NKB Song Book

95. Ngo mwwgabl doodwn ao gvda

(My hope is built on nothing less)

Doh is G NB - 140 SSS – 902

1 Ngo mwwgabl doo dwn ao lvpw,
Jisug uiyv nyedar dar dvn;
Hemp hengam sam ngo mwwjw ma,
Jisug eminnam svqgw dvn.

Bikkur
Jisug lvvnho ngo dvqgw dvn,
Xuqxynamv nyebiab tab todvn,
Xuqxynamv nyebiab tab todvn.

2 Mwwg nyuqmam kanv pulub yin,
Mwwg anyangam ngo svqgw dvn;
Nyelin dorsv ngam pumbum yin,
Ao lvpw ngam ngo mwwgab dvn.

3 Mwwg uiyvla mwwg birnamv,
Nyelin dors yin ngam svka dvn;
Ngoqg hog mwlwngv yu jaqkam,
Jisun ngo svqgwl dootwq dvn.

4 Mw pipa miql hookur yukam,
Mwwjwbo gob ngam kaapa mvt;
Mw galo nyedar dark tvl ngo,
Ao lvpw tol haal doo tayin.

96. Jisu anya mwwpa banv

( He lifted me )

Doh is G GH – 16

1 Jisu anya mwwpa banv,
Ngam ywwlin tab mw ipoq pan;
Nyic nyil hvnyw nywl doonbongam,
Anyal ngam ywwlinpan.

Bikkur
Iss hoqgv mw ngam naalinpan,
Anyal alaqkv seelinpan;
Aal aiyam nwrba cetam gob,
Mwn paqnyato ngam ywwlinpan.

2 Tapa mvmdvb mw ngam goqpan,
Ngo vigo nyic nyil dooi yikho;
Hvbmab mwn ngo mwwjw kalam,
Jisu ngam ywwlinpan.

3 Jisunvn taa boopya bemnum,
Mwwg alaqkam kam taqtinum;
Tol ngoqg nyicam nyedar darpan,
Anyal ngam ywwlinpan.

4 Ngo sija mwn mwwjwl doodwn,
Ngoqg yvj yalv hemppol doodo;
Mwwg anyangam ngo hempa pa,
Jisu ngam ywwlinpan.

97. Sool ngoqg yvj yal hutol huul doodo

( There is sunshine in my soul today )

Doh is Ab NB - 169 SSS – 872

1 Sool ngoqg yvj yal huutol huul doo do,
Doonyam huubin yaanbo;
2 Huunbo mwlwngam huubin bo,
3 Jisu ngoqg huutongv.
4
Bikkur
Huubin yaanbo, huuto huul do,
Hangv hemppol mwwdul doo du yin,
Jisun nyirl doo dwb kaapa yin,
Ngoqg yvj yalv huul doo dwn.

Sool ngoqg yvj yal bemin bel doo do,
Jisu gab bemin do;
Ngoqg bemin becin manammam,
HamkamJisu ta do.

Sool ngoqg yvj yal hemp pominl doo do,
Jisu ngam dooba do;
Ngoqg hang si mwwg hempv doo do,
Anyangam kaapa do.

Sool ngoqg yvj yal anyangam doog do,
Mwwjw, anyangv dood;
Ngoq gab sool mwwg lvqc jilnam si,
Ao tv ngoq gab ap pan.

98. Jisug puisam ngo tatayin

( More about Jesus would I know )

Doh is Ab NB - 170 SSS – 571

1 Jisug pui sam ngo ta tayin,
Mwwg anya ngam bel doo tayin;
Mw nyedar dark sam kaakin do,
Anya mwwpal ngoq gab si pan.

Bikkur
Ngo Jisug agam sam,
Ngo Jisug agam sam;
Mwwg anyangam bel doo tayin,
Mwwg ywwnam sam bemin tayin.

2 Jisug pui sam ngam tam tvbv,
Mwwg mwwlwqkob ngo nyi tayin;
Mwwg yvj yalv ngam tomswr dvn,
Jisug nyinam ngam kaakin do.

3 Jisug agamv Baibel si,
Jisu ngu nyi goomin sudwn;
Agam gomcibv mwwg benam,
Mwwg agamv mwwjw mvm do.

4 Jisu mwwg atwg lvpw tol,
Bir ab gob tol mw swwl doo dwn;
Gvda gvtwb mwn yuu tayin,
Gora ab nyil mw haa tayin.

99. Jompsi Pwnbog anyag lvqcv

(Sweet peace, the gift of God’s Love)

Doh is A SSS – 657

1 Tangam yal ak ngoqg hang si haad,
Jomp hemp ponam tangam yal go;
Ngo sam looxiam beminl doo dwn,
Hemp si Pwnbog lvqc jilnam.

Bikkur
Jomp, jomp, hemp jomp,
Ao lvpwg lvqc jilnamgo;
Si ao lvpwg hemp ponamgo,
Hemp si Pwnbog lvqc jilnam.

2 Hempsi Jisug daapo hoq gv,
Ngoqg nyicam mw sil nyedar pan;
Hoglokam nyedar ko dooma,
Hemp si Pwnbog anyangv.

3 Jisun ab gob mwwjw kalam,
Mwwg hempv ngoqg hangso haa pan;
Jomp hemp Jisuho ngo naa pan,
Hemp si Pwnbog lvqc jilnam.

4 Jisugho ngo hemppol doo dwn,
Mwwg ogumho ngo haal dooi yin;
Jomp, hemp, anya hangso haa dwn,
Hemp si Pwnbog lvqc jilnam.

100. Jisu gab ngo hvnyw nywram

( I’m not ashamed to own my Lord )

Doh is E SSS – 883

1 Jisu gab ngo hvnyw nyw ram,
Mwwg eminnam lwyal;
Mwwg bir apnam mam mwwjwnv,
Yuunam daapo gabkam.

Bikkur
Daapo tol, daapo tol, ngo kaapa num huto,
Tol ngoqg nyic mwlwngam nyedar pan;
Tvlam ngo mwwjwl kaadar pakun,
Sija ngo hemp pominl doomin dvn.

2 Ngoqg Pwnbo Jisun ngo cvng dwn,
Mwwjwl doo dwn mwnvn;
Mw ngam lokkam hvnyw mvmram,
Ngoqg mwwjwngam nyiim ram.

3 Mwwg birnammv nwrbab doo dwn,
Lwyal mwdoog dvnv;
Mwwg alaqho ngoqg jipnammam,
Nwrba gob doom tayin.

4 Ngoqg doopaqbo eminnam mw,
Abwg dook tol goq linl;
Mwwg nitbo Jerusalemho,
Ngam doom dvb ji tayin.

101. Bos mab ngo dooba dvn

(Fear not, I am with thee)

Doh is C NB - 49 RS – 325

1 Bos mab, ngo doobadvn,
Huunbo viyin hvb;

Huul doonbo takar tvb,
Ngoqg lamta huudo:

Ai doomwq lvpagv,
Huuto kaakin pan;

“Nam ngo apaq jaq ram,
Nam ngo vpwb apaqram”.

