NKB Song Book

371. Gaqxarla yenbo ngoqg nyi tulu

NB – 315

1 Gaqxarla yenbo ngoqg nyi tulu,
Hogloqb wden ngam appaqpel;
Ui alaqho hwdgo nul gaql,
Nyitayin ye ngo soqgv?

2 Mwwkurla haatku ngoqg nyi tulu,
Gaqkardvn nul gvda gvtso;
Nul gab ngo hintwram hem pen,
Daapo aotol hintwr jaqb.

3 Ngoqg al alaqb dvvcwgv unv,
Nwbungv haabob nwqlwqpan;
Hoq hvb ngo hintwram hem pen,
Nulam hemp pol doom dvbv.

4 Hvnyw har mwlwngam hen layil,
Omig issam ngo twwpe kun;
Nwrba swwgam nulam jidbv,
Mwlwg nyicam baqxiapen.

5 Nyimur bov nul ngam kaalayil,
Mwwkur la haatku ngoqg dookub;
Gvda so nyedarbo dooma,
Ngo twqku nyedar bov.

372. Jisug laqlw tuugin tvyu

NB – 316

1 Jisug laqlw tuugin tvyu,
Rupu aminnam gabwngv tvlayu;
Jisug laqlw tuugin tvyu,
Aiyin aminnam gabwngv tvlayu.

Bikur
Palonga himi nvyu,
Malonga himi nvyu;
Jisu dvswnga duyukv ngam,
Jisu rvgwnga duyukv nam.

2 Jisu lwmw sampv kootv,
Talu hatiye yu remina tvlayu;
Jisug dumrw puuly tvyu,
Karbv opungv pumina tvlayu.

373. Halleluya, Halleluya, Jisu sipekul

NB – 317

Bikur
Halleluya, Halleluya Jisu sipekul,
Gorab nyikun,
Hoqgv mw lokta sikur kuram…..2

1 Jisug gorab dvk ar komciho,
Mwwgv nyubungv asarnamv……2
Kanbo gvda gvtam huupy kunv,
Huuto lamtangam mvko kunam……2

2 Hintwr kaanyam mviya pekul,
Abo Pwnbo mw gorab nyikun…..2
Pwnbo huutongam kaapa tvla,
Nity hangam baqrab nyanju…….2

3 Gvda gvtv so nyi mwlwngv,
Jisun hemp hvnyirla xumkumnamv……2
Jisu sipekul gorab ko gab,
Sigam si ngul gab bos dvb nyima……2

374. Ngoqg hang urasi hemp dvn

NB – 318

1 Ngoqg hang urasi hemp dvn……3
Bir ab emin gab.

Bikur
Xumto ho mwwn paqto……3
Bemin beto noqg hangho,
Bir ab emin gab.

1 Bir ab, bir ab, atwg at…….3
Swwnka noqg emin.

2 Abil bon nyit noqg hangho…….3
Xumg dvl mwwg emin.

3 Nywywb hempto mw gab……3
Xumg dvl mw emin.

4 Sogoqto nyook mwlw ho……3
Bir ab hookur yuk.

5 Cetaql alaqkv ab gab……3
Hempto nywywbv.

375. Centwl cengma hwywbv

NB – 319

1 Centwl cengma hwywbv,
Tatwl tama hwywbv;
Gvda gvtwg pwqkv xoqkso,
Mwwpa kumab kaal doodwn ngo.

Bikur
Hog gab ngo gvda gvtso,
Nyedarbo akam mwwpa madwn si……2

2 Nwrba hemp pam appaqpel,
Lamta taqtwb wxar layil;
Gvda gvt soq hempam kaala,
Gaqkar yedwn ngo sool si.

3 Hvywq hangv ogvto,
Kanwg hangv huutoto;
Ngulug wdv korkin kornyib,
Hvvnwq duku ajina kujo.

376. Ngo looxiam Jisugv kokw kokwbv

NB – 320

1 Ngo looxiam Jisugv kokw kokwbv,
Abv ngo noqgv kongv;
Lamtalo ngo duleq gvsu jaqkam ngo,
Abv ngo noqgv kongv.

Bikur
Nyemaq ui pengko lo nam ngo mwwpa do,
Hempv hvnyir pengko lo nam ngo mwwpa do;
Looxiam Jisugv kokw kokwbv,
Abv ngo noqgv kongv.

2 Nyiyv ngam benyi beya sujaqkam,
Abv ngo noqgv kongv;
Bwrm borv ngam appaq sujaqkam,
Abv ngo noqgv kongv.

3 Soq gvda gvtso hoglo ngo doojaq kukam,
Abv ngo noqgv kongv;
Ngo sila turla dosu jaqkam ngo,
Abv ngo noqgv kongv.

377. Mwwgv bonam ngulv nyitayin

NB – 321

1 Mwwgv bonam ngulv nyitayin,
Ngulug ywrkumsam koi mvlaju;
Mwwg puisam tomswr swrlaju,
Jisu gvdaso haakurnam gobv,
Gvda gvtso turla doode so.

Bikur
Ngulv mwlwngv Pwnbog kongv,
Nyedar darpanv Jisug hijumv;
Ngulv xumlaju Jisug eminnam,
Ngulv mwlwngv Pwnbog kongv.

2 Jisu gvdaso haakur kuba lo,
Ngulu mwlwngam wgv taikun;
Ngulu hempv Pwnbog lvpwtol,
Nwrba swwgam ngulam jitayin,
Nwrba swwgam ngulv kaapa tayin.

378. Oyu galoqkv ngulam

NB – 322

1 Oyu galoqkv ngulam aya, yaanbo Jisu nyi,
Oyu galoqkv ngulam kaaya, yaanbo Jisunyi.

Bikur
Hoq gab Jisun paqnya laju, Ngul mwlwngv.
Hoq gab Jisun xumnya laju, Ngul mwlwngv.

