NKB Song Book

427. Jisu himi anyongam abydvn

(Jesus loves the little children)

1 Jisu himi anyongam abydvn,
Mw bulam anyal yvgdvn;
Ai aalam bulam kaal yvgdvn,
Ao lvpw hoqgv kaal dvn.

Bikur
Jisu abydvn, sam ngo cengdwn,
Jisu gab ngo swwl dootwq dvn;
Jisu abydvn, ngo bemin dvn,
Mw ngam nyedar darxaqpan.

2 Ngo hog gab hempdvn tox kaato,
Jisu ngoqg nyic gab sinum;
Baibelv sam ngam bekindo,
“Himi tulu ngoqg so haato”.

3 Kog benam mam Jisu tado,
Mwwg ao lvpw toloqgv;
Hookum gvdwl mwwn paqnyatuj,
Ao gumtw tulu lvgab.

428. Ywnbo Jisu ngam wgtvb

( Jesus, Saviour, pilot Me )

Doh is Bb SSS – 556

1 Ywnbo Jisu ngam wg tvb,
Hintwr kaany mwlwg lvpab;

Sig torgv vigo doo do,
Hintwr kaanyv pubum do;
Lamta kaal wgbo notwq,

Ywwnbo Jisu ngam wg tvb.

2 Annv kongam maanyoq yin,
Coikab odmab doonam hvb;
Doogum dooi yv nam ta do,
Dumab hvyin duma do;
Swnyiqsa biim mab mvnbo,
Ywwnbo Jisu ngam wg tvb.

3 Agab ngo leng leqyukam,
Swnyiqsa iss luml w yin;
Ngam nootul no ngam doog tvb,
Noqg haabo ho ngam doom tvl;
Noqg benam tapa mvm tvb,
“Bos mab, nam ngo wg tayin”.

429. Jisu ngulam huutol doom dvb mwwdo

( Jesus bids us shine )

Doh is G SSS – 1138

1 Jisu ngulam huutol doomdvb mwudo,
Ai kanam anyobo wm huul doonam hvb;
Ai kanam anyobo wm huul doonam hvb;
Noqg dookho no huuto, ngoqg dookso ngo.

2 Mwwg gab huum dvb Jisu ngulam mwudo,
Ngul huud ye huuma dvn Jisu kaal doo do;
Ngul huud ye huuma dvn Jisu kaal doo do;
Noqg dookho no huuto, ngoqg dookso ngo.

3 Mwlw gab huum dvb, mw ngulam mwwdo,
Soq gvda sam kanv pulup tvl doo do;
Soq gvda sam kanv pulup tvl doo do;
Noqg dookho no huuto, ngoqg dookso ngo.

430. Soram hemp pominla dooto

( Joy cometh in the morning )

Doh is Eb SSS –717

1 Mwwdwq dwql wnbo, nyi ak no,
Soram hemp pominla doo to;
2 Pwnbog agamv bel doodo,
3 Soram hemp pominla doo to.
4
Bikkur
Soram hemp pominl doo to,
Soram hemp pominl doo to;
Soiyam nyiqs tanap di jaqkam,
Soram hemp pominla doo to.

Bosbo nyi nul, bosso mabv,
Soram hemp pominla doo to;
Xabnbo, noqg nyiqsam tixaq to,
Soram hemp pominla doo to.

Hempto, hintwr kaanyam henk ram,
Soram hemp pominla doo to;
Jomp ponam moodv haa tayin,
Soram hemp pominla doo to.

Sool ngul mwlwngv hemp potuj,
Soram hemp pominla doo tuj;
Pwnbov nyiqsam tixa ji tayin,
Soram hemp pominla doo tuj.

431. Ab ngo Kristian swwnw aldo

( Lord, I want to be a Christian )

1 Ab, ngo Kristian swwnw aldo,
Hang urasi, hang urasi;
Ab, ngo Kristian swwnw aldo,
Hang urasi.

Bikur
Hang urasi, hang urasi,
Ab, ngo Kristian swwnw aldo,
Hang urasi.

2 Ab, ngo vigo anya nwwdo,
Hang urasi, hang urasi;
Ab, ngo vigo anya nwwdo,
Hang urasi.

3 Ab, ngo dvrwqb swwl doonwdo,
Hang urasi, hang urasi;
Ab, ngo dvrwqb swwl doonwdo,
Hang urasi.

4 Ab, ngo Judas hvb swwnwma,
Hang urasi, hang urasi;
Ab, ngo Judas hvb swwnwma,
Hang urasi.

5 Ab, ngo Jisug hvb swwnwdo,
Hang urasi, hang urasi;
Ab, ngo Jisug hvb swwnwdo,
Hang urasi.

432. Anyongv natv, Pwnbo doobayin

( Little is much, when God is in it )

HFG – 512

1 Rongobv amv nyiql doodo,
Mwlwg bon nyisv doodo;
Pwnbog goqnam agam tato,
Rongob nulam goqdudo.

Bikur
Anyongv natv, Pwnbo doobayin,
Yuuk dvb nyet gab bon nyimab;
Nwrba swwg noq gab doodo,
Jisun mwwjwl swwba bo.

2 Am naadvb goqnam rongongv,
Rongongv anyo jaqkam;
Si koidvn Pwnbo doobayin,
Nam mwwpa mab mw dooram.

3 Hintwr kaany sam henya yikam,
Gvdag nyisam nyinya yikam;
Mwwjw bonvn mw betayin,
Namso haatku ko tulu.

433. Anyangv ngam nyedarpan

( I was sinking… )

Doh is Bb GH – 183, GGSAH – 185

1 Aga hoqgv lenla yil, Nyic urab poqlwq num;
Nyic vi yam ngo baqla yil, Ura jaqb jvvlwq num:
Hvbmab Jisu haa layil, Ngoqg xabnam tapa num,
Sig hoqgv ngam naa lywnv, Ngam nyedar pan.

Bikur
Mwwg anyangv, Ngam yww lin pan !
Hiyvkam svka mab, ngam ywwlin pan;
Mwwg anyangv, Ngam yww lin pan !
Hiyvkam svka mab, ngam ywwlin pan.

2 Mwam hang ura hoqgv, Looxiam xuml doo tayin;
Mwwg ogum ho ngo hemppol, Mwwn paql bemin tayin:
Jisug anya apaq pel, Paqs akam dooma do;
Mwwjw, anya mwlwngam, Mww gab doomto.