Nam ngo apaqram, Nam ngo apaqram,
Mw birpan ngam apaqram hvl;
Nam ngo vpwb apaqram.

2 Opu pupel sido, 3 Ngoqg lamtangv kando,
Opungv rwdo; Sig torgvkam dood;

Doony lvlaqkv nyiido, Jisu ngam doobado,
Aotv huul doodo: Bisdo, “Hemppol dot”

Sarong opu Jisu, Hempnamv pvta hvb,
Mw gab huul doodo, Hangso jarl haapa;

Jisu aotol huudwn, Hemppol beminl doodo,
Vp cikwb ngam apaqram. “Mw ngam vpwb apaqram”

102. Ngoqg swwca so jomp pobu hvb haainvn

(When peace like a river)

Doh is Db SSS – 901

1 Ngoqg swwca so jomp v pobu hvb haainvn,
Mwwdwq saqkv ngam pumbum yin;
Hemppol mwwdwql dooinvkam no ngam bem do,
Si ngoqg yvj yalam al dvb mvnbo.

Bikkur
Si aldo, yvj yal gab,
Si ngoqg yvj yalam aldvb mvnbo.

2 Ui opongv ngam pooka ywirka jaqkam,
Ngoqg hang v sam mwwgaql doo dwn;
Anya asorb gob Jisu ngam kaapanv,
Ngam nyedar tab mwwg uiyam biqm pan.

3 Si ngoqg hemp pominnam agam jaqgo nyi,
Ngoqg nyic nyinam hog mwlwngam;
Mwwg daapo ao tv yoqdwr taqtin gvn kun,
Ngoqg yvj yal paql doo to Jisu nvn.

4 Ab noqg haad moodam ngul kaai yayal doo dwn,
Ao tol doomwq kaapa maaikun;
Gumtwngv pipa miql Jisu haa tayin,
Ngoqg yvj yal hvgab albo moodvku.

103. Looxiam mwwjwnv doodwn

( Simply trusting everyday )

Doh is Ab NB - 76 SSS – 836

1 Looxiam mwwjwnv doo dwn,
Hintwr jaqkam mwwjw dvn;
Mwwjwngv anyo jaqkam,
Jisun mwwjwl dootwq dvn.

Bikkur
Looxiam mwwjwnv doo dwn,
Mwwjwmab loogkam doo ram;
Ngo hogub nyil doo jaqkam,
Jisun mwwjwl dootwq dvn.

2 Dvrwq yvj yal aal looxiam,
Ngoqg hang so haal huul doo do;
Mw ngam looxiam wl yvg do,
Jisun mwwjwl dootwq dvn.

3 Hempol dooi yin bemin dvn,
Mwwdwq saqk yin xuml doo dwn;
Nyelin dorsgob nyil dooi yin,
Jisun mwwjwl dootwq dvn.

4 Swwl do deedib mwwjw dvn,
Gvda gvt si wma dab;
Ao lvpwb wcma deedib,
Jisun mwwjwl dootwq dvn.

104. Hemp aldo ngo

( O Happy Day )

Doh is G NB - 24 SSS – 866

1 Hemp aalgo ngo sool ngam xuq pan,
Ngam nyedarbo ngoqg ab Pwnbo;
Soolwg ngoqg hang hemp ponam sam,
Gvda gvtam bekin tayin.

Bikkur
Hemp aal go, hemp aal go,
Ngam Jisu nyedar dark aalho;
Ngam tomswr do, hengabl xum to,
Hoo aal looxiam hemppol doo do,
Hemp aal go, hemp aal go,
Ngam Jisu nyedar dark aalho.

2 Nyinya paku nyis pot jaqkam,
Jisu ngoqgv ngo Jisugv;
Mwwg mwwkub ngo wkar yv dwn,
Hemppol Jisun mwwjw nyato.

3 Doo to ngoqg hang mwwdar manbo,
Soolwg aal sam mwwgabl doo to;
Jisun lokkam apaq mabv,
Mw hog mwlwngam doog gv dwn.

4 Ngo mwwkurnv mwwdar gvi kun,
Jisun akin mwwgabl doo dwn;
Soq swwca so si nyis potv,
Ngoqg sigmakam si koyaa dwn.

105. Jisu ngoqg hangsi haal doodku

( What a wonderful change in my life)

Doh is A NB - 127 GH – 43 & III Alex. 378

1 Ngoqg swwnammam oksub swr alub mvpaku,
Jisu ngoqg hang so haagum gab;
Ngoqg yvj yalv huto dook ngo meekarl yv num,
Jisu ngoqg hang si haal dood ku.

Bikkur
Jisu ngoqg hang si haal dood ku,
Jisu goqg hang si haal dood ku
Sw nyiqsa iss hvb ngoqg yv yalv hemp podo,
Jisu ngoqg hang si haal dood ku.

2 Kolwg wk lamtab ngo sija wma dukun,
Jisu ngoqg hang si haal dood ku;
Ngoqg nyic hog mwlwngam dvrwqb hwrxaq paku,
Jisu ngoqg hang si haal dood ku.

3 Jvqtwngamla mwwjwngam ngo sija doog dvn,
Jisu ngoqg hang si haal dood ku;
Sija ngoqg lamtangv kanbo doomwq pukma,
Jisu ngoqg hang si haal dood ku.

4 Sija sig lamtangv ngoq gab huutol doodku,
Jisu ngoqg hang si haal dood ku u;
Ao lvpwngam ngo sija aotv kaapa do,
Jisu ngoqg hang si haal dood ku.

5 Aal loog ao lvpwng tol dootab ngo w tayin,
Jisu ngoqg hang si haal doodku;
Tol ngo Jisun kaapal hemppol doomin tayin,
Jisu ngoqg hang si haal dood ku.

106. Hemp al mwwpa do hang ura si

( There’s within my heart a melody )

Doh is F NB - 119 TSC – 346, FH – 587

1 Hemp al mwwpado hang ura si,
Jisug agammam ta twl;
“No bos somab nam ngo dooba dvn”,
Gvda so swwl dood dee dib.

Bikkur
Jisu, Jisu, Jisu,
Tangam emin go;
Hangam hemppol doom do,
Hemppol doo do ngoqg hangv.

2 Mwwg anyangv hempol ngam doom do,
Mwwg doonyumho ngo doo dwn;
Mwwg nyirl doonamam ngo kaapa tvl,
Hoqgab ngo beminl doo dwn.

3 Iss urab mw ngam bool wg jaqkam,
Uiyv ngam pooka jaqkam;
Ngoqg lamtangv wngam maa jaqkam,
Mwwg lvllam kaal w tayin.

4 Ngam boo takub hoodul mw doodo,
Doony pool, takar ao hoqgv;
Ngo cengmako gvdab jarl w dvn,
Tol ngo mwn dooba tayin.

107. Yorn akobvkam

(Down in the valley)

Doh is G NB - 165 SSS – 529

1 Yorn ako bvkam Jisun ngo wba tayin,
Hoglo opu puminl tiiswr iss tol doo dwn;
Mw ngam hoglob wg tayin ngo hoqb wba tayin,
Amin naama deedib ngo wba tayin.