2 Wjwbo hvviyam gvqbwl bwwnbo, Jisu kuyukv,
Pviyw mvywngam gvqbwl bwwnbo, Jisu kuyukv.

3 Ngul mwlw gab hijum biqnbo, Jisu kuyukv,
Pviyw mvywngam nyedar darnbo, Jisu kuyukv.

379. Hoglo yab wdvn no alo nyiv

( Where are you going ? )

NB – 323

Bikur
Hoglo yab wdvn no alo nyiv,
Micaq daqyato, micaq kaaiyato.

1 Noqg vnyiq kaagaho lamta baag doodwn,
Vnyiqkv kaapa ma;
Hengab bv mwwla vnyiqkv kaaba lo,
Kaapa tayin hoq lamta.

2 Nyingv vigo wdwn hoq lamtab,
Morobv wnya dvn;
Hang ngwg nyimram apaqpel wbalo,
Kaapa tayin hoq lamta.

380. Yuunam, Jisu yuunam

NB – 324

Bikur
Yuunam, Jisu yuunam,
No nyig nyinbon nam noqg gab,
Paqdwn, Jisun paqdwn,
Looxiam mvya tayin Jisu.

1 Nulv ab ko anyongv,
Nulam boolin tayin;
Koibongv mw nul lvgab,
Mw soq gvda uraso.

2 Doobato ko anyo tulu,
Hwdam mwwn kaapa tayin;
Ngulv mw hvb nyituj,
Hwdam mwwn kaapa tayin huud dvb.

381. Nyic nyil doonbongam

NB – 325

1 Nyic nyil doonbongam Jisu mw goql doodo;
Hvraqb nulv hogub nyic nyil doodu dvn,
Hemppol swwgwg aalam hvvnw mad nvye.

Bikur
Mw ngam sool goql doodo mwwkur tuku ka;
Mwwkur gvdkul haato moodv oyuma,
Oyul dooma bvka moodv sool twqku.

2 Yabgam kuqko tvl Jisu mw sool goqdo,
Haanbo tulungam anyal goqdo;
Nyiinbo svyangam mw meeker dvnv sool.

3 Haato ajin tulu mwwkur nyalaju,
Jisu haad moodvkam hvvnwq jaq yiku;
Jvqtwbo tulungam mwv bootayin.

382. Nwrba swgam gvdvb

( Have eternal life )

NB – 326

1 Nwrba swwgam gvdvb…..3
Ngul mwlw hemp laju;
Nywywngam nyiimabo,
Nwrba swwgam gvdvb,
Nwrba swwgam gvdvb,
Ngul mwlw.

2 Nwrba swwgam naatayin…..3
Ngul mwlw hemp laju;
Kolwg sikbo mwlw,
Lokta gorab tayin,
Lokta gorab tayin,
Ngul mwlw.

3 Doonyi aob caatayin…3 4 Ngul xabdvb nyima tayin..3
Ngul mwlw hemp laju; Ngul mwlw hemp laju;
Tol Jisu kvvrwqtab, Nyirmin soomin layil,
Doonyi aob caatayin, Ngul xabdwb nyima tayin,
Doonyi aob caatayin, Ngul xabdwb nyima tayin,
Ngul mwlw. Ngul mwlw.

5 Mwwkur dvb nyipaku…3 6 Luuxig ojam gvtwl….3
Ngul mwlw hemp laju; Ngul mwlw hemp laju;
Vnyiq nyiqs dilayil, Swwgwg ojam gvtwl,
Mwwkur dvb nyipaku, Gumtw hemp ponyatuj,
Mwwkur dvb nyipaku, Gumtw hemp ponyatuj,
Ngul mwlw. Ngul mwlw.

383. Nyila kaatam to

NB – 327

Bikur
Nyila kaatam to yaapa swwca so,
Noqgv yaapa ajin alam mwwka mvdv bv.

1 Wnam mam, nyinam mam nyila kaatam to,
Yaapa swwca so……2

2 Goonam mam, nyinam mam nyila kaatam to,
Nyijwr swwca so…..2
Nyila kaatam to nyijwr swwca so,
Noqgv nyijwr ajin alam mwwka mvdv bv.

3 Ywrkumbv wnam mam, wla kaatam to,
Nyijwr swwca so……2

384. Ura urab Jisu mwwgv abyngv

( Deeper, deeper in the love of Jesus )

NB – 328

1 Ura urab Jisu mwwgv abyngv,
Looxiam wbado;
Ao aob mwwlaqko lvpwbv,
Vigo mwwlaqtab.

Bikur
Ngoqg xumnamsi urab,
Ho aob aal looxiam;
Ho abwg mwwlaqkv,
Mwwgv xinam agamv.

2 Ura urab dvrwq yvj anyangv,
Ngam bool urabv;
Ngoqg swwnam sam Jisu gab jipaq tayin,
Mwwg hang mwwlaqkob.

3 Ura urab hintwr kany kujaqkam,
Wmto ngam urab;
Swwm tvbvka Jisug abyl dook ho,
Ngam anyab swwm tvb.

4 Ura urab aal looxiam Jisu gab,
Nyic sam appaq mvt;
Ngam mvya mvt Jisu mw hvb nyigdvl,
Mwwlaql swwm dvbv.

385. Jisu Kristo haatayin

NB – 329

Bikur
Jisu Kristo haatayin ngulam wgv takub,
Hengab moodv sija nyicam appaq tukuj;
Gvtuj dvrwq hangam.

1 Nyekam xox mwlwngv, nyijwr yaapa mwlwngv,
Ngulv nyixiaq tukba, Jisun apaq kotuj.

2 Vbw bwrmv haaba lo, Jisu mwv kaatam tayin,
Nyici unv doobalo, Jisu mwv nvvrwqram.

3 Alaq nyimur kogab, vnyiq koomur kogab,
Nyicam baqtvl ngulv, Jisun mwwjw nyoram.

4 Akin akin haagdvl, ngulug nyicam betamto,
Xabdvl Jisun betamto, nyicam apaq jitayin.

386. Lwyw aalv beminla

NB – 330

1 Lwyw aalv beminla,
Paqyaco ab noqg bemin;
Xumnam at ab Pwnbonga,
Paqyaco ab noqg emin.

Bikur
Paqyaco nam, paqyaco nam,
Paqyaco ab noqg emin.

