NKB Song Book

145. Hempol ngul wrwqmins tayin

( With joy we shall meet )

Doh is Ab KHB – 455

1 Ngulug ab Jisug dookv huul doodwn,
Pwnbog anya nit dvn;
Ao lvpwg opungv puminl dooky dvn,
Jvqtw hempam jido.

Bikkur
Mwwg dooktol ngul kaapa minstayin,
Ao gumtw hvb mwwn ngul doqluptvl;
Mwwdwq saqk nyelin dorsv nyiitayin,
Hvbmab jompam cengl dootwq tayin.

2 Kanbo doomuqkv ngam pulub kedo,
Sig moodv haama dab;
Gvda soqg jomp, hempv lok nyitayin,
Jisun ngo kaapayin.

3 Ao lvpw ogumb ngo hoodul dooinvn,
Gvda si nyiitayin;
Sijakam opungam ngo supa do,
Ao lvpw toloqgv.

4 Ngoq gab nyedarbog nyuqm mam un baqmnum,
Tol mwwn kaapa tayin;
Nyedarnam mwlwngv mwwn paqtayin,
Halleluya, Amen.

146. Mwwg haad aalam pipa miqtayin

( When the trumpet of the Lord )

Doh is G Moderato NB - 125 SSS – 983

1 Mwwg haad aalam pipa miq tayin ao gumtw tulungv,
Jisun mwwjwl sinbo akv tur tayin;
Mwwg nyedarnam nyi tulungam goqkum tayin mwlwngam,
Emin goqba lokam ngokam doo tayin.

Bikkur
Vmin am goqlin balokam,
Vmin am goqlin balokam,
Vmin am goqlin balokam,
Vmin goqba lokam ngokam doo tayin.

2 Jisug xinam huuto aalho mwwjwbongv tur tayin,
Jisug nwrba cetam swwgam naa tayin;
Mwwjwbongv hookum laikul Abwg namtol doo tayin,
Emin goqba lokam ngokam doo tayin.

3 Sor komc hoqgv suiyum godab Jisug bonam nyinya tuj,
Mwwg anyanam agammam gool doonya tuj;
Ngulug nyisam nyinya pekul gvdasam ludum taikun,
Emin goqba lokam ngokam doo tayin.

147. Ngul ab dooktol daqtayin

( We shall stand before the King )

Doh is Ab NB - 107 SSS – 966

1 Ngul Ab dook tol daq tayin,
Gumtw ngul bemin tayin,
Hoq moodv hoodu do;
Vyin lamtab gaqmin tayin,
Looxiam mwwn paql doomin tayin,
Hoq moodv hoodu do.

Bikkur
Ngul ab dook tol daq tayin,
Gumtw ngulv bemin tayin,
Paq to, paq to ab Jisun,
Haleluya, Haleluya,
Jisuk dook tol daq tayin.

2 Aog talv durab to,
Bir ab dook tol daq tayin,
Hoq moodv hoodu do;
Tol ngul hangv mwwdwq ram,
Mwwg emin paql doo tayin,
Hoq moodv hoodu do.

3 Ngoqg yvj yalno hurab to,
Jisu dook tol daq tayin,
Hoq moodv hoodu do;
Amin bval mwwg dook tol,
Mwwg hvbkalam daql doo dwb,
Hoq moodv hoodu do.

148. Jisu ao lvpwtv doodo

( Enthroned is Jesus now )

Doh is D SSS – 136

1 Jisu aotv doo do,
Ao lvpw tv mw dood;
2 Yuunam boopya mw benl doo do,
3 Mwwjwbongam doog do.
4
Bikkur
Bul hemppol doonya do,
Nyedarbog ogum tv,
Ngul hemppol doo tayin kokwngam;
Kokwngam, kokwngam;
Ngul hemppol doo tayin kokwngam.

Bul huul daql doonya do,
Xilamanam rolu;
Aminnam alaq tv bvvtwl,
Hemppol bemin nyado.

Jisun bul paqnya do,
Bul gab mwam meng num;
Pwnbog ko dvrwq ui galo,
Swwg boopyangam ben do.

Yvj yalwg anyangv,
No svka kaal doo do;
Ngulam ao lvpw tol haam dvb,
Hemppol doomin mvm dvb.

149. Dvrwq albo Jirusalem

( The Holy City of Jerusalem )

Doh is D Comp – BDA

1 Kanv pul doota ma,
Nwrba swwg huuto haaiku;
Gvdab Jisu haaiku,
Mvyanan huunbo vj koo twl.

Bikkur
Dvrwq albo Jirusalem ho,
Jisu ngulam kvvrwq tayin;
Nwrba swwgam ngul naa tayin,
Doony tvb ngul huul doo tayin.

2 Hoo ngul kaapa tayin,
Doony pool oksub nyinammam;
Moodv nyebiab haaiku,
Sinbongv lokta gorab tayin.

3 Vc ai kano, hvngwr,
Ngulam pumbuml doog jaqkam;
Jisun wba tayin,
Doomwq urab ao lvpw bv.

150. Haato mwwjwbo nul

(Come ye that love the Lord )

Doh is G spirited NB - 120 SSS – 823

1 Haato, mwwjwbo nul, Hemppol bemin nyato;
Jisun mwlwngv doqlup tvl, Jisun mwlwngv doqlup tvl,
Bemin ngul benya tuj, Bemin ngul benya tuj.

Bikkur
Ao lvpwb ngul w dwn,
Kaangambo hempko ao lvpwb;
Ao lvpwb ngul wdul doo dwn,
Kaangambo Pwnbog lvpw bv.

2 Jisun cengma bongv, Bemin bul bema dvn;
Hvbmab ao lvpwg ko tulu, Hvbmab ao lvpwg ko tulu,
Hemp beminnam be do, Hemp beminnam be do.

3 Pwnbog dook lvpwngv, Hemp mwlwngam doog dvn;
Ao lvpwngam wcma dee dib, Ao lvpwngam wcma dee dib,
Vi yin lamtab wl doo dwn, Vi yin lamtab wl doo dwn.

4 Beminl tol dootwq dvn, Nyiqs dis tol dooma dvn;
Immanuelg kob ngul doo dwn, Immanuelg kob ngul doo dwn,
Ao lvpwb ngul w dwn, Ao lvpwb ngul w dwn.