Bikkur
Wba, wba, Jisun wba tayin,
Hoglokam, wgjaqkam, ngo wba tayin;
Wba, wba, Jisun wba tayin,
Hoglo mw wgjaqkam ngo wba tayin.

2 Yorn haapa bvkam Jisun ngo wba tayin,
Hoglo doogum dooiyv diidwr issv tol doo dwn;
Mwwg alaqkv ngam bool wg yin ngo mwwdwq maadwn,
Mw ngoqg ogumb dooi yin ngo bosso madvn.

3 Yorn haapa bvkam bwdwb mw ngam wg jakam,
Nyedarbo Jisun ngo looxiam wba tayin;
Mwwg wkarko lamtab mw ngam bookarl wgtag do,
Pwnbog nam tol hookuml jomp pomin tayin.

108. Jisu ngulam goqdul doodo

( Jesus calls us o’er the tumult )

Doh is Bb NB - 141 SSS – 762

1 Jisu ngulam goqdul doo do,
Sig torggob ngul swwl dooi nvn;
Looxiam mw anyab bel doo do,
“Kristian, no ngam wba to”.

2 Jisu ngulam goqdul doo do,
Gvda sam abynam hoq gv;
Ui opo pal doonam hoqgv,
“Kristian nyi ngam wba to”.

3 Ngulug hemppok hintwr hookam,
Bon nyi garl doonu yinkam;
Jisu hvraqb ngulam goq do,
“Kristian, nyi ngam anya to”.

4 Ngulam anyal Jisu goq do,
Ngul mwwg goqnam tapa do;
Ngulug hang sam nam mwwjwl doomt,
Ngulam noqg bonam nyim to.

109. Hoglokam, wjaqkam, ngo bos soma dvn

(Anywhere with Jesus)

Doh is D NB - 33 SSS – 627

1 Jisun wba lokam ngo wpwq tayin,
Swcw nyodo so ngam hoglob wg jaqkam;
Jisu doo mayin hangv hemp poma dvn,
Hoglob mw wg jaqkam ngo bos soma dvn.

Bikkur
Hoglokam, w jaqkam, ngo bosso madvn;
Hoglob w jaqkam ngo Jisun wba dvn.

2 Jisun wba yin ngo vpwb wma dvn,
Ajinv apaq yin mw ngam wba do;
Nyelin dors jaqkam ngam Jisu wba do,
Hoglob w jaqkam mwlwngv mwwn paq do.

3 Hoglob w jaqkam ngo Jisun wba dvn,
Kanv pulub jaqkam ngoqg hangv hemp dvn;
Huurabl ngo ceng tayin ngoqg moodv hvtwq,
Hoglob w jaqkam Jisu ngoqg dooknamv.

110. Jisu ngam kaal lamtab wgdo

( All the way my Saviour leads me )

Doh is B NB -36 SSS – 522

1 Jisu ngam kaal lamtab wg do, Wba dvn, mwam mwwjwl;
Mwum tai nviyv Jisu nvn, Ngoqg swwg bumpwngam swwgbon:
Jisug jomp hemp ponam jaqgo, Jisun mwwjwl ngo doo dwn;
Cengdwn ngo hintwrl doo jaqkam, Algab Jisu sam nyim do;
Cengdwn ngo hintwrl doo jaqkam, Algab Jisu sam nyim do.

2 Jisu ngam kaal lamtab wg do, Wwr jaqkam ngo hemp al do;
Svka do ngo wnyku mayin, Swwg dvgam mwjil doo do:
Allv ngam wmkuma jaqkam, Hvngwrnv ngo doo jaqkam;
Kaapa do iss tol doonam mam, Issam kaapal ngo hemp do;
Kaapa do iss tol doonam mam, Issam kaapal ngo hemp do.

3 Jisu ngam kaal lamtab wg do, Anyangv mwn pulub do;
Nwrba swwg mw ngam ji tayin, Ngoqg abwg ao lvpw tol:
Sixo kokwngam ngoqg yvj yal, Nwrba swwgam naa tayin;
Kol godab bemin be tayin, Jisu ngam nyedar dar pan;
Kol godab bemin be tayin, Jisu ngam nyedar dar pan.

111. Jisun ngo ogumb yvgtayin

( I would have the Saviour with me )

Doh is Eb NB - 68 SSS – 578

1 Jisun ngo ogumb ywg tayin,
Vpwb w dwb ngo bos dvn;
Jisun ngoqg ogum so doom nwwd,
Cegab tvl mwwg alaqkv.

Bikkur
Hoo ngo bos mwwpa kuram,
Mwwg mwwkwb ngam wg jaqkam;
W tayin mwam ngo mwwjwl,
Gvda so ngo swwd deedib.

2 Jisun ngo ogumb ywg tayin,
Mwwjw sam ngo hingw ma;
Mwwg agam v tomswr dongam,
Hiyvkam hvb tomswr ma.

3 Jisun ngo ogumb ywg tayin,
Gvda so ngo dood deedib;
Nyelin dorsv pumbum jaqkam,
Hintwrl ngo swwl doo jaqkam.

4 Jisun ngo ogumb ywg tayin,
Mwwg vnyiqkam kaal wg mvt;
Gvda sam luduma deedib,
Ao tol ngo wcma deedib.

112. Jisu gaqxarl ngam yem mab

( Saviour, lead me lest I stray )

Doh is C NB - 69 SSS – 537

1 Jisu, gaqxarl ngam yem mab,
Lamta kaakinl ngam wg tvb;
No ngam doogyin ngo bosma,
Noqg anyaho ngam doog tvb.

Bikkur
Ab, ngam wg tvb,
Jisu, ngam gaqxarl yw mab;
Ngoqg swwgsam no kaal ywg to,
Wg tvb, Jisu, ngoqg swwg sam.

2 Ngoqg yvj yalwg dookv no,
Hintwr henl ngo doo jaqkam;
Nam ngo svqgwl dootwq dvn,
Noqg anyangam mwwgw dvn.

3 Swwl dood deedib ngam doog tvb,
Ngoqg sig moodv haikukam;
Jomp nam tol ngo wc tayin,
Mwwdwq saqk tol ngo dook ram.

113. Lamta kaakin tvb Jihua

(Guide me, O Thou great Jehovah)

Doh is A SSS – 524

1 Lamta kaakin tvb Jihua,
So gvdag kan moro so;

Svqgw dvn ngo noqg attoram,
Noqg attorv ngam torg tvb:

Ao toloqgv, ao toloqgv,
Looxiam ngam dvs jil doo to;
Looxiam ngam dvs jil doo to.

2 Mvko tvbv swwg subuqkam,
Nyedar issam cool mvm to;

Noqg yvj yalv ngam doomwq hvb,
Swrso lamtab ngam wg to:

Atorbo no, atorbo no,
No ngam ator torl doog tvb;
No ngam ator torl doog tvb.

3 Jordon soiyoqbv ngo w yin,
Gvda gvtsam ludum pel;

Ngoqg bos sonam no naaxa tvl,
Ab, ngam wg tvb ao lvpwb:

Bemin bela, bemin bela,
Nam ngo paqminl doo tayin;
Nam ngo paqminl doo tayin.

