(Sya’e Atjeh) CV SAWEU PENA PUBLESHER
(Sya’e Atjeh) Penulis Musafir Kelana ISBN: 978-602-6560-48-3 Editor: Musafir Kelana Layout: Sanasher TIM Desain Sampul Musafir Kelana Penerbit: CV Saweu Pena Publisher Redaksi: Desa Babah Dua, Kecamatan Indra Jaya, Kabupaten Aceh Jaya, 23657, Provinsi Aceh Telp : (62) 081260478235 Fax : E-mail: [email protected]
Distributor Tunggal: CV Saweu Pena Publisher Desa Babah Dua, Kecamatan Indra Jaya, Kabupaten Aceh Jaya, 23657, Provinsi Aceh Telp : (62) 081260478235 Fax : E-mail: [email protected] Cetakan pertama Februari 2021 Hak Cipta dilindungi Undang-undang Dilarang memperbanyak karya tulis ini dalam bentuk dan dengan cara apapun tanpa ijin tertulis dari Penerbit.
erima kasih kepada Allah SWT yang telah memberikan kesempatan kepada saya dengan semua kenikmatan dalam kehidupan ini. Rasul dan para Istri, keluarga, serta sahabat beliau dengan meninggalkan sesuatu yang berharga bagi seluruh umat di muka bumi. Untuk Almarhum Ayahanda dan Almarhumah Ibunda tercinta. Terima kasih, karena selalu menjadi pelita dalam kehidupan saya, selalu membimbing saya ke jalan yang benar. Hingga detik ini saya belum mampu membalas dengan cara apa atas semua kebaikannya. Semoga bisa mendengar doa anakmu, Insya Allah berada di Surga dengan orang-orang mukmin lainnya, Aamiin ... ntuk para sahabat, para guru-guru yang telah memberi motivasi kepada saya untuk menulis dan terus menulis hingga lahirlah karya yang sederhana ini dan masih jauh dari kesempurnaan. Atas masukan dan kritikan dari kalian, InsyaAllah akan terus saya perbaiki kekurangan ini. ahabat facebook, sahabat literasi, pembaca yang budiman di seluruh nusantara. Aceh Jaya, Februari 2021 Penulis Musafir Kelana v
Daftar Isi Kata Pengantar v Daftar Isi vi 1. Selfie, Peu Hom?! 8 2. K. 13 12 3. Rp ... p 16 4. Aceh Jaya 19 5. Ka Troih Masa 23 6. Jeungki Seuma 26 7. Jeungki Seuma (Sambungan) 29 8. Tulak Bala 31 9. Doa Keu Geumpa Pidie Jaya 34 10. Kabinet Prajab 36 11. Ingat Keudrou 41 12. Padum Yum Gata 43 13. Jak Seumaweu 45 14. Salah Teumpat 47 15. Jak Ta Teumuleh 49 16. Medsos 51 17. Sang Brat That Ka Pungo 53 18. Ka Akhe Jameun 54 19. Bek Kiroeh Bak Peumilu 56 20. Karonya Tuhan 60 vi
P a g e | 8 21. Meuneuen Kamou Cut 62 22. Moto Peuleupeuk Meuriya 64 23. Sergur.id 66 24. Lon ngon DARING 68 25. Masa Aneuk Cut 70 26. Keu Kakanda 72 27. Ubat Hatee 75 28. Jak Sikula 77 29. Hana Peureulei Lee 80 30. Akhe Jameun 83 31. Profil Penulis
P a g e | 9 Selfie, Peu hom?! Assalamu’alaikom tanglong puteh di Timoh bak capli di ateuh bak dama Cicem jak peusom si bijeh capli Beurujuek pasi nyang bulei seuma Lon lakei meuah wahe ya akhi Ban mandum ukhty duson ngon kota Lon peugah bacut haba meurawi Lon niet that suci hiburan seumata Keu bhah gampong lon narit teurawi Bak keude kuphi di Lamno Daya Kanto Kabupaten di Meureundam Dewi Ibukota kami nyan keuh Aceh Jaya Gampong that ceudah di Lamno ini Pemandangan bak pasi Geurutee Nama Ta’ek bak puncak tanyou tajeib ie Ie U ngon Kuphi Nikmat lagoina
