dalam teks belalauka grafik di baruh tu. 1. Ari ni penatai idea ti bekaul enggau Hari Jaku Tangkai Mengandai tikas antarabansa? 2. Tembuka grafik di baruh tu. Jaku Tumbuh Bepenambah Pun Jaku Tumbuh Bepenambah Ujung Jaku Tumbuh Bepenambah Kepit 4. Ngena chara berunding-betawing-bekunsi, kelala urat jaku dalam jaku tumbuh di baruh tu. pengingat Jaku Tumbuh Dipenyadi ari urat jaku ti diberi penambah lalu nyadi jaku tumbuh. Bisi tiga bengkah jaku tumbuh: i. Penambah pun ii. Penambah ujung iii. Penambah kepit Ngatur Taun Jaku Orang Asal 2019 UNIT 13 TEMA 7 Inisiatif UNESCO ngangkatka jaku Orang Asal
174 3. Beri penambah ngagai leka jaku di baruh tu ngambika nyadi jaku tumbuh. 4. Rintaika jaku tumbuh bukai ti bisi dikena dalam teks bepelasarka chunto di baruh tu. Udah nya, gaga ayat nuan ngena leka jaku nya. Latih: 4, 5 5. Ba penemu nuan, baka ni jaku ti bebida ulih nyerakupka rayat pupu bansa enggau menua? diperatika UNIT 13 TEMA 7 08.00 basa • bebasa • dipebasaka jaku kereja sedia pelaba jalai
175 Baka wi tampung tali, Baka rutan tampung danan, Baka nya kami rebak dudi, Ngeratan jeman nitihka turan, Enti enda diri sapa agi, Enti enda diatu kemaya dianti, Enggaika ila iya tau danjan. Jaku tangkai mengandai, Ditelah dilah chukup manah, Ditiu siru ngasuh ati tau labuh pengerindu, Jaku tuai nyadika turai, Ke tungkat enggau bejalai, Malin adat nyadi pengingat. Diatu, dunya udah chukup mansang, Anak mensia enggai tinggal sesingkang, Korus: Taja jaku bukai ngerembai, Dikena nuntut pemandai, Anang ngeleka jaku kitai, Pegai teguh enggaika sulai, Laban nya pesaka bansa, Mali keleman enda sagi padam, Ohh... ohh... ohh... ohh... . Ohh... ohh... ohh... ohh... . 175 Peratika leka lagu tu. UNIT 13 TEMA 7 Jaku Tangkai Mengandai , , , , , , , , .
176 1. Jaku tangkai mengandai beguna amat dalam pengidup kitai. Tembuka grafik pasal guna jaku tangkai mengandai di baruh tu. 1. Ngena chara beraban, kerandauka batang pekara dalam entelian lagu ba lambar 175. 2. Terangka reti sempama “baka wi tampung tali, baka rutan tampung danan.” 3. Tembuka baris lagu dalam teks ngena leka jaku ti engkeman. 4. Sadaka lagu nya ngena tiun ti engkeman nitihka kreativiti. 5. Tembuka grafik di baruh tu. 2. Gaga ayat ngena leka jaku tumbuh ti bechelak biru dalam tibak lagu. 3. Pejuraika kebuah kitai patut angkunka jaku tangkai mengandai. UNIT 13 TEMA 7 Guna jaku tangkai mengandai Aktiviti: 3 Latih: 2, 3 Gaya Jaku Asonansyen Aliterasyen Anafora
177 4. Jaku tangkai mengandai ulih dikerembaika ngena mayuh macham chara. Tembuka grafik di baruh tu. 5. Pejuraika pemanah belajarka jaku tangkai mengandai bepelasarka grafik di baruh tu. 6. Tulis siti karang belalauka sempama “baka wi tampung tali, baka rutan tampung danan.” UNIT 13 TEMA 7 Chara ngerembaika jaku tangkai mengandai ngemasukka jaku tangkai mengandai dalam sistem pelajar sekula Latih: 5, 6 Pemanah belajarka jaku tangkai mengandai jaku tangkai mengandai enda midang
178 a. Raban Pengerara Api enggau Penyah Penusah udah mujur api ti nganguska rumah panjai nya. b. Nembiak sekula endang masuk aktiviti kokurikulum ti bisi diatur ba sekula ngambika ulih nambahka penemu enggau pengelandik. c. Malaysia ngembuan rayat ti datai ari mayuh pupu raban bansa tang enggau pengelikun tetap ulih diasaika. d. Jaku bansa Maori udah lalu dikena ba sekeda menua baka New Zealand enggau menua adap ngagai Eropah Utara. e. Kitai patut orang bukai enda ngira biak tauka tuai laban nya ngayanka ulah enggau integriti ti tinggi. f. United Nations udah mayuh atur pemansang global ti nyengkaum semua bansa enggau menua di dunya tu. 2. Isi tempat puang di baruh tu ngena jaku