2 Bosv nyiinkun Jisu gab,
Paqyaco ab noqg emin;
Beminsam nyic nyurbv,
Paqyaco ab noqg emin.

3 Nyicam apaq gvnkunv,
Paqyaco ab noqg emin;
Mwwg uiyv ngam hwrxaqpan,
Paqyaco ab noqg emin.

387. Jisu mwwg hvbja
388.
( To be like Jesus )

NB – 331

1 Jisu mwwg hvbja, Jisu mwwg hvbja,
Ngo kodwn mwwg hwyw jaqb;
Ngo swwca soqgv ked soqgv ao lvpwb,
Ngo kodwn mwwg hwyw jaqb.

2 Jisu mwg hvbja, Jisu mwg hvbja,
Ngo kodwn mwwg hwyw jaqb;
Sam xika dvbma, hvbmab mw hemp dvbv,
Ngo kodwn mwwg hwyw jaqb.

Kujo, kujo, ngoqg lvgabv wto

NB – 332

Bikur
Kujo, kujo, ngoqg lvgabv wto,
Jisug kokwbv wmin gvto.

Jisu daapotv sinyi kunv,
Jisu daapotv ngoq gabv sinyi kun;
Jisu mw lokta gorab nyikun,
Jisu mw hookur taikun;
Hookur taikunv Jisu,
Mwlwngam mw lvgab wgvtaikun.

389. Ngo Jisun mwwjwdvn
390.
( I believe in Jesus )

NB – 333

1 Ngo Jisun mwwjwdvn …..2
Ngo Jisun mwwjwdvn, mwv Pwnbog ko.

2 Ngo mwwjwdvn Baibel…..2
Ngo mwwjwdvn Baibelv, Pwnbog gamlv.

3 Jisu sipan nyic gab…..2
Jisu sipan nyic gab, Jisu sinkunv,

4 Jisu gorab nyikun…..2
Jisu gorab nyikun, mwv ngo gabv.

Puiyv jido gumtw gvda so kaato

NB – 334

1 Puiyv jido gumtw gvda so kaato,
So kaato ngulam pui jido;
Puiyam tato gvda no…na,
Ngulam jido, jido Jisu.

2 Jisugv gumtw puiyv haado,
Jido Jisu gvda so gab;
Haato kaato xumto….sam,
Sam xumto ngulam pui jido.

391. Jisu mw aal gol wl dooi yikho

NB – 335

1 Jisu mw aal gol wl dooi yikho,
Nyi aku kaapa pan;
Annvg aiyeqho nyiqca boam,
Jisu mw kaapa pan.

Bikur
Mw mwp jipan, mw mwp jipan,
Jisu mw, mwp jipan;
Hoq nyi nyiqca boam.

2 Jisu hoq nyiyam benam,
Noqg nyic hoqgv ma;
Annvg aiyeq hoqg lengpanv,
Bonam kaatam dvb.

3 Jisu mw kaapa dvb mwpnum,
Kaapa mab dook bongam;
Nyiqca bov kaapa laikul,
Vigo hemp ponum.

392. Jisu nyebiab hookur yikubo

NB – 336

Bikur
Jisu nyebiab hookur yikubo,
Halleluya si jvqtwngv.

1 Bwrm bor tulu hingabla dooto…..3
Halleluya si jvqtwngv.

2 An ab tulu hingabla dooto…..3
Halleluya si jvqtwngv.

3 Ui atoram mvya la dooto…..3
Halleluya si jvqtwngv.

4 Gvdag hempsam apaq nyat kuka…..3
Halleluya si jvqtwngv.

5 Ao lvpwbv wnya nvkuju….3
Halleluya si jvqtwngv.

6 Ngoqg eminnam xeqpwl ap paku……3
Halleluya si jvqtwngv.

393. Jisug dookbv wto nyic dooma dvnv

( Pilgrims for Jesus in a lowland of sin)

NB – 337

1 Jisug dookbv wto nyic dooma dvnv,
Mwwjwl ngul kokwngam swwgam naadv bv;
Ab gab bon nyito sorkamc soqgv ngulv.

Bikur

Doonyi caalin ye soqgv, doonyi haanam gob,
Doonyi caalin ye soqgv, doonyi haanam gob;
Ao lvpwg anyangv kanam keleqdvb,
Doonyi caalin ye soqgv, doonyi haanam gob.

2 Nyiinv hemp podo sool mwwg boolungam kaal,
Nyido svka dvb ngul ab aal looxiam ngam;
Ab gab bon nyito moode wro jaqkam.

3 Hintwr jaqb nyig dvl ngul uiyam nyob pataj,
Mwwjwl mwwg birnam mam ngul kaapa taikun;
Ab gab bon nyito mwlwngv swwde so.

394. Hoo gab svkabo ab mwv hookur tayin

(Therefore the redeemer will come back)

NB – 338

Hoo gab svkabo ab mwv hookur tayin,
Ho bemin beto soq dookum so;
Nwrba cetam hempv nul lvgab dootayin,
Mw naatayin hemp hvnyiram:
Mwwdwq saqkv keleqtayin,
Hoq gab svkabo ab mwv haatayin;
Ho bemin beto soq dookum so,
Mwrba cetam hempv nul lvgab dootayin.

395. Ao ab nam ngo vigo paql doodwn

( Heavenly Father I appreciate you )

NB – 339

1 Ao ab nam ngo vigo paql doodwn….2
Nam abydvn nam paqdwn;
Xumdwn noqg emin,
Ao ab nam ngo vigo paql doodwn.

2 Pwnbo ko no hogub anyadvn…..2
No ywwpan ngam nyic hog;
Jipan dvrwq yal,
Pwnbo ko no hogub anyadvn ngam.

3 Dvrwq yaj no hog jaqb hemp dvnv……2
Ngam wg tvbv Jisu;
Doobat ngoqg lvgab,
Dvrwq yvj yal no hog jaqb hemp dvnv.

4 Any aca nam ngo vigo paqdvn…..2
Ab abydvn dooba dvn;
Ngul paqtuj Jisun,
Any aca nam ngo vigo paqdwn.

396. Swcw nyodo si mwwg yvjv gaqkar dvn

( All over the world )

NB – 340

Swcw nyodo si, mwwg yvjv gaqkardvn,
Swcw nyodo si, nyiqry kaanbo hogub kaadwn
(Halleluya);
Swcw nyodosi, tolog koibo lengpa kunv,
Hoqgv Pwnbo mw koidvn, iss pobu tonam hvb.

a) Ngoqg hang urasi,

b) Ngul dookumko si.