114. Mw ngam wgdo, Jomp mwwpa do

( He Leadeth me )

Doh is D NB - 29 SSS – 542

1 Mw ngam wg do jomp mwwpa do,
Si ao lvpwg jomp ponam go;
Hoglo ngo bon nyil yve jaqkam,
Pwnbog alaqkv ngam wg do.

Bikkur
Mw ngam wg do, Mw ngam wg do,
Mwwg alaqkv ngam bool wg do;
Mwam mwwjwl ngo wba tayin,
Mwwg alaqkv ngam bool wg do.

2 Nyelin dorsv pumbum jaqkam,
Iden tvb jomppol doo jaqkam;
Swn nyiq issge suduq issge,
Pwnbog alaqkv ngam wg do.

3 Ab, noqg alaqkam ngo gvbwl,
Hemppol ngo nam wba tayin;
Ngo hogub nyil doo jaq kukam,
Pwnbo v ngam hvraqb wg do.

4 Ngoqg sig moodv haa jaqkukam,
Noqg anyangv mvya tayin;
Sijjaqkukam ngo bos soram,
Pwnbo v ngam hvraqb wg do.

115. Hutol wgtvb, kan gvda lvpa so

( Lead, Kindly Light )

Doh is G RS – 416

1 Huutol wg tvb, kan gvda lvpaso,
No bool wg to;

Kanv haiku namvkam aado tv,
Ngam bool wg tvb:

Ab, ngam no wg tvb, lamta aado do;
Aado jaqkam noqg ogumb ngam haam tvb.

2 Ngam wgko dwb lokkam ngoqg hangv nam,
Mwwl doo manum;

Ngoqg hang mwwkub nyicam ngo nyil doonum,
Ngam bool wg tvb:

Gvda gvtsam ngo aby biol ngo doo num;
Ab, nam xum dwn, mwwpa mab ngoqg nyicam.

3 Noqg anyangv ngam hwdgo swwl doog pan,
Hvraqb doog tvb;

Nyic gvda so kan moro lvpa so,
Ngam bool wg tvb:

Ab Jisun mwwjwl sinbo tulungam;
Ao lvpw tol lokta kaapa tayin.

116. Pwnbo ngam doog do, ngo bosma

( The Lord my shepherd I’ll not want )

Doh is F NB - 93 SSS – 562, TSC - 38

1 Pwnbo ngam doog do ngo bosma,
Mw ngam yubminl doom do;
Nwm w vjwbo dook bvla,
Iss dookub ngam wg do.

2 Ngoqg yvj yalam mw nyedarnv,
Mw ngam boo karl yeg do;
Mwwg dvrwq albo emin gab,
Dvrwq lamtab wg do.

3 Ngo sig torg lamtab w jaqkam,
Ngo ham bossog suram;
No ngoqg ogum so doogam gab,
Ngo hemp pominl doo dwn.

4 Ngam hang baqnbo nyiig kaaga ho,
Dvs twwsam ngam jil do;
No Ngoqg dumpongam wty piaq do,
Ngoqg pvtaqkv bwwr do.

5 Albongvla anyabongv,
Ngam wbal doo tayin;
Nwrba cetam Pwnbog dook tol,
Tol ngo haal doo tayin.

117 Pwnbo ngulam kol svkabo

( O God, our help in ages past )

Doh is C NB - 148 SSS – 513

1 Pwnbo ngulam kol svkabo,
Kol godab mwwgw dvn;
Doogum dooi hayin kvskongv,
Ngulug nwrbag dookv.

2 Noqg doonuko yalbo boho,
Mwwjwbongv doo dwn;
Noqg alaq ator torbin dvn,
Bul ho hemppol doo dwn.

3 Yorn puutu doo madaq yikho,
Gvda sileng madab;
Kol nwrba cvtamg Pwnbo no,
Nwrba cetamb doon bo.

4 Noqg kaa gab nywyw vnywngv,
Oiyum yumgub nyi dwn;
Soiyam kan pelpa huunam hvb,
Ngulug swwgv w dwn.

5 Moodv pobu tol wnam hvb, 6 Pwnbo ngulam kol svka bo,

Mwwg kongam hvb wg dvn; Kol godab mwwgw dvn;

Soiyam yuma mapanam hvb, Swwl dood deedib ngulam yvg tvb,

Soram mwwpa maadwn Nwrba cetam nam gob.

.

118. Nwrba cetamg bodo lwwn

( Rock of ages cleft for me )

Doh is Bb NB – 135 SSS – 237

1 Nwrba cetamgbodo lwwn,
Noqg ura ho kvs mvm tvb;
2
Noqg haabo ura hoq gv,
3 Ui yvla issv biql do;
Nyicam nyedar darxaq do,
4
Nyic hoqgv ngam nyedar tvb.

Ngo deedib nyil ye jaqkam,
Nyiqs tanap ngo di jaqkam;

Nyicam ngo nyedar nyo ma,
Hogub nyil ngo doo jaqkam;
Nyicam nyedarko doo ma,

Jisu nyedar darxaq dvn.

Hog gokam ngo bval haag ma,
Daapongam ngo svqgw dvn;

Talo tel noqg gab haai kun,
Noq galo svka kotab;
Nyic nyil noq gab ngo haai kun,

Nyedar tvb, ab, ngam simab.

Saqnamsam ngo saq ngin yin,
Ngoqg vnyiqkv nyiq ciyin;

Ao lvpwtol ngo wcyin,
Tol nam doo dvb kaapa yin;
Nwrba cetamgbodo lwwn,

Noqg ura ho kvs mvm tvb.

119. Ngoqg yvj yalam kvsil mw doogdo

( He hideth my Soul )

Doh is D SSS – 540

1 Ngam nyedar darnbo swwgbo ngoqg Ab Jisu,
Ngoqg gab mw nyedar darn abgo;
Ngoqg swwgam lwwpwqho mw kvsil appa,
Hemppol pobu tominko tv.

Bikkur
Ngoqg swwgam lwwpwqho mw kvsil appa,
Nyelin dors dook soq gvda so;
Mwwg anyag ura ho ngoqg swwgam doom do,
Alaqkv cegabl ngam doog do,
Alaqkv cegabl ngam doog do.

2 Ngam nyedar darnbo swwgbo ngoqg Ab Jisu,
No ngoqg nyicam nyedarbongv;
Ngam mw nootul apko ho ngo doo tayin,
Looxiam mw ngam ator ji do.

3 Xilla maa dvb looxiam mw lvqc jil doo do,
Dvrwq yvj yalam mwwjil do;
Mwwg beminnam ngo hemppol bemin tayin,
Ngoqg nyicam mw nyedar dar pan.

4 Pulu ej kool aal loog ngo jarl w tayin,
Doony pool aotol mwn wrwq tab;
Mwwg nyedarnam samla mwwg anyanammam,
Mwwjwbon ngo beba tayin.

120. Jisu ngulug wlw lwwnv

(The Lord’s our Rock, in Him we hide!)

