SOMPURUAN ARTIKEL JURNAL PONORIUKAN BKD 2016

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Hockett, C. 1958. A course in Modern Linguistics. New York: Macmillan.

Mohd Majid Konting. (2005). Kaedah penyelidikan pendidikan. Kuala Lumpur: Dewan

Bahasa dan Pustaka.

Conference Paper

Jasmi, K. A. (2012). Metodologi Pengumpulan Data Dalam Penyelidikan Kualitatitif In Kursus
Penyelidikan Kualitatif Siri 1 2012 At Puteri Resort Melaka. Naanu Mantad URL:
Https://Www.Researchgate.Net/Publication/293097563_Metodologi_Pengumpulan_
Data_Dalam_Penyelidikan_Kualitatitif/Link/5c0234e0a6fdcc1b8d4d2e10

Zamri Mahamod. (2015). Strategi pembelajaran: Inventori cara belajar Bahasa Melayu.
Kuala Lumpur: Dewan Bahasa dan Pustaka.

Suat abal internet

Roshlawaty Raieh. (2015). Kurang yakin, malu punca lemah BI. Sinar harian. Noloyog id
www.sinarharian.com.my/rencana

94

Sompuruan Artikel Jurnal Ponoriukan PISMP Boros Kadazandusun Ambilan Jun 2016

TINUNTURU DUSUN ID KAMPUNG GIRING, RANAU.

ISNI SINGGARI¹
Linah Bagu @ Siti Nurlina Binti Abdullah

Institut Pendidikan Guru Kampus Kent¹

[email protected]
[email protected]

ABSTRAK
Ponoriukan nopo diti nga kokomoi tinunturu i winonsoi do tinaru Dusun id
kampung Giring Ranau Sabah. Pinoindalan o ponoriukan diti tumanud
kapatayadan kobolingkaangan do ponoriukan i nokito ii no okuri o sukod wagu
i kiginawo montok tumungkus do kabaalan momonsoi tinunturu id kampung dii
mulong po do kiwaa molohing di abaal momonsoi do mogikaakawo tinunturu.
Objektif nopo do ponoriukan diti nga mongintutun tinunturu sandad id
kampung Giring Ranau, mongilo tadon kabaalan momonsoi tinunturu id
Kampung Giring Ranau om mongilo do kounalan kabaalan momonsoi
tinunturu dii. Tudu nopo do kopoindalanan ponoriukan diti nga montok mongilo
maya lobi aralom kokomoi tinunturu i nowonsoi do tinaru Dusun id kampung
Giring Ranau om sabaagi pendokumentasian kokomoi do tinunturu dii.
Kopohompit o ponoriukan diti do kawo-kawo tinunturu i nowonsoi, kakamot-
kakamot i ginuno om laang-laang momonsoi do tinunturu miampai kounalan do
kabaalan momonsoi tinunturu. Ponoriukan nopo diti nga ponoriukan etnografi
mikro i kibontuk do kualitatif kopohompit di mononoriuk kaampayat sondii di
tulun i abaal momonsoi do mogikaakawo tinunturu id kinoyonon ponoriukan.
Instrumen nopo montok kopoindalanan ponoriukan diti nga ponguhatan
ponorubungan om pongintangan id kinoyonon ponoriukan. Maya asil
ponoriukan, kiwaa 12 kawo tinunturu i nowonsoi do tulun Dusun id kampung
Giring Ranau. Koinsanai kakamot i gunoon montok momonsoi do tinunturu nga
naanu mantad posorili miagal ko wakau, lias om wulu’. Montok momonsoi do
kakamot ngawi dii, mositi no do kiwaa kaida om teknik di kotunud mooi kaanu
papaasil tinunturu di olumis om odoropi. Asil do ponoriukan diti nopo nga osiliu
sabaagi kakamot dokumentasi montok kopoosilan tinunturu i miilo sukuon do
mongingia’, tangaanak sikul om i mononoriuk wagu id timpu dumontol.
Kunsi Boros: Tinaru Dusun, Tinunturu, etnografi mikro

95

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Kajian ini adalah tentang kraftangan yang dihasilkan oleh kaum Dusun di
kampung Giring Ranau Sabah. Kajian ini dijalankan berdasarkan pernyataan
masalah yang dikenalpasti iaitu amat sedikit golongan muda yang berminat
untuk mewarisi kemahiran membuat kraftangan tersebut sedangkan ada
individu yang sudah lanjut usia mempunyai kepakaran dalam membuat
pelbagai jenis kraftangan di kampung tersebut. Objektif kajian ini ialah
mengetahui kraftangan tradisional dan asal-usul kemahiran membuat
kraftangan tradisional kaum Dusun di kampung Giring Ranau dan juga
mengetahui kebaikan kemahiran membuat kraftangan tersebut. Tujuan kajian
ini dijalankan adalah untuk mengetahui dengan lebih terperinci tentang
kraftangan yang dihasilkan oleh kaum Dusun di kampung Giring Ranau dan
sebagai pendokumentasian tentang kraftangan tersebut. Kajian meliputi jenis-
jenis kraftangan yang dihasilkan, bahan-bahan yang digunakan dan langkah-
langkah menghasilkan kraftangan serta kebaikan mempunyai kemahiran
dalam membuat kraftangan tersebut. Kajian ini merupakan kajian etnografi
mikro berbentuk kualitatif melibatkan pengkaji secara langsung bersama
individu yang mahir dalam membuat pelbagai jenis kraftangan di lokasi kajian.
Instrumen yang digunakan untuk mengumpul data dalam kajian ini ialah
soalan temu bual dan senarai semak pemerhatian di kawasan lapangan.
Kajian mendapati sebanyak 12 jenis kraftangan yang dihasilkan oleh kaum
Dusun di kampung Giring Ranau. Bahan yang digunakan untuk membuat
kraftangan terdiri daripada bahan semulajadi seperti rotan, lias dan buluh.
Setiap bahan tersebut memerlukan kaedah dan teknik yang betul untuk
menyediakannya bagi mendapatkan hasil kraftangan yang cantik serta kemas.
Hasil kajian ini akan menjadi bahan dokumentasi penghasilan kraftangan
yang bakal dirujuk oleh guru-guru, pelajar-pelajar dan murid-murid serta
pengkaji akan datang dalam bidang bahasa dan budaya kaum Dusun.
Kata Kunci: Kaum Dusun, kraftangan, etnografi mikro

KOPOINTUTUNAN

Tinunturu nopo nga iso elemen koubasanan i kopokito do identiti isoiso tinaru.
Komoyon nopo nga nung otutunan tokou o isoiso tinunturu nga kotutun tokou nogi do
tinimungan tulun i minomonsoi do tinunturu dii. Tumanud do Akta 222-Akta Perbadanan
Kemajuan Kraftangan Malaysia (1979), tinunturu toiko kraf nopo nga iso kakamot i naasil
momoguno kabaalan longon, i pinaasil miampai au momoguno toiko momoguno do bakaang
ouhan. Tinunturu nopo nga manifestasi inus koubasanan om tinungkusan i nasanganu do
sontinimungan tulun i pinotungkus mantad komolohingan om nokoimpuun do pinokomersial
sabaagi iso bontuk titungkap id gana podtuongisan (Johan Johnes & Jabil Mapjabil, 2019).

Pinoindalan o ponoriukan diti id Kampung Giring Ranau Sabah montok mongilo om
mongintutun tinunturu do tinaru Dusun id kampung dii. Kiwaa tulun di abaal monunturu id
kampung dilo nga okuri sukod wagu di orohian momit do kabaalan dii. Maya kinosimbanon
timpu, okuri no dii o tulun di abaal kopio kokomoi tinunturu om malup-talup no dii o
koubasanan dilo.

96

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KAPATAYADAN KOBOLINGKAANGAN PONORIUKAN
Nokoimbulai o idia montok popoindalan do ponoriukan diti maya piipiro

kobolingkaangan di notimbabaan. Okuri o sukod wagu i kiginawo do minsingilo om
popotilombus do tungkus koubasanan momonsoi tinunturu id kampung Giring Ranau. Aiso
nogi sukod wagu di abaal kopio do momonsoi do tinunturu. Komolohingan i angabaal nogi
nga okuri no tu ogumu no i nokoibok minuli pogun. Mantad no dilo do nokoimbulai o idia om
angkab montok monoriuk do komilaan momonsoi tinunturu id kinoyonon ponoriukan di
nopili mooi au atagak o tungkus dii.
TUDU, OBJEKTIF OM TUHOT SORIUK

Poindalanon o ponoriukan diti montok mongilo om mongintutun do tinunturu id
kampung Giring Ranau om sabaagi iso ralan montok popotilombus do tungkus koubasanan
dilo maya pendokumentasian. Suai ko ii, ponoriukan diti nogi nga montok susukuon do
sukod wagu toiko’ tulun ginumuan loolobi no tulun id kinoyonon ponoriukan do mongilo
kabaalan momonsoi tinunturu tu’ komolohingan nopo di angabaal momonsoi do tinunturu
nga maid-laid nga muri-kuri loolobi po do okuri kopio o sukod wagu di kirahi do momit do
kabaalan dilo.
TUDU SORIUK
1. Mongintutun tinunturu sandad id kampung Giring Ranau.
2. Mongilo tadon kabaalan momonsoi tinunturu id kampung Giring Ranau.
3. Mongilo do kounalan kabaalan momonsoi tinunturu.
TUHOT SORIUK
1. Nunu o tinunturu sandad id kampung Giring Ranau?
2. Honggo tadon do kabaalan momonsoi tinunturu id kampung Giring Ranau?
3. Nunu o kounalan kabaalan momonsoi tinunturu?

97

Sompuruan Artikel Jurnal Ponoriukan PISMP Boros Kadazandusun Ambilan Jun 2016

METODOLOGI
KOPOINTUTUNAN

Id bab 3 nopo diti nga kopohompit do reka bontuk ponoriukan, responden om
kinoyonon ponoriukan, instrumen ponoriukan om prosedur koponimungan data. Ponoriukan
nopo diti nga tumanud do kaida ponoriukan kualitatif i no poindalanon montok monoriuk
kokomoi tinunturu id kampung Giring Ranau.
REKA BONTUK PONORIUKAN

Reka bontuk nopo do ponoriukan diti nga etnografi mikro ii no monoriuk do tinunturu
do tulun Dusun id kampung Giring Ranau. Montok kopoindalanan do ponoriukan diti,
gunoon o duo kaida ponimungan data ii no ponorubungan om pongintangan.
MAMAMPAYAT OM KINOYONON PONORIUKAN

Mamampayat ponoriukan toiko responden nopo i pillion montok kopoindalanan do
ponoriukan diti nga songulun mogigion i abaal momonsoi do mogikaakawo tinunturu
sandad, otinagas do Dusun om tulun sandad id kinoyonon ponoriukan. Poindalanon o
ponoriukan diti id kampung Giring watas Ranau.

Peta 1. Watas Ranau
Sumber: https://goo.gl/maps/UprLa3y4wLSaEQqC8.

98

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Peta 2. Kampung Giring Ranau
Sumber: https://goo.gl/maps/jj1wsxiv5Ya8xqZR8.
INSTRUMEN PONORIUKAN
Instrumen nopo i gunoon montok kopoindalanan do ponoriukan diti nga borang
ponguhatan ponorubungan kistruktur om sanarai simak pongintangan. Ponorubungan
kistruktur nopo nga kopohompit di mononoriuk do popotounda mantad do ponguhatan tintod
do poindalanon o ponorubungan om ponguhatan nopo di nga au minsimban (Lambert,
2012). Gunoon o duo instrumen diti montok manganu om monimung do data i kaanu
monimbar do ponguhatan ponoriukan om kodimpot do objektif ponoriukan.
PROSEDUR KOPONIMUNGAN DATA
Kiwaa apat prosedur montok monimung data id ponoriukan diti. Okito o prosedur dii id
Jadual 1:

99

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Prosedur Aspek i powonsoion
Prosedur 1
Prosedur 2 Manganu do suat kasagaan mantad pangarah IPG
Prosedur 3 Kampus Kent montok popoindalan do ponoriukan diti id
kampung Giring Ranau.
Prosedur 4
Momili songulun sabaagi mamampayat ponoriukan
montok manganu maklumat montok monimbar do
ponguhatan om momodimpot do objektif ponoriukan.

Popoindalan ponorubungan kistruktur kumaa songulun
mogigion id kinoyonon ponoriukan montok manganu do
data.
Powonsoyon o pongintangan lapangan montok
monimung data i kosimbar do ponguhatan om kosudong
do objektif ponoriukan.