sangkal ti engkeman. a. “Aku enggai mantu nuan laban aku pan benung begantung senduk,” ku Alim madahka Aya Juing. b. “ aku bup graf, ukai enggai nyali nuan,” ku Shirley madahka Suda. c. “ kami mai laptop nuan ke tinggal ba librari,” ku Liman madahka Gerry. d. “Aku enggau bemain ba padang tadi, salah orang nuan,” ku Tarang madahka Paul. e. “Kami nyangka nuan tang deka nentuka pengamat cherita,” ku Jara madahka Mary. 3. Tipak sempama di baruh tu enggau reti ti engkeman. Sempama Jaku ngelambung langit. Enggai engkachau. Karam di darat. Sendat penyan. Nadai seling kain. Reti Angus rumah. Rapas belanja tauka suntuk. Tinggi jaku tauka sumbung. Enda meretika sesebengkah utai. Buruk gawa tauka ngelusu. 1. Isi tempat puang ngena leka jaku tumbuh di baruh tu. ngerembai madamka bejalaika pengelantang diperansang bebasaka UNIT 13 TEMA 7
179 1. Kemetulka jaku tumbuh ti salah dalam ayat di baruh tu. a. Radin enggau Bugi endang sebakih ari mit lalu begulai manah baka diri menyadi. b. Siku ari kitai sebuat mesti berani bejaku lalu dipantai asil aum kitai tu ba mua mayuh. c. Maria ngulihka lumur satu dalam Pekit Nulis Ensera Iban ti diatur Komiti Budaya Iban. d. Semina kami serumah aja enda beranjung pengari dalam pekit nya laban ti enda ampit berita. e. Tugu Menua Malaysia nyadika pengingat kitai ngagai sida ti udah diambun nyawa ngetanka menua. f. Ekonomi enggau pemansang menua manggai amat ba penyerakup semua pupu raban bansa. g. Kitai patut berani nyemekih enggau orang bukai dalam pelajar sekula ngambika enda tinggal pemansang. h. Jaku tangkai mengandai patut belajar ngagai bala nembiak rebak baru kenyau ari sida agi mit ngambika jaku kitai enda midang. 2. Gaga ayat ngena sempama di baruh tu. UNIT 13 TEMA 7 baka buyah nabak diri ke api uduk ke penyalak enda ngetup terebai kubung enda besayap geraji mata dua nusuk kajang kerupuk munsang bebulu manuk lembut mumban teruju ai arang abis besi enda mansau baka lingku semina tau kena mantun
180 1. Gaga dua iti jaku tumbuh ari tiap-tiap urat jaku di baruh tu. Ruang bilik ke ngembuan pengerindu sereta penyiru nya begunaka apai indai ti nemu leju ngirika madu pengerindu ngagai bala anak. Apai indai patut bendar penyiru ngagai bala anak semina ba maya sida agi mit aja tang ba umur sida taja pan sida udah besai tuai. Ajar enggau tangkan ngena jaku ti alus sereta siru lebih bala anak. Dikena nempa penyiru mega, apai indai patut seruran enggau bala anak, nanyaka ati enggau pekara ke anak besehari-sehari. Sida mega patut meri peransang sereta sukung ngagai pengawa ke dikereja anak sereta penemu anak. Taja pia, anang mega tak anak nyema sida bisi ngereja pengawa ke salah tauka mansutka runding enggau jaku ke enda manah. 3. Tulis siti karang bepelasarka sempama ‘‘ujan emas di menua orang, ujan batu di menua diri, manah agi ga di menua diri.’’ ubat Urat Jaku Jaku Tumbuh 1 Jaku Tumbuh 2 2. Isi tempat puang ngena leka jaku di baruh tu. begulai ditapi ukai dikerinduka enda pengasai ngayanka mendingka nejuka sepemanjai saup mata terang pensiang semaya sempulang UNIT 13 TEMA 7
181 Mending enggau Bejaku 1.4.3 Mansutka penemu enggau idea ti relevan sereta nusui peneleba nitihka konteks enggau rampa budaya. Macha 2.3.4 Macha lalu nyaraka penemu bepelasarka teks informasional enggau fungsional. Nulis 3.2.3 Nyukung penemu ngena evidens ti dipilih dikena ngemanahka asil tulis. 4.1.2 Ngaga rebiu bekaul enggau ajar manah dalam leka main. 5.2.1 Ngelala konstruk ayat. Unit 14 HAK PENGEREJA PENGAWA BA GEREMPUNG ANTARABANSA Siti ari gerempung antarabansa iya nya International Labour Organization (ILO). Nemu nuan kebuah gerempung tu ditumbuhka?