397. Paqyaco Jisun

( Thank you, Jesus )

NB – 341

Paqyaco Jisun, paqyaco Jisun
Paqyaco ab ngam anyanam;
Paqyaco Jisun, paqyaco Jisun
Paqyaco ab ngam anyanam.

1 No wnkun Kalbarib,
Tol no ngoqg gab sinkun,
Paqyaco ab ngam anyanam;
No wnkun Kalbarib,
Tol no ngoqg gab sinkun,
Paqyaco ab ngam anyanam.

2 No gorabnvn sipekul,
Ngam nit swwgam jipan,
Paqyaco ab ngam anyanam;
No gorabnvn sipekul,
Ngam nit swwgam jipan,
Paqyaco ab ngam anyanam.

398. Doonyi caalin twq hoqgv

( From the rising of the sun )

NB – 342

Doonyi caalin twq hoqgv
Tol haanam gob aiyin dvnv;
Noqg eminnam paqyaco,
Ab nam ngul paqdwn:
Paqdwn mwlwngv nam,
Paqto mwwg eminnam;
Swwnka noqg eminv at ab,
Soq mood soqgv nwrba cetam godab.

399. Lwnygo ko bwwnamv loktwq sidwn

( Twice birth, death once )

NB – 343

1 Lwnygo ko bwwnamv loktwq sidwn,
Lvkingo ko bwwnamv lwnygo sidwn,
Svb ngulam agamv looxiam Jisu bedwn;
Jisu mw nam tomswr tayin,
Niko dimin hvbv namkam sija bedo,
Nitbv ko bwwdar to.

Bikur
Nitbv ko bwwdar to, nitbv ko bvvt,
Yvj hoqg ko bwwnam si bwwdarnamv.

2 Nyi hoqg ko bwwnam si nyi hvb nyil dootayin,
Dvrwq yvj ko hvb nyiram;
Hvbmab no mwwkurto dvrwqbo yvj hoqgv,
Dvrwq yvj ko nyitayin,
Nitbv ko bwwdar to.

400. Ngo urab agab aob akob

( I am inside )

NB – 344

Ngo urab, agab, aob, akob,
Hempto aal looxiam…..2

Hwdlo Jisu haapakun,
Ngoqg hangam hwrxaqpan;
Ngo urab, agab, aob, akob,

Hempto aal looxiam.

401. Ho Pwnbo hempv ngoqg ator

( The joy of the Lord is my strength )

NB – 345

1 Ho Pwnbo hempv ngoqg ator…..4
Ho Pwnbo hempv ngoqg ator.

2 Mw swwgwg issam jipan ngo hvngwr dookma…..4
Ho Pwnbo hempv ngoqg ator.

3 Dvrwq yvjgv niqtuqkv anya hemp dvn……4
Ho Pwnbo hempv ngoqg ator.

4 Uiyv tvnwma ngul hwdlon nyirl dooiyin……4
Ho Pwnbo hempv ngoqg ator.

402. Atv at koibo koi

NB – 346

1 Atv at koibo koi, no akinv koibo,
Swcw nyodo beminla, ywwdwn noqg emin.
Bikur
Paqdwn ab nam, paqdwn ko,
Paqdwn dvrwq yvjngam,
Paqdwn at nam koibongam,
Mwn paql nwrba cetam gob.

2 Abwg sviya dvrwqbo , dvrwqbo ho ywwbnv,
Komci takar doonyi caalin, hiyv dooma dvn.

403. Jisugv soogwngam ngo bo kaapa tvl

NB – 347

Bikur
Jisugv soogwngam ngo kaapa tvl,
Mvpugv hapungv dua haaibo;
Harangv hapungv dua haaibo.

1 Jisugv hijumlo, hijumbo swtwtol,
Ngulubo mvpusam pudunga nyalaju,
Soomina nyalaju, ngulu mwlw si.

2 Jisugv hijumv, hijuma swtwngv,
Palonga nvnvbo hing nga nvnvbo,
Malonga nvnvbo hing nga nvnvbo.

3 Palonga himi de, Jisugv hijum tol,
Opungv nadu ngam tumina lakuju,
Anyabo dukubo ngulug acam gab.

4 Sijabo aalv so himi bo accam nga,
Jisugv hijumlo pumdunga lakaju,
Soomina lakuju ngulu acam si.

404. Ab ngulam bookum tvb

( Bind us together, Lord )

NB – 348

Bikur
Ab ngulam bookum tvb,
Ab ngulam bookum tvb;
Hvvtin ter bupwq manam hvb,
Ab ngulam bookum tvb;
Ab ngulam bookum tvb,
Ab ngulam anyab bookumt.

1 Mw pwg nyin huuto dvbv,
Rvlin mwwg xinam ko hog;
Jvqtwngam swwdar mvdbv,
Jisu mw mviya gvnkun.

2 Ngul abwg imiq parkin,
Ngul abwg xinam kongv;
Ngul abwg xuqbwq kunam,
Ngul nitbv swwdar pakun.

3 Ngul abv akin dvnv,
Bir abv akin dvnv;
Gv-ngv akin dvnv,
Hoq gab ngul bemin dvnv.

405. Swwgw gv anyangam jinam gobv

NB – 349

1 Swwgw gv anyangam jinam gobv,
Dookum nyat kuj, dookum nyat kuj;
Doonu ko namho ngul yolu dumab,
Abynam akinv dookum nyat kuj.