P a g e | 10 Nyo katroih keunan angen that leupi Dirui that lagi meuteungeut mata Moto meuputa meu-ula ili Honda hai akhi rame lagoina Bak urou minggu hanjeut lon kheun kriMuda ngon Mudi sapat lee sigra Di jak ngon honda dan KawasakiHp bak jari merek Nokia Laju geujak dong bak beuton bibi Geujak meu selfie jeukrek lee sigra Hana geu pikee musibah diri Keudeh lam pasi badan teuhanta Na nyang dong dua bahlia ini Geu meuwa jari lagei misuwa Geucok lee Hp geu keumeu selfieMusibah terjadi rhot u barieh raya
P a g e | 11 Di ureung han jitupeu makna jih selfie Di Bahasa Inggreh ini sendiri artinya Ladum ka geu dong meutamon Ummi Seubut cit lagi selfie keu nama Ikot – ikotan jeut keren lagi Geu up-load diri bak dunia maya Keudeh bak WA ka deungon FB BBM lagi ngon LINE seureuta Ho nyang ta kalon cit wajah Mak Ti Wajah nyang tari ngon make-up wareunaKa geu cet wajah gincu ka jibri Culek lee lagi cilak bak mata Meunan keuh contoh nyang deumam selfie Meu cukop that ngeri keujadian jih na Hana teupike di dalam diri Musibah terjadi nibak meugaya
P a g e | 12 Jinou ta piyoh wahe e ukhty Gaya meu selfie hana that gunaLeubeh jroh gata ingat lah diri Ingat keu Umi deungon Abuwa Bek peugot lagei jak meunari-nari Jak peugot diri lagei Eropa Ingat e wareh kawom lon lagi Rugou that Abi gata geu jok sikula Warning !!! Cae nyou khusus hiburan. Meunyo na sama nan, nyan keubeutulan beulaka. #PanteuTeumuleh, 2016
P a g e | 13 K. 13 Assalam’alaikum warahmatullah, bak Allah ta pasrah geutanyou hamba. Bek tuwo sabee takheun Alhamdulillah, Keu rahmat Allah azza wazalla. Keu bhah pelatihan bacut lon peugah, Masalah ka lhei blah tanyou meuhaba. Ngon nara sumber nyang cukop Ceudah,Bu Rita geupeugah Purnamasari Nama. Meuah ulon kheun kawom sinarou, Peumeuah lon nyou keumarang haba. Bek jeut keu seudeh deungo ulon nyou, Maklum sambinou hanya keu gura-gura …. Sayang that bayeun di cong bak mamplam Ka siurou malam, ma jih tan jigisa Kadeuk lam reukueung, umpeun jih katan Darut meu sikhan gohlom di rasa
P a g e | 14 Jinou lon puwou haba lon karang Keu Peulatihan di Banda Kota Buleun Puasa cukop that seunangTeuraweh keunan u Mesjid Raya Keu Ibu Devi yang tari ruman Bak kelompok andalan meusaho Adinda Analisis buku siswa, cukop that seunang Mandum atra nyan kutak katik sigra Habeh lom lagei pak Juliadi rakan Leumpah dominan dalam bekerja Ka habeh geuwot geucawo bahan Bak laptop ACER nyan jarou meuraba Keu keulompok dua ulon kheun rakan MEDIA geu boh nan, Nam drou anggotaDi Ibu Zuhra nyang jeut keu ulee kawan Presentasi di gob nyan luar biasa
P a g e | 15 Meunan cit bagou Ibu kamilla nyan Bak Laptop hitam sama ngon Bu Desiana Kompetensi Inti geurawi bahan Analisis di gob nyan bab tiga titik tiga Ibu Nafsiah wahe e rakan Puisi di gobnyan carong lagoina Gara-gara penguin bak goyang badanVideo di cut po nyan geu lakei sigra Syiah Kuala meuceuhu saboh jan Masa pimpinan Iskandar Muda Haba ta balek keu laen rakan Nyang tumpang badan dagu geuraba Urou nyang keu lhei nibak pelatihan Buleun Ramandhan di Banda Kuta Kadang sigo-go langkah u peukan Mita keu sigam bajei urou raya
