SOMPURUAN ARTIKEL JURNAL PONORIUKAN BKD 2016

iii

SOMPURUAN ARTIKEL JURNAL PONORIUKAN
PISMP BAHASA KADAZANDUSUN AMBILAN JUN 2016

©Hak Cipta IPG Kampus Kent
Hak cipta terpelihara. Tiada bahagian daripada terbitan ini boleh diterbitkan semula,
disimpan untuk pengeluaran atau ditukarkan ke dalam sebarang bentuk atau dengan
sebarang alat juga pun, sama ada dengan cara elektronik, gambar serta rakaman dan
sebagainya tanpa kebenaran bertulis daripada Institut Pendidikan Guru Kampus Kent

eIBSN: 978-967-0981-58-1

Penerbit :
Institut Pendidikan Guru Kampus Kent Peti

Surat 2, 89207 Tuaran Sabah

iv

v

vi

Assalamualaikum warahmatullahi wabarakatuh,
selamat sejahtera,
Salam Perpaduan, Salam 1 Kent.

Alhamdulilah bersyukur ke hadrat ilahi kerana dengan izin dan limpah kurniaNya,
artikel penyelidikan PISMP Bahasa Kadazandusun Ambilan Jun 2016 berjaya
dibentangkan dalam Seminar Penyelidikan dan menghasilkan satu kompilasi dalam
“Sompuruan Artikel Ponoriukan, Bahasa Kadazandusun 2016.”

Saya mengambil kesempatan ini mengucapkan tahniah kepada Jabatan Bahasa
Kadazandusun dengan kerjasama Jabatan Perancangan, Penyelidikan dan Inovasi kerana
dapat menghasilkan buku “Sompuruan Artikel Jurnal Penyelidikan PISMP Bahasa
Kadazandusun Ambilan Jun 2016” untuk tahun 2020. Ucapan penghargaan juga
ditujukan khas kepada barisan pensyarah penyelia daripada Jabatan Bahasa Kadazandusun
kerana membimbing pelajar dibawah seliaan masing-masing dengan begitu baik. Tidak
dilupakan tahniah kepada guru pelatih Bahasa Kadazandusun Ambilan Jun 2016 kerana
telah menyelesaikan satu kursus penting sebelum bergraduasi. Mohon hasil kajian ini dapat
dikongsi oleh semua pelajar, semua warga pendidik dan masyarakat, khususnya
masyarakat Kadazandusun. Ini kerana salah satu tujuan penyelidikan dibuat adalah untuk
berkongsi hasil penyelidikan kepada dunia luar, khususnya dalam kalangan pendidik.
Semoga dengan kajian ini, akan ada kajian lanjutan yang akan dibuat selepas ini.

Saya yakin, penyelidikan dan hasil penerbitan dalam kalangan warga pendidik Bahasa
Kadazandusun akan bertambah banyak dan mampu menutup lompang-lompang atau
persoalan-persoalan yang timbul dalam masyarakat Kadazandusun. Berdasarkan tajuk-
tajuk dalam artikel ini, bidang-bidang pendidikan melangkaui pendidikan formal kepada
pendidikan tidak formal. Ini termasuk bidang bahasa, adat, budaya dan juga sebagainya.

Akhir kata, saya sekali lagi mengucapkan tahniah kepada semua yang terlibat dalam
pembikinan Artikel Jurnal “Sompuruan Artikel Jurnal Ponoriukan Bahasa Kadazandusun
Ambilan Jun 2016 untuk tahun 2020

Sekian Terima Kasih

ROMLI BIN DARUS, A.S.D.K

vii

Assalamualaikum wbt, Kopisanangan

Kounsikahan kumaa minamangun tu minanahak do lisih om kosiwatan montok doho om
oinsanan lungkitas Boros Kadazandusun do minanapanai toinsanan 16 tulun mokiikinobos PISMP
Boros Kadazandusun pinopoindalan ponoriukan gisom nokopongo sompuruan artikel ponoriukan
semester 8 toun 2020. Ounsikou nogi yahai kumaa Pengarah, Timbalan Pengarah om oinsanan warga
Kent tu toriirimo do manahak sokodung om nogi ponguhupan kumaa Jabatan Boros Kadazandusun
montok papaharo diti Sompuruan Artikel Jurnal Ponoriukan PISMP BKD Jun 2016.

Sompuruan ponoriukan nopo diti nga iso boogian ponoriukan di kopointalang do goos om
kabaalan diolo id gana ponoriukan sabaagi iso posuyadon di oponsol montok kolimpupuson
ponginabasan gana Pongiaan Boros Kadazandusun id Institut Pendidikan Guru Malaysia. Oponsol
kopio do papalabus diti artikel ponoriukan montok momoruhang om monginggumu kakamot toi ko
toud sukuon mokiikinobos suai om nogi montok tulun ginumuan i orohian monoriuk kokomoi boros
om koubasanan tinaru Kadazan Dusun. Otumbayaan oku do kaanu sompuruan artikel diti do manahak
toilaan om kabaalan di oulud om otolinahas sistematik maya laang ponoriukan di kotunud.
Alansan do kaanu sompuruan artikel diti do popoingkawas taang pomusarahan do oinsanan
mokiikinobos, lungkitas om tulun ginumuan tinaru Kadazan Dusun mooi odimpot hontolon koburuon
pondidikan di lobi ogirot om kalantoi id taang kabansaan om sompomogunan.

Tapui-apui ii om kolonuk,
Goos-goos ii om koburu,
Poburuo i poingkangkab,
Gompio boros tinaru tokou.

Pounsikou. Gompio toko boros tinaru toko moi amu atagak kointutunan tinaru Kadazan Dusun.

LINAH BAGU @ SITI NURLINA ABDULLAH, B.K

viii

Num. Uhu / Ngaran Monunuat Bolikan

1 Motivasi om Taang Koinabasan Tangaanak Sikul Toun 5 1
DoidPambalajalan Boros Kadazandusun
Alfredo Albert, James Geoffrey W Molijoh 13
23
2 Dusun Liwan: Prosodi id Kampung Matan Ranau
Arlynz Esty Alouis, Amidy Malagob

3 Korotian do Tangaanak Toun 6 id Watas Kiulu Kokomoi do Struktur
Panandatan Maan + Subjek + Objek (MSO)
Badaria Gimil, Dr Saimin Ginsari

4 Ngaran Kakamot Momutanom Tumanud Toilaan Sandad Tinaru KadazanDusun 33
Brellyena Jed Imon, John Gitom 45

5 Rinait Dusun Tindal Timpu Baino id Kampung Kiau Bersatu, Kota Belud:
Kointalangan Guno Poimbida om Ralan Momoguno Rinait Pongusap
Cpyrian Faungin, Victor Baga

6 Taang Koinabasan Kabaalan Monuat Boros Kadazandusun MontokTangaanak 54
Toun Duo id Watas Kiulu

Cristeodora Johnnuil, Dr Saimin Ginsari

7 Kolinuudan Boros Pilumaagan Momoguno Piowitan id Kampung Kirokot,Ranau 66

Cynthiana John, Linah Bagu @ Siti Nurlina Abdullah

8 Kopomogunaan Kakamot Ponguhup Pongia’an Mokiikinobos Boros 76
Kadazandusun IPG Kampus Kent Tuaran id Pongia’an om Pambalajalan (PDP)
Boros Kadazandusun Sikul Tosiriba

Eva Natasha Jastin, John Gitom

9 Boros Melayu Sabah Sabaagi Boros Pilumaagan id 87
TaatangaMokiikinobos Tinaru Kadazan Dusun id IPG Kampus Kent, Tuaran. 95
Hendryson Dumat, Victor Baga

10 Tinunturu Dusun id Kampung Giring, Ranau
Isni Singgari, Linah Bagu @ Siti Nurlina Binti Abdullah

11 ‘Sapaan’ Komolohingan Tinaru Dusun id Kampung Wassai 115
Jeniffer Yakiun, James Geoffrey W Molijoh 124

12 Boros Pomolohou id Paganakan Tinimungan Dusun: Ponoriukan Kes id 133

Kampung Borombon

Jennifer Piturus, James Geoffrey W Molijoh

13 Kopomogunaan Boros Ponugkuan id Ponuatan Buuk Teks Boros
Kadazandusun Toun 3

Joanne Siam, Linah Bagu @ Siti Nurlina Abdullah

14 Analistik Stilistik Sinding Dusun. Iso Ponoriukan Kes Sinding “Hiti NohMaso 141
Ku, Dabra Sia’

Lenzely Salimin, Victor Baga

15 Kowoowoyoo’ do Sukod Wagu Kumaa Boros Kadazandusun: IsoPonoriukan 150
Kes id Kampung Monggis Tenghilan

Meliana Binti Lowin, John Gitom

16 Ponoriukan Boros Nosugkuan Ponugku Pangansip Obibas ‘po(n)-...-an’id 161
Kampung Pantai Rompon, Tambunan
Velter Jailih, James Geoffrey W Molijoh

ix

Sompuruan Artikel Jurnal Ponoriukan PISMP Boros Kadazandusun Ambilan Jun 2016

MOTIVASI OM TAANG KOINABASAN TANGAANAK SIKUL TOUN 5 DOID
PAMBALAJALAN BOROS KADAZANDUSUN

ALFREDO ALBERT¹
James Geoffrey W Molijoh

Institut Pendidikan Guru Kampus Kent¹
[email protected]
[email protected]

ABSTRAK
Motivasi tangaanak sikul doid pambalajalan boros Kadazandusun nopo nga
oponsol do soriukon montok mongilo strategi di kosudong do popoingkawas
ponginabasan tangaanak sikul id mato palajalan Boros Kadazandusun.
Papanahon o ponoriukan diti montok mongintutun taang motivasi om taang
koinabasan tangaanak sikul Toun 5 doid pambalajalan boros Kadazandusun.
Duo aspek motivasi di soriukon nopo nga motivasi intrinsik om motivasi
ekstrinsik montok mongintutun taang motivasi om aspek motivasi di dominan
doid pambalajalan boros Kadazandusun. Minongintutun nogi i monoonoriuk do
pionitan motivasi om taang koinabasan tangaanak sikul doid pambalajalan
boros Kadazandusun. Instrumen di noguno doid ponoriukan nopo nga soal
selidik di pinapanau kumaa 123 tangaanak sikul Toun 5 id sikul-sikul posorili
watas tokoro Kiulu. Gatang nopo do komilotumboyoon Alfa Cronbach montok
do tinimungan soal selidik nga 0.82. Norindako’ data momoguno do
kopongorindakaan deskriptif om kopongorindakaan inferens. Asil ponoriukan
pinopokito do motivasi intrinsik nopo nga id taang akawas miampai tinimungan
min 4.18 om motivasi intrinsik id taang osuhatan, di rumikot do taang akawas
miampai tinimungan min 3.95. Aspek gaab mangarati do boros nopo nga
aspek di lobi dominan id motivasi intrinsik om aspek pongouhupan mantad
tambalut nopo nga aspek di lobi dominan doid motivasi ekstrinsik.
Kopongorindakaan korelasi pinopokito do motivasi nopo nga kiwaa pionitan di
signifikan kumaa taang koinabasan tangaanak sikul doid pambalajalan boros
Kadazandusun miampai gatang korelasi di oluhoi r=0.22. Alansan do toilaan
kokomoi motivasi tangaanak sikul mongukab kosiwatan momonsoi strategi di
koponguhup do popoingkawas pambalajalan tangaanak sikul id boros
Kadazandusun.
Kunsi Boros: Motivasi, taang koinabasan, Boros Kadazandusun.

1

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Motivasi murid dalam pembelajaran bahasa Kadazandusun adalah penting
untuk dikaji bagi mengetahui strategi yang sesuai untuk meningkatkan
penguasaan murid dalam mata pelajaran Bahasa Kadazandusun. Kajian ini
dijalankan untuk mengenal pasti tahap motivasi dan tahap penguasaan murid
Tahun 5 dalam pembelajaran bahasa Kadazandusun. Dua aspek motivasi
yang dikaji ialah motivasi intrinsik dan motivasi ekstrinsik untuk mengenalpasti
tahap motivasi dan aspek motivasi yang dominan dalam pembelajaran bahasa
Kadazandusun. Pengkaji juga mengenal pasti hubungan di antara motivasi
dan tahap penguasaan murid dalam pembelajaran bahasa Kadazandusun.
Instrumen yang digunakan dalam kajian ini ialah soal selidik yang dijalankan
terhadap 123 murid Tahun 5 di sekolah-sekolah daerah kecil Kiulu. Nilai
kebolehpercayaan Alfa Cronbach untuk keseluruhan soal selidik ialah 0.82.
Data dianalisis menggunakan analisis deskriptif dan analisis inferens. Hasil
kajian menunjukkan bahawa motivasi ekstrinsik pada tahap yang tinggi
dengan keseluruhan min 4.18 dan motivasi ekstrinsik pada tahap yang
sederhana menghampiri tahap tinggi dengan min 3.95. Aspek keinginan
memahami bahasa merupakan aspek yang lebih dominan dalam motivasi
intrinsik manakala aspek bantuan rakan merupakan aspek yang lebih dominan
dalam motivasi ekstrinsik. Analisis korelasi menunjukkan bahawa motivasi
mempunyai hubungan yang signifikan terhadap tahap penguasaan murid
dalam pembelajaran bahasa Kadazandusun dengan nilai korelasi yang lemah,
r=0.22. Diharapkan agar pengetahuan mengenai motivasi murid membuka
peluang untuk membina strategi yang dapat membantu meningkatkan
pembelajaran murid dalam bahasa Kadazandusun.
Kata kunci : Motivasi, tahap penguasaan, Bahasa Kadazandusun.