182 International Labour Organization tauka ILO iya nya gerempung ti nyaga pengereja pengawa ba tikas antarabansa. ILO ditumbuhka ari sempekat Treaty of Versailles ba taun 1919 sepengudah Perang Dunya Keterubah. Ba taun 1946, ILO nyadi sebuah agensi tetap United Nations tauka UN. Opis gerempung nya diatu bepalan ba Geneva, Switzerland. Diatu, ILO udah dipasuk 187 menua di serata dunya nyengkaum Malaysia. ILO tu mih gerempung ti keterubah iya dipejalaika ngena struktur triparti ke nyengkaum tiga pengari iya nya perintah, pengaji enggau pengereja pengawa. Semua proses ngaga pemutus aum mesti bepanggai ba tiga pengari tu. Struktur tu dipeda unik laban nadai kala organisasyen antarabansa udah ditumbuhka bisi pengari pengereja pengawa enggau pengaji dalam proses bejuraika pekara lalu sama bisi hak ngaga pemutus aum nya. Meri peluang sama rata bulih pengawa enda ngira indu tauka lelaki nya tuju tauka visyen gerempung tu ditumbuhka. Peluang nya dikearapka ulih meri penguntung ngagai semua, bibas, rentang, likun sereta ulih ngemuaska ati semua orang. ILO ngemeranka empat batang pengawa senentang standard pelasar pengawa iya nya hak pengereja pengawa, pengawa ti dikereja, pengelikun sosial enggau dialog sosial. Reti nya, ILO tu nyaga hak pengereja pengawa awakka enda diayahka pengaji sida. ILO mega nyaga pengelikun pengereja pengawa di serata dunya nengah Universal Declaration of Human Rights tauka UDHR nya siti gerempung dalam UN. Gerempung tu udah besetuju begulaika beberapa bengkah artikel ba sempekat antarabansa senentang ekonomi, sosial enggau budaya nitihka Artikel 6-8 ba Pekara 23 baka di baruh tu: i. Semua orang bisi hak ngereja pengawa, milih pengawa, ngasaika situasyen gawa ti kondusif enggau nyediaka pengelikun ba sida ti nadai kereja. ii. Semua orang sama rata, bisi hak nerima gaji ti sama ba kereja ti sebaka. iii. Semua orang ti gawa bisi hak nerima upah ti setipak enggau penguntung ari pengawa ti dikereja awakka iya enggau sida sebilik ulih ngasaika diri nyadi mensia ti bisi rega sereta beguna lalu ulih diangkat manah agi nitihka pematut enggau chara-chara bukai ba pengelikun sosial. iv. Semua orang bisi hak numbuh sereta masuk gerempung pengereja pengawa dikena nyaga pengelikun sida. Pendingka teks tu. International Labour Organization 18 UNIT 14 TEMA 7
183 Nambahka nya, ILO tu ngaga sereta netapka standard pengereja pengawa nembiak mit, pengereja pengawa orang timpang pendiau, diskriminasyen pengereja pengawa, bibas begerempung, human rights, pengelikun maya beranak, pinchin, pengawa berubat ti sama rata enggau mayuh agi. Nya alai, ngena standard tu semua orang enda milih sida nya nembiak mit tauka orang timpang pendiau bisi hak sereta dijaga gerempung tu. Nangkanka nya, mayuh deklarasyen ti udah dikeluarka gerempung tu endang betikas universal sereta diteritka ba semua menua di serata dunya tu enda ngira tikas pemansang ekonomi. Deklarasyen tu enggau nyemetak nyebut, raban-raban ti diserangkung dalam nya nyengkaum orang ti enda bekereja enggau pengereja pengawa migran. Deklarasyen tu mega besetujuka penemu, ukai semua pemansang ekonomi ulih nyamin ekuiti, pemansang sosial sereta ulih munaska penyeranta pengereja pengawa. Ari penerang nya tadi, kitai udah beratika pemesai bungkur pengawa ILO. Gerempung tu mayuh bendar ngeluarka konvensyen enggau dokumen undang-undang pengereja pengawa dikena nyaga hak pengereja pengawa di serata dunya tu. Semua konvensyen nya endang nyaga sereta ngelindung hak pengereja pengawa ti ngujungka ba taun 1969 gerempung tu bulih Nobel Peace Prize. Nya alai, diatu gerempung tu endang nyaga kitai ti nyadi pengereja pengawa. (Dibali ari: https://www.ilo.org/global/lang--en/index.htm) UNIT 14 TEMA 7
