NIRWANA PAUSANG NAMA PENYELIA: DR. SAIMIN GINSARI POGODUHAN TONDU MONONTIAN TINARU DUSUN ID KAMPUNG TINUTUAN, RANAU, SABAH. ABSTRAK Pogoduhan nopo mionit do norma-norma sosial, woyo koubasanan, kotumbayaan om tukum di pointantu ii kaanu mongulud kowoowoyoon om wowonsoyon sosongulun toi ko’ tinimungan. Miagal do pogoduhan tondu monontian tinaru Dusun id Kampung Tinutuan, tu’ kiharo pokomoyon di poinlisok om kitudu tosonong. Timpu babaino, kogumuan sukod wagu tinaru Dusun au koilo do tongo pogoduhan monontian. Mionit dii, mononoriuk kiangkab do mongilo lobi ogumu kokomoi do pogoduhan tondu monontian sabaagi sukuon tongo tulun Dusun loolobi po sukod wagu tohuri tadau. Tudu nopo do soriuk diti nga montok mongilo do pogoduhan tondu tinaru Dusun damot monontian om hapas osusu. Soriuk etnografi diti momoguna pongisamakan kualitatif. Kaedah monimung data nopo maya ponorubungan, pongintangan om analisis dokumen. Aasil ponoriukan pinokito pogoduhan monontian tinaru Dusun id Kampung Tinutuan, Ranau abaagi kumaa pogoduhan kowoowoyoon, taakanon, om tigitan di mositi tonudon. Ahal diti montok manamong om popoingkudi do kobolingkangan kolidasan ii otoguangan di tondu damot monontian. Sundung ingkaa, kiharo nogi piipiro pogoduhan montok sawo kusai di mositi tonudon mooi do oumolig kolidasan di sawo tondu. Hapas nopo osusu nga tumimpuun no i tondu monimbagos solinaid tolu nohopod tadau gisom do karampot. Antakan timpu monimbagos nga ogumu pogoduhon kokomoi taakanon om kowoowoyoon di tonudon mooi do kotonduli kagarasan tinan di tondu. Mantad dii, tonudon do tondu tinaru Dusun iti pogoduhan damot monontian om hapas osusu sabaagi iso laang montok mongilag kobolingkangan kolidasan. Pantang larang berkaitan dengan norma-norma sosial, nilai-nilai kebudayaan, kepercayaan dan hukum yang mampu mengatur perilaku dan perbuatan individu mahupun kumpulan masyarakat. Salah satunya ialah pantang larang ibu mengandung di Kampung Tinutuan, yang membawa makna tersirat dan tujuan yang baik. Pada masa kini, kebanyakan generasi muda kaum Dusun tidak mengetahui tentang pantang larang ibu mengandung ini. Tambahan lagi, pengkaji ingin mengetahui lebih banyak lagi berkaitan dengan pantang larang ibu mengandung di Kampung Tinutuan. Justeru, kajian ini akan menjadi bahan rujukan bagi kaum Dusun terutama generasi muda pada masa akan datang. Oleh itu, kajian ini bertujuan untuk mengetahui pantang larang kaum Dusun semasa mengandung dan selepas bersalin. Kajian etnografi ini mengunakan pendekatan kualitatif berdasarkan kaedah temubual, pemerhatian dan analisis dokumen. Hasil kajian menunjukkan pantang larang ibu mengandung di Kampung Tinutuan Ranau terbahagi kepada beberapa jenis seperti pantang perbuatan, pantang makanan, dan pantang memegang yang wajib diikuti. Hal ini, mampu menjaga dan mengurangkan masalah kesihatan yang dihadapi oleh ibu semasa mengandung. Di samping itu, terdapat juga pantang larang yang wajib diikuti oleh suami bagi memastikan kesihatan ibu dan anak semasa mengandung terjamin. Selepas bersalin, ibu akan berpantang selama tiga puluh hari. Pada masa ini, terdapat banyak pantang yang harus dipatuhi berkaitan makanan dan perbuatan agar kekuatan fizikal kembali normal. Oleh itu, pantang larang semasa mengandung dan selepas bersalin ini dipatuhi oleh wanita kaum Dusun sebagai langkah untuk mengelak pelbagai masalah kesihatan. ABSTRAK KOLOKIUM PENYELIDIKAN KOPPI 2023 PISMP AMBILAN JUN 2020 198