3 Nyic nyil hintwrbo kaa to, Jisu nam yww tayin;
Mwwg anyangv yww tayin, Swnyiq saag isssamkam:
Biim mab mvnbongv Jisu, Mwwg mwwkub nyibalo;
Mwam mwwjw baloqkam, Nam yww tayin.

434. Jisu, nam ngo abydvn

( More Love to Thee, O Christ )

Doh is Bb SSS – 632

1 Tat to ngoqg Ab Ji su, Nam ngo xumg dvn;
Ngoqg xumnam sam ta to, Kumbw tvl ngo:
Ngoqg xumnam jaqkv si, Jisu nam ngo aby dvn;
Nam ngo aby dvn, Nam ngo aby dvn.

2 Gvdag jomp ponammam, Ngo meeker num;
Sija nam meel yv dwn, Nyedarbo no:
Si ngoqg xumnam jaqkv, Jisu nam ngo aby dvn;
Nam ngo aby dvn, Nam ngo aby dvn.

3 Hintwr kaan yv pumbuml, Vcmvm jaqkam;
Ab noqg tugu puiyv, Ngam hemppom do:
Bul bemin be bayin, Jisu nam ngo aby dvn;
Nam ngo aby dvn, Nam ngo aby dvn.

4 Ngo svqriq taikukam, Nam paq tayin;
Si ngoqg sexing jaqkv, Hang ura bol:
Hvraqb ngo xum tayin, Jisu nam ngo aby dvn;
Nam ngo aby dvn, Nam ngo aby dvn.

435. Soq agamsi Jisugv

(Now just a word of Jesus)

Doh is D SSS – 1111

1 Soq agam si Jisugv, Noqg jimbw ajinv;
Haagdvl ngulam bekin tvb, Noq gab mw hog nyij pan.

Bikkur
Soq agam si Jisugv, Ngulam si svka dvn;
Jisug soq agam goml sam, Be to, xum to, bemint.

2 Soq agam si Jisugv, Noqg nyicam nyedar pan;
Jisu mwwg anya hoqgv, Ao lvpw tol wc dvn.

3 Soq agam si Jisugv, Hintwr v sam beny ram;
“Jisun ngo aby dvn beny ram, Ngoqg nyicgab mw sipan.

4 Soq agam si Jisugv, Moodam wsam mvmmab;
Jama maal doonbo hangv, Kokwngam mwwdwq dvn.

5 Soq agam si Jisugv, Noqg mwwjw koimaany lo;
Noqg hog mwlwngam Jisun, Jipwl aptvl doom to.

436. Jisu ngoqg yvj nam meepa pa

(O Christ in Thee my soul had found )

Doh is F SSS – 853

1 Jisu ngoqg yvj nam meepa pa,
No akin mwwgwngv;
Jompam, hempam ngo meeker num,
Sijakam meepa ma.

Bikkur
Jisu akin no hemp pomdo,
Asaq emin doo ma;
Anya, jvqtw nwrba swwgam,
Jisu noqgho doo do.

2 Ngo mwwkur duk hemp hengam sam,
Nam mwwpa mab hempen;
Hvbmab Jisun kaapa kalam,
Mwwg anyangam ji pan.

3 Issam mutum dvb nyitar tvn,
Hvraqb issv cool do;
Issam ngo twwpaku ma yin,
Ngoqg xabnammam nyirj do.

4 Gvdag hemp gab ngo mwwl doo num,
Nam lokam mwwpa mab;
Nyiqcabongam kaapa mvmpa,
Noqg anyangam kaam dvb.

437 Jordong bwiywr si ngo daqdwn

( On Jordan’s stormy banks I stand )

Doh is G SSS – 973

1 Jordong bwiywr si ngo daq dwn,
Kvvnwl ngo kaal doo dwn;
Kaangambo Kannan gvda ho,
Hoglo ngo doo tayin.

Bikkur
Kaangam gvdaho ngul haal doo tayin,
Jenyeq tvl dookybo pobu bwiywrho;
Mosi Jisug bemin bel doo to, aal looxiam,
Nwrba gob Jisun dooba to.

2 Kvvc lamanam haapa paat so,
Nwrba gob huu tayin;
Jisu nwrba gob swwg tayin,
Kanv puta kuma.

3 Hoq gvda ho ngo wc laikul,
Hemp pominl doo tayin;
Ngoqg abwg nyuqmam kaapa yin,
Haaboho doo tayin.

4 Ngoqg yvj yal hemppol w tayin,
So ngo doota kuma;
Jordong issv lumlup jaqkam,
Bos mab ngo w tayin.

438. Gora ab Debidg dook ho lok

( Once in Royal David’s city )

Doh is G SSS – 32

1 Gora ab Debidg dook ho lok, Svv rwk nam ak ho doo num;
Annv mwwg kongam ho bwwnum, Svv rwkam mwwg dooknamgob;
Meri mw hoq kog annv, Jisu Kristo mwwg kongv.

2 Ao lvpw hoqgv mw haapan, Mw mwlwg Pwnbo abv;
Svv rwkam mwwg dook gob mvnum, Svv rwk namho mw yub num;
Jwwgw homa gob mw nyil, Ngulam ywwnbo v doo num.

3 Himy anyo hoqgv mw swwcal, Ann ab benam tal sww num;
Mwwg annam anyal kaal doog num, Mwam sonbo mwwg annwn;
Kristian himy nul mwlwngv, Mwwg hvb benam tal sww to.

4 Himy anyog swwg mw kaakin pan, Ngulug hvb mw swwca num;
Anyo tvl ator dooma num, Ngulug hvb xabl nyirl sww num;
Ngulam mwwdwq dwqba num, Ngulam hemp mw poba num.

5 Mwam ngul lok kaapa tayin, Mwwg ywwnnan anya hoqgv;
Hoq ko akv kaangam jaqkam, Ngulug ab aotv doo dwn;
Mwwg kongam mw bool wg do, Mwwg dookub bulam wg do.

6 Svv rw kumko nam hoku ma, Svv doqkumko namho ma;
Ao tol mwwn ngul kaapa tayin, Pwnbog lvqbwq tol daq dwb;
Takar hvb ko tulungam, Boopya benl huul doom tayin.

439. Gora abnvn paqto

(Praise the King of glory)

Doh is Bb SSS - 209

1 Gora abnvn paq to, Pwnbo mw akin,
Swr dorxy nyinam paq to ngulam kaakin pan;
Mwwg bir apnam doo do nyody book lamtangam,
Ai kanam huuto huul soolam doomwq pul.