151. Gvda gvtsi nyic kan uraho doonum

( The whole world was lost )

Doh is F NB - 3 SSS – 417

1 Gvda gvtsi nyic kan ura ho doonum,
Gvda soqg huuto Jisu twq;
Doony tvb mwwg eminnv gvda so huun kun,
Gvda soqg huuto Jisu twq;

Bikkur
Huutob haato, noq gab huul doo do,
Anya mwwpal nam kaai yal doo do;
Ngo nyiqca num, sija kaapa duk,
Gvda soqg huuto Jisu twq;

2 Jisun mwwjwbongv kanho dooma dvn,
Gvda soqg huuto Jisu twq;
Jisun wba bo ngul kanho wma dvn,
Gvda soqg huuto Jisu twq;

3 Nyic nyil nyiqcal kan ura ho doonbo nul,
Gvda soqg huuto Jisu twq;
Mwwg bekub nul haag dvl mwwn nyedar darkto,
Gvda soqg huuto Jisu twq;

4 Ao lvpw tol doony huuto ngul kaapa ram,
Ao tol huul doo dwn Jisu twq;
Viyin lvpw tol huul doo dwn Jisu akin,
Ao tol huul doo dwn Jisu twq;

152. Jisu nyic nyingam abydvn

( Sinners Jesus will receive )

Doh is Gb NB - 4 SSS – 390

1 Jisu nyic nyingam aby dvn,
Mwlwngam sam bekin to;
Gaqxar bo nyimwlwngam,
Mood xil doonbo nyiamkam.

Bikkur
Bemin sam lokta be to,
Jisu nyic nyingam aby dvn.
Bekin to tadar al dvb,
Jisu nyic nyingam aby dvn.

2 Haat, mwnam doonu mvm tai,
Mwwjwt Jisug agammam;
Nyic nyingam Jisu haam dvn,
Namkam Jisu haam tayin.

3 Sija ngo mwwdwq kuma,
Dvrwqb nyil mwwl ngo doo dwn;
Ngoqg nyicam mw nyedar pan,
Mw ngam dvrwqb swwl doom do.

4 Nyic nyingam Jisu aby dvn,
Nyic nyinbongamkam aby do;
Nyicsam ngo nyedar dark tvl,
Ao tol mwwn dooba tayin.

153. Ngam mwwjwl no nyedar darkto

( Look unto Me )

Doh is D NB - 7 SSS – 385

1 “Ngam mwwjwl no, nyedar dark to”,
Tangam agamsam tat;
Nyedarnam si, Jisug jinynam,
Nyob luuxy gab pui baq to.

Bikkur
“Ngam mwwjwl no, nyedar dark to,
Gvdag nyob luuxy nyi nul;
Ngo Pwnbov, asaq doo ma,
Ngam mwwjwl no, nyedar dark to”.

2 “Ngam kaaka to”, daapo ao so,
Mwwdwq saqkbo nyi no;
Noqg nyicam ngo baqpaq pekun,
Mwwjwl nyedar dark to.

3 “Ngam mwwjw to” noqg turnbo ab,
Pooka yirkal dooi yin;
Ngo nam svka kaal doo tayin,
Ui ye nam pooka ram.

4 “Ngam mwwjw to”, hingw mab at-
Nam svkabo doo ma;
Noqg nyicam nyedar darnbongv,
Ngo akin dootwq dvn.

154. Ok rwlnam hvb rwl tayin

(Life at best is very brief)

Doh is Eb NB - 14 SSS – 437

1 Okrwl nam hvb rwl tayin, Ngulug sigv haa tayin,
Jisug ogumb haanya to; Sija da !
Wnbo moodv bekin do, Ngulug sigv hoodu do,
Hoqgab Jisun mwwjw to, Sija da.

Bikkur
Sija da ! Al moodv,
Jisun mwwjwko al moodv, Sija da !
Nyic nyidul no doobalo, Noq gab viyap cwqko ram,
Hoqgab Jisun mwwjw to, Sija da.

2 Opu anyangv rwdo, Yaapa anyangv nyii do,
Jisun akin svqtin to; Sija da !
Pwnbov nam goql doo do, Nyic nyidul no dooma bv,
Jisun nyebiab mwwjw to, Sija da.

3 Moodv vnwq wikubo, Sig nyel dorsvkam haai ku,
Jisug dookub haanya to; Sija da !
Sija no mwwdar tuku, Kokwngam mwwkur tak mab,
Jisun mwwjwl swwnya to, Sija da.

4 Nyicbo Jisun mwwjw to, Jisun mwwjwl no dootku,
Ao lvpwngv hemp tayin; Sija da !
Kan hoqgv huutob lengtku, Jisun nyedarnam dark to,
Ao lvpwb wdkub mww to, Sija da.

155. Ngo nyiin gab nyil doodwn

( I am a stranger here )

Doh is E NB - 15 RS – 75

1 Gvda gvt ura so, ngo nyiin gob nyil doodwn,
Ngoqg namv aotv ao lvpwtv doodwn;
Ngoqg nyis poot ak doodwn Jisun mwwjw mvm dvb,
Ab Jisu gab ngo so doodwn.

Bikkur
Soq tugu puisam ngo haagyin,
Gvda gvtwg nyi mwlw gab;
“Mwwkurl nul hookurto”
Ngoqg ab Jisu bedo,
Pwnbog dookub nul hookurto

2 Si Pwnbog agamv, gvdag nyi mwlwngv,
Mwwkur la hookurto nyic nyil sig ung hoqgv;
Jisun mwwjwbongv, nwrba swwg naatayin,
Si ngoqg Jisu gab bon nyisv.

3 Ngoqg namv huul doodo, ao lvpw mwwg dooktv,
Nwrbag hemppol dooktol nwrba gob swwtayin;
Pwnbov hvl bedo mwwjwbo tol doodwn,
Si ngoqg Jisu gab bon nyisv.

156. Lokta bemin ngam bekintvb

( Sing them over again to me )

Doh is G NB - 38 SSS – 357

1 Lokta bemin ngam bekin tvb,
Nwrba swwg agammam;

Vigo mwwg anyangam kaam tvb,
Nwrba swwg agammam;

Nwrba swwg anya ngam,
Tomswrl mwwjw mvm tvb,

Bikkur
Anya agam, Jvqtw agam,
Nwrba swwg agamgo;
Anya agam, Jvqtw agam,
Nwrba swwg agamgo.

2 Jisu nyi mwlwngam ji do,
Nwrba swwg agammam;

Nyicbo nam anyal goql doo do,
Nwrba swwg agammam;

Kor bemab mw jiny pan,
Ngulam ao tol doom dvb,

3 Tugu pui goqnammam ta to,
Nwrba swwg agammam;

Nyedar darxaq dvn mwlwngam,
Nwrba swwg agammam;

Jisu nyedar dar dwn,
Nwrba cetam go dab,

157. Nyic nyinbo mwlwngv haato

( Come every soul )

Doh is Ab NB - 26 SSS – 392

1 Nyic nyinbo mwlwngv haa to,
Jisun nyedar dark to;
2 Nwrba swwgam mw jitayin,
3 Mwam mwwjwko gab.
4
Bikkur
Mwwn mwwjw to !
Mwwn mwwjw to !
Mwwjw to Jisun;
Nam yww tayin, nam yww tayin,
Yww tayin Jisu.

Jisug xinam uiyam biqm pan,
Ngulam nyedar darm dvb;
Lwcw issib no poq lwq to,
Tapam hvb huu tayin.

Jisu jvqtw lamta jaqkv,
Nwrba swwg lamtangv;
Mood ximab Jisun mwwjw to,
Nwrba swwg noqgvku.

Haato soq nyedarko dookub,
Namkam nyedar darkto;
Nwrba cetam dook tol doo dwb,
Nwrbag hemppol dook tol.