Bikur
Dookum nyat kuj, dookum nyat kuj,
Nyixiaq lvgabv mwwdwq dookram;
Dookum nyat kuj, dookum nyat kuj,
Pwnbo ko tulu dookum nyat kuj.

2 Hoq nammwm wm huuto mwwngv maakbv,
Dookum nyat kuj, dookum nyat kuj;
Hoglo yvj nyuqmv wmwb huutayin,
Abynam akinv dookum nyat kuj.

3 Ao lvpw anyabo doominko bv,
Dookum nyat kuj, dookum nyat kuj;
Ywwk taju mwwg alaq anya hoqgv,
Abynam akinv dookum nyat kuj.

406. Noqg ogumbv wba dvn

NB – 350

Bikur
Noqg ogumbv wbadvn,
Ngam loorwq tvb Jisu no,
Looxiam wtayin-
Noqg ogumb sam doom tvb,
Ngoqg ab sam doom tvb.

1 Ngo huudvn no atordvn,
Naalin ngam nyic nyook soqgv;
Ngo jot kvltayin kol godab,
Ngo wba, ngo wba noqg ogumb.

2 Soq gvda hintwr kany soq,
Ngam hiyv anyal kaaiya tayin;
Hiyv ngam baqpin taikun yu,
Nyi dooma ngoqg ab nyi dooma.

3 Hwdlo ngo hintwr doodwn,
Mood si ngoqg gab dook manyi;
Tol nywyw huuto gvdab,
Ngo wba, ngo ab ngo wba.

407. Ngo haatayin noqg dookub xumg dvl

( I will enter His gate with thanks giving )

NB – 351

Ngo haatayin noqg dookub xumg dvl,
Ngoqg hang urasi,
Ngo haatayin noqg dookub paqg dvl;
Ngo betayin sool aalsi Jisug jinam aalv,
Ngo hemp tayin mw jipa ngam hemp dvb,
Mw jipan ngam hemp dvbv……2
Ngo hemp tayin mw jipan ngam hemp dvbv.

408. Swwca so ngulug moodsam

NB – 352

Bikur
Swwca so ngulug moodsam,
Jisug puiyam bekar tayin;
Duqtvrv duqjaqkam Jisug bemin betayin,
Hintwrv henjaqkam, Jisug puiyam betayin.

1 Hoqgv ngo dinpa kunv, Jisugv kokwb wdwb…..2
Bos gokam soram ngo, noqgv bemin tayin,
Bos gokam soram ngo, noqgv bemin tayin.

2 Hoqgv ngul dingr pakun, abwg kokwb wdwb…..2
Ngoqg hog mwlwngam jigyin,
Ab no ngulam ywwtvb…..2

409. So pina gvda gv, gvda pina gvtv gv

NB – 353

1 So pina gvda gv, gvda pina gvtv gv,
Nyi pina mwlwngv, xinam pina gonvnyi;
So pina nyi si, xilo pina abvnyi,
Xilo pina abv si, Jisu pina Kristoku.

2 Jisu pina Kristo de, gvtv pina atvnyi,
Gvda pina gvtv si, Jisu pina ko gonyi;
Ho pina kokw bv, gvda pina gvtv si,
Jisu pina anyangam, keleq pina kunvnyi.

3 Atwg pina mwwkubv, nyinw pina sulayil,
Jisu pina Kristonyi, haqxia pina yibanyi;
Ho pina kokwbv, Jisu pina Kristonyi,
Daapo pina aotv, taqtin pina gvnvkun.

4 Ho pina gabv de, sija pina aalso,
Nyimur pina nyibu nul, mwwkur pina nyatvku;
Mwwkur pina gvda la, Jisu pina dookubv,
Hookum pina nyatvku, xabnya pina gvdv la.

410. Ab nam ngul xumdwn

( Lord, we pray to you )

Doh is Eb B. Sangmawia

1 Ao lvpwg Pwnbog mwwg mwwlwq kob,
Ngulug abynam bor bwrm nunyv;
Dvrwqb hangho mwwgabla doog to,
Lvkin gob nuny swwl doo dvb.

Bikkur
Ab, nam ngul xumgdvn noqg anya ho bunyam doom to,
Ywrkum vminamla noqg vminam,
Bunyiv mwwgab swwnkun,
Bunyam koi koi yaabnam mwwjwbo,
Imiq dvpar gob swwm to,
Bunyam kaal yvg mvmdvb,
Ab, nam ngul xuml doo dwn. Amen.

2 Ao lvpwg jilnam lvqcam naam dvb,
Bunyam no svka kvvjto;
Bunyig mwwnam saqnam mw lwngam,
Noqg mwwkub bunyam swwm to.

3 Looxiam mwwjwl swwm dvb tomswr to,
Swwnamv alge korge;
Nam mwwjw jwl bunyam swwl doom to,
Mwwjw jwnyge jwny maage.

411. Doonyi lvlaq

( Jesus wants me for a sunbeam )

Doh is G SSS – 1129

1 Ngam doonyi lvlaq gob Jisu mwwd,
Looxiam mw gab huum dvb;
Mwam looxiam hemppol doom dvb,
Nam ho, iskul ho, sook ho.

Doonyi lvlaq, doonyi lvlaq,
Ngam doonyi lvlaq gob Jisu mwwd;
Doonyi lvlaq, doonyi lvlaq,
Mw gab ngo doonyi lvlaqkv.

2 Jisu ngam anya mwm nwwdo,
Mwlwngam anyadvb;
Hwdwg hempdvn ham kaakinto,
Mwwg himi anyongam kam.

3 Jisun svka ngo kotayin,
Ngoqg hangsam nyic nyimab;
Mwwg anyangam looxiam kaakinl,
Mw gab looxiam huum dvb.

4 Ngo mwwg doonyi lvlaqb swwtayin,
Ngo sam nyil dooiyin dvn;
Looxiam mwwg bon nyil doope kul,
Aotol dooba tayin.

412. Hintwr henk lvpa ho

( Amid the trials )

Doh is G SSS – 566

1 Hintwr henk ho ngoqg hempanam,
Taangv ngoqg all so dulwq num;
Hemp mwwnam ak hang si doo do,
Ab, no ngam mwwpa do.

Bikkur
Ab, no ngam mwwpa do.
Ab, no ngam mwwpa do.
No doo bayin ngo bosso ma,
Ab, no ngam mwwpa do.