KOPOINTUTUNAN

Id konteks do linimput pambalajalan, persepsi, kotumbayaan, kowowooyoon, om toilaan
metakognitif tangaanak id kaantakan pambalajalan nopo nga signifikan id faktor
pambalajalan (Zhu Quan, 2014). Soira do balajal boros Kadazandusun, tangaanak nopo nga
haro no kopotoundaan do monorimo do pangajalan om pambalajalan. Haro no
pomusarahan di tangaanak kokomoi boros Kadazandusun om poingkuro laang diolo
monorimo boros dii id pambalajalan.

Boros Kadazandusun nopo nga ia’on id sikul tumanud teori ponginabasan boros
koduo. Tumanud di Zulkifley Hamid (2014), proses pambalajalan boros koduo nopo nga
misuai do boros di gunoon miampai formal om id tinimungan sosial. Pombontukan do
konsep di ilo’on di tangaanak okon ko somboros sandad, di minsingilo boros wagu, nopo
nga wagu om misuai ko’ boros di gunoon doid piwaraan sangangadau (Chew. F. F, 2016).
Mantad dii, tangaanak sikul di minsingilo boros Kadazandusun id sikul tosiriba minog do
unsubon mooi do mingoos yolo do mogilo boros dii.

Tangaanak di nokointutun do boros koduo di tomulok po, lobi kodimpot kabaalan
miagal do somboros sandad (Fromkin. V, Rodman. R, & Hyams. N, 2011). Tangaanak id

2

Sompuruan Artikel Jurnal Ponoriukan PISMP Boros Kadazandusun Ambilan Jun 2016

taang sikul tosiriba minog do unsubon minsingilo boros Kadazandusun miampai
pointilombus om ogirot mantad di tomulok po mooi do lobi osonong poginabasaan diolo.

KOPOILAAN KOBOLINGKAANGAN

Timpu dinondo, motivasi tangaanak minog do unsuban mooi do aparagat yolo doid
pambalajalan Boros Kadazandusun. Miampai do rahi om gaab di tangaanak doid mongilo
boros diti, kaanu yolo momodimpot hontolon om tudu’ kapangajalan boros diti id sikul
tosiriba. Tumanud di Noor Aina Dani om Amin Arshad (2007), tinimungan tulun Dusun di
kiumul 29 om poinsiriba, aiso goos do minsingilo boros tina. Kaantakan diti manahak
kobolingkaangan kumaa di tangaanak sikul do mingoos do minsingilo boros Kadazandusun.

Kiwaa tonggungon di mongingia’ do popoingkawas motivasi tangaanak sikul mooi do
lobi balajal do boros Kadazandusun. Tumanud di Mitra Alizadeh (2016), minog koilo’ ii
mongingia signifikan do motivasi tangaanak sikul id pambalajalan boros om miampai piipiro
kosimbanan kaanu popoingkawas motivasi diolo. Toilaan kokomoi taang motivasi om
koinabasan pambalajalan boros Kadazandusun oponsol ilo’on do mongingia’ mooi do koilo
mongulud strategi di kopoingkawas ponginabasan di tangaanak doid boros diti.

Tumanud di Linah Bagu et.al (2018), gisom do tadau baino, apagon mogihum
ponoriukan poimbida di mongintong do koinabasan di tangaanak doid boros Kadazandusun.
Ponoriukan do motivasi di tangaanak sikul id pambalajalan boros Kadazandusun nga au
nogi otorompus. Mantad dii, wonsoyon o ponoriukan diti montok kopotilombusan do
ponoriukan di kaanu mongintong roromu motivasi om taang koinabasan di tangaanak sikul.
Asil do ponoriukan kaanu dodion sabaagi susukuon toi ko’ literature, asil om sogu
ponoriukan dumontol.

TUDU PONORIUKAN

1. Mongintutun taang motivasi intrinsik om ekstrinsik tangaanak sikul Toun 5 doid
pambalajalan boros Kadazandusun.

2. Mongintutun aspek motivasi tangaanak sikul Toun 5 di dominan doid pambalajalan
boros Kadazandusun.

3. Mongilo pionitan di signifikan do motivasi om taang koinabasan tangaanak sikul Toun
5 doid pambalajalan boros Kadazandusun.

TUHOT PONORIUKAN

1. Nunu taang motivasi intrinsik om ekstrinsik tangaanak sikul Toun 5 doid
pambalajalan boros Kadazandusun?

3

Sompuruan Artikel Jurnal Ponoriukan PISMP Boros Kadazandusun Ambilan Jun 2016

2. Nunu aspek motivasi tangaanak sikul Toun 5 di dominan doid pambalajalan boros
Kadazandusun?

3. Haro nangku pionitan di signifikan do motivasi om taang koinabasan tangaanak sikul
Toun 5 doid pambalajalan boros Kadazandusun?

METODOLOGI PONORIUKAN
Ponoriukan nopo diti nga ponoriukan kuantitatif kibontuk do tinjauan di momoguno do
instrumen soal selidik montok do monimung data. Data di timungon nopo nga montok do
monoriuk motivasi om koinabasan di tangaanak sikul Toun 5 doid pambalajalan boros
Kadazandusun.

Instrumen do ponoriukan nopo nga noolos om nosimban mantad do soal selidik
ponoriukan suai om pinosudong tumanud konteks pambalajalan boros Kadazandusun. Soal
selidik nopo nga momoguno poguhatan poinsompon 5 poin skala likert. Sampel ponoriukan
nopo nga tangaanak sikul id sikul-sikul watas Kiulu. Soginumu 123 responden nopili sabaagi
mamaampayat do ponoriukan tumanud jadual pomilian sampel Kerjie om Morgan (1970).

Papanahon o ponoriukan rintis montok do mongilo kosudongon do instrumen
ponoriukan (Linah Bagu et. al, 2018). Ponoriukan rintis nopo nga papatantu do koimaganan,
komilotumboyoon om korotian di tangaanak kokomoi kopomogunoon boros om suang do
item-item id ponguhatan soal selidik. Nokoindalan o ponoriukan rintis kumaa 30 tangaanak
sikul Toun 5 id tolu sikul watas Kota Kinabalu. Komilotumboyoon soal selidik ponoriukan diti
nopo nga 0.82. Isoiso’ soal selidik milo gunoon nung gatang komilotumboyoon nopo nga
poinlobi do 0.60 (Mohd Majid, 2004).

Data do ponoriukan nopo nga nosoriuk minomoguno do Statistical Package for The
Social Sciences (SPSS) ko-21.0. Statistik di noguno doid mongorindako do data nopo nga
statistik deskriptif om statistik inferensi. Koduuduo statistik diti tipongon momoguno do
gatang kagarasan min om gatang kagarasan korelasi.

4

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ASIL PONORIUKAN
Poguhatan 1: Mogintutun Taang Motivasi Tangaanak Toun 5 doid Pambalajalan Boros
Kadazandusun.

Jadual 1: Motivasi Intrinsik

Item Kointalangan Min Sisihan Piawai Taang
Akawas
1 Alansan oku do koilo moboros boros 4.317 1.003 Akawas
Akawas
Kadazandusun miampai alantas. 0.893 Akawas
2 Alansan oku do koilo mambasa buuk 4.171 Osuhatan

boros Kadazandusun. Osuhatan
Akawas
3 Manu oku no kopio do minsingilo 4.333 0.775 Akawas

boros Kadazandusun.

4 Rotion ku kopio boros Kadazandusun 4.366 0.952

di okito om orongou ku.

5 Asaru oku moguhot mongingia’ soira 3.813 0.953

kikobolingkaangan oku mangarati

boros Kadazandusun.

6 Mingoos oku kopio do minsingilo 3.935 0.998

boros Kadazandusun.

7 Aramayan oku minsingilo boros 4.333 0.875

Kadazandusun.

Ginumu 4.181 0.921

Jadual 1 nopo nga popokito sisihan piawai om min montok item-item id domain motivasi
intrinsik. kiwaa limo mantad turu’ item di popokito min di takawas.

Min di akawas doid item 1 ( Min=4.32, Sisihan piawai=1.00) popokito do akawas
kalansanan di tangaanak do alantas moboros boros Kadazandusun. Item 2 (Min=4.17,
Sisihan piawai=0.89) nogi nga popokito do min di akawas. Tangaanak nopo nga ounsub do
kalansanan do kaanu mambasa buuk id boros Kadazandusun. Item 3 ( Min=4.33, Sisihan
piawai=0.78) nopo nga popokito do haro rahi di tangaanak do mongilo boros Kadazandusun
di ia’on. Item 4 ( Min=4.37, Sisihan piawai=0.95) popokito do akawas koinganan di
tangaanak do karati boros Kadazandusun. Id kotohurion nopo nga item 7 ( Min=4.33,
Sisihan piawai=0.88) di popokito do ounsub motivasi intrinsik di tangaanak tu haro kohiokan

diolo do minsingilo boros diti.

5

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Haro 2 no item doid taang osuhatan. Item-item nopo dii nga item 5 (min=3.81,
sisihan piawai=0.95) om item 6 (min=3.94, sisihan piawai=0.10). Goos monguhot mongingia’
om goos do minsingilo boros Kadazandusun di tangaanak nopo nga osiriba ko aspek
motivasi intrinsik suai.

Jadual 2: Motivasi Ekstrinsik

Item Kointalangan Min Sisihan Taang
Piawai Osuhatan
8 Tutungkap nopo nga kounsub doho 3.585 1.254 Osuhatan
4.431 Akawas
minsingilo boros Kadazandusun. Osuhatan
0.722 Akawas
9 Asaru oku royohon nung osonong 3.618 Osuhatan
1.034 Akawas
kalaja di nowonsoi ku id subjek boros 1.013
Osuhatan
Kadazandusun. 1.276

10 Ponguhupan mantad tambalut 4.431 1.064

popoouhan doho momongo’ kalaja id 1.543

subjek boros Kadazandusun.

11 Asaru o mongingia’ mongunsub doho 3.886

do minsingilo boros Kadazandusun.

12 Tudu ku nopo do balajal boros 4.252

Kadazandusun nga montok maganu

marka’ di tosonong id subjek diti.

13 Mongunsub i molohing ku do minsingilo 3.862

boros Kadazandusun mantad di tokoro

po.

14 Koumatan do sikul miagal buuk teks, 4.000

buuk aktiviti, intonet om kakamot balajal

suai monguhup doho minsingilo boros

Kadazandusun.

Ginumu 3.948

Jadual 2 nopo nga popokito sisihan piawai om min montok item-item id domain motivasi
ekstrinsik.Tumanud do jadual 2 kiwaa tolu mantad do turu’ item di popokito motivasi id taang

akawas.
Item 10 (min=4.43, sisihan piawai=0.72) popokito do akawas motivasi ekstrinsik di

tangaanak soira ounsub yolo do tambalut soira minsingilo boros Kadazandusun. Id item 12
(min=4.25, sisihan piawai=1.01), akawas motivasi di tangaanak do ounsub do marka’ di

6

Sompuruan Artikel Jurnal Ponoriukan PISMP Boros Kadazandusun Ambilan Jun 2016

osonong id poniisan toi ko’ kalaja boros Kadazandusun. Suai ko’ ii, item 14 (min=4.00,
sisihan piawai=1.06). popokito do koumatan di gunoon id sikul kopongunsub di tangaanak
sikul do minsingilo do boros Kadazandusun.

Haro apat item di popokito motivasi id taang osuhatan. Osuhatan motivasi tangaanak
id item 8 (min=3.59, sisihan piawai=1.25), tu okuri tangaanak di ounsub do tutungkap soira
minsingilo boros Kadazandusun. Miagal nogi do item 9 (min=3.62, sisihan piawai=4.43) tu
okuri tangaanak di nakaanu do roroyohon soira osonong kalaja diolo id subjek boros
Kadazandusun. Item 11 (min=3.89, sisihan piawai=1.03) nga id taang osuhatan tu
tangaanak kitopurimanan do au asaru unsubon do mongingia’. Kotohurionon nopo nga item
13 (min=3.86, sisihan piawai=1.28) di popointalang do kopongunsuban molohing au akawas
doid minsingilo boros Kadazandusun.

Poguhatan 2: Mogintutun aspek motivasi tangaanak sikul Toun 5 di dominan doid
pambalajalan boros Kadazandusun.

Jadual 3: Pibagal Min Motivasi Intrinsik om Ekstrinsik

Motivasi Tinimungan Min

Intrinsik 4.181

Ekstrinsik 3.948

Pisuayan 0.233

Tumanud do jadual 1, aspek motivasi intrinsik tangaanak sikul Toun 5 di lobi dominan nopo
nga item 4 “Rotion ku kopio boros Kadazandusun di okito om orongou ku.” miampai min di
lobi akawas ko item suai id 4.37. Mantad do toilaan diti, motivasi intrinsik di tangaanak nopo

nga lobi agaras id gaab diolo do mangarati boros tu au nopo karati do boros nga au kaanu

momuhondom toilaan di okito om orongou.

Tumanud do jadual 2, aspek motivasi ekstrinsik tangaanak sikul Toun 5 di lobi
dominan nopo nga item 10 “Ponguhupan mantad tambalut popoouhan doho momongo’
kalaja id subjek boros Kadazandusun.”, miampai min do lobi akawas ko item suai id 4.43.

Motivasi ekstrinsik di tangaanak nopo nga akawas nung ouhupan do tambalut di kaanu

popoouhan diolo do momomonsoi do karaja id subjek boros Kadazandusun.
Tumanud pibagal min id jadual 3, min montok toinsanan domain motivasi intrinsik

nopo nga 4.18 om domain motivasi ekstrinsik nopo nga 3.95. Kopongorindakaan diti
popokito do motivasi instrinsik lobi dominan ko’ mantad motivasi ekstrinsik soira minsingilo
boros Kadazandusun. Pisuayan do min montok koduuduo domain motivasi nopo nga 0.23.

7

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Poguhatan 3: Mongilo pionitan motivasi om taang koinabasan tangaanak sikul Toun 5
doid pambalajalan boros Kadazandusun.