158. Jisug dookub haat, mood xil doomab

( Come to the Saviour )

Doh is Bb NB - 43 SSS – 1165

1 Jisug dookub haat, mood xil doo mab,
Mwwg agam si lamta rul wg do;
Ngulug lvpa si mw daql doo do,
Anya jaqb be do, “Haat”.

Bikkur
Hemp to, hemp to, mwwn kaapa tayin,
Nyic nyimab ngul dvrwqb swwl dooi yin;
Jisug dook tol ngul hookum tayin,
Nwrba swwl nam dook tol.

2 “Jisug agam ta to nyic nyi no,
Mwlwg hangv hemp pol paqnya to;
Mwlwngv mwwn ngul xum kumnya tuj,
Mood xil doo mab haa to.

3 Mwwkat ngulam sool mw dooba do,
Mwwg benammam tag dvl swwnya to;
Takat mwwg anya jaqb benam sam,
“Ngoqg ko tulu haatku”.

159. Anya mwwpanv Jisu goqdul doodo

(Softly and tenderly Jesus is calling )

Doh is G NB - 57 SSS – 414

1 Anya mwwpanv Jisu goqdul doo do,
Namkam ngamkam goql doo do;
Anya mwwpal Jisu kaaiya yal doo do,
Namkam ngamkam kaaiya do.

Bikkur
“Nammwb ! haatku !
Nyelin dorsbo nul haatku !”
Anya mwwpanv Jisu goqdul doo do,
Nyicbon goql doo do, “Haatku !”

2 Ngul tvmw mab ju Jisun goqdul doom tvl,
Namkam ngamkam goql doom tvl;
Mood xil doo mabuj mwwg anyangam naa dwb,
Nam ngam anyal mwn doom tvl.

3 Gvda soqg moodv nyebiab wdul doo do,
Noqg ngoqg moodv wdu do;
Kanv pual haaiku sig moodvkam haaiku,
Noq gab ngoqg gab mood haaiku.

4 Mwwg birwl apnam nwrba swwg anyangam,
Noq gab ngoq gab birl ap pan;
Ngul nyic nyi jaqkam mw ngulam anya do,
Namkam ngamkam anya do.

160. Nyicbo nyi no ogumb haato

( Christ’s invitation to sinners )

Doh is E NB - 66

1 Nyicbo nyi no ogumb haato,
Sool noqg mood albo jaqkv;
Noqg allam no hogub wmdvn,
Ui opog pwqk lamta bv:
Wma jaqbv, wma jawbv,
Wma jaqbv, hoq lamtab;
Wma jaqbv, wma jawbv,
Wma jaqbv, hoq lamtab.

2 Gvda gvtwg nyiig lvpa so,
Ngam hintwrbo dooma dvn;
Gvda gvtwg nyic nyi gab ngo,

Hintwr mwlwngam hentkun:
Nyic nyi no haat, nyic nyi no haat,
Nyedar namsam ngo jigyin;
Nyic nyi no haat, nyic nyi no haat,

Nyedar namsam ngo jigyin.

3 Haato nyic nyil tergil doonbo, 4 No sam hogub kaminl doodwn,
Ngo nulam mwp jitayin; Nyedarko mood wl doodo;
Hiyv nyiv ngoq hvb jidwn, Baibel agam no talayil,
Atwg xinam ui jaqkam?
Ngo jinbongv, ngo jinbongv, Hookur to no mwwkurnv:
Nulug nyic gab ngoqg uiyam; No hog jijaqb, no hog jijaqb,
Ngo jinbongv, ngo jinbongv, Apaq gvdvn jomp dookam;
Nulug nyic gab ngoqg uiyam. No hog jijaqb, no hog jijaqb,

Apaq gvdvn jomp dookam.

161. Ngoqg dookub haat! Jisug agamv si

( Come unto Me ! it is the Saviour’s voice )

Doh is F NB – 84 SSS – 424

1 “Ngoqg dookub haat” Jisug agamv si-
Swwnbo Jisu, hangam hemppol doom do;
Nyic nyil hangho mwwdwql doonbo nyi nul,
“Ngoqg dookub haat” nam doonu mvm tayin.

Bikkur
Ngoqg dookub haat,
Ngoqg dookub haat;
Ngoqg dookub haat,
Nam doonu mvm tayin,
Ngoqg dookub haat,
Nam doonu mvm tayin.

2 Nyic nyil tergil hintwrl doon bo nyi nam,
Anya mwwpal Jisu nam sool goq do;
Noqg mwwdwq saqk mwlwngv nyii tayin,
“Ngoqg dookub haat” nam hemppol doom tayin.

3 Puunbo opu hvb hemppol doo tayin,
Sixo kokwngam ao tol doo tayin;
Swcw nyodo so sam ngulam cengm do,
Ao lvpw tv ngulug hemppol dookv.

162. Jisun Kalbari daapo tol kaakat

(Look, to the Saviour on Calv’ry’s tree)

Doh is D NB - 90 SSS – 427

1 Jisun Kalbari tol kaaka to,
Kaat, ngul gab mwwg hintwrnam tvlam;
Nam anyal mwwg goqnammam ta to,
Kaat, no swwl doo tain.

Bikkur
Kaat, no swwl doo tain,
Kaat, no swwl doo tain.
Noq gab mwwg sik daapongam kaa to,
Kaat, no swwl doo tain.

2 Nyic nyiingam swwm dvb no mwwd nv ye?
Nwrba swwgam no nvvnw dvn ye;
Jisu mw atam ywwlinnan pan,
Kaat, no swwl doo tain.

3 Kaat, sipekul turl doonbo Jisun,
Mood doode so mwwjwl mwwg dook haat;
Noqg mwwdwq saqkam mw naapaq tain,
Kaat, no swwl doo tain.

4 Jisu ao tv modu dul doo do,
Nyic nyiingam jidynammam mw ceng dwn;
Nam gaqxar mvmmab mw wg tayin,
Kaat, no swwl doo tain.

163. Kwdinv, Jisu nam goqd

( Jesus knocks )

Doh is Db NB - 99 SSS – 358

1 Kwdinv Jisu nam goqd,
“Nyelin bo, no ngoqg dook haat”;
2 Ywwnbo si, Jisu akin,
3 Viyap cwqko to.
4
Bikkur
Viyap cwqko to.
Viyap cwqko to.
Ywwnbo si, mw akin twq,
Viyap cwqko to.

Kwdinl haad, nam nyedar tab,
Noq gab Jisu sipa kun;
Sigam mw mvya gvnkun,
Viyap cwqko to.

Kwdin dinl, Jisu doo do,
Noqg swwgam, Jisun ji to;
Mwwgho noqg hang hemp tayin,
Viyap cwqko to.

Kwdin do, mood wdku hvl,
Nyedar de mood doode so;
Ywwnbo Jisug haama dab,
Viyap cwqko to.

