doosde

konngol Njettoor

miɗo teddinira ndee ɗoo deftere, musiɗɓe tedduɓe
dariiɓe jamma e ñalawma e wallude mi:
Musiɗɗo Siidi Saam Hooreejo (CNRE), njettoor
makko e ko o darii e wallude ɗemɗe ngenndiije e
ɓamtaare mum, alla juutnu nguurndam makko e
gollooɓe makko hono: Mara Wad e Josef Monteero.
e banndi am debbo Faarmata Sih ISE
e Seeremɓe am informatiŋue: Daawuuda Sih e Abdu-
rahmaan Faal.
e Maamuudu Lih, hooreejo Ared e ballal mum e
ɓeydude deftere nde miijooji.
e Hammee Aamadu Lih
e Hammee Aaamadu Lih

1

Ngardiika
Jettooɗe ngoodanii Alla Geno baawɗo mo roŋkataa,
yo yurmeende makko won e Muhammadu ɓurnaaɗo
binnde, toowɗo mo lesɗataa.
Miɗo huccina koofnaali am tedduɗi fayde kala ɓiɓɓe
fulɓe fasniiɓe pulaagu ɗo mbaawi wonde e winndere
he kala.
Banndiraaɓe tedduɓe, ngon-ɗen ko e jamaanu
moɗondiral ɗemɗe kañum e mbaylaandi kesam hesa-
maagu, kala ɓe ndadaaki haa tiiɗi, pellitii ndarii ngam
ƴellitde coñte ɗemngal mumen e pinal leñol mumen
ko ko njaɓɓetee, keedtinee caggal. Pulaagu men e
Pulaar men ko yeeso fayi, saabii ɗum ko eɗen njogii
sagataaɓe leñol fellitɓe yarlitaniiɓe ɓamtaare, saliiɓe
yawaare, ine jeyaa e ɓeen Aatumaan Sih lollirɗo Abuu
Sih.
O addii ballal makko baawngal ɓamtude leñol ngol,
ko kaŋko tigi woni suusi waali boowal, o jannginii
tuubakooɓe ɗemngal Pulaar, nde o winndani ɗumen
defte (Mon Guide Pulaar), kañum e (Do you speak
Pulaar?), o jannginii aarabeeɓe kadi Pulaar nde win-
ndi (kayfa tujeyyid lugal pulaariyya, fii muddatin qasii-
ratin ) e deftree (Naamne e jaabawuli pawiiɗi dow
lakdari), o addani leñol kadi njooɓaari mawndi ko foti
no (Saggitorde Pulaar/ Fulfulde 20000 helmere). e
deftere (Daartol gila Dawaa dawi) e defte goɗɗe ɗe
o jogori yaltinde ko fayi arde, so joomiraaɗo tedduɗo
o jaɓii. Yo Alla yoɓ mo moƴƴere!
Mi heɓii weltaare e weytaare mawnde nde o holliti mi
deftere makko nde o winndi e doosɗe celluka Pulaar,
taw-mi ko omo waɗi no o heewnoo waɗde ni so
defde haa ɓennda o rattana, ɓiɓɓe leñol makko.

2

Ndeeɗoo deftere (Doosɗe Celluka Pulaar/Fulfulde)
nde Ceerno Abuu Sih Jaalal leñol winndi, ko deftere
lobbere, ende addi kala ko ena hatojinee e celluka
pulaar, ko nde deftere rowrowre tuugniinde tigi e
neesu no haaalooɓe pulaar kaaldata ni, tee ne kaŋko
binnduɗo nde o, o haaɗaani tan e ngaddiin Pulaar
Fuuta Tooro (rewo Senegaal e worgo Muritani) alaa
omo naatnori heen ngaddinaaji fulɓe keewɗi. Ɗuum
tinndinta ko jaajgol e galɗugol e cañogol ɗemngal
meeɗen Pulaar/ Fulfulde ngam ɓooygol maggal, nde
wonnoo nde lekki ɓuri ɓooyde fof ɗaɗi muuɗum ɓura
tiiɗde e ñiɓaade, so en tuugniima e deftere he ma en
nganndu ɗemngal Pulaar alaa fannu ganndal roŋki
mooftude e gannde kese ɗe kala.

Deftere nde ine soomori Celluka innde e gollal
kala e ko satii ɗumen. winndiyaŋke men ŋanaa o, ko
joom miijo yultungo, ko ɗuum waɗi won e tiitooɗe ɗe
njiyaten e nder deftere makko he tawa en ngoowaani
ɗumen yiyde e defte selliyaŋkooɓe, ɗuum ko geɗe
kese ɗe o yiyti e nder wiɗtooji makko ɓooyɗi e kesi
kala.

Mbeɗo wiya maa Ceerno Abuu Sih: yo jokku
golle, leñol ngol ne sokli annduɓe mum e alɗuɓe
mum e jaambareeɓe muuɗum, yo a wuur cellaa.
Ko mbinndu-ɗaa ko, ko ballal mawngal e ɓeydaare
wonande defterdu walla mbiyen kaggu Pulaar.
On njaaraama banndiraaɓe
Ibraahima Aamadu Lih

3

Doosɗe Celluka Ɗemngal Pulaar/
Fulfulde

Haaliyaŋkooɓe mbiyi: giyal jibdinaa ko he ceeɓdi
mum! ko noon-ne kala Ɗemngal jibdinaa ko
he Celluka mum. Ɗemngal jogii ko doosɗe
mum no mahortoo e no koŋngol mum lelortoo
fawaade dow celluka. Ndee-ɗoo Deftere Celluka,
ma en eto feññinde heen: «Mahdi Helmere,
Pecce Helmere, Pecce Koŋngi, Lelngo Koŋngi,
Mbaykaaji e koŋngi Degiiɗi»; Haaliyaŋke gooto
wiyi: «ina jeyaa he kaaɗtudi haaliyaŋkaagal walla
naalaŋkaagal waawde fawde koŋngol he nokku
ɗo foti!». Ndee Deftere fawotoo ko dow wiɗto
luggo wiɗaango hiñaa haa selli fawaade dow
doosɗe ɗemngal ngal jibdinaa.
Kala ɗemngal biɗtangal, celluka mum reenaa,
Pulaar ɓuri haandude heen, tawnoo ko ɗum
ɗemngal taccungal keeri ɓooyngal waylo-waylo
e ngaddinaaji celluɗi e ɗi cellaani haa he koŋngi
e Kelme jiggaaɗe ndolaa. Ina haani, Pulaar, no
wayi saaktaade e ɓooyde dikkoo ɗemɗe mawɗe
tammbiiɗe ganndal.
Ɗemngal ko alɗude ɗum «koŋngi, Pinal, Conce,
kelmeendi e Cañu Doosɗe » addanta ɗum wonde
ɓooyngal.Jiggaade kelmeendi e pinal haɗataa
ɗemngal wonde ɓooyngal.
Ɗemɗe keewɗe ina njogii no nganndirta ko njig-
gii, naatni nder ɗemngal mumen he kelmeendi,

4

won heen paamirta helmere ko jiggaande tan ko
taweede ɗum e ɗemngal goɗngal, kono Pulaar waɗani
kelme Jiggaaɗe ko ceŋelal ko jiggii kala loowa heen.
Ko soomii he ɗemngal ina heewi, ɗemngal ko ngesa
caakaaba aawdi fuɗdi e huɗo!, so remtaaka law tan
juggat, sooya.

Wowlaandu (Helmere)

Helmere ko innde jiggaande he ɗemngal Arab, woni
wowalaandu he Ɗemngal Pulaar. Wowlaandu (Hel-
mere); ko wulaango nanateengo faamee, hay sinno
ko alkulal gootal walla ɗiɗi so njaltii he hunuko faa-
maa, ko wowlaango (Helmere) Yeru: a , o, ar, neene,
Ɓaleejo…
Teskoɗen:
Wowlaandu (Helmere)mahitree ko alkule muume e
laaɓɗe ɓasondiraaɗe tawa so yaltii he Hunuko ina
faamee walla maandina huunde. «joo-joo kala, ma en
kuutoro wiyde wowlaandu walla Helmere, ko gootum»
Yer: Ceerno wowlaani hay koŋngol!

Aamadu haalaani hay wowlaandu!
Suka o nde naamnaa wowlii wiyi: Eey.
O haali tan ko Helmere wootere, (O haali tan
ko wowlaandu wooturu).
Yeru gadano o, e ɗimmo o; ina tinndina Ceerno
haalaani hay huunde; koŋngol ina waawi wonde ɗo
wowlaandu wooturu, walla gowlaali pawondirɗi haa

5

haala timma. (Aamadu haalaani hay wowlaandu) ɓuri
regaade, e tinndinde wonde hay huunde haalaaka.
Yeru tataɓiijo e nayaɓiijo o, (o haali tan ko helmere
wootere), laɓɓinanii en wonde wowalaadu ko mbiye-
ten Helmere ko wiyannde wootere, no raɓɓiɗiri walla
juutiri kala (Eey).

Doosgal:
Wowlaandu(helmere) mahata ɗum ko alkule laaɓɗe
muume tawa so yaltii e hunuko ine faamee, hay so
alkulal gootal walla ɗiɗi, haa to keewal majje waawi
haaɗde, yeru : a, o, am, ar,iraade,foondu, amde,
ciluki, neɗɗo, hedde.
*Ko gowlaali mahirtee koŋngol, koŋngi mahiree haala.
Wowlaandu ina feccoo e pecce tati : innde, gollal, e
ko wonaa innde wonaa gollal.

Innde

Innde
Poolel, Mbeñu, Weendu.
Ullundu, Haayre, Woyndu.
Boynaaru, Juulirdu, Dingiral.

a) Hol ko woni innde e hol no anndirtee?
Innde ko wowlaandu yaltundu e innude, kala ko nod-
daa nootortoo ko innde mum. Innde anndirtee ko so
tawi fedde innde ina waawi adaade ɗum walla sakki-

6

taade ɗum, Yeru:

ngel poolel. Oo mbeñu. nduu weendu
Koo haako ndee Haayre ngee nagge
Dingiral ngal nduu Juulirdu
yimɓe ɓe

Tesko ɗen! inɗe gonɗe dow ɗe fof ina mbaɗi pelle
inɗe, ɗum woni gojjinaaɗe ɗe : (Ngel-Oo-Ngee-Nduu-
Koo-ngal). Kala Helmere (Wowlaandu) ndu ina jaɓa
ɗee kelme e hono mum-en ngadoo walla cakkitoo ko
ɓuri jaalaade e Ɗemngal ko innde wiyetee.