Doh is G NB - 80 SSS – 539

1 Jisu ngulug wlw lwwnv,
Doogum dooi haaiyin keskongv;
Sig torg mwlwngv haa jaqkam,
Doogum dooi haaiyin keskongv.

Bikkur

Jisu wlw lwwnv ngoqg kesil dookv,

Kvsil dookv, kesil dookv;

Jisu wlw lwwnv ngoqg kesil dookv,
Doogum dooi haaiyin keskongv.

2 Soolam donyumb soiyam doog do,
Doogum dooi haaiyin keskongv;
Nyiqs dil doodwb nyobpan dooma,
Doogum dooi haaiyin keskongv.

3 Doogum dooiyv pumbum jaqkam,
Jisu ngulug kesil dookv;
Ngul kvsil dooksam apaq ram,
Doogum dooi haaiyin keskongv.

4 Ao lvpw tv ngoqg dooknamv,
Doogum dooi haaiyin keskongv;
Looxiam no ngulam dooba to,
Doogum dooi haaiyin keskongv.

121. Jisu ngam anyabongv

( Jesus, Lover of My Soul )

Doh is Gb SSS – 227

1 Jisu ngam anyabongv, Noqg haabo ho ngam doom tvb;
Diidwr issv to jaqkam, Doogum dooiyv haa jaqkam:
Jisu ngam kesil doog tvb, Doogum dooi nyiima deedib;
Ngam ao lvpwb wg tvbv, Ngoqg yvj yalam nvrwq to.

2 Ngoqg asaq kessik dooma, Nam akin svqtinl doo dwn;
Ngam vpwb apaq mabv, Ngam hvraqb no svka tvb:
Nam akin ngo mwwjw dvn, No ngam svka kaakybongv;
Ngoqg dumpongam pulub tvb, Noqg alap lvbny galoqkv.

3 Jisun akin mwwl doo dwn, Hog mwlwngam no ji do;
Lvcangam wlaq mvm do, Nyiqcangam kaapa mvm do:
Noqg emin v dvrwq bo, Ngo mwlwngam nyicbongv;
Nyic nyinbo ngo nyijaqkv, Jvqtw anya noq gvtwq.

4 No anyangam doog gvgdo, Ngoqg nyicam nyedar tvbv;
Nyedar subuqkam buqm to, Ngam ho dvrwqb hwrxaq tvb:
No mwlwg swwg lwkkwngv, Ham ngam naanyib naam tvbv;
No ngoqg hangso haal doo to, Nwrba cetam goda gob.

122. Ngam dooba tvbv

( Abide with Me )

Doh is Eb NB - 20 SSS – 297

1 Ngam dooba tvbv suiyum oiyum so,
Kanv pulub yuk ngam dooba tvbv;
Ngo hintwr henl haa jaqb duqdul dooi yin,
Nyelin dorsbongam ngam dooba tvbv.

2 Anyobo swwg moodv nyebiab w do,
Swcw nyodo hemp kaangamv nyii do;
Mwlwngam si dwb ngo kaapa gvdo,
Simabo ab, no ngam dooba tvbv.

3 Aal looxiam ngam ogumb dooba tvbv,
Pooka yirka yin no ngam svka do;
Hiyv noqg hvb ngam lamta kaakin dvn?
Hintwr henl dooiyin ngam dooba tvbv.

4 Sita yukam kam ngam dooba tvbv,
Soq kan ura so ngam huuto ji twb;
Arkomc lvpw hatwb ngam wc gvtwb,
Sija tur jaqkam ngam dooba tvbv.

123. Pwnbo ngo noqg ogumb

( Nearer, my God, to Thee )

Doh is G NB - 19 SSS – 581

1 Pwnbo ngo noqg ogumb, Ogumb haai kun,
Daapo tol ngam sim dwb, Torca jaqkam:
Hvraqb bemin tayin, Noqg ogumb ngo haaikun;
Ab Noqg ogumb haaikun, Ogumb haaikun.

2 Ao lvpw vbiangam, Ngo kaapa do,
Ao gumtw tulungv, Ngam pui baql do:
Ao lvpwg lvpwngam, O gumb ngo kaapa do;
Ab Noqg ogumb haaikun, Ogumb haaikun.

3 Hemppol ngo jar jaqkam, Doony pool a-ob,
Doony pool, takar a-ob, Jarl w jaqkam:
Hvraqb bemin tayin, Noqg ogumb ngo haaikun;
Ab Noqg ogumb haaikun, Ogumb haaikun.

4 Jakubg hvb ngoqg hangv, Mw wdwq jaqkam,
Wlw ngam dumtum mvl, Ngo yub jaqkam:
Yuma maal doo jaqkam, Noqg ogumb ngo haaikun;
Ab Noqg ogumb haaikun, Ogumb haaikun.

5 Arkomc ngo huurab nv, Nam ngo paq dwn,
Betel hvl ngo soqsam, Paql doo tayin:
Mviyanammam mww pal, Noqg o gumb ngo haaikun;
Ab Noqg ogumb haaikun, Ogumb haaikun.

124. Yorn puutungam koodunv

(Unto the hills around do I lift up)

Doh is G RS – 416

1 Yorn puutungam koo dunv ngo kaaiyin,
Ngoqg vnyiqkv;
2 Ngam ywwnnanv hog loqgv haa tayin,
Ngo mwwdu dvn?
3 Pwnbo hoqgv ngoqg svkangv haa dwn,
Gvda gvtam, Pwnbo hoqgv haa dwn.
4
Mw noqg allam hintwrl vccil biim ram,
No jomp tayin;
Mwwg vnyiqkv yumil nyicigkuram,
Nam kaal doo do:
Kaa to ngulug Pwnbo Ab yubma dvn,
Hoo Israelam mwwg dvrwq gob pvv dwn.

Pwnbo mw atv jvqtw rvkybo v,
Noqg do nyum yin;
Pwnbongv noqg gab ceetur jinbongv,
Atv mvnum:
Hoo aal lvpangam doo nyiv nam kaax ram,
Ai nyw ywrangam poolv nam kaax ram.

Noqg yvj yalam raol mw doo tayin,
Nyic nyik hoqv;
Pwnbo noqg wi wcangam kaal doog do,
Noqg haanam gob:
Ngul paql mwn doo dwn ngulam ywwnbo nvn,
Kol nwrba gob nam mw kaal doog tayin.

125. Jisun poqkumto

(Rejoice in the Lord)

Dog is G NB - 55 SSS-508

1 Jisun poqkum to, mwwg anyangam yuum to,
Ui nyerab swwnbon boolinv;
Ngul bosso mabuj mwwg uiyv nyedar dvn,
Sija Jisu ngul gab doodku.

Bikkur
Pwnbo ngul gab dood, Pwnbo ngul gab dood,
Pwnbo ngul gabdood, Hiyv ngam hamp tayin ?
Hiyvkam, Ngulam hampeq maadwn hiyvkam.

2 Jisun mwwjwnv hemp pominl no doo to,
Mwwg bekub looxiam nyil ye to;
Uiyv pooka yin jvqtw gab haakam to,
Mw ngulam ator torg tayin.

3 Mwwg birnam jvqtw mwwg agammam mwwgabt,
Mwlwngv bul Jisun loo dwn;
Gvdangv nyiikun bul hvraqb doo tayin,
Sam xeqpwl apnamv doo dwn.

