SOMPURUAN ARTIKOL JURNAL PONORIUKAN PISMP BOROS KADAZANDUSUN (SK) KOONUAN MAHAS 2018 (eISBN) (2)

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Tuhot Ponoriukan

i. Nunu boros dominan di gunoon do molohing sabaagi boros gunoon
kumaa tangaanak id Kampung Togudon Penampang, Sabah?

ii. Nunu faktor-faktor mamarahung do molohing momoguno boros
dominan idi sabaagi boros gunoon id pibarasan kumaa tangaanak id
Kampung Togudon Penampang, Sabah?

Metodologi Ponoriukan

Ponoriukan nopo diti nga’ ponoriukan tinjauan hinonggo do mongilo
kopogisuusuaian boros dominan di gunoon komolohingan sabaagi boros gunoon
kumaa tangaanak om mongilo faktor-faktor di mamarahung do molohing
momoguno boros gunoon dii id pibarasan tikid tadau kumaa tangaanak.
Tumanud di Kraemer (1991) id suang di Lee Keok Cheong et al. (2018),
minongintutun do tolu kawo ponoriukan tinjauan om koiso nopo nga’ ponoriukan
diti gunoon montok papatarang maya kuantitatif id aspek di natantu montok
isoiso’ populasi. Koduo nopo, data di gunoon id ponoriukan diti nopo nga’ aanu
mantad tulun ginumuan. Kotolu nopo dii nga’ momoguno soboogian mantad
populasi di nopili’ hinonggo do koonuan ponoriukan milo momonsoi generalisasi
kalapas dii. Dadi mantad no diti do ponoriukan nopo di poindalanonku nga’
kosudong do momoguno ponoriukan tinjauan tu momoguno oku do sampel
mantad populasi di agayo toi ogumu.

Montok nopo do mongilo kopogisuusuaian boros dominan di gunoon do
molohing sabaagi boros gunoon kumaa tangaanak id walai nga’ momoguno oku
do foom uhot soriuk. Dadi maya nopo do tisuli mantad do responden dii, okito
indo kopogisuusuaian boros dominan sabagai boros gunoon kumaa tangaanak
om nogi ginumu toi piatus tikid boros di gunoon. Iti nopo nga’ momoguno kaida
kuantitatif.

Sumusuhut, montok do mogihum faktor-faktor do kopomogunaan isoiso
boros dominan sabaagi boros gunoon di komolohingan kumaa tangaanak id
walai nga’ maya nogi foom uhot soriuk om sokodungon do ruba wara. Dadi maya
nopo do data di aanu nga’ maan analisis momoguno kaida kuantitatif om
kualitatif. Panganalisisan nopo do data id ponoriukan diti nga’ sokodungon do
dokumen maya analisis dokumen.

Montok nopo do ponoriukan diti nga’ manganu oku do 85 molohing
sabaagi do sampel. Kopomilian sampel nopo nga’ sampel kituduan hinonggo do
responden nopo di pilion nga’ kopomonu pongontok di pinatayad. Kopomilian
nopo do sampel diti nga’ maya ginumu populasi id Kampung Togudon
Penampang hinonggo do kiwaa 108 paganakan toinsanan om sampel nopo di
pinili nga’ 85 molohing di kiwaa no tanak, mantad tinaru Kadazandusun om
poingion id Kampung Togudon Penampang, Sabah.

43

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Asil Ponoriukan

1. Mongilo kopogisuusuaian boros dominan di gunoon komolohingan
sabaagi boros gunoon kumaa tangaanak.

Tuhot Ponoriukan 1:

Nunu kopogisuusuaian boros dominan di gunoon do molohing sabaagi boros
gunoon kumaa tangaanak?

KOPOGISUUSUAIAN BOROS DOMINAN DI GUNOON DO
MOLOHING SABAAGI BOROS GUNOON KUMAA TANGAANAK

1 (1.2%)

85 Responden

21 BOROS KADAZANDUSUN
(24.7%)

63 BOROS MALAYU
(74.1%) BOROS INGGILIS

Rajah 5.0 Kopomogunaan Boros

Maya nopo Rajah 5.0, kiwaa tolu kawo boros dominan di gunoon do molohing
sabaagi boros gunoon kumaa tangaanak id Kampung Togudon Penampang,
Sabah. Tolu kawo boros nopo dii nga’ Boros Kadazandusun, Boros Malayu, om
Boros Inggilis. Dadi maya nopo do data di notimung diti nga’ kopomogunaan do
Boros Kadazandusun sabaagi boros gunoon nopo nga’ lobi agayo ko mantad
Boros Malayu, om Boros Inggilis. Sumusuhut, kopomogunaan Boros Malayu
sabaagi boros gunoon nopo nga’ id taang koduo om sinusuhut do Boros Inggilis.
Sabaagi do pomolingkuman poinggonop do data diti nga’ kiwaa tolu boros di
noguno sabaagi boros gunoon id pialatan do komolohingan om iri nopo nga’
boros Kadazandusun, Malayu, om Inggilis. Piatus kopomogunaan di agayo nopo
nga’ Boros Kadazandusun, koduo Boros Malayu om kotolu Boros Inggilis. Julat
toi pialatan nopo do kopomogunaan boros gunoon di lobi akawas om lobi osiriba
nga 62 moobi do 72.9%.

2. Mongilo faktor di mamarahung do molohing momoguno boros koiso dii
id pibarasan tikid tadau kumaa tangaanak.

Tuhot Ponoriukan 2:

Nunu faktor-faktor mamarahung do molohing momoguno boros dii sabaagi boros
gunoon id pibarasan tikid tadau kumaa tangaanak?

44

Sompuruan Artikel Jurnal Ponoriukan PISMP Koonuan Mahas 2018 (BKD, SK)

63 Responden MOMOGUNO BOROS KADAZANDUSUN

Asanang do momoguno diti boros. 34 (54.0%)

Oinsanan i poingion posoriliku nga’… 34 (54.0%)

Nasandadan do moboros diti boros. 60 (95.2%)

Kadazandusun goduo misaasawo. 37 (58.7%)

Rajah 6.0 Faktor Momoguno Boros Kadazandusun

Faktor “nasandadan do moboros diti boros” kiwaa 60 moobi 95.2%
kosokodung om iti nopo nga’ item dii bobos do akawas o kosokodungan dau.

Mantad ahal diti, otumbayaan oku do ginayo do momoomoguno diti boros om
tinaru dii ogumu do hiti id Kampung Togudon Penampang diti nopo nga’ mantad

tinaru Kadazandusun, dadi nasandadan diti boros om gunoon kasari id piromutan

tikid tadau kumaa do tangaanak om wokon. Maya teori Kontrol Sosial id suang
Yendra et al (2016), pibarasan nopo nga’ montok do manamong piromutan sosial
dii hinonggo do minog do iso’ pibarasan di milo do kakal kasari kaanu momolodi

piromutan songulun kumaa tulun suai. Dadi id teori diti kikomoyon do boros nopo
nga’ media utama di kaanu doti momonsoi iso’ pitabangan do tongoulun id iso’
tinimungan om iti nopo di nga’ komoyon do boros nopo diti nga’ iso’ kakamot

montok manamong sosial kumaa kowoowoyon do tulun id tinimungan dii. Ahal
diti popokito do id isoiso’ tinimungan nuru do haro iso’ boros di gunoon montok

manamong sosial id isoiso tinimungan do tulun. Mantad do hiti, kopomogunaan
do boros sandad nopo nga’ gunoon maya tinungkusan om koundolihon do isoiso’
kopomogunaan boros nopo nga’ kiwaa faktor suai di mamarahung.

MOMOGUNO BOROS SUAI KO MANTAD BOROS
22 Responden
KADAZANDUSUN

Okuri o sukuon 6 (27.3%)
Boros nopo diti nga’ koponguhup… 11 (50%)
Rahung teknologi- tolipun kandai.
6 (27.3%)
Pisaasawaan di mirolot. 12 (54.5%)
Boros di gunoon id sikul om boros…
8 (36.4%)

Rajah 7.0

45

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Mantad nopo do aasil data di notimung nga’ 12 tulun moobi 54.5%
kosokodung do “pisaasawaan di mirolot” nopo nga’ iso’ faktor di mamarahung
diolo do momoguno boros suai ko mantad Boros Kadazandusun om iti nopo nga’
item di bobos akawas. Tumanud nopo do teori koinsamakan (kontak) i pinosuul
di G. Revsz id suang di Ening Herniti, 2010. Teori nopo diti nga’ abaagi kumaa
tolu taang om koiso nopo nga’ koinsamakan poimbida sabab no do iti nopo nga’
kokomoi koinsamakan tinan toi fizik. Koduo, koinsamakan emosional hinonggo
do iti nopo nga’ koinsamakan topurimanan i kopoimbulai do korotian,
kobinsianan, om empati kumaa do wokon. Dadi id isoiso piromutan dii nuru do
kiwaa iso boros di gunoon ii kaanu popirati goduuduo tulun. Mantad dilo do sokiro
misuai o boros om au kopirati toi au koilo do moboros di boros di gunoon do
mikoruhang dii nga’ momili indo iyolo do iso’ boros di goduuduo nga’ karati om
koilo momoguno boros dii. Miagal poomitanan, sokiro tulun mantad tinaru
Kadazandusun ii au koilo moboros do Boros Cina kasawo do tulun mantad tinaru
Cina ii au koilo do moboros Boros Kadazandusun nga’ momili indo do momoguno
do boros di goduuduo nga’ karati om koilo do momoguno miagal Boros Malayu
toi Inggilis.

Pogibabarasan Om Pomolingkuman

Sogu Ponoriukan Tumilombus

Mantad do ponoriukan diti, haro di o pipiro sogu montok ponoriukan di sumusuhut
i milo poindalanon sabaagi do roromut kumaa do ponoriukan diti miagal do:

Popoindalan do ponoriukan diti id piipiro kampung toi ko’ id taang di lobi
akawas miagal ko id taang do watas toi pogun. Sumusuhut, mongilo bagas
kopomogunaan do Boros Kadazandusun sabaagi boros gunoon id walai kumaa
kalantayan akademik tangaanak id sikul miagal do bagas kopomogunaan diti
boros kumaa do pambalajaran Boros Malayu. Potilombus, mongilo laang-laang
di milo do gunoon montok popoingkawas do kopomogunaan Boros
Kadazandusun sabaagi boros gunoon kumaa tangaanak id walai. Kaagu nopo
nga’, mongintutun boros dii gunoon do tangaanak kumaa do tulun ginumuan id
posorili toi kumaa tambalut diolo.

Bagas

Ponoriukan nopo diti nga’ popoimbulai piipiro bagas montok do tulun ginumuan,
molohing, om mokiikinobos Institut Pendidikan Guru (IPG). Iti nopo ponoriukan
nga’ popoimbulai do tua’ pomusarahan kumaa tulun ginumuan kokomoi diti
kopomogunaan boros dominan sabaagi boros di gunoon do molohing sabaagi
boros gunoon kumaa tangaanak. Dadi mantad nopo do ponoriukan diti nga’
oilaan do tulun ginumuan o faktor-faktor di mamarahung do kopomogunaan do
tikid boros gunoon di pinili’ dadi manahak dando do idea poingkuro do
popotimporon do kopomogunaan boros tina sabaagi boros gunoon maya faktor
di nakatayad, sabab soira do oilaan faktor nga’ oilaan toi kiwaa no giando toilaan
di koimbulai mantad pomusarahan kokomoi do poingkuro monolibamban isoiso
ahal dii.

46

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Sumusuhut, manahak bagas kumaa do molohing lolobi no iti molohing
mantad tinaru Kadazandusun hinonggo do manahak topurimanan kumaa diolo
do mupus om popotungkus do momoguno diti Boros Kadazandusun sabaagi do
boros dominan ii gunoon id pibarasan kumaa tangaanak tikid tadau mooi do au
atagak iti boros tumanud timpu.

Kaagu nopo nga’ kumaa mokiikinobos Institut Pendidikan Guru (IPG)
hinonggo do ponoriukan diti kaanu toi kopongukab idea kawawagu montok do
ponoriukan id timpu dumontol lolobi no kopio doid roromut ponoriukan diti. Suai
ko ilo, iti nogi nga’ manahak do toilaan kumaa diolo kokomoi do status do boros
Kadazandusun loolobi no mokiikinobos ii maganu do major BKD om faktor-faktor
ii kapamarahung do kopomogunaan tikid boros dii.

Pomolingkuman
Sabaagi do pomolingkuman, ponoriukan nopo diti nga’ kaanu daa do manahak
bagas di osonong kumaa tulun ginumuan, komolohingan, om mokiikinobos id
IPG. Dadi id ponoriukan diti nakanu do pinopokito do boros dominan di gunoon
do molohing sabaagi boros gunoon kumaa tangaanak om faktor-faktor di
mamarahung diolo do momoguno boros dominan di sabaagi boros gunoon
kumaa tangaanak id Kampung Togudon Penampang, Sabah. Kotohurionon nopo
nga’ ponoriukan nopo diti nga’ nakaanu monimbar do tuhot soriuk om
momodimpot tudu ponoriukan miagal di nakatayad laid doid gulu ii do ponoriukan
diti.

47

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Sukuon
Dayu Sansalu. (2008). Kadazandusun di Sabah: Pendidikan dan proses

pembangunan:1881-1967. Dewan Bahasa dan Pustaka.
Erning Herniti. (2010). Bahasa dan kelahirannya. Adabiyyat Jurnal Bahasa dan

Sastra, Jil 9(1),2010 :107-132
Lee Keok Cheong, Zakri Abdullah & Chua Lay Nee. (2018). Penyelidikan Dalam

Pendidikan. Oxford Fajar Sdn. Bhd.
UNESCO. (2005). First language first: community-based literaly programmes for

minority language context in Asia. Bangkok: UNESCO
Yendra, S.S., M. Hum. (2016). Mengenal ilmu bahasa (Linguistik). Penerbit

Deepublish bekerjasama dengan STKIP PGRI Sumbar Press.

48

Sompuruan Artikel Jurnal Ponoriukan PISMP Koonuan Mahas 2018 (BKD, SK)

SOGIT PITAS ID ADAT PISASAWAAN TINARU DUSUN ID KAMPUNG
BUNDU TUHAN RANAU, SABAH.

ELLYDONNA YUKI
AMIDY MALAGOB

JABATAN BOROS KADAZANDUSUN IPGK KENT TUARAN
[email protected]

ABSTRAK
Sogit nopo nga danda di poontokon kumaa isai-isai i nokopomonsoi
kowoyowoyoon di au katanud do adat. Sogit pitas nopo nga iso bontuk danda id
adat pisasawaan i poontokon kumaa di manansawo do pinsan sondii montok
momutut pionitan raha. Kapanahakan sogit diti kosiliu iso koubasanan tinaru
Dusun montok mongilag do kopomonsoi ahal di au katanud do kooturan adat.
Mantad dii, owonsoi o ponoriukan diti montok mongilo kawo-kawo om bontuk-
bontuk sogit pitas di maan poontoko kumaa di mikoruhang i haro pionitan raha
tumanud kooturan adat pisasawaan tinaru Dusun id Kampung Bundu Tuhan
Ranau, Sabah. Ponoriukan nopo diti nga ponoriukan etnografi i minomoguno
ponginsamakan kualitatif. Haro tolu kaida ponimungan data di gunoon id
ponoriukan diti miagal ko’ kaida ponorubungan, pongintangan om pongorindakan
dokumen. Maya do asil ponoriukan, sogit pitas diti poontokon id pisasawaan do
duo tulun di haro pionitan raha miagal do’ pisasawaan mipinsan koiso, mipinsan
koduo, mipinsan kotolu om mipinsan kaapat. Maya do asil ponoriukan diti,
bontuk-bontuk sogit pitas di koontok nopo nga id bontuk do tayam om kakamot.
Kapanahakan bontuk sogit diti tumanud nogi sinodu pionitan raha di mansawo.
Kogumuan sogit pitas diti id bontuk do tayam miagal do karabou, sapi, kambing
om wogok. Bontuk-bontuk sogit diti rotian nogi sabaagi do soroturu-turu,
songinan, papas, om putul. Kapanahakan sogit diti pinatantu maya
pogibabarasan miampai di manansawo, molohing di manansawo om luguan
kampung maso kaantakan mihaboi. Ponoriukan diti nuru do potilimbuson moi do
atamangan o koubasanan tinaru Dusun.