Bikkur
Ao gumtw mwwn paq to, Vi yin pipamiql;
Mwlwngv mwwn paq to, Hiyv mwwn kaa kat;
Mwwg dook rolu lvpab, Moodv wl doo dwn;
Mwlwngv mwwn paq tain, mwlwngv mwwn paqtain,
Mwlwngv mwwn paq tain, Ngoqg yvj mwwn paq to.

2 Nyedarko gab paq to, Yvj yal swrso gab,
Subuq gab mwwn paq to nyedar ho dar dvn;
Anya lvqc mw ji dwn anyal kaal yvg dvn,
Mwwg bibwql apnamv xumnam loorwq do.

3 Nyob pamnam gab paq to, Osso sornam hvb,
Ngulam hang pwkin gob ao lvpw tol gab;
Mvi yabo mwwjwngam nul mwwgabl doog to,
Mwwjwbo tulungam hookuml doom tayin.

440. Jisu ngoqg hingw kongv

( Safe in the arms of Jesus )

Doh is G SSS – 57

1 Jisu, ngoqg hingw kongv, Mwwg haabo ho doo dwn;
Hoqgv leng dwn mw abynam, Ngoqg yvjv hemp tayin:
Ao gumtwg agam ta to, Ngoqg gab bemin be do;
Yuukumnam haapa ao ho, Gvda gvtso ao ho.

Bikkur.
Jisu, ngoqg hingw kongv,
Mwwg haabo ho doo dwn;
Hoqgv leng dwn mw aby nam,
Ngoqg yvj v hemp tayin.

2 Jisu, ngoqg cwwgw kongv, Mwwdwq saqk hoqgvkam;
Pooka yirka hoqgvkam, Nyicv ngam hog mvny ram:
Mwwdwqsv gokam doo ma, Ngo bos sogo doo ma;
Hintwrv vcwrgo twq, Nyiqs disv vcwrgo.

3 Jisu, ngoqg hang mwwgwngv, Jisu ngoq gab sin num;
Wlw lwwn gob svqtin dvn, Mwwjwl ngo doo tayin:
Kaai ya yal ngam cwql doom tvb, Paangv huuma deedib;
Sipe kul turma deedib, Kaaiya yoodul doom tvb.

441. Ngoqg swwg si Jisug taqpma

(Saviour more than life to me)

Doh is Ab SSS – 570

1 Ngoqg swwgsi Jisug taqp ma,
Ngo noqg ogumb ogumb hoodu dvn;
Noqg xinam dvrwq uiho,
Noqg ogumho looxiam ngam doom tvb.

Bikkur
Loopwngam, aal looxiam,
Ywwnam sam ngam hempa mvt;
Noqg anyaho ngam doom tvb,
Doom tvb, doom tvb, Ab noqg ogumho.

2 Soq kwly linbo gvda so,
Ngoqg wk lamtangam ngam hempa mvt;
Nam mwwjwl ngo wxar ram,
Ngoqg lamtangam ngo wxiya kee ram.

3 Nam vigo anya mvm tvb,
Gvda gvtso ngo swwl dood deedib;
Nam ngo kaapa ma deedib,
Huul doonbo noqg dook ao lvpw tol.

442. Jisu ngulam sviya gob mwwd

( Saviour, like a Shepherd Lead us )

Doh is Eb SSS – 1164

1 Jisu ngulam sviya gob mwwd, Noq galo anya tvbv;
Nw mw dvyinbo ngulam dvm tvb, Ngulug dookam no mwj do:
Ywwnbo Jisu, ywwnbo Jisu, Noq gab ngul mwlw doo dwn;
Ywwnbo Jisu, ywwnbo Jisu, Noq gab ngul mwlw doo dwn.

2 Ngul noqgv ngulam ajin jint, Ngulam lamta kaal wg tvb;
Nyic nyim mab ngulam kaal yvg to, Wxar yin ngulam mee to:
Ywwnbo Jisu, ywwnbo Jisu, Ngulug xumnam loorwq to;
Ywwnbo Jisu, ywwnbo Jisu, Ngulug xumnam loorwq to.

3 Ngulam boo tayin no birpan, Ngul jwwgw nyicbo jaqkam;
Svga gvrwqdo no ngulam, Nyedar, ator no doog do:
Ywwnbo Jisu, ywwnbo Jisu, Nyebiab Jisun mwwjw tuj;
Ywwnbo Jisu, ywwnbo Jisu, Nyebiab Jisun mwwjw tuj.

4 Nyebiab mwwg anya ngul mee tuj,
Mwwg mwwlwq kob ngul nyi tuj;
Anyabo ab notwq ywwnbo, Noqg anya hangso doom tvb:
Ywwnbo Jisu, ywwnbo Jisu, Ngulam anyal no doog tvb;
Ywwnbo Jisu, ywwnbo Jisu, Ngulam anyal no doog tvb.

443. Betlehemg takarv

( The Star of Bethlehem is shining )

Doh is Bb NB – 304

1 Betlehem takar v huul doo do,
Doonyi pool ao tv doo do;
Nyijwq nyi oummam kaa kin wg do,
Nit Ko Jisug dookub.

Bikkur
Betlehemgv kaangambo takar,
Noqg huuto ho ngulam huulubl wg tvb;
Nam jaqb ngulam no wc gvtwb,
Ywwnbo nit Ko bwwkub.

2 Nyijwq nyi oum v hemppol w num,
Huunbo takaram kaal;
Bulug pusummam taa koql ji num,
Nit Bir Ab Jisu nvn.

3 Ngulkam takar tvlam kaal doo dwn,
Abynammam ngul baqg dvl;
Ngul gab nit Bir Ab bwwpkob w tuj,
Wgdvl mwwn xum nya tuj.

444. Tugu puisam bekint nyic sa urab bol

( Throw out the life line )

Doh is G SSS – 772

1 Gvda gvtwg nyic kansa ura bol,
Vbw-bor, any-bwrm, hwdgo bol doo do;
Anya mwwpal haakaml hi yv leng tayin,
Tugu pui sam bulgab hiyv bvqj tayin ?

Bikkur
Tugu pui bekint, tugu pui bekint,
Nul wgnam nyi ak bvlam;
Tugu pui bekint, tugu pui bekint,
Soolkam ak gon haa deku.

2 Tugu pui bekint, mood xidul doomab,
Ajin hwdgo no mood xidul doo dwn?
Kaa to mwam urab nuul wg gvde,
Tugu pui bekint bulam boolin taku.

3 Swwg lamta bekint alman bo nyii ngam,
Hintwrl henl doodo no sam cengma do;
Pooka yirkangv, hintwr henamv,
Tugu pui sam bekint bulam mwwjw mvt.