2 Swwnam hvvminammam mww dwn,
Ngoqg yvj yalam mwwdar mvma;
Ngoqg hangam bul mwwpa mvm num,
Ab, no ngam mwwpa do.

3 Hintwrv vijaq haa jaqkam,
Alkor gob ngo swwl doo jaqkam;
Ngo ceng doo do si ngoq gab naty,
Ab, no ngam mwwpa do.

413. Kaato, viyap si ngo daqdwn

( Behold me standing at the door )

Doh is Ab SSS – 378

1 Kaa to, viyap si ngo daq dwn,
Ta to, looxiam ngo xuml doo dwn;
Nyicbo hang no odmab xum to,
Ngam haam nwd ye? Hang ura ho ?

Bikkur
Kaa to, viyap si ngo daq dwn,
Ta to, looxiam ngo xuml doo dwn;
Nyic nyil doonbo, mwwdwqbo hang,
Ngam haam nwd ye? Hang ura ho ?

2 Noq gab ngo un tar gvpekun,
Nam ngo kaaiya yal doo pekun;
Nyicbo hang no odmab xum to,
Ngam haam nwd ye? Hang ura ho ?

3 Ao lvpwg hempam ngo haag yin,
Noq gab hemp, anya, ngo haag yin;
Nyic nyil doonbo, mwwdwqbo hang,
Ngam haam nwd ye? Hang ura ho ?

414. Nyicbo, jwwgwbo nul haato

(Come ye sinners)

Doh is F SSS – 376

1 Nyicbo, jwwgwbo nul haa to, Untar baql mwwdwql doon bo;
Jisu daqdo nam nyedar dvb, Anya, ator mw doog do,
Mw nyedar dvn, Mw nyedar dvn, Mwummab, mw nyedar bongv.

2 Hvvnwbo nul, sija haa to, Pwnbog jiny-nam sam paqto;
Hangho mwwkurl mwwjwl haa to, Anyangv ogum boa dvn,
Twngk jima jaqb, Twngk jima jaqb, Jisug dookho haagdvl naat.

3 Noqg hangngam mwwngvl doo mabv, Yuma moodul doo mabv;
Albo hangam mwmel yvdo, Jisun mwwjwl nam doom dvb,
Sam nam ji pa, Samnam jipa, Dvrwq yvj yalsam mwmdo.

4 Vi-vbar baql mwwdwqbo haat, Nyic nyil untar baqnbo nul;
Haamab no mood xil doo mabv, No nyw ywnga haala ram,
Nyiidar nyi yamma, Nyiidar nyi yamma, Jisu mwlwngam goqdo.

5 Boolu homwwg bump nam kaa kat, Nam Pwnbo bump tvl doodo;
Daapo ao tol mwwn kaa kato, Mwwg sexing sam taka to,
“Hvtwq-kubo” “Hvtwq-kubo” Nyicbo vkv taqku ram.

6 Nyiib nyil haanbo Pwnbo wnkun, Mwwg ywwnam uigab xumdo;
Mwwn mwwjw to, hang uraho, Asaq hangho haam mabv,
Jisun haam to, Jisun haam to, Nyicbo Jisun mwwjwl swwt.

415. Kol kol bir ab Sijar

(During the reign of King Ceaser)

1 Kol kol bir ab Sijar, Bir ab gob swwdul dooi yikho,
Mwwgab dvb xinam koibo ak nyinum;
Nyi hvdwg rolu lvpa ho, Meri gab dookv doomanum,
Svv namgol mw doonum…..3
Nyi hvdwg rolu lvpa ho, Meri gab dookv doomanum,
Svv namgol mw doonum.

2 Nam rekybo mwwdwq maai yv,Ywwn bongv wta duk;
Gvda so nyii ngam mw nyedar bongv,
Ngam nyedarbo Pwnbog kongv; Mwam kaacin kumanum,
Nam rekybo nyi akv…….3
Ngam nyedar bo Pwnbog kongv;Mwam kaacin kumanum,
Nam rekybo nyi akv.

3 Mw sijja godab wma da, Mw hvraqb daql doodo;
Kaato, noqg viyap yabgho ngo daqdwn,
Noqg hang uraho ngam haamtvb;
Noqg hang viyapam cwqko-tvb,
Ngulam tox xudul dood…..3
Noqg hang uraho ngam haam tvb;
Noqg hang viyapam cwqko-tvb, Ngulam tox xudul dood.

4 Nam reky kinbo hvb ngo nyido,Nyicv pookal doodo;
Betlehem sam nitib mvdar tuku,Nyice hvraqb hangsi doodo;
No atv mwx-mvaql apto,
Nwrba gob ho doomto……3
Nyice hvraqb hangsi doodo;No atv mwx-mvaql apto,
Nwrba gob ho doomto.

416. Ngoqg soq swwca so

( Everyday, there is a choice, here in my life )

1 Ngoqg soq swwca so, xuqdynam ak aal looxiam mwwmdo,
Nyicam la Pwnbon, ak gon xuqm dvb mwwmdo;
Albongam nyitayin, nyic yangam ngo nyil doodo,
Nyic yangv tembinl, ngam nyicam nyimdo.

Bikur
Ngoqg swwg so albo akkam dooma,
Ngoqg albo mwwnamv, alkuma;
Aldvb mwwnam, Pwnbo looma,
Si ximanam gonyi;
Ab no akin twq ngoqg swwg albongv.

2 Ngo cengdo, asaqkam anyanamsi xinamv,
Ngo aby taikalam, almanbo hangso haado;
Nyia kog abynam sam Pwnbongv hog bvkam mwwma,
Ab no akin twq jvqtw anyangv.

3 Dvrwqb swwnam albosam, swwdwb ngo nyitar tvn,
Albongam nyitayin, almanbo nyimdo;
Ngulug dvrwqb swwnam sam, Pwnbongv looma do,
Ab no akin twq, ngoqg dvrwq swwgv.