164. Anya mwwpal Jisu nam goql doodo

( Jesus is tenderly calling )

Doh is C NB – 100 SSS – 396

1 Anya mwwpal Jisu nam goql doo do,
Sool nam goq do, nam goql doo do;
Anyabon apaqpel hogub gaq dwn,
Aa do, aa do yab gaq dwn.

Bikkur
Nam sool goq do,
Nam sool goq do;
Jisu goq do,
Anyal nam Jisu sool goql doo do.

2 Nam doonu mvm dvb Jisu goql doo do,
Sool nam goq do, nam goql doo do;
Noqg vi-vbaram mwwgho baqa ji to,
Jisu nam roopaq jaq ram.

3 Jisu kaa yal doo do, mwwg dook haatku,
Sool kaa ya do, nam goql doo do;
Nyic mwlwngam haag layil mwwn xum to,
Sool no mood xidul doo mab.

4 Jisu modul doo do, sija haatku,
Sool no ta to, sool no ta to;
Jisun mwwjw bongv hemp potayin,
Mood xil doomab no haatku.

165. Mwwdwq saqkwl noqg hangv mwwd nv ye?

(Tell it to Jesus)

Doh is Bb NB – 122 GH – 191

1 Mwwdwq saqkwl, noqg hangv mwwd nvye?
Jisun bekinto, Jisun bekinto;
Otuqg jompam mwwpal mwwdwq dvnye?
Jisun akin bekinto.

Bikkur
Jisun bekinto, Jisun bekinto,
Mw noqg albo ajinv;
Mwwg hvb ajin albo akkam dooma,
Jisun akin bekinto.

2 Hangv mwwdwql, no nyiqs dil dood nvye?
Jisun bekinto, Jisun bekinto;
Nyis nyipeqnam nyicam no doog dvnye?
Jisun akin bekinto.

3 Hangv mwwdwql, no bos sol dood nvye?
Jisun bekinto, Jisun bekinto;
Aram gab noqg hangv mwwl dood nvye?
Jisun akin bekinto.

4 Sig torgam no, bos sodul dood nvye?
Jisun bekinto, Jisun bekinto;
Jisug haadam no kaaiyal dood nvye?
Jisun akin bekinto.

166. Nyedar darkdvb Jisug dookub wn mvye?

(Have you been to Jesus?)

Doh is G NB - 152 SSS – 379

1 Nyedar dark dvb Jisug dookub wn mvye?
Mwwg ui ye nam nyedar darp nvye?
Sija Jisug anyangam mwwjw dvn ye?
Mwwg ui ye nam nyedar darp nvye?

Bikkur
Nam nyedar darp nviyv?
Nyedar panye noqg nyic mwlwngam;
Pulu dvnye noqgv vjv tapam tvb,
Mwwg ui ye nam nyedar darp nvye?

2 Dooba dvnyv looxiam Jisug ogum tol?
Mwwg ui ye nam nyedar darp nviyv?
Hemp pod nviyv looxiam Jisun mwwjwnv?
Mwwg ui ye nam nyedar darp nviyv?

3 Nyolv haa yin huu tayin ye noqg vjv?
Mwwg ui ye nam nyedar darp nvye?
Noqg yvj yalv doonw dvnye Jisug tol?
Mwwg ui ye nam nyedar darp nvye?

4 Nyicv kaqtinkunam vjam hwrpaq to,
Mwwg uiyam nyedar darxaq ko to;
Nyedar subuq buql do nyic nyi mwlw gab,
Jisun noqg nyicam hwrxaq ko to.

167. Noqg nyic mwlwngam nyedar kod nv ye?

(Would you be free?)

Doh is A NB - 131 SSS – 145

1 Noqg nyic mwlwngam nyedar kod nvye?
Ui ye ator dvn ator doog dvn;
Ui opongam no mvya nwwd nvye?
Mwwg dvrwq ui ye mvya dvn.

Bikkur
Ator doo dwn, nyedarbo ator,
Jisug ui tv doo dwn;
Ator doo dwn, nyedar bo ator,
Jisug dvrwq ui tv doo dwn.

2 Hang lenammam no apaq nwwd nvye?
Uiyv ator dvn ator doog dvn;
Kalbaritol haag dvl hwrxaq ko to,
Mwwg dvrwq ui ye nyedar dvn.

3 Tapammam huubin dvb no mwwd nvye?
Ui ye ator dvn ator doog dvn;
Nyic mwlwngam ui ye nyedar dar dwn,
Mwwg dvrwq ui ye nyedar dvn.

4 Ab Jisu gab no bon nyi tayin ye?
Uiyv ator dvn ator doog dvn;
Doo tayin ye no Jisun looxiam paql,
Mwwg dvrwq ui ye nyedar dvn.

168. Jisun noqg hangho haal doomto

( If you are tired of the load of your sin )

Doh is Ab GH – 239

1 Noqg nyicam baqny kumab dood nyiloqkam,
Jisun noqg hangho haal doomto;
Nit swwgam naadvb no mwwd nyiloqkam,
Jisun noqg hangho haal doomto.

Bikkur
Sool no mwam mwwl doomabv,
Sool no Jisun appaqmab;
Sool noqg hangam kuqko jit,
Jisun noqg hangho haal doomto.

2 Nwrba swwgam no mwwl dood nyiloqkam,
Jisun noqg hangho haal doomto;
Jisug uiye nyicam nyedardvn,
Jisun noqg hangho haal doomto.

3 Noqg hangv mwwdwql dood nyiloqkam,
Jisun noqg hangho haal doomto;
Gvda gvtv nam hemp pom maloqkam,
Jisun noqg hangho haal doomto.

4 Nwrba swwgam no nvvnw dvnyiloqkam,
Jisun noqg hangho haal doomto;
Ao lvpwtol no hvvnw dvnyiloqkam,
Jisun noqg hangho haal doomto.

169. Korkingo Jisug dookub

(Only a step to Jesus)

Doh is Ab SSS – 448

1 Korkin-go Jisug doo kub,
Sija haaram ye no?
2 Haagdvl nyicam xikin to,
3 Nam nyedarbo ab nvn.
4
Bikkur
Korkin-go korl, korkin-go korl,
Haat, nam kaa ya do;
Haag dvl nyicam xikin to,
Lvqcam nam mw jita do,
Anya samma hvbmabde,
Jiny jaqb nam mw jig do.

Korkin-go Jisug doo kub,
Mwwjwt no sww tayin;
Anyal nam kaai yal doo do,
Nyicam mwwpa kuram.

Korkin-go Jisug doo kub,
Nyic hoqgv anya gab;
Hogam noqg hangho mww dwn,
Moodv nyebiab wdo.

Korkin-go Jisug doo kub,
Hogub haal bema dvn;
Ngoqg nyicam ywwnbo ab nam,
Ngo atam nam jig yin.

170. Nyiinbo, no hookur tuku

(Turn thee, o lost one)

Doh is G SSS – 449

1 Nyic nyil mwwdwq bo no hookur tuku,
Ywwnbo Jisu sool nam modul doo do;
Nam nyedar dar dwb, nam dvrwqb mv dwb,
Jisun mwwjw dvb no mood xil doo mab.