4 Jisun dooba to, mwam svka kaak to,
Si nwrba cetam swwgv ku;
Mwwg alaq galoqke reqbo nyi doo ma,
Sam nyila maa dwn hiyvkam.

126. Tato nyob panam

( Sound the Battle Cry )

Doh is E NB - 117 SSS – 703

1 Tato nyob panam haa do nyemaqkv,
Haakaml doonya to Jisu gab !
Svtam so ruqkam mwlwngv koo to,
Mwwg bir apnammam mwwgabl doog tvl.

Bikkur
Huurabt, daqrabt Jisug nyi tulu nul,
Hengabt, tugu puiyam mwwjwnv;
Daqrabt, w to, Jisug emin goqr rol !
Jisu ngulug gora ab jaqkv.

2 Nyobam pvrwq tab ngul w dul doo dwn,
Nyob pa ya tayin ngul ceng dwn;
Ngulug illy uppuq, kwlwq kvlaq do,
Jvqtw gab nyob paiyin mvya dvn.

3 Mwlwg Pwnbo no ngulug xabnam tat,
Ngulam svka tvb anyabo;
Nyob nyet mwlwngam ngul pa ya yukam,
Swwg boopya bem tvb noqg ogumho.

127. Daqrab ! daqrab Jisu gab

( Stand up, Stand up for Jesus )

Doh is B NB - 167 SSS – 680

1 Daqrab, daqrab Jisu gab, Daapog mwwg nyi tulu;
Torca to mwwg daapongam, Ham nul nyirj mvmmabv:
Nyobam panyama deedib, Mw nyemaqkam wgtayin;
Nyob mwlwngam panya tvl, Bir abgob doo tayin.

2 Daqrab, daqrab Jisu gab, Pipangv miql doo do;
Nyob pakub nyebiab w to, Mwwg emin yuude so:
Mwam nul wba nyato, Nyob nyetam pvrwq tab;
Nyob pakho haakam mvm to, Nyobam pa ya mvm to.

3 Daqrab, daqrab Jisu gab, Dvqgwt mwwg atoram;
Ui edin sam hingw mab, Hingw mab no atam:
Tugu puisam hingw to, Hengabnv xuml doo to;
Sig torgv goq baloqkam, Hvraqb no hoqb w to.

4 Daqrab, daqrab Jisu gab, Nyob podul vyig doo ram;
Sool nyob podul doonya do, Nyobam pa ya tayin:
Nyob pa yabo nyi akam, Swwg boopyangam bem tai;
Bir abwg lvpw tol mw, Nwrba gob doo tayin.

128. Wcoto Jisug nyi

( Onward, Christian Soldiers )

Doh is E NB - 144 SSS – 706

1. Wco to Jisug nyi, nyob pab wnam hvb,
Wcobo Jisu nvn kaagabl wnya to;
Bir ab ngulug Jisu nyobam pvrwq do,
Nyob pokub wnya to Jisun kaa gabnv.

Bikkur
Wco to Jisug nyi nyob pab wnam hvb,
Wcobo Jisu nvn Kaagabl wnya to.

2 Jisug emin naai yin, uiyv keleq dvn,
Hoq gab Kristian nyingv nyobam paiya dvn,
Jisun paqnam ta twl ui nyokv hwq dwn,
Ajin sogoql beto hemppol bemin do.

3 Nyob potam panam hvb, wdwn Pwnbog nyi,
Ngul mwlwngv wdwn Jisug kokw bv,
Ngul nyob luusaq jaqkam hangv pwkin dvn,
Mwwjw dvn akinnam akin mwwgab dvn.

4 Nyob nyetvkam si dwn, maj talv nyadwn,
Hvbmab Jisug nyingv nwrbab doo tayin,
Ui opongv Jisug nyiam mvya ram,
Jisug bir apnam mv nwrbab doo tayin.

5 Hvloq ajin tulu hemp sam poba to,
Goqr roba to ngulam bemin beba to,
Xinam, paqnam, yuunam Jisug akin gv,
Nwrba cvtam godab Jisun paqnya to.

129. Ngoqg svtam sam apaq nwwma

( I dare not lay my armour by )

Doh is G KHB – 412

1 Ngam nyemaqkv doqlubl doog do,
Ngoqg svtam sam apaq nwwma;
2 Uiyv ngam pooka yirkal dood,
3 Nyic nyinbo nyi gob Pwnbon kaam dvb.
4
5 Bikkur
Immanuel, aal aiyamkam,
Noqg yvj yalv atorl ngam doogtvb;
Noqg atoram ngo naalayil,
Nyicam mvya nvntayin.

Ab, nyob pal ngoqg ator dookma,
Nyob padwb ngoqg haakam dookma;
Hvbmab pal lvqc nvvnw do,
Noqg svtam sam apaq mvm mabv.

Noqg ui nyedarnam tulungam,
Xumgdvn, anyal pulubl doogto;
Nyic kan ura si doonya do,
Ab no haagdvl bulam boolinto.

Kalbarig nyedarnam hoqgv,
Ngo nyemaqkam mvya tayin;
Mviyanan nit swwg naatayin,
Nyic nyerab swwnboam nyedardvb.

Pa ngv haainvn kanv nyidwn,
Ngam nyedarbon ngo kaapayin;
Svtam sam ngo apaq taikun,
Ab no dvrwqbo vj ngam koom tvb.

130. Bon nyijol nanam

(O, weary heart, there is a home)

Doh is C NB - 78 SSS – 710

1 Mwwdwqbo hang, nam namg doo do,
Nyelin dorsv tol dooma dvn;
2 Lokkam oksub tol nyima dvn,
3 Hiyv tol doonw ma tayin.
4
Bikkur
Kaa yat kaal doo yat, mwwdwql doo mab,
Kaa yat kaal doo yat, mwwdwql doo mab,
Kaa yat, kaa yat,
Kaa yat mwwdwql doo mab.

Gvda gvtso hintwr jaqkam,
Nyelin dorsgob nyil doo jaqkam;
Koo dut ! ao nam tol no doo tayin,
Kaal, no dooyat mwwdwql doomab !

Noqg lamta ho taa kaapa yin,
Mwwkat mwwg dumpog taa baq nam;
Mwwdwqbo hangv mwwpa yin,
Sinam dvrwq mwwpa mvm do.

Bonam nyil doot nyi dwq jaqkam,
Nyelin dorsv pumbum jaqkam;
Albo moodv noq gab haaiku,
Kaal, no dooyat mwwdwql doo mab !

131. Nyelin dors gob nyil doonbo nul

( Oh, weary pilgrim, lift your head )

Doh is Eb SSS – 717

1 Nyelin dorsgob nyil doonbo nul,
Soorram hemp pominl nul doo to;
2 Pwnbog agamv hvl bedo,
3 Soorram hemp ponamv haa dwn.
4
Bikkur
Soorram hemp pominl doo to,
Sorram hemp pominl doo to;
Soiyam xabl doo dwb nyikam dvn,
Sorram hemp ponamv haa dwn.