Doosgal :

Innde anndinta en ko: hol no neɗɗo, kullel e huunde
walla ‘’puɗol’’ wonande won ɗemɗiyaŋkooɓe wiyetee.
Kala wowlaandu (Helmere) ndu Fedde innde waawi
naatde, adoo walla sakkitoo ko innde.

-So innde ina winndee e hoyre koŋngol Alkulal mum
gadanal ngal mawninte, Yr: Demmba mawnii.

b) Pecce inɗe
Inɗe innirteeɗe, ina peccoo he pecce tati: innde
noddirteende Neɗɗo, innde noddirteende Kullel, innde
noddirteende Huunde.

Innnde Neɗɗo: ko ko Aadee nootortoo, yeru : Aama-
du, Abuu, Usmaan, Demmba, ba, sow, jah, deede,
ceerno.

7

Innde Kullel: nagge, foondu, mbaalu, ngirja, ngeloo-
ba, ɓota, liingu, sidere, seendu, gerlal, ngoriyal.

Innde Huunde: lekki, naange, boloŋere, sawru,
weeyo, ɓernde, wuddu, heeñere, mbeɗu, ñorgo,
miijo, henndu.

-Nder-ɗee-ɗoo inɗe kala ma en taw aɗe peccitoo
Pecce ɗiɗi nder majje: innde; (Laaɓnde «Heertiinde »
e Renndaande).

- so en teskiima inɗe gonɗe dow ɗe ina peccii pecce
ɗiɗi ; ina waɗi inɗe keeriiɗe e denndaaɗe, yeru : so
wiyaama;

Kullel: en nganndaa hol kullel kaalateengel, mbele
ko kullel laadowel walla diwowel walla jahowel, ko
kulle kala toɗɗii. Kadi so wiyaama : sonndu, Foondu,
Lguyere Mbati, Dingiral, Maayo, Neɗɗo, Wutte, Lekki,
Weendu Ekn, en nganndii kala heen leñol kaalateegol
kono haa jooni en laɓɓinanaaka. Yr:

Foondu, Sonndu: en nganndii ko leñol Colli e pooli,
kono en nganndaa mbele ko Foondu Uuga walla
mariyaama, ɗum waɗi ɗee inɗe e ko nanndi e majje
wiyetee ko innde Renndaande.

Weendu Saye: en nganndii Weendu haalateendu, ko
Weendu Saye tan toɗɗii wonaa Beeli kala. Kadi so
wiyaama : Foondu Uugaaru, Aamadu, Kajjatel, Lugu
Jaddal, Ɓokki, Sonndu Hebee (Cooji), Sidere, Ekn en

8

nganndii ko haalatee kadi Laɓɓinanii-en ko toɗɗii, Yr:

Moolturu, Aamadu: en nganndii ɗee inɗe won mo
ɗe toɗɗii tawi ko kañum-en tan mbiyetee noon; ɗum
waɗi ɗee inɗe e ko nanndi e majje wiyetee ko innde
Heeriinde (Laaɓnde).

Innde Renndaande/ aay- Innde Heeriinde

naande (Laaɓnde)

Weendu Kajjatel

Dingiral Hebee
Neɗɗo Weendu Saye
Wuro Aamadu

Ndiwri Sidere
Maayo Seendu
Lekki Dingiral Bilbasi
Liingu Mawbaare
Huɗo Colte
Lewru Caski

b) Mbaydi Baylagol innde

Innde he ɗemngal Pulaar ina wayloo he nder mbay-
diiji nayi, tawi ko ɓuri heen heewde ina keddorii ɗaɗol
iwdi innde. Won heen mbayloroo baylagol alkule
puɗɗorɗe ɗaɗi. wayla firo innde kadi hokka ɗum
ayaawo ngo ina anndina kaalanaaɗo ɓetu tolno innde
nde ; ɗiin mbaydiiji ngoni pecce nayi:

9

-innde Timmunde.
-innde Heltaande.
-innde Mawninaande.
-innde Fuuynaande.

Taro

Ayaawo habrirde (Telwisiyoŋ):

Sukaaɓe ina ndenti nder suudu ñallirdu, ina njeeɓa
Naɓoka (Filme) tan haa kulle ladde njalti nder heen
ina ndoga; Wojere waɗi fureet, Naggal ina muynin-
tunoo gooleyel felmii Leggirdi alla-e-kulol, Sukaaɓe
ngulli njali. Baabiraagal jom deeral mawngal seki, wiyi
ko on bonɓe nehdi, ma mi haalan Ceernel mon fiya on
Ɓoggirdi karlaandi haa jaɗɗi koŋ. Yummiraagal ari ina
teɗɗini Deerirdi, wiyi Sammba am ar aan kam Ɓoggel
heƴaani e ma saka Boggol e Ɓoggirdi!

-Tesko : Kelme ɗe Diidi cakkii les mum-en ɗe kala, ko
inɗe, kono so a ndaartindiima a tawat, inɗe ɗe aɗe
ceerti gila to nder Nanɗe, mbaydi, ayaawo e mbinndin
haa e firo, kono tawi kadi ko innde wootere toɗɗiinde
geɗel gootel, Yr : Ɓoggel, Ɓoggol Ɓoggirdi, Ɓoggal,
fof toɗɗii ko Ɓoggol, kadi inɗe tati keddiiɗe ɗee fof ko
he mayre njalti.

Ndeke noon inɗe nay ɗe kala, wootere heen fof won
ayaawo e mbaydi rokki innde nde: Innde timmunde
woni: Ɓoggol. Innde heltaande nde woni : Ɓoggel.
Innde mawninaande nde woni : Ɓoggal. Innde fuuy-

10

naande nde woni: Ɓoggirdi.

-Kono so en ndaarii innde wojere: woni innde tim-
munde. Innde Heltaande mum ko Bojel. Innde maw-
ninaande mum ko Bojal. Innde Fuuynaande mum ko
Bojirdi.

So innde Wojere yerondiraama e innde Ɓoggol, en
tawat innde Wojere waylii Alkulal gadanal puɗɗorgal
ɗaɗol, tee Ɓoggol waylaaki,

Yeru: Inɗe ɗe ɗaɗi mum mbaylotaako:

Innde Innde Innde Innde
Mawni- Fuy-
Timmunde Heltaande naande naande
Ɓoggal Ɓoggirdi
Ɓoggol Ɓoggel Daangal Daangirdi
Daande Daangel Naggal Naggirdi
Nagge Naggel Neɗɗal Neɗɗirdi/
Neɗɗo Neɗɗel neɗɗiri
Leggal* Leggirdi
Leggal Leggel Sammbayal Sambayirdi
Sammba Sammbayel Laccal Laccal
Lacciri Laccal Goral (Gor- Gorirdi
Gorko Gorel (Gor- kal)* (Gorkirdi)*
kel)*

•Tesko, kala innde nde fedde innde mum woni (Ngal)
innde timmunde mum e innde Mawninaande ko
gootum. Waɗi noon ko Fedde Ngal masi innde nde,

11

ndeen noon mbiyen nde mawnintaake.

•Gorko, Gorkal wiyetaake noon, ko ko yalti doosngal
kuuɓtodinngal, ko ɗum keertiindi yoga he inɗe, kono
bonnataa doosgal.

Yr: Inɗe ɗe Puɗɗorɗe e cakkitorɗe alkule ɗaɗi mumen
mbaylotoo:

Innde Innde Innde Innde
Fuu-
Timmunde Heltaande Mawni- naande

naande

Wojere Bojel Bojal Bojirdi

Hullere Kullel Kullal Kullirdi
Huɗo Kuɗel Kuɗal Kuɗirdi
Womre Gomel Gomal gomirdi
Faɗo Paɗel Paɗal Paɗirdi
Sidere Cidel Cidal Cidirdi
Hoyre Koyel Koyal Koyirdi
Mboomri Boombel Boombal boombirdi
Leeso Leecel Leecal leecirdi
Debbo Dewel Dewal dewirdi

Doosgal:
-innde noddirteende ina feccoo he pecce tati ; innde
Neɗɗo, innde Kullel e innde Huunde, Yr : Sammba,
Kullel, Dingiral.
- kañje inɗe ɗe kala aɗe peccitoo pecce ɗiɗi : innde
Heeriinde (Laaɓnde) e innde Renndaande,Yr:
Weendu Saye: ko innde Heeriinde. Dingiral ko innde

12

Renndaande.
-innde ina jogii mbaydiiji Nayi: innde Timmunde, Hel-
taande Mawninaande, e Fuuynaande:
*innde Timmunde: ko innde nde ustaaka ɓeydaaka,
ɗaɗol innde e ɓeydol ngol ko fedde innde Masata
ɗum,yr: koo Goro, Ndee Waande, Kol (ngol) Kuɗol,
Oo Neɗɗo, ngal damal, nduu suudu.
*innde Heltaande : ko innde ustaande famɗinaande,
seyfitaande,tesko heltatee ko mawnugol e keeweendi,
Kala innde Heltaande, kala innde mawnugol fedde
mum (ngel), Yr : Ngel Cidel, Ngel Lekkel, Ngel Neɗɗel,
Ngel Colel. Kala innde innde heltiraande keewal fedde
mum ko (kal): kal dihal, kal conol.
*Innde Mawninaande: ko innde nde tagoodi mum
ɓurtinaa fotde mum, innde mawninaande ko (Ngal)
woni fedde mum walla Kal, Yr: Ngal Naggal, Ngal
Lahal, Ngal Bojal.

*innde Fuuynaande: ko innde nde togoodi mum maw-
ninaa haa ɓurti sanne sanne wondi e ɗaayre, kala
innde fuuynaande Fedde mum ko Ndi, Yr : Ndii gorir-
di, Ndii Koyirdi, Ndii Nofirdi.
-Tesko: kala innde mawninaande masirtee (sakkitor-
tee) ko: AL. Innde heltaande masirtee ko: EL. Innde
Fuuynaande masirtee (sakkitortee) ko irdi walla iri.
-Tesko so a muuyii anndude hol no innde nde bayla-
gol Alkule puɗɗorɗe ɗaɗi mawninirtee walla heltirtee,
fuuynirtee, a ittat innde teelal mbaɗtaa ɗum keewal
: Wojere Keewal ko Boje, Sonndu keewal ko Colli;
mbeydaa heen (Al- El- Irdi), sonndu, Colal, Colel,
Colirdi. Bojal, Bojel Bojirdi.