184 1. ILO ngembuan mayuh tuju enggau visyen. Kerandauka dalam raban senentang pekara nya ngena kar sukung di baruh tu. Bantaika asil kita ba mua kelas. 2. Pejuraika dalam raban kebuah diskriminasyen ngagai pengereja pengawa suah nyadi. 3. Mayuh bengkah isu ti bisi dalam teks. Rintaika chara mutarka isu ngena langkar di baruh tu. 4. Bansa Iban nya bansa ti suah pegi tauka bejalai ngiga kereja ngagai menua bukai. Tusui cherita senentang peneleba nuan ninga serebana sida ti ditipu ejen sereta pengaji. Sadang mutar Pengereja pengawa nembiak mit Orang ti nadai batang pengawa Pengereja pengawa orang timpang pendiau Bibas numbuhka gerempung Pengereja pengawa migran Diskriminasyen pengereja pengawa indu enggau lelaki Isu Aktiviti: 2, 3, 4 UNIT 14 TEMA 7 Tuju enggau Visyen ILO
185 ILO tu gerempung ti keterubah iya dipejalaika ngena struktur triparti ke nyengkaum tiga pengari iya nya perintah, pengaji pengereja pengawa empu. 1. Padahka kuasa ILO ti nyadi gerempung pengereja pengawa. 2. Tusui kebuah struktur tripati ILO tu. 3. ILO ngemeranka mayuh pelasar pengawa belalauka teks. Tembuka senentang pekara nya ngena kar gelembung di baruh tu. 4. Padahka chara ti patut dikereja pengereja pengawa enggaika ditipu pengaji sida. 5. Ukai semua pemansang ekonomi ulih nyamin ekuiti, pemansang sosial sereta ulih munaska penyeranta pengereja pengawa. Beri penemu nuan senentang pekara tu. 6. Patut tauka enda menua kitai ngambi pengereja pengawa ari menua luar? Beri penemu nuan. 7. Kelala lalu rintaika ayat turu sereta garis jaku penyambung ti nyambung ayat nya ari teks ba lambar 182 enggau 183. Latih: 4, 5, 6 Empat pelasar pengawa ILO UNIT 14 TEMA 7
186 Kelab Karier ti betuaika Gopal bisi diasuh pengajar ngiga mayuh bengkah pugu penerang pasal mayuh bengkah isu pengereja pengawa ti diayanka ba internet dikena ngaga bup skrap kelab sida. Bacha pugu penerang di baruh tu. Reti pegi iya nya pansut ari menua diri begigaka utai ke dijuluk ati tauka laban bisi utai berat deka digiga. Pengawa pegi tu endang sebengkah ari daya idup bansa Iban ari kelia. Pengawa tu dikena ngelai nembiak ti baru ngangkatka diri bujang belajar ngidupka diri nyadi mensia ti beguna. Sida diperansang pegi kelebih agi ngagai menua tasik. Tuju sida pegi iya nya laban ngiga pengawa dikena ngulihka duit, pengaya pengeraja enggau prestij ari sukut sosial. Ari nya sida ulih munka pengidup baru sereta udah tau nirika ruang bilik diri empu. Sida pegi ketegal bisi pengelandik enggau pemandai gawa dikena gawa perintah, kompeni baka raban profesional, kompeni kapal, industri petroleum enggau ti bukai. (https://suarasarawak.my/2019/05/16/bejalai-betungkatka-adat-2/ ) Konsep Pegi • My Metro: 10 Februari 2019, 44 iku ari 47 iku peranak Sarawak ti ditan ba Jil Provinsi Banteay Meanchey, Phenom Penh, Kemboja ketegal sida kena tipu di menua nya. Sida disemayaka gaji besai tang ke bendar iya dipejal gawa ba sindiket