Boros Toponsol : Sogit Pitas, Adat Pisasawaan, Pionitan Raha

49

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kopointutunan

Tulun Kadazandusun nopo nga nointutunan sabaagi tinimungan di obinpantang
do kooturan-kooturan adat Kadazandusun. Adat-adat nopo di pantangon nga
miagal do adat pisasawaan, mogontian, kapatayon, momolobong om suusuai po
(Nazarudin Zainun & A.S. Hardy Shafil, 2017). Sogit nopo nga iso kooturan adat
toi ko’ ukum di poontokon kumaa tulun di nokopomonsoi do kasalaan adat. Sogit
nogi diti nga iso koubasanan tulun Kadazandusun montok do mokinsian toi ko’
mokiampun kumaa tulun ginumuan tu nokopomonsoi kowoowoyoon tangaraat.
Kiwaa mogisuusuai sogit i poontokon kumaa sosongulun i nokopomonsoi do
kasalaan, miagal ko’ manahak songinan do manuk gisom do songinan do
karabou tumanud do ginayo kasalaan di nowonsoi (Rita Lasimbang, 2013).
Kooturan-kooturan adat pisasawaan nopo dii nga mogisuai-suai tumanud do
watas toi ko’ kampung. Kogumuan tulun id Kampung Bundu Tuhan nopo nga
mantad tinaru Dusun om kakal po mamantang do kooturan adat id kampung diti.
Ponoriukan nopo diti nga montok monoriuk ahal kokomoi do sogit pitas id adat
pisasawaan tinaru Dusun id Kampung Bundu Tuhan Ranau, Sabah. Otumbayaan
o tinaru Dusun do kapanahakan sogit nopo nga iso o ponongkotanda’ do
mamantang do adat om mokinsiou mantad kowoyowoyoon di amu katanud do
kooturan adat.

Kointalangan Kobolingkangaan

Koposion tulun tadau baino nopo nga nakatanud do koburuon do pomogunan.
Koburuon pomogunan diti mogowit do koburuon ralan momumusorou om
kowoowoyoon do tulun. Haro sukod wagu di amu otumbayaan om mamantang
do adat loolobi po id adat pisasawaan. Ahal diti manahak kobolingkangan kumaa
sukod wagu do koimbayat do kopomonsoi woyo di tangaraat i misulak mantad do
kooturan adat pisasawaan pogulu do manansawo. Suai ko’ ii, ogumu nogi sukod
wagu di amu koilo kokomoi do kawo-kawo om bontuk-bontuk sogit pitas id adat
pisasawaan tinaru Dusun. Ahal diti kapanahak kobolingkangan kumaa tinaru
Kadazan om Dusun loolobi po id suang paganakan sondii nung amu pantangon
iti kooturan adat pisasawaan. Mantad no dilo, koimbulai o angkab om idia montok
monoriuk do komilaan kokomoi sogit pitas id adat pisasawaan tinaru Dusun.

Tudu Soriuk

i. Mongilo kawo-kawo sogit pitas id adat pisasawaan tinaru Dusun id
Kampung Bundu Tuhan Ranau, Sabah.

ii. Mongilo bontuk-bontuk sogit pitas id adat pisasawaan tinaru Dusun
id Kampung Bundu Tuhan Ranau, Sabah.

Tuhot Soriuk

i. Nunu kawo-kawo sogit pitas id adat pisasawaan tinaru Dusun id
Kampung Bundu Tuhan Ranau, Sabah.

50

Sompuruan Artikel Jurnal Ponoriukan PISMP Koonuan Mahas 2018 (BKD, SK)

ii. Nunu bontuk-bontuk sogit pitas id adat pisasawaan tinaru Dusun id
Kampung Bundu Tuhan Ranau, Sabah.

Teori Ponoriukan

Teori koutuson Ter Haar nopo nga ukum adat toi ko’ kooturan i koimbulai maya
koutuson i naanu mantad do pejabat ukum. Koinsanai ukum adat nopo diti nga
minog do tonudon do koinsanai tinaru i kohompit id koutuson kooturan dii.
Kooturan-kooturan adat diti gunoon id suang do koposion iso-iso tinaru.

Ponoriukan Di Pogulu

Ponoriukan kokomoi do sogit pitas id adat pisasawaan tinaru Dusun id Kampung
Bundu Tuhan Ranau, Sabah nopo nga amu po koumbal do nosoriuk. Tumanud
ponoriukan di Mohd Sopiee Shiddeq, Noor Lizza Mohamed Said om Md Yazid
Ahmad (2018), pisasawaan id Mukim Kirokot nopo nga poposotol do pisasawaan
maya duo kobpinayan om paganakan di aiso pionitan do raha. Pisasawaan di
osomok o piobpinayan (pogulu do pinsaan di kaapat) nopo nga iso kasalaan do
adat i roitan diolo do mintarom om nuru poontokon do sogit sabaagi pomitas
montok momutut piantakan piobpinayan.

Tumanud ponoriukan di Mastinah Buntung om Mohd Anuar Ramli (2019),
haro piipiro kawo sogit i poontokon kumaa sosongulun di nokopomonsoi
kasalaan do adat. Id suang do ponoriukan diti haro piipiro kawo sogit id adat
pisasawaan Murut Tahol montok piantakan mitarom. Bontuk sogit di koontok
soira kopomonsoi kasalaan id suang do adat pisasawaan nopo nga id bontuk do
tayam gompion om tusin. Ponoriukan di Feaddora Janne Rinus (2018) nopo nga
mongilo kosimbanon adat sogit di pogulu om baino, mongilo kapansalan adat
sogit kumaa tinaru Dusun babaino om momorindak pomusarahan tulun id
kampung dii kokomoi kowoyowoyoon adat sogit id timpu babaino.

Ponoriukan di Syamsul Azizul Marinsah, Suraya Sintanga, Abdul Hair
Beddu Asis, Abg Mohd Razif Abg Muis, Mohd Anuar Ramli (2020) nopo nga
popokito do kounalan adat sogit id koposion tinaru Kadazan Dusun. Sogit nogi
nga iso kaantakan mogkorot montok poposogit do pomogunan mantad
kaantakan di tangaraat. Mogkorot nogi diti nga kirati ponowoli raha montok
mokiinsiou mantad kasalaan di nowonsoi. Id suang do ponoriukan di Ronnie
Stefhannie Nasrin & Dan Paul Porodong (2015), pisasawaan do duo tulun (kusai
om tondu) i amu katanud do kooturan adat pisasawaan nopo nga iso pisasawaan
di aiso kookunan. Tinaru Sinobu om Sukang diti amu papawasa do pisasawaan
misomok piobpinayan. Kawo-kawo kasalaan nopo nga pisasawaan pinsan
ungkiat, pinsan induo om pinsan intalu. Bontuk sogit di oontok nopo nga tayam
miagal do wogok om kakamot miagal ko’ kakanan, dangol, tandus om suusuai
po.

Maya do ponoriukan ngawi dilo, okito do aiso po ponoriukan kokomoi do
sogit pitas id adat pisasawaan tinaru Dusun id Kampung Bundu Tuhan Ranau,

51

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Sabah. Sundung do haro ponoriukan kokomoi do sogit pitas id adat pisasawaan
nga kawo om bontuk sogit dii misuai-suai tumanud do kinoyonon om koubasanan
isoiso tinaru.

Responden Om Kinoyonon Ponoriukan
Id suang do ponoriukan diti, responden nopili’ mantad Kampung Bundu Tuhan
Ranau, Sabah. Ginumu responden i manahak komi montok ponoriukan diti nopo
nga soginumu do tolu tulun. Koinsanai do responden diti nga id tinimungan do
tinaru Dusun om abaal kokomoi do sogit pitas id adat pisasawaan tinaru Dusun.
Kinoyonon do ponoriukan nopo nga id Kampung Bundu Tuhan Ranau, Sabah.

Rika Bontuk Ponoriukan

Rika bontuk di gunoon montok papadalan do ponoriukan diti nopo nga
ponoriukan etnografi. Ponoriukan etnografi nopo nga ponoriukan i gunoon
montok monoriuk do sosiologi isoiso koubasanan, adat, kotumbayaan, ukum om
kowoyowoyoon (Ain Nazri, 2018). Ponginsamakan di gunoon id ponoriukan diti
nopo nga ponginsamakan kualitatif. Ponginsamakan kualitatif nopo nga kaida
ponoriukan i lobi monoriuk isoiso fenomena toi ko’ kaantakan di poinsandad toi
ko’ otopot.

Instrumen Ponoriukan

i) Pongintangan

Id ponoriukan diti, kaida pongintangan nopo nga poindalanon maya
pongintangan amu pointanud (pemerhatian bukan peserta). Maya do
pongintangan diti, mongintong, mamarati om mokinongou o mononoriuk do
pibarasan lisan id pialatan do responden (Asmah Haji Omar, 2008) om suaton o
koinsanai tonsi pibarasan di norongou momoguno borang ponoriukan.

ii) Ponorubungan

Kaida ponorubungan di gunoon id ponoriukan diti nopo nga ponoriukan
soboogian kistruktur. Minomili tolu tulun responden di kiumul 50 toun gisom 60
toun. Id ponorubungan diti, popotounda o piipiro ponguhatan poinggonop (umum)
om gunoon maso popoindalan do ponorubungan kumaa responden (Lee Keok
Cheong, Zakri Abdullah & Cuah Lay Nee, 2018). Soira do osimbar do responden
o ponguhatan, milo popoimbulai o ponguhatan wagu maya do sisimbar di
pinatahak.

iii) Pongorindakan Dokumen

Momoguno o ponoriukan diti do kaida pongorindakan dokumen montok manganu
bukti om data di nokosuat no (Nurulhuda Binti Salleh, 2017) maya buuk, tesis
luputan, jurnal om nunu nopo kakamot basa’on suai.

52

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Prosedur Ponimungan Data
Tumanud di Creswell (2005) id suang Lee Keok Cheong et. al (2018) ponimungan
data di osonong nuru do haro piromutan di osonong mantad di mononoriuk om
responden. Ponoriukan nopo diti nga tumanud do piipiro prosedur miagal ko’
koiso nopo nga popotounda instrumen ponoriukan om mokianu Suat Kasagaan
mantad Institut Pondidikan Guru (IPG) montok popoindalan ponoriukan. Mokianu
nogi kasagaan mantad do luguan kampung om responden montok popoindalan
ponoriukan id kinoyonon di nopili’. Popoindalan pongintangan, ponorubungan om
pongorindakan dokumen kokomoi sogit pitas id adat pisasawaan tinaru Dusun id
Kampung Bundu Tuhan Ranau, Sabah. Timungon o data di naanu soira opongo
o pongintangan, ponorubungan om pongorindakan dokumen di naanu.

Prosedur Pongorindakan Data
Tumanud do pongorindakan data kualitatif Miles & Huberman (1992) id suang di
Jennifer Piturus (2020), kopongorindakan data kualitatif nopo nga popohompit do
ponimungan data, pongingkurian do data, kapatayadan data om pomolingkuman
do data. Proses kopomorindakan data diti momoguno do sistom tumurug.

Laang koiso nopo nga ponimungan data. Ponimungan data nopo nga asil
mantad ponorubungan, pongintangan om kakamot id bontuk do ponuatan toi ko’
dokumen. Koinsanai data di naanu nopo nga timungon. Laang koduo nopo nga
pongingkurian data di naanu. Proses pongingkurian data nopo diti nga montok
do monompipi data di oponsol om pataamon data di aiso pionitan do ponoriukan.
Id proses diti, gunoon o pongorindakan suang (analisis kandungan). Laang kotolu
nopo nga kapatayadan do data. Id proses diti, tinimungan data di naanu uludon
montok momonsoi do iso koutuson tumanud tudu ponoriukan. Id boogian diti,
patayadon o data maya huyadan momoguno kaida deskriptif. Laang tohuri nopo
nga pomolingkuman. Id proses diti, intangan kawagu o data di naanu om rotion
o data dii montok papaasil do data ponoriukan di lobi otolinahas.

Asil Ponoriukan
Kawo-Kawo Sogit Pitas Id Adat Pisasawaan Tinaru Dusun Id Kampung
Bundu Tuhan Ranau, Sabah

53

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Aspek Kointalangan
A+B
C om D = Puun Molohing
= Tanak di AB, Mioput Pusod (Miadi-
E om L
F om M adi)
G om N TP- Toput Pusod
H om O = Pinsan Koiso
= Pinsan Koduo
= Pinsan Kotolu
= Pinsan Kaapat

Rajah om jadual id sawat nopo nga popokito do pionitan piobpinayan id suang do
puun paganakan tagayo (Amman Sirom Simbuana & Benedict Topin, 2017).
Kooturan adat pisasawaan tinaru Dusun id Kampung Bundu Tuhan Ranau,
Sabah nopo nga amu papasaga do pisasawaan di haro pionitan raha mantad do
mipinsan koiso gisom mipinsan kaapat. Mantad do analisis di nowonsoi, haro
apat kawo sogit pitas id adat pisasawaan tinaru Dusun id Kampung Bundu Tuhan
Ranau, Sabah. Kawo-kawo do sogit pitas nopo dii nga miagal do sogit pitas
mipinsan koiso, sogit pitas mipinsan koduo, sogit pitas mipinsan kotolu om sogit
pitas mipinsan kaapat. Kawo-kawo sogit pitas diti koimbulai soira haro
pisasawaan id pialatan do kopinsan. Soira haro o pisasawaan id pialatan do
kopinsan nga koontok do sogit pitas.

Bontuk-Bontuk Sogit Pitas Id Adat Pisasawaan Tinaru Dusun Id Kampung
Bundu Tuhan, Ranau Sabah

Bontuk sogit pitas nopo diti nga misuai-suai tumanud kinoyonon om
watas. Ralan papatantu bontuk sogit diti tumanud do koubasanan tinaru id
kinoyonon diolo (Kalsia Martin, 2009). Bontuk-bontuk sogit pitas id Kampung
Bundu Tuhan Ranau, Sabah nopo nga miagal do tayam gompion om haro nogi
kakamot. Bontuk sogit pitas diti pinatantu di luguan kampung om tulun-tulun di
angabaal id sogit adat pisasawaan tinaru Dusun maso kaantakan do mihaboi.

Sogit Pitas Bontuk-bontuk sogit pitas
Mipinsan koiso
 Kakamot om tayam
Mipinsan koduo  Soroturu-turu
 7 kawo (kakamot / tayam) om ginumu monikid
Mipinsan Kotolu
kawo nopo nga turu
 Turu karabou, Turu Sapi, Turu Wogok, Turu

Kambing, Turu Manuk, Turu Tagung, Turu
Kakanan

 Tayam
 Karabou/sapi
 Songinan
 Intangan nogi aspek tadon molohing (kusai-

kusai/ kusai- tondu/ tondu-tondu)

 Tayam

54

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Mipinsan kaapat  Sapi/wogok/kambing
 Tumanud ginayo kasalaan
 Papas (1/2 mantad gatang pasaran di tayam)
 Intangan nogi aspek tadon molohing (kusai-

kusai/ kusai- tondu/ tondu-tondu)

 Tayam
 Wogok/Kambing
 Putul (1/4 mantad gatang pasaran di tayam)
 Intangan nogi aspek tadon molohing (kusai-

kusai/ kusai- tondu/ tondu-tondu)

Pomolingkuman

Ponoriukan nopo diti nga kokomoi do sogit pitas id adat pisasawaan tinaru Dusun
id Kampung Bundu Tuhan Ranau, Sabah i kohompit no do ponoriukan kokomoi
kawo-kawo om bontuk-bontuk sogit pitas id adat pisasawaan tinaru Dusun id
kinoyonon ponoriukan. Kiwaa tolu instrumen i ginuno’ montok manganu do data
i kaanu monimbar ponguhatan soriuk om kosudong do tudu ponoriukan ii no
ponorubungan, pongintangan om pongorindakan dokumen.

Tumanud asil do ponoriukan diti, nokotolinahas om nakatayad o
komilaan kokomoi do sogit pitas id Kampung Bundu Tuhan Ranau, Sabah
miampai lobi aralom om osorisid. Ponoriukan nopo diti nga kaampai no do
komilaan kokomoi do kawo-kawo sogit pitas id hombo pinotolinahas momoguno
puun paganakan tagayo montok mongilo pisasawaan kiharo pionitan raha i
koontok do sogit pitas. Suai ko’ ii, nosoriuk nogi bontuk-bontuk sogit pitas di
patahakon kumaa tulun di manansawo kopinsan sondii.

Sogu

Tumanud asil ponoriukan i naanu momoguno instrumen ponoriukan, kiwaa piipiro
sogu montok kotilombusan do ponoriukan diti. Montok do ponoriukan
tumilombus, milo o mononoriuk wagu id timpu dumontol do monoriuk kokomoi do
sogit-sogit suai id adat pisasawaan id kampung ponoriukan. Suai ko’ ii, montok
ponoriukan tumilombus, popoindalan ponoriukan di lobi aralom kokomoi do adat
sogit diti. Sabaagi poomitanan, monoriuk kokomoi do karaaralano kaantakan
monogit, rinait maso mogkorot om ogumu po suai mooi do kaanu papaasil data
di lobi ogumu. Milo nogi mononoriuk wagu do monoriuk sogit pitas id adat
pisasawaan tinaru suai. Milo nogi monoriuk wagu do monorik ukum adat tinaru
Kadazan Dusun miagal ko’ sogit babas, sogit sumbang, sogit lapau, sogit miatom,
sogit manggual gong, sogit tudong om ogumu po suai. Milo nogi monoriuk wagu
kokomoi do ukum om adat koubasanan tinaru Kadazan Dusun moi do koingumu
o ponoriukan kokomoi do adat koubasanan tinaru Kadazan Dusun.