RINI ASWANDA JUKILIN NAMA PENYELIA: DR. WILFRED DOUSIP TAANG KOINABASAN OM MOTIVASI TANGAANAK SIKUL TOUN 6 DOID KABAALAN MONUAT BOROS KADAZANDUSUN ID DUO SIKUL DI MISUAI KINOYONON ABSTRAK Papanahon o soriuk diti montok mogintutun taang koinabasan om motivasi dominan tangaanak sikul toun 6 id aspek kabaalan monuat BKD do id duo sikul di misuai kinoyonon ii no SK Pekan Tamparuli(SKPT) id kakadayan om SK Topokon(SKT) id kokompungan. Sumusuhut, mongilo nogi o mononoriuk do haro nangku pisuayan signifikan do taang koinabasan, motivasi ekstrinsik om motivasi instrinsik tangaanak sikul Toun 6 do balajal kabaalan monuat id BKD id duo sikul di misuai kinoyonon. Montok momodimpot objektif ponoriukan diti, minomoguno mononoriuk do instrumen soal selidik om padalanon miampai 43 tangaanak sikul mantad SKPT om siam tangaanak sikul mantad SKT. Gatang komilotumboyoon instrumen diti nopo nga 0.772. Sumusuhut, pomorindakan data diti nopo nga maya deskriptif om inferens. Asil ponoriukan pinopokito do taang koinabasan kabaalan monuat id mato palajalan BKD tangaanak sikul toun 6 id SKPT nopo nga osiriba ko tangaanak sikul toun 6 id SKT. Sumusuhut, pinopokito nogi o motivasi dominan montok ngoduduo sikul diti nopo nga motivasi ekstrinsik. Sumusuhut, pinopokito nogi o haro pisuayan signifikan montok taang koinabasan tangaanak sikul toun 6 id SKPT om SKT dii miampai gatang signifikan p=0.02<0.05. Sumusuhut, aiso pisuayan signifikan id aspek motivasi ekstrinsik om instrinsik id ngoduduo sikul miampai gatang signifikan p=0.19>0.05 om p=0.06>0.05. Mantad dii, ponoriukan diti nopo nga manahak kapansalan kumaa organisasi, tulun ginumuan om boros BKD. Kajian ini dijalankan bagi mengetahui tahap pencapaian dan motivasi dominan murid tahun 6 dalam aspek kemahiran menulis di dua sekolah yang berlainan tempat iaitu di SK Pekan Tamparuli(SKPT) yang bertempat di pekan dan SK Topokon(SKT) yang bertempat di sebuah perkampungan. Seterusnya, kajian ini juga bertujuan untuk mengetahui adakah terdapat perbezaan signifikan tahap pencapaian, motivasi ekstrinsik dan motivasi instrinsik murid tahun 6 dalam mempelajari kemahiran menulis BKD di dua buah sekolah yang berlainan tempat. Bagi menjalankan kajian ini, pengkaji menggunakan instrumen borang soal selidik untuk dijalankan kepada 43 murid tahun 6 di SKPT dan sembilan murid tahun 6 dari SKT. Nilai kebolehpercayaan instrumen ini adalah 0.772. Seterusnya, data dianalisis menggunakan kaedah deskriptif dan inferens. Hasil kajian mendapati tahap pencapaian kemahiran menulis dalam mata pelajaran BKD murid tahun 6 di SKPT adalah rendah berbanding murid tahun 6 di SKT. Selain itu, didapati bahawa motivasi dominan bagi kedua-dua sekolah ini adalah motivasi ekstrinsik. Seterusnya, kajian mendapati bahawa terdapat perbezaan signifikan tahap pencapaian murid tahun 6 di SKPT dan SKT dengan nilai signifikan p=0.02<0.05. Seterusnya, tidak ada perbezaan signifikan motivasi ekstrinsik dan instrinsik di kedua-dua sekolah tersebut dengan nilai signifikan p=0.19>0.05 dan p=0.06>0.05. Justeru, kajian ini dapat memberi kepentingan kepada organisasi, masyarakat dan bahasa Kadazandusun ABSTRAK KOLOKIUM PENYELIDIKAN KOPPI 2023 PISMP AMBILAN JUN 2020 199