judi. • Utusan Borneo:15 Januari 2020, siku lelaki ti beumur 40-an enda ulih pulai ke Malaysia lebuh ti kena tipu dipadahka bisi pengawa begaji besai di Maldives. Iya semina ulih ngeripot diri ngagai duta Malaysia di Sri Lanka laban nadai duta Malaysia ba menua nya. • My Metro: 26 Julai 2019, di Johor, ejen pengiga pengawa ti bepalan ba Taman Johor Jaya, nipu siku lelaki beumur 32 taun, rugi RM8,000 ketegal deka gawa ngumpul buah di Australia. Eksploitasyen Pengereja Pengawa • Berita Online: 7 Februari 2019, Opis Menteri Luar nganjung nota diplomatik ngagai Kemboja dikena mansutka rayat Sarawak ti ditan di menua sida ketegal ditipu ejen. • Opis Menteri Sumber Mensia deka mansik kes 200,000 iku pengereja pengawa nembiak mit enda nitihka atur ba Ordinan Pengereja Pengawa sepemanjai taun 2018. • Opis Menteri Sumber Mensia deka ngepunka perang ngagai pengawa bedagangka mensia enggau pengereja pengawa pejal enggaika kes baka di Wang Kelian, Perlis taun 2015 suba nyadi baru. Isu-isu Pengereja Pengawa 1 Mei tu Hari Pengereja Pengawa ti diintu ninting taun ba tikas antarabansa. Maya tu semua pengereja pengawa dikemendarka peremisi ba 80 buah menua. Hari tu keterubah diintu di Paris, Peranchis ba taun 1891. Berengkah ari tu mih pengereja pengawa minta gawa semina 8 jam sehari. Di Malaysia, hari tu belabuh diakun nyadi hari peremisi berengkah ari 20 Mei 1972 seraris enggau Konvensyen International Labour Organization. (Dibali ari: Jabatan Tenaga Kerja Semenanjung Malaysia – Kementerian Sumber Manusia 2019) Hari Pengereja Pengawa UNIT 14 TEMA 7
187 Jaku alus maya nyakal penemu. Chunto: - Aku minta ampun, ba penemu aku, - Aku agi deka nangkir penemu nya tadi, - Aku enda berapa setuju, - Munyi ti salah jaku aku, - Salah jaku seleka, - Runding aku bedau entap enti aku bedau mantaika penemu diri, 1. Kerandauka pekara dalam grafik di baruh tu. 1. Rintaika kebuah bansa Iban nurun pegi dulu kelia. 2. Opis Menteri Sumber Mensia mayuh tanggung pengawa. Rintaika tanggung pengawa opis nya ngena kar gelembung di baruh tu. Tanggung Pengawa Opis Menteri Sumber Mensia Gawa di menua bukai bisi penguntung enggau pengerugi Kebuah nyukung Kebuah nyakal Raban penyukung: Raban penyakal: UNIT 14 TEMA 7 Aktiviti: 1 Latih: 2
188 Ayat Turu Champur Ayat Turu Pasif Tuju sida pegi iya nya laban ngiga pengawa dikena ngulihka duit, pengaya pengeraja enggau prestij ari sukut sosial. Di Malaysia Hari Pengereja Pengawa belabuh diakun nyadi hari peremisi berengkah ari 20 Mei 1972 setipak enggau Konvensyen International Labour Organization. Latih: 4, 5 3. Padahka kaul ILO enggau Hari Pengereja Pengawa ti diintu ninting 1 Mei. 4. Terangka kebuah sekeda orang ti pegi ngiga pengawa kena tipu. 5. Pejuraika chara minta bantu ari orang ti bekuasa sema kita kena tipu ejen pengiga pengawa. 6. Giga ayat turu champur dalam pugu penerang lalu tembuka grafik di baruh tu. 7. Giga ayat turu pasif dalam pugu penerang lalu tembuka grafik di baruh tu. Ayat Turu Champur - Dipenyadi ari sebengkah ayat ti ngundan dua tauka lebih ayat tunggal enggau ayat turu tauka mayuh bengkah ayat turu. - Tau disambung enggau tanda ( , ) enggau jaku penyambung baka lalu, laban, tang, ti, sekalika, tauka enggau ti bukai. Ayat Turu Pasif - Ngundan jaku pengawa transitif lalu ulih ditukar ngagai ayat aktif. UNIT 14 TEMA 7