4 Sija tugu pui sam bekint mablo,
Nwrba cetam gob bul nyii tayiku;
Hoqgab tugu pui sam bekin nya to,
Tugu pui sam bekinl bulam boolin to.

445. Jisu mviya dvn

(I heard an Old, Old story)

Doh is G HFG–82, GGSAH-52, TSC-277

1 Kolwg gon ak ngo ta twn, hogub yuunam akv haa num,
Hoggub Kalbari tol mw si num, ngoqg hvk nyicbon yww tab;
Mwwg sigginammam ta twn, mwwg xinam ui biql dooi yikho,
Hoo ngoqg nyic gab mwwkur kunv, nyicam mviya tukun.

Bikur
Ngoqg ab Jisug mvi yanamv nwrba gob doo dwn,
Ngam meekarl mwwg dvrwq galoqkv mw rvnum;
Otuq mw ngam anya pan, mwwn ngo anya sv doo do,
Ywwkho mw ngam tumbur pan, mwwg ywwnan ui pobub.

2 Ngo mwwg mwpnammam tatwn, mwwg ywwnan ator kaakinv,
Lvcabon mwptvl hoggub wm num, nyiqca bon ywwlin tvb;
Ngo xabl benum, “Ab Jisu, haagdvl ngoqg yvj sam ywwlin tvb”,
Jisu haa layil nyedar darxaq kob ngam bool wg pan.

3 Ngo tapa tvnnamnamt ak, ngoq gab mvppan ao lvpw tol,
Viyin lamtago ngo tapatvn, mwwg ao dook lvpw tol;
Ao gumtwg beminammam, kolwg ywwlinko gonam kam,
Aal log tol ngo bemin tayin, ywwlin ko bemin sam.

446. Doonyi dulaq huto ho

( Walking in the sunshine )

Doh is Bb SSS – 1099

1 Doonyi dulaq huuto ho, wkarl wl yvyin,
Komcwg huuto hoo kam, aiyam kan yinkam;
Aal looxiam mwwn w bal, w bal wl doo to,
Jisun looxiam wba to.

Bikkur
Jisun looxiam wba to,
W bat, ngul Jisun wba tuj,
W bat,w bat aal looxiam;
W bat, hoglo mw wg jaqkam,
Jisun looxiam ngul wba tayin.

2 Doonyi rvxaq hookam, kan twdwq hookam,
Dug poolv haainvkam, dwrpool haainvkam;
Jisug goqnam takat, benam tal sww to,
Jisun looxiam wba to.

3 Hemp pominl doo jaqkam, hintwrl hen jaqkam,
Doogum dooi haa jaqkam, issv nu jaqkam;
Noqg sig haama deedib, Jisun mwwjwl swwt,
Jisun looxiam wba to.

447. Dooi lvgab bemin bel

(There’s a song in ths air)

Doh is G CW – 198

1 Dooi lvgab bemin bel, Doa tv takarv,
Annv vcjaqb xumnam, Ko hoiyinv xabnam;
Takar huuto ho gumtwngv bemin bedo,
Hoqgab Betlexiam ho Jisu mw yubl doodo.

2 Hemp hvnyir mood jaqbv, Ko bwwnam koibo ak,
Nyem akwg kongv mw, Nyook so koibo nyingv;
Takar huuto ho gumtwngv bemin bedo,
Hoqgab Betlexiam ho Jisu mw yubl doodo.

3 Ho takar huuto ho, Hog mwlwngam nyinam,
Hoo doonyi pool dunam, Tvpwnam nyook mwlwb;
Hoo bul nam nvmxib gumtwngv bemin bedo,
Jisun bir Abgob bul nam nvmxib bel doo do.

4 Ngul huuto ho hemp dvn, Ngul beminam be dwn,
Hoq hv aiyam haa dwn, Ao lvpw toloqkv;
Bulug anyabo pui baqanammam ngul be dwn,
Ngulug ywwnbo lvpw atam ngul xumrwq dvn.

448. Gvda gvtso mw hookur yin

(When He commeth)

Doh is Eb SSS – 1140

1 Gvda gvtwb, mw hookur yin,
Mwwjwbongam boo tab;
Mwwjwbongv mwwg xuqnamv,
Mwwg abynam jaqkv.

Bikur
Komcwg huunbo takar tvb,
Huunbo boopya ben twl;
Ao tol huunbo takar tvb,
Huun bul doo tayin.

2 Bookum tayin, bookum tayin,
Mwwg lvpw tol doody bon;
Mwwjw jwtwl mwwjwbongv,
Huul bul doo tayin.

3 Anyobo himy, ko tulu nul,
Jisun anyabo nul;
Nul mwlwngv huunbo takar,
Huul bul doo tayin.

449. Hiyv sam tapadvn

( Whosoever will hear )

Doh is Db SSS – 389

1 Hiyv sam tapa dvn nul sam bekin to,
Gvda gvt mwlw ho puisam bekin to;
Tangam tugu pui sam nyingam bekin to,
Mwwjwbo akv haa to.

Bikkur
Mwwjwbo akv, Mwwjwbo akv;
Sudum sokob tugu puisam bekin to;
Gaqxarbo nyingam anyabo ab goq do,
Mwwjwbo akv haa to.

2 Hvvnwbo nyi akv no mood xil doo mab,
Viyap cwkol appan hvvnwbo haa to;
Jisu jvqtwbongv nwrba swwg lamta,
Hvvnwbo akv haa to.

3 Mwwjwbo ak gab si birwl apnamv,
Mwwjwbo ak gab si bosdvb nyima do;
Mwwjwbo ak gab si nwrba swwgvku,
Hiyv mwwjw dvn haa to.

450. Ao lvpw hoqgv hiyv haanum?

( Who came down from heaven to earth ? )

Doh is Db SSS – 75

1 Ao hoqgv hiyv haa num? Ngulam ywwnbo Jisu!
Ximanam kogob bww pan? Ngulam ywwnbo Jisu!

Bikkur
Bemin sam tapa mvm to, Nyedarnam sam mw haag pan;
Mwwg hvb hiyv anya ma, Ngulam ywwnbo Jisu!

