89 Gaya hari ti ekstrem nyadi laban musin kemarau enggau musin ujan enda baka selama. Musin kemarau tau beminggu-minggu baka nya mega musin ujan. Siti ari kebuah pekara tu nyadi, iya nya ketegal fenomena El Nino enggau La Nina. Kedua-dua fenomena tu nyadi ba menua-menua di barat Tasik Besai Pasifik. Menua nya kemarau taja pan enti nitihka pematut iya ujan bangat. Baka nya mega, maya menua tu patut nerima ujan tang nyadi kemarau panjai. Pekara tu mega ngasuh gaya hari berubah sereta bebida ari selama kelebih agi dalam empat ngagai lima taun ke udah. Tikas pengangat ai tasik sepemanjai teluk Amerika Selatan Musin chelap ti angat ari selama Tasik Besai Pasifik Tasik Besai Pasifik UNIT 7 Te ma 4 Nitihka pansik saintis, gaya hari dunya dalam taun 2015 suba, pemadu iya angat. Malaysia napi kemarau panjai ti ngujungka hari balat besebun, tikas pengangat niki-seniki, ai langkang sereta angin kamah. Fenomena tu nyadi dalam timpuh ti lama. Kampung enggau palan mensia betanam betupi angus diempa api. Ari nya, mensia mayuh napi sereta ngasaika tikas pengangat hari enggau tikas pengamah angin ti tinggi berengkah ari tengan nyentukka ujung taun. Empas Fenomena El Nino enggau La Nina
90 Nangkanka nya, fenomena tu mega ngasuh ai di dunya tu majak langkang. Penanggul tu ngujungka kurang sumber ai beresi ke guna domestik, kedai enggau industri. Iya mega, mai penanggul ngagai industri betanam betupi, kelebih agi ba pengawa betanamka padi. Tu ngujungka stok beras kurang sereta enda tetapika peminta mensia mayuh. Nya kebuah, rega iya niki-seniki dalam taun 2010 suba. Nambahka nya, fenomena El Nino enggau La Nina tu ngasuh tikas pengangat ai tasik tinggi-setinggi. Penanggul tu ngerusak ekosistem ai tasik besai ti ngasuh terumbu karang majak kusi-sekusi. Iya nyekat proses reproduktif ikan ti ngujungka ikan majak kurang. Penanggul tu mai pengerugi ngagai orang berikan. Nyata bendar, fenomena El Nino enggau La Nina meri empas ti besai bendar ngagai mensia, flora enggau fauna. Nya alai, kitai mesti merambu langkar pengawa ti semitan dikena napi penanggul ti datai ari fenomena tu jemah ila. Enti menua kitai likun sereta beresi, pengidup kitai deka lantang belama. UNIT 7 Te ma 4
91 1. Ngena chara mija segala, kerandauka enggau pengajar nuan pasal batang pekara dalam teks. 2. Kedut penerang ari teks rama ba lambar 89 ngagai 90 awakka nyadi sesuku ari leka jaku ba teks asal. 3. Kelala jaku betandu ti bisi dalam teks. Udah nya, tulis dalam kar kayu di baruh tu. UNIT 7 Te ma 4 Jaku Betandu Penuh Jaku Betandu Sebagi Jaku Betandu Karang Kedut Dikena ngemandakka teks ngambika penyampau leka jaku mimit agi ari teks asal. Teknik Ngedut Teks - Buai leka jaku baka pun ayat, jaku bantu, jaku tiap, jaku pengenap tesa, jaku penguat enggau penerang tauka chunto, ngena leka jaku ti engkeman, ngena rampa reti enggau nyambung ayat. - Bacha ngelansa teks, tentuka tema, garis pugu isi sereta buai leka jaku. Tulis baru pugu isi. Gaga ayat baru belalauka isi ti udah dipilih lalu edit ayat nya. Kira semua leka jaku ti udah ditulis. 4. Ngena kar kayu, tempa jaku adjektif turu enggau jaku bekaling sebut bepelasarka grafik di baruh tu. Udah nya, gaga ayat nuan empu ngena jaku nya. Jaku Adjektif Turu Nyadi ari dua leka jaku ti dikena nyeritaka jaku nama. Chunto: mirah darah Jaku Bekaling Sebut Seraban ari jaku betandu ti ditulis enda ngena tanda sekang ( - ). Chunto: burak bebetau Leka Jaku Jaku Adjektif Turu Jaku Adjektif Bekaling Sebut mirah darah beguai kasai Aktiviti: 2, 3, 4
92 3. Padahka penusah ngagai kitai enti fenomena El Nino nyadi ninting taun. 4. Gaga ayat ngena jaku adjektif turu enggau jaku adjektif bekaling sebut di baruh tu. Latih: 1, 2, 3, 4 UNIT 7 Te ma 4 Gaya Hari Fenomena Empas Ekstrem El Nino La Nina enggau 1. Padahka kebuah gaya hari ekstrem nyadi ba menua kitai tu. Udah nya, terangka chara ti semitan dikena nyeliahka diri ari empas ubah gaya hari ekstrem. 2. Tembuka grafik di baruh tu. Jaku Adjektif Turu Ayat padi puli kusi ransi ujan nelian tanah buah lama laun gadung daun badas memelan petang tegayam Jaku Bekaling Sebut Ayat
93 1. Tembuka leka biau ngena leka jaku di baruh tu. 2. Tipak leka jaku di baruh tu awakka nyadi jaku bekaling sebut ti engkeman. Kami minta ... minta lansik, Minta betuah minta ..., ... gerai minta nyamai, Minta ...minta embap, Aku ngangauka ... ti bekuasa, Iya ti disembah ..., Iya ti disembah ini, Iya ti disembah apai, Iya ti disembah ..., Petara ti ngaga dunya ti ngaga ..., Petara ti ngaga ..., anak uda, Nuan ti nyaga pengidup kitai ..., Ari diatu nyentuk ke belama iya. UNIT 7 Te ma 4 aki indai chelap Petara belimpah bidik minta mensia serega anak mensia kelia sakit burak chelap chelum lantang mansau merinsa kundang singkung lengit kasang menya lindap senang bebetau mensena lunggung ngelintum chechinang
94 1. Tembuka kar gelembung gandin di baruh tu. 2. Tengkebang siti genteran leka main biau ti betemaka rampa menua. Aktiviti dikereja maya musin ujan Aktiviti dikereja maya musin kemarau Belajar Bepelasarka Projek Definisyen Maya Kebuah Empas Langkar pengawa: a. Projek tu dipejalaika dalam raban. b. Giga penerang ti silik pasal fenomena El Nino enggau La Nina ari mayuh bengkah sumber baka bup sanding, internet, majalah, surat berita enggau ti bukai. c. Sepengudah bulih kereban sanding kita dipinta ngambi, nyalin, nyelak sereta ngalihka penerang nya ngagai jaku Iban. d. Tusun penerang sereta kedutka penerang nya. e. Enti udah tembu, kita mantaika asil di mua kelas. Pekara ti patut digiga kita nya baka: UNIT 7 Te ma 4
