Bahasa Banjar

MUATAN LOKAL
BAHASA BANJAR

ALAT MUSIK

KURUNG-KURUNG

Latar Belakang

Musik kurung-kurung cuma ada di dairah padalaman di mana rapun paring tipis
banyak didapati. Kampung Jangkung, Kabupatin Tabalung, wadah musik kurung-
kurung bakambang di kalangan panduduk.
Alat musik tradisional kurung-kurung ngini biasanya dimainakan wayah batanam
banih/manugal gasan panyumangat sawaktu batanam banih, sabab iramanya
kawa disasuaiakan lawan garakan mamasukakan banih ka dalam luang tanah.
Wayah ngini musik kurung-kurung kada cuma dimainakan wayah manugal wan
mangatam haja, tapi bisa jua pada acara bakawinan karasmin rakyat, tarutama
gasan mahibur pangantin batatai atawa maantar pangantin lalakiannya ka rumah
pangantin bibiniannya.
Bisa jua dipergelarkan dalam satu pertandingan antara kampung sasudah
mengatam. Nang manjadi ukuran kamanangan dalam partandingan ngini adalah
kanyaringan, kamarduan bunyi wan kada rusak sawaktu dibunyiakan dalam
partandingan. Wan jua katahanan, kamampuan mahantak dari bubuhan
pamainnya.

2

Dairah Panyabarannya

1. Disa jangkung, Kabupatin Tabalung (± 3 km Kuta Tanjung).
2. Kabupatin Hulu Sungai Tengah, Kuta Barabai (disambat hilai).
3. Kabupatin Banjar, Kuta Martapura.

Bantuk Musik Kurung-Kurung

Musik kurung-kurung babantuk instrumental wan dimainakan sacara ansambal.
Pamainnya sakurang-kurangnya lima ikung, satiap urang mamingkut sabuting
kurung-kurung cuma bisa mambunyiakan satu nada. Kanapa jadi pamain musik
paling sadikit lima ikung? Sabab tangga nada nang dipakai adalah pentatonis.
Cara mamainakan kurung-kurung yaitu dihantak ka tanah atawa kakayu nang
sudah disadiaakan (kurung-kurung hantak) kurung-kurung nang ngini tardiri
dari satu set nang masing-masing ada nagarannya wan dibunyiakan sacara
tingkah maningkah dalam satu kalumpuk (regu). Tiap urang mahantakakan sasuai
wan irama lagu nang dilaguakan.

Ngaran tiap buting nang tagabung dalam satu set nitu:

1. Gorok
2. Tangkup tinggi
3. Tangkup randak
4. Perindu tinggi
5. Perindu randah
6. Binti tinggi
7. Binti randah

3

TOKOH PAHLAWAN BANJAR

PANGERAN ANTASARI
Pangeran antasari (lahir di kayu Tangi, Kesultanan Banjar, 1797 atau

1809 meninggal di Bayan Begok, Hindia Belanda, 11 Oktober 1862 pada umur
53 tahun) adalah seorang Pahlawan Nasional Indonesia

Beliau adalah Sultan Banjar, pada 14 Maret 1862, beliau dinobatkan
sebagai pimpinan pemerintahan tertinggi di Kesultanan Banjar ( Sultan Banjar)
nang menyandang gelar Panembahan Amiruddin Khalifatul Mukminin dihadapan
para kepala suku Dayak dan adipati (gubernur) panguasa wilayah Dusun Atas,
Kapuas dan Kahayan yaitu Tumenggung Surapati/Tumenggung Yang Pati Jaya
Raja.

Perang banjar pecah saat pangeran Antasari dengan 300 prajuritnya
menyerang tambang batu bara ampun Belanda di Pengaron tanggal 25 April
1859. Imbahnya peperangan demi peperangan nang dipimpin oleh Pangeran
Antasari disaluruh wilayah kerajaan Banjar. Lawan dibantu para panglima dan
pengikutnya nang satia, Pangeran Antasari menyerang pos-pos Belanda di
Martapura, Hulu Sungai, Riam kanan, Tanah laut, Tabalong, Sapanjang Sungai
Barito sampi ke Puruk Cahu.