Jadual 4: Kopoilaan Taang Koinabasan Tangaanak Sikul Toun 5

Taang Koinabasan

1 2 345 6 Ginumu

Au Songgiso Giigin Awas Akawa Nokoinunt

kodont m a’ i’ s u

o’

Ginumu

Tangaana 20 57 29 12 5 0 123
100.0
k

Piatus 16.3 46.3 23.6 9.8 4.1 0.0

(%)

Tumanud do Komitirian Pondidikan Malaysia (2018), taang minimum nopo id taang
koinabasan tangaanak sikul nga id taang kotolu (giigina’). Tumanud data taang koinabasan
tangaanak sikul di norindako’, tangaanak di nokorikot do taang kotolu (taang minimum) nopo
nga soginumu 46 (37.40 piatus) om soginumu 77 (62.60 piatus) tangaanak id taang siriba do
taang minimum.

Jadual 5: Kopoilaan Pionitan Motivasi om Taang Koinabasan

Korelasi

Koefesi korelasi Taang Koinabasan
.221*

Motivasi Sig. (2-tailed) .014

N 123
*. Korelasi nopo nga signifikan id taang 0.05 (2-tailed).

Tumanud do jadual 5, r=0.22, p=0.014, mantad dii p<0.05. Tumanud do kopongorindakaan
data montok mogihum pionitan momoguno korelasi Spearman, motivasi tangaanak sikul
nopo nga haro pionitan di signifikan (p<0.05) doid pambalajalan boros Kadazandusun.
Mantad dii, hipotesis do ponoriukan, “Ho1: Aiso pionitan di signifikan do motivasi om taang
koinabasan di tangaanak sikul Toun 5 doid pambalajalan boros Kadazandusun”, nopo nga
au notorimo.

8

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Haro pionitan di signifikan do motivasi om taang koinabasan di tangaanak sikul Toun
5 doid pambalajalan boros Kadazandusun. Sundung potuu do ingkaa, kopongorindakaan
pionitan do pemboleh ubah id ponoriukan pinopokito do pionitan toi ko’ korelasi (r = 0.22)
nopo nga id taang oluhoi tumanud gatang pekali korelasi Cohen, Manion & Morisson (2011).

PIBARASAN

Asil ponoriukan pinopokito do motivasi intrinsik tangaanak sikul Toun 5 doid pambalajalan
boros Kadazandusun sabaagi boros koduo nopo nga id taang akawas om motivasi
ekstrinsik nopo nga id taang osuhatan. Ponoriukan diti monokodung ponoriukan di Jenifara
Zaman (2015), di pinopokito do motivasi intrinsik nopo nga motivasi di lobi kopongunsub
mokiikinoboos do minsingilo boros koduo (boros Ingilis). Ponoriukan di Ayuni Mohamad
Bakari om Rohaidah Kamaruddin (2016), pinopokito nogi do motivasi intrinsik sabaagi di lobi
akawas soira minsingilo boros koduo (boros Malayu). Motivasi ekstrinsik nopo nga kakal
oponsol doid pambalajalan boros Kadazandusun sundung id taang osuhatan. Nosokodung
iti mantad ponoriukan di Jenifara Zaman (2015), di minomboros do tangaanak sikul nga
ounsub nogi do motivasi ekstrinsik id pambalajalan.

Ponoriukan di Ahmad Ismail om Norimah Zakaria (2019), pinopoilo’ do aspek
motivasi di dominan id ponoriukan diolo nopo nga misuai ko’ mantad do asil id ponoriukan
diti. Id pambalajalan boros Kadazandusun, motivasi intrinsik nopo nga lobi dominan ko’
motivasi ekstrinsik. Asil ponoriukan diti monokodung ponoriukan di Ayuni Mohamad Bakari
om Rohaidah Kamaruddin (2016), om ponoriukan di Dwi Cintia Putri (2017), di pinopoilo’ do
motivasi intrinsik nopo nga lobi dominan doid pambalajalan boros koduo di nosoriuk diolo.

Pionitan di signifikan popokito do motivasi nopo nga haro bagas doid taang
koinabasan di tangaanak sikul soira minsingilo boros Kadazandusun. Asil diti monokodung
ponoriukan di Nawas Phettongkam om Tareq M Zayed (2015), di pinopokito do haro
pinoitan do motivasi intrinsik om ekstrinsik tangaanak sikul id pambalajalan boros koduo
(boros Inggilis). Asil kopongorindakaan data popokito do oluhoi pinoitan do motivasi om
taang koinabasan. Mantad dii, ponoriukan diti monokodung ponoriukan Saadiah (2003), di
pinopokito do haro pinoitan di oluhoi nga signifikan do taang motivasi ekstrinsik om taang
akedemik tangaanak sikul doid pambalajalan. Sundung do ingkaa, id ponoriukan diti,
koduuduo motivasi intrinsik om ekstrinsik pinopokito do oluhoi pinoitan nga signifikan
montok taang koinabasan tangaanak sikul doid pambalajalan boros Kadazandusun.

9

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KOPOMOLINGKUMAN, SOGU OM BAGAS

Mantad do ponoriukan diti oilaan do motivasi nopo di lobi akawas om dominan nga
motivasi intrinsik id pambalajalan boros Kadazandusun. Tumanud di Dwi Cintia Putri (2017),
motivasi intrinsik om ekstrinsik nopo nga mongiuuhup doid pambalajalan di tangaanak sikul
nga motivasi intrinsik lobi kikapansalan do mongunsub komogoton diolo doid pambalajalan.

Motivasi nopo nga oponsol montok do popoingkawas koinabasan di tangaanak sikul.
Mantad dii, minog i mongingia’ do asaru popoingkawas motivasi di tangaanak miampai
pointilombus mongunsub rahi om gaab diolo do minsingilo boros Kadazandusun. Mongingia’
kikapansalan doid manahak motivasi kumaa tangaanak sikul (Faliza om Mejar, 2018).

Taang koinabasan di tangaanak sikul id pambalajalan boros Kadazandusun okon ko’
narahung do motivasi tomod nga haro nogi kopongoobian do faktor suai di mongunsub
ponginabasan diolo. Tumanud ponoriukan di Dayang Sufilkawany Ujai, Wan Muna Ruzanna
om Wan Mohammad (2017), motivasi mamarahung pambalajalan boros koduo nga au nogi
milo oiduanan faktor sosial suai di mamarahung ponginabasan diolo. Kohompitan do faktor
suai kaanu popogirot do proses poginabasan doid pambalajalan boros Kadazandusun.

Montok do sogu, mongingia’ boros Kadazandusun minog do koilo’ nunu i
kopongunsub di tangaanak sikul di ia’on diolo, ponoriukan sumusuhut milo wonsoyon
montok mogilo motivasi pambalajalan boros Kadazandusun di lobi aralom om oponsol nogi
do papanau ponoriukan montok mongilo kobolingkaangan di mangantob pambalajalan
boros Kadazandusun om koilaan faktor suai di mamarahung pambalajalan tangaanak sikul.

SUSUKUON

Ayuni Mohamad Bakari om Rohaidah Kamaruddin (2016), Faktor ekstralinguistik: motivasi
dalam pembelajaran bahasa kedua dalam kalangan pelajar asing di 5 universiti di
Malaysia. International Journal of the world and Civilisation, 4(2), 83-92.

Ahmad Ismail om Norimah Zakaria (2019). Faktor yang mempengaruhi motivasi
pembelajaran Bahasa Melayu dalam kalangan murid di SJKC Chung Hwa Teluk
Kemang. International Journal of the Malay World and Civilisation, 7(3), 23-30.

Chew, F.F. (2016). Masalah pembelajaran Bahasa Melayu dalam kalangan murid Cina
sekolah rendah. Jurnal Pendidikan Bahasa Melayu, 1(2), 10 – 22.

Cohen, L, Manion, L & Morrison. (2011). Research Methods in Education (Edisi Ko-7).
London: Routledge.

Dayang Sufilkawany Ujai, Wan Muna Ruzanna om Wan Mohammad (2017). Pengaruh faktor
sosial dalam pembelajaran bahasa Melayu dalam kalangan murid Iban. Jurnal Pendidikan
Bahasa Melayu, 7(1), 74 – 84.

10

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Dwi Cintia Putri. (2017). Perbedaan Antara Motivasi Intrinsik dan Ekstrinsik Terhadap
Tingkat Prestasi Belajar Mahasiswa Jurusan Sosiologi Fakultas Ilmu Sosial dan Ilmu
Politik Universitas Lampung (Disertasi sarjana). Noloyog id : digilib.unila.ac.id.

Faliza Mohd Isa & Mejar Mohd Jasmy Abd Rahman. (2018). Prosiding Seminar Kebangsaan
majlis Dalam Pendidikan Universiti Awam 2018. Id suang Rahmin Embong, Hanif
Md Loteh, Mustafa Che Omar, Mohd Zaidin Mohamad & Abdul Hakim Abdullah.
Noloyog id URL: http://www.unisza.edu.my.medc2018.

Fromkin. V, Rodman. R, & Hyams. N. (2011). An Introduction to Language. Amerika
Syarikat: Wadsworth Cengage Learning.

Jenifara Zaman. (2015). Role of Motivation in Second Language Learning: A Study of
Private University Students in Bangladesh (Disertasi Sarjana). BRAC Institute of
Languages, Universiti BRAC Bangladesh.

Kementerian Pendidikan Malaysia. (2018). Panduan Pelaksanaan Pentaksiran Bilik Darjah.
Kuala Lumpur: Bahagian Pembangunan Kurikulum.

Krejie, V. R & Morgan, W. D. (1970). Determining sample size for research
activities.Educational and physchological measurement thesis, 30, 607 – 610.

Linah Bagu, Saimin Ginsari, Ronald Yusri Batahong, John Gitom, Victor Baga, Amidy
Malagob, … Gordian Pius. (2018). Pengaruh Penggunaan dan Penguasaan Dialek
Bunduliwan dalam Pengajaran Guru Terhadap Penguasaan Murid dalam Bahasa
Kadazandusun. Sabah: Institut Pendidikan Guru Kampus Kent.

Mitra Alizadeh. (2016). The impact of motivation on english language learning. International
Journal of Research in English Education, 1(1), 11-15.

Mohd Majiid Kontig. (2004). Kaedah Penyelidikan Pendidikan (Edisi Ko-5). Kuala
Lumpur: Dewan Bahasa & Pustaka.

Nawas Phettongkam & Tareq M Zayed. (2015) Motivation and English language profeciency
of grade 12 students in government schools in Thailand. Journal of Creative
Writing, 1(4), 1-24.

Noor Aina Dani dan Md. Amin Arshad. (2007). Teori dan realiti perubahan bahasa: daripada
bahasa ibunda kepada bahasa Melayu. Jurnal Bahasa, 7(1), 409- 451.

Zhu Quan. (Ngiop 2014). Motivation for a Second or Foreign Language Learning. SHS Web
of Conferences 6. (pp. 1-6). Noloyog id DOI: 10.1051/shsconf/20140604004.

Zulkifley Hamid. (2014). Pendidikan Bahasa Melayu di Malaysia: Kejayaan dan Kekangan.
Jaringan Pedagogi Bahasa Melayu. Perak: Penerbit Universiti Pendidikan Sultan
Idris.

Saadiah Mohamed. (2003). Hubungan motivasi dalaman (motivasi intrinsik) dan peranan
motivasi luaran (Motivasi Ekstrinsik) dengan pencapaian akedemik pelajar tahun

11

Sompuruan Artikel Jurnal Ponoriukan PISMP Boros Kadazandusun Ambilan Jun 2016

akhir kursus Sarjana Muda Kejuruteraan Mekanikal, 2001/2002, Kolej Universiti
Teknologi Tun Hussein Onn, Batu Pahat. Skudai: Universiti Teknologi Malaysia.

12

Sompuruan Artikel Jurnal Ponoriukan PISMP Boros Kadazandusun Ambilan Jun 2016

DUSUN LIWAN: PROSODI ID KAMPUNG MATAN RANAU

ARLYNZ ESTY ALOUIS¹
Amidy Malagob

Institut Pendidikan Guru Kampus Kent¹
[email protected]
[email protected]

ABSTRAK

Ponoriukan etnografi diti nopo nga montok mongilo prosodi i fokus kumaa
aspek kololoyuko’ id pilumaagan tikid tadau do tulun dusun id Kampung Matan
Ranau maya koingkawason-koinsiribaon boros di polombuson. Ponoriukan diti
nogi nga mongilo tudu om kapansalan pomogunaan loyuk di gunoon do tulun
id populasi ponoriukan tu’ loyuk di polombuson mogowit rati om pokomoyon i
mogisuusuai tumanud konteks. Soginumu 4 tulun responden naanu sabaagi
sampel ponoriukan id kampung di nopili montok mongintutun om mongilo loyuk
di gunoon om kopohompit kawo boros montok monguhot om boros toomod di
polombuson. Data ponoriukan tinimung maya instrumen kopongintangan i
minog do karaja id kinoyonon di maya kopongintangan miamung om au
miamung. Kaida kopongintangan diti momoguna foom kopongintangan
sabaagi instrumen koponimungan data. Tumilombus, koponorubungan di
padalanon maya sosongulun om id tinimungan, mangan tiipo’ montok
intopretasi data. Data-data di notimung onuan analisis maya kualitatif montok
intropetasi data om maganu asil ponoriukan. Tumanud asil ponoriukan diti,
loyuk di gunoon montok boros monguhot nopo nga lobi kumaa mingkawas om
mingkawas-minsiriba. Montok boros toomod nopo nga minsiriba om minsiriba-
mingkawas i kopokito pisuayan loyuk tumanud kawo boros di pinolombus.
Montok tudu om kapansalan nopo nga, gunoon loyuk sabaagi popisuai do
kawo boros polombuson, popokito do topurimanan, moi do au asalaan
mangarati om nogi montok aspek kolinuudan doid booboroson miampai
momoguno loyuk di kosudong.
Kunsi Boros: loyuk, prosodi, dusun liwan, pola