STERRA HIDIAN NAMA PENYELIA: DR. ROSIE JOHNNY BAGAS UNDANG-UNDANG OM KOOTURAN KUMAA ADAT MISANGOD ID KAMPUNG KIAU, KOTA BELUD ABSTRAK Misangod nopo nga adat do tinaru Dusun Kiau di pogulu. Sundung pia tu irad dii, notingkadan adat diti soira nokohompit o British montok popibabas do suku tinaru Dusun di haro pisangadan ontok toun 1887 (Little, 1887). Ponoriukan nopo diti nga kokomoi do bagas undang-undang om kooturan kumaa adat misangod id Kampung Kiau. Rika bontuk ponoriukan di pinoindalan nopo nga etnografi miampai momoguno do kaida ponoriukan kualitatif. Objektif kinopoindalanan nopo do ponoriukan diti nga montok mongilo kowowoyoon do adat misangod, bagas undang-undang om kooturan kumaa adat misangod, suai ko’ bagas do adat dii kumaa mogiigion id Kampung Kiau, Kota Belud. Montok momodimpot do koinsanai objektif dii, minonimung o mononoriuk do data maya do kaida ponorubungan, pongintangan om soriuk kopustakaan. Maya do asil ponoriukan diti, noilaan do haro limo kowowoyoon adat misangod id Kampung Kiau. Koiso, nadadi maya pitagadan miampai suku di misuai. Koduo, wonsoyon montok sumuli kawagu di sangod. Kotolu, iso bontuk do koumoligan. Kaapat, popokito woyo di osiou om kolimo, kiharo kooturan di tumanud adat pointantu. Sumusuhut, bagas undang-undang om kooturan kumaa adat diti nopo nga pogoduhan do adat misangod, pibabasan do Dusun Bukit om Dusun Pesisir, tonggungan luguan kampung, koponginwoguan kaadato’ om koubasanan sandad miampai kopomogompian kinoyonon di osundu. Id kotohurionon, haro limo bagas do adat misangod kumaa do mogiigion id Kampung Kiau di noilaan. Alansan do ponoriukan nopo diti nga kaanu manahak toilaan kokomoi kaadato’ Dusun di dounggulu-gulu kumaa tulun ginumuan moi do au atagak sandad koubasanan tinaru diti. ‘Misangod’ merupakan adat resam dalam masyarakat Dusun Kiau yang terdahulu. Walau bagaimanapun, adat ini telah dihentikan apabila pihak British terlibat dalam usaha mendamaikan suku kaum Dusun yang saling bermusuhan pada tahun 1887 (Little, 1887). Kajian ini adalah mengenai kesan undang-undang dan peraturan terhadap adat misangod di Kampung Kiau. Reka bentuk kajian yang dijalankan adalah etnografi dengan menggunakan kaedah penyelidikan kualitatif. Objektif kajian ini dijalankan adalah untuk mengetahui ciri-ciri adat misangod, kesan undangundang dan peraturan terhadap adat misangod serta kesan adat tersebut kepada penduduk Kampung Kiau, Kota Belud. Bagi mencapai kesemua objektif tersebut, pengkaji telah mengumpulkan data dengan menggunakan kaedah temubual, pemerhatian dan kajian perpustakaan. Melalui hasil kajian ini, didapati bahawa terdapat lima ciri adat misangod di Kampung Kiau. Pertama, adat ini berlaku disebabkan oleh persengketaan dengan suku kaum yang berlainan. Kedua, untuk membalas dendam terhadap musuh. Ketiga, satu bentuk keselamatan. Keempat, menunjukkan ciri keberanian dan yang terakhir mempunyai aturan mengikut adat tertentu. Seterusnya, kesan undang-undang dan peraturan terhadap adat ini adalah larangan terhadap adat misangod, perdamaian di antara Dusun Bukit dan Dusun Pesisir, peranan ketua kampung, pembaharuan adat dan amalan yang diwarisi serta penjagaan tempat keramat. Akhir sekali, terdapat lima kesan daripada adat misangod kepada kampung dan penduduk di Kampung Kiau yang telah diketahui. Diharapkan agar kajian ini dapat memberi pengetahuan mengenai adat tradisi Dusun yang kuno terhadap orang ramai supaya warisan budaya kaum ini tidak hilang. ABSTRAK KOLOKIUM PENYELIDIKAN KOPPI 2023 PISMP AMBILAN JUN 2020 200