Pertempuran nang berkecamuk makin sengit antara pasukan Pangeran
Antasari lawan Pasukan Belanda, berlangsung tarus-tarusan di berbagai medan.
Pasukan Balanda nang ditopang oleh bala bantuan dari Batavia dan
persenjataan canggih wan modern, imbah itu berhasil mendesak terus pasukan

4

Pangeran Antasari, paampihannya pangeran Antasari memindahkan pusat
benteng pertahanannya di Muara Teweh.

Babarapa kali Belanda membujuki Pangeran Antasari manyarah, namun
sidin tatap pada pandiriannya. Ngini talihat di suratnya nang ditujukan gasan
Letnan Kolonel Gustave Verspijck di Banjarmasin tertanggal 20 Juli 1861.
“... dengan tegas kami terangkan kepada tuan : kami kada setuju terhadap usul
minta ampun wan kami bajuang tarus manuntut hak pusaka (kamardikaan)...

Dalam peperangan, Belanda pernah menawarkan hadiah gasan siapa haja
nang mampu manangkap dan membunuh pangeran Antasari lawan imbalan
10.000 gulden. Namun sampai perang tuntung kadada saikung-ikung nang hakun
manarima tawaran ngini. Urang-urang nang kada mandapat pangampunan dari
pemerintah kolonial Hindia Belanda.

Imbah bajuang ditangah-tangah rakyat, Pangeran Antasari kemudian
meninggal ditangah-tangah pasukannya nang kada pernah manyarah, tatangkap,
apalagi tartipu oleh bujuk rayu Belanda pada tanggal 11 Oktober 1862 di tanah
Kampung Bayan Begok, Sampirang, dalam usia lebih kurang 75 tahun. Menjelang
meninggalnya, Beliau terkena sakit paru-paru wan cacar nang diderita imbah
batampur di bawah kaki Bukit Bagantung, Tundakan. Parjuangan sidin imbah itu
ditarusakan oleh anak lakian sidin nang bangaran Muhammad Seman.

5

TATA KRAMA

Tata krama sama artinya wan tata kalakuan, urang Banjar adat istiadat,
pada dasarnya mangatur kita gasan batindak awata babuat atawa bakalakuan.

Dalam kahidupan sahari-hari tata kalakuan atawa tata krama ngini dapat
bafungsi mandurung atawa mangawasi sasaurang dalam batindak/batingkah
laku sasuai aturan nang manjadi kabiasaan. Tingkah laku ngini maliputi kalakuan
atawa parbuatan wan pamandiran. Urang nang bakalakuan wan bapamandiran
nang santun dipadahakan urang batata krama. Urang nang kada batata karama
biasanya kada dikatujui urang, ngalih mancari kawan jadi sasambatan urang.
Makanya ada papatah urang bahari nang musti diingat sampai wayah ngini Tinggi
Adat pada Ilmu artinya urang nang baadat labih diharagai urang daripada urang
nang bailmu, sabab urang nang baadat atawa batata karama pasti dipadahakan
ngitu urangnya bailmu, tapi urang nang bailmu haja, kada batata karama bisa
jadi panyabab kaunaran haja sama wan urang nang kada bailmu.

Macam-macam tata karama:
1. Tata karama anak tahadap kuitan.
2. Tata karama kuitan tahadap anak.
3. Tata karama tahadap guru.
4. Tata karama tahadap kakawanan di sakulah.

6

A. Tata Karama Anak Tahadap Kuitan

Saurang anak musti basikap/batingkah laku wan bapandir nang santun
wan kuitan, umpamanya bila mama bakiau anak musti manjawab wan kata
pun. Bila bapandir wan kuitan jangan nyaring, jauh, lagi mambantak, kita
musti bakata nang lamah lambut supaya jangan sampai manyakiti parasaan
kuitan, kada baik bapandir wan kuitan mamakai kata aku musti manggunakan
kata ulun. Kata aku dipakai gasan bapandir awan kakawanan haja nang
sabaya. Bila lalu dihadapan kuitan atawa urang nang labih tuha bungkukakan
awak sadikit, tandanya kita manghurmati urang nang labih tuha.