Timungon ngawi o data i naanu maya piipiro instrumen
om maan rindokoo’ tumanud nuludan do ponguhatan id
ponoriukan.

Jadual 1. Prosedur Koponimungan Data

PROSEDUR KOPOMORINDAKAAN DATA

Montok manganalisis data id ponoriukan diti, momoguno i mononoriuk do kaida
manual om au minomoguno do nunu-nunu perisian. Rindokoon o asil ponorubungan
momoguno do transkripsi data i naanu mantad rakaman audio om video. Uludon nogi o
data-data i naanu maya pongintangan om posolimbahon momoguno jadual, rajah om
gambal.

POMOLINGKUMAN

Montok do pomolingkuman, bab diti nopo nga montok popotolinahas do metodologi
ponoriukan ii gunoon montok mogihum om nogi maganu do data id ponoriukan diti. Aspek
nopo i kohompit id metodologi ponoriukan diti nga kaampai no reka bontuk ponoriukan,
mamampayat om kinoyonon ponoriukan, instrumen ponoriukan, prosedur koponimungan
data om prosedur kopomorindakaan data.

100

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ASIL OM POGIBAABARASAN
Profile Mamampayat Ponoriukan

Gambal 1. MP Inan Kesemoh Sagandang
Responden toiko’ mamampayat ponoriukan (MP) nopo i nopili id ponoriukan diti nga i
inan Kesemoh Segandang songulun molohing tondu di abaal momonsoi do mogikaakawo
tinunturu id kinoyonon ponoriukan i potinagas do Dusun om tulun sandad id kinoyonon
ponoriukan. Kiumul isido do 62 om nosusu ontok 12 Milau toun 1958. Kalaja nopo dau nga
momutung gata’ om mananom kinotuan. Dialek nopo dau nga Dusun Talantang id kampung
Giring Ranau, Sabah.
Analisis Pongintangan
Nabaagi kumaa apat boogian o asil pongintangan tumanud sanarai simak do
pongintangan ii no kawo tinunturu sandad, kakamot sandad pomonsoi do tinunturu, laang
momonsoi kakamot pomonsoi do tinunturu om laang-laang mamatuw toiko’ momonsoi do
tinunturu.

101

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Rilibu Raya’ Rinago’ Tompiroi

Bubu Balod/wakid Pais Barait

Dangol Tundalo/Rambot Sinorut Basung

Rajah 1. Kawo-kawo Tinunturu Sandad id Kampung Giring Ranau

Lias Wakau Wulu’

Sonsonon Roun Rumbio Papa’ Rumbio

Rajah 2. Kakamot Sandad Pomonsoi Tinunturu

102

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Ihumon po i guas di Onitan om iduon i kulit
wakau om tatason om gisom nonggo i onuon.

onitan nogi.

Iduon toinsanai i kulit Kokitanan wakau di
gisom okito o watang di noonitan/noidu’ kulit.

wakau id saralom.

Rajah 3. Laang Manganu Wakau id Talun

Lapakon i Lapakon
wakau kawagu i

sangkayu wakau
kumaa duo nalapak
kumaa duo
boogian. boogian.

Orusan i Kokitanan
wakau dii wakau
mooi ouhan
popoogot. noorusan
om miilo no

gunoon.
Rajah 4. Laang Mangarus Wakau

103

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Lapakon i watang Onuon i kulit. Poriliton do kayu
sonsonon. gisom olonot om miilo

no gunoon.

Rajah 5. Laang Manganu Togiwis Mantad Kulit Sonsonon

Manganu do piipiro Lias di onuon (okuri Boogion kumaa limo
watang lias. po roun). soginayo golihing/
tumanud ginayo’ di
watang lias .

Woolon i lias montok Poilion i pais id Putulon i lias nowool
manganu di tanga-tanga’ di lias kumaa duo
nowool om gayaton
bongkuris miagal tinimungan anaru om
gambal id sawat nogi. oniba.

Rajah 6. Momonsoi Kakamot Wotuon do Tinunturu Rilibu

104

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Manatas do Kiroun limo Putulon om lapakon Lapakon i wulu’
wulu’. toiko' onom. nogi kumaa duo boogian koiso
boogian. kumaa limo.
boogian om i
boogian koduo

nga ingkaa
nogi.

Wulu’ nopo i Iso nopo wulu di Pitongkiadon i Wulu’ i nowool
nalapak nga nalapak nga apat lapis. roitan do
orusan o disan woolon kumaa winuulan.
mooi au atarom. apat lapis.

Rajah 7. Laang Momonsoi Winuulan Pomonsoi Tinunturu Raya’

Jadual 1. Formula Mamatu Tinunturu Raya’

Gin. Formula Katalangan
1. W1:222 W1 nopo nga wotuan 1 momoguno pongitaban 2,2,2.
2. W2:1221 W2 nopo nga wotuan 2 momoguno pongitaban 1,2,2,1.
3. W3:Opsk+1(tn2) W3 nopo nga wotuan 3. Opsk+1 (tn2) nopo nga
ponginibaan do ‘onuon ponong sawat kopio+1, toliban 2’.

105

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Wotuan koiso (1, 2, 5, 2 )

Wotuan koduo (5, 2, 3)

Wotuan kotolu (2, 2, 5, 1 )
Wotuan kaapat om tumilombus ( momoguno formula 2
tungagon, 5 toliban).

Rajah 8. Formula Mamatuw Tinunturu Rilibu Id Boogian Soribau

a) Tungagon b) Toliban iso. c) Tungagon
ponong kopio ponong siriba kopio.

sawat.

e) Uliton kawagu d) Toliban apat.
laang (a)-(d) gisom

opongo.

Rajah 9. Laang Mamatu Boogian Saralom do Tinunturu Rilibu

Gambal 2. Popotounda Kakamot Momonsoi Sinorut

106

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Gambal 3. Katalangan Monimpuun Monorut
• Lowisan o pompod koiso om timbogoson o pompod koduo di wakau
A noorusan.
• Onuon i wulu' di noputul om lapakon id pompod montok posisipan di
B roun rumbio id kotimpuunon .
• Lopion i roun rumbio om posisipon id liwang di linapak.
C
• Posuluon i pompod wakau noorusan id pompod somputul di
D notimbagos.

Rajah 10. Katalangan Monimpuun Monorut

107

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Gambal 4. Laang-laang Monorut

Analisis Ponorubungan
Jadual 2. Boogian Tumanud Ponguhatan id Ponorubungan

Gin. Boogian
1. Kakamot sandad pomonsoi do tinunturu.
2. Kooturan manganu do kakamot sandad pomonsoi tinunturu.
3. Kinotimpuunon komilaan momonsoi mogikaakawo tinunturu do tinaru Dusun.
4. Tadon kabaalan momonsoi tinunturu do MP.
5. Kounalan kabaalan momonsoi tinunturu kumaa tinan om paganakan sondii.
6. Kounalan kabaalan momonsoi tinunturu kumaa tinaru.

108

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Batu
Suban
Sonsonon/timbagan
Rajah 11 . Kakamot Sandad Pomonsoi Tundalo/Rambot

Wakau
Sonsonon

Rajah 12. Kakamot Sandad Pomonsoi Barait

109

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Lingkong

Kawang-kawang

Wakau
Rajah 13. Kakamot Pomonsoi Raga’ Rinago’

Onuon antakan otuo Au atanud Bubukon.
o wulan. Atanud
Akanon tarawas.

Osonong om alaid
do araag.

Rajah 14. Kooturan Manganu do Kakamot Pomonsoi Tinunturu

110

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Kinotimpuunon Om Tadon Komilaan Momonsoi Mogikaakawo Tinunturu Do Tinaru
Dusun.

i. Mantad susuyan tondu minulau.
ii. Tinungkusan mantad tobpinai.

Manahak
gatang

kumaa tinan
sondii.

Toud Kounalan Korohian do
kousinan tulun

manansawo.

Popotounda
kakamot i
gunoon
sondii.

Rajah 15. Kounalan Kabaalan Momonsoi Tinunturu

111

Sompuruan Artikel Jurnal Ponoriukan PISMP Boros Kadazandusun Ambilan Jun 2016

POMOLINGKUMAN, SOGU, BAGAS
Sogu

a) Monoriuk o mononoriuk wagu do tinunturu id kampund suai.
b) Soriukon o tinunturu id watas Ranau toiko’ watas suai.
c) Poindalanon o ponoriukan i kopohompit do piipiro mamampayat ponoriukan.

Pongia’an
BKD id IPG.

Tinaru BAGAS Pongiaa’an
Kadazan BKD id sikul

Dusun tosiriba.

Mononoriuk
wagu

Rajah 16. Bagas Kinopoindalanan do Ponoriukan
POMOLINGKUMAN

Sabaagi pomolingkuman, nakaanu i mononoriuk do popotolinahas om papatayad
maya osorisid kokomoi asil do ponoriukan tumanud instrumen ponoriukan i ginuno id
ponoriukan di pinoindalan. Instrumen ponoriukan nopo i ginuno’ id ponoriukan diti nga
sanarai simak pongintangan om ponguhatan ponorubungan kistruktur.

112

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Asil om pogibaabarasan id ponoriukan diti nopo nga nakaanu popotolinahas kumaa
lobi aralom kokomoi tinunturu id kinoyonon ponoriukan kaampai no kawo tinunturu, kakamot
pomonsoi, kooturan, kounalan om suusuai po. Suai ko ii, asil ponoriukan diti nogi nga osiliu
sabaagi iso pendokumentasian kokomoi tinunturu do tinaru Dusun i miilo sukuon do isai-isai
nopo i manu minsingilo do koubasanan dilo.

SUKUON

Irene Benggon Charuruks & Janette Padasian (Eds). (1993). Cultures, Costumes and

Traditions of Sabah Malaysia. Sabah: Sabah Tourism Promotion Corporation.

Jackueline Pugh-Kitingan. (2012). Kadazan Dusun. Kuala Lumpur: Universiti Malaysia
Sabah.

Kementerian Pendidikan Malaysia. (2018). Buku Panduan Penyelidikan Etnografi.
Selangor: Institut Pendidikan Guru Malaysia.

Rita Lasimbang. (1997). An Introduction to The Traditional Costumes of Sabah.
Sabah: Natural History Publications(Borneo).

Alsound, K.,& Mahgoub, Y. (2015). The Impact of Handicrafts on the Promotion of

Cultural and Economic Development for Students of Art Education in Higher
Education. Journal of Literature and Art Studies, 5(6), 471-479.

Salmah Omar, Philip Lepun & Ribka Alan. (2016). Etnik dan Pembentukan Landskap
Budaya Malaysia: Seni Anyaman Tikar Orang Ulu Sarawak. Malaysian Journal of
Society and Space, 12(10), 21 – 28.

Bell Su’ut. (2013). Estetika “Bakad” Masyarakat Lun Bawang Lawas, Sarawak: Satu di
Kelangsungan Pendidikan Informal’. Noloyog mantad

https://docplayer.net/47445966-Estetika -bakad-masyarakat-lun-bawang-

lawas-sarawak-satu-kelangsungan-pendidikan-informal-bell-su-ut.html.
Jurry Foo. (2019). Pemuliharaan Warisan Kebudayaan Melalui Sistem Tagal Sungai

Sabah. Noloyog mantad https://www.researchgate.

net/publication/334720986_PEMULIHARAAN_WARISAN_KEBUDAYAAN_M

ELALUI_SISTEM_TAGAL_SUNGAI_DI_SABAH.
Mohd Yuszaidy Mohd Yusoff. (2018). Pemuliharaan Warisan Budaya Melalui

Perundangan Warisan Dan Agensi Pelaksana Di Malaysia. Noloyog mantad

http://journalarticle.ukm.my/13129/1/28661-87547-1-SM.pdf.

113

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Nur Shalima Binti Marim. (2017). Warisan Tradisi Anyaman Wakid Kaum Dusun Di
Keningau Sabah. Noloyog mantad https://ir.unimas.my/id/eprint/23988/1
/Warisan%20tradisi%20anyaman%20(24%20pgs).pdf.

Nik Azma Nik Day. (2015). Perkembangan Industri Kraftangan Dan Kesannya Kepada
Ekonomi Di Negeri Kelantan. Noloyog mantad
https://ir.unimas.my/id/eprint/20017/.

Nor Haziyah Tengku Dahlam. (2015). Persepsi Golongan Muda Terhadap Kraftangan.
Noloyog mantad https://ir.unimas.my/id/eprint/182
03/1/Persepsi%20golongan%20muda%20terhadap%20kraftangan%20(24%2
0pages).pdf.