13

ɓ) Innde Teelal e Innde Keewal

Kala innde timmunde, Pulaar ina jogii keewal mum
e Teelal mum:

(Lekki, Lekɗe, Giccal, Gicce,Kuɗol, Kuɗi, Nagge,
Nayi, Boynaaru, Boyiiji, (boynaaji) sonndu, Colli,
Ngaari, Ngoriyal, Dingral, Dingire, Maayo, Maaje,
Maande, Lottundu, Huɗo, Kuɗi, Puɗi, Puɗol,
Jammbere, Jammbe, Jombaajo, Yombayɓe,Mbabba,
bamɗi, Puccu, pucci, Ndamndi, damɗi.Henndu,
Keneeli, Ñaayko, ñaaykooli, Soɓoƴuru, Coɓɓoƴƴi,
Nammnaadi, nammaaɗe, Koyle, Worgo, Rewo, Gor-
ko, Worɓe, Debbo, Rewɓe, Neɗɗo,Yimɓe, Sopoƴru.
Copoƴƴi,)

.kala innde heltaande ina jogii keewal keltangal:
(koyngel, koykon, nofel, nofon, deerel ndeeron…)
-innde mawninande e fuuynaande, ɗeen ndenndi
keewal kebbinaangal walla puuynangal, yr: (nofal
nofeeje. Bojal, bojeeje, junngal, juuɗeeje e

- So a ƴeewii inɗe gonɗe dow ɗe, won heen ko inɗe
Teelal won heen ko Keewal. Won e majje ndenndi
Ɗaɗol, won heen ko ko waylii wellet, won heen ko
baylagol alkule puɗɗorɗe ɗaɗi. Yr:

Dennduɗe Ɗaɗol:

Lekki…Lekɗe. Kuɗol…Kuɗi. Boynaar Boyiiji. Ekn

14

Waylii Wellet:

Nagge………Na’i (Nayi). Jombaajo…….Yombayɓe.
Neɗɗo…..Yimɓe. Ekn

Baylagol Alkule P. Ɗaɗi:

Sonndu…….Colli. Henndu….Keneeli. Dewbo

(Debbo)…..Rewɓe. Ekn

Eto-ɗen naatnude inɗe ɗe nder Pelle inɗe;

Kii ͢ Lekki, Ɗee ͢ Lekɗe.

Ngal ͢ Giccal, Ɗee ͢ Gicce

Kol ͢ Kuɗol Ɗii ͢ Kuɗi

Ngee ͢ Nagge, Ɗii ͢ Nayi.

Oo ͢ Neɗɗo Ɓee ͢ Yimɓe

Ngoo ͢ Maayo Ɗee ͢ Maaje

Nduu ͢ Henndu Ɗii ͢ Keneeli

Ndee ͢ Haayre Ɗee ͢ Kaaƴe

a) --Tesko-ɗen: Teelal yeruuji Pecce tati gonɗe dow
ɗe no ɗe mahiri Keewal majje, hay heen gootel jiidaa
no Mahiri keewal mum e goɗngel.
b) --Tesko-kadi : nde naatnu-ɗen inɗe Teelal les Pelle
inɗe hay heen wootere jiidaa e woɗnde nde Fedde,
kono kadi so a ndaartindiima Keewal majje, Kañje fof
ko Pelle inɗe Tati tan Mahi Keewal majje; Yr: (Ɗee,
Ɗii, Ɓee).

Laɓɓinen: Pulaar, ina maha keewal innde dow Bayla-
gol Alkule puɗɗorɗe Ɗaɗi, e dow Laaɓngal cakkitiingal
tawi waylaani Ɗaɗol, e waylude innde wellet tawi ina
teskii laaɓngal cakkitiingal mahowal keewal jahdungal
e Teelal ; Yeru :

15

Keewal Mahirteengal Baylagol Alkule Puɗɗorɗe Ɗaɗi:

F ͢ P .P Foondu ͢ Pooli ͢ Poolon« kon»k.Keltangal.
S ͢ C. C Sawru ͢ Cawbi ͢ Cowon «Kon»k.Keltangal.
H ͢ K…K Huɗo ͢ Kuɗi ͢ Kuɗon « kon » k.Keltangal.
R ͢ D…Nd Reedu ͢ Deedi ͢ Ndeeron«kon»k.Keltangal.
W ͢ B…Mb Wahre ͢ Bahe ͢ Mbahon«kon» k Keltagal.
Mb͢ B…Mb Mbaalu ͢ Baali ͢ Mbaalon«kon» k.Keltangal.
Nd ͢ D…Nd Ndamndi ͢ Damɗi ͢ Ndamkon «kon»k.Kelt
Ng ͢ G…Ng Ngaari ͢ Gayi ͢ Ngayon «kon » k Kelt
ʼA ͢ G…Ng Aaludere ͢ Gaaluuɗe ͢ Ngaalukon«kon»
keewal Keltangal.
Y ͢ J…Nj Yahre ͢ Jahe ͢ Njahon«kon» k.Keltangal.

*kala Alkulal gontungal keewal Alkule gadiiɗe ɗe, ina
hasii ko ɓuri heewde ko kañum mahata keewal innde
mum Yr: Cawgu…..Cawɗi……Cawkon. So wontii
keewal Fedde innde Heltaande (Kon-koy-Kuŋ) ; kon=
Fuuta Tooro, Kuŋ, koy= Fuuta Jaloŋ, Yr: Koy Liikoy,
Ngilkoy (Liikon, Ngilkon).

Laaɓngal Cakkitiingal tawi waylaani Ɗaɗol :
Lekki ͢ Lekɗe ͢ Lekkon « kon » keewal Keltangal.
Ginal ͢ Gine ͢ Nginon « kon » keewal Keltangal.
Giccal ͢ Gicce ͢ Ngiccon « kon » keewal Keltangal.
Puɗol ͢ Puɗi ͢ Poɗon « kon » keewal Keltangal.
Dingiral ͢ Dingire ͢ Ndingiron«kon » keewal Keltangal.
Kuɗol ͢ Kuɗi ͢ Koɗon « kon » keewal Keltangal.
Comcol ͢ Comci͢ Comcon « kon » keewal Keltangal.
Baajol ͢ Baaji ͢ Mbaajon «kon » keewal Keltangal.

16

*innde nde waylataa Ɗaɗol tawi cakkitiingal mahotoo
ko he cakkitiingal Fedde keewal innde mum Yr:
-Ɗee Lekɗe.
-Ɗii Comci.
Keewal Baylotoongal innde e Wellet:

Neɗɗo ͢ Yimɓe…Yimkon « kon » keewal Keltangal.
Jombaajo ͢ Yombayɓe…njombayon« kon » k.Keltagal.
Maayo ͢ Maaje…Maajon « kon » keewal Keltangal.
Liingu ͢ Liɗɗi Liikon « kon » keewal Keltangal.

*keewal hono ɗee inɗe he Pulaar mahaaki e Baylagol
Alkule Puɗɗorɗe Ɗaɗi walla Ɗaɗol innde, heen tumaa-
ji, ina nannda he baylagol Alkule Puɗɗorɗe Ɗaɗi kono
wonaa, Yr: Neɗɗo….Yimɓe.jombaajo…Yombayɓe.
Heen tumaaji nannda e Ɗaɗol innde, Yr: maayo…
maaje. Jombaajo … Yombayɓe, Ekn.

-Keewal Fedde innde ko Tati:

1) keewal innde Neɗɗo e ko soowirtee Neɗɗo.
2) Keewal innde Kulle.
3) keewal iinnde Huunde.

-Keewal Fedde innde Neɗɗo ko (Ɓee) Yr:
Ɓee Yimɓe. Ɓee Rewɓe, Ɓee Worɓe. Ɓee Sukaaɓe.
Ɓee Sagataaɓe. Ɓee Annduɓe. Ɓee Ɓaleeɓe. (haa
heddii: ‘ɗii boombi e ɗii surgaaji’).
Tesko: keewal fedde Ɓee, ko kañum mahata innde
Keewal kadi ko kañum sakkittoo innde, Yr:
Ɓee Yim-ɓe.
Ɓee Taaniraa-ɓe.

17

Ɓee Sukaa-ɓe.
-Keewal fedde kulle he ko ɓuri jaalaade ko (Ɗii), heen
tumaaji ina luutndoo Hebbiniree (Ɗee), Yr:

Ɗii Pucci. Ɗii Gelooɗi. Ɗii Na’i. Ɗii Bamɗi. Ɗii Pooli.
Ɗii Liɗɗi. Ɗii Borti. Ɗii Dawaaɗi. Ɗii Damɗi. Ɗii Baaɗi.
Ɗii Ngirooji (Girje).
*Fedde keewal Kulle mahirteeɗe (Ɗee) ko ɓuri jalaade
heen tawata fedde teelal innde mum ko (Ngal) e
yoga e baylagol alkule puɗɗorɗe ɗaɗi, ko heddii ko ko
filtata, Yr:
(Ngal Gertogal- Ɗee Gertooɗe).
(Ngal Jaawlal- Ɗee Jaawle)
(Ngal Kaŋkaleewal-Kaŋkaleeje)
(Ngal Caygal- Ɗee Cayɗe)
(Ngal Dutal- Ɗee Dute)
(Ngal Giccal- Ɗee Gicce).