B. Tata Karama Kuitan Tahadap Anak

Kuitan/abah wan uma marupakan urang nang manjadi panutan bagi
anak-anaknya, marupakan urang nang pamulaan mambariakan dasar tata
kalakuan nang baik atawa buruk.

Kuitan musti basikap sabar, babahasa nang supan, bakalakuan santun,
lamah lambut supaya anak bisa manuruti tata kalakuan nang baik ngitu.
Sahingga anak tabiasa umpat bakalakuan baik kada musti dilajari lagi sacara
khusus.

7

C. Tata Karama Tahadap Guru

Guru marupakan urang tuha/kuitan di sakulah, guru nang mambari kita
ilmu pangatahuan nang kada kita dapat di rumah, ulih karana itu kita musti
basikap supan santun cuntuhnya manurut papadah guru, mamparhatiakan
apa nang diajarakan ulih guru, bila tatamu awan guru di mana haja musti
basalaman atawa mangucap salam atawa managur wan guru, bila handak
kaluar kalas musti bapadah dulu, tata karama/adat wan guru sama haja wan
adat tahadap kuitan di rumah, hanya bidanya kuitan barada di rumah amun
guru barada di sakulah.

D. Tata Karama Tahadap Kakawanan di Sakulah

Tahadap kakawanan di sakulah jangan bapilih kasih, musti bakawanan
sabarataan jangan mamilih-milih suku, jangan mambidaakan agama, jangan
mambidaakan kaadaan atawa kasugihan.

Tahadap kawan nang labih muda harus manyayangi, tahadap kawan
nang labih tuha musti mahurmati. Bahasa nang digunakan musti bahasa nang
supan jangan manyakiti parasaan kawan, bila bakawan musti saling
mahurmati.

8

SENI SASTRA BANJAR

A. PANTUN
Pantun Banjar adalah pantun nang dilisankan atawa tulisan dalam
bahasa Banjar. Bahasa Banjar dituturkan oleh suku Banjar nang
umumnya digunakan di Kalimantan Selatan wan daerah
tatangganya serta daerah perantawan suku Banjar.

9

Ciri-ciri Pantun Banjar
Pantun Banjar memiliki ciri-ciri antara lain:
1. Mempunyai bait wan baris
2. Setiap baris terdiri matan baris-baris
3. Jumlah suku kata dalam baris antara delapan sampai dua belas
4. Satiap bait tadiri atas dua bagian yaitu sampiran wan isi
5. Basajak ab-ab
6. Berasal dari Melayu (Indonesia)

Jenis-Jenis Pantun
1. Pantun adat/pantun urang tuha
Pantun nang berisikan nasihat (papadahan) ulih urang tuha (kuitan)
nang ditujukan gasan anak-anak.

2. Pantun urang bujang
Pantun nang berisikan tentang kehidupan urang bujang nang lebih
banyak pada masalah percintaan. Pantun urang bujang biasanya
berisikan puji-pujian, rindu (dandaman), patah hati (marista), canda
(bagaya)

10

3. Pantun kakanak
Pantun nang berisikan tentang anak-anak berupa pujian, menghibur
anak-
anak atau kisah sahari-hari.

4. Pantun Balucuan wan bacucupitan
Pantun nang berisikan humor (bagayaan) khas banjar dan cucupitan
(batangguhan)

5. Pantun umum
Pantun umum berisikan masalah budaya, sosial, ekonomi, hukum dan
politik, kesehatan, pendidikan, kuliner (masakan) dan lain-lain.
Berikut contoh pantun nang dikarang oleh lberamsyah Barbary
Halaman ditanami bunga wangi selalu melati
Beternak belut ikan selalu pengairan mengalir
Pangeran Antasari bernama Gusti lnu Kertapati
Anak Pangeran Masuhud cucu Pangeran Amir

11

Beternak ikan belut selalu pengairan mengalir
Hintalu pasti dipijah jadi ikan anakan
Anak Pangeran Masuhud cucu Pangeran Amir
lbu Gusti Khadijah Putri Sultan Sulaiman
Hintalu pasti dipijah jadi ikan anakan
Memelihara ikan-ikan banyaklah
lbu Gusti Khadijah Putri Sultan Sulaiman
Saudara semisan Pangeran Hidayatullah
Memelihara ikan-ikan banyaklah
Diarus berkembang ikan berjuta
Saudara semisan Pangeran Hidayatullah
Antasari pencetus perang dengan Belanda
Diarus berkembang ikan berjuta
Muasal perang mayabdato berujar
Antasari pencetus perang dengan Belanda
Awai perang gerilya Barito-Banjar