2 Daapo tol hiyvn simnum, Ngulam ywwnbo Jisu!
Namla ngam tol nyedar pan? Ngulam ywwnbo Jisu!

3 Hiyv nyicam nyedar dvn ? Ngulam ywwnbo Jisu!
Hiyv be num, “Mwwjwl swwt!”, Ngulam ywwnbo Jisu!

4 Ao lvpw hiyv doo dwn ? Ngulam ywwnbo Jisu!
Hiyam ngul aby boiyindvn? Ngulam ywwnbo Jisun!

5 Hiyv lokta haa tayin ? Ngulam ywwnbo Jisu!
Mwwjwbongam boo takub, Ngulam ywwnbo Jisu!

451. Pooka yirka abymab

( Yield not to temptation )

Doh is Bb SSS – 698

1 Pooka yirka aby mab abynamv nyi cv,
Aby mab mvyanamv noq gab al tayin;
Haakaml bwrwql wto nyic nyi mab cwqg dvl,
Jisun no kaagabl wto nam mw yww tayin.

Bikkur
No Jisun svka ko to,
Ator anya ji tayin;
Nam mw svka kvvnw do,
Nam wpwg gv tayin.

2 Al manbon ajin mab bec agam be mab,
No Pwnbog eminam naasam naayam mab;
Mwwjw jwtwl sww to, anya hangho mwwl,
Jisun no kaagabl wto, nam mw yww tayin.

3 Mviyabo nyi ak ham swwg boopya bem tayin,
Mwwjwl mviya tayin duleql geq joyil;
Nulam ywwnbo Jisu, ator torg tayin,
Jisun no kaagabl wto, nam mw yww tayin.

452 Noqg anyangv iss pobu hvb tol doodo

(Your mercy flow upon us like a river)

1 Noqg anyangv iss pobu hvb tol doodo,
Noqg abynamv jvqtwb biimab doodo;
Pwnbo Ab aldo ngam xuql jil dooky bongv,
Ngul mwlwngv hwwkuml nam xumdul doodwn.

Bikur
Xabnam sam tato,
Lokta anyal doog tvb;
Hang lengmab anyal doog tvb,
Lokta anyangam mwwpa gvdwl.

2 Nam mwwjwbo mwwdwq dwql daql doojaqkam,
Sijaqkam hvraqb noqg aby doonamv;
Hwrcw mvmtuk ngulam lokta nam paqm dvb;
Ngulam Pwnbo ngulug Ab Jisunvn.

3 Ngul yubl dooi yikho,Soq nyob lupwngam naagnvn;
Nyi mwlwg cengl doognam nyic hoqgv,
Soq viyapsam wmmv gul mui gob mvjaqkam,
Jisug eminbv ngul dootab haaikun,
Ngulam ywwnbo Jisu !

453. Yad rvkybo nyi tulu

1 Yad rvkibo nyi tulu, rvkil dooi yik aiho,
Pwnbo gumtwngv ipoqnv (Gvdangam huupynam)….2

2 Gumtwngv bulam hvl benam, Bos yo ngam kaapa tvl,
Nyedarbo tugu puiyv su, (Nyia ko tulu gab)….2

3 Debidg hotam ho ko bwwpan, Nyedar dvb koi ak,
Swcw gv atv ipoqpan, (Nyem akwg ko gob nyil) ….2

4 Kaaka to koibo nyi akam, Nyia ko hvb nyil lengpan,
Atwg lvpwngam apaqpel, (Jwwgwg pengko ho dood) ….2

5 Ham bwwikam tolo gumtwngv, anya bemin bela,
Swwmbo Pwnbo paqyaco, (Hemp pwl doonka nyia ko) ….2

6 Mwwgabto, mwwgabto ajin tulu, Pwnbog anyangam,
Pwnbo gamlv lengpaku, (Nyia kongam nyedar tab) ….2

454. Ngoqg gab swwnam si Kristo gab

(For me to live is Christ, to die is gain)

Bikur
Ngoqg swwnam si mwwg, sinam si ngoqgv,
Mwwg alaqkam ngo nootul wgdvn;
Hoglo kam hemp hvnyir dooma,
Mwwg lvgab wnam hvb,
Ngoqg swwnam si mwwg, sinam si ngoqgv.

1 Lok ngo hangsi nyic hvnyw doonam,
Nyi bvtamma Jisu haal ywwtab;
Mw bvnam haat ngo nambv,
Mw mvpynam ngoqg hang ngam,
Ngoqg swwnam si mwwg, sinam si ngoqggv.

2 Sool ngoqg cengmanam vigo dooxiq do,
Hvbmab soqg ak sam ngo hindib cengpak,
Hiyv ngam goqpan hog aalho,
Ngoqg nyicam hwrxaq pan,
Ngo swwnam si mwwg, sinam si ngoqgv.

455. Ngo sam naadwb nyitayin yv

(How can it be!)

Doh is A CGH – 33

1 Ngo sam naadwb nyi tayinyv, Ho svkabo hoq wi hoqgv;
Sinkun mw ngoq gab hentwr henl, Ngo mwam simdvb mwnbongv:
Swr dorxiq aby hoggub nyi pan, Mw ngo gab sinkun ngoq gabv,
Swr dorxiq aby hoggub nyi pan, Mw ngo gab sinkun ngoq gabv.

2 Cengmanam simabov si pan, Hiyv cvng tain mwwg nyinammam;
Otuq kongv yuunvn ngul gab, Ho kaataml Pwnbog abynammam:
Si anyangv paqt swcwngv, Gumtw hangngam pooka kumab,
Si anyangv paqt swcwngv, Gumtw hangngam pooka kumab.

3 Mwwg ao lvpwngam apaq pvl, Xilamanam anyangam jil;
Mwlw gab atam jwwgw dvb, Ho ui lengl Adamho siq gab;
Anya si mwlwngam koibo, Ho ngo absam kaapa paku,
Anya si mwlwngam koibo, Ho ngo absam kaapa paku.

4 Pvtwq hoqgv ngam boolin pak, Nyicv ngam nootul doognamv;
Noqg vnyiq huto lvlaqkv, Gaqkarl hentwr wm ura ho;
Ngo nyic nyinam ngoqg hang hoqgv, Ngo gorabl no lvgab w tayin,
Ngo nyic nyinam ngoqg hang hoqgv, Ngo gorabl no lvgab w tayin.

5 Sija be nyi beiya doo ma, Jisug hog mwlwngv ngoqgv;
Ngoqg sww gwngv mw swwl doo do, Ho dvrwq vjam kool doo dwn;
Ngo wnwqpak nyi ywswwdy koam, Ngo Jisu gab bopya ben tan;
Ngo wnwqpak nyi ywswwdy koam, Ngo Jisu gab bopya ben tan.