13

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Kajian etnografi ini bertujuan untuk mengetahui prosodi yang berfokuskan
kepada aspek intonasi dalam pergaulan seharian masyarakat Dusun di
Kampung Matan Ranau iaitu melalui naik turun bahasa yang dituturkan. Kajian
ini juga mengetahui tujuan dan kepentingan penggunaan intonasi yang
digunakkan oleh populasi kajian kerana intonasi yang dituturkan membawa
maksud dan pengertian yang berbeza mengikut konteks. Seramai 4 orang
responden telah diambil sebagai sampel kajian di kampung tersebut bagi
mengenalpasti intonasi dusun yang digunakkan dan meliputi ayat tanya dan
ayat penyata. Data kajian dikumpul melalui instrumen pemerhatian yang
melibatkan kerja lapangan iaitu pemerhatian turut serta dan pemerhatian tidak
turut serta. Kaedah pemerhatian menggunakan borang pemerhatian sebagai
instrumen pengumpulan data. Temu bual yang dijalankan secara individu dan
berkumpulan dirakam bagi tujuan pengumpulan data kajian. Data-data yang
diperolehi dianalisis secara kualitatif untuk menginterpretasi data bagi
mendapatkan hasil kajian. Hasil dapatan kajian, intonasi yang digunakkan oleh
populasi kajian dalam ayat tanya lebih kepada menaik dan menaik-menurun,
manakala bagi ayat penyata pula menurun dan menurun-menaik. Intonasi
seperti bertanya soalan dan menuturkan perkataan biasa adalah berbeza
namun mempunyai corak intonasi yang sama berdasarkan jenis ayat yang
dituturkan. Bagi tujuan dan kepentingan intonasi pula untuk membezakan jenis
ayat yang diujarkan, menunjukkan emosi dan perasaan, supaya tidak berlaku
salah faham serta untuk aspek kesantunan dengan menggunakan intonasi
yang bersesuaian.
Kata kunci : Intonasi, prosodi, dusun liwan, pola

KOPOINTUTUNAN
Ponoriukan kokomoi prosodi diti mongintong loyuk (koingkawason-koinsiribaon) di

gunoon do tulun Kampung Matan Ranau id pilumaagan tikid tadau. Pic di poinsuang doid
prosodi isoiso boros nga kaanu manahak pisuayan id boros pointantu (Victoria Fromkin,
Robert Rodman & Nina Hyamas, 2014). Loyuk (intonasi) nogi kopogisusuayan pic i okon
montok popibagal boros om pattern do pic toi ko’ melodi. Lohowon ponoriukan kokomoi
loyuk sabaagi do intonology (David Crystal,1977). Id aspek linguistik loyuk nopo iso roromu
di poinsuang id prosodi om oponsol id wara (lisan). Kabaalan wara nopo nga okito maya do
kabaalan sosongulun doid pilumaagan tikid tadau miampai tulun posorili. Poinfokus
ponoriukan diti kumaa roromu loyuk (intonasi) di poinsuang id prosodi i no kararalano’
popolombus do boros id pibarasan do tulun id Kampung Matan Ranau. Koponoriukan
roromu loyuk id pilumaagan tikid tadau diti mimoyo nogi koubasanan (kobuatano’ om
pogiwara-waraan tikid tadau) tulun di soriukon.

14

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KOPOINTALANGAN KOBOLINGKAANGAN

Nokosimban o kopotungkusan boros ladsong kumaa tulun ginumuan lolobi po do
okuri no kopomogunaan koubasanan sandad pogulu tu’ nokosimban gama koundolihon
pogun babaino (Trixie M. Tangit, 2005). Ponoriukan diti kaanu momoruhang susukuon id
gana pondidikan om ponoriukan kokomoi do tinaru Kadazan Dusun id pogun Sabah om
kawagu nopo nga au po ogumu o ponoriukan doid gana etnolinguistik Boros Kadazandusun
di nokoindalan do mononoriuk suang om labus pogun sundung haro id gana di mimiagal diti
nga lobi kumaa doid aspek dialek di gunoon id pogun Sabah, okon ko roromu boros miagal
ko id gana prosodi om nogi id gana puralan Boros Kadazandusun.

Tudu soriuk

1. Mongilo om popointalang kololoyuko’ Dusun doid pilumaagan tikid tadau id Kg
Matan Ranau maya koingkawason om koinsiribaon (intonasi) di polombuson.

2. Mongilo tudu’ om kapansalan kopomogunaan loyuk di id pilumaagan tikid tadau.
Tuhot soriuk

1. Okukuro kololoyuko’ Dusun Liwan doid pilumaagan tikid tadau id Kg Matan Ranau
maya koingkawason om koinsiribaon (intonasi) do boros di polombuson.

2. Nunu tudu om kapansalan kopomogunaan loyuk di id pilumaagan tikid tadau.

METODOLOGI

Koponorubungan

Momoguna pogibabarasan okon formal (au kistruktur) montok pogibabarasan id pialatan
responden.

Koponiipan

Tiipon pibarasan miampai responden id bontuk audio om video sabaagi koponimungan data.

Kopongintangan

Kopongintangan diti momoguna foom kopongintangan om analisis suang do data-data di
notimung.

ASIL OM POGIBABARASAN

a. Loyuk montok boros monguhot

Boros ponguhot adadi roromu koponimungan maklumat toilaan maamaso mikomunikasi (Siti
Salbiah Alias et.al, 2017). Onuan tanda’ ponguhot [?] id dohuri panandatan panakatanda’

15

Sompuruan Artikel Jurnal Ponoriukan PISMP Boros Kadazandusun Ambilan Jun 2016

loyuk mingkawas tintod opopusan koingohon panandatan dii. Poomitanan, “Isai ngaran nu?”
di gunoon do monguhot kokomoi isoiso ahal. Tumanud koponorubungan responden, kiwa
mogisuusuai hogot fokus maya konteks boros om loyuk di pinolombus (Jadual 1.). Hogot
fokus lobi kumaa aspek kapanatalan (stress) id loyuk kopolombusan om morujuk kumaa
kapanatalan hogot id patod boros pointantu di kaanu manahak koinsanan variasi rati maya
kopomogunaan panatalan.

Jadual 1. Kontur loyuk boros ponguhot miampai hogot fokus.

Nu. Boros ponguhot di pinolombus Hogot fokus

a. Ukam hi’inonggo ngawi it i tandaha do manuk di? Hinonggo

b. Ukam ponong hi’inonggo ri di bei? Hinonggo

c. Om ukam poingkuro sorita di tulu wogok di kio? Ukam

d. Noontok darun ri di kio? Darun

e. Poingkuro ma ri? Poingkuro

f. Haro moti ot tulun ri di nga ukam hinonggo di ri? Hinonggo

g. Okon ko hilo id tandahaon di doros dioloi Patrick, Koumin? Hilo

h. Ukam isai di pinoopi di? Isai

i. Iri di kaka o manuk do mangakai? Mangakai

Kopomogunaan loyuk monguhot (Jadual 1.) lobi kumaa mingkawas id dohuri boros
om ingkaa nogi pola loyuk di onuan tanda’ [?] id dohuri montok popokito loyuk monguhot.
Poomitanan, hogot ‘ri’ id dohuri panandatan ponguhot polombuson miampai loyuk
mingkawas moi do au ‘monotonous’ kopolombusan boros di tu’ kopogowit kosohutan rati toi
ko’ aiso rati. Variaso kontur pic okito maya kopolombusan di mogisuusuai tumanud fokus
booboroson i pintantu doid hogot di otorimo do toinsanan tulun miagal ko ‘nokuro’ o ‘ukam’.
Sundung ingkaa, loyuk papatantu rati poimponu do boros di polombuson om kopogowit nogi
kosohutan rati. Mantad dii, oponsol kopomogunaan do kontur pic id loyuk montok rati di lobi
atalang om ouhan.

16

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Jadual 2. Loyuk id dohuri do boros ponguhot di pinolombus do responden.

Nu. Responden Minsiriba Minsiriba – Aadang Mingkawas Mingkawas
(R) mingkawas – minsiriba

a. R1 √
b. R2 √√
c. R3 √√
d. R4
√

Maya Jadual 2. haro nogi loyuk di suai kopolombusan (mingkawas-minsiriba) om
fokus nopo nga kumaa panatalan hogot miagal isai, nunu, soira, honggo/hinonggo om
suusuai po oguno iti montok monguhot ponguhatan di minog sisimbar do “hoo” om “au” (yes
and no question). Okito R1 om R4 (Jadual 2.) nopo minomoguno loyuk mingkawas no tomod
tu’ ponguhatan di pinolombus lobi kumaa ponguhatan “hoo/ au”.

b. Loyuk popolombus boros toomod

Jadual 3. Kontur loyuk om kawo panandatan toomod di pinolombus.

Nu. Panandatan toomod di pinolombus Guno

a. Inasa’apan bo ri agayo. Poposunud/ popoilo

b. Kodorunai nga kodou diri nokuo di darun di taragang. Poposunud

c. Salanjang-lanjang nopo om ikawangal. Papatalang

d. Ilo ndo koilo-ilo ku’d lobong di mampahat hilo lo. Kopoimaganan

e. Hilo id Patod i tulu di minaan diolo onuo. Popoilo.

f. Haro it tolu i ot tulun dot magamut. Poposunud/ popoilo

g. Goribon ku’d tari satu lo odi. Poposunud

h. Om otumbayaan oku i bogia. Popoimagon

i. Turu i tanak dau om kodou nopo di. Papatalang

17

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Boros toomod nopo nga polombuson miampai rati do momonsoi isoiso katalangan kitudu do
papatalang om poposunud kokomoi isoiso ahal om polombuson miampai tanda’ [.] id dohuri
do ponuatan. Polombuson nogi miampai loyuk di minsiriba om loyuk di aadang-adang
miagal di okito id Jadual 3. Abaagi boros tomod diti do apat kawo i no tu’ montok popoilo,
kookunan toi ko’ kopoimaganan, pogoduhan om syarat. Polombuson nogi boros toomod diti
doid koulalaho dau sosondii tumanud tudu om rati di polombuson.

Jadual 4. Loyuk id dohuri do boros toomod di pinolombus do responden.

Nu. Responden Minsiriba Minsiriba – Aadang Mingkawas Mingkawas
(R) mingkawas – minsiriba

a. R1 √ √
b. R2 √ √
c. R3 √
d. R4 √

Haro nogi kosuayan loyuk kopolombusan do boros toomod di pinolombus do
responden tu’ haro nogi loyuk minsiriba-mingkawas tumanud konteks rati om
kopomogunaan (Jadual 4.) di pinolombus do R1 om R3. Poomitanan “Inasa’apan bo ri
agayo” montok poposotol hogot di nonuan fokus ( hogot “agayo”) nga loyuk dilo au
kopogowit kosimbanan rati om kosohutan rati tu’ kosudong i loyuk tumanud konteks.

4.4.2 Tudu Om Kapansalan Kopomogunaan Do Loyuk Id Pilumaagan Tikid Tadau

a. Tudu Kopomogunaan Loyuk

i. Panatalan id panandatan

Koingkawason-koinsiribaon do pic di poposotol do hogot-hogot om patod pointantu id boros
kaanu kaparahung rati om kaanu manahak toilaan kawawagu kumaa mokikinongou om
papadalan mogisuusuai fungsi linguistik nga okon ko monikid hogot mangan potosolo.
Panatalan id hogot mionit do loyuk om panatalan-panatalan di roitan sabaagi panatalan
tonic (stress tonic) (Wells, J.C, 2006). Monikid hogot di onuai panatalan papatalang rati
panandatan om hogot-hogot suai nopo nga boros kifungsi monokodung hogot fokus.

18

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ii. Pic id loyuk

Pic nopo nga koingkawason-koinsiribaon do ohou om variasai pic kaanu popokito
topurimanan (oondos, okolu, oropod om suusuai po). Haro nogi fungsi di mogisuusuai om
minog abaal sosongulun mongintutun om mongipop koundolihon pic montok popolombus
om papatalang rati di polombuson moi do orotian. Kaanu nogi popisuai rati boros om
kosoruan kopihunung do aksen toi ko’ tren tinimungan tulun do moboros i roitan sabaagi
dialek.

iii. Loyuk montok pibarasan tikid tadau

Loyuk montok poposunud om papatalang do pibarasan di miampai otolinahas om popokito
haro rahi sosongulun do mokinongou boboroson di momooboros, popointalang do ekspresi,
kapantangan, kagayat rahi sosongulun id pibarasan, om montok kolinuudan. Sumusuhut,
mogowit piipiro roromu mesej id fokus om popoidu roromu di misuai mantad ko fokus
montok poposotol om popoimbulai piipiro roromu. Koubasanan nopo nga wonsoyon
miampai ton om kinoyonon aksen di misuai.

Kapansalan Kopomogunaan Loyuk Id Pilumaagan Tikid Tadau

Loyuk nopo nga kapanahak bagas miagal ko mamagayat rahi, ginawo, panatalan om
ekspresi kumaa rati boros polombuson. Sumusuhut, nogi sabaagi fungsi wacana montok
popionit boros om idea di polombuson moi do kaanu monguhup om mongulud pibarasan
tikid tadau. Aspek suai di oponsol nopo kopio nga sabaagi identiti sosial isoiso tinaru tu
variasi pic nopo nga mogisuusuai tumanud dialek om nogi tulun suai ko montok popogingo
boros moi lobi kagayat ginawo tulun suai.