55

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Bagas
Kopoindalanan nopo ponoriukan diti nga kaanu manahak bagas di osonong id
gana pondidikan, mononoriuk wagu om sukod wagu tinaru Kadazan Dusun.
Ponoriukan diti kaanu manahak bagas di osonong id gana do pondidikan. Id gana
do pondidikan haro pongia’an kokomoi do koilaan tadon tinaru Kadazan om
Dusun. Ponoriukan diti milo gunoon id pongiaan montok mongilo puun
paganakan om adat koubasanan tinaru Dusun. Ponoriukan diti kaanu nogi
popoingumu buuk sukuon do BKD montok sikul tosiriba, sikul takawas om montok
mokiikinobos id Universiti. Ponoriukan diti kaanu nogi manahak bagas di
tosonong kumaa mongingia BKD do papasarabak adat koubasanan kumaa
tangaanak sikul maya do pongiaan BKD. Ponoriukan diti kaanu nogi manahak
bagas di tosonong kumaa mononoriuk wagu miampai poposiliu do ponoriukan
diti sabaagi do susukuon toi ko’ montok ponoriukan literatur id ponoriukan diolo.
Ponoriukan diti kapanahak nogi bagas tosonong kumaa sukod wagu do mongilo
kawo-kawo om bontuk-bontuk sogit pitas id adat pisasawaan tinaru Dusun.
Kaanu nogi manahak bagas tosonong montok komolohingan do paparati di
sukod wagu kokomoi do kooturan adat pisasawaan montok mongilag do haro
piuhangan id pialatan do kopinsan.

56

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Sukuon
Amman Sirom Simbuana & Benedict Topin. (2017). Kadazandusunologi om Rinait. Kota

Kinabalu: Koisaan Publication.
Asmah Haji Omar. (2008). Kaedah Penyelidikan Bahasa di Lapangan. Kuala Lumpur:

Dewan Bahasa dan Pustaka
Feaddora Janne Rinus. (2018). Perubahan Pelaksanaan Amalan Adat Sogit Dalam

Masyarakat Dusun di Kg. Sagindai lama, Ranau Sabah.
Jennifer Piturus. (2020). Boros Pomolohou id Paganakan Tinimungan Dusun: Ponoriukan

Kes id Kampung Borombon. Institut Pendidikan Guru Kampus Kent Tuaran,
Sabah.
Lee Keok Cheong, Zakri Abdullah & Cuah Lay Nee. (2018). Siri Pendidikan Guru:
Penyelidikan dalam Pendidikan. Selangor: Oxford Fajar Sdn. Bhd.
Mastina Buntung om Mohd Anuar Ramli. (2019). Analisis Gender Amalan Sogit
Masyarakat Murut Tahol di Daerah Nabawan, Sabah. Online Jurnal Research in
Islamic Studies. Jabatan Fiqh dan Usul, Akademi Pengajian Islam, Universiti of
Malaya.
Mohd Sopiee Shiddeq, Noor Lizza Mohamed Said om Md Yazid Ahmad. (2018). Adat
Perkahwinan Kaum Dusun Muslim di Mukim Kirokot, Tambunan, Sabah.
Nazarudin Zainun & A.S. Hardy Shafil. (2017). Masyarakat Nusantara dalam Budaya,
Warisan dan Sejarah. Pulau Pinang: Penerbit Universiti Sains Malaysia.
Rita Lasimbang. (2013). Adat Resam dan Pantang Larang. Linoyog ontok 4 Januari 2022
id https://www.academia.edu/6606413/Adat_Resam_dan_Pantang_Larang
Ronnie Stefhannie Nasrin & Dan Paul Porodong. (2015). Variasi Dalam Perkahwinan
Tradisional Suku Kaum Sungai dan Sukang Ulu Kinabatangan Sabah.
International Journal of Administration of Goveranance. Bil1(8), 15-20,2015.
Syamsul Azizul Marinsah, Suraya Sintanga, Abdul Hair Beddu Asis, Abg Mohd Razif Abg
Muis, Mohd Anuar Ramli. (2020). Incantation in Sogit Ritual: A Preliminary
Study. Palarch’s Jurnal of Archaeology of Egypt/Egyptology.17(7). ISSN 1567-
214x

57

Sompuruan Artikel Jurnal Ponoriukan PISMP Koonuan Mahas 2018 (BKD, SK)

PIONITAN MOTIVASI INTRINSIK OM TAANG KOINABASAN KABAALAN
MOBOROS BOROS KADAZANDUSUN TANGAANAK WATAS TUARAN

ERICA Y. IN INSUI
JAMES GEOFFEREY W. MOLIJOH

JABATAN BOROS KADAZANDUSUN IPGK KENT TUARAN
[email protected]

ABSTRAK
Ponoriukan diti kitudu montok mongintong pionitan motivasi Intrinsik om kabaalan
moboros boros Kadazandusun tanga’anak Toun 6 watas Tuaran. Momoguno
persampelan kitudu ii kopohompit 98 tanga’anak mantad 6 sikul tosiriba di misuai
id watas Tuaran. Ponoriukan diti pinoindalan maya ponoriukan pongintangan.
Data ponoriukan naanu mantad instrumen tuhot soriuk om montok analisis
miampai kopomogunoon perisian SPSS Versi 27.0 maya deskriptif. Ponoriukan
rintis di pinoindalan nakanu gatang 0.832. Aasil ponoriukan popokito do haro
pionitan signifikan kigatang p=0.5, do motivasi Intrinsik om taang koinabasan
kabaalan moboros. Sogu ponoriukan timpu dumontol nopo nga’ pionitan motivasi
ekstrinsik om kabaalan moboros Boros Kadazandusun.

Kata kunci: Motivasi Intrinsik, Kabaalan Moboros, Toun 6, Soal Selidik, Analisis
Deskriptif

Kopointutunan
Boros Kadazandusun nopo nga’ boros sandad montok tulun tinaru Kadazan om
Dusun toi ko’ lobi oilaan sabaagi tulun mamasok id pogun Sabah. Ontok 24
Milatok 1995, nosoinan iso Perjanjian Perisytiharan montok mangakun do
kinoimaganan kangaranan Boros Kadazandusun gunoon montok mongompi
boros poimbida dountulun mogigion ladsong id Sabah. Perisytiharan Persetujuan
nopo dii montok kinoimaganan kouludan Boros Kadazandusun poingimpou do
dialek Bunduliwan ii nosoinan ontok 11 Ngiop 1995 mooi do osiliu dialek dii
sabaagi piawaian montok pongia’an om pinsingilaan Boros Tina Tanga’anak toi
ko’ “Pupil’s Own Language” (Amman Sirom et al. 2017). Sundung po do ingkaa,
tumanud Noor Aina Dani 2016, majoriti sukod wagu hiti Sabah momoguno Boros
Malayu mantad ko’ boros Tina (Boros Kadazandusun).

Kointalangan Kobolingkahangan
Moboros nopo nga’ iso’ ababayan kopolombusan tuni-tuni di nowonsoi mantad
kakamot artikulator isoiso tulun. Ababayan diti nogi nga’ iso’ kabaalan mogiolon

58

Sompuruan Artikel Jurnal Ponoriukan PISMP Koonuan Mahas 2018 (BKD, SK)

toilaan om ponguhatan momoguno boros. Kabaalan moboros nopo nowonsoi id
taang produksi. Ii nopo nga’ okon winorun di tangaanak nga’ nosusui om
tinonudan.
Sundung pia akawas Taang Prestasi tangaanak id Pangajaran om Pambalajaran
id isoiso boros om okito miampai ponoriukan kokomoi motivasi om pambalajaran
hinonggo id labus om nogi suang pogun, miagal ponoriukan dii Nawas
Phettongkam om Tareq M Zayed (2015), kiuhu “Motivation and English Language
Profeciency Grade 12 Students in Government Schools in Thailand”, si’ilo oku
tootopot nangku haro toi pionitan motivasi instrinsik soira balajar ii tangaanak do
kabaalan moboros Boros Kadazandusun hiti watas Tuaran. Nung haro nopo,
mintong oku maya osorisid nung motivasi intrinsik kaanu mamarahung Taang
Prestasi tangaanak id panahangan kabaaalan moboros Boros Kadazandusun.

Objektif Om Tuhot Ponoriukan
Objektif Ponoriukan

1. Mongilo taang Koinabasan kabaalan moboros tangaanak Toun 6 id
boros Kadazandusun watas Tuaran.

2. Mongilo pionitan motivasi Intrinsik om taang kaabalan moboros
tangaanak Toun 6 watas Tuaran

Tuhot Ponoriukan
1. Nunu Taang Koinabasan kabaalan moboros tangaanak Toun 6 id watas
Tuaran?
2. Haro nangku pionitan di signifikan do motivasi intrinsik om taang
kabaalan moboros boros Kadazandusun tangaanak sikul Toun 6 id
watas Tuaran?

Hipotesis Ponoriukan
Ha : Haro pionitan signfikan do motivasi Intrinsik kumaa kaabalan moboros
Boros Kadazandusun tangaanak Toun 6 id watas Tuaran.

Pongintangan Literature
Teori Ponoriukan
Tumanud do teori kognitif, Teori Determinasi Kendiri (TDK), nopo nga’ manahak
nogi fokus kumaa motivasi intrinsik om motivasi ekstrinsik di monorimo pongia’an
(Jenifara Zaman, 2015). Tumanud di Ryan om Desi (2000), teori TDK nopo nga’
teori di monoriuk kosimboguyan do sosongulun id momili’ laang momogonop
koimaganan om koimaan tumanud kosudongon do posorili. Tumanud di Grabe
(2009), determinasi kendiri nopo nga’ kirati sabaagi do kapanatapan om rahi di

59

Sompuruan Artikel Jurnal Ponoriukan PISMP Koonuan Mahas 2018 (BKD, SK)

togirot montok momonsoi koimaan om popohompit do tolu roromu kominagan
monginobos om kominagan do gaab.

Metodologi Ponoriukan

Ponoriukan nopo diti nga’ ponoriukan mix-metode kibontuk do tinjauan di
momoguno do instrumen tuhot soriuk om ponorubungan montok monimung data.
Instrumen do ponoriukan diti nopo nga’ noolos mantad tuhot selidik ponoriukan
suai om pinosudong tumanud konteks taang motivasi intrinsik tangaanak. Tuhot
soriuk nopo nga’ momoguno 5 poin skala likert. Persampelan nopo ponoriukan
diti nga’ persampelan kitudu om responden nopo nga’ soginumu 98 tangaanak
Toun 6 om onom mongingia’ mato balajaran Boros Kadazandusun mantad 6 sikul
tosiriba id watas Tuaran. Persampelan diti tumanud jadual Kerjie om
Morgan(1970).

Papanahon ponoriukan rintis montok mongilo kosudongon instrumen ponoriukan
(Linah Bagu et al. 2018) om gatang komilotumboyoon ponoriukan diti nopo nga’
0.832. Tumanud Mohd Majid (2004), iso-iso’ tuhot soriuk milo gunoon nung
gatang komilotumoyoon poinlobi gatang 0.60. Data ponoriukan nosoriuk maya
kopomogunoon Statiscal Package For The Sosial Sciences (SPSS) Ko-27.0.
Statistik di noguno doid mongorindak do data nopo nga’ statistik deskriptif om
tipongon momoguno do gatang min om gatang signifikan.

Asil Ponoriukan om Pibarasan

Responden nopo nga’ soginumu 97 tangaanak sikul toun onom id 6 sikul
tosiriba posorili Tuaran. Haro onom sikul nopili’ sabaagi kinoyonon ponimungan
data. Sikul nopo dii nga’ natandaan do simbol SK 1, SK 2, SK 3, SK 4, SK 5 om

SK 6.

Jadual 4.1
Ginumu Tanga’anak Tumanud do Sikul

Sikul Ginumu Tangaanak Piatus (%)

SK 1 7 7.2

SK 2 18 18.6

SK 3 23 23.7

SK 4 11 11.3

SK 5 13 13.4

SK 6 25 25.8

Ginumu : 97 100%

60

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kointalangan taang kabaalan moboros boros kadazandusun

Jadual 4.2

Ginumu Tangaanak Sikul Tumanud do Taang Koinabasan

Taang Koinabasan 1 2 3 4 5 6

Ginumu Tangaanak 0 0 30 47 20 0 = 97
=100.0
Piatus (%) 0.0 0.0 30.9 48.4 20.6 0.0

Tumanud do jadual 4.2, kogumuan nopo tangaanak nga’ id taang kaapat (awasi’)

soginumu 48. 4 piatus (47 tangaanak) id taang koinabasan diolo. Ginumu nopo
diolo diti nga’ oruhai no do sampapas do tangaanak sikul di nadadi do responden.
30. 9 piatus (30 tangaanak) id taang koinabasan di kotolu (giigina’) om 20.6 piatus
(20 tanga’anak) id taang koinabasan di kolimo (akawas). Taang koinabasan
taang koiso’ (au kodonto) , taang koduo’ (songgisom) om taang koonom
(nokoinuntu) nopo nga’ 0.0 piatus (aiso tangaanak).

Kointalangan Taang Koinabasan Tangaanak Moboros Boros
Kadazandusun

Tuhot ponoriukan 1:

Nunu Taang Koinabasan kabaalan moboros tangaanak Toun 6 id watas
Tuaran?

Jadual 4.3

Min om sisihan piawai koinabasan kabaalan moboros tangaanak

satistik
Taang tanga’anak koinabasan

N valid 97
Missing 0
3.90
Min .073
Std.Error Min .714
Std. Deviation

Tumanud jadual 4.3, min nopo taang koinabasan tangaanak nga’ 3.9 miampai

0.714 sisihan piawai. Ahal diti popokito min taang koinabasan tanganak
moboros boros kadazandusun nga’ osuhatan no.

61

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kointalangan Taang Motivasi Intrinsik Tangaanak Toun 6 Do Balajar
Kaabalan Moboros Boros Kadazandusun.

Motivasi Intrinsik

Jadual 4.4

Min om sisihan piawai Motivasi Intrinsik

Mean Std.Deviation Taang

1. Saya harap saya boleh 4.030 1.065 Akawas

bertutur Bahasa Kadazandusun.

2. 4.030 1.025 Akawas
Saya benar-benar ingin belajar 4.484 0.678 Akawas
bertutur Bahasa kadazandusun.
3.731 1 Osuhatan
3.
Saya betul-betul ingin 3.979 0.763 Osuhatan
memahami Bahasa 3.979 0.790 Osuhatan
kadazandusun yang saya 4.113 0.659 Akawas
dengar 4.049 0.854 Akawas

4.
Saya selalu bertanya kepada
guru apabila saya ada masalah
memahami Bahasa
kadazandusun.

5. Saya benar-benar berkerja
keras untuk belajar bertutur
Bahasa kadazandusun.

6. Saya tidak bosan belajar
BKD.

7. Saya rasa seronok belajar
bertutur bahasa Kadazandusun.

Ginumu

Tumanud Jadual 4.4, kiwaa 4 mantad 7 item di popokito min di akawas. Item-
item nopo dii nga’ item 1 miampai 4.030 (sisihan piawai 1.065), item 2 miampai
4.030 (sisihan piawai 1.025), item 3 miampai 4.484 (sisihan piawai 0.678) om
item 7 miampai 4.113 (sisihan piawai 0.659).

Haro tolu item di popokito min osuhatan ii no item 4 miampai
3.731(sisihan piawai 1), item 5 miampai 3.979 (sisihan piawai 0.763) om item 6
miampai 3.079 (sisihan piawai 0.790). Jadual 4.6 popokito do motivasi intrinsik
tangaanak sikul Toun 6 nopo nga’ akawas tu tinimungan toinsanan min do item
popokito do taang akawas miampai 4.049 (tinimungan sisihan piawai = 0.854.).

62

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Mongilo Pionitan Motivasi Intrinsik Om Koinabasan Kabalan Moboros
Boros Kadazandusun Tangaanak

Tuhot ponoriukan 2:

Haro nangku pionitan di signifikan do motivasi intrinsik om taang kabaalan
tangaanak sikul Toun 6 do moboros boros Kadazandusun?