95 1. Isi tempat puang ngena leka jaku di baruh tu. kin kitu siku-siku tikai bidai ngasu beburu buba ensenga changuk-changuk manah-manah besehari-sehari bumai betaun nginau nenggau nanggul nekul bendang-bendang a. Gaya pengasai ati ... sehari nya suah dibiuh pemanah gaya hari maya angkat dani pagi. b. Ketegal hari nadai ujan sereta diumba kemarau panjai, bulan nyau ... ayan di langit mingkai. c. Orang ti gawa di luar rumah baka bekebun, berikan enggau ... endang begunaka gaya hari ti manah. d. Hari belunggur ujan ulih ngenataika penusah baka ampuh bah, tanah tusur sereta jalai lichin ti ... orang ti deka nurun gawa. e. Orang rumah panjai enda duduk ... di rumah tang ngereja pengawa baka nyanggit pukat, nyeruri jala, ngansah duku enggau ti bukai. f. Maya hari kemarau aki Sandum suah ngaga tampun dikena nan ... sereta naut keli. g. Maya lepa pengawa di tanah, bala sida Rosita serumah berengkah nganyam ... sereta nenun pua kumbu. h. Orang kelia nemu magi taun, bulan, hari enggau jam bepelasarka penumbuh mata panas enggau bulan di langit ba pengidup sida .... . i. Taun kitai Iban diitung bechuanka pengawa ... berengkah ari pengawa manggul, nebas, nebang, nunu enggau ti bukai. j. Bansa Iban nemu ngintai maya ikan ngaban tauka nyaru, ngiga bubuk, keli, lelabi, pama sereta ... jelu dalam babas bepelasarka bulan di langit. k. Kemaya hari tu, pemindah mensia ..., enda tentu begunaka gaya hari ti manah laban kitai udah bisi sistem pengangkut beteknologi moden. l. Pelajar pasal rampa menua baka gaya hari, fenomena El Nino enggau La Nina endang bepelasarka penemu sains enggau astronomi lalu kitai patut mansik ... laban nya endang bekaul enggau gaya pengidup kitai. UNIT 7 Te ma 4
96 2. Gaga mayuh bansa ayat ngena leka jaku di baruh tu. 3. Tulis simpul penemu belalauka grafik di baruh tu. Leka Jaku Ayat bebesai degi-degi bidik lansik rangai-rangai terunda-runda teterang rapit-serapit dalam-dalam chelap embap badas-sebadas Statistik Tikas Pengangat Ninting Bulan di Malaysia, 2019 UNIT 7 Te ma 4 Bulan Purata ( ºC ) Januari Februari Mac April Mei Jun Julai Ogos September Oktober November Disember 27.9 27.7 29.1 27.6 27.4 28.6 28.0 27.0 28.6 27.8 27.5 26.9 Purata tikas pengangat 27.8 (Sumber: Jabatan Meteorologi Malaysia, 2020)
97 Mending enggau Bejaku 1.1.1 Mending sereta meri komen ngena chara ti bebasa. 1.1.2 Ngayanka respons ke engkeman ngena penerang ke silik. 4.1.1 Mending enggau lenak sereta nyadaka leka main. Macha 2.3.4 Macha lalu nyaraka penemu bepelasarka teks informasional enggau fungsional. 5.2.5 Nempa mayuh bansa ayat ngena struktur ayat ti betul. Nulis 3.1.1 Merambu idea nitihka tuju, audiens enggau konteks. 3.4.2 Nulis kedut penerang enggau simpul penemu. Unit 8 PENGERAJA ASAL Baka ni pengeraja asal tau mai pengelantang ngagai kitai? Nama pengeraja asal ke bisi ba menua kitai?
98 Pendingka pelandai tu. 11 UNIT 8 Te ma 4 Pelandai Pengeraja Asal Menua kitai amat tebilang kaya, Mayuh penatai sumber asal pengeraja, Ari tasik, ari kampung sereta temuda, Pengeraja asal kenyau ari kelia, Petroleum enggau gas semampai dikereja, Serata menua ngenataika belanja, Mai pengaya, mai mega kuasa, Sama bela, sama rata genap mensia. Tiang telaga rentang nyau bekechegit, Ngebung tinggi nujah remang langit, Bisi ba tanah tinggi din atas bukit, Bisi ba emperan menasan tanah rapit, Bisi mega ba tengah tasik dalam, Petroleum dilembang siang enggau malam, Berani mih sida bujang ganggam, Nyambung paip sambil nyelam, Atas kapal dalam kontena, Pengeraja asal dijual serata dunya, Bisi dianjung ke menua Amerika, Bisi mega ke Jipun, menua Korea. Taja pia, anang enda ngira, Utai dudi anang enda dijaga, Tau abis semua pengeraja, Enti sepeneka kitai ngereja, Diatu senang diatu kaya, Dudi ila enda kitai nemu gaya, Enggaika nembiak anak sendia, Nadai penyenang idup merinsa. Pengeraja asal patut disimpan, Patut ditan, kereja enggau jelan, Awakka panjai kitai ngasai penyenang, Menua mansang rayat senang. Petroleum Iya nya jantil ari jaku Greek petra (batu) enggau oleum (minyak) sebansa likuid ti chelum sereta liat ti disebut mega emas chelum. Leka jaku “petroleum” berengkah dikena tebangkar mineralogi ba taun 1546. Lembang Endur ngulihka pengeraja asal ari dalam tanah. (Ditengkebang: Timothy Salang, 2020)
99 1. Ngena chara nelusur leka main sadaka pelandai ti udah didinga ngena intonasyen ti engkeman. 2. Kerandauka batang pekara ti dikenang ba dalam pelandai ngena chara berunding-betawing-bekunsi. 3. Giga reti leka jaku enggau frasa ngena chara beraban. 4. Kelala enteli ba entelian dalam pelandai belalauka grafik di baruh tu. temuda bekechegit jelan pengeraja asal bujang ganggam anak sendia 5. Pejuraika dalam raban ajar manah ke bisi dalam leka main. Udah nya, bantaika asil jurai kita. Entelian Enteli Entelian 1 Entelian 2 Entelian 3 Entelian 4 UNIT 8 Te ma 4 Aktiviti: 3, 5
100 1. Kerandauka pekara di baruh tu ngena chara mija segala. Bantaika asil randau kita. 2. Tembuka kar kayu di baruh tu ngena frasa penerang belalauka pelandai. Asil kampung Industri petroleum Ngetanka pengeraja asal UNIT 8 Te ma 4 Latih: 1 Frasa Penerang Penerang tempat tauka adap Penerang nyemaka Penerang penyuah Penerang pekakas Penerang maya Penerang banding
101 Bacha teks di baruh tu. Projek Mini Hidroelektrik Sida Tuai Rumah Jang Lebis udah berasai nyamai ngintu pengerami Hari Gawai Dayak ke taun tu. Kebuah pia, sida enda agi ngena injin api gerempung dikena masang lampu malam hari. Sida udah bisi kuasa elektrik ti datai ari projek mini hidroelektrik ti baru tembu digaga sida serumah ngena chara gotong royong. Projek mini hidroeletrik tu ulih ngasilka kuasa elektrik ke chukup dikena rumah panjai sida di Ulu Manding ti ngundan 35 ruang bilik. Runding ngaga projek tu dipansutka tuai rumah sida iya nya Tuai Rumah Jang Lebis maya sida ti baum sepengudah ngintu Hari Gawai Dayak taun nyin tadi. Tuai rumah sida mansutka penemu nya, laban iya lama udah beratika siti sungai ari ulu rumah sida ti tau ditekat lalu manah endur nudukka mini hidroelektrik. Berengkah ari nya, sida serumah lalu numbuhka siti komiti ti ngaga perambu pengawa ngemujurka projek nya. Sida nyirika Gawing ti endang mandal tuai rumah nyadi tuai komiti projek mini hidroelektrik laban iya ke ditemu bisi pengelandik ba bidang kuasa elektrik. Sida serumah di Ulu Manding sampal meri kerejasama sekumbang projek nya digaga laban ti beguai deka ngena kuasa elektrik ti meruan. Sida sama ransing begotong royong ngaga tekat ai sambil diuluka Gawing. Diatu, sida serumah nyau berasai lantang agi laban maya malam hari, ruai enda petang baka suba. Asil ari projek mini hidroelektrik nya, sida serumah ulih bekelimat agi ngena belanja laban ti nyau kurang bebelika minyak diesel ti dikena masang injin api gerempung. UNIT 8 Te ma 4