Noorajamsha Nasrin & Azizan H Morshdi. ( 2015). Traditional Parang & Metal Arms
Craftmanship in Kota Belud Sabah: An Overview. Noloyog mantad
https://www.researchgate.net/publication/287865708_Traditional_Par
ang_Metal_Arms_ Craftmanship_in_Kota_Belud_Sabah_An_Overview.

Rossida Kamal & Azizan H Morshdi . (2015). Kraftangan Tikar di Sabah: Satu TinjauanAwal.
Noloyog mantad https://docplayer.net/47341597-Kraftangan tikar-di-sabah-satu
tinjauan-awal-rosssida-kamal-azizan-h-morshidi-fkswuniversiti-malaysia-sabah
abstrak.html.

Salbiah Kindoyop. (2019). Strategi Pengurusan Produk Kraf Tempatan Etnik Dusun
Tindal di Sabah. Noloyog mantad https://ir.unimas.my/id/eprint/26375/.

114

Sompuruan Artikel Jurnal Ponoriukan PISMP Boros Kadazandusun Ambilan Jun 2016

‘SAPAAN’ KOMOLOHINGAN TINARU DUSUN ID KAMPUNG WASSAI

JENIFFER YAKIUN¹
James Geoffrey W Molijoh

Institut Pendidikan Guru Kampus Kent¹

[email protected]
[email protected]

ABSTRAK
Ponoriukan etnografi diti nopo nga’ kitudu’ do mongilo bontuk sapaan
komolohingandi kiumul do 40-70an id Kampung Wassai om mogintong nogi do
faktor di mangarahung do bontuk sapaan dii. Ponoriukan diti nopo nga’
kopohompit do tolu responden om piipiro tulun Kampung Wassai i nadadi do
informan. Mantad do pongintangan pogulu, bontuk sapaan id Kampung
Wassai nopo nga’ okon ko miagal sapaan koubasanan i no ‘Sonong
kosuabon’, ‘Kopisanangan’, om ‘Sonong totuong’. Ii no do, moi do mongilo
bontuk sapaan om nogi faktor bontuk dii, pinoindalan ponoriukan etnografi id
kampung diti. Laang nopo minaganu data nga’ maya do pongintangan,
ponorubungan om perekodan. Id proses analisis data diti nogi, noguno o
kaida’ triangulasi om nogi ponoriukan pustakaan moi do mongilo teori-teori di
kosokodung do asil ponoriukan. Analisis data nopo nga’ naanalisis miampai
kualitatif ii no analisis tumanud tema om kategori. Id proses analisis data diti
nogi, noguno o kaida’ triangulasi om nogi ponoriukan pustakaan moi do
mongintong teori-teori di kosodung do data di naanu. Asil ponoriukan
pinopokito do bontuk sapaan id Kampung Wassai nopo nga’ abaagi do duo ii
no soira kopiruba id tindalanon nopo nga sapaan id bontuk ponguhatan om
sapaan i sumuku do woyo posorili. Soira kopiruba id panambayangan haro
apat bontuk sapaan: tumabi + moboros, kumombit + moboros, moboros
tumanud kaantakan om sapaan id bontuk ponguhatan. Maya do asil
ponoriukan nogi, nokito do bontuk sapaan molohing kumaa sukod wagu nopo
nga’ miagal do bontuk sapaan molohing kumaa molohing. Bontuk sapaan do
molohing kumaa tangaanak nopo nga’ lobi ko id bontuk do pononsunudan om
pongunsuban. Mantad asil ponoriukan diti nogi, nokito do haro limo faktor di
mangarahung do bontuk sapaan ii no faktor kogoyoon kampung, faktor ginirot
piisaan om pirotian, faktor maamaan toi ko’ kalaja, faktor kolinuudan boros om
faktor koubasanan sandad.

Kunsi Boros : Bontuk, mangarahung, sapaan, faktor.

115

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK

Kajian etnografi ini bertujuan untuk mengetahui bentuk sapaan orang tua yang
berumur 40 – 70an di Kampung Wassai serta mengetahui faktor yang
mempengaruhi bentuk sapaan tersebut. Kajian i ini melibatkan tiga orang
responden dan beberapa orang di Kampung Wassai yang dijadikan informan.
Berdasarkan pemerhatian awal, bentuk sapaan di Kampung Wassai tersebut
bukan seperti bentuk sapaan kebiasaan, contohnya, ‘selamat pagi’, ‘salam
sejahtera’ dan ‘selamat malam’. Oleh itu, bagi mengetahui bentuk sapaan dan
faktornya, kajian etnografi ini telah dijalankan di kampung tersebut. Data telah
dikumpul dengan tiga cara iaitu melalui pemerhatian, temubual dan
perekodan. Analisis data pula telah dijalankan secara kualitatif iaitu analisis
mengikut tema dan kategori. Dalam proses analisis data juga, kaedah
triangulasi data telah digunakan iaitu melalui data pemerhatian dan
perekodan, temubual dan juga kajian pustakaan untuk mengetahui teori-teori
yang boleh menyokong dapatan kajian. Dapatan kajian telah memperlihatkan
bahawa, bentuk sapaan di Kampung Wassai terbagi kepada dua iaitu semasa
berjumpa di tengah jalan adalah sapaan bentuk soalan, dan sapaan yang
merujuk kepada keadaan alam sekitar. Semasa di tempat beribadah pula
terdapat empat bentuk sapaan iaitu salam + mengajukan kata-kata, kumombit
+ mengajukan kata-kata, sapaan merujuk kepada situasi dan sapaan
berbentuk pertanyaan. Melalui dapatan kajian ini juga, bentuk sapaan dalam
kalangan orang tua dan orang muda adalah sama dengan sapaan orang tua
kepada orang tua. Bentuk sapaan orang tua kepada kanak-kanak lebih
berbentuk nasihat dan dorongan. Dapatan kajian juga mendapati terdapat lima
faktor yang mempengaruhi bentuk sapaan iaitu faktor keluasan kampung,
faktor perpaduan dan persefahaman, faktor pekerjaan atau aktiviti, faktor
kesantunan bahasa dan faktor budaya.

Kata Kunci : Bentuk, mempengaruhi, panggilan, faktor.

KOPOINTUTUNAN

Sapaan nopo nga’ iso’ kaida’ di gunoon do sumuau toi ko’ popotimpuun do pibarasan

(Awang Sariyan, 2007 id suang dii Salbia Hassan om Daya Sariah Abang Suhoi, 2007).
Mantad dii, ponoriukan nopo diti nga’ kokomoi do sapaan do komolohingan tinaru Dusun id
Kampung Wassai di kiumul do 40 gisom 70 toun. Sapaan id Kampung Wassai id pialatan do

komolohingan nopo diti nga’ okon ko miagal koubasanan miagal ko’ “Selamat pagi” toi ko’

“Osonong kosuabon”, om okon nogi ko’ “Selamat sejahtera” toi ko’ “Kopisanangan”. Mantad
pongintangan, nokito do poinsuusuai o bontuk sapaan do komolohingan tinaru Dusun id

Kampung Wassai dii. Suai ko ii, id ponoriukan nogi diti nga’ monoriuk kokomoi do faktor di
mangarahung do bontuk sapaan do komolohingan tinaru Dusun id Kampung Wassai dii.
Sapaan nopo nga’ iso’ aspek do boros toi ko’ komunikasi di kaanu do mangarahung woyo
do mogibooboros dii tu’ mantad do sapaan no do oilaan i tulun dii olinuud toi ko’ au om
mantad sapaan nga’ oilaan nunu tudu’ di sosongulun di do menyapa. Tumanud dii Saleh om
Nasrullah (2018), pomilian boros di gunoon do menyapa nopo nga’ popokito do kolinuudan
sosongulun dii. Ii no mantad do sapaan do komolohingan tinaru Dusun id Kampung Wassai

116

Sompuruan Artikel Jurnal Ponoriukan PISMP Boros Kadazandusun Ambilan Jun 2016

di poinsuusuai diti nopo nga’ popokito nangku do au yolo olinuud? Mantad dii, pinoimbulai iti
ponoriukan moi do mongilo kopio do bontuk sapaan do komolohingan tinaru Dusun id
Kampung Wassai dii om nunu o faktor di mangarahung do bontuk sapaan diolo moi do
kaanu popoilo kumaa tulun suai kokomoi do sapaan id kinoyonon diti.
KOPOINTALANGAN KOBOLINGKANGAN

Toinsanan kinoyonon nopo nga’ haro o koubasanan sondii, miagal nogi id Kampung
Wassai tu’ haro o koubasanan di haro pisuayan doid kinoyonon do wokon. Mantad dii,
oponsol kopio do poindalanon ii ponoriukan diti tu’ aiso po i nokopoindalan do ponoriukan
kokomoi do koubasanan tulun Dusun id Kampung Wassai diti. Tumanud dii Saleh om
Nasrullah (2018) nogi, sapaan nopo nga’ iso’ i popokito do kolinuudan do tulun di
mobooboros dii. Mantad dii, ponoriukan diti nogi nga’ kaanu do monguyad do koubasanan i
no kokomoi do ‘sapaan’ do tinaru Dusun id Kampung Wassai. Miagal ko’ kaanu mongilo
poingkuro om nokuro tu’ mirad dii i koubasanan do sapaan id Kampung Wassai moi do au
karati om au mongintong do komolohingan id kinoyonon dii nopo nga au olinuud.
Ponoriukan dii nogi nga’ maan poindalano sabaagi iso’ laang do mongingumu do susukuon
kumaa mononoriuk mokikiinobos Boros Kadazandusun id Institut Pendidikan Guru Kampus
Kent dii. Ii nopo nga’ okuri po mokiikinobos di nokoponoriuk momoguno do ponoriukan suai
ko ponoriukan tindakan.
TUDU
1. Mongilo do bontuk ‘sapaan’ do komolohingan tinaru Dusun id Kampung Wassai.
2. Mongilo do faktor mangarahung bontuk ‘sapaan’ tinaru Dusun id Kampung

Wassai.
TUHOT
1. Poingkuro o bontuk ‘sapaan’ do komolohingan tinaru Dusun id KampungWassai?
2. Nunu o faktor mangarahung do bontuk ‘sapaan’ tinaru Dusun id Kampung

Wassai?

117

Sompuruan Artikel Jurnal Ponoriukan PISMP Boros Kadazandusun Ambilan Jun 2016

METODOLOGI PONORIUKAN
Ponoriukan nopo diti nga’ minomoguno do kaida’ ponorubungan om perekodan,
pongintangan om nuut om analisis dokumen. Pongintangan nopo nga’ minomoguno do
pongintangan pointilombus om pongintangan pongampai, kaida’ ponorubungan om
perekodan nopo nga’ maya do ponorubungan separa kistruktur om au kistruktur. Analisis
dokumen nopo nga’ oguno do mongintong teori-teori om ponoriukan pogulu moi do
monokodung asil ponoriukan dii naanu mantad ponoriukan diti. Haro tolu tulun responden di
naanu montok do ponoriukan diti i kiumul id pialatan do 40 gisom 70 toun.

Tolu no tulun responden di naanu tu’ ponoriukan nopo diti nga’ iso ponoriukan bontuk
etnografi di momoguno do analisis om maganu data maya kualitatif. Ii nopo nga’ noboros dii
Moleong (2002) om Gumperz (1972) id suang di Marlyna Maros et. al. (2010) do ponoriukan
etnografi nopo nga’ ponoriukan di momoguno do ponginsamakan kualitatif di kaanu
mongohuyad om mangarati do isosio’ ahal di mionit do woyo komunikasi om id aspek-aspek
koubasanan.

Ponoriukan diti nogi nga’ suminuku do model pongintangan di Dell Hymes ii no model
SPEAKING sabaagai do iso’ susukuon do popoindalan maganu data maya do
pongintangan. Maya do model diti, naanu piipiro aspek model SPEAKING di Dell Hymes dii.

Data dii naanu nopo nga’ naanalisis maya do analisis tematik om kategori. Maya dii,
data di naanu nopo om naanalisis dii nga’ minangan wonsoyo do triangulasi data tumanud
model Triangulasi Data di Denzin (1978) id suang di Jasmi K.A. (2012) moi do maganu data
di koiso’ (utuh) do monimbar di tuhot soriuk dii

ASIL PONORIUKAN OM PIBARASAN
Maya do analisis data om triangulasi data, nakaanu do iso’ asil data di nokoiso’ om
monimbar do tuhot soriuk dii.