Hipotesis ponoriukan;

Ha : Haro pionitan signfikan do motivasi intrinsik kumaa kaabalan moboros
boros Kadazandusun tangaanak Toun 6 id watas Tuaran.

Jadual 4.5

Pionitan do Motivasi intrinsik om Taang koinabasan

Kolerasi

Taang koinabasan

Kolerasi Pearson .24*

Sig. (2 tailed) .461

N 97

*. Korelasi nopo nga’ signifikan id
taang 0.05 (2-tailed).

Tumanud do jadual 4.5, r = 0.24, p = 0.5 , mantad dii p < 0.05 popokito do kiwaa
korelasi di signifikan do pemboleh ubah motivasi intrinsik om taang koinabasan
moboros Boros Kadazandusun. Tanda rombituon (*), popokito do haro korelasi
pemboleh ubah motivasi intrinsik om pemboleh ubah taang koinabasan di
signifikansi 5%. Mantad dii, sokiro akawas motivasi intrinsik di tangaanak nga’
taang koinabasan diolo id kabaalan moboros Boros Kadazandusun nga’ akawas.
Sundung potuu do ingkaa, kagarasan do pionitan montok koduuduo pemboleh
ubah nopo nga’ oluhoi tu r nopo nga’ 0.24. Intangai jadual 4.5. Mantad do asil
ponoriukan di naanu, hipotesis alternatif koiso’ kaakal po otorimo. Sisimbar
montok do tuhot ponoriukan koduo nopo nga’, haro pionitan signifikan gatang
p=0.5, do motivasi intrinsik om taang koinabasan moboros Boros Kadazandusun
tagaanak sikul Toun 6.

Tayad Ponguhatan Tembubual Ponoriukan

1. Mimboros nangku tangaanak do Boros Kadazandusun id sikul? Nung oo,
alantas nangku o pibarasan dii?

2. Maanu nangku do tangaanak mamarati kopio pibarasan id Boros
Kadazandusun di norongou?

3. Id pomusarahan nu, kopoguhup nangku Motivasi Intrinsik id pongia’an boros
Kadazandusun?

63

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Mantad ponguhatan id sawat, asil sisimbar di naanu popokito tangaanak
momoguno boros Kadazandusun id sikul nga’ okon ko poimponu. Haro
tangaanak di otolinahas moboros nga’ sundung po tu ingkaa, haro kasari
tangaanak di au koilo moboros nga’ popokito goos minsingilo moboros.
Tangaanak nogi popokito kopomogunoon dialek tumanud kinoyonon diolo om
okon ko momoguno boros Standard (Bundu-liwan). Sumusuhut, okito tokou do
kigaab tangaanak mamarati boros-boros di au diolo orotian. Muhot di iyolo do
tongomongingia’ diolo nunu rati boros-boros di norongou diolo. Suai ko ii, okito
tokou mantad tisuli responden do koponguhup Motivasi Intrinsik pongia’an
kabaalan moboros Boros Kadazandusun. Mantad nogi tisuli di naanu, soira
akawas Motivasi Intrinsik tangaanak, abaabayan Pangajaran om Pambalajaran
(PdP) lobi kikualiti om kibagas tu’ totopot ii tangaanak minsingilo’ kabaalan dii.
Mantad di, okito tokou hinta do oponsol dii ti Motivasi Intrinsik id kopongia’an om
pambalajaran kabaalan moboros Boros Kadazandusun.

Bagas om Sogu

Bagas mantad do ponoriukan diti okito do motivasi Intrinsik di tangaanak sikul id
pambalajalan Boros Kadazandusun nopo nga’ ogirot. Taang motivasi intrinsik di
tangaanak sikul nopo nga’ akawas tumanud do gatang min di naanu.
Pinopointalang nogi kopongorindakaan gatang min do motivasi intirinsik nopo di
tangaanak sikul soira minsingilo Boros Kadazandusun lobi ogirot maya
kopokitanan min. Soira gunoon di mongingia’ motivasi diti id P&P, asil do
pongia’an nopo nga’ lobi kirati om momodimpot tudu’ minsingilo kabaalan
moboros.

Sogu montok do mongingia’ nopo nga’ mositi do koilo momoguno motivasi
intrinsik di tangaanak sikul id strategi P&P mooi do kirahi i tangaanak id
pambalajalan kabaalan moboros boros Kadazandusun. Rahi nopo di taralom
nga’ kopongunsub diolo minsingilo boros diti sogigisom om okon ko’ id posorili
linimput pambalajalan tomod nga’ id soliwan linimput pambalajalan nogi. Suai ko’
ii, mongingia’ mositi nogi do mongintutun nunu i kopongunsub motivasi di
tangaanak do minsingilo Boros Kadazandusun mooi do koingkawas koinabasan
di tangaanak sikul id boros diti.

Kolimpupuson

Motivasi di tangaanak sikul Toun 6 id pambalajalan Boros Kadazandusun nopo
nga’ akawas. Koilaan di naanu id ponoriukan diti popokito do motivasi nopo nga’
milo gunoon di mongingia’ montok mongunsub tangaanak sikul do minsingilo
Boros Kadazandusun. Taang koinabasan di tangaanak okon ko’ narahung do
motivasi tomod nga’ haro nogi kopongoobian do faktor suai di mongunsub
pambalajalan Boros Kadazandusun di tangaanak sikul. Montok do sogu,
mongingia’ Boros Kadazandusun mositi do koilo nunu i kopongunsub di
tangaanak sikul diolo, momonsoi ponoriukan sumusuhut montok mogilo motivasi
pambalajalan boros Kadazandusun di lobi aralom om momonsoi ponoriukan
sumusuhut montok mongintutun kobolingkaangan di mangantob pambalajalan
Boros Kadazandusun om koilaan faktor suai di mamarahung pambalajalan diolo.

64

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Sukuon
Abdul Rashid Jamian. (2010). Permasalahan penga’jaran dan pembelajaran

Bahasa Melayudalam kalanga’n murid Cina. Jurnal Jabatan
Pendidikan Bahasa dan Kemanusiaan. Fakulti penga’jian pendidikan
Universiti Putra Malaysia.
Allen Rey S. Villaverde & Rochelle Irene G. Lucas. (2016). Second Language
Learning and Intrnsic Motivation of Multilingual Chinese Learners in
the Philipines. International Journal of Language and Linguistics, 1(4).
114-121.
Asmah Omar. 1991. Aspek Bahasa dan Kajiannya. Kuala Lumpur: Dewan
Bahasa danPustaka.
Asmawati Desa (2002). Pedagogi untuk golonga’n profesional. Universiti
Kebangsaan Malaysia: McGraw-Hill (Malaysia) Sdn Bhd.
James Molijoh. (2015). Peluang kerjaya dalam bahasa Kadazandusun. Jurnal
Penyelidikan, (14), 1-12.
Krejie, V. R & Morgan, W. D. (1970). Determining sample size for research
activities. Educational and physchological measurement thesis, 30, 607-
610.
Mok Soon Sang. (2010). Literature dan kaedah penyelidikan. Selangor:
Penerbitan Multimedia Sdn. Bhd.
Nawas Phettongkam & Tareq M Zayed. (2015) Motivation and English Language
proficiency of grade 12 students in government schools in Thailand.
Journal of Creative Writing, 1(4), 1-24.
Noor Aina Dani & Syeril Patrisia Kining. (2016). Impak dialek Melayu Sabah ke
atas bahasa ibunda generasi muda etnik Kadazandusun. International
Journal of the Malay World and Civilisation, 4(2), 45-66.
Ryan, R.M & Deci, E.L. (2000). Self-Determination Theory and the facilitation of
intrinsic motivation, social development, and well-being. American
Psychologist, 55(1), 68-78.

65

Sompuruan Artikel Jurnal Ponoriukan PISMP Koonuan Mahas 2018 (BKD, SK)

BASAAN KOUBASANAN SINULAMBA ID WATAS KIULU, TAMPARULI
SABAH

EVLINA BINTI PHILIMON
LINAH BAGU@SITI NURLINA BINTI ABDULLAH

JABATAN BOROS KADAZANDUSUN IPGK KENT TUARAN
[email protected]

Abstrak
Basaan koubasanan do isoiso etnik id Sabah nopo nga iso’ kawo do identiti do
tinaru dii. Mantad dii, adala basaan koubasanan id Sabah tumanud do etnik di
pinasandad mantad do komolohingan di laid (Humin Jusilin & Salbiah binti
Kindoyop, 2015). Kiulu nga kiwaa nogi basaan koubasanan diolo sondii di
popokito do identiti etnik diolo. Ponoriukan diti nopo nga kokomoi do basaan
koubasanan di pinomungaranan do Sinulamba. Rika bontuk ponoriukan di
pinoindalan nopo nga’ etnografi om kosuang o ponoriukan diti id suang do
ponoriukan kualitatif. Kinopoindalanan nopo do ponoriukan diti nga’ montok
mongilo nontodon kinonuan ngaran basaan koubasanan Sinulamba, komoyon
tikid boogian do basaan koubasanan Sinulamba id aspek rika bontuk, motif, rinda,
warana om rati poinlisok om nogi mongilo laang-laang mamagarung do basaan
koubasanan diti. Montok mamagampot do toinsanan objektif diti, minonimung o
mononoriuk do data maya ponorubungan, pogintangan om nogi soriuk
kopustakaan. Analisis data di ginuno nopo nga’ transkripsi ponorubungan, nuut
mantad nuludan pogintangan om nogi triangulasi data. Mantad ponoriukan diti,
noilaan do monoriuk nakaanu o basaan diti do ngaran mantad puun Lamba om
haro tolu boogian do basaan koubasanan Sinulamba di kirati sondi. Tikid motif,
rinda om warana di pinosokot id suang do basaan koubasanan Sinulamba nogi
nga’ kikomoyon sondii. Id kutohurionon, kiwaa apat laang mamagarung do
basaan koubasanan Sinulamba i minog do tonudon. Oponsol o ponoriukan diti
montok mongilo lobi aralom kokomoi do basaan diti om nogi montok
popoinggumu do sukuon kokomoi do basaan diti tu aiso po nokoumbal do
monoriuk kokomoi basaan diti.

Kunsi Boros: Basaan koubasanan, watas Kiulu, boogian om Sinulamba

66

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kopointutunan

Kiulu nopo nga iso’ watas tokoro soginayo 647kilometer persegi. Haro 106
kampung id suang do watas diti om kiikiro 50 000 tulun mogigion. Kogumuan di
mogigion id watas Kiulu nopo nga’ tinaru Dusun Tagahas. Haro o mogikaakawo
koubasanan di kakal po do gompion do tinaru Dusun Tagahas id suang do watas
diti miagal ko tuunion, sayau om nogi basaan koubasanan. Basaan koubasanan
do watas Kiulu nopo nga’ Sinulamba. Basaan nopo diti nga’ nokoimbulai om
nointutunan ontok toun 2016 soira nakalantoi i Tati Hyellene Danius do piboi’an
Unduk Ngadau nayatan watas Tuaran minamagarung do basaan koubasanan
Sinulamba mantad watas Kiulu.

Kapatayadan Kobolingkangan

Haro o piipiro kobolingkangan di nokopongunsub do ponoriukan diti.
Kobolingkangan dii nopo nga’ kaampai no do kobolingkangan miagal ko’ au
atalang kopio o tadon do basaan koubasanan Sinulamba id watas Kiulu. Ahal
nopo diti nga adadi sabap kawaawagu nogi nakasarabak iti basaan koubasanan
ontok toun 2016 om aiso po ponoriukan kokomoi do basaan koubasanan
Sinulamba mantad watas Kiulu diti. Mantad dii, au di oilaan nontonodon kinonuan
ngaran do basaan koubasanan Sinulamba mantad watas Kiulu. Suai ko iri,
toinsanan boogian id suang do basaan koubasanan Sinulamba miagal ko’ rika
bontuk, motif, rinda om nogi warana nopo nga’ misuai mantad basaan
koubasanan id watas suai nga’ amu oilaan kopio o nunu ngawi komoyon-
komoyon do tongoboogian id suang do basaan diti. Kobolingkangan sumusuhut
nopo nga au nogi oilaan laang di kotunud montok mamagarung do basaan diti tu
soira nointutunan om nakasarabak o basaan diti, adala rika bontuk do basaan diti
i nokito do mononoriuk om mantad dilo osonong daa mongilo kopio laang
mamagarung do basaan koubasanan diti di kotunud.

Tudu Ponoriukan

i. Mongilo nontodon kinonuan ngaran do basaan koubasanan Sinulamba
id watas Kiulu.

ii. Mongilo rati poinlisok tikid boogian id suang do basaan koubasanan
Sinulamba id aspek rika bontuk, motif, rinda om warana.

iii. Mongilo laang mamagarung basaan koubasanan Sinulamba mantad
watas Kiulu.

Tuhot Ponoriukan

i. Hombo nontodon kinonuan ngaran do basaan koubasanan Sinulamba
id watas Kiulu?

ii. Nunu rati poinlisok tikid boogian id suang do basaan koubasanan
Sinulamba id aspek rika bontuk, motif, rinda om warana?

iii. Poingkuro laang mamagarung do basaan koubasanan Sinulamba
mantad watas Kiulu?

67

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Pongintangan Literatur

Ponoriukan kokomoi basaan koubasanan mantad mogisuusuai etnik nopo nga’
ogumu no nowonsoi do mononoriuk di pogulu. Kogumuan nopo do ponoriukan
diti nga’ haro pionitan do ponoriukan diti. Poomitanan do ponoriukan nopo nga’
ponoriukan kokomoi Reka Bentuk dan Hiasan Linangkit pada Pakaian
Tradisional Dusun Lotud di Tuaran di sinoriuk di Humin Jusilin om Salbiah binti
Kindoyop (2016). Ponoriukan diti nopo nga’ kokomoi do basaan koubasanan
tinaru Suang Lotud id watas Tuaran. Suai ko iri, haro nogi ponoriukan di Salbiah
Kindoyop, Humin Jusilin om Noria ak Tugang (2017), di kiuhu do Pembudayaan
Reka Bentuk Busana Tradisional Masyarakat Dusun Tindal di Sabah di popotosol
do koubasanan om rika bontuk basaan koubasanan mogigion di kitinaru Dusun
Tindal di poindoros do Nulu Nabalu. Haro nogi ponoriukan mantad di Jenefer
Masirin om Prinses Saliang (2018) di kiuhu Sustaining Ethnic Identity Through
Fashion. Ponoriukan diti nopo nga’ kokomoi do koponginwoguan do basaan
koubasanan tinaru Kadazandusun maya do kopointutunan do fesyen moden. Id
kotohurionon nopo nga’ ponoriukan di Victor B. Pangayan, A.S Hardy B. Shafi
om Low Kok On (2017) di kiuhu Meaning and Symbols in The Decorative Motifs
and Patterns of Sinudot and Lapoi of The Kimaragang’s Costume. Ponoriukan
diti nopo nga’ kokomoi pionitan do koinusan om basaan koubasanan Dusun
Kimaragang.

Metologi Ponoriukan

Rika bontuk ponoriukan diti nopo nga’ etnografi, hinombo do kopionit o
ponoriukan diti do koubasan doid suang do isoiso tinaru. Tumanud Kementerian
Pelajaran Malaysia (2018), ponoriukan etnografi nopo nga’ iso’ kawo rika bontuk
ponoriukan montok monoriuk kowoowoyoo’ om koubasanan do isoiso tinaru
pointantu. Ponoriukan etnografi di ponoindalan diti nopo nga’ momoguno data
kualitatif i aanu mantad pogintangan, ponorubungan om ponoriukan
kopustakaan.

Instrumen Ponoriukan

Haro tolu kaida ponoriukan di ginuno do mononoriuk id suang do ponoriukan diti.
Kaida-kaida dii nopo nga’ kaampai no do ponorubungan, pogintangan, om soriuk
kopustakaan.

Mamampayat Ponoriukan

Haro apat tulun mamampayat di pinili montok ponoriukan diti. Tumanud Kamarul
Azmi Jasmi (2012), mamampayat di pilion do mononoriuk nopo nga’ nuru do
kikabalan di takawas om kibagas kumaa ahal di uhoton do mononoriuk moi do’
kaanu o mononoriuk do data di ihumon. Mantad dii, mamampayat di pinili’ do
mononoriuk nopo nga’ mamampayat di kikabalan di takawas om kibagas kumaa
do basaan koubasanan Sinulamba mantad watas Kiulu. Mamampayat di pinili’
nopo nga’ duo tulun mononombir mantad watas Kiulu om nogi duo tulun Unduk

68

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Ngadau di nokoumbal do mamagarung basaan diti id suang do piboi’an Unduk
Ngadau.