102 Kelimpah ari ti ulih bekelimat belanja, sida serumah mega ulih nyaup ngurangka pengamah rampa menua laban ti nyau kurang asap ari injin api gerempung sida. Tu siti ari kebuah Tuai Rumah Jang Lebis mansutka buah runding suba. Tambah mega, ai sungai ti dikena ngidupka mini hidroelektrik sida enda nemu pungkang. Iya nemu sida enda patut kelalu balat nganti penatai kuasa elektrik ari Pasar Nanga Paun. Kebuah pia, menua sida jauh ari ulu pasar. Ngelama tu, sida semina ngena injin api gerempung ti dibeli sida lebih 20 taun ke udah. Ungkus sida serumah ke meli minyak diesel ulih disimpan lalu dikena sida serumah besaup ba pekara bukai baka maya pengerami tauka penusah. Sekumbang ti udah bisi kuasa elektrik, sida serumah ulih bekenaka perengka karan baka peti ais, televisyen, kipas enggau ti bukai. Perengka karan ti dikena sida kurang pengerusak laban bisi kuasa karan ti meruan. Kuasa elektrik ti diasilka mini hidroelektrik rumah panjai Ulu Manding ulih nangkup semua perengka elektrik ti dikena sida. Sida serumah ngaji siku kontraktor bansa Iban ari Pasar Nanga Paun ke bisi lisin diasuh sida narit sereta masang wayar elektrik ba rumah panjai sida. Iya mega diberi sida kontrak ngemata sereta nyaga mini hidroelektrik sida. Semua ungkus nya ditanggung gerempung rumah panjai sida. Iya berasai temegah ati nulung peranak rumah panjai sida di Ulu Manding laban sida bisi inisiatif kediri ngasilka mini hidroelektrik. Sepengudah projek mini hidroelektrik nya tembu, Tuai Rumah Jang Lebis selalu nguluka sida serumah gawa gotong royong meresi kandang tekat mini hidroelektrik sida ngambika tekat nya ulih mansutka asil kuasa elektrik ti maksimum. Iya nemu sida serumah udah bejalaika tanggung pengawa nyaga pemeresi sereta pemanah rampa menua. Iya ngarapka udah tu ila sida ulih nguji siti agi projek ti tau ngasilka kuasa elektrik iya nya sistem solar. Iya lama udah berundingka projek nya tang projek nya begunaka belanja ti tinggi nya alai, iya bedau nyebut ngagai sida serumah. 1. Giga reti leka jaku di baruh tu nitihka guna dalam teks. UNIT 8 Te ma 4 mandal nangkup sampal ransing pungkang temegah ungkus kandang
103 2. Belalauka teks ti udah dibacha, terangka ngena jaku nuan empu projek ti digaga bala peranak rumah panjai Ulu Manding. 3. Tusun ripih pengawa ti digaga bala peranak rumah panjai Ulu Manding ari pun projek nyentuk ke projek sida tembu. Pengawa Tuju Penguntung 4. Tembuka grafik di baruh tu. 5. Pejuraika ajar manah belalauka teks. UNIT 8 Te ma 4 Aktiviti: 4, 5 Empas positif ngena mini hidroelektrik Baum
104 1. Kedutka penerang genteran dua ba dalam teks. 2. Tembuka grafik di baruh tu. Leka Jaku Ayat mandal sampal ransing pungkang nangkup temegah nangkan kandang 3. Gaga ayat penerang selama belalauka reti leka jaku di baruh tu. 4. Kalihka ayat penerang selama ba latih 3 nyadi ayat penerang tunsang. Chara bekelimat ngena kuasa elektrik ba genap ruang bilik. Apai Binit dipaduka nyadi mandal tuai rumah rumah panjai kami sepengudah pinchin gawa soldadu. UNIT 8 Te ma 4 Latih: 2, 3, 4
105 Peratika grafik di baruh tu. UNIT 8 Te ma 4 Kitai patut ngena energi guna baru dalam pengidup besehari-sehari dikena ngurangka pengamah rampa menua ti balat nyadi kemaya hari tu. Gas karbon dioksida ke dipansutka kilang enggau kereban pengangkut meri empas ti enda manah ngagai ekologi dunya. Tikas pengangat dunya deka nambah enti pekara tu majak nyadi. Dikena ngurangka pengamah rampa menua enggau tikas pengangat dunya, kitai patut ngena energi guna baru. Mayuh bansa sumber energi guna baru ti tau dikena nganti sumber energi ari fosil. Sumber energi guna baru baka hidroelektrik, mata panas, biofuel, geotermal, umbak enggau angin semua ulih ngasilka kuasa elektrik. Sumber energi guna baru tu manah laban iya enda ngamahka rampa menua. Nya kebuah, mensia di dunya patut nguna sumber energi alternatif dalam pengidup besehari-sehari dikena nyeliahka empas negatif ngagai ekosistem. Energi guna baru iya nya alternatif ngasilka energi ke datai ari sumber ti tau diguna baru ngena chara natural. Iya enda mudah abis lalu enda balat ngachau utai idup enggau ekologi dunya. Energi Guna Baru Ai pasang Biofuel Hidroelektrik Geotermal Mata panas Angin
106 3. Tembuka grafik di baruh tu. 1. Terangka chara ngasilka karan belalauka gambar di baruh tu. Pemanah ngena energi guna baru UNIT 8 Te ma 4 Aktiviti: 1, 2, 3 2. Perambu siti karang belalauka gambar dalam teks. a. c. e. b. d. f.
107 3. Menua kita ngena sumber energi guna baru ti lebih efisyen. Tembuka grafik di baruh tu. Kereban fosil Energi guna baru 4. Gaga ayat penerang ke menyana senentang tiap iti bansa energi guna baru ti udah dikerandau dalam raban ba aktiviti 2. Kebuah energi guna baru efisyen UNIT 8 Te ma 4 1. Terangka ajar manah ti bisi ditemu nuan ari leka main ba lambar 98. 2. Tembuka grafik di baruh tu. Latih: 1, 2, 3, 4 Ayat Penerang Ayat ti dikena nerangka sesebengkah pekara. Suah mega iya dikumbai ayat berita. Chunto: Sumber energi guna baru manah dikena bekelimat lalu ulih nanka pemeresi rampa menua.
108 1. Kelala ayat penerang di baruh tu. Kepala menteri udah bejadi hospital baru ba Pasar Nanga Paun ti manah sereta besai. Perintah menua benung chakah ngemansangka industri mit enggau jelan pemesai ba menua pesisir. Lemai kemari, kami sebilik bisi nerima penatai temuai orang putih ari menua England. Baka ni chara nuan ulih masuk enggau orang bepekit nyumpit maya Regatta suba? Nuan mesti belajar bebendar maya besekula ngambika bulih pemutus peresa ti manah sereta lati. Bandar raya Kuching nya indu nengeri Sarawak ti benung mansang, beresi sereta likun. Apu, besai amat ular sawa ti nelan kambin ti ditupi apai Ragai ba kebun sayur iya! Kelab Jaku Iban SMK Munggu Entawa ngatur Aktiviti Jaku Tangkai Mengandai beserimbai enggau Hari Jaku Tangkai Mengandai Sedunya. Semua rayat diperansang ngitang menira menua ba mua rumah sida maya ngintu bulan merdeka. Alai Dom, ambi baju enggau tanchut ti udah dikena bemain tadi lalu engkah ba injin basu. a. b. c. d. e. f. g. h. i. j. 2. Gaga ayat penerang empas enggau penerang pengadang belalauka gambar di baruh tu. UNIT 8 Te ma 4 a.
109 1. Pemansang kemaya hari tu mai mayuh penanggul ngagai rampa menua. Tembuka grafik di baruh tu senentang pekara nya. Empas enda nyaga rampa menua UNIT 8 Te ma 4 b. c. d. e.