Bikkur
Modul nam doo do, anyal nam goq do,
Takat Jisu nvn nam goql doo do;
Anyal nam goq do, modul nam doo do,
Anyal nam bedo, ngoqg dookub haat.

2 Hvraqb kaa yal dood hogub sita dvn?
No gaqxar jaqkam noqg ajin hoqgv;
Mwwg dvrwq ui ye, nam nyedar dar pan,
Jisug anyangam benya nyoma do

3 Xikkat mwwg pui sam, mwwkat anyangam,
Nyic nyimabongv nyic gab daapo tv;
Dvrwq jaqb ywwdwb, nwrba swwg naam dvb,
Daapo tv mw sil ngulam mw jil pan.

4 Lamtab no haa to, jvqtw lamta jaqb,
Jisun haaba to, mw lamta jaqkv;
Jisu ywwnbongv, anyal nam goq do,
Nyicbo no haatku, gaqxar kumabv.

171. Noqg nyicv lwcw jaqkam

(Though your sins be as scarlet)

Doh is Ab SSS – 1173

1 Noqg nyicv lwcw jaqkam, Hv tapam tvb huu tayin;
Noqg nyicv lwcw jaqkam, Hv tapam tvb huu tayin;
Kaiya jaqkam hoq nyic hv, Svcaq hvb huu tain:
Noqg nyicv lwcw jakam, Noqg nyicv lwcw jaqkam,
Hv tapam tvb huu tayin, Hv tapam tvb huu tayin.

2 Nam modunam sam ta to, Pwnbog dookub hookur to;
Nam modunam sam ta to, Pwnbog dookub hookur to;
Mw vigo aby biol doo do, Anya ngam doog do:
Pwnbog dookub hookur to, Pwnbog dookub hookur to,
Pwnbog dookub hookur to, Pwnbog dookub hookur to.

3 Noqg nyicam mw apaq tain, Lokam ham mwwpa kuram;
Noqg nyicam mw apaq tain, Lokam ham mwwpa kuram;
Nyic nyi tulungam kaa to, Pwnbo ab be do:
Noqg nyicam mw apaq tain, Noqg nyicam mw apaq tain,
Lokam ham mwwpa kuram, Lokam ham mwwpa kuram.

172. Noqgho Jisu gab dook dood ye

(Have you any room for Jesus ?)

Doh is C SSS – 443

1 Noqgho Jisu gab dook dood ye?
Noqg nyicam nyedarbo gab?
Haa dwb kwdin dinl mw doo do,
Nyicbo, mwwn no haam ram ye.

Bikkur
Yuunam Jisu gab dooklo ak,
Sija da, mwwg benam tal;
Noqg hang viyap cwqko ji to,
Noqg hangho mwwn haal doom to.

2 Gvda sam abynam hangv dood,
Hvbmab Jisu gab dooma;
Jisug haal dook akkam dooma,
Hang ura gab mw si num.

3 Jisu gab no mood doog dvn ye,
Anyal lokta mw goq do?
Kv “Sool xinam mood aljaqkv”,
Aram noqg gab mood dook ram.

4 Sija Jisun dooklo ji to,
Pwnbog anya mood wd ku;
Noqg sig moodvkam haal doo do,
Jisukam mo dul dook ram.

173. Ui nyerab swwl nyiqs ditar pekul

(Out of my bondage)

Doh is A NB – 118 SSS – 498

1 Ui nyerab swwl, nyiqs ditar pekul,
Jisu, noqgab, tuugabl haai kun;
Noqg nyedar dark, hemppol doomin kob,
Jisu, nam mwwl haai kun:
Ngo vc cwjo ywl nam mwp kotab,
Jwwgwb swwl ngo noqg nyet tvl dookub;
Nyic nyil doopel nam nyedar kotab,
Jisu, nam mwwl haai kun.

2 Hvnyw har mwlwngam ngo baqtwl,
Jisu, noq gab, tuugabl haai kun;
Noqg daapongam ngo ywwlin ko tab,
Jisu, nam mwwl haai kun:
Mwwdwq saqk hoqgv hemp pomin kob,
Nyelin dors hoqgv noqg doomin kob;
Nyiqs dik hoqgv noqg nyirl doomin kob,
Jisu, nam mwwl haai kun.

3 Mwwdar kumab larl doope kun ngo,
Jisu, noq gab, tuugabl haai kun;
Noqg mwwlwqkob ngo nyil dootws mwwl,
Jisu, nam mwwl haai kun:
Ngo atam mwwk mab noqg anya kob,
Kan twdwq soqgv aal lvpa kob;
Pvta hvb nyil ngo jarca nww do,
Jisu, nam mwwl haai kun.

4 Sinam mam ngo bossol doope kul,
Jisu, noq gab, tuugabl haai kun;
Noqg hemppok nam tol nwrbab doo tab,
Jisu, nam mwwl haai kun:
Nwrba gob sinam sam ngo bos do,
Noqg dook lvpw tol ngam haal doom tvb;
Looxiam noqg nyuqm mam kaal doo tab ngo,
Jisu, nam mwwl haai kun.

174. Daapog ogumb ngo haaikun

( I am coming to the Cross )

Doh is G NB - 8 SSS – 477

1 Daapog ogumb ngo haai kun,
Ngo nyic nyil nyiqca bongv;
Daapongam ngo mwwgab dvn,
Nyicam nyedar dark tayin.

Bikkur
Nam ngo mwwjwl dootwq dvn,
Kalbari tol hirin nan;
Noqg daapongam ngo xum dwn,
Jisu ngam nyedar dar tvb.

2 Ngoqg hangv nam mwwl doodwn,
Ui nyerab ngo swwl doo num;
Jisu ngam bisnv be do,
“Noqg nyicam nyedar tayin”.

3 Hog mwlwngam ngo jig yin,
Gvda gvtwg maj talsam;
Yvj yal, v si noq gvku,
Mwlw si noq gab dood kun.

4 Jisu haal ngam nyedar pan,
Ngo hemp pominl doomin dvn;
Mw ngoqg nyicam hwrxaq pan,
Paq yalin co Jisu nam.

175. Ngo nyicbongv, nyic nyil doonum

( Just as I am )

Doh is E NB - 37 SSS - 473

1 Ngo nyicbongv nyic nyil doo num,
Hvbmab ngoqg gab noqg ui biqm num;
Noq gab haamdvb no goql doo do,
Jisu noq gab haai kun, haai kun.

2 Ngo nyic nyinv hintwrl doo num,
Jwwgwho ma nyiqcal doo num;
Ngoqg nyicam ngo nyedar nyoma,
Jisu noq gab haai kun, haai kun.

3 Nyic nyinbongam, No nvvrwq to,
Nyicam nyedarl dvrwq mv twb;
Noqg birnammam ngo mwwjw dvn,
Jisu noq gab haai kun, haai kun.