Prosedur Koponimungan Data

Prosedur koponimungan data nopo nga’ iso’ kawo laang di napalan montok
maganu do isoiso data montok do isoiso ponoriukan (Mohd Uzi Dollah, 2015).
Kiwaa o tolu prosedur koponimungan data pointantu di ginuno do mononoriuk
maamaso do monoriuk kokomoi basaan koubasanan Sinulamba mantad watas
Kiulu. Prosedur-prosedur diti nopo nga mogisuusuai tumanud do kaida pointantu
di pinili do mononoriuk.

Asil Ponoriukan

Mantad ponoriukan di pinoindalan do mononoriuk, nakaanu o mononoriuk do asil
di koponimbar do tuhot soriuk. Okito o asil ponoriukan id siriba tumanud tuhot
soriuk do ponoriukan diti:

Hombo nontodon kinonuan ngaran basaan koubasanan Sinulamba mantad
watas Kiulu?

Kinonuan nopo do ngaran basaan koubasanan Sinulamba diti nga’ mantad iso’
kawo puun di pinomungaranan do Lamba. Tumanud Jabatan Pertanian Malaysia
(2018), ngaran saintifik montok puun Lamba nopo nga Curculigo Latifolia mantad
tinimungan susumuni Armaryllidacae Hypoxidacae. Tumanud di Ken Fern et al.
(2021), roun do Lamba nopo milo silihon kumaa basaan tu haro o gentian di
tokodou toi ko’ hard fibre id suang do roun Lamba. Gentian mantad do roun
Lamba nopo nga’ misuai ko’ mantad do kapas tu gentian mantad roun Lamba
nopo nga’ kikatahanan mantad koundolihon do iklim. Katahanan diti nopo nga’
adadi sabap do rintangan di takawas id suang do roun Lamba kumaa do parasit
miagal do kulat. Komoyon nopo nga’ amu kawasa do lalaton o isoiso basaan di
winonsoi mantad do roun Lamba. Gentian diti nopo nga’ kaanu silihon kumaa
basaan maya piipiro proses pointantu. Roun Lamba nopo nga’ popointalang do
identiti tinaru Dusun Tagahas id watas Kiulu di pogulu. Id watas Kiulu di laid, roun
do Lamba nopo nga noproses kumaa do kain tenun. Tumanud di Ken Fern et al.
(2021), haro piipiro proses pointantu montok papaasil kain tenun mantad roun do
Lamba. Laang kumoiso, randamon po i roun do Lamba id suang do waig om
bobogon nogindo montok papalanat do gentian id suang do roun dii. Kalapas dii,
owolon nogi miampai mogitootoning montok papaasil do basaan. I nopo di laid,
id watas Kiulu, soira oproses o roun Lamba kumaa do kain tenun, boogion o kain
diti kumaa piipiro boogian, kaampai no o sunduk, kurilib om gonob montok
monupu do basaan koubasanan Sinulamba.

69

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Nunu rati poinlisok tikid boogian id suang do basaan koubasanan
Sinulamba id aspek rika bontuk, motif, rinda om warana?

Mantad asil ponoriukan di pinoindalan, toinsanan boogian id suang basaan
koubasanan Sinulamba, kaampai no do rika bontuk, motif, rinda om nogi warana
nopo nga’ haro rati poinlisok. Osorisid o rati poinlisok tongoboogian id suang
basaan koubasanan Sinulamba maya rajah id siriba:

Bil. Boogian Boogian Komoyon do boogian
Basaan Pointantu
Sunduk toitom Simbolik kobontungan sabaagi do
1. Sunduk tondu.
Sinokot-sokot do  Sunduk toniba montok tondu di
2. Kurilib manik di kimotif
do parai mantad amu po nasanganu/nakakawin.
3. Gonob tua’ Dalai  Sunduk tanaru montok tondu

Rinda amas di nasanganu/nakakawin no.
Kurilib toitom Simbolik do guas parai om tua do
parai sabagi do koonu-onuan toi ko
Rinda amas rojoki tulun Dusun. Pogioputan do
Rinda topurak Dalai diti nopo nga simbolik nogi do
Rinda taragang piisaan om piomungan
Gonob toitom mogikaakawo tinaru id pogun
Sabah.
Rinda amas Simbolik do kohoro-horoon toi ko’
Rinda topurak harata.
Rinda taragang Simbolik do hambin. Popokito do
Sinokot-sokot do kowoowoyoon songulun tondu di
manik di kimotif agoyo lisi.
do parai mantad Simbolik do kohoro-horoon toi ko
tua’ Dalai di harata.
mogioput-oput Simbolik kasahangan/obitua.
Simbolik katamaan.
Gonob ninaru gisom totud nopo nga
simbolik do sosongulun di aparu.
Soira oniba o gonob dii, osonong
montok tondu dii do momomonsoi
do karaja.
Simbolik do kohoro-horoon toi ko’
harata.
Simbolik kasahangan/obitua.
Simbolik katamaan.
Simbolik do puun parai om tua’ do
parai sabagi do koonu-onuan toi ko’
rojoki tulun Dusun. Pogioputan do
Dalai diti nopo nga’ simbolik nogi do
piisaan om piomungan
mogikaakawo tinaru id pogun
Sabah.

70

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Poingkuro laang mamagarung do basaan koubasanan Sinulamba mantad
watas Kiulu?

Haro apat laang mamagarung do basaan koubasanan Sinulamba mantad watas
Kiulu. Okito o laang-laang dii maya rajah di kigambar id siriba.

Gambar Laang

Laang kumoiso nopo nga’ mamakai do
gonob.

Laang sumusuhut nopo nga’ mamakai
do rasuk, singlet toi ko' nunu-nunu
nopo basaan id suang di kiwarana do
toitom pogulu do mamakai do kurilib
montok monutub do boogian tinan
pointantu.

Laang kumotolu nopo nga mamakai
do kurilib.

71

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Laang kolimpupuson nopo nga
mamakai do sunduk.

Pogibabarasan Om Pomolingkuman
Sogu Koimbagu
Id suang timpu do kopoindalanan ponoriukan diti, haro piipiro sogu ponoriukan
mantad mononoriuk di milo powonsoyon di kaanu popoinlaab do ponoriukan diti.
I kumoiso nopo nga’ monoriuk kokomoi aksesori i gunoon mamaso
mananggarung do basaan koubasanan Sinulamba. Poposogu nogi o mononoriuk
do monoriuk kawo-kawo do basaan koubasanan koubasanan id watas Kiulu tu
ponoriukan nopo di pinoindalan nga’ fokus kumaa basaan koubasanan
Sinulamba no toomod nga’ mantad ponorubungan do mononoriuk miampai
mononombir do basaan koubasanan id watas Kiulu adala po kawo basaan
koubasanan id watas Kiulu. I kumotolu, mantad ponoriukan di pinoindalan do
mononoriuk, haro piagalan om pisuayan do basaan koubasanan Sinulamba
mantad Kiulu miampai basaan koubasanan mantad watas suai. Piagalan-

72

Sompuruan Artikel Jurnal Ponoriukan PISMP Koonuan Mahas 2018 (BKD, SK)

piagalan nopo dii nga miagal ko id aspek do rika bontuk, rinda om nogi warana.
Mantad dii, nokoimbulai di poguhatan id suang tulu do mononoriuk nung haro
nangku poinitan diti piagalan do tongobasaan koubasanan? Mantad dii osonong
daa nung haro o mononoriuk suai tadau di kaanu monoriuk piagalan om pisuayan
do basaan koubasanan Sinulamba mantad watas Kiulu om basaan koubasanan
mantad watas suai. Sogu do mononoriuk di sumusuhut nopo nga’ ponoriukan
kokomoi do puun Lamba om nogi tua’ Dalai. I kolimpupuson, poposogu nogi o
mononoriuk do toinsanan di kiangkab monoriuk do basaan koubasanan id watas
diolo sondii montok do popotimpuun do ponoriukan kokomoi basaan diolo.

Bagas

Kapamanahan do ponoriukan diti nakaanu manahak piipiro bagas. Bagas nopo
diti nga’ okon nopo montok tinaru Kadazandusun id watas Kiulu nga’ kumaa nogi
id gana do Pondidikan kokomoi do koubasanan id aspek basaan. Bagas di
kumoiso nopo nga’ kopongunsub do tulun suai montok monoriuk do basaan
koubasanan diolo sondii. Bagas di sumusuhut nopo nga’ kaanu popotungkus do
ponoriukan diti kumaa do sukod wagu. Sumusuhut, nakaanu nogi ponoriukan diti
manahak idea kumaa lobi ogumu mononoriuk id suai tadau i siponoriuk kokomoi
do basaan koubasanan Sinulamba mantad watas Kiulu. Bagas di kaapat nopo
nga’ adadi ponoriukan diti do do pongintangan kumaa toinsanan mononombir id
pogun Sabah i minsingilo do monombir do basaan diti. Bagas sumusuhut nopo
nga’ nakasarabak no woyo di tootopot montok mamagarung do basaan diti tu
ponoriukan nopo diti nga’ kaanu popokito laang di kotunud montok
mananggarung basaan koubasanan Sinulamba mantad watas Kiulu. Bagas do
kotohurionon nopo nga’ kaanu o ponoriukan diti popointutun kokomoi basaan
koubasanan Sinulamba mantad watas Kiulu kumaa tinaru suai.

Pomolingkuman

Sabaagi pomolingkuman, ponoriukan diti nopo nga’ nokopointalang do
koubasanan tinaru Dusun id watas Kiulu id suang do aspek basaan koubasanan.
Mantad kinopoindalanan do ponoriukan diti, nakaanu o mononoriuk monimbar do
tuhot soriuk om momodimpot toinsanan tudu do ponoriukan di pointantu. Mantad
ponoriukan diti noilaan do mononoriuk nontodon kinonuan ngaran basaan
koubasanan Sinulamba nopo nga’ naanu mantad puun Lamba. Suai ko iri, tikid
boogian i okito id suang do basaan koubasanan Sinulamba, kaampai no do rika
bontuk, rinda, motif om nogi warana nopo nga haro rati poinlisok. Osokodung o
teori diti di Humin Jusilin om Salbiah binti Kindoyop (2016) tu tumanud di Humin
Jusilin om Salbiah binti Kindoyop (2016), tikid komponen id suang do basaan
koubasanan id boyungan Dusun nopo nga winonsoi miampai seni di kirati
pointantu. Suai ko iri, mantad do ponoriukan diti, noilaan nogi do mononoriuk
kiwaa apat laang mamagarung basaan koubasanan Sinulamba. Toinsanan asil
ponoriukan nopo diti nga naanu mantad ponorubungan miampai apat tulun
mamampayat, pogintangan om ponginabasan mononoriuk sondii.

73

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Toud Sukuon
Kementerian Pelajaran Malaysia. Buku Panduan Penyelidikan Etnografi. Institut

Pendidikan Guru. Selangor Darul Ehsan Malaysia.
Jasmi, K.A. (2012). Metologi Pengumpulan Data Dalam Penyelidikan Kualitatif.

Institut Pendidikan Guru Malaysia Kampus Temenggong Ibrahim.
Jusilin, H., et. al. (2016). Reka bentuk dan hiasan linangkit pada pakaian

tradisional dusun lotud di tuaran. Jurnal Gendang Alam(GA), Jilid 5.
Universiti Malaysia Sabah.
Kindoyop, S., et. al. (2017). Pembudayaan reka bentuk busana tradisional
masyarakat dusun tindal di sabah. Jurnal Gendang Alam(GA), Jilid 7.
Universiti Malaysia Sabah.
Masirin, J,. et. al. (2018). Sustaining ethnic identity through fashion. Universiti
Teknologi Mara Shah Alam.
Pangayan, B, V ,. et. al. (2017). Meaning and symbols in the decorative motifs
and patterns of sinudot and lapoi of the kimaragang’s costume. Advance
in Social Education and Humanities Research volume 207.
Ken Fern et. al. (2021). Useful Tropical Plants. Linoyog ontok 2 Mac
2022;https://tropical.theferns.info/viewtropical.php?id=Molineria+latifolia
.
Mohd Uzi Dollah. (2015). Perundingan Menulis Tesis dan Disertasi. Linoyog
ontok 2 Mac 2022; http://tesisndiisertasi.blogspot.com/2015/09/bab-3-
prosedur-pengumpulan-data.html?m=1
Juliana@Jolneh binti Sumbing ( Piturubungan, Oktober 13, 2020)
Julinah binti Dangku ( Piturubungan, Oktober 13, 2020)
Hyellene Danius ( Piturubungan, Januari 14, 2021)
Aniz Lyn Delnes ( Piturubungan, Januari 14, 2021)

74

Sompuruan Artikel Jurnal Ponoriukan PISMP Koonuan Mahas 2018 (BKD, SK)

KOPOMOGUNOON KOOTURAN BOROS PURU SUMUANG PURU ID
KAMPUNG KIAU NULUH, KOTA BELUD

ESTHY ANNE SINGI
LINAH BAGU@NURLINAH BINTI ABDULLAH

JABATAN BOROS KADAZANDUSUN IPGK KENT TUARAN
[email protected]

ABSTRAK
Mantad di laid minsuang tinaru Dusun Kiau id puru mogihum taakanon.
Otumbayaan yolo do id puru nopo nga’ haro sunduan posorili om momoguno di
kaadat-adato sumuang puru mantad di laid. Ponoriukan nopo diti nga’ kokomoi
kaadat-adato sumuang puru id Kampung Kiau Nuluh. Objektif ponoriukan nopo
nga’ mongintutun boros puru, kooturan om mongilo kapansalan momoguno boros
puru tumanud kooturan sumuang puru id Kampung Kiau Nuluh, Kota Belud.
Metodologi ponimungan data montok ponoriukan diti nopo nga’ kaida
ponorubangan, kaida analisis dokumen om kaida soriuk kopustakaan. Tumanud
nopo do asil ponoriukan diti haro siam kawo boros puru di gunoon, ii no boogian
tinan, taakanon, tayam, kakamot, sandad posorili, boros ponuhu, basaan,
koimaan tinomod om au tinomod. Kooturan nopo sumuang id puru nopo nga’ au
milo momoguno boros di au osonong, tumomod paparatu di watu id suang puru,
mononsugut do tuni tayam, popintaam do watu, mamatai tayam id puru,
momohingi-hingi suang talun di poinsuai-suai, minggiak om mimpalak id puru,
popowokis di limatok i poinsokot id tinan, migit kokoriu kasou om takano tadong
om nogi momoduntuk limatok id watu. Kapansalan nopo do momoguno diti boros
puru nopo nga mamantang sunduan, kaanu nintorusan om sabaagi koumoligan
id puru. Alansan daa ponoriukan nopo diti nga’ kaanu monguhup popointutun
boros puru kumaa tulun ginumuan om sabaagi nogi do iso’ dokumentasi kaadat-
adato sumuang puru mooi do au atagak tinungkusan.

Hogot toponsol: Kopomogunoon, Kooturan, Boros Puru, Kaadat-adato,
Sunduan Posorili

75

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kopointutunan
Ponoriukan nopo diti nga’ kokomoi tungkus koubasanan, kawo kaadat-adato
sumuang do puru id Kampung Kiau Nuluh, Kota Belud. I nopo di pogulu, suai ko’
momutanom-tanom o tulun Kiau nga’ minsuang nogi do puru mongoi pongintorus.
Kopuruan nopo id posorili guas Nulu Nabalu nopo nga’ kinoyonon do tulun Kiau
mongintorus. Otumbayaan o tulun Kiau do kopuruan id posorili guas Nulu Nabalu
di nga’ kiharo mogion-gion om tamangan di sunduan posorili. Tumanud di
Kundayis Labeh om Justin Dalansun (2018), i nopo sunduan posorili id guas
Nabalu nopo nga’ haro o sensitiviti do kowoowowoyon tulun id suang do
kopuruan. Maya do kotumbayaan di momoguno o tulun Kiau do boros puru om
piipiro kooturan sabaagi ponokosukuon diolo id puru.

Katayadan Kobolingkangan
Tumanud nopo koinganan ku sumuang puru id Kampung Kiau Nuluh, Kota Belud,
haro o piipiro boros puru om kooturan di pinosotol pogulu i sumuang puru. Maya
diti nokoimbulai di rahi ku mongintutun nunu boros puru di gunoon id puru.
Sabaagi poomitanan, momodos om wonod. Suai ko ii, haro nogi kooturan di
pinosunud om nuru do tonudon i kooturan soira sumuang do puru. Maya diti
nokoimbulai dii pomusarahan om rahi ku montok mongilo kopomogunoon boros
puru om kooturan sumuang puru id Kampung Kiau Nuluh, Kota Belud.

Objektif Ponoriukan
Objektif ponoriukan diti nopo nga’:
1. Mongintutun boros puru id Kampung Kiau Nuluh, Kota Belud.
2. Mongilo kooturan sumuang puru id kampung Kiau Nuluh, Kota Belud.
3. Monorisid kapansalan kopomogunoon boros puru tumanud kooturan

sumuang puru id Kampung Kiau Nuluh, Kota Belud.