Yoga he inɗe Mahirteeɗe (Ɗee) tawi fawii ko dow
Baylagol Alkule Puɗɗorɗe Ɗaɗi, Yr:
(Ndee Yahre – Ɗee Jahe),
(Ndee Sidere- Ɗee Cide)
(Ndee Hoowoyre- Ɗee Koowooje)
(Ndee Fiifoonde- Ɗee Piifooɗe)
(Ndee Suppeere - Ɗee Cuppeeje)
(Ndee Sammunnde- Ɗee Cammulle)
(Ndee Wojere – Ɗee Boje)
(Ndee Yahre (Yaare) – Ɗee Jahe)
Ko filti heen seeɗa yalti Doosgal tawi Teelal mum-en
wonaa (Ngal) walla nder Baylagol Alkule Puɗɗorɗe
Ɗaɗi, ko wayi no; (Ŋaayooji, Laadooje), heewaani
walla wona innde dottaande; Yr:

18

(Ndee Teŋkere- Ɗee Teŋke- walla Ɗii Teŋkereeji), kaɗi
hono ndee innde ina waawi ɓeydeede (eeji), jogoo
Fedde keewal (Ɗii).
*Tesko keewal Fedde (Ɗii) ko kañum mahirtee sakki-
toore laaɓngal innde Keewal, Yr:
(Ɗii - Gelooɗi)
(Ɗii - Na’i)
(Ɗii - Baali)
-Keewal Fedde innde Huunde ko (Ɗee), yoga heen
seeɗa ina Mahiree Baylagol Alkule Puɗɗorɗe Ɗaɗi e
Fedde keewal (Ɗii) Yr :
Ɗee Lekɗe, Ɗee Baaɗe, Ɗee Kaaƴe, Ɗee Bordooɗe,
Genaale, Ɗee Capa
tooje, Ɗee Baage, Ɗee Pooɓe, Ɗee Toɓɓe, Ɗee Lahe
(Lehe), Ɗee Ɗacce, Ekn
*Tesko kala nde Teelal innde Huunde woni (Ngol)
Fedde keewal mum ko (Ɗii), Yr:
(Ngol Laawol - Ɗii Laaɓi (Laawɓi)).
(Ngol Loocol - Ɗii Looci)
(Ngol Baajol - Ɗii Baaji)
(Ngol Deenrol – Ɗii Deeneeri) (deenereeji)
(Ngol Caaɗngol (Caanngol) - Ɗii Caaɗli)
(Ngol Beelol - Ɗii Beeli)
-Yoga heen Mahirteeɗe Baylagol Alkule Puɗɗorɗe
Ɗaɗi Keewal mum ko (Ɗii); Yr :
(Nduu Sawru – Ɗii Cabbi (Cawbi))
(Nduu Saawdu – Ɗii Caawli)
(Nduu Fittaandu –Ɗii Pittaali)
(Nduu Henndu -- Ɗii Keneeli)
(Nduu Weendu – Ɗii Beeli)
-Keewal Kebbinirteengal (Ndii) e (Ɗam) heewi wonde
ko huunde wootere heewnde reentunde walla deelo-

19

toonde, ina waawi kadi jaggireede teelal, Yr:
(Ndii Kuwdi (Kuudi))
(Ndii Mbordi)
(Ndii Lesdi (Leydi)
(Ɗam Lamɗam)
(Ndii Kaañeeri)
- Keewal Keltangal (Ɗam - Ndii) kadi ko muumal
mum cakkitiingal mahirtee innde Keewal keltangal Yr:
Kal - Dihal
Kal - Laccal
Kal - Nebamal
Klal - Conal
*Tesko Keewal Fedde innde (Ɗee) ko kañum Mahir-
tee Laaɓngal cakkitiingal innde, Yr:
(Ɗee --- Lekɗe)
(Ɗee --- Kaaƴe)
(Ɗee --- Tule)
Innde Gorol e Innde Dewol
«Pulaar fedde innde rewɗintaa innde haa seernda
gorol e dewol hono yoga he ɗemɗe goɗɗo. Ɗemngal
Pulaar ko innde Neɗɗo e kulle tan waawi Seerndude
Gorol e Dewol. Pelle inɗe peññinta ko Mbaydi innde e
Tolno mum walla tagoodi mum».

Doosgal

*kala innde Timmude ina jogii Keewal e Teelal
haa heddii innde Fuuynaande, Mawninaande e
Heltaande,Yr:(Ɓoolal, Ɓoolel, Ɓoolirdi), Alaa
keewal. Innde Timmunde, Ɓooldu keewal mum ko:
Ɓooli.
* keewal innde Pulaar ina mahiree baylagol Alkule

20

puɗɗorɗe Ɗaɗi e Dennduɗe Ɗaɗol e Helmere way-
lotoonde wellet. Yr: Salndu= Calɗi. Giccal=Gicce.
Neɗɗo= Yimɓe.
*Keewal Fedde innde Hebbinirteende inɗe ko Tati:
(Ɓee-Ɗii-Ɗee), (Ɓee)= keewal innde Neɗɗo e ko
yowitii he Neɗɗo. (Ɗii)= keewal Kulle ko Ɓuri jaa-
laade, ina mahiree kadi Baylagol Alkule Puɗɗorɗe Ɗaɗi
e (Ɗee) tawi Teelal Fedde kullel ngel ko Ngal. (Ɗee)
keewal Huunde ko Ɓuri jaalaade, ina Hebbiniree kadi
baylagol Alkule Puɗɗorɗe Ɗaɗi, e (Ɗii) Kala Huunde
nde Teelal Fedde innde mum woni (Ngol).
*kala Huunde Reentunde walla Deelotoonde e
Saayoore, Hebbinirtee ko (Ndii e Ɗam), alaa Teelal,
walla keewal kebbinoowal, keewal keltangal mum ko :
(Kal).
* keewal keltangal inɗe keddiiɗe kala ko : (Kon e koy,
Kuŋ), Kuŋ ɓuri huutoreede ko to F. Jaloŋ : koy, Kuŋ
Liikuŋ koy liikoy, (Liikun).
– Keewal Ɗee e Ɗii e keewal keltangal, ko kañum-en
Mahirtee wattan innde hebbinaande, yr : Ɗee- Lekɗe.
Ɗii -Baaɗi. kon -Liikon. Kal -Dihal.

Ekkito (Jirge),

Jaaboo naamne garooje :
-hol ko woni Wowlaandu (Helmere) ?
- Hol ko woni Innde ?
-Hol no nganndirten ndee Helmere ko innde ?
-Hol no Pecce inɗe Poti ?
-sakku Diidol les innde Neɗɗo Diidi ɗiɗi Les innde kul-

21

lel e Huunde nder winndannde wonnde les
Nelaaɗo Alla ko Neɗɗo ɓurɗo winndere, Aamadu wiyi
ko kaŋko ñaagotoo Alla yo yaafo yimɓe. sara wuro
amen ina waɗi ladde sukkunde, amin njaha furti-
noyde purtooje e girje. Boje ina keewi nder huɗo.
Doŋal so sumii, kulle ndoga njaha paya maayo.Mawɗo
wuro wiya demmbel e poolel yo ngar ngadda leɗɗe e
ñoomre Duɗal huɓɓee, Sukaaɓe itoo.
-rokku yeruuji tati innde Heertiinde e Renndaandi?
-rokku ɗee Akule Tati gorooje inɗe Tati keewal mum-
en (S, H, F).

Joopornde nokku/ yolndiire

Joopornde nokku ko joopornde ɓallinoore walla
woɗɗinoore ko joopaa, hollirta ko yolnde hakkunde
joopoooɗo e ko joopaa. Yeru:

Ndee: ko joopornde innde huunde e yoga e kulle. So
en ceŋii heen toɗɗornde nonnku ɓadiiɗo (ɗo) wonata
ko ndee ɗo walla (ndee-ɗoo)

Ndee-ɗaa: ko joopornde nokku deestiiɗo.

Ndee-ɗoo: ko jooprnde nokku ɓadiiɗo.

Ndee-too: ko joopornde nokku goɗɗitiiɗo

Ndeya-too: ko joopornde nokku goɗɗuɗo sanne

Ndeya: ina wona ko ɓadii seeɗa ina wona ko woɗɗi e

22

cooyngal.

Ndeegaa: joopornde huunde heednde baŋnge
joopotooɗo
Ndeeɗoon: joopornde huunde heednde sara
joopanteeɗo

Nanaɗaa walla inaniɗaa: joopornde deestiinde
joopotooɗo e joopanteeɗo

Ndee-ɗoo ndee-ɗaa ndeya ndee-too ndeya-too

Baa baa-ɗaa baa-ɗoo baa-too baya baya-too
Kii kii-ɗaa kii-ɗoo kii-too kiya kiya-too
ɗum ɗuma ɗum-ɗaa ɗum-ɗoo ɗum-too (…)
Kon kona kon-ɗaa kon-ɗoo kon-too (…)
Ngel ngela ngel-ɗaa ngel-ɗoo ngel-too (…)

Tesko
Ndeya e baya e kiya joopornde nde fooɗaani waɗi
noon ko alkulal (Y) ngal ko ngal feccere muumal fec-
cere laaɓngal. Wadde yeru kala jooporɗe cakkitoriiɗe
laaɓngal ko noon waɗirtee.

-jooporɗe cakkitoriiɗe muumal ko nokkuuji tati tan
woodi yeru:
(ɗum-ɗaa, ɗum-ɗoo, ɗum-too).

23

Doosgal

Joopornde nokku ko joopornde ɓallinoore walla
woɗɗinoore ko joopaa, hollirta ko yolnde hakkunde
joopoooɗo e ko joopaa. Jooporɗe nokku cakkitoriiɗe
laaɓngal ko (5) jooporɗe nokku cakkitoriiɗe muumal
ko (4). Yeru : baa-ɗaa, baa-ɗoo, baa-too, baya, baya-
too. Ngela, Ngel-ɗoo, ngel-ɗaa, ngel-too. Ina sella
waasa waɗeede cirfel hakkunde majje, kono takkon-
dirtaake, yr : (oo ɗaa, baa ɗaa).

Lomto nokku

Taren :
Ɗoo hannde kala garɗo maa heɓ geɗal haa timma.
min njahiino wuro mon, kono toon heewaani borti.
Ceerno amen kala nde noddi almuudo, wiyi ar gaay
fiyat ɗum haa muusa.suudu sanɗaaji ina heewi joñtu
ɗaa abbin too. Mi lemimaama e sawndooji he kala mi
yiyaanima.

-ƴeew kelme cakkanaaɗe diidol ɗee kala, ɗe paydtii ko
nokkuuji. So en mbiyii: (ɗoo), ko nokku mo kaaloowo
toɗɗii to heedii. E min njahii «wuro» mon: wuro ko
nokku, mbiyen: «min njahii wuro mon, kono wuro
mon heewaani borti», wadde min njahii wuro mon
kono «toon» heewaani borti, wadde «toon» lomtii ko
wuro, ndeke noon toon ko lomto nokku.ko noon ne:
(gaay, too, he) ko lomtooji nokku.