Tuhot soriuk : Nunu bontuk sapaan komolohingan id Kampung Wassai?
Bontuk sapaan nopo id Kampung Wassai nga’ abaagi doid piipiro kategori i naanalisis maya
tematik:

118

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Sapaan id tindalanon:
Tema:

a. Sapaan id bontuk ponguhatan. Sapaan id di sumuku do poguhatan dii nopo nga’ milo
do okito id poguhatan do kinoulian, poguhatan do kalaja toi ko’ maamaan om
poguhatan do kolidasan tinan.

b. Sapaan id bontuk do sumuku do woyo posorili. Sapaan di sumuku do woyo posorili
diti nopo nga’ okito id popotimpuun do pibarasan toi ko’ menyapa miampai do
moboros kokomoi ahal maamaso. Poomitanan, rumasam baino, otuong di baino aiso
karon toi ko’ agayo no nobuatan nu baino.

Sapaan id panambayangan :

Tema :

a. Sapaan : Tumabi + moboros. Sapaan diti nopo nga’ poguluanan do tumabi kumaa
tulun di ngoyon boros-boroso dii om suusuhuton do moboros do nuununu nopo ahal
di poboroson.

b. Sapaan : Kumombit + moboros. Sapaan diti nopo nga’ lobi okito id pialatan do
komolohingan di miagal o gender om lobi okito id koonduan.

c. Sapaan : Moboros tumanud kaantakan. Sapaan diti nopo nga’ poguluanan miampai
moboros do tumanud kaantakan ontok tadau dii. Poomitanan, ontok tadau minggu id
panambayangan moboros do “Osonong tadau minggu” om ontok tadau Krismas
nopo nga’ miagal ko’ “Kotobian tadau Krismas”.

d. Sapaan : Id bontuk poguhatan. Sapaan diti nopo nga’ id bontuk do poguhatan miagal
ko’ “Nokouli ko di baino?”

Sapaan tumanud umul :

Tema :

a. Molohing – Molohing om Molohing – Sukod wagu. Sapaan di gunoon id pialatan do
kategori diti nopo nga’ miagal id aspek do topik, intonasi tu’ haro no pirotian di
kopiadang.

b. Molohing – tanak. Sapaan id pialatan do molohing om tangaanak nopo nga’ lobi ko id
bontuk do kopongunsuban.
Poomitanan : Soira koruba i molohing di tangaanak.
Molohing : Teehi, kino nga’ aparu ko no mindahu.
Sapaan id pialatan do komolohingan om tangaanak nogi nga’ okito do lobi ko id
bontuk do pononsunudan.
119

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Poomitanan : Soira id panambayangan toi ko’ koruba mantad sikul.
Molohing : Kada kou no pingkalaid muli. / Kaino, kada kou no pinggangau,
sumambayang.

Mantad do asil dapatan diti, osokodung di Teori Paradigma Komunikasi dalam
Organisasi dii Omardin om Azhar (1990), i popokito do bontuk komunikasi i kosuang no i
sapaan nopo nga’ arahung do faktor-faktor posorili. Miagal id asil ponoriukan tu’ haro
mogisuusuai o bontuk tumanud do kaantakan di misuai.

Tuhot soriuk 2 : Nunu o faktor mangarahung do bontuk ‘sapaan’ komolohingan tinaru
Dusun id Kampung Wassai?

Maya do triangulasi data, haro dii piipiro faktor di nolingkum do mangarahung bontuk
sapaan id Kampung Wassai dii. Ii no;

a. Faktor kogoyoon kampung.
b. Faktor ginirot do piisaan om pirotian.
c. Faktor kolinuudan boros.
d. Faktor koubasanan sandad.
e. Faktor jantina om umul.

POMOLINGKUMAN, SOGU OM BAGAS

KOPOMOLINGKUMAN

Mantad do ponoriukan, nakaanu do monimbar ponguhatan om tudu’ do ponoriukan diti.

Rajah 1 : Paradigma Komunikasi id
Kampung Wassai

120

Sompuruan Artikel Jurnal Ponoriukan PISMP Boros Kadazandusun Ambilan Jun 2016

SOGU

Mantad do kopongintangan om asil ponoriukan diti, haro piipiro sogu do ponoriukan
sumusuhut di milo do poindalanon. I koiso’ nopo nga’ ponoriukan do sapaan do sukod wagu
kumaa sukod wagu. Tumanud di Saleh om Nasrullah (2018), ginirot do piombolutan doid
sukod wagu nopo nga’ kaanu mangarahung do kolinuudan bontuk sapaan. Mantad dii
pinosogu iti gama no do, sapaan do sukod wagu kumaa sukod wagu id Kampung Wassai
diti nopo nga’ poinsuai ko mantad bontuk sapaan do komolohingan dii. Mantad dii, milo do
soriukon kawagu bontuk om faktor do bontuk sapaan do sukod wagu id Kampung Wassai
dii.

Tumanud di Gumperz, ralan mikomunikasi nopo do tiisoiso’ tinimungan nga’ haro
piagalan poimbida om misuai ii mantad do tinimungan suai (Daroe Iswatiningsih, t.t). Mantad
dii, sogu di sumusuhut nopo nga’ ponoriukan kokomoi do bontuk sapaan tinaru Kadazan om
Dusun id pogun Sabah. Mantad do pongintangan, sapaan id Kampung Wassai diti nopo
nga’ iso’ koubasanan di noigitan. Mantad dii milo poindalanon iso’ ponoriukan di mongilo do,
bontuk sapaan diti nopo nangku nga’ kaagal do toinsanan tinaru Kadazan om Dusun id
pogun Sabah, toi ko’ id Kampung Wassai no i momoguno do bontuk sapaan dii.

Tumanud dii Sogu di tohuri nopo nga’ ponoriukan kokomoi piadangan do
koubasanan menyapa doid komolohingan om tangaanak. Tumanud dii Iti nopo nga’ gama
no do nokito tangaanak id Kampung Wassai dii nopo nga’ okuri i koubasanan do menyapa
doid tiso om tiso. Ii no do milo intangan faktor do karahung kobolingkangan diti.

BAGAS

Mantad do ponoriukan diti nakaanu manahak do bagas kumaa piipiro koulunan. Koiso’ nopo
nga’ kaanu manahak do bagas kumaa koubasanan menyapa do tinaru Dusun id Kampung
Wassai dii sondii. Okito iti mantad do pomodokumentasian do bontuk sapaan om faktor do
bontuk dii maya do ponoriukan diti. Mantad dii kaanu do manahak kopoilaan kumaa tulun
ginumuan kokomoi do kolumison koubasanan maya do sapaan id Kampung Wassai diti.
Sumusuhut, ponoriukan diti nogi nga’ kaanu manahak bagas kumaa do monoonoriuk suai di
poindalan do ponoriukan. Maya do ponoriukan diti, kaanu manahak do kosiwatan kumaa
monoonoriuk do mogihum do koluhuyon do ponoriukan diti om koukab do iso kawagu
kobolingkangan di milo do soriukon. Mantad diti, kaanu do mongilo do lobi aralom po
kawagu do kokomoi koubasanan do tinaru Kadazan om Dusun id pogun Sabah.

Suai ko ii, ponoriukan diti nogi nga’ nakaanu do popointalang iso’ aspek koubasanan
do tinaru Dusun id Kampung Wassai ii no’ id aspek do boros (bontuk sapaan). Maya

121

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ponoriukan diti, nakaanu popointalang do bontuk sapaan id kinoyonon diti nopo nga’ iso’ i
popokito do ginirot piisaan om pirotian id pialatan do mogiigion id Kampung Wassai dii.

Maya do ponoriukan diti nogi, kaanu do mongukab iso’ kawagu koponginsangan id
pangajalan om pambalajalan do mato palajalan Boros Kadazandusun id sikul. Ii nopo nga’
okito id dialog-dialog di gunoon id buuk teks nopo nga’ lobi do tumanud koubasanan tinaru
Malayu. Mantad diti, sabaagi iso’ laang do mantamong koubasanan tinaru Kadazan om
Dusun nopo nga’ id buuk teks di nga’ minog do tumanud kopio do koubasanan tikid tadau do
tinaru Kadazan Dusun poomitanan id kowoowoyoon soira do mogibooboros toi ko’
menyapa.

Tohuri nopo nga’ kaanu manahak bagas kumaa pisompuruan doid pogun Sabah om
pogun Malaysia sondii. Maya do asil ponoriukan diti, kaanu popointalang do piisaan om
pirotian di ogirot nopo nga’ kaanu mombontuk do iso’ tinimungan di kaanu do masi miampai
osonong om iti nopo nga’ milo do praktikon id suang do tinimungan do pogun Malaysia di
mogisuusuai o tinaru.

SUKUON

Firman Saleh om Ince Nasrullah. (2018). Sapaan Keakraban Remaja Sebagai Pemicu
Konflik di Makassar : Kajian Pragmatik. Jurnal Idiomatik. Volume 2(1) 2019.
Dilayari pada 04 April 2020 url https://ejournals.umma.ac.id/index.php
/idiomatik/article/download/253/158

Kamarul Azmi Jasmi. (2012). Metodologi Pengumpulan Data Dalam Penyelidikan
Kualitatif. Dilayari Pada 29 Januari 2020 Url http://eprints.utm.my/id/eprint/
41091/1/KamarulAzmiJasmi2012_MetodologiPengumpulanDataPenyelidikan
Kualitatif.pdf

Kiki Zakiah. (2005). Penelitian Etnografi Komunikasi : Tipe Dan Metode. Dilayari pada

22 Januari 2020 url https://ejournal.unisba.ac.id/index.php/mediator

/article/view/1142

Marlyna Maros, Aslinda John Om Mohd Baharin Mydin. (2010). Pola Sapaan Pelajar
Lelaki Dan Perempuan Di Sebuah Institusi Pengajian Tinggi : Satu Kajian
Sosiopragmatik. Journal Of Language Studies. Volume 10(2) 2010. Dilayari pada

21 Januari 2020 url file:///C:/Users/User/Downloads/110-204-1-SM.pdf

122

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Salbia Hassan om Daya Sariah Abang Suhoi. (2007). Kata Sapaan dan Panggilan
dalam Masyarakat Melanau : Satu Kajian Preminari. Dilayari pada 04 April 2020
url https://www.researchgate.net/publication/261760537_Kata_Sapaan
_dan_Panggilan_dalam_Bahasa_Melanau_satu_kajian_preliminari

123

Sompuruan Artikel Jurnal Ponoriukan PISMP Boros Kadazandusun Ambilan Jun 2016

BOROS POMOLOHOU ID PAGANAKAN TINIMUNGAN DUSUN: PONORIUKAN KES ID
KAMPUNG BOROMBON

JENNIFER PITURUS¹
James Geoffrey W Molijoh
Institut Pendidikan Guru Kampus Kent¹
[email protected]
[email protected]

ABSTRAK
Ponoriukan nopo diti nga pinoindalan tumanud do kinaantakan id
kopomogunaan do boros pomolohou id paganakan id tinimungan Dusun. Tudu
ponoriukan nopo nga mongilo do kawo boros pomolohou id paganakan om
mongilo nokuro tu nokosimban o boros pomolohou kumaa puru paganakan id
tinimungan Dusun. Ponoriukan nopo diti nga ponoriukan kes om momoguno
metodologi kualitatif. Koponimungan data nopo nga momoguno kaida
ponurubungan kumaa 20 komolohingan i kiumul do 40 gisom 65 toun. Suai ko
ii, noguno nogi o kaida pongintangan om ponoriukan perpustakaan montok
monimung data. Ponoriukan nopo diti nga poingimpou do duo teori. Teori nopo
dii nga Teori Fesyen om Ketidaktentuan Rawak (Paul Postal, 1968) om Teori
Stratum Bawah (Aichitson, 1998). Mantad do ponoriukan diti, boros pomolohou
id paganakan do tinimungan Dusun nopo nga abaagi kumaa duo kawo. Kawo
nopo dii nga boros pomolohou sandad om boros pomolohou moden. Sundung
do ingkaa, boros pomolohou sandad nopo nga tumagak nodii tu nokosimban
kumaa boros pomolohou moden gama do narahung do boros suai, miagal ko
Boros Malayu om Boros Inggeris. Id kosimbanon dilo, haro apat o faktor di
karahung miagal ko’ ponontudukan molohing, korohungan posorili,
korohungan media massa om pondidikan. Tumanud asil ponoriukan, ogumu
ponoriukan dumontol di milo poindalanon miagal ko monoriuk bagas
kosimbanon boros pomolohou, laang popotindohoi om suusuai po miampai
mogintong skop boros pomolohou di lobi agayo. Mantad do ponoriukan diti,
alansan daa do lobi oukab pomusarahan tulun ginumuan kokomoi do
kinaantakan kopomogunaan do boros pomolohou diti om maganu do laang di
tapatut mooi do kotindohoi o tungkus boros pomolohou sandad mantad di aki
odu do sogigisom.
Kunsi Boros: Tinimungan Dusun, Boros pomolohou, Faktor kosimbanon,
Ponoriukan kes