KOPOMOLINGKUMAN

Sabaagi kopomolingkuman loyuk id Kampung Matan nopo nga tumanud pola om kontur
loyuk di koubasanan gunoon id pibarasan tikid tadau i no tu’ boros monguhot i momoguno
loyuk mingkawas id dohuri montok maganu tisuli. Montok boros toomod nopo nga
koubasanan momoguno loyuk mnsiriba om nogi mingkawas tumanud konteks boros
polombuson i haro tudu’ dau sosondii. Loyuk nogi di gunaon nga kosimban tumanud faktok
koulunan, pakalajaon, umur om pionitan.

SOGU

Milo tilombusan ponoriukan diti id aspek gana prosodi suai (kapanatalan, ragam boros om
faktor di karahung do kosimbanon loyuk). Haro nogi gana kawawagu mantad ponoriukan diti
di milo soriukon tu’ ogumu kopomogunaan patikol di, dii, do om i nga kopomogunaan do

19

Sompuruan Artikel Jurnal Ponoriukan PISMP Boros Kadazandusun Ambilan Jun 2016

patikol dilo id boros di kogumuan orohungan do pimato “t” (dit, dot, lot om it) id dohuri patikol
montok mongilo om popointalang kopomogunaan patikol dilo id dialek dusun liwan.

IMPLIKASI

Ponoriukan diti kapanahak toilaan kawawagu kumaa tulun Kadazan Dusun, mongingia,
mononoriuk om lolobi no kopio kumaa mokikinobos id IPT i kirahi minsingilo kokomoi gana
etnolinguistik. Sumusuhut, sabaagi impohon ponoriukan miimiagal diti id timpu dumontol moi
kaanu popoingkawas kualiti pongia’an boros Kadazandusun id sikul om id aspek kolinuudan
i kopihunung do koimotuan i popokito identiti sondii.

SUKUON

Anselm Strauss & Juliet M.Corbin. (1997). Grounded Theory In Practice. London: SAGE
Publication International Education and Professional Publisher

David Crystal. (2008). A Dictionary Of Linguistics and Phonetics (6th edition). Australia:
Blackwell Publishing

Haryono, Akhmad. (2016). Etnografi Komunikasi: Konsep, Metode, dan Contoh Penelitian
Pola Komunikasi. Universitas Jember Digital Reprository: LPS Book

Institut Pendidikan Guru Kampus Kent & Dewan Bahasa dan Pustaka Sabah. (2016).
Seminar Penyelidikan Bahasa, Budaya, dan Sastera Melayu Serantau 2016. Sabah:
Institut Pendidikan Guru Kampus Kent & Dewan Bahasa dan Pustaka Sabah

Lee Keok Cheong, Zakri Abdullah & Chua Lay Nee. (2018). Penyelidikan Dalam Pendidikan.
Selangor: Oxford Fajar Sdn. Bhd

Siti Uzairiah Mohd Tobi. (2017). Kajian Kualitatif dan Analisis Temu Bual. Kuala Lumpur,
Malaysia: Aras Publisher

Victoria Fromkin, Robert Rodman & Nina Hyams. (2014). An Introduction To Language (10th
edition). United States of America: Wadsworth Cengage Leraning

Jalius Rambakon. (57). Koponurubungan ontok 10 Momuhau 2019

Juitah Dangkat. (62). Koponorubungan ontok 20 Gumas 2020

Kumpit Saleh. (79). Koponorubungan ontok 13 Momuhau 2019

Ramsiah Yati Sualim. (51). Koponurubungan ontok 10 Momuhau 2019

Abdurrahman. (2011). Sosiolinguistik: Teori, Peran, Dan Fungsinya Terhadap Kajian

Bahasa Sastra. Noloyog ontok 25 Mac 2020 mantad

https://www.researchgate.net/publication/284073961_SOSIOLINGUISTIK_TEORI_

PERAN_DAN_FUNGSINYA_TERHADAP_KAJIAN_BAHASA_SASTRA

20

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Anas Suray. (25 Mei 2013). Penyelidikan Kualitatif. Noloyog ontok 17 Februari 2020 mantad
https://www.slideshare.net/sifatpgsr/penyelidikan-kualitatif

Barzam. (2017). 8 Fungsi Intonasi Dalam Berita. Noloyog ontok 27 Mei 2019 mantad
https://pakarkomunikasi.com/fungsi-intonasi-dalam-berita

David Pranata. (2015). Bagaimana Mengatur Intonasi Suara. Noloyog ontok 10/01/2020
mantad https://david-pranata.com/bagaimana-mengatur-intonasi-suara/

Daroe Iswatiningsih. (2016). Etnografi Komunikasi: Sebuah Pendekatan Dalam Mengkaji
Perilaku Masyarakat Tutur Perempuan Jawa. Seminar Nasional Prasasti(Pragmatik:

Sastra dan Linguistik). (Online). Noloyog ontok 25 Mac 2019 mantad
https://webcache.googleusercontent.com/search?q=cache:_scYnUg_An4J:https://ju
al.uns.ac.id/prosidingprasasti/article/download/446/412+teori+etnografi+komunikasi
cd=3&hl=en&ct=clnk&gl=my

Dewan Bahasa dan Pustaka. (2013). ekamus : Dialek. Malaysia : Dewan Bahasa dan
Pustaka. Noloyog ontok 15 Januari 2020 mantad ekamus.dbp.gov.my

Ghazali Lateh & Shamsudin Othman. (2014). Tinjauan Interaksi Lisan Bahasa Melayu
Dalam Kalangan Remaja Malaysia Dari Sudut Etnografi Komunikasi. Jurnal
Pendidikan Bahasa Melayu – JPBM (Malay Language Education Journal – MyLEJ).
Vol. 4, Bil. 1: 30-40 (Online). Noloyog ontok 25 Mac 2019 mantad
http://spaj.ukm.my/jpbm/index.php/jpbm/article/view/72/72

Lisa Scott. (2010). Falling, Rising, and Non-Final Intonation Patterns. Retrevied on 25 March

2019 from http://content.losemyaccent.com/live/Intonation.pdf

Low Kok On. (2003). Membaca Masa Silam Kadazandusun Berdasarkan Mitos
danLagenda. Pulau Pinang: Universiti Sains Malaysia. Noloyog ontok 27 Mac 2019 mantad

https://eprints.usm.my/35616/1/LOW_KOK_ON_1_%28KHK%29_%28NN24%29.pdf

Minah Sintian. (2017). Variasi Leksikal Dalam Dialek Keluarga Dusun Di Sabah. Malaysia:
Universiti Putra Malaysia. Noloyog ontok 25 Mac 2019 mantad
http://psasir.upm.edu.my/id/eprint/68472/1/FBMK%202018%2012%201R.pdf

Zasbuden. (2014). Definisi dan Konsep Komunikasi. Noloyog ontok 27 Mei 2019 mantad
https://www.slideshare.net/zasbaruden/definisi-konsep-komunikasi

Zahraa A. Hamzah & Anwar Naji. (2018). Functions of Intonation. (t.p & t.t). BAB 3 : Identiti.
Noloyog ontok 20 Januari 2020 mantad
http://studentsrepo.um.edu.my/41/10/Bab_3.pdf

21

Sompuruan Artikel Jurnal Ponoriukan PISMP Boros Kadazandusun Ambilan Jun 2016

(tp & t.t). Etnografi Komunikasi. Noloyog ontok 25 Mac 2019 mantad
http://www.usahid.ac.id/wpcontent/uploads/2017/02/ETNOGRAFI-KOMUNIKASI.pdf

(t.p & t.t). Why Intonation is So Important: We Communicate Meaning Through Tone of
Voice in American English. Retrevied on 25 March 2019 from
https://englishwithkim.com/intonation-communicates-meaning/

(t.p& t.t) BAB SATU: PENGENALAN. Retrevied on 27 May 2019 from
http://studentsrepo.um.edu.my/6399/5/5._FULL_CHAPTER.pdf

22

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KOROTIAN DO TANGAANAK TOUN 6 ID WATAS KIULU KOKOMOI DO STRUKTUR
PANANDATAN MAAN + SUBJEK + OBJEK (MSO)

BADARIA GIMIL¹
Dr Saimin Ginsari
Institut Pendidikan Guru Kampus Kent¹
[email protected]
[email protected]

ABSTRAK

Ponoriukan diti nopo nga montok do mongintong do korotian tangaanak toun 6
id watas Kiulu kokomoi do struktur panandatan MSO om nogi mongintong do
struktur panandatan ii oguno id ponuatan do tangaanak toun 6 id watas Kiulu.
Ponoriukan diti popohompit soginumu 109 sampel ponoriukan ii popohompit
do tangaanak toun 6 id watas Kiulu ii minanganu do matobalajalan boros
Kadazandusun. Data ponoriukan tinimung momoguno do borang soal selidik
om ujian bertulis. Data dii naanu momoguno borang soal selidik numaan
analisis momoguno do SPSS om data mantad ujian bertulis numaan intangai
montok mongintong do struktur panandatan ii oguno id ponuatan do
responden. Asil ponoriukan diti nokoilo do tangaanak toun 6 id watas Kiulu
nopo nga karati do struktur panandatan MSO diti miampai nakaanu do nilai
min 3.151 miampai do sisihan piawai 0.743. Sundung po do ingkaa, tangaanak
toun 6 id watas Kiulu diti au koilo do struktur panandatan MSO diti gunoon id
boros Kadazandusun no om iti misuai mantad struktur panandatan ii gunoon id
boros Melayu om oros Inggeris. Asil analisis ujian bertulis nokoilo do
tangaanak toun 6 id watas Kiulu momoguno struktur panandatan MSO, SMO,
MOS, SOM om nogi MO. Struktur pamansayan panandatan ii bobos ogumu
noguno do responden nopo nga struktur pamansayan panandatan Maan +
Subjek + Objek (MSO).

Kunci Boros : Korotian tangaanak, struktur panandatan MSO, pamansayan
panandatan, watas Kiulu, boros Kadazandusun

23

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Penyelidikan ini bertujuan untuk melihat kefahaman murid tahun 6 di daerah
Kiulu berkaitan dengan struktur ayat MSO serta melihat struktur ayat yang
digunakan dalam penulisan oleh murid tahun 6 di daerah Kiulu. Penyelidikan
ini melibatkan sebanyak 109 sampel kajian yang melibatkan murid tahun 6 di
daerah Kiulu yang mengambil matapelajaran bahasa Kadazandusun. Data
kajian dikumpul dengan menggunakan borang soal selidik dan ujian bertulis.
Data yang diperoleh melalui borang soal selidik dianalisis dengan
menggunakan SPSS manakala data dari ujian bertulis dianalisis untuk melihat
jenis struktur yang digunakan dalam penulisan ayat oleh responden. Dapatan
kajian mendapati bahawa murid tahun 6 di daerah Kiulu memahami struktur
ayat MSO ini dengan nilai min soal selidik 3.151 dan sisihan piawai 0.743.
Walaubagaimanapun, murid tahun 6 di daerah Kiulu ini tidak mengetahui
bahawa struktur ayat MSO ini hanya digunakan dalam bahasa Kadazandusun
dan ianya berbeza dengan struktur ayat yang digunakan dalam bahasa
Melayu dan bahasa Inggeris. Hasil analisis ujian bertulis mendapati murid
tahun 6 di daerah Kiulu menggunakan struktur ayat MSO, SMO, MOS, SOM
dan juga MO dalam penulisan ayat. Struktur ayat yang paling banyak
digunakan adalah struktur ayat Maan + Subjek + Objek (MSO).

Kata kunci : Kefahaman murid, struktur ayat MSO, penulisan ayat, daerah
Kiulu, bahasa Kadazandusun

KOPOINTUTUNAN
Format ponuatan panandatan Maan+Subjek+Objek (MSO) nopo nga impohon kumaa
kapamansayan panadatan id Boros Kadazandusun. Tumanud do ponoriukan dii Minah
Sintian (2019), Boros Kadazandusun nopo nga momoguno do kouludan panandatan Kata
kerja + Subjek + Objek (KSO) toi oilaan nogi sabaagi do kouludan panandatan Maan +
Subjek + Objek (MSO) om iti misuai mantad boros Melayu ii momoguno do kouludan
panandatan KSO.

Tumanud di Minah Sintian (2019), tantaman dii agayo id pambalajalan Boros
Kadazandusun nopo nga ii tangaanak nopo nga popibagal dii struktur pamansayan
panandatan Boros Kadazandusun miampai Boros Malayu. Songulun tangaanak minog do
kaanu do kabaalan momonsoi panandatan tumanud MSO diti pogulu momonsoi do
ponuatan dii lobi anaru id Boros Kadazandusun. Oponsol daa kopio do pasandadon o
kabaalan diti moi do koilo om oubas ii tangaanak do monuat miampai momoguno ralan om
kooturan dii pointunud moi do kaanu ii tangaanak monuat boros, frasa om ayat di
poimpunong, otolinahas om oulud id ponuatan diolo (Atifellyndra Albert, 2017).

24

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KAPATALANGAN KOBOLINGKAANGAN

Id ponoriukan dii Chanelix Sabinos (2017), nokoboros yau do tangaanak nopo nga amu
koilo nuludan panandatan Boros Kadazandusun om om kiwaa nogi ii au kotutun kawo boros
maan, subjek om objek id isoiso panandatan. Suai ko ii, id ponoriukan dii Clarice Irene Sapil
(2017), nogi nga nokoboros do kogumuan tangaanak id sikul nopo nga au koilo nuludan
ponuatan dii kosudong tumanud ponuatan Boros Kadazandusun. Iti nopo nga oborulong ii
tangaanak do monuat panandatan tu’ katanud do nuludan panandatan Boros Malayu.

Kabaalan momonsoi panandatan tumanud do kouludan panandatan MSO diti minog
do oilaan do oinsanan tangaanak pogulu kaanu yolo momonsoi ponuatan dii lobi anaru id
ponuatan Boros Kadazandusun. Nung au kotunud o impohon pamansayan panandatan,
ponuatan suai di lobi anaru nopo nga katanud nogi do au kotunud. Mantad dilo, ponoriukan
diti nopo nga maan papanaho montok mongintong do korotian tangaanak toun 6 id watas
Kiulu kokomoi do struktur panandatan MSO diti om nogi montok mongintong struktur
panandatan id ponuatan tangaanak toun 6 id watas Kiulu.