110 Tulis karang belalauka gambar ba sepiak senentang pemanah guna iya ngagai pengidup kitai besehari-sehari. 2. Tukar ayat penerang aktif di baruh tu nyadi ayat penerang pasif. 3. Tukar ayat penerang pasif di baruh nyadi ayat penerang aktif. Tuai rumah mai sida serumah meresi tekat mini hidroelektrik. Chukup deras ai sungai ti ditekat kami endur ngaga mini hidroelektrik. Peranak nembiak rumah panjai kami nerima pemansang enggau gaga ati. Ekonomi menua balat mansang disungkak asil petroleum. Dom bisi enggau orang ngelekatka tali wayar ba rumah sida. Teknologi sumber guna baru manah dikena nyaga pemeresi rampa menua. Gawing nguluka kami serumah bejalaika projek ngaga hidroelektrik. Energi ari sumber fosil ulih diganti enggau energi ari sumber alternatif. Kami enda ngena generator gerempung agi sekumbang udah bisi mini hidroelektrik. Pemanah rampa menua mesti dijaga kitai awakka meruan beresi. UNIT 8 Te ma 4
111 Unit 9 VAKSINASYEN Mending enggau Bejaku 1.2.2 Bekunsika penemu ngena fakta enggau peneleba diri betanya dikena mutarka penanggul nitihka konteks. Macha 2.4.1 Macha sereta meretika teks ari mayuh bengkah genre, kereban bechelak enggau ukai bechelak ti besangkut paut enggau pengidup besehari-sehari. 4.4.2 Nipak konteks enggau sempama ti engkeman. Nulis 3.1.2 Meransang sereta nyengkuran runding ngena stimulus peneleba diri empu. 5.1.2 Ngena tukuh jaku ti betul nitihka konteks. 111
112 Apai indai patut bendar nganjung anak betuchuk vaksin lebuh baru ada nitihka atur ti udah ditetapka ba hospital perintah tauka klinik luar. Laman web Opis Menteri Pengerai Malaysia bisi mantaika informasyen nengah mayuh sumber senentang atur timpuh nganjung anak mit betuchuk vaksin. Anak mit dituchuk ngena vaksin awakka antibodi sida kuat ngelaban sesebengkah penyakit. Anak mit mudah amat kena rampit penyakit ke datai ari angin kamah sereta utai ti ngelingi sida. Bacille Calmette-Guerin tauka BCG nya sebengkah ari vaksin ti dituchuk ngagai anak mit ti baru ada. Sida deka dituchuk lebuh masuk sekula primari satu enti nadai dipeda tanda udah betuchuk BCG. Vaksin tu nyaga anak mit ari Tuberculosis tauka TB tauka dikumbai batuk rangkai ti bepun ari bakteria Mycobacterium Tuberculosis. Penyakit TB ulih ngerampit ngagai untak, igi bawai, tungkul sengayuh enggau kulit enti laun ditemu. Tanda-tanda orang ti kena penyakit tu iya nya enda ngetu batuk nyentukke dua minggu beturut, batuk bedarah, tabin sereta bepeluh lemai tauka malam, enda tentu deka makai tauka berat tubuh nyau majak kusut, raguk, pedis dada maya batuk tauka maya matak seput, jampat lelak sereta lemi tulang. Dikena nyeliahka mayuh komplikasyen dudi hari, anak mit mesti dituchuk ngena vaksin BCG awakka enda kena penyakit TB. Kelimpah ari nya, anak mit ti beumur dua bulan dituchuk ngena vaksin Diphtheria, Tetanus enggau Pertussis tauka DTP dikena nyaga ari Diphtheria, Tetanus enggau Pertussis. Sida diberi dos kedua enggau ketiga lebuh umur udah manggai dua bulan enggau lima bulan. Diphtheria sebansa ari penyakit ti ngachau sistem seput bepun ari bakteria Corynebacterium Diphtheriae lalu Tetanus tauka kanchin ngeli tau nyadi bepun ari spora bakteria Clostridium Tetani. Indu ti betubuh bisi diberi ubat Tetanus Toxoids awakka antibodi ulih tama ngagai tubuh anak mit ti baru ada sereta nyeliahka anak mit nya ari penyakit Tetanus. Nangkanka nya, Pertussis ti bepun ari bakteria Bordetella Pertussis mudah amat berampit dibai angin. Nya alai, sida ti bisi penyakit tu dilalau enda tau semak anak mit, nutup mulut lebuh batuk lalu bebasu tauka nuchi jari sepengudah batuk. 12 Pendingka teks tu. UNIT 9 Te ma 5 IMUNISASYEN ANAK MIT
113 Vaksin Measles, Mumps and Rubella tauka MMR dikena nyaga ari penyakit measles tauka tampuk buah, mumps tauka beguk sereta rubella dituchuk maya umur anak mit manggai semilan bulan, ditangkan enggau dos kedua maya beumur 12 bulan. Ketiga-tiga penyakit tu tau ngujungka komplikasyen enti enda dijaga ngena vaksin MMR tu. Tampuk buah tau ngujungka kanser lempuang sereta kanser untak. Beguk ukai semina ngasuh kuyu kembai tang mega tau ngujungka punas enti nyema perengka lelaki kena virus tu. Ukai semina nya aja, rubella ngujungka kelebuan tauka anak mit ti baru ada timpang pendiau enti indai iya nadai dituchuk ngena vaksin tu. Nya alai, apai indai mesti ngemendarka anak sida dituchuk vaksin MMR dikena nyeliahka sebarang komplikasyen dudi hari. Mayuh agi vaksin bukai ti patut dituchuk ngagai nembiak ti baru ada baka Haemophilus Influenzae type B tauka Hib. MMR ti kedua iya nya dos tambah dikena nyaga tampuk buah enggau rubella, Japanese Encephalitis tauka JE sereta Polio tauka IPV. Apai indai mega patut nemu anak sida bisi dituchuk ngena dua dos vaksin Human Papilloma Virus tauka HPV lebuh beumur 13 taun dikena nyaga ari kanser serviks. Diatu, mayuh macham penyakit ditemu kitai. Nya alai, siti ari chara dikena nyaga diri nya ngena tuchuk vaksin. Bisi sekeda apai indai enda sanggu ati nganjung anak sida betuchuk vaksin tambah ba klinik luar. Taja pia, agi mega bisi apai indai enda ngasuh sereta enggaika anak sida dituchuk vaksin ketegal mayuh macham informasyen ti enda nyentuk ditemu sida senentang vaksin nya sereta enda meretika tuju betuchuk vaksin. 1. Kerandauka pekara di baruh tu ngena chara beraban. a. Bansa vaksin ti patut dituchuk ngagai nembiak ti baru ada. b. Maya umur nembiak ulih dituchuk ngena vaksin HPV, MMR enggau BCG. c. Kebuah apai indai mesti nganjung anak sida betuchuk vaksin. 2. Apai indai enda nganjung anak betuchuk vaksin nya siti penanggul ti mengkang nyadi kemaya hari tu taja udah mayuh informasyen dibantaika senentang vaksin nengah media sosial. Pejuraika. a. Chara dikena mutarka penanggul nya bepelasarka penemu enggau peneleba nuan. b. Patut tauka enda apai indai kena tinggang undang-undang? Beri kebuah. Aktiviti: 2 UNIT 9 Te ma 5
114 1. Tandaka ( √ ) ba penerang ti betul lalu ( x ) ba penerang ti salah bepelasarka informasyen ti udah dipendingka nuan. Latih: 2 a. Anak mit baru ada tauka primari satu dituchuk vaksin BCG dikena nyaga ari penyakit TB. b. Tuchuk vaksin MMR dikena nyeliahka kelebuan tauka anak ti baru ada timpang pendiau. c. Nembiak indu dituchuk dua dos vaksin HPV lebuh umur udah manggai 13 taun dikena nyaga ari kanser pelvik. d. Toxoids Tetanus diberi ngagai indu ti ngandung awakka antibodi ulih tama ngagai tubuh anak mit ti baru ada sereta nyeliahka anak mit nya ari tetanus. e. Orang ti bisi Pertussis dilalau enda tau semak anak mit sereta nuchi jari lebuh udah batuk laban bakteria tu mudah amat berampit. f. Penyakit TB tau ngerampit ngagai untak, tungkul sengayuh, igi bawai sereta kulit enti laun ditemu. ( ) ( ) ( ) ( ) ( ) ( ) ( ) Jaku Asal Jaku Injau bawai vaksin UNIT 9 Te ma 5 2. Sidi pekara ti tau nyadi ngagai anak mit enti iya enda diberi vaksin ti chukup sekumbang iya mansang. 3. Kelala jaku asal enggau jaku injau ari teks ti didinga lalu rintai nitihka tempat puang ti engkeman di baruh tu.