P a g e | 16 Bak kalon amplop dari pelatihan Kadang seip keu cutbang ija krong Mangga Hana koh pajak asou amplop nyan Mandum participant berbeda angka Meunan keuh bagou acara ka lhei blah nyan Kadang na seunang, nyang lee bahgia Ramee syedara meuturi sinan Lucu hai rakan oeh ta keunang teuma Inou dilei siat haba lon karang Ulei ka mumang ie kuphi hana Singoh lon sambong watei laen jan Bak grup ulon tuan di SAWEUPENA….. Panteu Teumuleh, 25062016
P a g e | 17 Rp... p Assalamu’alaikom kawom dum saree Syedara bineh gle atawa di kota Saleum lon peu’ek ranub sitangke Geunantou ulon bri bate suasa Haba lon rawi narit lon cae Keu bhah PPG ulon calitra Keu suai profesi guru nyang pande Nibak PPG kompetensi neumbei sa Masalah pedagogi inan beuhase Tuntutan kini jameun millenia Masalah gaptek jinou bek na le Bek yo lam hate bak pakek media Bek ka jiplueng mose kabel neutarek Bek ka rhoh titek bak tanda tanya Bek ka teukirem e-mail goh lom seip Bek ka meuseutek jiplueng le angka
P a g e | 18 Nibak profesional inan beuhase Jaweub sigra le soai nyang kana Bek leubeh jaweub soai di rakan Soai peut ploh nam neujaweub limong dua Jinou ta langkah nibak Rpp Dua minggu han hase saintific pendekatan Metode discovery neuci cuba le Topik pih sabee recount sebutan Nibak metoda karab meuhase Sintax bacut le ka salah jalan Hana meusambong inti ngon ka de Jioh that hase ngon indikator tujuan Sampou urou nyou meunan keuh hase Payah gantou lee laen halaman Karhab saboh rim keureutah ile Nibak poto kopi ulon meu utang
P a g e | 19 Kiban keuh lagei masalah Rpp Hase han hase watei ka berjalan Dak jeut beu lulus kamou sertifikasiKredit bak BRI jeut ta lunaskan Malam ka jula mata ka layeiLon ijin dilei e nyak keumala Tasambong singoh meunyo na watei Lheuh ta PPL nibak esempesa #PanteuTeumuleh, 04.04.19
P a g e | 20 Aceh Jaya Assalamu’alaikom kawom sinaroe Dua blah jaroe ateuh jeumala Lon peuek saleum keu mandum meuntrou Aduen ngon adou duson ngon kota Lon keumeu peugah gampong ulon nyou Lon keumeu hareutou keu Aceh Jaya Lon keumeu tuleh bareh meu talou Bacut sambinou lon peutrang haba Pucok krueng sabee puphon e rakan Masa saboh jan di Alue Raya Kayee lee matee rame nyang tubangIe krueng e rakan katho jeut masa Di jalo meusen susah hana ban Peu ilie minyeuk nilam ngon bubok damaDi toke dolah geutron lee rijang Ka shok e rakan jalo han meugisa
P a g e | 21 Bak urou jum’at keunan le rakan Geuba minyeuk nilam keu Toke TU namaBak keude kan Indon jeib kuphi hitam Peusan mie si cawan ngon sikrak bada Meunyo di teunom laen lom rakan Di Alue Ambang ngon Lampoh Kawa Lon jak meulampoh bak bineh pasie Pula bak capli ngon U hibrida Di tanoh anou lon pula bak reu Meukat boh kulu u pasie raya Jalan that hanco aspal tan lon euCuma ek kubeu meucuca – cuca Laen lom bagou wahe e rakan Di pucok ligan suak beukah jih nama Rame transmigrasi nibak masa nyan Geu pula asam ngon sunkis asoka