4 Ngo nyic nyinv nam cengma num,
Noqg anyangv ngam ywwpaku;
Sija noq gab ngo dood kunv,
Jisu noq gab haai kun, haai kun.

176. Ngo Pwnbog hoqgv gaqxar pen

(I’ve wandered far away from God)

Doh is Ab NB - 42 SSS – 471

1 Ngo Pwnbog hoqgv gaqxar pen,
Nam mwb ngo haai kun;
Nyic lamtab ngo vigo gaqpen,
Ab, ngo nam haai kun.

Bikkur
Nam haai kun, nam haai kun,
Lokam gaql yek ram;
Anyal noq gab ngam doom tvb,
Ab, ngo nam haai kun.

2 Ngo vigo gaqxarl ye pekun,
Nam mwb ngo haai kun;
Sija ngo mww kurl nyiqs didkun,
Ab, ngo nam haai kun.

3 Ab ngo nyic nyil gaqxarl ye pen,
Nam mwb ngo haai kun;
Noqg agammam mwwjw tai kun,
Ab, ngo nam haai kun.

4. Ngoqg yvj yalv mwwdwql dodo,
Nam mwb ngo haai kun;
Ator torm tvb mwwgabl doom tvb,
Ab, ngo nam haai kun.

177. Vpwb dootwl, ngo mwwdwqdvn

(Lone and weary, sad and dreary)

Doh is F NB - 81 SSS – 481

1 Vpwp dootwl, ngo mwwdwq dvn,
Ab noqg goqnam ta tayin;
Nam mwwjw dvn ngam nvvrwq tvb,
Sool noq gab ngo mwwl haai kun.

Bikkur
Ngo mwwl haai kun, ngo mwwl haai kun,
Ngo mwwl haai kun lvqc jik tab;
Ngo mwwl haai kun, ngo mwwl haai kun,
Doo takub, ab ngo haai kun.

2 Dvrwq anya no akin twq,
Jisu noq gab ngo haai kun;
Ngam no doog tvb ngam apaq mab,
Gaqxar mvmab ngam doog tvb.

3 Looxiam noqg ho ngo kessil dool,
Ngoqg yvj yalv hemppol dood;
Ao lvpw tol mwwjwbongam,
Hemppol tol dooma deedib.

4 No ngam doog tvl hemppol doom to,
Mwwdwq saqkwl swwl doo dwn;
Mwwdwql doo mab ngam hemp pom tvb,
Ngoqg swwg kansam huuto mvt.

178. Ngoqg ab Jisu, nam ngo xabgdvn

(Jesus my Lord, I cry to Thee)

Doh is E NB - 82 SSS – 476

1 Ngoqg ab Jisu, nam ngo xabg dvn,
No svka mablo ngo si tain;
2 Ngoqg nyic mwlw sam nyedar tvb,
3 Jisu no ngam naa to.
4
Bikkur
Jisu no ngam naa to,
Jisu no ngam naa to;
Ngam nyedar tab Jisu si num,
Jisu no ngam naa to.

Nyic nyil ngo mwwdwq dwql doonum,
Hvbmab ngoqg gab noqg ui biqm pan;
Noqg mwwlwqkob ngam no mvtku,
Jisu no ngam naa to.

Ngo hog gokam nyinyimab doo dwn,
Ngoqg mwrnammam hamkam nyima;
Hvb jaqkam no ngam nyedar pan,
Jisu no ngam naa to.

Jisu noqg ogumb ngam doom tvb,
Noqg mwwlwqkob no nyil mv to;
Noqg mwwk mwwkub no nyil doo to,
Jisu no ngam naa to.

179. Ngam apaqmab ywwnbo Jisu

(Pass me not, O gentle Saviour)

Doh is G NB - 161 SSS – 488

1 Ngam apaq mab ywwnbo Jisu,
Si ngoqg svxin v;
Nam mwwjwbongam goqkum yin,
Ngam apaq mabv.

Bikkur
Jisu, Jisu, Si ngoqg svxin v;
Nam mwwjwbongam goqkum yin,
Ngam apaq mabv.

2 Nwrba cetamg noqg dook nam tol,
Ngam doonu mvm tvb;
Kum bw tvl ngo xuml be tayin,
Ngam apaq mabv.

3 Nam akin ngo mwwjwl doo dwn,
Nam meekarl ye dwn;
Ngoqg nyic mwlwsam hwrxaq tvb,
Ngam nyedar tvbv.

4 No twq ngoqg hemppol doogwngv,
Ngoqg swwgam koibo;
Nam apaqpel ngo swnywngv,
Ao lvpw tolkam.

180. Tapado ngo noqg goqnam

(I hear Thy Welcome voice)

Doh is Eb NB - 162 SSS – 475

1 Tapa do ngo noqg goqnam,
Ab no ngam goql doo do;
2 Noqg xinam ui ho nyedar dvb,
3 Kalbari tol biqnbo.
4
Bikkur
Ab ngo haai kunv,
Haaikun noqg dookub !
Ui galo ngam nyedar tvb,
Kalbari tol biqnbo.

Ator dooma jaqkam,
No ngoqg ator jaqkv;
Ngoqg nyic nyinam mwlw jaqkam,
Dvrwq jab hwrxaq tvb.

Jisu ngam goql doo do,
Anyal mwwjw doom dvb;
Mwwjwl hemppol doomin mvmdvb,
Ao lvpw tol doom dvb.

Paq to, Jisug uiyam !
Paq to, nyedarnam sam;
Paq to, Jisug lvqc jilnam sam,
Ngulam nyedar darnbon.

181. Tapam mam huubin tayin.

(Lord Jesus, I long to be perfectly whole)

Doh is Ab SSS – 569

1 Ab Jisu, ngo nyedar darxaq konw do,
Ngoqg hang ura so nam doom dvb ngo mww do;
Ui opo nyemaq mwlwngam rooxa to,
Hwrxaq tvb tapammam ngo huubin tayin.

Bikkur
Tapammam ya ngo huubin tayin.
Tapammam ya ngo huubin tayin.
Huubin mvm tvb ngam huubin mvmtvb,
Hwrxaq tvb tapammam ngo huubin tayin.

2 Ab Jisu, lvpw hoqgv no kaabob do,
Ab, ngam svka tvb noq gab ngam swwl doom dvb;
Ngoqg hog mwlwngam nam ngo jilwq gvikun,
Hwrxaq tvb tapammam ngo huubin tayin.

3 Ab Jisu, soq gab hang soqgv nam xumg dvn,
Noqg daapo lwkw tol ngo kaayal doo dwn;
Mwwjw dvn noqg ui galongam nyedar tvb,
Hwrxaq tvb tapammam ngo huubin tayin.

4 No kaal doo do ngoqg kaaya yal doonammam
Haagdvl ngoqg hangso nit hang ak jilwq tvb;
Noqg ogumb haanbo ngam no rootur maado,
Hwrxaq tvb tapammam ngo huubin tayin.

182. Tapa tvn ngul hemp puigo

(We have heard the joyful sound)

Doh is G NB - 98 SSS – 1079

1 Tapatvn ngul hemp puigo, Jisu nyedar darnbo;
Mwlwngam pui baqkin to, Jisu nyedar darnbo:
Gvda gvt gab pui baq to, Nyody iss mwlwngam rabg dvl;
Jisug puiyam bekin to, Jisu nyedar darnbo!