456. Atwg at koibo koi, No akinv koibo

(Praise the Father, Praise the Son)

1 Atwg at koibo koi, No akinv koibo;
Swcw nyodo beminla, Paqdwn noqg emin.

Bikur
Paqdwn ab nam, Paqdwn ko;
Paqdwn dvrwq yvjngam;
Paqdwn atv koibongam mwwn paql nyiyw wyw gab.

2 Pwnbog sviya dvrwbo, dvrwqbo hog yubngv;
Kamc takar doonyi caalin hiyv dooma dvn.

457. Ngul swwca soqgv koi jaqbv mwam cvngnam si

(The greatest thing in all my life is knowing you)

1 Ngul swwca soqgv koi jaqbv Mwam cengnam si…..2
Ngo vigo cingnwdo …..2
Ngul swwca soqgv koi jaqbv Mwam cengnam si.

2 Ngul swwca soqgv koi jaqbv Mwam abynam si…..2
Ngo vigo aby nwdo …..2
Ngul swwca soqgv koi jaqbv Mwam abynam si.

3 Ngul swwca soqgv koi jaqbv Mwam yuumnam si…..2
Ngo vigo yuum nwdo …..2
Ngul swwca soqgv koi jaqbv Mwam yuumnam si.

458. Hempto Jisun aal looxiam

(Rejoice in the Lord always)

Hempto Jisun aal looxiam…..2
Lokta ngo bedwn hempto;
Hempto, hempto,
Lokta ngo bedwn hempto.
Hempto Jisun aal loxiam.

459. Noqg anya abynam si alyaado

(Thy loving kindness)

1 Noqg anya abynam si alyaado …..2
Ngo nam paqtayin, ngo nam xitayin,
Noqg anya abynam si alyaado.

2 Ngo alaq irabl noqg emin gab …..2
Ngo nam paqtayin, ngo nam xitayin;
Noqg anya abynam si alyaado.

460. Hoglo mw wgtayin, ngo wtayin

(Where He may lead me I will go)

Doh is Eb III Alex – 407

1 Hoglo mw wg tayin, ngo w tayin,
Ho ngo ceng tayin mwwjwngam;
Ngo mwwgab dvn mw nyinammam,
Mwv daapo ao tol sinkunv.

Bikkur
Jisu mw wg tayin aal aibv,
Jisu mw wg tayin lamtangam;
Mw ngoqg jvqtw jaqb ajinv,
Kalbaringam mww gab dvnv.

2 Ngo hemp dvnv mwwg birnammam,
Abynam ngo wg tayin mwwg alaqb;
Mwwg mwnamv ngam tiiswr do,
Kalbari tol xinam ui yv.

3 Ngo w tayinnv bos mabv,
Ngam lwwyabongv ogum duk;
Mwwjw dvn mwam kaapa tayin,
Kalbari Jisu ngoqg ajin.

461. Noqg mwwnam si no nyiam dvrwq dvb

(Thou dost seek a bride all pure and holy)

1 Noqg mwwnam si no nyiam dvrwq dvb,
Sija hiyv no hogv lengm pakun;
Hiyv jipan, nam sija bul hangam,
Noqg hang mwwnam hvbkalam bul hangam.

Bikur
Ab ngul birwql noqg hang mwwdu kunam,
Nyebiab haatku ab ngam sija bed;
Ngulug hang si atorv dood kunv,
Ngoqg aby sam naat ngoqg kac sam opaqt.

2 Gvdag nyij nyobngam bookum gvdwl,
Noqg dvrwq yvj ator koi hoqgv;
Noqg dookho doonbo sam kaapa doom dvb,
Kaaiya yag dvl noqg mood jinam sam.

3 Nam betaml soq gvda soq haqxianam,
Mwwjwl noqg sinam si bopya gab;
Noqg agam hog ngul mviya tayinv,
Noqg dookho ngulv kam dootayin.

462. Jisu mwv hempwg swwgv

(Jesus is the joy of living)

1 Jisu mwv hempwg swwgv,
Mwv swwgwg bir abv,
Mwv hogv ngam jilinpan;
Mw nywyw wyw gab,
Ngo nyitayin mwv hog bepan,
Hoglo mwv ngo wtayin:
Jisu mwv hempwg swwgv,
Mw ajinv ngo cengdo.

2 Ngo kaapa pakun ywwnbo akam,
Jisu mwv yvj aby dvn,
Ator luuxiv mw galoqkv;
Ngoqg hangso huuto doom tvb,
Ngo nyitayin mwv hog bepan,
Hoglo mwv ngo wtayin;
Jisu mwv hempwg swwgv,
Mw ajinv ngo cengdo.

463. Ompubo lwkw v Jisun ko bwwpa.

1 Ompubo lwkw v Jisun ko bwwpa,
Vmrwbo lwkw v Jisun annv suiyupa …..2
Bikur
Doonyibo aotv, Halleluya beminv,
Jil- malyo duldo alo bo gvda v …..2

2 Doopinbo tainv xolup pa gvgdo,
Karbv gv nyiqmv puiyumv gvgdo …..2

3 Pombubo tapu yu jumin nam juldo,
Ompubo lwkw v ann ko nyu yubdo …..2

4 Annbo ko nyum karb nyiqsv puiyum do,
Karbv gv opungv puiyma gvgdo …..2

5 Abgv nyiqmv kwbwnga gvgdo,
Wjw gv opungv puiyuma gvgdo …..2

464. Jisu gvda so haanamv ao gvda apaq pel

1 Jisu gvda so haanamv ao gvda apaq pvl,
Nyimur nyinam mam kaakin tabv;
Anyangam mwwla daapotv sinkun,
Apaqpel kaakin la daapo sipa kunv,
Rvpa kunv uiv lengla ………………………..2

2 Swwgam lvqcpan nyic-nyia bo gab,
Nyiidarbov kaapa tayin atwg swwgam;
Hiyv kam mwwjwbov hoq hob silaram,
Nwrba swwg gam kaapa tayin:
Dvrwqbo potangv silaram,
Jisug bvnamv bexiaqram.

3 Hoqgab nulv kam hoqgab ngulv kam,
Hoqgab mwlwngv hookumto Jisu gab;
Sija haag dvl mwwjw baloqkam,
Nvvrwq la Jisu mwwgv alaqtv,
Jisug alaqtv swwg lamtangv.