24

*lomto nokku ina feccoo e jolɗe, ina waawi ɓadaade
walla woɗɗude, yeru :
Ɗo: lomto nokku ɓadiiɗo, ɗo wonaa walla daraa.
Ɗaa: lomto nokku ɓadiiɗo seeɗa, «ɗaa-yete» ɓuri
fooccaade e (ɗaa).
He: lomto nokku gonɗo e sawndooji, mo woɗɗaani,
deestiiɗo.
Gaa: lomto nokku keedɗo e baŋnge kaaloowo,
ɓadiiɗo.
Gaay: lomto nokku teeŋtinoowo keedɗo e kaaloowo
«gaayete» teeŋti.
Sara: lomto nokku ɓadiiɗo w/goɗɗuɗo ko haalatee,
yr: «woni ko sara farayse ».
Sawndo: lomto nokku keedtuɗo e ko haalatee,
woɗɗa w/ ɓadoo.
Hedde: lomto nokku berlaaɗo,mo anndaaka,w/
ɓadiiɗo ko haalatee.
Takko: lomto nokku cisɗo e ko haalate, yr: takko
maa, takko haayre.
Too: lomto nokku goɗɗuɗo.
Too-yete: lomto nokku goɗɗuɗo joopotooɗo e
joopanteeɗo.
Toon: lomto nokku keedɗo e kaaldateeɗo berlaaɗo,
ɓadoo w/ woɗɗa.

Doosgal
-lomto nokku; lomtotoo ko nokkuure toɗɗaande,
ɓadiinde walla woɗɗunde. Ina feccoo e pecce tati:
ɓadiiɗo, deestiiɗo, goɗɗuɗo, aɗi ngona hedde (15)
walla ɓura: (ɗaa, ɗoo he, gaa, gaay, sara, sawndo,
hedde, takko, too, tooyete, toon ekn)

25

Lomto Tumaare

a)-Tuggirnde Tuma

(gila-hade) (haa=faa)

«gila-hade»

-Gila: ko wowlaandu tuggirndu tuma jawtuɗo, mo ina
seŋoo he mum , kitaale lebbi, jonte, tumaaji dottaaɗi,
ekn, yeru: «gila haŋki !». ful-fulde ina wiya (illa):
(gila haŋki=illa haŋki)
-Hade: ko adii tuma garoowo (payɗo) ina seŋee he
mum, kitaale, jonte, lebbi, tuma dottaaɗo ekn, yeru:
«hade jaŋngo!».

*Reentinde: heewii so yimɓe ina kaala njiiɓondira
kuutoroo, gootel heen kala e nokku goɗngel, koko
woowaa tan kono sellaani.(gila haŋki, hade han-
nde). «so wonaa tan heen tumaaji hade, ina fira (ko
adii) ndeen noon wonataa tuggirnde tuma», wonata
ko Ɓad-gollal toɗɗorrnde tuma.

«haa-faa»
-Haa: ko wowlaandu (helmere) tuggirndu tuma
payɗo, seŋoo heen, kitaale ekn, yr: (haa jaŋngo).
-Faa: ko wowlaandu fulfulde e won ɗiin ngaddinaaji,
kañum e haa ko gootum, yr: (faa jaŋngo). Ina gasa

26

tawa koko dottaa, wonnoo ko: (fayi, fayde).

Taren:

Gila naane amin pad-maa, hay haŋki a waɗiino nih.
Kala hitaande eɗen poti renndude nder lewru colte
mbaɗen batu patamlamu. Ndeento ɗen ko adii ko
heɓtinoo en rawane heɓtaaki en hikka. Nde koreeji
ma ngari tawi ko min keblani maaɓe gila ko ɓooyi.

Ndaaren kelme cakkanaaɗe diidi, cuɓtoɗen ɗe;
Gila naane, haŋki, hitaande, rawane, hikka : kañje fof
ɗe tinndini ko tumaaji.

Cilen: koŋngol;

Gila naane amin padmaa:
Gila naane = lomto tuma.
Amin =lomto,gollooɓe gollal fadde. Walla (pirlitoowo)
Pad = gollal
Maa = timmoode. (lomto aan).

Tesko ɗen, denngal kitaale jawtuɗe e payɗe e lebbi
jawtuɗi e payɗi e jonte e ñalɗi e kala ko ina lomtoo
ɗum ko tumaare, ina jeyaa heen:
(jooni, so ɓooyii, naane, hikka, rawane, mo
wuuri, nde, ndeen, neeɓi) ɗum ɗoo fof ko tumaaji

Taren:
Gila ndokku-ɗaa mi mbajju ceertu mi e jaangol. nde
ngar-ɗaa tawi ko mi yahii. Hade maa ñaamde innu

27

innde alla. Caggal nguurndam ko maayde. yonta nde
nguur-ɗaa gollu ko moƴƴi. Ko adii aɗa ara haalan,
min. tuggi beete naane haa jooni min ñaamaani.
Neeɓii ko ngarɗaa walla ko jooni.

So en ƴeewii ma en taw ɗee kelme cakkanaaɗe diidi,
won e majje njalti he gollal, ɗeen ngoni toɗɗorɗe
tuma walla tuggirɗe. E goɗɗe ɗe mbaylotaako tawi
kadi ko tuggirɗe tuma.
njaltuɗe e gollal, (toɗɗorɗe Tuma:(yonta, adii, tuggi,
law). ɗee ɗoo inɗe innirten ɗum-en ko: Ɓad-gollal
(toɗɗornde tuma), ina ɓadii gollal kono wonaa
gollal.
Ɗe mbaylotaako: (gila, caggal, hade, haa, illa).
Ɓad-gollal toɗɗornde tuma: (yonta, adii, tuggi,
naane, jooni, hikka…)

-tesko-ɗen kala tumaaji baylotooɗi jaltuɗi e inɗe e
golle, ina sinndondiree e ( so, ko), ina waawi kadi
sinndeede tuggirɗe ɗe mbaylotaako, yeru:
(So ɓooyii, so neeɓii, so juutii, ko adii, gila rawane
hade mo wuuri…)

*Reentinde: so juutii: ina huutoree kono sellaani to
doosɗe, yeru mbiyen:
min ngarii ko juutii / sellaani.
Min ngarii ko ɓooyi / ina selli.
-Min ngarii ko neeɓi / ina selli.
-Juuti, juutde, njuuteendi: ɓetirtee ko darnde, wonaa
tuma, kono yimɓe---ina goowi huutoraade hay so
sellaani.
Laɓɓinen:

28

(gila, nde, illa, hade): ko kuutorɗe tuggirɗe tuma
jawtuɗo e ko ɓuri jaalaade. « nde ngarɗaa, nde
haalnoo, gila haŋki, gila ko ɓooyi».
(haa, faa): ko kuutorɗe tuma payɗo. «haa jaŋngo,
haa mo wuuri ».

Doosgal

Lomto Tuma, ko ko toɗɗortee yontaaji, jawtuɗi e
payɗi e gonaaɗi, ko wayi no : kitaale e lewbi ekn.
-tuggirnde tuma: ko lomto tuma mo waylotaako, ko
wayi no (gila, illa, hade, haa, faa, caggal, ekn).
- Ɓad-gollal, toɗɗornde tuma : yr : (nde, jooni,
naane, rawane, haŋki, hikka, mo wuuri, so ɓooyii…),
ko inɗe ɗe toɗɗorɗe tuma ɗe mbaylotaako.

Pelle inɗe

Pelle inɗe Pulaar ina abboo noogaas e nayi(24)
pawɗe, won heen ko ngaddinaaji kuutorteeɗi nder
Falndeeji, ko ɓuri heen heewde Haalooɓe Ɗemngal
Pulaar ina kawri heen.

-Baa, Ɓee, Ɗam, Ɗee, Ɗii, Ɗum, Kaa, Kal, Kii,
Koo, Kon, kol, Kuŋ, Oo, Ndee, Ndii, Nduu, ngee,
Ngii, Ngoo, Ngal Ngel, Ngol, Nguu.

a) Pelle inɗe ina peccoo Pecce Tati:

29

Teelal Keewal Denndal

Kaa----Ngii Ɓee Ɗum

Kii-----Ngoo Ɗee
Koo…..Ngol Ɗii
Kol……Ngel Kon
Oo-----ngal Kuŋ, koy
Ndee---Ngii Kal
Ndii----Nguu
Nduu--- Ndii
Baa---Ngee

*Tesko, pelle inɗe ɗemngal Pulaar ko kañum-en naat-
natee nder innde waawa seerndude innde e ko wonaa
innde. Ina waɗi heen so a teskiima nder Alluwal ngal
baawɗe wonde Teelal e Keewal, Yr : (Ndii), «Ndii
Ngayri- Ɗii Gayi». «Ndii Kaañeeri alaa fedde keewal
kebbinoowal, innde ndee ko keewal Deentungal». So
wonaa tawi wiyaa ko ɗee kaañeeje.
-Fedde innde (Ɗum) : ina lomtoo, firlitoo Pelle inɗe ɗe
kala, kadi heen tumaaji daroo darnde Naamnal, Yr :
Ɗum arii. Ɗum ko woni?

b) Jooporɗe e Toɗɗorɗe

Pelle inɗe ko kañuim-en ngoni Jooporɗe e Toɗɗorɗe
(Joopornde-Toɗɗornde); ko Joopaa e firo ɗemngal
pulaar ko ko yomniraa (holliraa) feɗeendu Joopordu,

30

haala huccinaa he mum ina wona ko heerii walla ko
Renndaa. ko Toɗɗoo ko innde Suɓaande wonaande e
haaleede. Joopornde: adoto tan, Alkulal mum cakki-
tiingal mahiree Alkulal cakkitiingal innde Joopaande.
Toɗɗornde sakkitto innde, kadi Alkulal mum Laaɓngal
mahiree Alkulal cakkitiingal innde, yr:

Nduu Rawaandu-Rawaandu ndu. Oo Neɗɗo--Neɗɗo o.
Ngal Ngoriyal--Ngoriyal Ngal. Ɗii dawaaɗi dawaaɗi ɗi.

c) Fedde innde/ Lomto Innde

Tar winndannde aroore.