Tuhot Ponoriukan
1. Nunu o boros puru di gunoon id Kampung Kiau Nuluh, Kota Belud?
2. Nunu kooturan sumuang puru id kampung Kiau Nuluh, Kota Belud?
3. Nunu kapansalan momoguno boros puru tumanud kooturan sumuang

puru id Kampung Kiau Nuluh, Kota Belud?

76

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Pongintangan Literatur

Tumanud di Sely & Iskandar & Slamet (2019) pogulu i sumuang id talun papaharo
o tulun id Desa Gunam do ritual adat. Kitudu o ritual diti do mokianu kasagaan
mantad sunduan mooi do oinsanan aktiviti sumuang id Teringkang aiso o
koroorosian, kaantaban om au kotoguang do koligaganan maamaso id talun.
Tumanud nogi di Suhaila & Mohd Nizam & Atikullah (2013) pogulu i do tinaru
Kampur sumuang do talun mositi haro booboroson pogulu i sumuang mooi do
mokianu kasagaan sumuang do talun mantad sunduan posorili. Maya do
booboroson diti, kaanu di sunduan posorili do manamong diolo mantad
koligaganan miagal ko au apalid. Id suang ponoriukan di Hamidah Abdul Wahab
(2013), pogulu sumuang talun maganu o tinaru Melayu Sarawak do tana tokuri
om poisison id rabas mooi do au tompurosion di sunduan tangaarat id talun.

Metodologi Ponoriukan

Ponoriukan nopo diti nga’ momoguno kawo reka bontuk ponoriukan etnografi
kikawo kualitatif, montok mongintong kopomogunoon boros puru, kooturan om
nogi kapansalan momoguno boros puru tumanud kooturan sumuang puru id
Kampung Kiau Nuluh, Kota Belud. Mamampayat nopo di nopili ku nga’ soginumu
do tolu tulun di abaal momoguno boros puru om ogumu koinganan sumuang
puru. Montok nopo kaida ponoriukan di noguno monimung data id suang
ponoriukan diti nopo nga’ ponorubungan, analisis dokumen om soriuk
kopustakaan. Montok kaida ponorubungan miampai mamampayat nga’
momoguno do tuhot separa struktur om kibontuk poinralom mooi do ouhan i
mamampayat do mamarati komoyon tuhot di pinatahak montok mongilo do boros
puru. Sumusuhut, montok kaida analisis dokumen nopo nga’ minaganu data
mantad buuk Sejarah dan Sistem Kehidupan Tradisional Dusun Kiau. Buuk nopo
diti nga pinosoliwan mantad Koisaan Momogompi Tinungkusan Gulu-gulu om
Kotulunan Sandad (GOMPITO). Noguno nogi soriuk kopustakaan montok
monokodung data ponoriukan di naanu maya do kowonuon mantad kakamot
miagal buuk toi ko’ kakamot elektronik om nogi kowonuon mantad internet.
Kogumuan nopo soriuk kopustakaan di noguno nga’ mantad do ponoriukan
kokomoi koubasanan i haro pionitan do uhu ponoriukan.

Asil Soriuk Om Pibarasan

Tuhot Soriuk koiso

Boros puru nopo nga’ iso’ kinoilaan komolohingan tulun Kiau di laid soira
sumuang id puru. Boros nopo diti nga’ gunoon tulun Kiau di laid maamaso
mongintorus id puru tu’ iti nopo boros nga’ orotian di sunduan posorili id puru.
Tudu nopo diolo momoguno diti boros nga’ mamantang di sunduan posorili,
mokianu koumoligan om nogi mokianu do dupot mantad sunduan posorili. Soira
nopo katanud diti boros puru, karati i sunduan posorili do tudu diolo sumuang do
puru, ii no mongintorus. Maya diti kosiliu do koruhangan toi ko’ soboogian id puru
tu karati i sunduan posorili booboroson diolo om onuan diolo do nintorusan. Nung

77

Sompuruan Artikel Jurnal Ponoriukan PISMP Koonuan Mahas 2018 (BKD, SK)

momoguno nopo boros Dusun id puru nopo nga’ karati i sunduan posorili di boros
nga’ haro o kasasalaan. Iti di o kapakaus ginawo di sunduan posorili id puru. Au
nopo momoguno diti boros puru nopo nga’ kotoguang do koligagaanan miagal
ko’ aratu, kodulud om apalid.

Jadual 1

Kawo boros puru di gunoon sumuang puru id Kampung Kiau Nuluh,
Kota Belud

No Kawo boros Boros Dusun Boros Puru Boros
puru Tindal Melayu
Pomubusan Dubur
1 Taakanon Busul Pomusok
2 Boogian Tinan Takano Momodos Nasi
3 Tayam Tulanut Pondidip/baig Ular
4 Kakamot Macis Kumasanangan Mancis
5 Sandad Posorili Dalan amu Jalan tidak
osonong/ baik
6 Basaan otidong
7 Koimaan Tinomod Galam Pamalasu Tikar
8 Koimaan Au Mokinongou Momosuk Mendengar
Nokosunsuya Notipuan Tergelincir
Tinomod
Boros Ponuhu Intangai Boloho Lihat, tengok

Tumanud di Arena Wati (1978), tulun Kadazan Dusun nopo nga’ aiso po
aksara, i nopo sambayang toi ko’ rinait id upacara magambawon nga’

nokopiamung no kogunoon. Nokopirolot no guno diti rinait montok do

magambawon, momolingos toruol, pomutanaman om mogisuusuai po. Rinait
nopo diti nga’ boros di gunoon montok miromut di sunduan posorili. Boros rinait
tulun Kadazan Dusun nopo diti nga’ boros di osundu. Baabaino diti, i nopo boros
rinait nga’ nosiliu no boros klasik. Hogot om nogi istilah di gunoon id rinait nga’

au nodi orotian koginumuan tulun Kadazan om Dusun. I no bobolian om molohing

nokopio karati diti boros rinait. Intangan nopo kopiagalan diti boros puru om rinait
nga’ gunoon montok miromut do sunduan posorili, kogumuan do boros nga’ au

nodi orotian do tulun Kadazan om Dusun baabaino. I po di komolohingan om

tulun di ogumu koinganan sumuang puru koilo kopio momoguno diti boros. Boros
puru nogi diti nga’ narahung do boros Sanskrit. Poomitanan nopo do boros puru

di narahung nopo nga sarup om santut. Id boros Sanskrit nopo do sarup nga
vayu. Rahung do boros sarup nopo nga’ mantad leksis nusantara. Tumanud di
Mohd Nor Azan (2018), boros tinaru id Sabah nopo nga’ toririmo narahung do

leksis Sanskrit maya boros Melayu.

78

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Tuhot Soriuk Koduo

Id suang ponoriukan diti, haro hopod kooturan sumuang puru id Kampung Kiau
Nuluh, Kota Belud. Kooturan nopo di nga’ au milo momoguno boros di au
osonong, au tumomod paparatu di watu id suang puru, au mononsugut di tuni
tayam, au popintaam do watu, au mamatai tayam id puru, au momohingi-hingi
suang talun di poinsuai-suai, au minggiak om mimpalak id puru, au popowokis di
limatok i poinsokot id tinan, au migit kokoriu kasou om takano tadong om au
momoduntuk limatok id watu. Haro nogi ukuman montok di au tumanud diti
kooturan ii nopo nga milo ontokon do adat manahak songinan tandaha topurak,
silawon, macis, sigup, bungkusan om sompuut wagas. I nopo manuk di nga’
pogialaalangan mangakan id tinimungan. Nung okon nopo tulun Kiau toi ko’
tutumombului mantad id labus nopo nga au nakaanu popotounda do item di
pinokianu nuru do mamabayar id bontuk tusin soginumu RM50.77. (Tumanud di
Kundayis Labeh om Justin Dalansu id suang buuk Sistem Kehidupan dan Sistem
Tradisional Dusun Kiau, 2018).

Tuhot Soriuk Kotolu

Tumanud nogi do asil ponoriukan di naanu kokomoi do kapansalan momoguno
boros puru tu tumanud kooturan sumuang nopo nga’ mamantang di sunduan
posorili id puru. Kopomogunoon boros puru nopo diti nga’ boros di mogkikit.
Mogkikit nopo diti nga’ montok mamantang di sunduan id puru. Tumanud di Sely
& Iskandar & Slamet (2019), maamaso nopo id talun nga’ nuru do tamangan
kopio o kobooboroson. Nung araat nopo kobooboroson nga’ kotoguong do
koligaganan. Oponsol nogi momoguno diti boros montok koumoligan maamaso
poinsuang om popoilo tudu sumuang id puru, ii no mongintorus. Tumanud di
Muhd Abdul Hadi Johari (2018), oinsanan elemen fizikal id posorili dii haro nga’
nasanganu di sunduan posorili. Mantad di onuan di sunduan posorili nintorusan
om nogi koumoligan o tulun Kiau tu nakatanud diti boros puru om nosiliu do
koruhangan toi ko’ soboogian id puru tu karati i sunduan posorili booboroson
diolo.

Kopomogunoon boros puru nogi diti nga’ mamantang kaadat-adato di
pinatantu id isoiso kinoyonon tu boros puru nopo nga’ boros poimbida gunoon no
id puru. Tumanud di Maharam Mamat (2015), kotumbayaan tulun maamasok
kumaa posorili mongunsub diolo momonsoi karaja miampai haro o tatatertib om
mamantang sandad posorili. Maya diti, momoguno di tulun Kiau diti boros
maamaso mogibooboros id puru.

Suai ko ii, kopomogunoon boros puru id puru nogi diti nga’ popokito do
keunikan koubasanan tinaru Dusun sumuang puru. Tumanud di Asmiaty Amat &
Norsuhaila Sulaiman (2019), kearifan lokal tinaru Kadazan Dusun popokito
keunikan koubasanan di kigatang i kaanu manahak bagas id kopooposion.
Mantad dii popokito do keunikan kaadat-adato tulun Dusun Kiau do sumuang
puru mooi do kaanu dupot om au kotoguang di koroorosi. Oponsol nogi do
intalangan o kopomogunoon diti boros puru montok do pinsingilaan adat tu
kopisudong do goos porinta momonsoi do buuk Panduan Sekolah Adat Orang

79

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Asal. Tumanud di Dismas Aju (2022), oguno dii o buuk Panduan Sekolah Adat
Orang Asal sabaagi do medium popointutun do toilaan kokomoi koubasanan idi
kumaa sukod wagu om nogi manamong do koubasanan montok sukod wagu
dumontol mooi do au atagak.

Pomolingkumaan, Sogu om Bagas

Mantad asil pibarasan diti kaanu popokito tulun ginumuan kokomoi kaadat-adato
sumuang puru id Kampung Kiau Nuluh, Kota Belud. Kaadat-adato nopo diti nga’
momoguno do boros puru soira mogibooboros id puru. Boros puru nopo diti nga’
haro piagalan do rinait tu’ momoguno boros di aralom om au orotian tulun
ginumuan. Suai ko ii, boros puru nogi diti nga’ narahung do boros Sanskrit. Haro
siam kawo boros puru di oubas gunoon id puru, i no boogian tinan, taakanon,
kakamot, basaan, boros ponuhu, koimaan tinomod, koimaan au tinomod, sandad
posorili om tayam. Mantad nogi asil ponoriukan di naanu, noilaan di o kooturan
sumuang puru id Kampung Kiau Nuluh, Kota Belud. Maya diti oinsanan tulun
sumuang id puru nuru momoguno diti kooturan sabaagi susukuon soira sumuang
puru id Kampung Kiau Nuluh, Kota Belud. Haro nogi ukuman di nakatantu montok
tulun di tumanud diti kooturan.

Id timpu do kopoindalanan do ponoriukan diti, haro piipiro sogu
ponoriukan di milo powonsoyon montok popotilombus koponginlaaban do
ponoriukan kaadat-adato sumuang puru. Koiso, inlaaban o rontobon ponoriukan
diti mooi do lobi ogumu data di aanu kokomoi do kaadat-adato sumuang puru hilo
id Kampung Kiau Nuluh, Kota Belud. Kumoduo, monoriuk kaadat-adato sumuang
puru di laid kaadat-adato om kooturan sumuang puru di baabaino hilo id
Kampung Kiau Nuluh, Kota Belud. Baabaino diti, i nopo kopuruan hilo Kampung
Kiau Nuluh nga nosiliu do Hutan Lindungan Komuniti om nogi Eco Tourism.
Kolimpupuson, ponoriukan boros puru id gana semantik. Maya diti haro di
kointalangan rati boros puru di nakatayad om minog daa haro ponoriukan id gana
semantik montok mogihum rati do boros puru.

Ponoriukan nopo diti nga’ kaanu manahak bagas kumaa kinoyonon
ponoriukan, pondidikan om nogi tulun ginumuan. Montok nopo id kinoyonon
ponoriukan nopo nga’ sabaagi iso’ dokumentasi montok popotindohoi do tungkus
koubasanan di notungkusan mantad komolohingan di laid id kinoyonon diti om
kaanu manahak kounsuban kumaa mogiigion do lobi mamagatang do tungkus
koubasanan om monginralom toilaan kokomoi kaada-adato sumuang puru hilo id
Kampung Kiau Nuluh, Kota Belud. Ponoriukan nogi diti nga’ manahak bagas
kumaa pondidikan tu kaanu momoruhang do nontodon toilaan kokomoi tinaru
Dusun. Loolobi po kopio kumaa mokiikinobos di minanganu Boros
Kadazandusun id IPG montok kursus Kearifan lokal. Suai ko ii, ponoriukan nogi
diti nga’ kaanu popotounda liwang di alaab montok koponginralaman do toilaan
kokomoi koubasanan om sabaagi do sosondihon montok koponoriukan kokomoi
mogisuusuai kawo do kaadat-adaton tinaru Dusun id gana pondidikan. Bagas
montok tulun ginumuan nopo nga’ kaanu mongilo kapansalan do mamantang om
mamagatang di kaadat-adato pinotungkus komolohingan di laid sumuang id puru
loolobi po kopio tinaru Dusun om milo nogi posuangon o asil ponoriukan diti id
buuk Panduan Sekolah Adat Orang Asal sabaagi do pinsingilaan adat tinaru
Kadazan Dusun.

80

Sompuruan Artikel Jurnal Ponoriukan PISMP Koonuan Mahas 2018 (BKD, SK)

SUKUON
Arena Wati (1978). Peribumi Sabah: Satu Tinjaun Dalam Konteks Kepercayaan,

Kultus dan Hukum Adat di Sabah. Kota Kinabalu: Penerbitan Yayasan
Sabah. Abdul Wahab, Hamidah. (2013). Petua Dan Pantang Larang
Tradisional Dalam Alam Melayu Sarawak. Jurnal Antarabangsa Alam
dan Tamadun Melayu (IMAN), 1 (1). pp. 89-97.
Dismas Maju. (2022). Sejarah Tercipta, Harapan Baru untuk Orang Asal. Tuaran,
Sabah, Malaysia. Linoyog ontok 28 March 2022 mantad https://dio-
tv.com/sejarah-tercipta-harapan-baru-untuk-orang-asal.
Jasmi, K. A. (2012). Metodologi Pengumpulan Data dalam Penyelidikan
Kualitatitif. Faculty of Islamic Civilization, Universiti Teknologi Malaysia
https://www.researchgate.net/publication/293097563_Metodologi_Peng
umpulanData_dalam_Penyelidikan_Kualitatitif.
Johari, Muhd Abdul Hadi & Khairuddin, Ahmad Hakimi. (2018). Personalistik,
Etiologi Penyakit, dan Sistem Perlindungan Diri: Menyingkap Perspektif
Tradisi Masyarakat Melayu Kedah. International Journal of the Malay
World and Civilisation, Vol 6(2), 55 – 67.
Norsuhaila Sulaiman & Asmiaty Amat (2019) Analisis kepercayaan etnik
Kadazandusun Sabah dalam antologi Tangon. Jurnal Antarabangsa
Dunia Melayu, 12 (1). pp. 97-108.
Kundayis Labeh & Justin Dalansu. (2018). Sejarah dan Sistem Kehidupan
Tradisional Dusun Kiau. Kota Kinabalu: Koisaan Momogompi
Tinungkusan Gulu-gulu om Kotolunan Sandad (GOMPITO).
Maharam Mamat, (2015) Etika alam sekitar dalam novel Jong Chian Lai dari
perspektif pribumi. Jurnal Melayu, 14 (2). pp. 171-189.
Normalina. (2015). Pantang Larang Dalam Masyarakat Kampar Dan
Relevensinya Dengan Pendidikan Karakter. Jurnal Pendidikan Anak
Usia Dini, Vol 1(1).
Sely Indri Prameswari & Iskandar AM & Slamet Rifanjani. (2019). Kearifan Lokal
Masyarakat Adat Dayak Hibun Dalam Melestarikan Hutan Teringkang di
Dusun Beruak Desa Gunam Kecamatan Parindu Kabupaten Sanggau.
Jurnal Hutan Lestari, Vol 7(4) ,1668 – 1681.