124

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Kajian ini dijalankan berdasarkan situasi semasa dalam penggunaan kata
panggilan dalam keluarga masyarakat Dusun. Objektif kajian adalah untuk
mengetahui jenis kata panggilan keluarga dan mengetahui mengapa kata
panggilan keluarga dalam masyarakat Dusun mengalami perubahan. Kajian ini
merupakan kajian kes dan menggunakan metodologi kualitatif. Pengumpulan
data menggunakan kaedah temu bual yang melibatkan 20 orang golongan
berumur dalam lingkungan 40 hingga 65 tahun. Selain itu, kaedah
pemerhatian dan kajian perpustakaan juga digunakan untuk mengumpul data.
Kajian ini berpusatkan kepada dua teori. Teori tersebut adalah Teori Fesyen
dan Ketidaktentuan Rawak (Paul Postal, 1968) dan Teori Stratum Bawah
(Aichitson, 1998). Kajian mendapati bahawa kata panggilan keluarga dalam
kalangan masyarakat Dusun terbahagi kepada dua jenis. Kata panggilan
tersebut adalah kata panggilan tradisional dan kata panggilan moden. Namun,
penggunaan kata panggilan tradisional ini semakin hilang kerana telah
berubah kepada kata panggilan moden disebabkan oleh pengaruh bahasa lain
iaitu Bahasa Melayu dan Bahasa Inggeris. Terdapat 4 faktor yang
menyebabkan perubahan ini iaitu didikan ibu bapa, pengaruh persekitaran,
pengaruh media massa dan pendidikan. Berdasarkan dapatan kajian, banyak
kajian lanjut yang boleh dijalankan seperti mengkaji kesan perubahan kata
panggilan, cara mengekalkannya dan sebagainya dengan mengambil kira
skop kata panggilan yang lebih besar. Oleh itu, diharapkan agar kajian ini
dapat membuka fikiran masyarakat akan situasi yang berlaku dalam
penggunaan kata panggilan kekeluargaan dan mengambil tindakan yang
sewajarnya agar khazanah yang diwarisi daripada nenek moyang ini tidak
pupus ditelan zaman.
Kata Kunci: Masyarakat Dusun, Kata panggilan kekeluargaan, Faktor
perubahan, kajian kes

Kopointutunan
Boros nopo nga pinotungkus do komolohingan kumaa sukod wagu, om minog daa

do potungkuson kumaa sukod di sumusuhut kaagu. Id iso-iso boros, ogumu o roromu di
poinsuang id sistom do boros dii, kohompit no o boros pomolohou. Boros pomolohou nopo
nga hogot montok do momorujuk sosongulun soira do mibooboros (Amat Juhari Moin, 1987
id suang di Muna Afifah Mohd Zulkepli, Jama’yah Zakaria om Nor Azuwan Yaakob, 2015).

Kopomogunaan do boros pomolohou sandad toririmo kotoguang do kobolingkangan
om iti nopo nga adadi doid kogumuan boros id pomogunan.Tumanud do ponoriukan di
Sa’adiah Ma’alip & Teo Kok Seong (2019) kumaa do tinimungan sandad Che Wong, haro o
kosimbanon do boros pomolohou sandad kumaa Boros Malayu (BM). Suai ko ii, id BM Kutai
ogumu nogi o kosimbanon kumaa Boros Arab (BM) om Belanda (Weni Rusbiyantoro, 2011).
Miagal nogi doid boros pomolohou BM id tinimungan mokiikinobos id Universiti Kabansaan
Malaysia tu nokosimban kumaa BA om narahung do boros mantad id ponong tabung
(Kalthum Ibrahim & Sabariah Mohd. Ghani, 2016). Okito nogi o kosimbanon do boros
pomolohou sandad id tinimungan Minangkabau i nokosimban kumaa piipiro bontuk

125

Sompuruan Artikel Jurnal Ponoriukan PISMP Boros Kadazandusun Ambilan Jun 2016

kawaawagu (Reniwati, 2015). Mantad dilo, okito kopio do ogumu o kosimbanon do boros
pomolohou sandad kumaa boros pomolohou moden id mogisuusuai tinaru.

Tadon nopo do kobolingkangan id kopomogunaan do boros pomolohou sandad nga
agayo mantad do kowoowoyo di momoguno sondii (Azizah Md Husin, 2016). Mantad dilo,
oponsol kopio do intangan o kobolingkangan dilo mooi do kaanu momusorou do laang
monolibamban kobolingkangan dii. Suai ko ii, minog nogi do soriukon o boros pomolohou
diti mooi kaanu papaasil do impohon popoindalan do ponoriukan di lobi agayo id gana boros
pomolohou. Mantad dii, ponoriukan nopo diti nga mogintong do kawo boros pomolohou om
mongilo faktor do kosimbanon kopomogunaan boros pomolohou id paganakan do
tinimungan Dusun id Kg. Borombon.

Kapatayadan kobolingkangan
Tinimungan Dusun id Kg Borombon nopo nga momoguno do Boros Dusun (Dialek

Bundu) id pilumaagan tikid tadau, nga amu momoguno do boros pomolohou Boros Dusun id
paganakan. Ahal dilo kapanahak do bagas negatif kumaa tungkus boros pomolohou mantad
do komolohingan (Aini Haji Karim, 2017). Adadi ilo tu opunso o boros pomolohou sandad id
timpu dumontol nung kotilombus o kinaantakan dilo do sogigisom. Montok dii, oponsol do
poindalanon o ponoriukan diti montok mogintong do tadon do kinaantakan diti, loolobi no do
aiso po o ponoriukan kokomoi do kinaantakan diti id tinaru Dusun sondii mooi do kaanu
mongukab pomusarahan tinimungan Dusun do monolibamban do kinaantakan diti.

Suai ko ii, tumanud di Noor Aina Dani & Mhd Amin Arshad (2016), kosimbanon doid
kopomogunaan boros nopo nga minog do soriukon. Mantad dilo, ponoriukan nopo diti nga
mogintong do komolohingan di tuminimpuun do momoguno boros pomolohou mantad boros
suai. Oponsol iti mooi do okito ngawi o kawo boros pomolohou om faktor di karahung do
kopomogunaan dii, suai ko kaanu manahak pomusarahan kumaa tulun ginumuan om nogi
kumaa mononoriuk suai id timpu dumontol do lobi monoriuk kokomoi kopomogunaan boros
pomolohou id paganakan miampai lobi aralom.

Tudu Ponoriukan

1. Mongilo do kawo boros pomolohou di gunoon id paganakan do tulun Dusun id Kg
Borombon.

2. Mongilo nokuro tu nokosimban boros pomolohou id paganakan tulun Dusun id Kg
Borombon.

126

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Tuhot Ponoriukan
1. Nunu kawo boros pomolohou di gunoon id paganakan do tulun Dusun Kg Borombon?
2. Nokuro tu nokosimban o boros pomolohou id paganakan tulun Dusun id Kg Borombon?

Metodologi ponoriukan
Reka bentuk ponoriukan nopo nga ponoriukan kes, montok monorisid om mamarati tadon
do kobolingkangan di nadadi (Khairul Nizam bin Mohamed Zuki, 2017). Ponoriukan diti
kiwoyo kualitatif i momoguno do huyadan deskriptif montok papatayad data. Id ponoriukan
diti, noguno o persampelan kitudu om soginumu do 20 komolohingan nopili sabaagi do
responden, i kiumul do 40 gisom 65 toun.
Kaida ponoriukan nopo nga kaida pongintangan amu pointanud montok mokinongou do
boros pomolohou di gunoon id paganakan (Asmah Haji Omar, 2008). Suai ko ii, noguno nogi
o ponurubungan soboogian kistruktur montok monimung data kokomoi faktor kosimbanon
do boros pomolohou, maya kotolinahasan di aralom mantad responden (Lee Keok Cheong,
Zakri Abdullah & Chua Lay Nee, 2018). Kaida nopo di tohuri nga ponoriukan perpustakaan
montok maganu bukti om data maya mogikaakawo kakamot basaon kokomoi boros
pomolohou id paganakan (Shafie, 1991 id suang di Nirwana Sudirman & Zulkifley Hamid,
2016). Data mantad oinsanan instrumen pinibagal montok popoingkawas kesahan om
komilotumboyoon id ponoriukan. Suai ko ii, data dilo minaan rindoko’o momoguno analisis
kandungan om pinatayad maya jadual om nogi huyadan deskriptif mooi do lobi ouhan do
mamarati.
Asil om pibarasan
Tumanud do asil ponoriukan di naanu, boros pomolohou id paganakan tinimungan Dusun id
Kg Borombon nopo nga abaagi kumaa duo kawo. Kawo nopo dii nga boros pomolohou
sandad om moden.

127

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Kawo boros pomolohou id paganakan
Jadual 1: Boros pomolohou sandad kumaa puru paganakan

Puru paganakan Boros pomolohou
Molohing do molohing (Kusai) Taki
Molohing do molohing (Tondu) Todu
Molohing kusai Tama, Tapa
Molohing tondu Tama, Tina, Tidi
Tobpinai Taka / Yaka, Tabang / Yabang, Tadi / Yadi
Tobpinai kusai do molohing Tinan / Inan
Tobpinai tondu do molohing Taman / Aman

Boros pomolohou sandad nopo dilo nga gunoon po id pialatan do komolohingan po. Sukod
wagu nopo nga narahung do pomolohou moden.

Jadual 2: Boros pomolohou moden kumaa puru paganakan

Puru paganakan Boros pomolohou
Molohing kusai Papa (BI), Dady (BI), Bapa (BM)
Molohing tondu Mamy (BI), Mama (BI)
Molohing do molohing (kusai) Kaki
Molohing do molohing (tondu) Nini / Nene (BM)
Tobpinai kusai do molohing Angkol (BI)
Tobpinai tondu do molohing Anti (BI)
Tobpinai Kaka (BM), Abang (BM), Adi (BM)

Ahal dilo popokito do otopot do nokosimban o boros pomolohou sandad id
paganakan do tinimungan Dusun. Mantad dii, tinimungan diti nga miagal do tinimungan suai
tu kotoguang do kobolingkangan id kopomogunaan do boros pomolohou sandad. Tumanud
do ponoriukan di nakatalib, atalang nogi kopio o kosimbanon do boros pomolohou sandad
kumaa moden. Poomitanan, tumanud do ponoriukan di Weni Rusbiyantoro (2011), boros
pomolohou sandad do Boros Malayu Kutai nopo nga nokosimban kumaa Boros Arab (BA)
om Boros Belanda. Miagal nogi doid tinimungan Malayu id kohisaon Kelantan, Terengganu
om Pahang (Kalthum Ibrahim & Sabariah Mohd Ghani, 2016). Sumusuhut, haro nogi
kosimbanon do boros pomolohou sandad do tinimungan tulun sandad Che Wong, Pahang
kumaa Boros Malayu (BM) (Sa’adiah Ma’alip & Teo Kok Seong, 2019). Miagal nogi doid
piipiro ponoriukan suai tu’ haro o kosimbanon id kopomogunaan do boros pomolohou.

128

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Mantad dilo, maya ponoriukan diti om ponoriukan di nokopogulu, kogumuan tinaru
nopo nga otopot do haro o kosimbanon doid kopomogunaan do boros pomolohou sandad.
Boros nopo di dominan id toisanan tinaru di kohompit nga Boros Inggeris (BI), BM om BA.
Nga montok do tinimungan Dusun id Kg Borombon, boros nopo di nakarahung do boros
pomolohou sandad nga duo no. Boros nopo dii nga BM om BI. Mantad dii, ponoriukan id Kg
Borombon diti kaanu momoruhang do toilaan id gana ponoriukan kokomoi sistom
kapamalahawan, loolobi no montok popokito do kosimbanon boros pomolohou do
tinimungan Dusun di amu po nosoriuk miampai lobi aralom.