4 Daapotol ngoqg swwgam sim kunum,
Jisug lvgab daapotol simpan;
Ngoqg sija swal doanam si, ngo atv swwl dookma,
Swwnbo Jisu ngoqg urasi doodku.

5 Ngoqg swwca so albojaq dooma,
Ab, noqg kaaga ho ngo nyic nyi ngv;
Ab, no hiyv jaq, jvqtw jaqkam ngam kaakin tvb,
Noqg eminnam paql doom dvb ngam naatku.

417. Gvdag jompv nyiido

(Fade, fade, each earthly joy)

Doh is Eb SSS – 1045

1 Gvda jompv nyiido, Jisu ngoq gv,
Anya minsnam nyii do, Jisu ngoq gv;
Kanv rokam hvb nyid, Gvda si dook doo ma,
Jisu nyedar dardwn, Jisu ngoq gv.

2 Ngoqg yv jampwq mabv, Jisu ngoq gv,
Kolgob so doo tama, Jisu ngoq gv;
Gvdag hog mwlwngv, Aal loog doota kuma,
Ngoqg hang sam mwwl doomab, Jisu ngoq gv.

3 Yuma manam nyidku, Jisu ngoq gv,
Soram mwwpa maadku, Jisu ngoq gv;
Ngoqg nyinam wnam v, Niqtuq nyilin kuma,
Jisu hempam pomdo, Jisu ngoq gv.

4 Sidbo mwlw w to, Jisu ngoq gv,
Nwrba swwgv haato, Jisu ngoq gv;
Mwwjwbo nul haa to, Ao lvpwngv haa to,
Jisun mwwjwbo haat, Jisu ngoq gv.

418 Noqg alnamv koi do, ho ngoqg Pwnbo Ab

(Great is Thy faithfulness)

Key Eb CW - 165

1 Noqg alnamv, koi do ho ngoqg Pwnbo Ab,
Noqg hoqgv wkurko lamta dook ma;
No kwly maa dvn noqg anyangv nyii madvn,
No kolgv kuiyum godab dooky ta yinv.

Bikkur
Noqg alnamv koi do, Noqg al namv koi do,
Sor-rog gvsor gab, nit anyangv kaal;
Ngoqg hog mwlwngam noqg alaqkv ji pan,
Noqg alnamv koi do ngoqg At Ab no.

2 Dwr hoqgv dvra gob dvnnammamkam jid,
Doonyi, pool, takarv bul ao gvda tol;
Lvkin gob dool gvdangam lvlaq ji dvn,
Noqg koibo anyangv ngulam aby dvn.

3 Nyicam apaq jil ho swrso doom dvbv,
Noqg atwg dookho hempla ho kaai yat;
Sool ator jitbv ho aram mwwgw dvb,
Soq ator si nyw yw godab ngoq gv.

419. Pwnbog kongam bwwpa

(Heavenly Child is born)

1 Pwnbog kongam gvda si ko bwwpa,
Betlehemg svv rwkumko namgol;
Mw Pwnbo gvla nyia kog ko tuupv,
Mw nyedar darnbo Pwnbongv.

Bikur
Ngul mwlwg hangv mwwn paqnyatuj,
Ngulam ywwtab mw nyiib nyil haapan;
Xinam, paqnam Pwnbo ab gab doomto,
Mw haal ngulam doogwl doodo.

2 Pwnbo abvk hvl, bul mwwn cengmanum,
Mw nwrba cetam mwwg ab hoqgv;
Sam ao gumtw tulungv bekinpan,
Nyijwq nyii ngam takar doobal.

3 Bwwpnam bir ko gab, goqr rol hemp potuj,
Ngul mwlwg hangv mwwn xumnyatuj;
Hang ura hoqgv mwwjwl xumnamsi,
Rup, viyin yaangam xibin namgo.

420. Nyedarnam mwlwngv aotv bemindo

( High in yonder heav’nly courts )

Dohis C SSS – 1020

1 Nyedarnam mwlwngv aotv bemin do,
Bul viyin bopya ngam gora Abnvn jil;
Gvda soqg hintwr kan bosnamv nyinkun,
Ywwlinam mwlwngv nit bemin bedo.

Bikkur
Mw gab bemin to,
Kalbari tol mengnam ak gab;
Mw gab bemin to,
Nwrba gob swwnbo Jisu gab.

2 Tangam anya beminam benya gviku,
Viyin pvtaq hoqg suungambo sulin do;
Nyic gab sipel turnbo Jisug hoqgv si,
Pwnbog gora ab gob nyil ngul sww tayin.

3 Nyedarnam nyingv rolub haala tayin,
Jisun mwwjwbongv bemin be tayin;
Jisu ngulug nyicam nyedar darxaq pan,
Hempponam bemin sija berap nya to.

421. Swrbo mwlwg gora ab mw

(How marvelous)

1 Swrbo mwlwg gora ab mw,
Ngulug hvb nyia kob nyil mw haai yikho;
Jompam apaqpel hintwr hentab haapan,
Svv dookam la daapongam gaqpan.

Bikur
Anyabo akv nyumub nyil haapan,
Hintwram la sigam mw gaqpan;
Mwg anyanam tulungam lvqcnam dvb,
Anyabongv hintwram hengkdvn.

2 Mwwg kokwb ngul wl dooi yindo,
Mw atv nyil kaakin pel wpaku;
Ngulug ogum-ai nyii ngam kaakin mvmdvb,
Ngulkam hintwram hendwb nyido.

3 Jvqtw anya kaapa gvdo,
Hintwr hengk ho ngul hintwr hingnw do;
Jisun hwdwg no abydvn ham kaakinto,
Noq ab gab no hwdgo hintwr tvn?

422. Ho si vi-viyib Jisug aby ngv

(O, the deep, deep, Love of Jesus)

Doh is Bb (Lah is G)

1 Hosi vi–viyib Jisug abyngv,
Xilamaa dvb ji paku;
Iss seli v hwwl doonam hvb,
Soq niqtuqkv leng paku:
Ura bvkam ao bvkam,
Noqgv abyngv haal doo dwn;
Otuqb wgdo nambv wg do,
Ngam ao gvda doonu kob.