Hokkere
Nde Hokkere nde duumii, Kulle ɗomɗi Ladde olii.
Ngatamaare juurti, ɗe ngari kañje fof ɗe ngoni e folde
aɗe mbeltoo. Pobbi Cooynii Mbabba, Ba ari haa Ba
yettii, Ba wiyi ɗi padee mi dura haa mi faya coŋngon
mi waasa yahdude e heege. Ladde nde, nde waɗi
Huɗo haa heewi, Gaynaako o yiyi Huɗo ko weltii han-
nde ɗe ndura haa ɗe carta.

Tesko: kala pelle inɗe ɗe Diidi cakkii les mum-en nattii
wonde Pelle inɗe ɗe lomtii ko kulle walla goɗɗum:
Nde: Lomtii Tuma mo Hokkere duuminoo.
Ɗe: Lomtii ko Kulle.
Ba, Ba, Ba: tati ɗee fof gonɗe nder winndnnde lomtii
ko Mbabba.
Ɗi: lomtii ko Pobbi (Powbi).
Nde : Lomtii ko Ladde.

31

Ɗe: lomotii ko Kulle.
*Tesko: Joopornde wonataa Lomto, ko Toɗɗornde
lomtinirtee innde.

Doosngal

*Fedde innde ko kañum Mahirtee Alkulal cakkitgal
innde (Laaɓngal walla Muumal), kadi ko kañum
seerndirtee innde e ko wonaa innde.
*Pelle inɗe ina peccoo e pecce tati : Teelal, Keewal e
Denndangal, Yr : Kii, Ɗii, Ɗum.
*Joopornde e Toɗɗornde waɗirtee ko Pelle inɗe,
Joopornde Fooɗat laaɓngal cakkitiingal, Toɗɗornde
Raɓɓina Laaɓngal cakkitiingal, kala fedde sakkitriinde
Muumal, Joopornde e Toɗɗornde mum waylotaako, Yr
(Ndee, Nde, Ngal).
* Pelle inɗe ko kañum-en ngontata Lomtooji inɗe
Kulle e Huundeeji.

Ɗaɗol e Ɓeydol innde

Nder celluka binndol alaa e sago ruttanee ɗaɗol e
ɓeydol. ɗaɗol woni iwdi wowlaandu kala. Wadde so
binndugol helmere weñoriima en en ngittat ɗum e
teelal mbaɗten e keewal walla e keewal mbaɗten ɗum
teelal ; ndokken alluwal yeru :

32

Teelal keewal jann- winn- ɗaɗol ɓeydo Ina
girtee dirtee
l sella

Hoyre Koye Hoore Hoyre hoy re hoore
Koye

solndu Colli Son- Solndi/ sol ndu son-

ndu colli ndu

Lahal Lahe Lahal/ Lahal/ lah al lahal
la’al lahe

Sahre Cahe Saare Sahre/ sah re saare
Sohre Cohe re Soore
Somr Come cahe re Come
Faawru Paaw- ru Paabi
Soore sohre/ soh
bi cohe

Somre Somre som
Come

Faawru Faawru Faaw
/ Paawbi

Lewru Lewbi Lebbi Lewru/ lew ru Lebbi
lewbi

*so en kuutoriima ooɗoo yeru, en tawat binndol e taro
regiingo saɗtat won e ndiin mbaydi.
- ko goonga ko celluka reeni binndol kono kadi ina
hatojini e hoybinde ɗemngal mbele ina waasa saɗtirde
jaŋngooɓe e tumaraŋkooɓe.
- so winndiraama no nanirtee ina weeɓtina, kono kadi
wontata ko welmaa dagoo ko heewi e doosɗe kadi
majjat.
-ɗaɗol e ɓeydol koko semmbinta iwdi ɗemngal.

33

Doosgal

Ina heewi e kelme pulaar mahiiɗe ɗaɗol e ɓeydol,
won heen ɓurɗe teeŋtude, ko wayi no kelme
mahotooɗe e baylagol; alkule puɗɗorɗe ɗaɗi, yr:
hoyre koye. won heen ɗe mbinndirtaa no nanirtaa ko
wayi no ɗe cakkitiiɗe ɗaɗol mum siddi, yr: ƴakkude,
sammude. ɗaɗol ko ƴakku e sammu.

Ekkito (Jirge)

Hol no pelle inɗe Pulaar poti?
Yaltin Keewal inɗe Pulaar ?
Winndu winndannde taro peññinaa heen, ɗo innde
wonata lomto.
Hol ko wonu ɗaɗol e ɓeydol?

Lomto innde aadee

Lomtooji innde Aadee ina feccoo he pecce keewɗe,
Lomto inɗe ko Kelme toɗɗorteeɗe ngam lomtin inɗe
yimɓe haalooɓe, haaldateeɓe e haalateeɓe,aɗe njaha
haa Jeegom walla jeeɗiɗi, peccoo pecce tati, lomto
daɓɓo, juutɗo e teeŋtuɗo Ekn, yr:

Lomto Daɓɓo Lomto Juutɗo Teeŋtuɗo
Mi Miɗo Miin
A Aɗa Aan
O Omo Kaŋko

34

Min amin minen
En Eɗen
Enen Onon
On Oɗon Kamɓe
Ɓe Aɓe (eɓe)

*Tesko (Mi) Lomtii ko Neɗɗo Kaaloowo. (A) lomtii ko
Neɗɗo kaaldateeɗo. (O) lomtii ko Neɗɗo kaalateeɗo
mo Tawaaka haala. (En) lomtii ko kaaloowo e
Haaldateeɓe tawtoraaɓe. (On) lomtii ko haaldateeɓe
tawi kaaloowo alaa heen. (Ɓe) lomtii ko Haalateeɓe,
kaaloowo e kaaldateeɗo alaa heen.
-(Minen) lomto Teeŋtuɗo baɗtoowo Jeeɗiɗi, lomtii ko
keewal Haalooɓe tawi haaldateeɓe ngalaa heen.

a) Sifaaji masgol lomto daɓɓo
Mi, A, O, En, On, Ɓe ko lomtooji aadee gardotooɗi
gollal pirlitaangal masira ɗum (i) pooɗa alkulal
laaɓngal cakkitiingal (ii) yeru: mi dogii, a dogii, o
dogii, en ndogii, on ndogii, ɓe ndogii Ekn.

b) lomto aadee juutɗo

Miɗo, (…)* aɗa, omo, eɗen, oɗon, aɓe, ko lomtooji
aade gardotooɗi gollol pirlitaangal masira ɗum(a)
walla heen tumaaji (i) laaɓɗe cakkitte ɗe pooɗataa
yeru:

Miɗo ara, aɗa ara, omo ara, eɗen ngara, oɗon ngara,
aɓe ngara; walla miɗo yiɗi aɗa yiɗi, omo yiɗi, eɗen
njiɗi, oɗon njiɗi, aɓe njiɗi.
(…)* anndu miɗo, ina waɗi ngaddinaaji biyooji :

35

(mbeɗe, mboɗo, miɗonin,mbiɗa mbaɗa, miɗa… kono
wonaa ko selli to doosgal ina huutoree tan woosaa e
ɗemngal).

c) lomto teeŋtuɗo

Miin, aan, kaŋko, enen, onon, kamɓe, ko lomtooji
aadee teeŋtuɗi gardotooɗi gollal pirlitaangal masira
ɗum (i) laaɓngal cakkitiingal footataa yeru:

Miin ñaami, aan ñaami, kaŋko ñaami, enen ñaami,
onon ñaami, kamɓe ñaami.

-lomtooji innde ko wonaa aadee, pelle inɗe mum-en,
ina njogii lomto juutɗo e teeŋtuɗo teelal e keewal, yr:

L.daɓɓo L.juutɗo L.t teeŋtuɗo L.k teeŋtuɗo
Ba aba
Nde ande kamba kañji
Ngu angu
Ndu andu kayre kañje

kaŋngu kañji

kayru kañji

Tesko yeru dokkaaɗo o lomto keewal teeŋtungal kulle
e huundeeji ko ɗiɗi tan won : kañje-kañji, kañje lomtii
keewal huundeeji e ko ɓuri jaalaade fawaade mahagol
doosɗe pelle inɗe.kañji lomtii ko kulle e ko ɓuri jaa-
laade fawaade e mahagol doosɗe pelle inɗe.

d/ lomto jooporɗo walla tokkirɗo
-aɗa teskoo hiirde men rawane e naalaŋke
jimannooɗo en? hee… ndeen hiirde e oon naalaŋke
wonaa ko yejjittee!

36

-Sammba ko nguu puccu nandi e puccu baaba
soodnoo, alaa nguun puccu ko mboongu wonnoo.

Waande ngesa men, lekki ina darinoo sara mum,
ndeen waande e kiin lekki njaniino.

So en teskiima inɗe ɗe diidi cakkii les mum-en ɗi,
ma en taw kañje fuh nananndi cakkitiingal, woni (n)
tee so en ngittii alkulal (n) ngal wontata ko : ndee,
oo, nguu, ndee, kii, ndeen kelme ɗe kala ngontii
jooporɗe. wadde ko joopornde + (n) rokki en mbay-
di ɗee kelme.

Eɗen mbaawnoo wiyde:

Ndeen hiirde e oon naalaŋke wonaa ko
yejjittee=ndeen e oon wonaa ko yejjittee.

Nguun puccu ko mboongu wonnoo= alaa nguun ko
mboongu wonnoo.

Ndeen waande e kiin lekki njaniino= ndeen e kiin
njaniino.

Tesko lomto jooporɗo ina waawi lomtaade innde
neɗɗo, kullel, huunde walla tumaare, yeru:

L. neɗɗo L. kullel L. huunde L. tumaare

Oon Ngeel Kaan Ndeen
Ɓeen Ngaal Ndeen

37

Baan Koon
Ndiin
Ngool

*lomto joopornde innde neɗɗo ko ɗiɗi tan (oon e
ɓeen). Lomto jooporɗo kulle e huunde ko fedde innde
mum-en. So tawii ko joopornde sakkitoriinde alkulal
(L) ko laaɓngal hakkundeewal mum fooɗatee, yeru:
ngaal lekgal. Ngool loocol, ekn. Keewal keltangal
mum ko (n) waylotaako, yeru: koon lekkon. Lomto
tumaare ko ndeen tan ko heddii ko heewi wonde ko
innde jiggaande ɗemngal goɗngal walla innde dot-
taande, yeru: oon waktu, oon sahaa koko jiggaa e
arab. Ndeen hojomaare, leƴƴannde, tumaare, ekn ko
ɗuum woni ko jiggaaka.