TUDU SORIUK

Ponoriukan diti nopo nga pinadalan montok do:

1. Mongintong do korotian tangaanak toun 6 id watas Kiulu kokomoi do struktur
panandatan MSO.

2. Mongintong struktur panandatan ii oguno id ponuatan tangaanak toun 6 id watas
Kiulu.

TUHOT SORIUK

1. Poingkuro o korotian tangaanak toun 6 id watas Kiulu kokomoi do struktur
panandatan MSO?

2. Nunu o struktur panandatan ii oguno id ponuatan tangaanak toun 6 id watas Kiulu?

METODOLOGI PONORIUKAN

REKA BONTUK PONORIUKAN

Ponoriukan diti nopo nga momoguno reka bentuk ponoriukan tinjauan. Ponoriukan diti
kibontuk do deskriptif om ponoriukan kuantitatif ii pinapanau momoguno do soal selidik om
ujian bertulis sabaagi do kakamot ponimungan data ponoriukan. Ponoriukan tinjauan diti
nopo nga poindalanon miampai momili sontinimungan subjek mantad do populasi sabaagi

25

Sompuruan Artikel Jurnal Ponoriukan PISMP Boros Kadazandusun Ambilan Jun 2016

do responden ponoriukan, momungut do maklumat mantad do responden om sumusuhut
menganalisis do maklumat dii montok monimbar do tuhot soriuk (Chua, 2014).

SAMPEL PONORIUKAN

Populasi montok do ponoriukan diti nopo nga popohompit do tangaanak toun 6 id sikul
tosiriba id watas Kiulu ii minanganu do Boros Kadazandusun. Kopomilian do sampel montok
do ponoriukan diti nopo nga momoguno do teknik persampelan jenis rawak berlapis. Kaida
persampelan rawak berlapis diti nopo nga kosudong do gunoon montok do populasi di au
seragam om kaida diti kaanu mongingkuri ralat persampelan miampai mongingkuri Varians
montok anggaran sampel (Chua, 2014).

Montok do manganu do ginumu sampel ii koontok montok do mewakili populasi,
Jadual Penentu Saiz Krejcie, R.V om Morgan D nopo nga ginuno sabaagi do sukuon.
Ponoriukan diti minomoguno soginumu 109 sampel ponoriukan.

INSTRUMEN PONORIUKAN

Id ponoriukan diti, instrumen dii gunoon montok manganu do data ponoriukan nopo nga
momoguno do borang soal selidik om ujian bertulis.

a) Borang soal selidik
Borang soal selidik dii gunoon id ponoriukan diti nopo nga borang soal selidik bentuk
tertutup om momoguno do skala Likert 4 skala. Borang soal selidik diti nopo nga
gunoon montok mongilo do korotian do tangaanak toun 6 id watas Kiulu kokomoi do
struktur pamansayan panandatan MSO.

b) Ujian bertulis
Tangaanak ii kohompit id ponoriukan diti nopo nga onuan do ujian momonsoi do
panandatan id boros Kadazandusun. Panandatan di nowonsoi do tangaanak diti
nopo nga gunoon montok manganu data montok mongintong struktur panandatan ii
oguno id ponuatan do tangaank toun 6

KESAHAN OM KOMILOTUMBOYOON

Kesahan diti nopo nga moi do ukuran toi indikator ii gunoon kiwaa o oinsanan ciri toi
gagasan ii gunoon id suang do konsep di maan tipongo (Kamarul Azmi Jasmi, 2012).
Montok do moi taang kesahan ii akawas id aspek soibau om suang soal selidik om kertas
ujian ponuatan panandatan, ii nopo nga monipong do nunu ii apatut do tipongon, draf do
soal selidik om kertas ujian pinatahak kumaa pensyarah penyelia montok mokianu komen
kokomoi do item-item ii kiwaa id borang soal selidik om nogi soalan ujian. Item-item dii

26

Sompuruan Artikel Jurnal Ponoriukan PISMP Boros Kadazandusun Ambilan Jun 2016

nakaanu do komen miampai do pensyarah penyelia om nakaanu do kasagaan mantad do
penyelia pogulu poindalanon o kajian sebenar.
Tumanud di Sabitha Marican (2005) id suang Kamarul Azmi Jasmi (2012), komilotumboyoon
diti nopo nga montok do mongilo nung ukuran dii kaanu manahak do sisimbar di miagal
nung gunoon montok mengukur konsep ii miagal toi ko’ kumaa populasi toi sampel toi
responden ii miagal. Borang soal selidik minog kiwaa do nilai Alfa Cronbach ii osonong moi
do borang dii nopo nga milo do torimaon montok do gunoon. Nilai Alfa Cronbach montok do
soal selidik dii naanu nopo nga 0.91 om kedudukan item dii nopo nga amat baik om milo do
torimoon om ilo popokito do item id suang do borang soal selidik kiwaa o komilotumboyoon ii
akawas miagal do jadual taang Nilai Pekali Komilotumboyoon.

KAIDA PONOMUNGAN DATA

KAIDA KOPONGORINDAKAAN DATA

27

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ASIL OM PERBINCANGAN

KOROTIAN TANGAANAK TOUN 6 ID WATAS KIULU KOKOMOI DO STRUKTUR
PANANDATAN MSO.

Montok do momodimpot do tudu ponoriukan, kaida analisis min montok do iso-iso item id
soal selidik nopo nga ginuno. Tumanud do analisis dii pinoindalan, taang do korotian do
tangaanak toun 6 id watas Kiulu kokomoi do struktur panandatan MSO diti nopo nga okito id
jadual id siriba.

Jadual 1 : Interpretasi Skor Min Keseluruhan

MIN SISIHAN PIAWAI INTERPRETASI
3.151 0.743 Akawas

Nilai Min keseluruhan nopo nga soginumu do 3.151 miampai do sisihan piawai
0.743. Iti popokito do korotian do tangaanak diti struktur panandatan MSO diti nopo nga id
taang do akawas tumanud do jadual interpretasi skor min. Interpretasi nilai min montok do
iso-iso item id borang soal selidik okito id siriba. Interpretasi nilai dilo sinumuku do skala
interpretasi min montok do empat skala ii ginuno di Ghani Hj Taib (1996) id suang Rabiatul
Adawiyah Abu Bakar, Salina Mohammed Rashid & Ghazali Mohd Ali (2014).

Jadual 2 : Nilai Interpretasi Item Soal Selidik

ITEM MIN SISIHAN INTERPRETASI
PIAWAI Akawas
B1 3.21 0.610
Koilo oku do struktur asas pamansayan
panandatan Boros Kadazandusun nopo 3.01 0.631 Akawas
nga MSO.
3.38 0.755 Akawas
B2 3.25
Struktur panandatan MSO gunoon 3.34 0.818 Akawas
montok momonsoi panandatan 3.41 0.683 Akawas
mintootoiso id Boros Kadazandusun. 0.735 Akawas

B3
Koilo oku do MSO nopo nga Maan,
Subjek om Objek.

B4
Karati oku komoyon do Maan.

B5
Karati oku komoyon do Subjek.

B6
Karati oku komoyon do Objek.

28

Sompuruan Artikel Jurnal Ponoriukan PISMP Boros Kadazandusun Ambilan Jun 2016

B7 3.47 0.727 Akawas
3.42 0.711 Akawas
“Mangakan” nopo nga iso boros Maan 3.58
2.85
B8 2.98

“Mongingia’ Ali” nopo nga iso boros 3.22
3.27
Ngaran.
2.10
B9 2.81 0.582 Akawas
0.921 Osuhatan
“Buuk” nopo nga iso Objek.

B10

Struktur pamansayan panandatan MSO

gunoon id Boros Kadazandusun no.

B11 0.793 Osuhatan

Koilo oku do struktur pamansayan

panandatan Boros Kadazandusun nopo

nga misuai mantad Boros Melayu om

Boros Inggeris

B12 0.762 Akawas

Kaanu oku momonsoi momoguno

panandatan Boros Kadazandusun

momoguno struktur MSO.

B13 0.753 Akawas

“Mangakan oku do tindalam”.

Panandatan dilo tumanud struktur

MSO.

Kaanu oku momonsoi momoguno

panandatan Boros Kadazandusun

momoguno struktur MSO.

B14 0.804 Osuhatan

“Tindalam dilo nakan ku”. Panandatan

dilo tumanud struktur MSO.

B15 0.859 Osuhatan

Panandatan Boros Kadazandusun ii

winonsoi momoguno struktur

panandatan Boros Melayu om Boros

Inggeris nopo nga au kotunud.

Mantad do jadual 2 dilo do aanu do momolingkum do responden nopo nga karati diti
struktur panandatan MSO nga kotolinahasan diolo kokomoi do struktur panandatan MSO diti
gunoon id boros Kadazandusun no, struktur pamansayan panandatan boros Kadazandusun
diti misuai mantad Boros Melayu om Boros Inggeris om nogi panandatan ii owonsoi
momoguno do struktur panandatan boros Melayu om Boros Inggeris nopo nga au kotunud
nopo nga id taang do osuhatan tu’ nilai min montok do item kokomoi dilo nopo nga
nokopokito nilai min id taang osuhatan.

29

Sompuruan Artikel Jurnal Ponoriukan PISMP Boros Kadazandusun Ambilan Jun 2016

STRUKTUR PANANDATAN II OGUNO ID PONUATAN TANGAANAK TOUN 6 ID WATAS
KIULU.

Struktur panandatan ii noguno ii nokito id ponuatan tangaanak toun 6 id watas Kiulu nopo
nga struktur panandatan MSO, SMO, MOS, SOM om nogi MO. Kekerapan montok do iso-
iso kawo struktur panandatan dii nowonsoi do responden id ujian ponuatan panandatan
nopo nga okito id jadual 3 id siriba.

Jadual 3 : Kekerapan kawo struktur panandatan id ponuatan responden

KAWO STRUKTUR PANANDATAN KEKERAPAN
Maan + Subjek + Objek (MSO) 391
Subjek + Maan + Objek (SMO) 138
Maan + Objek + Subjek (MOS) 8
Subjek + Objek + Maan (SOM) 1
Maan + Objek (MO) 5

Mantad do jadual 3 id sawat, okito do struktur panandatan dii bobos ogumu noguno
nopo nga struktur panandatan MSO (391) om nogi struktur panandatan SMO (138). Kiwaa
nogi o struktur panandatan suai ii nokito miagal do struktur MOS (8), SOM (1) om nogi MO
(5). Poomitanan do iso-iso kawo panandatan di nowonsoi do responden nopo nga okito
siriba.

a) Struktur panandatan MSO
i) Mamain ii tadi ku do korita pomoinan.
Mamain (Maan) + ii tadi ku (Subjek) + do korita pomoinan (Objek)

b) Struktur panandatan SMO
i) I tabangku nopo nga momorisi do kutak.
I tabangku (Subjek) + nopo nga momorisi (Maan) + do kutak (Objek)

c) Struktur panandatan MOS
i) Mongulud do buuk ii Mary.
Mongulud (Maan) + do buuk (Objek) + ii Mary (Subjek).

d) Struktur panandatan SOM
i) Yahai nopo nga buuk mambasa.
Yahai (Subjek) + nopo nga buuk (Objek) + mambasa (Maan).

30

Sompuruan Artikel Jurnal Ponoriukan PISMP Boros Kadazandusun Ambilan Jun 2016

e) Struktur panandatan MO
i) Monusun buuk
Monusun (Maan) + buuk (Objek)

POMOLINGKUMAN, SOGU OM BAGAS

Montok do pomolingkuman, tangaanak toun 6 id watas Kiulu nopo nga karati do
struktur panandatan MSO diti tu’ nakaanu do nilai min montok do soal selidik kokomoi do
korotian do struktur panandatan MSO diti nopo nga pinopokito do nilai min id taang di
akawas. Sundung po do ingkaa, nilai min montok do item kokomoi do kosokodungan
kokomoi do struktur panandatan MSO diti gunoon id Boros Kadazandusun no, struktur
pamansayan panandatan boros Kadazandusun diti misuai mantad Boros Melayu om Boros
Inggeris om nogi panandatan ii owonsoi momoguno do struktur panandatan boros Melayu
om Boros Inggeris nopo nga au kotunud nopo nga nokopokito nilai min id taang osuhatan.
Mantad dilo, soira id pongia’an Boros Kadazandusun, minog daa do potosolon kumaa
tanganak do struktur panandatan MSO diti gunoon id Boros Kadazandusun no om iti misuai
mantad struktur panandatan ii gunoon id boros suai om nogi kopomogunaan do struktur
panandatan do boros suai id ponuatan Boros Kadazandusun kaanu kopomonsoi
panandatan dii au kotunud. Id ponoriukan dumontol, milo o poindalanon o ponoriukan diti
miampai momoguno do instrumen suai om pongintangan do struktur panandatan id
ponuatan di lobi anaru. Alasan daa do ponoriukan diti kapanahak toilaan kumaa oinsanan
mongingia’ boros Kadazandusun kokomoi do korotian do tangaanak do struktur panandatan
MSO diti om struktur panandatan di oguno do tangaanak id ponuatan panandatan di
owonsoi diolo om kaanu kopogowit do koimogoton id kopongia’an do Boros Kadazandusun
diti loolobi no kopogia’an id sikul om kaanu mogowit do koingkawason diti Boros
Kadazandusun.