4 Jisu soq goonamsi meegkam gooxiaqram,
Dama bo nyi sam tacin maadwn;
Jisunv paqlaju, Jisunv xumlaju,
Mwlwngv poqkumto kwrwbv mwwla,
Swwgv, swwgv Jisugv alaqtv. …………..2

465. Ab mw aldo

(Yes, God is good)

Ab mw aldo, Ab mw aldo, Ab mw aldo,
Aldo, Aldo mw ngam……………..2
Paqt Pwnboam looxiam…………..2
Paqt Pwnboam ngul hang ura;
Paqt Pwnboam ngul hangso aal looxiam.

466. Ab ngul nam aby dvn,

(Father we love you)

Ab ngul nam aby dvn,
Ngul nam xumdwn paqdwn;
Paqdwn noqg eminam gvda si,
Paqdwn noqg emin….2
Paqdwn noqg eminnam gvda si.

1 Jisun ngul aby dvn

2 Yvj ngul nam aby dvn.

467. Puutug daapo ho ngam ywwnbo sinwn

(Down at the cross where my savior died)

1 Puutug daapo ho ngam ywwnbo sinvn,
Puutu ho ngo nyicam hwrxaq gvnkun;
Tol ngoq hangam uiv hwrxaq pakun,
Paqto mwwg emin.

Bikur
Paqto mwwg emin, paqto mwwg emin,
Tol ngoq hangam uiv hwrxaq gvnkun,
Paqto mwwg emin.

2 Ngam swrdorxib ywwpan nyic hoqgv,
Jisu anya al ngam dooba dvn;
Tol daapo tol ngam mw boolwq pan,
Paqto mwwg emin.

3 Xinam ator ngv ywwpan nyic hoqgv,
Ngo vigo hempdo, ngo haai yik urab;
Tolo Jisu ngam dvrwq dvb mvpan,
Paqto mwwg emin.

4 Haato soq atoram nyet swwk so,
Jilwqt noqg yvjam Jisu dook bv;
Nyorbv sool haatku nit mwwdar dvb,
Paqto mwwg emin.

468. Hempto, Pwnbo gab hempto

(Be glad in the Lord and rejoice)

1 Hempto, Pwnbo gab hempto,
Nulug mwwdwq hangv dvrwqla;
Nulv mw galoqkv xuqto,
Mwwdwq-saqkam vpaq mvmto.

Bikur
Hempto, hempto,
Hempto Pwnbo gab hempto.

2 Hemp poto mw Ab Pwnbongv,
Swcw nyodongam koi yaadwn;
Mwwg goonam nyinamv swwg dvn,
Koi ator hoqgv ywwlin dvb.

3 Hognvk hentwrv jvqtwngv,
Nam mvnbongv nyiita yuku;
Pwnbog nyi tulungv toos tayin,
Mengbo nyi yangam koi yaadwn.

4 Kanv soolam gooiyum jaqkam, 5 Hempto Pwnbo gab hempto,

Noqg ao kan ngam hwrpaq tuku; Mwam paql betamto bemin hog;

Noqg yvjam mwwlwq mab nyimab, Tangambo agam yal hoqgv lengl,

Mwwjwl hentwrv wnam gob. So sool Halleluya beminto.

469. Bemin beto noqg hangho

(Making melody in my heart)

1 Bemin beto noqg hangho …….3
Bir abwg emin gab.

Bikur
Xumto ho mwwn paqto …..2
Bemin beto noqg hangho,
Bir abwg emin gab.

2 Bir ab, Bir ab, Atwg At…….3
Swwnka noqg vmin.

3 Abil bon nyit noqg hangho…….3
Paqg dvl mwwg eminam.

4 Nywywb hemp pot mwwg gab …….3
Paqg dvl mwwg eminam.

5 Svgoqto nyook mwlw ho …….3
Bir Abv hookur yuk.

6 Ab gab alaqkv cipuql …….3
Hempt nywyw wywb.

7 Abito abito vi-vigo …….3
Soominl mwwg agaho.

470. Kristo gabv bwrmv tulu

Bikkur
Pwnbo gv xuqlinam ko tulu
Wnv ju Kristog ogumb.

1 Kristo gabv bwrmv tulu,
Huuto bv wnv ju mwwgv lvpw
Jisu mw goqdu do sool ngulam …….3

2 Swwgwg dvsam jinbo Jisunv,
Wnv ju ngulv mwwgv lvpw bv;
Jisu mw goqdudo sool ngulam …….3

3 Swwgwg dvsam dvbaloqkam,
Hangwg nyimurv dooma tayin,
Jisu mw goqdu do sool ngulam. …….3

471. Ngo Jisu lvgab wba nwwdo

(I want to walk with Jesus Christ)

1 Ngo Jisu lvgab wba nwwdo,
Hwdgo gvda so swwl dootayin;
Ngam swwg ko dvb Jisu jitayin,
Gv-vp hoqgv yvj xaqb.

Bikur
Wba tayin, Wba tayin, naatayin swwg am,
Mw galoqkv, mwv sigam mviya tayin mw bir ab;
Loorwq tayin hempam hiyv jipan,
Hiyv naapan mwwg swwgam.

2 Ngo cingnwdo mwwg benam sam,
Mwam xumg dvla nyicam betaml;
Mvkol ngoqg swwglo mwam doom dvb,
Ho hempv ngoq gabv.

3 Ngo cingnwdo mwwg agam sam,
Si hoggub lamtangam ngo cengmpan;
Ngoqg swwnam si mwam al dvbv,
Dvrwq ngvla hempv.

4 Ngo cingnwdo mwwg benam sam, 5 Ho abwg dvrwq yvjngv sija,

Ngoqg swwnam si kaataml Jisu dood; Haala ngoqg hang ura si dood;

Ngoqg nyinam, mwwnam, goonam si, Ngoqg hang mwwxiaq sam

Mwlw si mwwg abynam. (nyil doog tvb,

Ngam naat kub noqg gabv.

472. Jisun kaaya yaag dvl haato

(Come, the long expected Jesus)

1 Jisun kaaya yaag dvl haato,
Ko si nyiam boolin tayin;
Ngulam bos nyic pengko hoqgv,
Dook sam naat mwwg galoqkv.

Bikur
Taal jwwg dvn tv hog taalv yu?
Tv Jisun goql nit ko bwwnam,
Taal jwwg dvn tv hog taalv yu,
Tv Jisun goql bir ab.