115 Bacha teks di baruh tu. HPV siti ari virus ti ngasuh orang indu tau kena sakit kanser serviks. Kanser serviks tu penyakit lumur empat ti suah nabanka nyawa orang indu di Malaysia. Kanser tu kedua pemadu mayuh nyadi ba Malaysia nangkanka kanser tusu. Serviks tu bagi ti mit ba baruh uterus. Uterus nya endur embrio mansang nyadi fetus sebedau anak mit ada. Ukai ngajihka rangkang ngachuk mata, kanser tu ukai semina ngujungka indu enda ulih ngandung tang mega tau nabanka nyawa. Rayat menua kitai patut meretika guna vaksin HPV awakka sida ke indu sama bejaga-jaga dikena nyeliahka kanser serviks. Taja kanser serviks tu suah nyadi buah mulut mensia mayuh tang nemu tauka enda kitai sekeda ari chara nyeliahka kanser tu? Tuchuk vaksin HPV siti ari chara dikena nyeliahka kanser serviks. Dua dos vaksin tu dituchuk takah enam bulan ngagai nembiak indu ti beumur 13 taun laban sida tu mudah kena kanser serviks. Nya alai, apai indai mesti ngemendarka anak sida dituchuk ngena vaksin tu lebuh umur sida udah manggai 13 taun. Orang indu ke udah bisi ruang bilik mesti beperesa Pap Smear sekurang-kurang iya setaun sekali. Peresa Pap Smear siti ari chara dikena meresa sel ti enda manah dalam serviks sebedau kanser tu nyadi. Sistem Peranak Orang Indu UNIT 9 Te ma 5 Vaksin Human Papilloma Virus (HPV) Uterus Ovari Serviks Vagina Tiub fallopia
116 Orang indu patut mega meretika kebuah kanser serviks tu nyadi. Kanser serviks tu bepun ari kena rampit virus Human Papilloma. Virus tu berampit ari siku ngagai siku lebuh beleman entara indu enggau lelaki. Risiko kena virus tu tinggi agi enti orang nya ngaga aktiviti seksual lebuh umur agi biak, betukar-tukar tawing tauka ngaga aktiviti seks enggau lelaki ti ngembuan HPV. Pengawa ti baka tu tau bendar disemaka kitai baka buyah nabak diri ke api laban endang udah ditemu tau mai penusah ngagai diri empu. Indu ti positif HIV, bisi virus Herpes Simplex 2 (HSV2) mega mudah kena kanser serviks kelimpah ari indu ti balat nginsap, faktor genetik enggau umur. Maya agi baru, nadai sebarang tanda penyakit kanser serviks tu nyadi ba orang indu sebedau sel kanser berampit ngagai tubuh bukai dalam sistem peranak orang indu. Sekeda ari tanda dijangka bisi nyadi iya nya bisi pansut tekang darah tauka bedarah mimit entara timpuh rangkai datai bulan tauka sepengudah datai bulan. Bisi mega sida ke indu ngasaika diri kelalu lama ari timpuh selama lebuh datai bulan sereta datai bulan sepengudah menopause nya mega ngayanka tanda kanser serviks. Sida ke indu mega bisi ngasaika pedis lebuh beleman enggau lelaki. Sida tau betemu enggau doktor enti ngasaika diri ngembuan tanda-tanda kanser serviks. Beduduk ari nya, orang indu patut bisi penemu dikena nyaga diri ari dirampit kanser serviks. Sida patut beratika kebuah sereta tanda-tanda kanser tu nyadi. Ari nya, sida mesti selalu beperesa Pap Smear kelimpah ari betuchuk vaksin HPV maya umur agi biak. Pemeresi diri mega mesti dijaga laban dikena nyeliahka ari dirampit bakteria ti tau ngerusak tubuh tauka ngujungka sel kanser idup dalam tubuh. Diatu, mayuh kereban bacha tauka informasyen ari media sosial bukai ti mantaika penerang bekaul enggau kanser serviks dikena nambahka penemu sereta pemereti mensia mayuh senentang kanser tu. UNIT 9 Te ma 5 Pap Smear Chara dikena meresa penyakit kanser serviks. Perengka dikena peresa Pap Smear
117 1. Pejuraika atur vaksin HPV dituchuk ngagai orang indu. 2. Terangka bida tuchuk HPV enggau peresa Pap Smear ngena grafik di baruh tu. 3. Kanser serviks suah nuntung orang indu di Malaysia. Tembuka grafik di baruh tu. UNIT 9 Te ma 5 Aktiviti: 3 Vaksin HPV Pap Smear Tuju Penyakit Chara Kebuah kanser serviks nyadi Chara nyeliahka kanser serviks a. b.
118 1. Padahka ajar manah belalauka teks. 2. Terangka reti jaku sempama ti bechelak biru dalam teks lalu gaga ayat belalauka sempama nya. Latih: 3 3. Tembuka grafik di baruh tu belalauka teks. Gaga ayat ngena jaku nama ti udah dirintai. Ukai ngajihka rangkang ngachuk mata. Baka buyah nabak diri ke api. Udah bisi ruang bilik. Buah mulut. Nabanka nyawa. UNIT 9 Te ma 5 Jaku Nama Asal Ayat Jaku Nama Injau Ayat Jaku Nama
119 Peratika grafik di baruh. DIPHTHERIA • Dak bechura kelabu nyadi dalam rekung • Tonsil kembai • Kembai sereta pedis dalam rekung • Pedis deka enseput • Enseput laju • Berinsak • Tabin enggau renga • Tubuh berasai enda nyamai TUBERCULOSIS • Pedis dada • Batuk bedarah tauka bedak • Berasai lemi tulang tauka lelak • Tubuh berasai chelap • Bepeluh maya malam hari • Renga tauka tabin • Enggai makai • Kusut berat tubuh POLIO • Tabin enggau renga • Kar rekung • Mutah • Berasai lelak • Pedis pala, belakang, pegu, lengan enggau kaki • Berasai lemi tulang UNIT 9 Tema 5
120 Grafik enggau penerang tadi ngayanka simptom-simptom penyakit Diphtheria, Tuberculosis enggau Polio. Penyakit nya ulih diseliahka enti kitai kala dituchuk ngena vaksin. Anak mit beguna bendar ke vaksin dikena nyeliahka diri ari penyakit nya laban antibodi sida agi lemi ngelaban penyakit. Sida mudah amat kena rampit bakteria ti dibai angin tauka utai ti ngelingi sida ninting hari. Nya nandaka vaksin tu besai amat guna dikena nyeliah sereta nyaga kitai ari mayuh macham penyakit. Taja pia, agi bisi apai indai enda ngemendarka anak sida nerima tuchuk vaksin taja enda bebayar ba sepital perintah. Grafik di baruh tu nunjukka sekeda ari chara ti engkeman dikena meransang apai indai ti enda ngemendarka anak sida dituchuk vaksin. Apai indai patut begigaka penerang senentang vaksin ari sumber ti betul. Pengari ari opis pengerai bejalaika pengawa bekunsi penerang senentang vaksin ngagai mensia mayuh. Apai indai betanya penerang senentang vaksin ngagai doktor tauka indu misi. UNIT 9 Te ma 5 Tonsil Igi bawai ba dalam rekung. Iya nyaga kitai ari dirampit penyakit. Enti iya kembai, iya ngayanka tanda kitai bisi tabin, renga tauka sakit. Mantaika penerang bekaul enggau vaksin ngena media sosial baka televisyen enggau radio. Netapka undang-undang enggau atur tuchuk vaksin ungkup anak mit.