Faktor kosimbanon boros pomolohou id paganakan

1. Ponontudukan molohing
Minomit o tinimungan Dusun id Kg Borombon do komolohingan di minomoguno do

boros pomolohou moden (boros suai) montok monuduk do tangaanak diolo. Suai ko ii, haro
o molohing di popotuduk do boros pomolohou di norongou mantad id Televisyen.
Kosimbanon dilo adadi nogi montok do monolibamban do kinaantakan do mamarait ngaran
molohing, id tinimungan diti di pogulu po. Sumusuhut, somoonu do boros pomolohou nopo
di gunoon nga kopisangai o kopomogunaan. Mantad no dilo, momoguno o molohing do
boros pomolohou mantad boros suai mooi do kaanu popisuai do boros pomolohou dii. Suai
ko ilo, haro nogi o molohing di amu opusou do istila di otopot id sistom kapamalahawan do
paganakan, i karahung nogi dii do goos do monuduk do boros pomolohou sandad kumaa
tangaanak.

Mantad dilo, faktor ponontudukan molohing nopo nga agayo kopio o bagas kumaa
kopomogunaan do boros pomolohou sandad. Osokodung iti do piipiro ponoriukan nakatalib,
miagal ko ponoriukan id tinimungan Melayu Brunei (Aini Haji Karim, 2017) om ponoriukan id
mokiikinobos Malayu id Pahang (Kalthum Ibrahim & Sabariah Mohd Ghani, 2016) i nokokito
do ponontudukan molohing nopo nga karahung do kosimbanon boros pomolohou sandad.
Suai ko ii, haro nogi ponoriukan kokomoi kosimbanon do boros tina kumaa Boros Malayu id
tinimungan Dusun (Noor Aina Dani & Mhd Amin Arshad, 2016) gama do aiso goos do
molohing do monuduk tangaanak do boros tina, sundung do koilo yolo do boros tina dii. Ahal
diti okito nogi id tinimungan Dusun id Kg Borombon id aspek kopomogunaan boros
pomolohou tu’ koilo o molohing do boros pomolohou sandad nga amu potudukon kumaa
tangaanak maya praktikal.

2. Korohungan posorili
Momoguno o tinimungan di ongotuo id Kg Borombon do boros pomolohou mantad boros

suai. Mantad dii, tinimungan id posorili om sukod wagu id kinoyonon diti nga koomit do
momoguno boros pomolohou dii. Suai ko ii, kosimban nogi o boros pomolohou sandad tu’

129

Sompuruan Artikel Jurnal Ponoriukan PISMP Boros Kadazandusun Ambilan Jun 2016

haro o molohing di orohian om olumisan do boros pomolohou di potudukon do tambalut
diolo kumaa tangaanak. Kowoowoyo do orohian do tumanud do trend kawaawagu nga
karahung nogi doid kopomogunaan do boros pomolohou diti tu’ oisanan tinimungan id
kinoyonon diti nga monimban dii do boros pomolohou mooi do amu aala doid koburuon
timpu. Ahal diti kopogowit nogi do kopurimanan do ‘janggal’ nung amu katanud do koburuon
do timpu om nogi koburuon id posorili id kopomogunaan do boros pomolohou. Iti nopo nga
kopionit do ponoriukan di Noor Aina Dani & Mhd Amin Arshad (2016), i nokoponoriuk do
tinaru Dusun nopo nga momoguno BM maya pounayan do noubas no o tongotulun id iso-iso
kampung do momoguno BM kumaa tangaanak.

3. Media massa
Tumanud do responden, ogumu o boros pomolohou di okito maya do lakonan toi ko

wayang id Televisyen. Mantad dii, nokoomit o komolohingan id Kg Borombon do momoguno
boros pomolohou mantad boros suai miagal ko’ Mamy, Dady, Mama om Papa. Soira nopo
do haro o kotimpuun do momoguno boros pomolohou diti, iti nodii i pogiomit-omitan do
paganakan id iso-iso tinimungan dii. Osokodung iti do ponoriukan di Aini Haji Karim (2017),
tu arahung o kopomogunaan boros pomolohou sandad do media massa, i adadi nogi doid
tinimungan Malayu Brunei.

4. Pondidikan
Kabaalan id piipiro boros suai nga kosimban nogi do kopomogunaan boros

pomolohou sandad id paganakan tinimungan Dusun id Kg Borombon. Poomitanan,
molohing di kikabaalan id BI orohian do momoguno boros diti id pilumaagan tikid tadau.
Mantad dilo, momoguno yolo do boros pomolohou id BI kumaa tangaanak sabaagi laang do
mongubas tangaanak moboros id BI. Ahal diti osokodung nogi do ponoriukan di Reniwati
(2015) id tinimungan Minangkabau, i nokokito do kopokionuan di akawas id gana pondidikan
doid kabaalan BI mongunsub do molohing popotuduk do boros diti kumaa tangaanak.

Suai ko ii, maya do pondidikan, koilo nogi o molohing loolobi no molohing id taatanga
sukod wagu do mogiikaakawo boros pomolohou mantad tinaru suai. Iti no i omitan diolo do
monuduk do tangaanak tu tumanud di Aminah Awang Besar (2015), kaabalan boros suai
kopongunsub do kopomogunaan boros dii id koposion tikid tadau.

Pomolingkuman, suul om implikasi
Sabaagi pomolingkuman, okito do haro o kosimbanon doid kopomogunaan do boros
pomolohou puru paganakan id tinimungan Dusun id Kg Borombon gama do ponontudukan
molohing, korohungan posorili, media massa om pondidikan.

130

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Sundung do ingkaa, ponoriukan diti amu kaanu mongobi toinsanan tinaru Dusun tu’ tinaru
nopo diti nga abaagi kumaa mogikaakawo tinimungan tumanud dialek, om tumanud di
Reniwati (2015), kawo boros pomolohou kawaawagu nopo nga koimbulai gama do
koubasanan do iso-iso tinimungan di poingion id kinoyonon dii. Loolobi po, oinsanan tinaru
nopo nga haro o sistom kapamalahawan di poimbida, tumanud do kinoyonon om nogi faktor
sosial id tinimungan posorili (Aini Haji Karim, 2017). Mantad dii, milo po do popoindalan
ponoriukan di lobi agayo om popohompit do piipiro kinoyonon. Suai ko ii, skop ponoriukan
nga milo pogoyo’on kumaa boros pomolohou suai ko id paganakan. Sumusuhut, milo nogi
do intaan bagas om laang monolibamban do kosimbanon boros pomolohou sandad id
tinimungan Dusun.

Alansan daa ponoriukan diti kaanu manahak korotian kumaa tulun ginumuan kokomoi
kinaantakan doid kopomogunaan do boros pomolohou diti. Suai ko ii, milo nogi do sukuon id
gana pondidikan, om kapanahak pomusarahan kumaa boogian di popotounda do kurikulum
Boros Kadazandusun om nogi kumaa mongingia id sikul, id kopongiaan do uhu boros
pomolohou. Suai ko ii, kaanu nogi popoingkawas kopurimanan do tulun ginumuan mooi do
amu otongkiadan om amu olihuan o boros pomolohou sandad diti id koposion tikid tadau.

Susukuon
Aini Haji Karim. (2017). Sistem Panggilan dalam Masyarakat Melayu Brunei: Pengekalan

dan Pemantapan Jati Diri. Linoyog ontok 05.03.2020, mantad
https://Fbmk.Upm.Edu.My/Upload/Dokumen/20180719090904JURNAL_MAHAWA
NSA_NOVEMBER_2017.pdf

Aminah Awang Besar. (2015). Sikap Generasi Muda Terhadap Bahasa Melayu: Senario di
Malaysia, Negara Brunei Darussalam dan Indonesia. Linoyog ontok 05.03.2020,
mantad https://www.researchgate.net/publication/297734995 - Sikap Generasi Muda
Terhadap Bahasa Melayu Senario Di Malaysia Negara Brunei Darussalam Dan
Indonesia

Asmah Haji Omar. (2008). Kaedah Penyelidikan Bahasa di Lapangan. Kuala Lumpur:
Dewan Bahasa dan Pustaka

Azizah Md Husin. (2016). Mengapakah Bahasa Mati?. Linoyog ontok 06.03.2020, mantad
http://jurnalbahasa.dbp.my/wordpress/wp-content/uploads/2016/03/1-Mengapakah-
Bahasa-Mati.pdf

Kalthum Ibrahim & Sabariah Mohd Ghani. (2016). Kata Panggilan Kekeluargaan oleh
Mahasiswa dari Pantai Timur Universiti Kebangsaan Malaysia: Satu Kajian
Sosiolinguistik. Jurnal Linguistik. Jilid 20 (1), 001-009. Linoyog ontok 02.02.19,
mantad http://jurnal.plm.org.my/wp-content/uploads/2017/10/1.

Khairul Nizam bin Mohamed Zuki. (2017). Penerimaan Bahasa Melayu sebagai Bahasa
Kedua dalam Kalangan Murid Berbangsa Bajau. Linoyog ontok 05.03.2020, mantad
http://ijhssi.org/papers/v6(10)/Version-3/A0610030111.pdf

131

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Lee Keok Cheong, Zakri Abdullah & Chua Lay Nee. (2018). Siri Pendidikan
Guru:Penyelidikan dalam Pendidikan. Selangor: Oxford Fajar Sdn. Bhd

Nirwana Sudirman & Zulkifley Hamid. (2016). Pantun Melayu sebagai Cerminan Kebitaraan
Perenggu Minda Melayu. Linoyog ontok 05.03.2020, mantad
http://journalarticle.ukm.my/9964/1/16184-45371-1-SM.pdf

Muna Afifah Mohd Zulkepli, Ama’yah Zakaria & Nor Azuwan Yaakob. (2015). Kata Panggilan
Masyarakat Bajau Tuaran. Jurnal Perniagaan dan Pembangunan Sosial. Jilid 3
Bilangan 2, 96-102. Linoyog ontok 02.02.19, mantad http://jbsd.umt.edu.my/wp-
content/uploads/sites/53/2015/09/7.-ARtikel-Bajau-web.pdf

Noor Aina Dani & Mhd Amin Arshad. (2016). Teori dan Realiti Perubahan Bahasa: Daripada
Bahasa Ibunda kepada Bahasa Melayu. Linoyog ontok 20.02.19, mantad
http://jurnalbahasa.dbp.my/wordpress/wp-content/uploads/2016/04/1-Teori-dan-
Realiti-Perubahan-Bahasa.pdf

Reniwati. (2015). Perbandingan Kata Sapaan dalam Masyarakat Minangkabau di
Kabupaten 50 Kota dengan Daerah Rembau. Linoyog ontok 22.02.19, mantad
http://studentsrepo.um.edu.my/6131/1/RENIWATI.pdf

Sa’adiah Ma’alip & Teo Kok Seong. (2019). Komunikasi Antara Keluarga: Bentuk Panggilan
Kekeluargaan Masyarakat Orang Asli Che Wong. Jurnal Melayu. Bil 18 (2). Linoyog
ontok 12.02.2020, mantad http://ejournal.ukm.my/jmelayu/article/view/35357

Salbiah Hasan & Dayang Sariah Abang Suhai. (2007). Kata Sapaan dan Panggilan dalam
Masyarakat Melanau: Satu kajian Preliminari. Linoyog ontok 15.02.2020, mantad
https://www.researchgate.net/publication/261760537_Kata_Sapaan_dan_Panggilan_
dalam_Bahasa_Melanau_satu_kajian_preliminari

Wenii Rusbiyantoro. (2011). Penggunaan Kata Sapaan dalam Bahasa Melayu Kutai.