Bos sonbo tulu, haakam to,
Soorram hemp ponamv haa dwn;
Nyiqs dinbo tulu, nyiqs dik mab,
Soorram hemp ponamv haa dwn.

Hempto, kanv nyii tayiku,
Soorram hemp ponamv haa dwn;
Mwwdwq saqkv nyii tayiku,
Soorram hemp ponamv haa dwn.

Sool ngul mwlwngv hemp potuj,
Soram hemp ponamv haa dwn;
Nyiqs tanap ngul dita kuma,
Soorram hemp ponamv haa dwn.

132. Gvda gvtwb Jisu hookur yukam

(When Jesus comes to reward)

Doh is Bb SSS – 791

1 Gvda gvtwb Jisu hookur yukam,
Mwwjwbongam lvqc jitab;
Mwwjwl doo dwb ngam kaapa tai nviyv?
Mwwg haad moodam kaaiya yal?

Bikkur
Kaaiya dvn hvl ngul bekin tai nviyv?
Ao lvpw tol swwl doodwb,
Kaapa tai nvyv ngam mwwjwl doodvb,
Mwwjwl dood nvyv mwwg haanam gob.

2 Arkomc mw haal ngulam goqba loqkam,
Akin akinb goq balo;
Gvda so ngulug nyipnammam kaa twl,
Paq tayinv alpa hvl?

3 Mwwg bel apkob ngul mwwjwl dood nviyv?
Ngul alub nyil dood nvyv?
Ngulug hangv mwwjwl dooba loqkam,
Ngul jomp swwgam naa tayin.

4 Paq yalinco kaaiya yal doonbo ngul,
Nwrba swwg ngul naa tayin;
Aiyamkam soolamkam mw haabalo,
Mwn mwwjwl ngul dood nvyv?

133. Igin baqlayil

( Sowing in the morning )

Doh is C NB - 105 SSS – 757

1 Suiyummamkam soorram Jisug puiyam be to,
Sool aal lvpangamkam puiyam benya tuj;
Am temy naad mood aalam, ngul kaaya yal doog dvl,
Hemppol ngul haa tayin, igin baq layil.

Bikkur
Igin baq layil, igin baq layil,
Hemppol ngul haa tayin, igin baq layil;
Igin baq layil, igin baq layil,
Hemppol ngul haa tayin, igin baq layil.

2 Doonyi yinkam be to, doonyum yikam be to,
Dwr dvrangam bosmab, ngul bel doonya tuj;
Am temy naanya pekul, nyissam nyinya pekul,
Hemppol ngul haa tayin, igin baq layil.

3 Hvlo wnya tuju, nyiqs tanapv dijol,
Nyelin dors jaqkam, ngul hangv homa buj;
Nyelin dorsv nyiikun, ngulam mw goq tayin,
Hemppol ngul haa tayin, igin baq layil.

134. Bon nyito kanv haaiku

( Work, for the night is coming )

Doh is F SSS – 778

1 Bon nyi to kanv haaiku,
Bon nyi to arkomcam;
Bon nyi to huuto kalam,
Bon nyi to hemppol:
Bon nyi to aal lvpangam,
Bon nyi to doony tabywn;
Bon nyi to kanv haaiku,
Nyima dvn kanam.

2 Bon nyi to kanv haaiku,
Bon nyi to doonyiq ho;
Bon nyi to mood aal kalam,
Doonungv haa do:
Noosu ho apdvb mwwnbo,
Haagabl bonam nyi to;
Bon nyi to kanv haaiku,
Nyima dvn kanam.

3 Bon nyi to kanv haaiku,
Doonyv haaleq deeku;
Doony poolv lwwcw deeku,
Bon nyi to paho:
Bon nyi to kanv haaiku,
Kanv pual haaikubo;
Bon nyi to kan pua madab,
Moodv dooma do.

135. Bon nyituj, bon nyituj

( To the work, to the work )

Doh is F SSS – 751

1 Bon nyi tuj, bon nyi tuj, Pwnbog nyi tulu ngul,
Ab mw hoglob wnum hoq lamtab ngul w tuj;
Mwwg mwwlwq kob ngul nyil nit ator ngul naa tuj,
Hog nyisv alaq so haadwn ham ngul nyi tuj.

Bikkur
Bon nyi tuj, henggabnv,
Bon nyi tuj, mwwjwnv;
Mwwjwl ngul kaaiya tuj,
Jisug hookur denam aal gob.

2 Bon nyi tuj, bon nyi tuj, Kanobongam dvm tuj,
Nwrba swwg lamtabv vpyi aibon bool wg to;
Jisug sik daapo tvlam ngul paql doonya tuj,
Nyicam nyedarnam si jinynam v bekin do.

3 Bon nyi tuj, bon nyi tuj, Vigo nyisv doo do,
Kan urag nyic lvpwngam mvppia nya laju;
Jisu Kristog eminnam mwlwngam yuum to.
Nyicam nyedarnam si jinynamv paqnya to.

4 Bon nyi tuj, bon nyi tuj, Pwnbog ator naag dvl,
Nwrba cvtam swwgam ngulam lvqc ji tayin;
Mwwjwbo lvgab ngul aotol ngul doo tayin.
Nyicam nyedarnam si jinynamv bemin to.

136. Svya kaanbog agam tato

( Hark ! Tis the shepherd’s voice )

Doh is B SSS – 752

1 Svya kaanbog agam tato,
Moro rokkam kan ura tv;
Nyiinbo svya ngam goql doo do,
Gumr hoqgv nyinbo svyangam.

Bikkur
Boa taku, boa taku,
Nyic kan ura hoqgv boata;
Boa taku, boa taku,
Nyicbon Jisug dookub boata.

2 Hiyv w tayin svka tab,
Nyic nyil doon boam boolin tab;
Nammwb bulam bookurl haag tab,
Hiyv bulam dook ji tayin.

3 Moro tv bul xobdul doodo,
Yorn ao tvkam bul xabl doo do;
Jisu nulamkam bel doo do,
Meeta ngoqg svya tulungam.

137. W tayin ye ngo asar jaqb

( Must I go and empty handed )

Doh is D NB - 143 SSS - 789

1 W tayin ye ngo asar jaqb?
Ywwnbo ngoqg abwg doo kub?
Mwwgab aal loogkam bon nyij mab,
W tayin yve ngo asar jaqb?

Bikkur
W tayin ye ngo asar jaqb?
Ywwnbo ngoqg abwg doo kub?
Ajin akkam bool wgma jaqb?
W tayin ye ngo asar jaqb?

2 Sinammam ngo bos sog suram,
Jisu ngam nyedar darpku,
Hvbmab ngo ajin ak wg mab,
W tayin ye ngo asar jaqb?

3 Nyic nyil wnbo ngoqg vnywngam,
Sija ngo mwwkur dukun;
Hoq vnywngam Jisun jitwl,
Mwgab bon nyil dooi yinpan.

4 Ajin tulu huurab nyatku,
Bon nyinya to kanma dab;
Sig moodv noq gab haama dab,
Nwrba swwg gab bon nyi to.

138. Sool ngo mwwdul doodwn hoq

(I am thinking today )

Doh is A NB - 116 SSS – 787

1 Sool ngo mwwdul dodwn hoq anya lvpwngam,
Doonyv haaleq yin ngoqg wc kongv;
Jisug anyangv ngam ho haal daqm baloqkam,
Takar huu tayin ye ngoqg ao so?