121 1. Kerandauka simptom penyakit ngena grafik di baruh tu. 2. Gaga ayat ti engkeman bepelasarka jaku tumbuh di baruh tu. Aktiviti: 2, 3 ngerampit penerang dituchuk penyakit nyeliah pengerai Diphtheria Tuberculosis Polio UNIT 9 Te ma 5 3. Bantaika penemu kita ngena chara beraban senentang kebuah apai indai enda ngemendarka anak sida dituchuk vaksin.
122 1. Saut tanya di baruh tu ngena ayat penuh. a. Baka ni orang ti sakit nemu penyakit Diphtheria sida udah balat? b. Terangka kebuah vaksin beguna amat dalam pengerai anak mit. 2. Tembuka grafik di baruh tu ngena penerang ti engkeman. 3. Gaga ayat turu ari jaku injau di baruh tu. tonsil antibodi simptom bakteria vaksin 4. Tulis siti simpul penemu nuan senentang penyakit Diphtheria, Tuberculosis enggau Polio. UNIT 9 Te ma 5 Latih: 2, 3, 4 Chara-chara nyeliahka penyakit Diphtheria Tuberculosis Polio
123 Tentuka penerang di baruh tu betul tauka salah. a. Penyakit TB berampit ketegal bekunsi pemakai enggau diri sebilik. ( ... ) b. Orang ti sakit ngasaika rekung bisi kembai sereta Edema enti Diphtheria udah balat. ( ... ) c. Kanser serviks ulih diseliah ngena chara betuchuk vaksin HPV enggau peresa Pap Smear. ( ... ) d. Anak mit mesti dituchuk vaksin laban antibodi sida agi lemi sereta bedau tan ngelaban penyakit. ( ... ) e. Semua apai indai ngemendarka anak sida betuchuk vaksin laban nangika sebarang komplikasyen ngagai pengerai anak sida dudi hari. ( ... ) f. Rayat patut ngembuan pemereti ati senentang penyakit berampit ti suah nyadi. ( ... ) g. Kimpin ngintu pengerai ti dipejalaika opis pengerai suah enda datai ba tuju laban rayat enggai nitih. ( ... ) h. Kitai patut kur nyaga pengerai tubuh diri. ( ... ) Tuchuk BCG Tuchuk DTP Tuchuk MMR UNIT 9 Te ma 5 Terangka pekara ti bekaul enggau tiga bengkah tuchuk dalam grafik di baruh tu.
124 1. Tulis ayat aktif ngena jaku injau di baruh tu. 2. Belalauka penerang ti udah ditemu nuan, tembuka kar titi di baruh tu. vaksin bakteria kanser aktiviti antibodi positif genetik sistem Vaksin Penyakit UNIT 9 Te ma 5 baka baka baka
125 Unit 10 TEKNOLOGI INFORMASYEN ENGGAU Komunikesyen Mending enggau Bejaku 1.3.1 Mantaika penemu ba mua mayuh ngena jalai jaku ti betul, intonasyen ti engkeman sereta penerang ti koheren. 1.4.1 Beinteraksyen ngena jaku ti engkeman ba mayuh bengkah konteks. Macha 2.4.2 Ngayanka respons ngena strategi belajar. 4.1.1 Mending enggau lenak sereta nyadaka leka main. Nulis 3.2.2 Nerangka isi ti beguna. 5.1.3 Milih lalu ngena raban jaku ti betul. Ninting hari kitai begunaka kereban teknologi informasyen enggau komunikesyen (ICT) nyerumba pemansang global. Nama penguntung ti diulih kitai bekenaka kereban ICT?
126 13 Artificial Intelligence tauka disebut pandak AI nya perengka ti ngembuan fungsyen ti digaga nengah integrasyen dalam sesebengkah sistem. AI dikena ngelatih sesebengkah pekakas pintar awakka ulih ngaga kereja mensia lebih manah. Nya kebuah, AI ulih ngurangka guna kereja mensia lalu nyeliahka penyilap ti suah digaga kitai. Nemu nuan, mayuh bansa AI ti udah dikena kitai besehari-sehari ba dunya ti majak mansang tu? 1. Telefon Pintar Telefon pintar ti dikena kitai besehari-sehari nya siti ari kereban AI bepun ari sekeda aplikasyen dalam telefon nya ke ngena teknologi AI. Penteba baka guna aplikasyen splices enggau bateri ti engkeman dalam Android Pie tauka pekakas Siri nya siti ari chunto teknologi AI. 2. Kerita Pintar Tentu kita gagit ati enti ngena kerita ti enda begunaka deriba. Lebih 50,000 buah kerita Tesla ke dikeluarka menua United States of America diatu ngayanka pemansang AI dalam pengidup dunya kemaya hari. Kerita tu sebengkah ari kerita ti ulih bejalai kediri nitihka chara ti udah ditetapka mensia. 3. Media Sosial Mayuh fungsyen dalam media sosial ti tau ngerindang penguna ngena teknologi AI. Taja pia, AI mega ulih ngingatka pengawa ti udah dikereja, ngiga website, beinteraksyen enggau semua pekara ti digaga mensia maya ke bekenaka laman sosial. 4. Ayam Video Semua ayam tauka main ti ngena gajet enda ngira gajet nya mit tauka besai endang ngembuan AI dikena bejalaika atur main nya. Manah agi sistem AI ti dikena dalam sesebengkah gajet, operasyen main video mega deka lanchar agi, ulih dikena bemain enggau orang ti jauh lalu ngaul lebih ari siku pemain. Pendingka penerang tu. UNIT 10 Tema 5 Artificial Intelligence
127 5. Rantai Pemandang Bantai Online Sekeda kitai rindu bebelika barang nengah chara online. Siti ari bidang ke pemadu mayuh ngena teknologi AI iya nya industri pemandang bantai online ti ulih nentuka statistik penguna lalu meri pemandang bantai pasal statistik nya. Enti nadai AI, industri tu enda ulih dipejalai enggau mujur. 6. Streaming Muzik enggau Media Kita tentu rindu meda cherita kelulu, program realiti, program nyumai sereta ninga muzik ti merindang ati. Semua program tu ulih dipeda kitai ba internet nengah penyedia servis digital ba sebarang alai enggau maya seagi-agi gajet ke dikena kitai bisi arus internet. Lebuh ngena media tu, mayuh channel ti diayanka lalu ngemudahka kitai milih pemerindang ti dikedekaka ati tauka pemadu baru. 7. Navigasyen enggau Pejalai Kitai suah ngena navigasyen lebuh deka mindah ari menua siti ngagai menua siti, meli tiket bilun enggau ngangauka servis Uber, Grab, Maxim, Foodpanda tauka delivery service bukai. Servis baka tu ulih dipinta kitai ngena telefon binching aja ari sesebengkah aplikasyen. Aplikasyen Google Map enggau Waze nya mega sekeda ari bansa AI ti mantu kitai ngiga sesebengkah palan enggau jampat sereta mudah. 