81

Sompuruan Artikel Jurnal Ponoriukan PISMP Koonuan Mahas 2018 (BKD, SK)

BOROS MALAYU MAMARAHUNG KOPOMOLOMBUSAN PIMATO SUKOD
WAGU DUSUN ID KAMPUNG TOMBONGON MANGGATAL

FAVEYANA LINOS
VICTOR BAGA

JABATAN BAHASA KADAZANDUSUN IPGK KENT TUARAN
[email protected]

ABSTRAK

Koimaganan Akta Palajalan 1996 pinapadadi do Boros Malayu sabaagi boros
pangantara’ id sikul. Kaantakan diti minanahak bagas kumaa pomumusorou
komolohingan boyungan Dusunik montok momohodtol komilaan tangaanak
moboros do Boros Malayu mantad tokoro’ mooi do kikomogoton om kalantoi
tangaanak diolo id pambalajalan. Kopionit do ahal dilo, nokotindohoi o
tongomolohing popoubas sukod wagu Dusun do moboros Malayu mantad tokoro’
gisom minanahak bagas kumaa kopomolombusan pimato diolo id boros
Kadazandusun tu’ kiwaa o pisuayan kopomolombusan pimato sukod wagu
Dusun i nasandadan moboros Malayu mantad ko sukod wagu Dusun i
nasandadan moboros Dusun mantad tokoro’ id aspek do pimato konsonan /d/,
/g/ om pimato songui /ng/. Kopionit do kobolingkangan diti, pinoindalan o
ponoriukan kes montok monorisid pisuayan kopolombusan pimato om bagas
kopomolombusan pimato kumaa pilumaagan tikid tadau do sukod wagu Dusun
id Kampung Tombongon. Pinoindalan o ponoriukan diti miampai do format om
kaida ponoriukan kualititaif. Id asil ponoriukan diti, pinopokito do kiwaa o rahung
Boros Malayu id aspek do sistem om struktur kopomolombusan tuni do boros
Dusun om nogi kiwaa o kapanatakan tuni /ŋ/, kaalanan tuni /ɗ/ om nogi kaalanan
tuni /g/ i minamarahung do pisuayan kopomolombusan sukod wagu Dusun id
Kampung Tombongon Manggatal. Suai ko mantad dii, nosorisid nogi o bagas
kopomolombusan pimato do sukod wagu i nasandadan moboros Malayu mantad
tokoro’ id aspek do afektif, rati om kolinuudan boros diolo. Sundung pia do ingkaa
nga’ milo po do inlaaban o skop ponoriukan irad diti id saalom do konsonan suai
irad ko’ konsonan d plosif om b plosif montok ponginsanangan boros piawai do
kurikulum boros Kadazandusun id sikul.

Boros toponsol: Boros Dusun, Boros Malayu, kopomolombusan pimato, sukod
wagu, pimato konsonan

82

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kopointutunan

Nakasarabak o kopomogunaan Boros Kadazandusun id saalom do tulun
boyungan Dusunik sabap no do kinoimaganan akta palajalan 1996 i pinapadadi
Boros Malayu sabaagi boros penghantar id sikul. Kaantakan diti minamarahung
do pomumusorou komolohingan Dusunik montok mongubas tangaanak moboros
Malayu mantad tokoro’ montok kapansalan do pambalajalan do tangaanak.
Notindohoi o kubasanan moboros Malayu diti id saalom do sukod wagu Dusun
gisom minogowit do kosimbanon tuni kopomolombusan pimato /d/, /g/ om /ng/.
Poindalanon o ponoriukan diti montok mongintong kobolingkangan Boros Malayu
mamarahung kopomolombusan pimato sukod wagu Dusun id Kampung
Tombongon Manggatal.

Kointalangan Kobolingkangan

Timpu baino, kogumuan sukod wagu Dusun au nasandadan moboros Dusun
mantad tokoro’ tu’ kogumuon nopo boros kumoiso’ diolo nga’ Boros Malayu. Ahal
diti minanahak bagas kumaa kopomolombusan sukod wagu Dusun om poimbida
o kaantakan diti id kogumuan sukod wagu Dusun id Kampung Tombongon
Manggatal. Kopionit do ahal diti, bagas Boros Malayu nopo id kopomolombusan
sukod wagu Dusun nga’ orongou id kopomoroitan pimato /d/, /g/ om ng/ tu’ kiwaa
o pisuayan o tuni pimato soira polombuson do sukod wagu Dusun i nasandadan
moboros Malayu miampai sukod wagu Dusun i nasandadan moboros Dusun
mantad tokoro’.

Tudu Ponoriukan

i. Mongilo rahung boros Malayu id kopomolombusan pimato sukod
wagu Dusun maya popibagal o tuni kopomolombusan pimato sukod
wagu Dusun i nasandadan om au nasandadan moboros Dusun id
Kampung Tombongon Manggatal.

ii. Mongilo bagas kopomolombusan pimato sukod wagu Dusun i
nasandadan moboros Malayu kumaa pilumaagan tikid tadau diolo id
aspek do afektif om boros.

Tuhot Ponoriukan

i. Nunu pisuayan kopomolombusan pimato do sukod wagu Dusun i
nasandadan boros Malayu miampai do sukod wagu Dusun i
nasandadan boros Dusun id Kampung Tombongon Manggatal?

ii. Nunu bagas do kopomolombusan pimato sukod wagu Dusun i
nasandadan moboros Malayu id pilumaagan tikid tadau diolo?

83

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Teori Ponoriukan
Ponoriukan diti minomoguno do tolu teori i poinghanggum do teori behavouris,
teori interaksionalis om teori kopogonuan boros maya moomit toi ko’ imitation.

Ponoriukan Nokopogulu
Ponoriukan-ponoriukan nokopogulu nopo i noguno id ponoriukan diti nga’
kokomoi no do kopomolombusan, kakamot artikulasi om motivasi id
pambalajalan. Patayadon o uhu-uhu ponoriukan nokopogulu id siriba diti;

i. Sebutan bunyi vokal dan konsonan bahasa Melayu dalam kalangan
pelajar antarabangsa di Universti Putera Malaysia (Siti Muslihah, Nur
Aimie & Siti Amhar,2018)

ii. Kajian fonologi kesalahan bunyi dalam bahasa kanak-kanak,
nokotolinahas diolo do kasala’an, (Noor Shahirah & Sharifah Raihan
,2018)

iii. Kobolingkangan Artikulasi. (Rabia Azmat, Muhammad Ibrahim,
Muhamad Sikander Khan & Tariq manzoor 2014)

iv. Kemahiran bertutur Bahasa Melayu oleh murid Cina teori analisis
kontrastif, (Nur Zulaiqha, Nur Farahkhanna, Nur Faizah om
Nurazimah ,2021)

v. Sikap dan motivasi pelajar terhadap pembelajaran bahasa Melayu
(Zaliza Mohamad nasir om Zaitul Azma Zainon ,2014)

Metodologi Ponoriukan
Pinoindalan o ponoriukan diti minomoguno do reka bontuk ponoriukan kes
miampai ponginsamakan kualititaif. Ponoriukan kes di gunoon nopo nga’ kiula do
instrinsik tu’ kobolingkangan toi ko’ kes nopo di nopili nga’ iso’ kobolingkangan di
nakagayat kopio ginawo do mononoriuk montok monginralom toilaan kokomoi
kes diti.

Instrumen Ponoriukan
Instrumen-instrumen ngaawi i gunoon montok pinopoindalan do ponoriukan diti
nopo nga’ minomoguno do poom ponorubungan kistruktur, poom pogintangan
om buuk sukuon om nogi jurnal sabaagi do dokumen montok analisis dokumen.

Asil Ponoriukan
Maklumat om data di naanu montok do ponoriukan diti nopo nga’ kitudu montok
monimbar do tuhot om objektif soriuk do ponoriukan diti. Tuhot soriuk i kumoiso’
i maan simbaro nopo nga’ “nunu pisuayan kopomolombusan pimato sukod wagu
Dusun i nasandadan moboros Malayu miampai kopomolombusan pimato sukod
wagu Dusun i nasandadan moboros Dusun id Kampung Tombongon
Manggatal?”. Maya do tuhot soriuk di kumoiso’ diti, pimato nopo di nointangan
nga’ id aspek do pimato /d/, /g/ om /ng/.

Id data-data di na’analisis popokito do aiso kosimbanon do tuni
kopomolombusan pimato /d/ tu’ kakal po orongou sabaagi do tuni [ɗ] soira
polombuson do sukod wagu Dusun i nasandadan moboros Dusun. Misuai
mantad ko’ sukod wagu Dusun i nasandadan moboros Malayu mantad tokoro,
kopomolombusan tuni /d/ nopo diolo nga’ sumimban kumaa do tuni [t]. Mulong
pia ingkaa, kinoyonon nopo tuni /d/ i kosimban kumaa tuni [ t ] soira kinoyonon

84

Sompuruan Artikel Jurnal Ponoriukan PISMP Koonuan Mahas 2018 (BKD, SK)

nopo pimato /d/ nga’ id dompok do isoiso’ hogot.Poomitanan nopo nga’ irad ko’
;

Doid [ ɗɔit ]

Poniud [ pɔniʊt ]

Gakod [ gakɔt ]

Tomod [ tɔmɔt ]

Suai ko pimato /d/, kiwaa nogi pisuayan kopomolombusan sukod wagu

Dusun i nasandadan moboros Malayu miampai sukod wagu Dusun i nasandadan

boros Dusun id kopomolombusan pimato /g/. Montok nopo kopomolombusan

pimato /g/, otolinahas o karangahan tuni [g] soira maan polombuso do sukod

wagu Dusun i nasandadan moboros Dusun. Kosimbanon tuni [g] diti adadi soira
polombuson do sukod wagu di nasandadan moboros Malayu tu’
kopomolombusan pimato /g/ nopo diolo nga’ sumowoli kumaa tuni [k].
Poomitanan nopo nga’;

Godog (boros ngaran) [ gɔɗɔk ]
Langag [ lаŋak ]
[ ɔɓʊhɔk ]
Obuhog

Pisuayan kopomolombusan pimato di tohuri nopo nga’ pimato songui
/ng/. Id kopomolombusan sukod wagu Dusun i nasandadan moboros Dusun,
otolinahas tomod o karangahan tuni songui [ŋ] soira polombuson diolo id
piwaraan. Misuai montok sukod wagu Dusun i nasandadan moboros Malayu,
soira nopo popolombus yolo tuni [ŋ] nga’ kiwaa duo kaantakan di adadi. Koiso’
nopo nga’ oruhangan do tuni [ŋ] toi ko’ [g]. Kumoduo nopo nga’ kapanatakan tuni
[ŋ]. Id kes diti, tuni [ŋ] nopo di kikobolingkangan polombuson do sukod wagu
nasandadan moboros Malayu nga’ soira iri [ŋ] id tatanga’ do isoiso’ hogot.
Poomitanan:

Koruhangan tuni [ŋ] :

Langag [ laŋaŋ ]

Koruhangan tuni [g] :

Lungung [ lʊŋgʊg ]
Bungug [ ɓʊŋgʊg ]

85

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Kapanatakan tuni [ ŋ ] : [ baag ]
Baang [ baʊŋ baʊŋ ]

Bongung-bongung

Id kosimbanon kopomolombusan tuni /d/ kumaa tuni [t], kosimbanon tuni
/g/ kumaa [k] om kapanatakan tuni [ŋ], osokodung o ahal diti doid ponoriukan

nokopogulu i nokoindalanan di Shahirah om Sharifah Raihan (2018) id

ponoriukan kiuhu kajian fonologi kesalahan bunyi dalam Bahasa kanak-kanak,
nakayatad diolo do kosimbanon kopomolombusan konsonan id isoiso’ hogot di
maan polombuso’ nopo nga’ sabap no do faktor kaalanan toi ko’ kosowolihan

(penggantian) om panatakan (pengguguran). Maya do data-data di naanu id

ponoriukan diti, tootopot o haro nadadi fenomena o kaalanan om nogi

kapanatakan diti id kopomolombusan do /g/, /ng/ om /g/ . Faktor kaalanan diti
adadi montok hogot kitompok do /d/ om /g/ tu’ kosowoli o tuni /g/ kumaa [k] om

tuni /d/ kumaa [t]. Maya do analisis dokumen di naanu, osokodung nogi o

kosimbanon tuni pimato maya do faktor kaalanan om kapanatakan maya do teori

kopogonuan boros kumoduo. Nokoboros i Baharudin Shahman do soira nopo
maganu o sosongulun boros kumoduo diolo nga’ agayat toi ko’ arahung yolo do
momoguno struktur om sistem mantad boros kumoiso’ diolo (Baharudin

Shahman id suang Nor Zulaiqha et al.,2021). Poomitanan nopo mantad do data
di naanu nga’ miagal ko do kopomoruhangan [g] id kopomolombusan sukod wagu

Dusun i nasandadan Malayu soira popolombus yolo hogot i kipimato /ng/.

Poomitanan ;

Boros koiso’ responden Boros Kumoduo Kopiralatan do struktur
(Malayu) responden om sistem do Melayu

(Dusun) om Dusun

pinggang Bungug Bunggug

bingung Langag Langang

Jadual 1 popokito do pogiralatan sistem om struktur boros Malayu om Dusun

Data-data kosimbanon tuni diti osokodung nogi ponoriukan nokopogulu

di nowonsoi di Siti Muslimah, Nur Aimie om Siti Amhar (2018) kokomoi kesalahan
sebutan bunyi vokal dan konsonan Melayu. Nokosuat diolo do faktor kasala’an i
adadi id kopomolombusan sosongulun nopo nga’ sabap no do au yolo oubas do
momoguno isoiso’ boros dii. Ahal diti okito nogi id kopomolombusan sukod wagu
Dusun i nasandadan moboros Malayu tu’ kiwaa kasala’an kopomolombusan tuni
[ɗ], [g] om [ŋ] id pibarasan diolo sabap no do au yolo oubas momoguno boros diti
mantad di okoro’ po yolo om au noubas o kakamot artikulasi diolo popolombus

boros Dusun.

86

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Tumilombus id tuhot soriuk di kumoduo montok do ponoriukan diti “nunu

bagas kopomolombusan pimato sukod wagu i nasandadan moboros Malayu id
pilumaagan tikid tadau diolo?”. Hontolon nopo o bagas kopomolombusan diti nga’

sukod wagu nasandadan moboros Malayu sabap maya data di naanu montok
monimbar tuhot soriuk di kumoiso’, kosimbanon tuni nopo nga’ adadi id sukod
wagu i nasandadan moboros Malayu mantad tokoro’ om ahal diti popokito do
bagas kopomolombusan di agayo tokito nopo nga’ kumaa do sukod wagu i

nasandadan moboros Malayu om intangan id aspek do afektif om boros.

Id aspek do afektif, koinsanan nopo data di naanu popokito do duo bagas
kopomolombusan pimato id aspek do afektif do responden. Bagas koiso’ nopo
nga’ id aspek do topurimanan diolo do oikuman om amu oikuman. Maya do data
di notimung, kiwaa kopurimanan do responden do otingayaman soira kikasala’an

yolo doid kopomolombusan pimato lolobi po kumaa do komolohingan.
Kopurimanan nopo diolo do otingayaman soira kikasala’an id kopomolombusan
nga’ tumanud no do tisuli di aanu diolo mantad tulun di korongou do kasala’an

kopomolombusan diolo. Tisuli negatif manahak do kopurimanan do otingayaman
do sukod wagu nga’ tisuli di positif monolibamban do kopurimanan otingayaman

do sukod wagu. Ahal diti osokodung do ponoriukan di pinoindalan di Zalizah om

Zaitul (2013), pinopotolinahas yolo do motivasi id saalom proses pambalajalan
nopo nga’ iso ahal di oponsol tu kaanu o motivasi diti papatantu do kalantayan

do proses pambalajalan dii. Maya do kotolinahasan diti, milo do pioniton miampai
data di naanu do soira nopo kaanu i responden tisuli posoitif nga’ kiangkab yolo
do popotilombus do moboros Dusun mulong pia kikasala’an o kopomolombusan

diolo. Angkab diolo do popotilombus moboros Dusun diti mongukab liwang diolo

montok minluda kopomolombusan diolo mooi do kosiliu kopomolombusan di

kosudong.
Bagas kotilombus nopo nga’ id aspek do kosimbanon rati do boros.