12

B. PARIBAHASA
Ciri-ciri kebahasaan nang paling mencolok adalah pemakaian
paribahasa. Paribahasa biasanya mengandung nasihat atau ajakan
dari urang lain wan jua manqandunq aturan dasar dalam berperilaku.
Paribahasa adalah ungkapan, kias, nasihat atau kalimat ringkas,
padat dan berisi yang terdiri dari
1. Pameo, pepatah dan perumpamaan. Pameo berarti kalimat
pendek yang digunakan sebagai semboyan atau penambah semangat.
Contoh: banyak bekerja sedikit bicara; sekali merdeka tetap
merdeka.

2. Pepatah berarti paribahasa nang mangandung nasihat atau
anjuran dari urang tuha. Contoh: Tong kosong nyaring bunyinya;
besar pasak daripada tiang.

3. Perumpamaan berarti paribahasa nang barupa parbandingan.
Cirinya memakai kata-kata umpama, seperti bak, bagai, laksana dan
lain-lain. Contoh bagai blan kesiangan; seperti telur di ujung tanduk.

13

Contoh Paribahasa Banjar
1. Apik-apik kalu tacalubuk
Apik-apik artinya bahati-hati. Urang tuha rancak baucap ngini amun
anaknya handak tulak madam kabanua urang, atawa bapaandirwan
urang. Kalu pina urang tasinggung. Kalu pina urang sarik. Paribahasa
ngini bisa jua baarti nang sabujurnya, hati-hati kalu pina tacalubuk.

2. Barandah pada kancur
Kancur nitu tamasuk tanaman nang paling randah. Artinya urang nang
pintar, taagal urangnya sadarhana haja. lnya baparilaku kada
sumbung, nang kaya urang bisa haja.

3. Dalas balangsar dada
Maksudnya bausaha saraba daya mancapai tujuan lawan sumangat
nang luar biasa, kada hakun manyarah. Atawa jua kakanakan nang
handak minta tukarakan mainan, dalas manangis inya sampai
kuitannya hakun manukarakan.

14

4 . Diulah jadi tunggul
Maksudnya urang tuha nang kada dipakai, pandapatnya kada diasi.
Jadi urang tuha nang dianggap kada ada gunanya, sama artinya urang
tuha.ngitu diulah jadi tunggul.

5. Guyang tungkat kana dahi
Artinya urang nang maungkai masalah urang lain, sakalinya
manimbulakan parkara inya saurang. Akibatnya saurang jua nang
dapat malu atawa supan.

6. Kapala manyuruk, buntut mahambat
Manyuruk artinya babungkuk, mahambat artinya
mahantam/paribahasa ngini cucuk gasan urang nang bamuha dua.
lnya bisa mamuji-muji, tagal dilain inya manguyai nang kada
sanunuh.

15

7. Linggis kaya dijilat naga
Kada ada urang nang suah malihat naga. Tagal amun manurut kisah
urang bahari awaknya ganal, banyak makannya. lbaratnya urang nang
parsadiaan makan pas baaruhan sudah habis karik, kada basisa lagi.

8. Ngalih mambuang batu kapalatar
Ditujuakan gasan urang nang baisi parangai nang kada baik. Sudah
dinasihati tatap haja kalakuan kada sanunuh.

9. Susur pinggir tapih
Maksudnya manyuruh urang maaitihi diri saurang. Adakah
kurangnya, jangan maitihi urang haja. Jadi amun sudah manyusur
pinggir tapih saurang lalu manyadari nangapa kakurangaan saurang.
lnsyaallah kalakuan awan pamandirannya kada tapi pina kurang lagi.

10. Tatajun kasumur karing
Tatajun kasumur karing tamasuk kajadian nang sial, atawa kajadian
nang kada disangka-sangka/nang dikahandaki lagi.