2 Nyi mwlwngam bookum taikun,
Mwwjwl lengto mwlwngv;
Koi jaqb mvnam ngul nyook soqgv,
Hangv xumpan kaaiya yal.

3 Ko si nyiam boolin taikun,
Ko si bir ab swwtayin;
Ko si nywywngam yuutayin,
Haapak xinam lvpwngv.

473. Pwnbog yvjv ngoqg hang si

(God’s Spirit is in my heart)

1 Pwnbog yvjv ngoqg hang si,
Mwv goqpan xuqbuq pakun;
Soq sam ngo nyitayin,
Sam ngo nyitayin.

Bikur
Mw ngam kaataml,
Tugu puiyam bekar mvdwb,
Betamt nyera doonbo dooma dukun;
Betamt nyicabo kaapa taikun,
Ho lengtku mvko pakun.
Ho nyi vxiam betamta,
Pwnbo lvpwg tugu puiyv haapak;
Ho nyi vxiam betamta,
Pwnbo lvpwg tugu puiyv haapak.

2 Ngam hoggub Ab kanam pan,
Ngo kam nam sool kanam gvinv;
Ngoqg puisam nyook mwlw bv,
Ho nyook mwlw bv.

3 Hog gokam baqmab noqg lamk ho,
No baqmab vj romnyi gokam;
Bon nyibv nyijo naatayin,
Naatayin At gabv.

4 Bos mabv no hog betayin,
Bos mabv no hoq aal lo ho;
Pwnbog yvjv nam betam tayin,
No hangho betayin.

474. O, viyin nampamho, hwdgo ngo doonw dvn

(O city of God)

1 O, viyin nampamho, hwdgo ngo doonw dvn,
Tol vc-apy sinam dooma dvn;
Tol mwwdwq dooma, huutongv dootwq dvn,
Ngo wde kunv viyin nampam.

Bikur
O, Pwnbog nampam, o, hempwg nampam,
Hogloq nampam hoqgv lengpan,
Ngo wde kunv viyin nampam;
Hwdgo hemptai kunyu,
Ngo wde kunv viyin nampam.

2 O, anya nampam hwdgo ngo doonw dvn,
Tol jwwgw nyet mwlwngv aiyin dvn;
Hwdlo doonyi haama dvn, Atv huuto huub ngv,
Ngo wde kunv viyin nampam.

475. Beto Halleluya, Ab gab

(Sing, Hallelujah)

1 Beto Halleluya, Ab gab …….3
Beto Halleluya …..2

2 Jisu mviyal nyic sinam mam …….3
Jisu mviyal ….2

3 Jisu gorab nyikun sipekul …….3
Jisu gorab….2

4 Jisu doopa ao lvpwtv …….3
Jisu doopa…..2

5 Jisu Atv swcw nyodo gab …….3
Jisu Atv…..2

6 Jisu hookur taiku lokta …….3
Jisu hookur tai…..2

7 Beto, Halleluya, Ab gab …….3
Beto, Halleluya…..2

476. Ngulv haal mwwg nam urab

(We have come into his house)

Ngulv haal mwwg nam urab,
Ho goql mwwg eminam xum tayinv;
Ngulv haal mwwg nam urab,
Ho goql mwwg eminam xumtayin At Jisun,
Xumtaj At Jisun.

1 Atam mwwngv swwma bv,
Hvbmab Jisun mwwgab jinjinl swwto…..2
Atam mwwngv swwma bv.
Hvbmab Jisun mwwgab jinjinla, mwam xumto,
Xumtaj At Jisun.

2 Mwv ngoqg jvqtw jaqkv……2
Ngo dootayin mwlwngam mwwn xumg dvla,
Mwv ngoqg jvqtw jaqkv;
Ngo dootayin mwlwngam mwwn xumg dvl, At Jisun,
Xumtaj, At Jisun.

3 Kuj ngul alaq sam irabl …..2
Ho paql mwwg eminam, xumg dvla,
Kuj ngul alaq sam irabl;
Ho paql mwwg eminam xumg dvl, At Jisun,
Xumlaj, At Jisun.

477. Nyi ngv akinla dooba dvn

(The fullness of the God head bod’ly)

1 Nyi ngv akinla dooba dvn,
Pwnbo lvgabv….2
Ho ngulv nyinyia pakun.

Bikur
Nyipak, nyipak, nyipak mw gab,
Ngulv nyinyia pakun, Halleluya,

2 Si jvqtwbo gv bon nyinam ma,
Hvbmab Jisugv…..2
Ngul mw gab nyinyia pakun.

3 Tol nyissv dookma ngo nyid bv,
Jisu nyig nyikun…..2
Ngul mw gab nyinyia pakun.

478. Mvkot ngo vnyiq sam kaam dvb

(Open my eyes that I may see)

1 Mvkot ngo vnyiq sam kaam dvb,
Micaq jvqtw lo ngo gabv;
Jitbv ngoqg alaq so mvkonannam,
Soqgv ngo mvkol lengtayin.

Bikur
Nam kaaiyal ngo cooiyib doodwn,
Hengabl ngo noqg mwwkwb nyidwb;
Mvkot ngam vnyiq jilwqla,
Dvrwq yvj hoqgv.

2 Mvkot ngo nyuru sam tam dvb,
Yalam no jitbv tadar dvb;
Dooiyv yipeq yam ngoqg nyuru so,
Hog mwlw wmbv nyita yuk.

3 Mvkot ngo agam sam bem dvb,
Anyabo puilo nyook mwlw;
Mvkot ngo hang sam bem dvb,
Abil noqg kongam biswr dvb.

4 Mvkot ngo mwwnan ngo cengtayin,
Noqg aby si agam bon nyik hog;
Ngoqg hoqgv bostayin no nyil wgdo,
Ngo nam bepen wm huuto lo.

479. Ao gvdangv nwrba hemp gvda

(The happiness of heaven)

1 Ao gvdangv nwrba hemp gvda,
Ab mwv hoq gvdangam swwg dvn;
Mw huutongv looxiam huudu dvn,
Tol nywywngam kanv dooma dvn.

Bikkur
Hoq xinam gvda tol,
Mwwdil mwwdil ngulv wnya laj;
Hoq xinam gvda tol,
Mwwdil mwwdil ngulv wnya laj.

2 Dooma dvn doonyi-poolwg huutongv,
Tol sig torg hentwr gokam dooma;
Tol kano hvngwr xis dooma dvn,
Hengpa dvn nwrba hemp pod svngam.

3 Doodwn tol dvrwqbo gumtwngv,
Ho doodwn dvrwqbo mwlwngv;
Gvdwn ao lvpw hang gvnam,
Naadwn ho nwrba cetam hempam.

4 Nyic hangam baqnyia bo nyi tulu,
Ao lvpw atoram naanyia to;
Nvvrwqto Jisug ywwlinam mam,
Ywwlinbongv nwrba swwg tayin.