SUZAN KITUS NAMA PENYELIA: PN. ROSMAHWATI BINTI EBBIE NONTODON OM RATI BASAAN KOUBASANAN SIA’ DO BINOIKIAN ID WATAS PAPAR ABSTRAK Basaan koubasanan nopo nga iso' kawo koubasanan i notungkusan mantad komolohingan di pogulu po om nosiliu sabaagi do kointutunan toi ko' identiti kumaa isoiso tinaru id pogun diti. Mantad dii, basaan koubasanan montok tinaru Kadazan Dusun id watas Papar nopo nga pungaranan Sia' do Binoikian om nosiliu sabaagi iso' kointutunan do etnik diti kumaa tulun suai (Lasimbang & Moo-Tan, 1997). Pinoindalan o ponoriukan diti tumanud kapatayadan kobolingkaangan do ponoriukan i nokito ii no okuri o sukod wagu om mogiigion id watas Papar i kiwaa toilaan om kotolinahasan poinggonop kokomoi basaan koubasanan id watas diti. Ponoriukan diti kitudu montok mongilo nontodon om rati do basaan koubasanan Sia' do Binoikian kohompit no aspek rika bontuk, motif, burisan, binolit om wotik, kakamot di ginuno montok papaasil basaan dii om nogi rati pisuayan kopomogunoon ginumu himpogot montok sumandak om tondu di nakasawo no. Instrumen di noguno montok kopoindalanan ponoriukan diti nopo nga maya ponorubungan, pogintangan om pomorindakan dokumen. Mantad ponoriukan diti, noilaan i mononoriuk do kiwaa duo ngaran montok basaan koubasanan id watas diti nga sumuku kumaa iso' i basaan di miagal. Tikid motif, binolit om burisan i poinsokot id basaan diti nogi nga kikomoyon sondii. Id kotohurionon, aiso o pisuayan do kopomogunoon ginumu himpogot montok sumandak om tondu di nakasawo no. Oponsol tomod o ponoriukan diti montok mongilo lobi aralom kokomoi do basaan koubasanan Sia' do Binoikian om nogi montok popoinggumu do toud sukuon kokomoi basaan diti tu' aiso po i nokoumbal do minonoriuk kokomoi basaan diti. Pakaian tradisional adalah salah satu jenis kebudayaan yang diwarisi daripada generasi terdahulu dan menjadi pengenalan atau identiti kepada sesuatu bangsa di dunia ini. Oleh itu, pakaian tradisional bagi bangsa Kadazan Dusun di daerah Papar adalah Sia’ do Binoikian yang menjadi satu identiti etnik ini kepada orang lain (Lasimbang & Moo-Tan, 1997). Penyelidikan ini dijalankan berdasarkan pernyataan masalah yang dilihat oleh pengkaji iaitu hanya sedikit bilangan generasi muda dan masyarakat di daerah Papar yang mempunyai pengetahuan serta penerangan lengkap mengenai pakaian tradisional di daerah ini. Penyelidikan ini dijalankan bagi mengetahui asal usul dan makna bagi pakaian tradisional Sia’ do Binoikian yang merangkumi aspek reka bentuk, motif, sulaman, corak, renda dan warna, bahan yang digunakan untuk menghasilkan pakaian ini dan juga makna perbezaan penggunaan bilangan himpogot bagi anak dara dan wanita yang sudah berkahwin. Instrumen kajian yang telah digunakan dalam penyelidikan ini adalah temubual, pemerhatian dan analisis dokumen. Melalui penyelidikan ini, pengkaji mengetahui bahawa terdapat dua nama bagi pakaian tradisional di daerah ini tetapi masih merujuk kepada pakaian yang sama. Setiap motif, sulaman dan corak yang dijahit pada pakaian ini juga mempunyai maksud yang tersendiri. Akhir sekali, tiada perbezaan penggunaan bilangan himpogot bagi anak dara dan wanita yang sudah berkahwin. Penyelidikan ini amat penting bagi mengetahui lebih dalam mengenai pakaian tradisional Sia’ do Binoikian dan juga bagi memperbanyak sumber rujukan berkaitan pakaian ini kerana belum ada individu yang pernah menjalankan kajian berkaitan pakaian ini. ABSTRAK KOLOKIUM PENYELIDIKAN KOPPI 2023 PISMP AMBILAN JUN 2020 201