Linoyog ontok 20.02.19, mantad

https://ejournal.undip.ac.id/index.php/parole/article/viewFile/1575/1331

132

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KOPOMOGUNAAN BOROS PONUGKUAN ID PONUATAN BUUK TEKS BOROS
KADAZANDUSUN TOUN 3
JOANNE SIAM¹

Linah Bagu @ Siti Nurlina Abdullah

Institut Pendidikan Guru Kampus Kent¹
[email protected]
[email protected]

ABSTRAK
Koponugkuan nopo nga iso’ uhu id sistem boros id siriba do aspek morfologi
boros nosugku id suang Dokumen Standard Kurikulum dan Pentaksiran
(DSKP) Boros Kadazandusn (BKD) Toun 3. Kogumuan nopo tangaanak sikul
nga apangkalan do momonsoi panandatan sokiro okuri kabaalan id
ponugkuan tu’ ponugkuan nopo nga iso’ ralan montok monginggumu
tinimungan boros i milo gunoon id kapamansayan panandatan. Mantad dii,
ponoriukan nopo diti nga kitudu do mongilo kawo-kawo ponugkuan i poia’on id
buuk teks Boros Kadazandusun KSSR Toun 3 i winonsoi tumanuud do DSKP
BKD om nogi mongilo kopomogunaan ponugkuan suai id teks ransangan buuk
teks. Ponoriukan nogi diti nga kitudu do mongintutun kounalan-kounalan i
naanu do mongingia’ soira karati do sistem ponugkuan BKD. Metodologi di
ginuno id ponoriukan diti nopo nga ponoriukan dokumen om nogi maya
ponorubungan. Nanu-anu mantad ponoriukan diti nopo nga piipiro kawo
ponugkuan miagal do ponugku gulu, ponugku dohuri, om ponugku pangansip i
poia’on id suang buuk teks. Sundung pia miagal dii, id suang do buuk teks dii
nga haro nogi minomoguno do ponugku sisipan miagal “um” om “in”, om nogi
kiwaa kopomogunaan pipiro ponugkuan id iso’ hogot. Aalansan da do
ponoriukan nopo diti nga osiliu do platform montok monginsonong
kopomorotian tongomongingia’ do mongia’ sistem ponungkuan BKD kumaa
tangaanak sikul om osiliu da ponoriukan diti do susukuon kumaa mononoriuk
suai kokomoi do gana diti.
Kunsi Boros:Ponugkuan, morfologi, DSKP, BKD

133

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Pengimbuhan merupakan salah satu tajuk dalam sistem bahasa iaitu di bawah
aspek morfologi kata berimbuhan dalam Dokumen Standard Kurikulum dan
Pentaksiran (DSKP) Bahasa Kadazandusun (BKD) Tahun 3. Kebanyakan
murid akan mengalami kesukaran membuat ayat sekiranya kurang mahir
dalam pengimbuhan kerana pengimbuhan merupakan salah satu cara untuk
memperbanyakkan kosa kata yang boleh digunakan dalam pembinaan ayat.
Oleh itu, kajian ini bertujuan untuk mengetahui jenis-jenis imbuhan yang diajar
dalam buku teks Bahasa Kadazandusun KSSR Tahun 3 yang dibina
berdasarkan DSKP BKD serta mengetahui penggunaan jenis imbuhan lain
teks ransangan dalam buku teks. Kajian ini juga bertujuan untuk mengenal
pasti kebaikan-kebaikan yang diperolehi oleh guru apabila memahami sistem
pengimbuhan BKD. Metodologi yang digunakan dalam kajian ini adalah kajian
dokumen dan juga temu bual. Dapatan kajian mendapati jenis-jenis imbuhan
yang diajar dalam buku teks adalah imbuhan hadapan, imbuhan belakang,
dan imbuhan apitan. Walaupun demikian, di dalam buku teks tersebut juga
ada menggunakan imbuhan lain seperti imbuhan sisipan seperti ‘um’ dan ‘in’
serta menggunakan penggabungan beberapa jenis imbuhan dalam satu
perkataan. Kajian ini diharapkan menjadi platform untuk memperbaiki
pemahaman guru dalam mengajar sistem pengimbuhan BKD kepada murid
dan juga menjadi rujukan kepada pengkaji lain berkaitan bidang ini.
Kata Kunci: Pengimbuhan, morfologi, DSKP, BKD

KOPOINTUTUNAN

Buuk teks nopo nga buuk konsep i papatarang iso-iso konsep om kabaalan pointantu,
poposodia pinludaan montok mongilo kopomorotian, om mogowit mogisusuai suang
komilaan pondidikan (Bahagian Buku Teks, 2010). Ponugkuan nopo nga iso’ ralan
kopongingumuan tinimungan boros id gana morfologi suai ko’ pisompuruan boros om
pisaupan boros (Edward Finegan ,1999). Victoria Fromkin, Robert Rodman & Nina Hyams,
(2014) nokoboros do ponoriukan kokomoi struktur suang do hogot om kooturan do
momonsoi hogot nopo nga morfologi. Morfologi nogi nga sumuku nogi do toilaan puralan
boros kokomoi hogot-hogot boros, om toilaan linguistik di amu tokou nopurimanan.
Tumanud di Minah Sintian, (2015) morfologi nopo nga toilaan boros i monoriuk struktur,
bontuk om sompuruan boros.

KAPATAYADAN KOBOLINGKAHANGAN

Ponugku BKD nopo di nuru ilo’on do tangaanak Toun 3 nga amu ospesifik pinosuat
id DSKP BKD Toun 3. Standard pambalajaran kokomoi ponugkuan nopo nga 1.1.2 , 1.2.2 ,
2.1.2 , 3.1.3 , 5.1.3 , om 5.3.2 poinsuat id DSKP nga aiso pinosuat kawo ponugkuan nga
minoposuat no do “boros nosugku” om “monugku boros”. Ahal diti mogowoit koluhoyon
kumaa mongingia’ om tangaanak do mongilo do nunu ngawi kawo-kawo ponugkuan om

134

Sompuruan Artikel Jurnal Ponoriukan PISMP Boros Kadazandusun Ambilan Jun 2016

nunu guno tikid-tikid pougkuan dii. Suai ko ii, kopogowit nogi kobolingkahangan diti do
koborulongon do mongingia’ do ponugkuan tu’ tumanud nopo do buuk Puralan Boros
Kadazandusun id Sikul nga kiwaa apat kawo ponugkuan om amu di oila’an hombo tiso nuru
poia’on kumaa tangaanak. Susukuon nopo do tongomongingia’ montok mongia’ standard
diti nga buuk teks. Kiwaa songinsuat do standard pambalajaran id koukaban-koukaban do
buuk teks BKD KSSR Toun 3 montok sukuon do mongingia’ soira popotounda do
pangajaran.

TUDU PONORIUKAN

1. Mongintutun kawo ponugkuan poia’on id buuk teks Boros Kadazandusun KSSR
Toun 3 i pinosuat tumanud Dokumen Standard Kurikulum dan Pentaksiran (DSKP)
Boros Kadazandusun.

2. Mongilo kopomogunaan kawo ponugkuan suai id teks ransangan id buuk teks.
3. Mongilo kounalan kumaa mongingia’ soira karati sistem ponugkuan id Boros

Kadazandusun.

TUHOT PONORIUKAN

1. Nunu kawo ponugkuan poia’on id buuk teks BKD KSSR Toun 3 i pinosuat tumanud
DSKP BKD ?

2. Haro nangku kopomogunaan kawo ponugkuan suai id teks ransangan id buuk teks ?
3. Nunu kounalan kumaa mongingia’ soira karati do sistem ponugkuan id Boros

Kadazandusun ?

METODOLOGI

Ponorukan diti nopo nga iso’ ponoriukan kes deskriftif i momoguno do kaedah
kualitatif. Sampel ponoriukan nopo nga pointumpu do dokumen. Dokumen nopo di mangan
soriuko nga “Buuk Teks Boros Kadazandusun Toun 3 KSSR Semakan 2017”. Rinindak data
tumanud klasifikasi kawo sugku id buuk Puralan Boros Kadazandusun id sikul, sugku gulu,
sugku dohuri, sugku pangansip, om sugku sisipan montok koukaban buuk teks di mongia’
standard pambalajaran kokomoi ponugkuan om montok toinsanan teks ransangan id buuk
teks. Data montok objektif kumoduo nopo nga momoguno do microsoft excel montok
mongorindak data. Montok objektif kumotolu minomoguno do ponorubungan montok
mongilo do kounalan do koilo mongingia’ sisitem ponugkuan do BKD.

135

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ASIL OM PITIMBUNGAKAN

a. Kawo-kawo ponugkuan di sinuat id buuk teks tumanud standard pambalajaran
Id ponoriukan diti nokito do kogumuan koukaban buuk teks di kisuat do standarad
pambalajaran kokomoi do ponugkuan nga lobi poimpokus do sugku gulu nga kiwaa nogi
pinosuang sugku dohuri om sugku pangansip do tokuri. Aiso sugku sisipan di pinosuat om
pinopokus id tikid-tikid koukaban dii.

Jadual 1 : Koukaban buuk teks, standard pambalajaran om ponugkuan di pinofokus

Koukaban Standard Kawo ponugkuan di pinofokus
buuk teks Pambalajalan
9 (1.2.2) Sugku dohuri “-on”
Sugku gulu (min-, mi-, moN-,& noko-) om sugku pangansip (po-
13 (1.1.2) & (1.2.2) …-an)
Sugku gulu (noko-
18 (5.1.3) & (5.3.2) Sugku (moN- , o-)
22 (3.1.3) Sugku dohuri (-an)
25 (1.1.2) & (1.2.2) Sugku gulu (o-, koing-, min-, mi-, moN-, ming- & poN-)
33 (1.1.2) & (1.2.2) Sugku gulu (moN-, mim-, & min-)
43 (1.1.2) Sugku gulu (o-)
55 (1.1.2) & (1.2.2) Sugku gulu (noko-, min-, ko-, poN-, & ming)
59 (2.1.2) Sugku gulu (o-, poN-) om sugku dohuri (-an, -ai)
65 (1.1.2) Sugku dohuri (-on, -an)
72 (5.3.2) Sugku gulu (soN-, moN-, o-, ko-, sum-)
77 (1.1.2) Sugku gulu (moN-, poN-, sum-)
80 (2.1.2) Sugku gulu (moN-, ki-, o-, mung-)
87 (1.1.2) Sugku gulu (ki-, moN-), sugku dohuri (-on) om sugku pangansip
102 (1.1.2) (o-…-on)

136

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Mantad do asil diti kiwaa kasalaan kokomoi do kawo sugku montok “sum-“. Poomitanan
nopo mantad buuk teks nga “suminding”. Boros guas nopo do “suminding” nga “sinding”.
Komoyon nopo diti nga okon ko sugku gulu “sum-“ nga sugku sisipan do “um” ginuno
montok boros nosugku dii.

b. Kawo pongukuan suai ko i tumanud standard pambalajaran di haro id teks
ransangan do buuk teks
Jadual 2: Kawo ponugku om ginumu hogot.

Ginumu hogot nosugku 945
Hogot nosugku sisipan 158
Hogot nosugku pangansip 166
Hogot di momoguno lobi iso kawo ponugku 182

Mantad asil diti okito do kiwaa kopongiaan kawo sugku suai nga amu pinofokus montok
pinsingilaan tumanud di standard pambalajaran. Sundung do miagal dii, kiwaa piipiro sugku
nabantalan id teks ransangan di amu nakasanarai id buuk Puralan Boros Kadazandusun id
Sikul o ponugkuan dii.

Jadual 3: Kawo ponugkuan om sugku-sugku mantad buuk Puralan Boros
Kadazandusun id Sikul.

Sugku gulu Sugku dohuri Sugku pangansip Sugku sisipan
1. –um-
1. douN- 1. -ai 1. ko-…-ai 2. –in-
2. ki- 2. –an 2. ko-…-an
3. ko- 3. –on 3. no-…-an
4. moN- 4. –o’ 4. o-…-an
5. noko- 5. po-…-ai
6. no- 6. po-…-an
7. o- 7. po-…-on
8. poN- 8. po-…-o’
9. soN- 9. pi-…-an
10. goN- 10. pi-…-on

137

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Jadual 4: Ponugkuan di aiso id buuk Puralan Boros Kadazandusun id Sikul.

HOGOT NOSUGKU BOROS GUAS SUGKU
miuhot Uhot "mi-"
mimbuul Buul "mim-"
Umbal
pinsingumbalal Tabi "pin-", "sing-"
pogitaatabi "pogi-"
mogiambalut Ambalut "mogi-"
mungkodom Kodom "mung-"
Kakamot "tongo-"
tongokakamot Uhup "obing-"
obinguhup Toluod
Gangau "monong-","ko-“, “-in-”
minonongkotoluod "ming-"
minggangau

c. Kounalan kumaa mongingia’ sokiro karati do sistem ponugkuan id BKD
Asil mantad ponorubungan kumaa mongingia’ BKD sikul tosiriba nopo nga sokiro koilo
mongingia’ sistom koponugkuan BKD nopo nga:

i. Koilo popisuai rati do hogot montok ponugkuan di misuai.
ii. Kaanu monompipi hogot di nosugkuan.
iii. Kaanu monompipi do sompuruan boros montok boros nosugku miagal do Boros

Ngaran, Boros Maan, om Boros Ula.
iv. Osonong do paparati kogunoon ponugkuan kumaa tangaanak sikul.