2 Iss ao bvkam nul wm to, Jisu nyedar darnbo;
Nyic nyinbongam bekin to, Jisu nyedar darnbo:
Gvda gvtv jompo to, Swnyiqsa no hemp poto;
Swcw nyodo goqr ro to, Jisu nyedar darnbo!

3 Nyob pak hookam bekin to, Jisu nyedar darnbo;
Nwrba swwg mw sigum gab, Jisu nyedar darnbo:
Vpwb dooiyin bemin to, Mwwdwq saqkyin bemin to;
Sigamkam mw mvya pan, Jisu nyedar darnbo!

4 Dooiyvkam vccib yi to, Jisu nyedar darnbo;
Gvda gvt no hemp poto, Jisu nyedar darnbo:
Nyedarnam si jinynamv, Sudum so kob bekin to;
Si mvyanan bemin v, Jisu nyedar darnbo!

183. Nyic nyiv kan ura hoqgv sogoqdo

( There’s a call come ringing o’er the restless wave )

Doh is G NB - 97 SSS – 1082

1 Nyic nyi v kan ura hoqgv goql doo do,
Nyedarbo huutolo.
Nyedar darxaq kodvb nyic nyingv doo do,
Nyedarbo huutolo.

Bikkur
Huutolo tugu pui huutolo,
Mwlw gab huyiq mvm to,
Huutolo tugu pui huutolo,
Nwrba cetam gob huum to.

2 Mesidonig goqnammam ngul tapa pa,
Nyedarbo huutolo.
Ngulug jis sam daapo lwkwho pvvgyin,
Nyedarbo huutolo.

3 Jisug anyanam sam mwlwngam naam tuj,
Nyedarbo huutolo.
Jisug hvb mwlwg hang ura ho mwwm to,
Nyedarbo huutolo.

4 Jisug bonam nyidwb jaama mwwma buj,
Nyedarbo huutolo.
Jisug nwrba cetam swwgam naanya tuj,
Nyedarbo huutolo.

184. Doonyv dudaqko gvdaho

( Jesus shall reign where’er the Sun )

Doh is E NB - 111 SSS – 1084

1 Doonyv dudaqko gvda ho,
Jisu nog eminam yuum to;
Gvda gvt mwlwngam paqm to,
Doony, pool, takar v dood deedib.

2 Swcw nyodog nyi mwlwngv,
Jisug anyangam paql doo do;
Himy vjwngvkam paq tayin,
Mwlwngv mwwn paql doonya do.

3 Mwlwngv mwwn xumnya tayin,
Kol nwrba gv mwwn xuml caa pan;
Mwwg eminnam poqkum nyato,
Aal loopwngam mwwn paql doo to.

4 Gvda gvtwg nyi mwlwngv,
Jisun akin poqkum nya to;
Ao gumtw ipol bemin do,
Gvda gvtv “Amen” hv to.

185. Ngul gon xwws ak doog dvn

( We’ve a story to tell to the nation )

Doh is F NB – 128 TSC-459, CW-530, GH-358

1 Ngul gon xwws ak doog dvn gvda gvt gab,
Bulug hangam mwwdar mvm dvb;
Jvqtwgv la anya gonv,
Jomp gvla huuto gonv, Jomp gvla huto gonv.

Bikkur
Kane pupvkul pa taikunv,
Pangv aal lvpab huu tayin;
Jisug lvpwngv haaiku gvdab,
Anya huuto lvpwngv

2 Ngul bemin ak doog dvn gvda gvt gab,
Bulam Jisun mwwjw mvm dvb;
Uiyam mvyabo bemin v,
Nyic atoram toryabo, Nyic atoram toryabo.

3 Ngul pui bes ak doog dvn gvda gvt gab,
Ao lvpw tol doonbo Pwnbog;
Mwwg kongam ngul gab jipoqpan,
Pwnbog anya kaakin do, Pwnbog anya kaakin do.

4 Ywwnbon kaakin tayin gvda gvt sam,
Ngulug nyic gab sinbo Jisun;
Gvda gvtwg nyic mwlwngam,
Jisun mwwjwl swwg naamdvb,
Jisun mwwjwl swwg naamdvb.

186. Gaqxarbon boolinto

(Rescue the perishing)

Doh is Bb NB - 155 SSS – 814

1 Gaqxarbon boolin tvb sinbongam kaato,
Nyic nyibu hoqgv bulam boolin to;
Nyic nyinbo gab xab to, dulleqbon daqm to,
Jisu ywwnbongv bulam betam to.

Bikkur
Gaqxarbon boolin to,
Sinbongam kaa to,
Jisu anyabongv, Jisu ywwnbo.

2 Bul mwam mwwny jaqkam, hvraqb mw kaayad,
Mwwkurbo ko ak gab mw kaayal dood;
Bulam manyoql beto, anya to bulam,
Jisun mwwjw to Jisu yww tayin.

3 Nyiig hang ura bol haal uiye pwql doo dwn,
Hangam mwwdar memdvb Jisu mvdwn;
Anya alaq gvbwl, anya baloqkam,
Sinbo nyic nyingv lokta tur tayin.

4 Gaqxarbon boolin nam, si nyidnam bonv,
Pwnbongv nam ator jil doo tayin;
Jisu gab haatku hvl bulam betam to,
Betam to nyic nyi gab Jisu sinkun.

187. Kristian nyi yubl dookmabv

(Christian, wake, no longer sleep)

Doh is C NB – 115 SSS – 748

1 Kristian nyi yubl dook mabv,
Xabl doom tvl kaamin dvn ye?
Loqkum tvl doomin dvn ye?
Ab Jisun soq svb bem tvl?

Bikkur
Bon nyita moodv haadku,
Meelin ta nyiinbo akam;
Kan hoqgv nyic nyinbongam,
Durumkob bulam haag tai.

2 Jisun ngul anya dvn ye?
Mwwg benam mwwjw dvn ye?
Mwlwngam mwwn jip kun ye?
Mwwg goqnam ngul taram ye?

3 Jisun ngul svqtin dvnye?
Mwwg bekub ngul dood nv ye?
Mw gab ngul swwl dood nvi ye?
Mwwjwngam bon nyil kaa kint.

4 Hintwr sam hendwb nyido,
Swwg boopya ngul bemb nyilo,
Wl doo to nit ator naal,
Mood dookma doonye haatku.

188. Kaato, sija Jisu goql doodo

(Behold, the Master now is calling)

Doh is Ab NB - 75 SSS – 756

1 Kaato, sija Jisu goql doo do,
Vly naanbo tulu gab;
2 Vly yv naakdvb kaaiya yal doo do,
3 Hvbmab naanbo dooma.
4
Bikkur
W to, anyangam hangho doog tvl,
Jisug emin naag dvl;
Nyedar darxaqko tugu pui sam,
Nyob luuxiam bekin to.