2 Hosi vi–viyib Jisug abyngv,
Mwam paqla nyook mwlw;
Mwwg anyasi nywyw anya,
Kvl kurambo nywywngam:
Mw kaaiya dvn abynam akam,
Sinboam goq do At hvb;
Mw bul gabv xum nyia jit ju,
Ao gvdaho kaaiya dvn.

3 Hosi vi–viyib Jisug abyngv,
Vxig aby si aby alngv;
Si swnyiq hvb koib atorbo,
Soq dookbo v tonbo hvb:
Hosi vi–viyib Jisug abyngv,
Ao gvdangv ngoqg gvda;
Ho ngam naarabl ao gvdabv,
Mw ngam wg tayin ao nyokbv.

423. Loml ngo daqdwn

(I stand amazed) HFG - 223

1 Najarat Jisug ogumso,
Ngoqg daqnamsi lomnamgo;
Lomdvn hogub mw ngam abynum,
Nyic nyil tergil doonbongam.

Bikur
Si lomnamgo! Swr albogo!
Nwrbab ngo bemintayin;
Si lomnamgo! Swr al bog!
Si xinam, paqnam ab jaqgo,
Jisug ngam anyanamsi.

2 Ngoq gab mw boolu uraho,
Xumnum, “Ngoqg ma noqg mwwkub”
Mw gab hintwrl mw nyiqs dima,
Ngoqg gab haaxor ui biqnum.

3 Anyal ao gumtwngv kaanum,
Ao lvpw hoqgv haanum;
Hintwr bonvn bet belatab,
Ngoqg yvj gab mw hintwrnum.

4 Ngoqg nyic hintwram mw baqnvn,
Mwwg gabya ham mengnukun;
Hintwram Kalbarib baqnvn,
Hintwram henl mw siknum.

5 Mwwg nyedar darpnam nyi lvgab,
Ngo mwwg nyuqm kaapa tayin;
Si ngoqg nwrba hemp podynamv,
Ngam anya gab beminto.

424. Jisun aby nwdo

( I’d rather have Jesus )

Doh is D

1 Twngk taiyin sam laboyab, Jisun aby nwwdo,
Jisun ngo doognw do nyet tvmmam linsam,
Jisun ngo doognw do, nam rongo aby mab,
Mwwg alaqkv gvbwl ngo wgko nwdo.

Bikkur
Gvda so gora ab sww mamlin sam,
Nyic nyerab sww mamlin sam;
Jisun ngo doognw do, ngo hog mwlwngam,
Gvda so doog jaqkam.

2 Jisun ngo doognw do, Nyii ngam paqkli sam,
Mwwn mwwjwl doo tayin, mwwg anyanam gab;
Jisun ngo doognw do, nyiigyi kumli sam,
Ngo jvqtwb dooiyin do, dvrwq emin gab.

3 Opu mwlwngam mw kaangam yaanbongv,
Tong ngola ngam mw v tiiswr yaanbongv;
Ngoqg yvj yalwg meeker yvnam v mwam,
Jisun ngo doognw do, ngoqg swwgsam ji twl.

425. Ngoqg vmin ho doodyv?

(Is my name written there?) HFG – 125

1 Ab, ngo nyetam twnwma,
Twngk taiyin samkam abyma;
Ao lvpwg dvrwq namtol,
Ngo tol haal doonw do:
Ao lvpwg noqg pota tol,
Mwwjw bog rolu ho;
Ab, Jisu ngam bekin tvb,
Ngoqg emin ho dood yv?

Bikur
Ngoqg emin ho dood yv?
Nwrba swwg pota tolo;
Ao lvpwg noqg pota tolo,
Ngoqg emin ho dood yv?

2 Ab, ngoqg nyicv vigo dood,
Xila manam xuqxy hvb;
Hvbmab Jisu noqg uiyv,
Nyicam nyedar dardwn:
Noqg birwl xeql apnamv,
Baibelv bekindo;
Noqg nyicv lwwcw jaqkam,
Tapam tvb huum tayin.

3 Ao lvpwngv kaangam dvn,
Huuto huul dootwq dvn;
Tol mwwjwbo gaqmin dvn,
Tol nyiqs dis dooma dvn:
Nyicv tol haala maadwn,
Sigvkam tol dooma;
Ao gumtwngv kaal doodwn,
Ngoqg emin ho dood yv?

426. Jisu ngam ywwnbo, Betlehem haanum

( Jesus, my Saviour to Bethlehem came )

Doh is G SSS – 40

1 Ngam ywwnbo Jisu Betlehem haa num,
Hvnyw harjaqb dokum gol ko bww num;
2 Si hemp ponamgo mwwg vmin paq to,

3 Ngam meel yvdongam meel……… 3-times
Si hemp ponamgo mwwg emin paq to,
4 Ngam meel yvdongam meel.

Jisu ngam ywwpan Kalbarig svvn tol,
Nyicam nyedarl ngoqg yvjam ywwlin pan;
Ngoq gab si lomnamgo hogub soq si,

Ngoq gab sipan ngoq gab. ……… 3-times
Ngoq gab si lomnamgo hogub soq si,
Ngoq gab sipan ngoq gab.

Jisu ngam ywwnbo kuiyum kol hoqgv,
Ngo mw galo gaqxarla yeyik ho;
Ngoqg yvj yal gab modu dul mw doo num,

Ngam goql doo dongam goql. ……… 3-times
Ngoqg yvj yal gab modu dul mw doo num,
Ngam goql doo dongam goql.

Ngam ywwnbo Jisu lok hookur tayin,
Mwwg birwl apnam moodv wl doodo;
Mwwn ngo kaapa tayin mw haaikukam,

Ngoq gab haaiku, ngoq gab. ……… 3-times
Mwwn ngo kaapa tayin mw haaikukam,
Ngoq gab haaiku, ngoq gab.