8. Perengka Rumah Pintar Diatu, teknologi rumah pintar udah berengkah dikena ba sekeda menua. Rumah pintar nya rumah ti ngena sistem atur ari jauh chara automatik sereta nyediaka premis enggau tikas pengelikun ti tinggi. Ambika chunto, sekeda perengka rumah pintar nya baka airkon, lampu enggau pagar rumah sereta sekeda pekakas elektrik bukai ti ulih ditentuka ngena remote control tauka telefon binching ari jauh. 9. Institusyen Bank enggau Mata Wang Institusyen bank enggau mata wang bepanggai amat ba AI kelebih agi dalam pekara ti bekaul enggau servis penguna, nyaga pengelikun ari kena tipu, beranakka puku enggau mayuh agi. Siti ari chunto AI nya baka e-mel automatik tauka pesan ba telefon binching ti suah diterima kitai ari bank sepengudah kitai ngaga transaksyen. 10.Pengelikun enggau Jaga Closed-circuit television (CCTV) nya sebengkah ari kereban penyaga pengelikun tebilang ti ngena teknologi AI. Kereban tu ukai semina ulih nyimpan memori pasal pekara ti udah nyadi ba genturung ti ditimpai iya tang mega ulih ngambar mua orang ti kena tenggau semak palan nya. Diatu, ukai semina opis alai bekereja enggau pasar besai aja bisi CCTV tang mayuh mega rumah udah dipasang pekakas tu. UNIT 10 Tema 5
128 11. Drone Kereban tu siti ari Unmanned Aerial Vehicle (UAV) tauka disebut enggau jaku mudah, kereban pengangkut terebai ti enda begunaka pilot. Chara kereja drone tu ngena prinsip aerial, turbulasyen enggau elektrik lalu ditentuka mensia ngena remote control ari jauh. Drone dikena dalam bidang kar, betanam enggau pengemata pengelikun menua kelimpah ti nyadi kamera dikena ngambar rampa menua ari kandang atmosfera. Dipelabaka, teknologi AI tu deka mayuh agi dikena dalam pengidup kitai beseharisehari beduduk ari pemansang ba teknologi barang ti mega majak dikerinduka mensia mayuh. Nya alai, kitai mega mesti besedia nerima ubah pemansang lalu sama besemekih ngena teknologi baka tu dikena ngaga pengawa ti ulih ngenataika penguntung. 1. Kerandauka guna AI dalam teks ngena grafik di baruh tu. 3. Padahka sekeda ari teknologi AI ti suah dikena nuan lalu tusui chara nuan ngena iya. Aktiviti: 2, 3 Guna AI Bidang telekomunikesyen Pemanah teknologi AI UNIT 10 Tema 5 2. Ngena chara betawing, terangka pemanah teknologi AI ngena grafik di baruh tu.
129 2. Padahka servis ke suah dikena kitai ti begunaka teknologi AI. 3. Terangka kebuah fungsyen AI dikumbai ulih ngereja pengawa baka mensia. 4. Ba penemu nuan, baka ni teknologi AI tu ulih nyungkak penatai pemisi? 5. Kelaska leka jaku adjektif ngagai bansa iya belalauka pitak di baruh tu. Latih: 4, 6 1. Rintaika guna telefon pintar kelimpah ari dikena bekomunikesyen belalauka grafik di baruh tu. Jaku Adjektif Dibagi ngagai semilan bansa iya nya: i. Adjektif asai ii. Adjektif gaya iii. Adjektif sukat iv. Adjektif chura v. Adjektif tukuh vi. Adjektif maya vii. Adjektif chara viii. Adjektif seraka ix. Adjektif emosyen Guna telefon pintar Adjektif Gaya Adjektif Tukuh Adjektif Chara Adjektif Seraka Adjektif Emosyen Adjektif Maya 6. Giga jaku adjektif bukai nitihka bansa ba baruh tu lalu gaga ayat ngena leka jaku nya. Bansa Jaku Adjektif Leka Jaku Ayat Chura Sukat Asai UNIT 10 Tema 5 manah rindu baru besai jauh engkeman mudah semak diatu gagit mit jampat
130 Pendingka timang tu. Nyadi utai tu ku aku Kesuling Ranjing Ayam Raja, Datai ari begilik tasik kuala, Ditepanka di luan kapal Malaysia, Sangkai di menua Sarawak rinda, Engkah manah-manah di sarah cheremin kacha, Dibeli ngena lati ringgit bunga, Tukuh iya mayuh gaya nitihka bansa, Nama bisi bebida nitihka rega, Nyadi utai tu besai amat guna, Chulik ngena tunjuk mit lalu sejarit pansut angka, Tekan ngena tunjuk kanan peda ayan pekara dunya, Tegu ngena tunjuk indu tak denggu-denggu nyawa mensia, Kena sida dara jawai ngiga pemandai jalai kaya, Kena sida bujang melisa ngatur kereja, Ngira angka balat muntang. Agi ga tu digela aku Tangkin Pengumbai Jayau Kerepai, Datai ari begilik tasik bebungai, Ditepanka di luan kapal besai, Sangkai di menua Sarawak nyadai, Engkah manah-manah di sarah dalam kedai, Dibeli ngena lati ringgit bungai, Tukuh iya mayuh gaya nitihka penatai, Nama bisi bebida nitihka pemesai, Nyadi utai tu besai amat guna, Chulik ngena tunjuk mit lalu sejarit pansut macham utai, Tekan ngena tunjuk kanan peda ayan menua bukai, Tegu ngena tunjuk indu tak denggu-denggu jaku ribai, Dikena sida bujang mit ngiga duit ngisi kerepai, Dikena sida dara mekang ngiga penerang jalai pemandai, Nitihka segang dunya mansang. 14 UNIT 10 Tema 5 (Ditengkebang: Ngabong Anak Katoi, 2020) Timang Pemansang Teknologi Informasyen enggau Komunikesyen
131 1. Bacha leka main tadi, udah nya sadaka ngena intonasyen ti engkeman. 2. Tembuka grafik di baruh tu. Entelian 1 Entelian 2 Entelian Gela Guna kereban Aktiviti: 3, 4 3. Padahka kebuah ICT nya beguna dalam pengidup kemaya hari. 4. Belalauka ripih meretika timang dalam grafik di baruh tu, beri respons nuan senentang batang pekara ti deka dikenataika penulis. Telefon binching keterubah digaga Martin Cooper ba taun 1973 lalu ulih dikena mensia mayuh. Udah nya, telefon binching ti ulih dibai mindah digaga ba taun 1983 dikumbai Dyna TAC 8000X lalu dijual enggau rega USD2,995. Pemerat telefon tu 794 gram lalu pemanjai iya 33 sentimeter. UNIT 10 Tema 5 Nentuka batang pekara dalam leka main. Batang pekara: ... Meretika baris dalam leka main. Meretika entelian leka main. Meretika selampur leka main.