*lomto joorɗo ina wonta tokkirnde nder koŋngol,yeru:
so en mbiyi, Sammba ko guu puccu nandi e puccu
baaba soodnoo, nguun ko mboongu wonnoo. Nguun
nder ngol ko lomto jooporɗo kono kadi ko ɗo tok-
kirnde haala, egginirnde koŋngol tawi fuɗɗoraaki ɗum
gila fuɗɗoode mum.

Doosgal

Lomto innde neɗɗo ina feccoo pecce tati: lomto
daɓɓo, juutɗo e teeŋtuɗo.lomto innde helmere
haɗoore kaaloowo rewde e innde neɗɗo, yr: Sammba
ñaamii- eey o ñaamii, (o) lomtii ko Sammba.
(mi, a, o, en, on, ɓe) (miɗo,aɗa, omo, eɗen,
oɗon,eɓe) (miin,aan,kaŋko,enen,onon, kamɓe).

38

Lomto innde ko kañum mahirtee laaɓngal cakkitiingal
gollal so firlitaama.
Lomto kullel e huunde ko fedde innde mum, kadi ina
jogii lomto; lomto daɓɓo, juutɗo e teeŋtuɗo, yeru:
(nde, ngu, ba ekn) (ande, aba, angu) (kayri, kañji,
kayru kayre ekn)
Tesko: keewal teeŋtungal huunde e kullel ko ɗiɗi tan:
kañje ko ɓuri jaalaade teeŋtinirtee ko huunde kañji
ko ɓuri jaalaade teeŋtinirtee ko keewal teeŋtungal
kulle.
-alkulal cakkitiingal lomto ko kañum mahirtee cakki-
tiingal gollal ngal kullel walla huunde firliti.
-lomto joopornde walla tokkirɗo ko (joopornde sak-
kitoriinde laaɓngal+(n))so tawii ko cakkitoriinde
muumal(L), ko laaɓngal hakkundeewal fooɗatee
yeru : ngel (ngeel). L. jooporɗo neɗɗo ko ɗiɗi :(oon,
ɓeen). So tawii ko huunde walla kullel ko jooporɗe
mum-en kala.

Jeyal

a) jeyal: ko wowlaandu seekiindu e gollal jeyde,
jeyde ko jogaade huunde nde ina askitinoo e hoyre
mum, tawi ina jogii ndimaagu firlitde ɗum, yeru:
Taren:

Hol mo jeyi ngel baalel? Jeyi ngel baalel ko Manna.
Ndimaangu Lawel ɓuri haarde e Pucel Gelaajo.
deftere Sammba ina yooɗi.
Teskoɗen: naamnal gadingal ngal jeyaa ko (baalel) ko

39

kañum sakkitii konngol ngol, kono nder jaabawol ko

jeyaa jooftinaa ko e innde jeyɗo.

Ko noon ne kadi denndaangal inɗe cakkanaaɗe diidi

ɗe fof njooftinaa ko e innde jeyɗo; (ndimaangu

Lawel. Pucel Gelaajo. Deftere Sammba).

So en cilii konngol ngol wonata ko:

Ndimaangu: jeyal.

Lawel: innde jeyɗo.

Pucel: jeyal.

Lawel: innde jeyɗo.

Deftere: jeyal.

Samba: innde jeyɗo.

b)Taren:
-joom maayo ƴeeŋi dow fonngo ina hela gawƴe haa
joom ngesa ari betti ɗum waɗi fureet naati nder
ndiyam.
-Alla jeyi leydi e kammuuji kala.
Tesko: joom mayo ina waawi wonde innde wootere,
kono nder ɗo joom ko innde jeyal jeyɗo, ngati joom
ngesa, joom ɗo ko innde jeyal jeɗo, ngesa woni jeyal.
Alla jeyi (leydi e kammuuji), e nder ndii mbaydi inɗe
jeyal ɗe fof ko kañum-en cakkitii innde jeyɗo, kono
ɗum heewi arde tan tawi ko jeyal jeyɗo adii,walla tawi
won ko lommbii hakkunde innde jeyɗo e jeyal.

Doosgal:

jeyal ko innde jooftinteeɗo e jeyɗo, ko kañum adotoo
innde jeyɗo, yr: deftere Sammba. ngesa Baaba. Kala
nde jeyal sakkitii tawata ko innde jeyal jeyɗo ina adii

40

walla lommbii hakkunde inɗe ɗe ɗiɗi, yr: joom ngesa,
joom mayo, Alla jeyi tagoore.

Lomto Jeyal

Lomto jeyal ko helmere lomtinteende jeyi neɗɗo walla
huunde walla kullel, artira ko jeyaa e innde jeyɗo.
Yeru :
a)Ko miin jeyi ndee deftere. Hoyre Aamadu ina
waɗi punndi.Laaci rawaandu ndu ina juuti. Aan ɓuri
mawnude hoyre e koye Sammba-en. Laaci Nagge
nge ɓuri juutde e laaci Puccu. Ɗee ɗoo gellooje ko
sukaaɓe Poolel njeyi.

b) Ndee Ko deftere am. Hoyre makko ina
waɗi punndi. Laaci mayru ina juuti. Hoyre ma ɓuri
mawnude e koye maɓɓe. Laaci magge ɓuri juutde
e laaci maggu. Ɗee ɗoo ko gellooje Sukaaɓe makko
njeyi.
-so en ndaarii hakkunde winndannde (a-b) ma en taw
kelme ɗe diidi cakkii les mum-e nder winndannde (b)
lomtii ko inɗe walla lomtooji inɗe gonɗe nder winn-
dannde (a). Laɓɓinen:

- am : lomtii ko miin, makko lomtii ko Aamadu,
mayru lomtii ko Rawaandu, ma lomtii ko Aan,
maɓɓe lomtii ko Sammba-en, magge lomtii ko
Nagge, maggu lomtii ko Puccu, makko lomtii ko
Poolel.

41

Tesko : kelme am, makko, mayru, ma, maɓɓe,
magge, maggu, makko ; ko lomtooji jeyal ɗi ina ngar-
tira jeyal e innde jeyɗo.
-lomtooji jeyal ina peccoo e pecce ɗiɗi lomto jeyal
daɓɓe e lomto jeyal juutɗo so en mbaɗii yeru nder
Alluwal :

L.jeyal L.jeyal L.jeyal kullel e L.jeyal
neɗɗo/
Daɓɓo neɗɗo/ huunde denndaaɗo

Juutɗo

Am (…) Magge Mum

Ma Maaɗa Maggo, Maggu Mum
Makko
(…) Mayru Mum

Men Meeɗen Maggal, Maggol Mum

Mon Mooɗon Mayre Mum
Maɓɓe (…) Makki Mum

Amen (…) Majje Mum

*Mum: ko lomto jeyal denndangal, ina waawi lom-
taade jeyal neɗɗo e kullel e huunde kala yeru: so en
mbiyii: -mballee Demmbe ngesa makko inana sooya.
Mballe Demmba ngesa mum inana sooya. Ngesa
mum sooyii.
-Nagge nge Laaci magge ina juuti, Nagge nge Laaci
mum ina juuti, Laaci mum juutii.
-Lekki ki Cate makki mbiltii, Lekki ki Cate mum mbiltii,

42

Cate mum mbiltii.
•(Mum) ina jogii lomto mum juutɗo woni: (Muuɗum)
Tesko lomtooji jeyal kullel e huunde ko (9) fawaade
e laaɓngal cakkittoongal innde toɗɗornde kullel walla
huunde, lomto jeyal kullel e huunde ina waɗi keewal
keltangal e Teelal keltangal, so askitnaama e Neɗɗo
wonta keewal jeyal puuynowal, yeru:

-Lekki ki cate makki ko cewkon, Caton kon ko cew-
kon, caton makkon ko cewkon.

-Ullundu ndu Laaci mayru ko tokosuru Ullungel ngel
Laacel maggel ko tokosel. Laacel maggel ko tokosel

-Ndawakon kon Laacon (majjon) ina ndaɓɓiɗi. – so
won wiyirooɓe nih ko juumre ngoowka kono sellaani,
selli ko makkon.e (makkuŋ, ngaddin Fuuta Jaloŋ),

Yeru keewal keewal keltangal lomto jeyal: Cukalon
kon koyon makkon ko tokoson. Koyon makkon ko
tokoson.
-Ngooroondi ndi Laaci mayri ina juuti. Laaci (majjiri)
ina juuti. Hay so won wiyirooɓe noon ɗooftaaki doos-
gal. Keewal keltangal lomto jeyal e Teelal mum maho-
too tan ko dow lomtooji ɗiɗi keltaaɗi (ngel e kon)

L.teelal keltangal L.keewal keltangal
Maggel Makkon
Makkuŋ (F.Jaloŋ)

43

2) Ceerndugol hakkunde (Ma e Maa)
-Galle ma ina waɗi hoɗɓe maa artu hannde ? Maa
won wiyɓe Galle ma welaani!

Tesko : ina waɗi ma-uuji 4 cakkanaaɗi diidol, so en
peccii wonata ko pecce tati :
Ma: cakkitiiɗo innde (Galle ma).
Ooɗoo ko lomto jeyal (Galle aan) (Galle ma aan).
Ooɗoo (Ma) foti ko raɓɓiɗde cakkitiingal (ko lomto
Jeyal).
Maa: gardiiɗo gollal (Maa artu).
Kono ko nii foti winndireede (ma-a artu walla ma
a artu) faam (a) boɗeejo o lomtii ko aan innde
neɗɗo kaaldeteeɗo, so takkondiraama walla so cirfel
waɗdaama e (maa) egginirgel walla (Naamnorgel)
fof ina yaha, haɗi mo fooɗde ɗo, ko hade laaɓɗe tati
ndeggondirde.
Maa: adaaki gollal sakkitaaki innde (Maa won wiyɓe).
Ooɗoo (maa) ko egginirgel walla (naamnorgel) haala,
omo heewi adaade lomtooji aadee walla pelle inɗe,
so o adiima lomtooji aadee heewi ko raɓɓineede yr:
(ma-mi, ma-a, ma-o, ma-en, ma-en, ma-ɓe). Cirfel
ngel lomtoo (a) cakkitiiɗo ngam haɗde laaɓɗe tati
reggondirde, kono hay so cirfel ngel waɗaaka heen ko
ɗuum faynditaa. O wonaa Lomto Jeyal. O wonata tan
ko hoyre koŋngol.