VERDA MIUS NAMA PENYELIA: PN. ROSMAHWATI BINTI EBBIE TAANG KOMILAAN KOMULAKAN DUSUN KAMPUNG WAANG, RANAU, SABAH DO MOMODUNTUNG TAGUNG TUNI ‘POTINDO’ ABSTRAK Koubasanan magagung nopo nga iso koubasanan di gunoon maamaso mamaramai do karamayan miagal do tadau pisasawaan om tadau kounsikahan. Mogisuusuai o ginumu tagung di gunoon om ralan momoduntung tagung tumanud do tionon. Id Kampung Waang nopo nga momoguno do onom kawo tagung di misuai ginayo om ngaran tuni tagung nopo nga lohowon do ‘Potindo’. Koburuon teknologi om rahung tuunion moden manahak bagas kumaa rahi komulakan Dusun kokomoi koubasanan magagung. Mantad dii, pinoindalan o ponoriukan diti montok mongilo taang komilaan om paktor i mamarahung taang komilaan komulakan Dusun do momoduntung tagung montok tuni ‘Potindo’ miampai mongilo motivasi intrinsic komulakan Dusun do popotindohoi di koubasanan magagung tuni ‘Potindo’ id Kampung Waang. Ponoriukan diti momoguno do ponginsamakan miamung (Mixedmethods) i kohompit do kuantitatif om kualitatif miampai popointalang asil data maya deskriptif. Asil ponoriukan diti popointalang do taang komilaan komulakan Dusun id Kampung Waang do momoduntung tagung tuni ‘Potindo’ nopo nga id taang osuhatan miampai skor min=3.04. Kohompit nogi o paktor i mamarahung di taang komilaan i no paktor molohing, rahi, tulun posorili, kosoruan kopindalanan, media sosial om kopogisuayan ralan momoduntung. Suai ko ii, poinsuang nogi motivasi intrinsic maya aspik rahi, goos om persepsi pillion di komulakan Dusun do popotindohoi di koubasanan magagung tuni ‘Potindo’ id Kampung Waang. Tumanud do asil ponoriukan diti, nuru poindalanon o ponoriukan di sumusuhut montok tuunion koubasanan suai mooi do oilaan poingkuro komogoton dii id iso’iso’ kinoyonon. Budaya memalu gong merupakan satu budaya yang digunakan semasa meraihkan majlis seperti majlis perkahwinan dan majlis kesyukuran. Jumlah gong yang digunakan dan cara memalu gong adalah berbeza mengikut tempat. Di Kampung Waang, Ranau, Sabah menggunakan enam buah gong dengan saiz yang berbeza dan bunyi yang dihasilkan daripada paluan enam gong tersebut dipanggil sebagai ‘Potindo’. Kemajuan teknologi dan pengaruh muzik moden memberi kesan terhadap minat belia tentang budaya memalu gong. Oleh itu, kajian ini dijalankan untuk mengetahui tahap kebolehan dan faktor yang mempengaruhi tahap kebolehan belia memalu gong bagi bunyi ‘Potindo’ dengan motivasi intrinsik belia Dusun dalam mengekalkan budaya memalu gong bunyi ‘Potindo’ di kampung Waang. Kajian ini menggunakan kaedah gabungan (Mixed-methods) iaitu kuantitatif dan kualitatif dengan menunjukkan hasil kajian melalui deskriptif. Dengan itu, hasil kajian ini menunjukkan bahawa tahap kebolehan belia Dusun di kampung Waang dalam memalu gong berada di tahap sederhana dengan skor min=3.04. Faktor yang mempengaruhi tahap kebolehan belia Dusun memalu gong di kampung Waang adalah dari segi faktor ibu bapa, minat, orang sekeliling, kekerapan penggunaan, media sosial dan perbezaan cara memalu. Selain itu, termasuk juga motivasi intrinsik melalui aspek minat, usaha dan persepsi pilihan belia Dusun dalam mengekalkan budaya memalu gong bunyi ‘Potindo’ di Kampung Waang. Oleh yang demikian, kajian yang selanjutkan perlu dijalankan berkaitan muzik tradisional supaya kita dapat melihat status muzik tradisional tersebut di sesebuah tempat. ABSTRAK KOLOKIUM PENYELIDIKAN KOPPI 2023 PISMP AMBILAN JUN 2020 202
KOLOKIUM PENYELIDIKAN KOPPI 2023 PISMP AMBILAN JUN 2020 203 CATATAN KOLOKIUM PENYELIDIKAN PENDIDIKAN