132 1. Padahka kebuah orang rinduka kereban teknologi tadi. 2. Tembuka grafik di baruh tu. 3. Tipak jaku adjektif ba kutak A enggau kutak B. Empas bekenaka ICT enggau enda betagang • Jaku Adjektif Tunggal Jaku adjektif ti nadai nerima penambah. • Jaku Adjektif Tumbuh Jaku adjektif ti diberi penambah. • Jaku Adjektif Betandu Dibagi ngagai tiga bengkah iya nya: i. Jaku adjektif betandu penuh Chunto: besai-besai, garing-garing ii. Jaku adjektif betandu puntang Chunto: gegendai, kekulap iii. Jaku adjektif betandu berima Chunto: pait pitan, singka siai A gerai besai penat lemak segala chamang B ina lelui katat nyamai rerakam chamang Latih: 2, 4 4. Gaga ayat ngena jaku adjektif ari tanya lumur 3. 5. Isi kutak di baruh tu ngena jaku adjektif ari tibak leka main. UNIT 10 Tema 5 Jaku Adjektif Betandu Penuh Jaku Adjektif Betandu Puntang Jaku Adjektif Betandu Berima
133 Bacha silik teks tu. Pengerembai Teknologi Informasyen enggau Komunikesyen Teknologi Informasyen enggau Komunikesyen (ICT) udah neresap dalam daya idup mensia kemaya hari. Kitai nerima penerang, bekomunikesyen sereta beinteraksyen enggau pangan diri nengah ICT ti mega nyadi siti industri ke benung ngerembai ba serata dunya. Nitihka penemu Gerempung Komputer iya nya The Institute of Electrical and Electronics Engineer (IEEE), pengerembai teknologi udah nyapai tikas ti tinggi berengkah ari taun 2018 suba nyengkaum ba pengawa pelajar silik (deep learning), mata wang digital, robotik, kereban pengangkut bantu, realiti tambah (AR) enggau virtual reality (VR), 3D, pengelikun siber sereta Artificial Intelligence (AI). Chunto Pengerembai ICT Artificial Intelligence (AI) • berengkah dikena dalam aplikasyen telefon pintar kenyau ari taun 2017 suba • mesin belajar (learning machine) - ngasuh sesebengkah mesin belajarka sesebengkah pekara ari data ti dipasukka ba siti-siti program dikena ngasilka output • chunto: jaku kunci ba keyboard Google ngayanka mayuh jaku bukai ti ulih dipilih Komputer • realiti tambah (augemented reality) nya sebansa rampa visual ti diasilka komputer lalu ditambah ba rampa menua nyata ke ulih dipeda ba skrin • dipunka Thomas Caudell ba taun 1990 maya ti nerangka chara kereban bantu ti dikena juruteknik elektrik Pekakas Android • sistem biometrik pengelala mua tauka dikumbai Face ID dikena ngunchi peranti android • Intelligent Retinal Imaging System (iris screening), infra mirah enggau 3D • screening ti pemadu manah nya ulih ngelala mua penguna Telefon Pintar • pekit entara raban pengeluar telefon pintar majak chakah • pekakas komunikesyen beteknologi tinggi • aplikasyen pemerindang ti nyulut • kamera mini ti pemadu manah Taja pan opis tradisional mengkang bekenaka kereban komunikesyen lama lebuh bekerejasama bejalaika pengawa tang generasyen Y ti nyadi raban dominan ba market kereja rindu agi betemu, berandau sereta bejalaika atur ngena chara digital nengah aplikasyen media sosial ke endang dikena mensia mayuh diatu. Tu ngayanka teknologi ICT endang beguna sereta ngembuan prospek ti besai deka ngerembai lalu besemekih enggau subsektor bukai dalam ekonomi dunya ti nadai entara. UNIT 10 Tema 5
134 1. Kelimpah ari chunto dalam teks, terangka tiga chunto AI bukai dalam telefon pintar ngena grafik di baruh tu. Aktiviti: 3, 4 2. Beri reti jaku adjektif di baruh tu nitihka guna iya dalam teks. • Jaku Adjektif Turu Nyadi ari dua iti leka jaku Chunto: kuning lensat, simpi pauh • Jaku Adjektif Bekaling Sebut Chunto: berebah rimpai, petang keleti • Jaku Adjektif Banding Nerangka tiga tingkat banding: i. Tingkat selama-jelan, terang ii. Tingkat banding-ngenyamai, kurang lebih, tinggi agi iii. Tingkat pengabis-nyamai amai, pemadu pandai, naka penegar 3. Tulis siti karang penuh pasal pengerembai teknologi ICT bepelasarka penerang dalam kar ba teks. 4. Nyema kita diberi peluang ngasilka siti produk ICT, padahka bansa produk ti deka diasilka kita lalu pemesai guna iya dalam pengidup kitai besehari-sehari. Kunsi penerang kita nya ba mua mayuh. UNIT 10 Tema 5 Chunto AI dalam telefon pintar chakah nyulut silik rindu agi pemadu manah besai ngerembai
135 Aktiviti: 3, 4 4. Gaga ayat ngena jaku adjektif banding di baruh tu. UNIT 10 Tema 5 1. Baka ni realiti tambah (augmented reality) ulih ngemanahka agi kualiti gambar? 2. Beri reti rambai jaku ti bechelak biru dalam genteran kepenudi teks. 3. Kerembaika pemanah aplikasyen Face ID di baruh tu dalam siti genteran. Pemanah aplikasyen Face ID nyaga pengelikun data personal akses ngena telefon jampat agi nyaga privasi pemadu mentas jelan tinggi amat besai agi pengabis mit ngenyamai naka pemagas udu pengemar kurang lebih
136 Pilih jaku adjektif di baruh tu kena ngisi tempat puang dalam ayat. 1. Isi jaku berasuk di baruh ngena jaku adjektif ti engkeman. 6 5 2 1 7 8 10 9 4 3 T P L T G R U lapar jarang beresi landai kelia jauh mar bebau lempung kalas berat ganggam UNIT 10 Tema 5 a. Kitai patut betulung enggau pangan diri enda ngira pengawa nya tauka . b. Seraban nembiak ke enggau ekspedisyen nya berasai lalu ngetu ba tatai laban deka merarau. c. Dulu , bansa kitai endang bepanggai amat ba pengawa bumai betaun taja pengawa nya dikereja. d. Kami sebilik nemuai ngagai aki enggau ini di rumah panjai laban menua asal kami ke ulu. e. Kandang rumah ti sereta enda ulih nyeliahka penyakit berampit. f. Anak mit indu ti nya rindu amat ngena baju gaun ke bechura .
137 Melintang 1. Bala nembiak ke ... nerima perais ari kepala pengajar. 2. Endu bejalai nyau ... taja diansak indai iya jampat agi. 3. Kantin sekula semina ... aja penyauh ari kelas kami. 4. Mayau nya nyau ... bejalai bekau ke udah dirindas kerita ti laju nya. Unjur 5. Kek ti digaga Sara nya lemak ... ketegal kelalu mayuh minyak. 6. Mua iya nyau puchat ... laban kelalu takut. 7. Anang nganti diri nyau sakit ... baru deka nyaga pengerai. 8. Buah sibau sida Jangan nyau mansau ... lalu enda ditiki. 9. Sida ke ngulu pengerami nya ... amat berandau enggau pangan diri. 10. Taja iya ... ngereja pengawa tang pengawa iya tembu manah. UNIT 10 Tema 5 2. Isi tempat puang dalam ayat di baruh tu ngena jaku adjektif ti engkeman. a. Penyauh palan pematih pengajar ti baru nya ari rumah ibu aku. b. Adi nusui diri enda ulih tinduk demalam ketegal bisi ninga munyi ti ba bilik belajar kami. c. Kami bela meda pengerembai teknologi ti dipandangka maya bantai asil nya. d. Kerita ti baru dibeli apai bechura iya nya chura ti sigi dikerinduka indai. e. Nembiak ti datai ari menua pesisir nya amat bejaku orang putih. f. Laptop endu udah ngujungka iya enda ulih nembuka pengawa ti diberi pengelicha. g. Bala nembiak pom lima udah diperansang ngambi pelajar teknikal enggau vokasional dikena napi sektor industri ti majak .
138 Chara nyeliahka salah guna teknologi ICT tangkan ari apai indai UNIT 10 Tema 5 1. Gaga ayat ngena jaku adjektif di baruh tu. belingkuk liuk belung mirah darah tengat kudul-kudul sesegau tulit bedegum pedar 2. Tulis siti karang bepelasarka grafik di baruh tu. napis penerang kena enggau patut ngaga taga jam