Kasala’an kopomolombusan pimato di adadi soira polombuson do sukod wagu i
nasandadan moboros Malayu mantad tokoro’ mogowit kumaa kosimbanon rati
hogot di maan dau polombuso’. Poomitanan:

Kopomolombusan Rati Kopomolombusan Rati
Totopot kasala’
Kologos, aiso [laŋak] Iso’ kawo do
[laŋag] milo do kilau
wonsoyon [siʸʊt]
[siʊɗ] Iso’ kakamot Kopurimanan i
maganu sada kohompit do seks

Jadual 2 popokito do kasala’an kopomolombusan om kosimbanon rati hogot

Mulong pia kasala’ o kopomolombusan do sosongulun sukod wagu om
kosimban rati boros di maan diolo polombuso’ nga’ kakal po do orotian komoyon

di tootopot maan di sukod wagu porikoto kumaa di mokikinongou sabap no
narahung pongaktifan komilaan tulun mamarati isoiso’ hogot id aspek semantik
hogot i kipionitan miampai do kopomolombusan di otopot. “mispronunciations

lead to cascaeded activation of words semantically related to the correct

87

Sompuruan Artikel Jurnal Ponoriukan PISMP Koonuan Mahas 2018 (BKD, SK)

pronunciation”. (Nicole,2013). Maya do komilaan do tulun diti, kaanu o tongotulun
mamarati isoiso’ hogot mulong pia kasala’ o pinolombus o hogot dii. Poomitanan,
orotian kasari o komoyon do [laŋag] mulong pia roiton sabaagi do [laŋak] id
kopomolombusan di amu kotunud tu’ kaanu i mokikinongou do popionit o boros
[laŋak] dii miampai semantik hogot di totopot.

Mantad do ahal dilo, kopomolombusan pimato nopo nga’ iso’ ahal di
okoro’ id boros nga’ manahak bagas om impak di agayo kumaa do boros
tinungkusan. Kosoruan tongotulun mintong do kasala’an kopomolombusan diti
sabaagi do iso’ pongkoringahan nga’ au o tongotulun ngaawi kopuriman do
momirumbak o kasala’an kopomolombusan diti do kolinuudan rati Boros Dusun.
Mantad dii, minog tomod maan onuai sogu-sogu ponginsanangan om papatayad
implikasi-implikasi ngaawi do ponoriukan kokomoi kopomolombusan diti mooi do
kitonggungan o sukod wagu om tongotulun montok monginsonong o
kopomolombusan id saalom do koposion tikid tadau.

Pomolingkuman
Nakaanu o ponoriukan diti momogonop do objektif om monimbar do tuhot soriuk.
Asil ponoriukan diti popokito do kiwaa pisuayan di okito id kopomolombusan
pimato /d/, /g/ om /ng/ montok sukod wagu Dusun i nasandadan moboros Malayu
om sukod wagu Dusun i nasandadan moboros Dusun mantad tokoro’. Pisuayan
kopomolombusan diti sabap no do faktor kaalanan om nogi faktor panatakan
pimato. Nadadi nogi o pisuayan kopolombusan diti sabap no do rahung boros
kumoiso’ i naanu do sosongulun doid sistem om struktur kopomolombusan
montok boros kumoduo do sosongulun i nokopogowit do pogiralatan do sistem
om struktur montok duo boros di misuai. Suai ko ii, asil ponoriukan diti pinopokito
nogi do bagas-bagas ngaawi kopomolombusan pimato kumaa do sukod wagu
Dusun id saalom pilumaagan diolo. Bagas-bagas diti nabaagi kumaa do afektif
topurimanan om nogi boros. Id aspek do topurimanan, asil ponoriukan diti
popokito do kiwaa topurimanan do otingayaman di responden tumanud do tisuli
di patahakon do tulun ginumuan kumaa do responden dii. Tisuli di nokomoi nopo
nga’ tisuli negatif om tisuli positif. Id aspek do boros, kiwaa o kosimbanon rati i
nadadi hinombo soira kosimban o tuni pimato id isoiso’ hogot mogowit kumaa
kosimbanan do rati. Id ponoriukan diti, kiwaa kosimbanon rati hogot sabap no do
faktor kaalanan do tuni /d/ kumaa [t], tuni /g/ kumaa [k] om tuni /n/ kumaa do
panatakan tuni [ŋ] om koruhangan tuni [g] . Mantad dii, okito o koubasanan
sosongulun id Boros Malayu mamarahung do kopomolombusan diolo id Boros
Dusun tu’ kiwaa okito do pisuayan id kopomolombusan do sukod wagu diti.

88

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Susukuon

Annette Baron & Kelly McNeal. (2019).Case study methodology in higher
education. IGI Global.

Linah Nurlina Bagu Abdullah.(2015).Sajara koburuon boros Kadazandusun
Institut Pendidikan Guru Malaysia id Gambar (2011-2015). Institut
Pendidikan Guru Kampus Kent.

Nicole Altvater Mackensen & Nivedita Mani. (2013). The impact of
mispronunciations on toddler word recognition: evidence for cascaded
activation of semantically related words from mispronunnciations of
familiar words.

Nor Zulaiqha Rosli, Nur Farahkhanna Mohd Rusli, Norfaizah Abdul Johar &
Norazimah Zakaria. (2021). do kemahiran bertutur Bahasa Melayu oleh
murid Cina teori analisis kontrastif International,vol 8, issue 1, 35-55.

Mokmin Basri.(2012). Kaedah kajian. Linoyog ontok 10.39 pm, tadauwulan 06
Mac 2022 id
https://www.researchgate.net/publication/283479198_Bab_4_Kaedah_
Kajian

Noor Shahirah Mohamad Rodzi & Sharifah Raihan Syed Jaafar. (2018). Kajian
Fonologi Kesalahan Bunyi Dalam Bahasa Kanak-Kanak . Linoyog ontok
16 Mac 2022 id laman web
https://www.semanticscholar.org/paper/Kajian-Fonologi-Kesalahan-
Bunyi-Dalam-Bahasa-(A-of
RodziJaafar/7ce80df82f27489218c4a2f0c77e417c85ffe2e5

Saifuddin Mahmud & Muhamad Idham (2019). Teori belajar bahasa. Banda Aceh
: Syiah Kuala Universiti Press

Siti Muslihah binti Isnain, Nur Aimie Nabila Binti Fauzi &Siti Amhar binti Abu.
(Oktober,2018) Kesukaran dan kesalahan sebutan bunyi vokal dan
konsonan bahasa melayu dalam kalangan pelajar antarabangsa di
university putra Malaysia[abstrak]. Universiti Putra Malaysia : Pusat
kemajuan Kompetensi Bahasa.

Yahya Othman. (2012). Trend dalam pengajaran bahasa Melayu. Selangor : PTS
Professional Publishing Sdn. Bhd.

Zaliza Mohamad nasir & Zaitul Azman Zainon Hamzah. (2014). Linoyog ontok 16

Mac 2022 laman web Sikap dan motivasi pelajar terhadap pembelajaran

Bahasa Melayu.

https://www.sciencedirect.com/science/article/pii/S1877042814031735

89

Sompuruan Artikel Jurnal Ponoriukan PISMP Koonuan Mahas 2018 (BKD, SK)

KOPOMOGUNOON BOROS SUAI OM RAHUNG KOPOMOGUNOON
BOROS DII ID TAATANGA KOMOLOHINGAN TINARU KADAZANDUSUN

KUMAA TANGAANAK ID KAMPUNG MINONUN, TAMBUNAN.

FRANCISCA WILLIAM
DR.WILFRED DOUSIP

JABATAN BOROS KADAZANDUSUN IPGK KENT TUARAN
[email protected]

ABSTRAK

Boros nopo nga’ iso’ elemen di kiharo pionitan miampai genetik di opipid kumaa
tinaru di momoguno do isoiso boros. Ointutunan do isoiso tinaru maya do boros
di gunoon do tinaru di om ogirot tomod kotumbayaan tulun do kopointutunan nopo
tinaru do sosongulun nga’ maya no do boros di gunoon soira mogibooboros kuma
tiso om tiso. Babaino diti, koundolihon boros id suang piromutan tulun tinaru
Kadazan Dusun diti nosiliu do iso’ fenomena di au napalan om au nopurimanan.
Okito do soira mimboros o’ komolohingan do boros suai nga’ opurimanan do
mumang tumalup no iti Boros Kadazandusun tu’ au kotopong ilo boros do suai.
Ponoriukan diti nowonsoi montok mongilo boros suai di gunoon komolohingan
om nogi rahung do kopomogunoon boros suai dii id taatanga komolohingan. Tudu
nopo do ponoriukan diti nga’ montok mongilo boros gunoon do molohing soira
mogibooboros kumaa tangaanak diolo om nogi rahung do kopomogunoon boros
suai dii id taatanga komolohingan tinaru Kadazan Dusun id Kampung Minonun
Tambunan. Ponoriukan diti nopo nga’ ponoriukan tinjauan om momoguno
tinjauan deskriptif. Ponoriukan diti nogi nga’ minomoguno do ponginsamakan mix
method om momoguno do kaida foom tuhot soriuk, foom ponorubungan om nuut
pongintangan montok monimung do data. Asil nopo ponoriukan diti montok tuhot
ponoriukan di koiso nga’ haro tolu boros di gunoon komolohingan kumaa
tangaanak id Kampung Minonun. Soginumu 67% kopomogunaan Boros
Kadazandusun, soginumu 22% kopomogunaan Boros Malayu om kotohuri nopo
nga’ soginumu 11% kopomogunaan Boros Sina. Montok asil tuhot soriuk koduo
nopo nga’ haro apat rahung miampai Skor Min om interprestasi di akawas.
Rahung nopo di kumoiso nga’ insaru i moloolohing momoguno boros suai ko’
Boros Kadazandusun kumaa tangaanak diolo miampai skor min 4.32. Rahung di
koduo nopo nga’ turugan timpu kopogowit koundolihon boros tina’ kuma boros
kumoduo tangaanak id Kampung Minonun miampai skor min 4.72. Rahung nopo
di kotolu nga’ pisasawaan di mirolot kopogowit pomogunoon Boros Malayu toi ko’
Boros Cina di molohing kumaa tangaanak moi do lobi karati i tangaanak do
barasan miampai skor min 4.11. Rahung nopo di kotohuri nga’, tangaanak aiso
sunduan do mintingubas do mimboros momoguno Boros Kadazandusun id
pilumaagan tikid tadau miampai skor min 4.90. Ponoriukan nopo diti nga’
kapanahak do ogumu bagas tosonong kumaa toinsanan tulun loolobi po montok
do tulun tinaru Kadazan Dusun. Maya do pongintangan om ponginmurian montok

90

Sompuruan Artikel Jurnal Ponoriukan PISMP Koonuan Mahas 2018 (BKD, SK)

di mamambasa do ponoriukan diti kaanu yolo do topurimanan songkuro oponsol
do kopomogunoon boros kadazandusun diti id kinoyonon sondii.

Kunsi Boros : Rahung, Boros Kadazandusun, Kampung Minonun

Kopointutunan
Boros Kadazandusun nopo nga’ sabaagi boros di gunoon do tinaru Kadazan
Dusun id pogun do Sabah. Boros Kadazandusun diti haro ogumu ‘dialect’
tumanud do isoiso watas id pogun do Sabah. Boros Kadazandusun nogi nga’ iso’
Boros Tina di gunoon do tulun gulu-gulu tinaru Kadazan Dusun. Babaino diti
ogumu sukod wagu di au koilo mimboros Boros kadazandusun loolobi po
tangaanak di nosusu om nosukod id pogun do suai. Haro i koilo do mimboros
Boros Kadazandusun nga’ okon ko sabaagi boros tina nga’ boros kumoduo i
noilaan mantad pambalajalan id sikul. Okuri tomod sukod wagu di koilo om kaanu
mimboros Boros Kadazandusun miampai alantas.

Kointalangan Kobolingkangan
Ogumu tulun amu momonsol do kounalan boros tinaru sondii gisom i do au
nokopuriman iso’ po hogot boros tinaru sondii nga amu kotutun. Kogumuan sukod
wagu timpu baino nogi nga’ au kotutun do boros tinaru dau sondii. Okito ahal diti
id pogun do Sabah hinonggo kumurikuri nodii tulun di koilo mimboros do boros
tina dau sondii. Babaino diti, koundolihon boros id suang piromutan tulun tinaru
Kadazan Dusun diti nosiliu do iso’ fenomena di au napalan om au nopurimanan.
Okito do soira mimboros o komolohingan do boros suai nga’ opurimanan do
tumalup no iti Boros Kadazandusun tu’ au kotopong ilo boros do suai. Ponoriukan
diti oponsol montok manahak kointalangan do rahung kokomoi do ahal diti.
Ogumu ponoriukan pogulu di nowonsoi kokomoi do korohungan kumaa boros
montok isoiso tinaru. Ponoriukan diti nogi nga’ pinohompit molohing om
tangaanak tinaru Kadazan Dusun id Kampung Minonun.

Tudu Ponoriukan
1. Mongilo boros gunoon do molohing soira mogibooboros kumaa tangaanak id

Kampung Minonun.
2. Mongilo rahung do molohing momoguno boros suai ko’ Boros Kadazandusun

kumaa tangaanak diolo id Kampung Minonun.

91

Sompuruan Artikel Jurnal Ponoriukan PISMP Koonuan Mahas 2018 (BKD, SK)

Tuhot Ponoriukan

1. Nunu boros gunoon do molohing soira mogibooboros kumaa tangaanak id Kg.
Minonun?

2. Nunu rahung molohing momoguno boros suai ko’ mantad Boros
Kadazandusun kumaa tangaanak id Kg. Minonun?

Metodologi Ponoriukan

Ponoriukan diti nopo nga’ ponoriukan tinjauan om momoguno do tinjauan
deskriptif. Ponoriukan diti nogi nga’ minomoguno do ponginsamakan mix method.
Persampelan id suang do ponoriukan diti nga’ tuminanud teori di Krejcie om
Morgan (1970) hinonggo soginumu 50 populasi om sampel nopo di naanu nga’
soginumu 44 sampel. Instrumen di apangkal nopo gunoon montok ponoriukan
diti nga’ instrumen tuhot soriuk tu’ ponoriukan tinjauan diti momoguno ogumu
responden (Sabitha, 2005). Maya dii, kosudong o’ foom tuhot soriuk do gunoon
id suang ponoriukan diti. Sundung do ingkaa, montok popoingkawas kookunon
om komilotumbayaan do ponoriukan diti, minomoguno do triangulasi montok
ponorubungan om nogi pongintangan. Pongintangan deskriptif diti lobi kumaa
ponginsamakan kuantitatif hinonggo instrumen di apangkal nopo nga’ tuhot
soriuk om nosokodung do ponginsamakan kualitatif ii nopo nga’ ponorubungan
om pongintangan. Kaida monimung data id suang ponoriukan diti nga’ kohompit
no ngawi’ foom tuhot soriuk di nabaagi kumaa apat boogian om koinsanan nopo
poguhatan dii nga’ naadaptasi mantad teori om ponoriukan pogulu di haro
pionitan. Potilombus nopo nga’ foom ponorubungan montok maganu data di lobi
aralom om au aanu mantad foom tuhot soriuk. Potilombus nopo nga’ senarai
semak pongintangan montok mongintong pogibaabarasan piipiro paganakan
miampai au pointanud om nogi ouhan do monimung data. Montok ponoriukan
diti, data di notimung nga’ maan rindakoo’ momoguno do SPSS Versi 27. Id
ponoriukan diti, haro duo pemboleh ubah di pinosondiu, ii nopo nga’
kopomogunoon boros om nogi rahung do kopomogunoon boros suai ko’ Boros
Kadazandusun di minaan rindoko momoguno do SPSS om minomoguno do
statistik deskriptif do min, piatus om nogi ginumu. Panahangan do skor min di
gunoon nopo nga’ tumanud do skala tanda taang min tumanud di Zamri om Noor
Syazwani (2013). Potilombus nopo nga’ transkripsi ponorubungan hinonggo
minomoguno do kopomorindakan tematik i mongintong do tikid sisimbar tumanud
objektif ponoriukan. Kopomorindakan maya transkripsi ponorubungan diti nopo
nogi nga’ momoguno do woyo manual, ii nopo nga’ maya do audio di rinakam,
kinongohon po kawagu audio dii miampai monuat tonsi toponsol mantad sisimbar
di responden. Sumusuhut nopo nga’ nuut pongintangan. Minomoguno do
pongintangan miampai kriteria, ii nopo nga’ ponguludan pongintangan tumanud
kapansalan di intangan. Mantad no do pongintangan diti, posuaton o nuut-nuut
id boogian do catatan moi do ouhan do momorindak data.

92