Doosgal

Lomto jeyal so naatii nder koŋngol waylat gonal innde
jeyɗo, moomta ɗum, dartoo darnde mum. Lomto
Jeyal ina waɗi pecce ɗiɗi jeyal aadee e jeyal kullel e

44

huunde, yeru :
(am, ma, makko, men, mon, maɓɓe) (maaɗa,
mooɗon, meeɗen).(makki, maggal, magge,
maggu ekn).
Lomto Jeyal denndangal, yeru:(Mum e muuɗm).
Teelal keltal e keewal keltangalYr : (maggel e
makkon, makkuŋ) mahaade e fedde innde (ngel e
kon).
Tesko lomto jeyal (ma) e (maa) egginirgel walla
naamnorgel. Lomto Jeyal sakkitto innde tan, Pulaar
seerndat lomto jeyal aadee e kullel e huunde. Bayla-
gol lomto jeyal kullel e huunde mahotoo ko e cakki-
tiingal fedde innde mum.

Jirge e Naamne

Hol no lomttooji innde aadee poti ?
Hol no pecce lomtooji innde aadee poti ?
Mbele lomto innde kullel e huunde ina waawi lom-
taade lomto aadee ?
Hol no pecce lomto innde poti ?
Hol ko woni lomto jeyal ?
Limtu lomtooji jeyal kulle e huudeeji kala.

Mbayka (Sifaa)

Mbayka woni sifaa, sifaa ko helmere iwdi Arab do-
laande, kono pulaar celluɗo o ko mbayka, iwi ko e
koŋngol wayde, (wayi, baygol, mbaydi).

45

a) Mbayka
-won kelme gorooje e winndannde aroore nde aɗe
njahda e inɗe maa kaalan en ko fayti e inɗe ɗe:
Oo gorko ɓutto ina nehi Ullundu ɓaleeru. Baaba mum
Sammba ko nayeejo. Nduu Rawaandu woɗeeru waawi
dogde.

-Jaaɓe belɗe. Suka juutɗo. Wuro mawngo.
-Wojere raneere. Deftere hesere. Puccu njaawngu.
-Debbo boɗeejo. Ñamako haaɗko. Suka jooɗɗo.

So en ndaarii kelme ɗe diidi cakkaa les mum-en ɗe
kañje fof ɗe cakkitii ko inɗe. So en ndaartindiima en
tawat ɗe kaalanta en ko no inɗe ɗe mbayi to baŋnge
tagoodi, edda walla dakamme…
Ɓutto: anndinta en ko no tagoodi ɓanndu Gorko o
no mawniri. Nayeejo: anndinta en ko ɓooygol duuɓi
Baaba mum Sammba. Woɗeeru: anndinta en ko edda
goobu nguru Rawaandu. Jooɗɗo : anndinta en ko
mbaydi tago Suka. Njaawngu: anndinta en ko lefu
Puccu dogata, ekn.

Kono kadi: Gorko, Ullundu, Baaba mum Sammba,
Rawaandu, Jaaɓe, Wojere, Debbo, Suka, Deftere,
Ñamako, Wuro, Puccu, Suka, ɗee-ɗoo fof inɗe, kelme
ko cakkitiiɗe ɗe kaalanta en ko ko yowitii e majje,
ɗeen inɗe e gollooje hono golle majje nder haalawalla
koŋngol mbiyatee Mbayka (Sifaa) e Celluka Pulaar.

b) kaaɗtinirdi Mbayka

1) gorko ɓutto -Jaaɓe belɗe -Ñamako haaɗko

46

ullundu woɗeeru -Wojere raneere- Suka jooɗɗo
baaba nayeejo -Debbo boɗeejo -Jamma ɓaleejo

2)Gorko ɓutto ref -Jaaɓe belɗe buy -Ñamako
haaɗko rok
Ullundu woɗeeru coy -Wojere raneere tal -Suka
jooɗɗo Buy
(sanne, haa maayi)

Baaba nayeejo oskos -Debbo boɗeejo coy
-Jamma ɓaleejo kurum

Tesko-ɗen kaaɗtinirɗi mbayka innde arata ko cag-
gal mbayka tan hono no mbayka rewirta e innde.
Kaaɗtinirɗe hokkata ko kaaɗtudi edda goobu ekn
yeru: Jamma ɓaleejo (kurum) ko ko ɓawli kaaɗtudi
ɓaleeri ndi jillaani. Nayeejo (oskos) oskos ko
kaaɗtudi nayeewu ɓanndu e duuɓi nayeejo.

So en mbaɗii Alluwal

Innde Mbayka(sifaa) Kaaɗtinirɗi

Debbo Nayeejo Oskos
Ullundu Ɓaleeru Kurum
Deftere Raneere Tal
Gorko Njool Dow
Lamɗam Haaɗi Rok
Debbo Boɗeejo Coy
Naange Oole Buy

47

*Kaaɗtinirɗi kaaɗtinirɗi mbayka w/ ko wonaa mbayka:

(Sanne-No feewi- Haa maayi-Tigi-rigi- tep- ref):

Oo debbo ina wojji Coy -Oo debbo ina wojji sanne-Oo
debbo ina wojji haa maayi-Oo debbo ina wojji tigi-rigi
-Oo debbo ina wojji no feewi.
Oo Gorko ina heewi ganndal buy -Oo gorko ina heewi
ganndal sanne -Oo gorko ina heewi ganndal no feewi
-Oo gorko ina heewi ganndal haa maayi -Oo gorko
ina heewi ganndal tigi-rigi.

So en ndaarii oo debbo ina wojji coy: hakkundi
mbayka e kaaɗtinirdi hay huunde lommbaaki heen,
kadi so en lomtinii kaaɗtinirdi kaaɗtinirɗe mbayka
Kono so en ndaarii oo gorko ina heewi ganndal buy:
ko ganndal lommbii hakkunde mbayka e kaaɗtinirdi.
Ngati so en mbiyii : oo gorko ina heewi buy!buy
hol ɗuum? Oo gorko ina ganndal buy! Sellaani alaa
ko roondii. Wadde noon, buy, sanne, no feewi, haa
maayi, tigi-rigi ko kaaɗtinirdi mbayka (heewi). Kono
so en mbiyii ganndal buy, jawdi buy, jawdi sanne,
jawdi tigi-rigi, ndeen noon wonataa kaaɗtinirdi
kaaɗtinirɗe mbayka, wonata tan ko mbayka innde
ardiinde yeru: jawdi buy. Buy: ko mbayka jawdi.

c)Mbaydi mahgol masɗe mbayka

Puccu mawngu, debbo jooɗɗo, kuɓeeje toowɗe,
debbo ɓuɗto, cukalel ɓuɗtel, cukalon ɓuɗton, ndewon
njooɗkon:

48

Mbayka innde mahirtee ko e pecce innde, innde,
timmunde, heltaande, fuuynaande, keewal keltangal,
hono yeru gonɗo dow o.

d)- gollal jahdowal e mbayka ekn

gollal wonde ko kañum heewi yahdude e mbayka
adoo ɗum ko kañum kadi sakkittoo innde nde woni e
aywinde mbaydi mum walla wayo-wayo mum, yeru.

-Ko mi njool, mi laatiima mawɗo gila ko ɓooyi, aɗa
yooɗi, ko mi ɓaleejo, a woniino ɓuɗto, omo wojji coy,
debbo jooɗɗo, huunde nde ina weli.

Tesko-ɗen:

Mbaykaaji ɗi diidi cakkii les mum-en ɗi kala adii ɗum-
en ko inɗe walla lomto juutɗo walla gollal wonde
(laataade) e kelme paccirooje darotooɗe darnde
gollal (wonu) yeru : (ko e ina). So en ndaartindiima
en tawat lomtooji juutɗi aɗi nanndi e gollooji gollal
laataade, ngati kala ɗo ɗi ngari gollal laataade ina
waawi arde ɗoon, yr: aɗa yooɗi = a laatiima jooɗɗo
= ko a jooɗɗo. (ko a) ɗo darii ko darnde wonde e
laataade, (ko raɓɓiɗinde koŋngol ((a wonii jooɗɗo)).
Wadde mbayka adotoo ɗum ko gollal wonde e ko
nanndi e mum (laataade, meeɗde…) e paccirooje.

Doosgal
Mbayka: to baŋnge celluka ko wowlaandu (helmere)
haalanoore en hol no huunde, kullel walla neɗɗo wayi

49

walla foti, abbotoo ko innde mahoo e teelal mum
walla keewal mum. Ko heewi e mbaykaaji ina njogii
kaaɗtinirɗi: (coy, kurum, tal, buy, rok, tot, ref…) e
kaaɗtinirɗi kaaɗtinirɗi mabyka walla limoore mbayka,
(sanne, buy, haa heewi, haa maayi, no feewi, tigi-
rigi, ref, tep…). Mahgol masɗe mbayka yowittoo ko
e innde sifateende, so timmunde, heltaande, maw-
ninaande walla keewal keltangal e baylagol alkule
puɗɗorɗe ɗaɗi, yeru : (Suko (a) ɓuɗto, Cukalel
ɓuɗtel, Cukalon ɓuɗton). daneejo, raneeɓe. Sawru
raneeru, Cabbi daneeji. (r = d. w=b…)
-mbayka sakkitto innde nde woni e aywinde kadi yah-
data tan ko e gollal wonu (wonde) e nanndooji mum.

Lomto mo heertaaki/kuuɓtodinɗo

Yeru:
Onon fof (pop), Kamɓe fuu- (fuh)- few- fof, Enen
muum, Moni (mo woni) kala, Sukaaɓe kala, Ko heewi
e men, Hay gooto e mon, heewi wiyɓe ina nganndi,
won selluɓe ɓerɗe.

-so en ƴeewii koŋngi ɗi en tawat kelme cakkanaaɗe
diidi ɗe mbayi kono toŋngi haaldateeɓe ɓe e kuuɓal.
Kono so en ngittii lomtooji walla inɗe ɗe, en mbiyii:

Fof-en, hay-goota, moni kala, won heen, won,
ko heewi arii, won heen, won mo, muum ñaa-

50