SUKUON

Atifellyndra Albert. (2017). Popoingkawas kabaalan monuat panandatan gramatis
tangaanak toun 4 momoguno carta MIOHP. Kajian Tindakan. IPG Kampus Kent,
Tuaran

Chanelix Sabinos. (2017). Popoingkawas kabaalan id ponuatan do panandatan
tumanud nuludan Maan + Subjek + Objek (MSO) miampai momoguno jadual
panandatan MaSuOb. Kajian Tindakan. IPG Kampus Kent, Tuaran

31

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Clarice Irene Sapil. (2017). Popoingkawas kabaalan momonsoi panandatan di oulud
tumanud nuludan MSO montok tangaanak toun kaapat maya teknik GaMiSdoO.
Kajian Tindakan. IPG Kampus Kent, Tuaran

Kamarul Azmi Jasmi. (2012). Kesahan dan Kebolehpercayaan dalam Kajian Kualitatif.
Conference: Kursus Penyelidikan Kualitatif Siri 1 (1-6)

Minah Sintian. (2019). Struktur Binaan Ayat Bahasa Kadazandusun Dan Bahasa
Melayu: Satu Pengenalan. Seminar Antarabangsa Susastera, Bahasa dan
Budaya Nusantara (SUTERA) 2019, 1-14. Universiti Malaysia Perlis: Bertempat di
Pusat Penyelidikan Langkawi UKM

32

Sompuruan Artikel Jurnal Ponoriukan PISMP Boros Kadazandusun Ambilan Jun 2016

NGARAN KAKAMOT MOMUTANOM TUMANUD TOILAAN SANDAD TINARU KADAZAN
DUSUN

BRELLYENA JED IMON¹
John Bin Gitom

Institut Pendidikan Guru Kampus Kent¹
[email protected]
[email protected]

ABSTRAK
Ponoriukan nopo diti popointalang kokomoi koubasanan tinaru Kadazan
Dusun id Sabah doid konteks toilaan sandad kokomoi maamangan
momutanom. Ponoriukan diti nogi posotolon montok mongintutun sumusuhut
momorekod mogisusuai ngaran, ngaran boogian om kogunoon kakamot
momutanom tumanud toilaan sandad tinaru Kadazan Dusun id Kampung
Binaung Baru Manggatal. Oponsol om kaakal po do gunoon o kakamot
momutanom ngawi diti doid koposion tulun Kadazan Dusun sabaagi
momumutanom. Nakadalan o ponoriukan diti id Kampung Binaung Baru
Manggatal di popohompit onom tulun momumutanom maya kaida
koponorubungan om kopongintangan. Asil mantad ponoriukan diti, soginumu
duo nohopod om duo (22) ngaran kakamot om hatus hopod om tolu (113)
boros kawawagu mantad ngaran boogian om kogunoon kakamot momutanom
dii. Asil ponoriukan diti nogi kaanu monginruhang tinimungan boros Boros
Kadazandusun sosongulun maya mogisuusuai ralan miagal ko’ Pengajaran
dan Pemudahcaraan (PdPc) tangaanak om mongingia’ id sikul toi ko’ maya
pambasaan sosondii. Suai ko ii asil ponoriukan diti nogi nosiliu iso’ kaagu
roromu sukuan id Boros Kadazandusun montok mogisusuai tulun toi ko’
tinimungan di kirahi do mongintutun, monginonong om nogi monindohoi do
koubasanan tinaru Kadazan Dusun.
Kunsi Boros : Toilaan sandad, kakamot momutanom, koubasanan, tinaru
Kadazan Dusun, Kampung Binaung Baru Manggatal, tinimungan boros,
roromu sukuan

33

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Kajian ini menerangkan tentang budaya masyarakat Kadazan Dusun di Sabah
dalam konteks kearifan lokal tentang kegiatan pertanian. Kajian ini juga lebih
kepada mengenali seterusnya merekodkan nama, nama bahagian dan
kegunaan pelbagai peralatan pertanian menurut kearifan lokal masyarakat
Kadazan Dusun di Kampung Binaung Baru Manggatal. Sehingga kini
peralatan pertanian tradisional masih lagi penting dan releven dalam
kehidupan masyarakat Kadazan Dusun sebagai petani. Kajian ini telah
dijalankan di Kampung Binaung Baru Manggatal yang melibatkan enam orang
petani dengan menggunakan kaedah temu bual dan pemerhatian. Hasil
daripada kajian ini terdapat sebanyak dua puluh dua (22) nama peralatan dan
seratus tiga belas (113) perkataan baru daripada nama bahagian dan
kegunaan daripada peralatan-peralatan tersebut. Dapatan kajian ini dapat
menyumbang kepada penambahan kosa kata Bahasa Kadazandusun pada
individu melalui pelbagai cara sama ada dalam Pengajaran dan
Pemudahcaraan (PdPc) di sekolah oleh guru dan murid mahupun pembacaan
serta penerokaan kendiri. Hasil kajian ini juga menjadi satu tambahan pada
bahan rujukan sedia ada bagi Bahasa Kadazandusun sekaligus dapat
membantu pelbagai pihak yang berminat dalam mengenali dan menjiwai serta
melestarikan kebudayaan masyarakat Kadazan Dusun.
Kata Kunci : Kearifan lokal, peralatan pertanian, kebudayaan, masyarakat
Kadazan Dusun, Kampung Binaung Baru Manggatal, kosa kata, bahan
rujukan

KOPOINTUTUNAN

Toilaan sandad nopo nga nosiliu mantad duo boros di misuai o rati, toilaan nopo nga
kirati do toinsanan di noilaan toi ko’ nabalajalan kokomoi isoiso’ ahal om sandad nopo nga
kirati do kinoyonon toi ko’ pogun sondii (Kamus Dewan Edisi Keempat, 2005). Mantad dii
kaanu yati mangarati do toilaan sandad sabaagi toinsanan di noilaan mantad id isoiso’
pogun sondii kokomoi isoiso’ ahal (Kamus Dewan Edisi Keempat, 2005).

Tumanud di Hornby (Alidri, 2016 id suang Minah Sintian 2018), toilaan nopo nga
poimbulayon om nokoburu miampai spontan id isoiso’ tinimungan mogigion toi ko id timpu
pointantu. Oguna o toilaan montok popoimbulai iso’ koubasanan toi ko’ norma om kooturan
di tonudon doid pomogunaan om ponguludan toud. Kogumuan tulun sandad notungkusan
no o toilaan sandad kokomoi mogisuusuai gana mantad komolohingan di pogulu. Tinaru
Kadazan Dusun nogi haro o toilaan sandad doid mamangan momumutanom. Babaino
kaakal po do popoimpohon o tulun mantad tinaru Kadazan Dusun do toilaan sandad id
koposion diolo di nosiliu sabaagi iso’ kotos di apagon om kointutunan tinaru doid koposion.

34

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KAPATAYADAN KOBOLINGKAANGAN
Haro piipiro o kobolingkaangan di nabantalan doid gana pondidikan Boros

Kadazandusun (BKD) id sikul om nogi id koposion tikid tadau id timpu pemodenan toi ko’
koburuon diti iri no pogi minog tokou minggoos montok monolibamban kobolingkaangan dii,
iso’ ko mantad goos di milo wonsoyon nopo nga maya ponoriukan.

Id timpu diti okuri no o tinimungan boros do BKD di noilaan tangaanak wagu tu amu
nasandadan o moboros BKD mantad tokoro po. Tumanud ponoriukan di Smith (1998) om
Harmon, et al. (2009), pambalajalan tinimungan boros nopo diti nga iso’ laang potilombus
montok mongintutun boros kakawagu om mangarati kopomogunaan boros dii. Iri no pogi,
mantad ponoriukan diti kaanu tokou mongintutun ngaran kakamot momutanom, ngaran
boogian om nogi kogunoon do kakamot dii. Kopointutunan maya ponuatan miagal diti kaanu
monguhup yolo do monginruhang tinimungan boros BKD tangaanak.

Suai ko iri, babaino diti okito tokou o kapaganan tongo mongingia’ do mogihum
sukuon id BKD tu okuri po o toud om roromu sukuon di nokosurat om nowonsoi. Tumanud di
James Geoffry W. Molijoh (2015), okuri po o komoiboros, buuk teks, jurnal om buuk sukuon
Boros Kadazandusun.

TUDU SORIUK

i. Mongintutun ngaran kakamot momutanom,, ngaran boogian om kogunoon
kakamot momutanom dii tumanud toilaan sandad tinaru Kadazan Dusun id
Kampung Binaung Baru Manggatal.

ii. Momorekod ngaran kakamot momutanom, ngaran boogian om kogunoon
kakamot momutanom dii tumanud toilaan sandad tinaru Kadazan Dusun id
Kampung Binaung Baru Manggatal montok papaasil iso’ roromu sukuon
kumaa tulun ginumuan.

TUHOT SORIUK

i. Nunu ngawi o ngaran kakamot momutanom, ngaran boogian om kogunoon
kakamot momutanom dii tumanud toilaan sandad tinaru Kadazan Dusun id
Kampung Binaung Baru Manggatal?

ii. Poingkuro momorekod ngaran kakamot momutanom, ngaran boogian om
kogunoon kakamot momutanom dii tumanud toilaan sandad tinaru Kadazan
Dusun id Kampung Binaung Baru Manggatal di kaanu silihon sabaagi roromu
sukuon montok tulun ginumuan?

35

Sompuruan Artikel Jurnal Ponoriukan PISMP Boros Kadazandusun Ambilan Jun 2016

METODOLOGI
Tumanud di Bayu Indra Pratama (2017), kopongorindaka’an etnografi mikro nopo diti

nga lobi okoro miagal ko sub-tinimungan. Ponoriukan diti nogi kiwoyo do data ponoriukan
kualitatif di pinadalan mooi do kopomorun konsep pointantu di koponguhup id kopongorotian
di mononoriuk.

Soginumu onom tulun mamampayat di naanu montok ponoriukan. Yolo nopo diti nga
mantad tinaru Kadazan Dusun, pakaraja sabaagi momumutanom, haro toilaan kokomoi
kakamot momutanom di gunoon, aiso kaantaban miromut om poingion id Kampung Binaung
Baru Manggatal.

Umul nopo di mamampayat soriuk nga aiso gontob nga minog do momogonop
roromu kopomilian di natantu om id ponoriukan nopo diti kopohompit tolu tondu om tolu
kusai om nogi kiumul mantad 35 gisom 91 toun. Nopili o kinoyonon diti sabab kaakal po
haro tulun mogigion mantad tinaru Kadazan Dusun id kinoyonon diti dii poingkaraja sabaagi
momumutanom om iti nogi iso’ ralan pongindopuan diolo. Asil pomutanaman dii aanu diolo
padtaranon id tomu toi ko’ id Pasar Malam.

Haro piipiro o kakamot soriuk di noguno id ponoriukan diti. Ii nopo nga, kaida
pongintangan om kaida ponorubungan montok koponimungan data kokomoi ahal di
intangan id suang ponoriukan diti. Prosedur kopongorindaka’an data montok ponoriukan diti
nopo nga tumanud laang kopongorindaka’an tematik.
ASIL SORIUK OM PIBARASAN
Sumusuhut nopo nga kapatayan do asil soriuk om pibarasan di naanu mantad ponoriukan
diti.

36

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Nuludan 1 : Poomitanan iso’ mantad duo nohopod om duo toilaan kakamot momutanom
di naanu id asil ponoriukan

1. Ngaran kakamot momutanom : Barait
Kogunoon : Pamabo do kokoriu toi ko’ kakamot mindahu.
Gambar miampai label ngaran boogian kakamot momutanom :

Tontolingo Tontolingo

Kogos Sompon

Togiis Horot
Tontolingo

Nuludan 1 nopo nga poomitanan iso’ mantad duo nohopod om duo toilaan kakamot
momutanom di naanu id asil ponoriukan, id suang do nuludan diti haro o gambar om
kogunoon miampai ngaran om label ngaran boogian kakamot momutanom tumanud toilaan
sandad tinaru Kadazan Dusun id Kampung Binaung Baru Manggatal.

Nuludan 2 : Ngaran kakamot momutanom

1 Barait 2 Pais
3 Pomoom 4 Susuput
5 Wakid 6 Tolimbu’
7 Gagamas 8 Tumbak
9 Kinolondo 10
11 Dangol , Tangkap 12 Raya’
Sisir

37

Sompuruan Artikel Jurnal Ponoriukan PISMP Boros Kadazandusun Ambilan Jun 2016

13 Kasip tabpai 14 Sangkul
15 Pogupan 16 Sisiit
17 Paip, timboriud 18 Kapak
19 Pomolopot 20 Sabit
21 Tolid 22
Pangakai

Nuludan 2 nopo nga popokito duo nohopod om duo (22) kakamot momutanom
tumanud toilaan sandad tinaru Kadazan Dusun id Kampung Binaung Baru Manggatal.

Nuludan 3 : Boros kawawagu mantad ngaran boogian om kogunoon kakamot

1 tontolingo 2 Tagkos 3 poniram

4 togiis 5 tatou 6 pointongkop

7 kogos 8 Tinid 9 timpu

10 sompon 11 dorianak 12 pongilag

13 horot 14 Gunaru 15 pomorumbak

16 pamabo 17 Pogkison 18 karung

19 kokoriu 20 Babo 21 gansing

22 kakamot 23 tokong 24 rumilit

25 sakot 26 Pangasip 27 pananaman

28 oriou 29 tayam 30 kulunsong

31 daamot 32 puun 33 sangop

34 buaton 35 Pomutul 36 balatung

37 lidangon 38 panagad 39 pawantayan

40 pomorobuat 41 kinamamasan 42 todsuk

43 tua’ua’ 44 Sahap 45 pomorilitan

46 kinotuan 47 pangantob 48 pango

49 susumuni 50 saralom 51 panarip

52 tuou 53 kilau 54 poninsib

55 kabang 56 pangakan 57 tahata’

58 kaput 59 Linsou 60 pomoluang

61 togiis 62 pinasasad 63 poimbida’

64 tatamba’ 65 taras 66 wotuon

67 taus 68 tonsi 69 mamawatu

70 tulu 71 lonot piasau 72 taralom

73 tarom 74 Habut 75 monuridong

38

Sompuruan Artikel Jurnal Ponoriukan PISMP Boros Kadazandusun Ambilan Jun 2016

76 tansip 77 Kongkob 78 torigi

79 tompulagkas-lagkas 80 nokotinong 81 tinakang-takang

82 pongukad 83 timungo’ 84 noriou

85 tanak 86 Posorili 87 olomok

88 tinggayan 89 mombontuk 90 punti

91 pangatap 92 Bisolot 93 tapayas

94 ponidangan 95 Poniit 96 sahap

97 linsou 98 Akawas 99 kakai

100 kupang 101 Puun 102 olidang

103 taakanon 104 pamalapak 105 gapu’

106 pokoringon 107 Raan 108 nipon

109 kayu 110 Pamatod 111 sikuru

112 suduon 113 pongidu’

Nuludan 3 nopo nga popokito soginumu hatus hopod om tolu (113) boros kawawagu
di naanu mantad sanarai label ngaran boogian om nogi kapatayadan do kogunoon kakamot
momutanom tumanud toilaan sandad tinaru Kadazan Dusun id Kampung Binaung Baru
Manggatal.