Wgdvl sinbongam turmdvb mvtta,
Nyic kanho doonbongam;
Wgdvl bulam simab svkata,
Uiyam mvya gvdwl.

Wgdvl anya asorbon beta,
Anyangam bekin ta;
Jisu nwrba swwgam doogbongv,
Bulam swwg ji tayin.

Kaa to, dwrpool moodv wl doo do,
Huuto huuma taikun;
Jisug moodvkam hoodul doo do,
Bon nyi dwb mood dookma.

189. Arunacol abybo Ab

(Lover of Arunachal)

Doh is G HLB – 9

1 Arunacol abybo Ab,
No ngulam tugu pui jinypa;
Mood vigo sam ngul doognum,
Apaqtvb, Ab nam xumg dvn.

Bikkur
Tugu puisam ngulug nyic gab,
Kor bemab sam ngul naapan;
Gvda gvt mwlwngv,
Jisun mwwjw ma deedib.

2 Rongongam kaaka nyato,
Sija am naadvb nyingpaku;
Am peetab lenya tuku,
Lekinb ab gab peenyatuj.

3 Gvda gvtso Jisu gab,
Bonsam ngul nyidul doonya tuj;
Xumla mwwn lvqc jijoyil,
Ab gab nit gvda naatuj.

4 Nyisw nyi nul huurabto,
Nyob potsam ngul paiya tayin;
Pwnbo ngulam dooba do,
Gvdangam mvya tayin.

190. Jisu ngulam ajinbongv

( What a friend we have in Jesus )

Doh is Gb NB - 106 SSS - 319

1 Jisu ngulam ajinbongv,
Ngulug nyicam nyedarbo;
Ngulug mwwnam hog mwlwngam,
Pwnboam xuml bekin to:
Ngul hogub hemppol dooma dvn,
Ngul hogub tergil doo dwn;
Ngu lug hang mwwnam mwlwngam,
Jisun xumlwq maagum gab.

2 Ngulam pooka yirka dvn ye?
Nyelin dorsv dood nvvyv?
Ngul ham akvkam bos mab ju,
Abwn ham xuml bekin to:
Mwwg hvb ajin ngul kaapa ram,
Ngulug hintwr duqba do;
Jisu ngulug hangam cvng dwn,
Abwn ham xuml bekin to.

3 Ngul anymab viyam baqd nvi ye?
Baqtwl ngul sigin dvn ye?
Jisu ngulam nyedarbongv,
Abwn nul xuml bekin to:
Noqg ajin v nam apaq yin,
Abwn no xuml bekin to;
Jisu nam anyal doog tayin,
No tol hemppol doo tayin.

191. Ngam nyedarbongv, ao lvpwtv doodwn

(I have a Saviour)

Doh is Ab NB - 6 SSS – 350

1 Ngam nyedarbongv ao lvpw tv doo dwn,
Ajin mwlwngam mw anya yaanbongv;
Mw ngam anyabanv looxiam ngam kaal yeg do,
Ajin, Jisunvn namkam nyedar dark to.

Bikkur
Noq gab ngo xuml doo dwn,
Noq gab ngo xuml doo dwn,
Noq gab ngo xuml doo dwn,
Noq gab ngo xum dwn.

2 Ngoqg ab ak doo do xinam ak ngam jipa,
Nwrba cetam swwgamla jvqtw jaqkam;
Nyebiab mw ngam goql doodo ao tol caal doom dvb,
Ajin, Jisu nam ngoq lvgab caam nwwdo.

3 Dvrwq vj huunbo koos ak ngo doog gvg dvn,
Ngoqg gab ao lvpw tv kaaya yal doo do;
Ngo hoq kaangam albo huunbo vjam kooyin,
Ajin, namkam rumg koomdvb ngo kvvnw do.

4 Iss tol doo nam hvb ngo hemp pominl doo dwn,
Gvdag ajinv soq hemp sam cengma dvn;
Ngam nyedar darnbo akv sam doog tvl ji dwn,
Ajin, namkam jim dvb ngoqg hangv mww do.

5 No Jisun kaapa yin nyiam betam to,
Ngam nyedarbo ab namkam nyedar tayin;
Nyi mwlwngam Jisun yuumdvb nul xuml doo to,
Noqg xumnammam loonv mw nam birwq dvn.

192. Albo xumd mood jaqkv

(Tis the blessed hour of Prayer)

Doh is Eb NB - 39 SSS – 303

1 Si albo xumd mood jaqkv, ngulug hangv mwwp yin,
Nyedarbo Jisug dookho ngul hookuml doo yin;
Mwwn ngul mwwjwl haabolo, mw ngulam svka tayin,
Hwdgo ngul hemp pota yin, tol ngul haal doobalo.

Bikkur
Albo xumd moodv, Albo xumd moodv;
Hwdgo ngul hemp pota yin, tol ngul haal doobalo.

2 Si albo xumd mood jaqkv, Jisu ngulam doog yin,
Mwwg nyingam tapa mvmdvb mwwg hangv mww dwn;
Ngulug hang soq mwwdwqkam, mw gab doomtvk bedo,
Hwdgo ngul hemp pota yin, tol ngul haal doobalo.

3 Si albo xumd mood jaqkv, pooka yirkal doo yin,
Ngulug mwwdwql doognammam Jisun bekin yin;
Ngulam anya mwwpanv, mwwdwqkam naapaq dvn,
Hwdgo ngul hemp pota yin, tol ngul haal doobalo.

4 Ngulug hangv xumd moodho, mwwjwl ngul doobalo,
Ngulug xumlwqnammam ngul hvraqb naa tayin;
Hang so hemppol ngul dooikam, mwwdwq mwwpa maa dwn,
Hwdgo ngul hemp pota yin, tol ngul haal doobalo.

193. Xumnam moodv hemppok moodv

(Sweet hour of prayer)

Doh is D NB – 18 SSS – 318

1 Xumnam moodv, hemppok moodv,
Gvda gvtsam ngam aby bom mab;
Abwg dookub ngam goql doo do,
Ngoqg abybo sam mw ngam cengm do:
Nyelin dors gob ngo nyil doo yin,
Ngoqg yvj yalv hemppol doo dwn;
Ui ye ngam pooka nyoma dvn,
No ngoqg ogumb haal dooba yin.

2 Xumnam moodv, hemppok moodv,
Noqg allap v ngam jarl wg tain;
Nwrba swwg abwg dook tol ngam,
Nwrba swwgam ngo naa tayin:
Mwam kaapa mvmdvb meem do,
Tugu puiyam mwwjw mvm do;
Ngoqg hog mwlwngam mwwn jig yin,
Nam kaa ya dvn xumnam mood ho.

3 Xumnam moodv, hemppok moodv,
Noqg nwrbag hemppol doognammam;
Ngoqg hang ura so haal doom to,
Ao lvpw tol wcma deedib:
Soq sinbo v sam appaqpel,
Nwrba swwgam tol naa tayin;
Jarl wl dootwl ngo be tayin,
Xumnam moodv hvtwq kubo.