Bikkur
Takar huu tayin ye ngoqg dumpo a-o so
Oiyummam doonyv haaleq yukam;
Mwwjwbo lvgap ngo ao nam tol hurab yin,
Takar huu tayin ye ngoqg ao so.

2 Jisug ator galo ngam bon nyil xuml doom tvb,
Nyicyingam nyedar darxaq mvm dvb;
Huunbo takar dooinvp ngoq gab xinam aal ho,
Swnyiq sa hvb mwam poqkum yin.

3 Ngo hwdgo hemp tayin mwwg nyuqmam kaapa yin,
Maj ripiam ap tayin mwwg all tol;
Hwdgo hemp tayin ngo viyin gvdag lvpw tol,
Takar huu tayin ye ngoqg ao so.

139. Ngoqg bon nyis mwlwngam nyipel wikun

( When all my labour and trials )

Doh is Ab NB - 74 SSS – 949

1 Ngoqg bon nyis mwlwngam nyipel wikun,
Ao lvpw tol hemppol ngo doo tayin;
Jisug ogum ho ngo dooba tayin,
Hv ngoqg nwrba gob hemp pomin kongv.

Bikkur
Ao lvpw tv hemppol dookv,
Hempol dookv, hemppol dookv;
Mwwg anya nyuqmam mw ngam kaam tayin,
Hv ngoqg nwrba gob hemp pomin kongv.

2 Abynam anyangv ngam bool wg yukam,
Mwwg dook ao lvpw tol ngam caal doom tayin;
Mwwg nyuqmam ngo tol kaapal doo tayin,
Hv ngoqg nwrba gob hemp pomin kongv.

3 Mwwjwboam tol kaapamins tayin,
Tol ngo hemp pominla doomin tayin;
Nyirmin soominv ngul tol doo tayin.
Hv ngoqg nwrba gob hemp pomin kongv.

140. Ngul pobu tol hookum nyanju

( Shall we Gather at the River ? )

Doh is E NB - 114 SSS – 1000

1 Ngul pobu tol hookum nyan ju,
Gumtw tulug gaql yek tol;
Dvrwq bo iss tominko tol,
Pwnbog mwwg dook lvpw tol.

Bikkur
Ngul pobu tol hookum nyanju,
Kaangam albo hemppol doominko tol;
Pobu tol mwwjwbon haaba nuj,
Pwnbog mwwg dook lvpw tol.

2 Hoq pobu bwiywrho ngul haal,
Hwrxaq tayin mwlwngam;
Looxiam hemppol gaqmin tayin,
Looxiam xumla doo tayin.

3 Huul doonbo pobu tol wc yin,
Jisun kaapa tayin ngul;
Mwwjwbo ajin ye bal tol,
Albo bemin be tayin.

4 Huunbo pobungam ngul wc yin,
Ngulug wtwr wnyangv;
Hemppol doonv ngulug hangv,
Jomp beminam be tayin.

141. Sixo kokwngam lvpw ak kaapa tayin

( There’s a city that looks )

Doh is Ab NB - 40 SSS – 819

1 Sixo kokwngam lvpw ak kaapa tayin,
Hoq lvpwg hempam ngul mwc nyoma;
Tol doonyv haama dvn okvkam rima dvn,
Kaangam albo Pwnbog lvpw tol.

Bikkur
Tol doonyv haama dvn,
Okvkam rima dvn
Tolo bulam nyedarbo Jisu kaal doodwn,
Kaangam albo Pwnbog lvpw tol.

2 Ngulug ab ngulam nyedarnbo Jisu doo dwn,
Mwwjwbongam tol kaapa tayin;
Takar hvb bul tol nwrba gob huul doo tayin,
Kaangam albo Pwnbog lvpw tol.

3 Daapog ogumb ngulug boanam nyi mwlwngv,
Pwnbo gab ngulug haagnam nyingv;
Huul doonbo takar hvb bulam tol doom tayin,
Kaangam albo Pwnbog lvpw tol.

142. Kaangam albo lvpw ak doodo

( There’s a land that is fairer than day )

Doh is Ab NB - 146 SSS – 964

1 Kaangam albo lvpw ak doo do,
Ham ngul mwwjwnv kaapa gvdo;
Ab lamta tv kaaya yal doo do,
Ngul gab dook mwx mvaql mw doo do.

Bikkur
Hoq lvpw kaangam dvn,
Ngul kaangam lvpw tol doo tayin;
Hoq lvpw kaangam dvn,
Ngul kaangam lvpw tol doo tayin.

2 Ngul tol hemp beminam be tayin,
Bemin albongam bel doo tayin;
Ngulug yvj yalv mwwdwq kuram,
Nwrba cetam gob hemp po tayin.

3 Ao tol doonbo anyabo ab nvn,
Ngul mwam poqkuml xuml doo tayin;
Mwwg anyanam swwgam lvqc jil pan,
Ngulam nwrbab dvrwqb swwl doom dvb.

143. Hemp gvdangam ngo mwwl doodwn

( O Land of rest )

Dohis Ab NB - 91 SSS – 920

1 Hemp gvdangam ngo mwwl doo dwn,
Hwd amhv haa tayin;
2 Hwdam svttam suruq appel,
3 Namho ngul doo tayin.
4
Bikkur
Jisu haa ma deedib,
Mwwg bon ngul nyil doo tuj;
Ngulam boo tab haai yin,
Ngul namho doo tayin.

Gvda gvtso hempnam dooma,
Hemp hog loqkam doo ma;
Gvda si hintwr kaany bogo,
Gvda si ngoqg nam ma.

Jisug tol ngo dootab haaikun,
Gaq mab hvl mw ngam bed;
Mw ngoqg doonuko nam jaqkv,
Nam tol wcma dee dib.

Ywwnbo abwn, ngo wbanv,
Gaqnammam ngo gaqkma;
Mw galo sigma mvyanv,
Ao nam tol wc tayin.

144. Jaiyong lvpwngv huul doodo

( City of Zion ever bright )

Doh is Eb MCS – 31

1 Jaiyong lvpwngv huul doodo,
Aal aiyam noq gab ngo xobdul doodwn;
Ywwnam nyingv kol gob swwl dootayin,
Ao lvpwtv ngoq gab dook ak doodo.

Bikkur
Ao lvpw gab ngo mwwl doodwn,
Ngoqg yuunam anyangam ngo kvvnw do;
Ngoqg otuqb mwco namsi hemp ponam,
Ngoqg abwg mwc lama anya kaadwb.

2. Ao lvpwngam mwc lamado,
Swwg lamta mvkopan Jisug uiyv;
Ngoqg yvj yal no ao lvpwngam mvto,
Gvda gvt namsi aal loog nyitayin.

3 Ngulug abynam nam dook lvpwb,
Ab ngam svkatvb lamtab wl doomdvb;
Noqg uiho ngoqg nyicam hwrxaq tvbv,
Ngoqg swwg bumpwsam huuto huul wgtvb.