Nuludan 4 : Ngaran kakamot momutanom montok mongumo - aiso gambar

NIN. NGARAN KAKAMOT KOGUNOON
1 tasok Pomoluang do tana’ montok ponumposon.
2 rolu Pongugad do tombolog – gayaton
3 tungkabar Pongugad do tombolog – monguni topuhod soira
agayat o rolu
4 tompurosi-rosi Pongugad do tombolog – koigal tulun di
poingkakat do mantamong parai
5 linggaman Pongomot do parai
6 toolu Ponutu’ do parai
7 tosung Ponutuan do parai
8 tiagan Montok popotobilang parai om wagas – mooi do
aiso pia puun soira mogonsok takano
9 pongogikan Montok popotobilang parai mantad tinggayan
10 tangkob Poyanan do parai di koo’omot
11 guguyangan Montok popotobilang parai di kotuu’tutu montok

39

Sompuruan Artikel Jurnal Ponoriukan PISMP Boros Kadazandusun Ambilan Jun 2016

12 tongkisus maganu wagas
13 sasanga / tangga Pongugad do tombolog
Panago’ do waig

Asil pibarasan kokomoi asil ponoriukan diti nogi nokoponimung piipiro toilaan
kokomoi kakamot momutanom dounggulu-gulu. Tumanud boros di mamampayat soriuk, i
pogulu po ogumu mogigion id Kampung Binaung Baru Manggatal diti do mongumo toi ko’
mananom parai id tidong om iri no o pomutanaman tagayo om iso’ ralan pongindopuan
toponsol tontok dii. Nga baino aiso nodi o mongumo do id kampung dii tu’ ogumu no sukod
wagu di songinkaraja om songinsikul id kakadayan tagayo om pogun suai. Koburuon id
koposion sinakagon id kampung diti kopogowit do kosimbanan id ralan pongindopuan diolo.
Sundung po do ingkaa, ogumu po o komolohingan om sakag wagu di kaakal po do
momutanom do mogikaakawo kinotuan om tua’ua’ om iri no toud kousinan diolo maya
padtaranan id badi om Pasar Malam Mingguan id piipiro kinoyonon poinsomok kampung.
Mantad no dii, aiso no o kakamot momutanom di poinsandad, poinsonong om gunoon
montok mongumo id kampung diti ii milo gambaron nga haro piipiro ngaran kakamot
momutanom montok mongumo di kaakal po do osorou di mamampayat soriuk om milo
silihon do roromu sukuon tokou. Ii nopo nga miagal di pinatayad id Nuludan 5 :

Nuludanl 5 : Poomitanan piipiro boros tumanud sompuruan boros BKD mantad boros
kawawagu

NIN. BOROS BOROS BOROS BOROS

NGARAN MAAN ULA TOGUANGON

1 kulunsong mombontuk oriou saralom

2 sangop mamawatu olidang

3 togiis monuridong akawas

Suai ko ii, haro nogi asil suai i toponsol montok monginruhang do toilaan dati

kokomoi Boros Kadazandusun. Sumuku boros ngawi di naanu id asil soriuk kaanu tokou

popotobilang boros ngawi dii id piipiro kawo do sompuruan boros, Boros Kadazandusun.

Haro apat boogian do sompuruan boros ii nopo nga boros ngaran, boros maan, boros ula

om boros toguangon (Kementerian Pendidikan Malaysia, 2011). Haro piiro poomitanan

boros di naanu id mantad ponoriukan diti om milo sukuon id Nuludan 5.

40

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Nuludan 6 : Poomitanan boros nosugku mantad boros kawawagu

NIN. BOROS NOSUGKU NIN. BOROS NOSUGKU
1 pomutul 6 taralom
2 panagad 7
3 8 pinasasad
4 nokotinong 9 wotuon
5 ponidangan 10
pomorilitan
noriou pawantayan

Maya kopongimurian do boros kawawagu ngawi di naanu id ponoriukan diti kaanu
tokou nogi mongintong o kapamansayan boros do Boros Kadazandusun ii nopo nga bontuk
boros nosugku. Sabaagi poomitanan, milo intangan dati id Nuludan 6. Koimbulayan maya
kopongomurian asil soriuk diti kabalajal tokou boros guas miagal do boros ‘tinong’
nosugkuan boros ponugku gulu ‘Noko-’ kosiliu do boros ‘nokotinong’, bontuk boros nosugku
miagal diti koporuhang do tinimungan boros sosongulun om koinlaab o pomusarahan
sumusuhut kopuriman kouludan boros BKD di ogingo om poimbida’ ko boros suai soira
sumuku do iso’ roromu pambalajalan boros BKD diti. Haro nogi o boros noolos di okito dati
id asil soriuk diti ii nopo nga ‘sikuru’ mantad Boros Inggeris do ‘Screw’.

KOPOMOLINGKUMAN, SOGU OM BAGAS

Sabaagi pomolingkuman, ponoriukan diti kaanu momodimpot objektif soriuk om nogi
monimbar tiuhot soriuk di pinatantu. Haro piipiro o sogu montok ponginsanangan do
ponoriukan diti id timpu dumontol ii nopo nga poindalanon o ponoriukan di kopohompit id
piipiro kinoyonon suai montok monimung lobi ogumu data kokomoi ahal di pinosotol diti.

Ponoriukan kokomoi mogisuusuai toilaan sandad tinaru Kadazan Dusun minog
padalanon miagal ko toilaan sandad id kopomorunan do walai, kopomogunaan do kakamot
pongintorusan, kopongintangan do timpu momonsoi karaja sumuku do kowoowoyoon tulan
om ogumu po. Poindalanon o soginumu ponoriukan di milo montok monokodung goos
porinta do mangakat boros BKD maya kinopuawangan koubasanan tinaru Kadazan Dusun
id nayatan pomogunan.

Haro ogumu bagas dii aanu tokou maya asil ponoriukan diti ii nopo nga maya
pambasaan om pongintangan rekod ponuatan asil ponoriukan diti kaanu i mamaamambasa
do monginruhang tinimungan boros diolo id Boros Kadazandusun di nakatayad miampai
kotutun yolo o komoyon om upa’ isoiso’ kakamot momutanom dii maya gambar di haro label
om katayadan do kogunoon isoiso’ kakamot dii. Toilaan diolo kokomoi kakamot momutanom
sabaagi iso’ roromu koubasanan toponsol id tinaru Kadazan Dusun nga koinlaab.

41

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Suai ko iri, noruhangan nogi o iso’ kaagu roromu sukuon montok roromu pibarasan
om pambalajaran id sikul. Tumanud di James Geoffry W. Molijoh (2015), ogumu ponoriukan
kokomoi boros, kaadat-adato’, kapanaandakan, koinusan om suusuai po milo poindalanon
om wonsoyon o buuk. Mantad diti kaanu toinsanan mogigion tinaru Kadazan Dusun do
toilaan mantad buuk dii nowonsoi om nokoimagon.

Maya ponoriukan diti nogi kopoimbulai o rahi mongilo lobi aralom om ogumu kokomoi
mogisuusuai roromu koubasanan tinaru Kadazan Dusun sumusuhut mamagatang toilaan
sandad komolohingan tinaru diti. Koposiliu o rahi om kabaalan diti kumaa iso’ ralan
pongindopuan miwoyo kapatayadan di James Geoffry W. Molijoh (2015) do oponsol kopio o
koimbulayan tongo monunuat ngawi montok isoiso’ mato balajalan tu’ akawas o pokionuan
buuk sukuan id sikul om nogi id Institut Pendidikan Guru (IPG).

SUKUON
Abbas, P. G., & Seyedah, M. A. (2011). Paper title: The effect of visual,auditory &

kinestetic learning styles on language teaching. In international Proceedings od
Economics Development and Research (pp V2469-V2474). Singapore: International
Conference on Social Science and Humanity.

Alfensius Guntur et al. (2016). Study Of Local Wisdom Paddy Rice Farmers In The
Village Huta Gurgur Ii In The District Silaen County Toba Samosir. Jom Faperta UR
Vol 3 NO 2. Naanu mantad https://www.neliti.com/publications/202881.

Brown, H. D. & Abeywickrama, P. (2010). Language assesment: Principles and classroom
practices (2nd edition). White Plains: Pearson Education Inc

Deny Hidayati (2016). Memudarnya Nilai Kearifan Lokal Masyarakat Dalam Pengelolaan
Sumber Daya Air. Jurnal Kependudukan Indonesia | Vol. 11 No. 1 Juni 2016 | 39-48.
Naanu mantad https://www.researchgate.net/publication/319567954

Donney Fred Desmond & Norjietta Julita Taisin (2018). Pengetahuan Lokal Dalam

Pertanian Masyarakat Kadazandusun Di Sabah. Persidangan Antarabangsa Sains

Sosial dan Kemanusiaan 2018 PASAK3 2018 23-24 April 2018. Kolej Universiti Islam

Antarabangsa Selangor. Naanu mantad

http://conference.kuis.edu.my/pasak3/images/eprosiding1/PASAK3_1106.pdf

Forsyth, C. J., & Copes, H. (2014). Encyclopedia of social deviance. California: SAGE
Publication Inc.

Goyol Gumpu. (Piturubungan, 7 Momuhau 2019)

42

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Heriyanto (2018). Thematic Analysis sebagai Metode Menganalisa Data untuk Penelitian
Kualitatif. Program Studi Ilmu Perpustakaan, Fakultas Ilmu Budaya, Universitas
Diponegoro, Jl. Prof. Soedarto, SH, Kampus Undip Tembalang, Semarang,Indonesia.
Naanu mantad https://www.researchgate.net/publication/331402314

Institut Pendidikan Guru Malaysia (2018). Buku Panduan Penyelidikan Etnografi.
Selangor Darul Ehsan: Cyberjaya.

Jacqueline Pugh-Kitingan. (2012). Kadazan Dusun. Kuala Lumpur: Institut Terjemahan &
Buku Malaysia.

Jasmi, K. A (2012). Metodologi Pengumpulan Data Dalam Penyelidikan Kualitatif. Kursus
Penyelidikan Kualitatif Siri 1 2012 di Puteri Resort Melaka. Naanu mantad
https://www.researchgate.net/publication /293097563

James Geoffry W. Molijoh (2015). Peluang kerjaya dalam Bahasa Kadazandusun (bolikan
8).Tuaran: Institut Pendidikan Guru Kampus Kent. Naanu mantad
http://ipkent.edu.my/document/pskent/pskent18/jurnal/142015/1.pdf

Jamshed, S. (2014). Qualitative research method-interviewing and observation. Journal of
Basic and Clinical Pharmacy, 5 (4), 87-88. Naanu mantad
https://www.ncbi.nih.gov/pmc/articles/PMC4194943

Kementerian Pendidikan Malaysia (2011). Puralan Boros Boros Kadazandusun id Sikul.
Putrajaya: Bahagian Pembangunan Kurikulum, Kementerian Pendidikan Malaysia.

Kementerian Pendidikan Malaysia (2016). DSKP Bahasa Kadazandusun Tahun 2.
Putrajaya: Bahagian Pembangunan Kurikulum, Kementerian Pendidikan Malaysia.

Lee Keok Cheong, Zakri Abdullah & Chua Lay Nee. (2018). Penyelidikan dalam
Pendidikan. Shah Alam: Selangor Darul Ehsan.

Maria Binson. (Piturubungan, 10 Momuhau 2019)

Mary Gimbuk. (Piturubungan, 12 Momuhau 2019)

Medusin Kapitan. (Piturubungan, 17 Momuhau 2019)

Minah Sintian et al. (2018). Kearifan Lokal Masyarakat Kadazandusun Dalam Pertanian
Membantu Pelestarian Alam. Persidangan Antarabangsa Sains Sosial Dan
Kemanusiaan Kali Ke-3 di Kolej Universiti Islam Antarabangsa Selangor. Naanu
mantad https://www.researchgate.net/publication/332371600

Minah Sintian et al. (2019). Pengetahuan Lokal Masyarakat Kadazandusun dalam
Pemeliharaan dan Pemuliharaan Alam. Persidangan Antarabangsa Sains Sosial
Dan Kemanusiaan Kali Ke-3 di Kolej Universiti Islam Antarabangsa Selangor. Naanu
mantad https://www.researchgate.net/publication/337888951

Paula @ Yamoi Yakok. (Piturubungan, 15 Momuhau 2019)

Poulus Galaman. (Piturubungan, 11 Momuhau 2019)

Rosliah Kiting (2017). Siriban Kadazandusun. International Conference On Teaching and
Learning Kuching , Sarawak on 3-4 of April 2017, At Majestic Hotel Kuching
Sarawak, Volume: 1. Naanu mantad
https://www.researchgate.net/publication/315515643

43