POMOLINGKUMAN, SOGU OM IMPLIKASI

Mantad ponoriukan diti nokito do id DSKP BKD Toun 3 Semakan 2017 nopo nga amu
pointarang kopio sugku di mangan tangaanak ilo’o’. Minog no da do posuataon do
poinspesifik o sugku di mangan balajalai di moi do haro kreativiti tongomogingia’
momusorou aktiviti di kosudong montok standard pambalajalan dii. Suai ko ii, kiwaa nogi
nabantalan do pipiro sugku di haro id buuk teks om aiso id buuk puralan boros.Kiwaa nogi
koborulangan tokuri nung amu oilaan nunu sugku di pinosugku id hogot sokiro amu intangan
mantad boros guas di hogot lobi-lobi po id koponuatan do buuk teks tu’ susukuon do
tongomongingia’ do mongia’.Montok tongomongingia Boros Kadazandusun minog no do

138

Sompuruan Artikel Jurnal Ponoriukan PISMP Boros Kadazandusun Ambilan Jun 2016

minsingilo , mangarati om abaal do sistem ponugkuan id Boros Kadazandusun moi do
kaanu paparati om posodia pangajalan om pinsingilaan di kaanu paparati di tangaanak
kokomoi do ponugkuan.

SUKUON

Bahagian Pembangunan Kurikulum Kementerian Pendidikan Malaysia.(2008). Puralan
Boros Kadazandusun Id Sikul. Putrajaya: Kementerian Pelajaran Malaysia.

Bahagian Pembangunan Kurikulum Kementerian Pendidikan Malaysia. (2017). Dokumen :
Standard kurikulum dan Pentaksiran Bahasa Kadazandusun Tahun 3. Putrajaya

Kementerian Pendidikan Malaysia.

Bahagian Buku Teks, Kementerian Pelajaran Malaysia. (2010 ). Linoyog di 12 Februari
2020 id http://www.moe.gov.my/bbt/bukuteks

Charles Gustin, Patrick Jolius, om Roslin Sampai. (2018). Bahasa Kadazandusun
Tahun 3. Kuala Lumpur : Dewan Bahasa dan Pustaka

Edward Finegan. (1999). Language Its Structure And Use ; Third Edition. United States
of America : Heinle & Heinle, Thomson Learning.

Lee Keok Cheong, Zakri Abdullah, om Chua Lay Nee. (2018). Penyelidikan Dalam
Pendidikan. Selangor Darul Ehsan: Oxford Fajar Sdn. Bhd.

Minah Sintian. (2015) Penggunaan Aspek Morfologi Bahasa Kadazandusun Dalam
Kalangan Guru Bukan Opsyen Bahasa Kadazandusun di Sekolah Menengah
Negeri Sabah. Linoyod di 17 Februari 2020 id
https://www.researchgate.net/publication/272358162

Pusat Pembangunan Akademik Institut Pendidikan Guru Malaysia. (2018). Buku
Panduan Penyelidikan Kajian Kes. Selangor Darul Ehsan : Institut Pendidikan Guru
Malaysia.

Rita Lasimbang om Emilda Evon. (2010). Rujukan Ringkas Aspek Linguistik Bahasa
Kadazandusun: Bahan Sokongan Pengajaran & Pembelajaran Bahasa
Kadazandusun. Kota Kinabalu : Kandavai Books.

Rozita Buyoh, Jane Wong Kon Ling, om Veronica Petrus Atin. (2017). Proses dan

Fungsi Pengimbuhan Awalan Kata Kerja Terbitan Bahasa Kadazandusun:
Fokus, Masa, Aspek, Ragam (FMAR). PENDETA Journal of Malay Language,
Education and Literature, 10 (8), 96-107

139

Sompuruan Artikel Jurnal Ponoriukan PISMP Boros Kadazandusun Ambilan Jun 2016

Siti Uzairah Mohd Tobi. (2018). Kajian Kualitatif dan Analisis Temu Bual. Kuala Lumpur:
Aras Publisher.

Victoria Fromkin, Robert Rodman, & Nina Hyams. (2014). An Introduction to Language
Tenth Edition. United State of America : Wadsworth, Cengage Learning.

140

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ANALISTIK STILISTIK SINDING DUSUN.
ISO PONORIUKAN KES SINDING “HITI NOH MASO KU, DABRA SIA’

LENZELY SALIMIN
Victor Baga

Institut Pendidikan Guru Kampus Kent
[email protected]
[email protected]

ABSTRAK
Ponoriukan nopo diti nga iso pongompurian stilistik montok do sinding “Hiti
Noh Maso Ku”, Dabra Sia. Koubasanan nopo do sinding tulun Kadazan om
Dusun nga poinlobi do id sinding kokomoi piupusan om okuri po o sinding
kokomoi do ponontudukan id koposion loolobi po id timpu babaino diti.
Sinding “Hiti noh Maso Ku” sinupu di Dabra Sia nopo nga iso sinding
kontemporari di aralom o komoyon om misuai ko’ mantad do sinding-sinding
Kadazandusun di suai. Mantad dii, nowonsoi o iso ponoriukan stilistik montok
mongintong kopio do woyo boros di noguno do id sinding diti. Ponoriukan nopo
diti nga iso ponoriukan kes i minomoguno do kaida kualitatif. Data ponoriukan
nopo nga notimung maya do ponorubungan miampai di sanganu sinding om
nogi minongompuri do roroiton sinding diti. Suai ko’ mongilo woyo boros do id
sinding, objektif nopo kopio do ponoriukan diti nga mongilo onu kopio komoyon
sinding diti om mongilo ponontudukan di aanu mantad sinding diti loolobi po
kumaa sukod wagu do id timpu baino. Mantad nopo do asil ponoriukan,
noilaan o komoyon kopio do sinding diti om nokuro tu nowonsoi o sinding diti.
Nokito o woyo boros di noguno do id sinding diti id taang do fonetik om
fonologi, morfologi, sintaksis om semantik. Mantad dii, osonong daa do lobi
ogumu o ponoriukan di owonsoi montok sinding do boros Kadazandusun id
timpu dumontol mooi koingkokot o sinding Kadazandusun tumipong do
kinoingkokoton sinding id pomogunan suai.
Kunsi Boros: sinding Dusun, stilistik, woyo boros, kontemporari,
ponontudukan, ponoriukan kes

141

Sompuruan Artikel Jurnal Ponoriukan PISMP Boros Kadazandusun Ambilan Jun 2016

ABSTRAK
Kajian ini adalah satu analisis stilistik bagi lagu “Hiti Noh Maso Ku”, Dabra Sia.
Lazimnya, lagu-lagu yang dihasilkan oleh masyarakat Kadazan Dusun adalah
lebih tertumpu kepada lagu yang berkaitan dengan percintaan. Hanya sedikit
lagu yang membawakan pengajaran dalam kehidupan apalagi lagu yang
dihasilkan pada waktu kini. Lagu “Hiti Noh Maso Ku” ataupun terjemahan
bahasa Melayu “Inilah waktu ku” adalah sebuah lagu kontemporari yang
sangat unik dan berbeza dengan lagu Kadazandusun yang lain. Sehubungan
dengan itu, satu kajian stilistik telah dilakukan untuk menganalisis ciri-ciri
bahasa yang digunakan dalam lagu tersebut. Kajian ini adalah satu kajian kes
yang menggunakan kaedah kualitatif. Data kajian telah dikumpul berdasarkan
pelaksanaan temu bual bersama dengan empunya lagu dan berdasarkan
analisis teks lirik lagu ini. Selain daripada mengenal pasti gaya bahasa, objektif
kajian ini adalah mengetahui maksud sebenar lagu dan mengenal pasti
pengajaran yang dapat diperoleh daripada lagu tersebut khususnya
pengajaran yang sesuai dengan generasi baru pada waktu kini. Berdasarkan
hasil dapatan, maksud sebenar lagu tersebut dan alasan kenapa lagu tersebut
dicipta telah diketahui. Ciri-ciri bahasa pula telah dianalisis pada peringkat
fonetik dan fonologi, morfologi, sintaksis dan juga semantik. Oleh itu,
diharapkan lebih banyak kajian yang dijalankan berkaitan dengan lagu dalam
bahasa Kadazandusun pada waktu akan datang agar kualiti lagu dalam
bahasa Kadazandusun dapat maju seiring dengan kemajuan lagu-lagu yang
dihasilkan di pasaran antarabangsa pada waktu kini.
Kata kunci: lagu Dusun, stilistik, gaya bahasa, kontemporari, pengajaran,
kajian kes

KOPOINTUTUNAN
Stilistik nopo nga iso roromu di poingamung do id gana linguistik. Ii nopo nga iso koilaan

di monoriuk do teknik kopomogunaan do boros do id koponuatan i kopionit do disiplin
linguistik. Ponoriukan nopo diti nga iso pongompurian stilistik montok do sinding
kontemporari “Hiti Noh Maso Ku” i sinupu di Dabra Sia. Montok do ponoriukan diti, winonsoi
o ponoriukan stilistik tumanud do taang linguistik di nakatantu. Ii nopo kopogulu nga stilistik
do id taang fonetik om fonologi hinombo do poinfokus do id kopolombusan do boros id
sinding diti tumanud do roroiton sinding. Sumusuhut nopo nga do id taang morfologi
hinombo do sinoriuk o kawo do boros di ginuno do id sinding diti. Id taang di kolimpupuson
nopo nga do id taang sintaksis. Id taang dii nopo nga sinoriuk o poingkuro kouludan do
boros do id sinding diti. Suai ko’ ii, kiwaa nogi o ponoriukan stilistik tumanud do koilaan
semantik hinombo do sinoriuk o woyo boros (gaya bahasa) di ginuno do id sinding dii.

142

Sompuruan Artikel Jurnal Ponoriukan PISMP Boros Kadazandusun Ambilan Jun 2016

KAPATAYADAN KOBOLINGKAANGAN
Kinoingkokoton do tinaru Kadazan om Dusun do id industri sinding nopo nga

nokoingkokot no do tuminanud do kinoingkokoton do kapamansayan sinding id timpu do
teknologi babaino diti.
Sundung po do ingkaa’, koubasanan nopo do sinding do tulun Kadazan om Dusun nga
poinlobi do id sinding kokomoi piupusan om okuri po o sinding kokomoi do ponontudukan id
koposion loolobi po do id timpu babaino diti. Sinding “Hiti noh Maso Ku” sinupu di Dabra Sia
nopo nga iso sinding kontemporari di aralom o komoyon om misuai ko’ mantad do sinding-
sinding Kadazandusun di suusuai. Suai ko’ ii, id gana do pondidikan nopo nga kiwaa okuri
po o tulun di nakaanu do momonsoi ponoriukan kokomoi sinding tulun Kadazan om Dusun
do id timpu do babaino.

TUDU OM TUHOT PONORIUKAN
Kiwaa tolu objektif ponoriukan diti. Koiso nopo nga mongilo do komoyon kopio do

sinding “Hiti noh Maso ku” i sinuat di Dabra Sia. Sumusuhut nopo nga mongilo do poingkuro
kowoowoyoon do woyo boros id roroiton sinding tumanud do aspek stilistik. I kotohuri nopo
nga mongilo do ponontudukan id suang do sinding diti. Mantad dii, kiwaa tolu nogi tuhot
ponoriukan. Koiso nopo nga Nunu o komoyon kopio do sinding “Hiti noh Maso Ku” sinuat di
Dabra Sia? Sumusuhut, Nunu o kowoowoyoon do woyo boros id roroiton sinding tumanud
do aspek stilistik? Kotolu nopo nga nunu o ponontudukan id suang do sinding diti?

METODOLOGI PONORIUKAN
Reka bontuk nopo do ponoriukan diti nga iso ponoriukan kes i momoguno do kaida’

kualitatif. Montok nopo do ponoriukan diti, noguno o ponoriukan kes deskriptif tu hinombo do
nakatantu no do aspek stilisitik no o soriukon kopio om popointalang do poingkuro kopio
kowoowoyoon do boros id roroiton sinding di nopili. Ponoriukan nopo diti nga poinlobi do id
pongompurian do dokumen. Dokumen nopo dii nga roroiton sinding di nakatantu montok do
ponoriukan diti. Responden nopo montok do ponoriukan diti nga i Zandi Dabra Sia sabaagi
di sanganu kopio do sinding diti. Koinsanai nopo do koilaan kokomoi do sinding diti di
gunoon id suang do ponoriukan diti nga tumanud do koilaan di naanu mantad disido no.
Instrumen ponoriukan nopo di noguno do id ponoriukan diti nga kaida’ ponorubungan om
analisis dokumen. Ponorubangan nopo nga separa kistruktur miampai di Zandi Dabra Sia i
sanganu kopio do sinding diti. Dokumen nopo di ginuno nga roroiton do sinding “Hiti Noh
Maso Ku” i nakatantu no kinasandado.

143