P a g e | 22 Ramee jeut gampong maju masa nyan Goh lom e rakan konflik ta rasa Cukop that dame nibak masa nyan Hantom e rakan na jeut keu dakwa Meunyo keu Lamno bacut lon kheun kri Teukeunal boh giri rame nyang pula Mulai di Lambeusou sampou u Alue Mie Meutara hai abi ikot seureuta Meunyo keu bak drien pih na disini Mameh that isi leumak lagoina Gampoeng Lamdurian nama geurasi Drien masa kini atawa nyang ka seip tuha Sideh di Sango terkenal Kuphi Nama that meukri merek TorabikaNa ka padum go troh awak tivi Jak shooting Ummi teungoh geu leung tika
P a g e | 23 Meunan keuh bagou Aceh Jaya kamiIndah han sakri lee that SDA Bek tuwo syukur, ucap keu po teu rabbi Nyang jok ileumi akai fikiran Bek tuwo keureuja beudoh te pagi Bek lalee diri kuwin lee badan Teulat ta beudoh tan lee raseuki Ka manok ceudri meunan geukheun ban Oh nou keuh dilei haba lon rawi Sambong keulayi urou seunanyan Meunyo na salah, lon lakei meuah diriBukon lon pansi nyou hanya hiburan #PanteuTeumuleh, 06082016
P a g e | 24 Ka Troih Masa Assalamu’alaikom kawom ngon wareh Bacut ta sapeh adat budaya Adat lam gampong beu na ta patehNyo ta peujayeh meupalou lagoina Beureukat raseuki jinou ka rhab habeh Ureung peujayeh haba Ulama Hana ta boh yuem meu ube purehHana ta pateh meu ube seuma Ureung meugou blang di rangkang blah dehDi yueb bak kandeh geu manyum tika Rame Ulama umu ka habeh Leumpah that seudeh ummat lam donya Ileumei ka sosah bak tamita hai wareh Peunutoh ka habeh mustajeub hana Peu nyang ta meurunou bak hate han meucureh Tuwo that meudeh teuingat tan le na
P a g e | 25 Akhlak di ureung ka mulai ceh breh Gurai ji peujayeh di horeumat hana Hana le santon teukui bak beuteh Meunan keuh daleh ta kalon rupa Raseuki hai aduen rhab geucok habeh Meugou si naleh jeut keu padee si gunca Ureung meulaot pih leumpah that seudehCit eungkot bileh ngon aneuk jeunara Kadang ka badee ban lheuh ta eu gleh Reudok meuseupeh angen ji teuka Ka banjir bandang topan seulaseh Hareuta habeh hanyot ubena Meunan keuh bagou hai apa saleh Ngon cut nyak maneh di dalam donyaRamee ka tuwo keu adat peu eleh Geu anggap remeh seubab ka riya
P a g e | 26 Pucok Krueng Sabee na Alue KandehDi Teunom sideh na Lampoh Kawa Haba lagei nyou bacut lon tuleh Geunantou seulaseh ranub ulon ba Ureung meugou blang geutabu bijeh Ateung geu lateh si goh seumula Ijin lon lakei peumeuah beuhabeh Bak lon teumuleh bek jeut keu desya #PanteuTeumuleh, 2017
P a g e | 27 Jeungki Seuma Assalamu’alaikom kawom puteh di Takoh bak pungki keu bapeun beurandaSaleum lon peutroh dawoh ta riti Keu banta saidi ngon cut nyak keumala Lon keumeu meuhaba banja lon rawi Watei lon neubri bek na pareksa Keu jeungki seuma lon keumeu kheun kri Hantom lon eu lee ka jareung bak mata Nibak saboh jan jameun bak bili Di yup moh jeungki rata saree na Di aneuk dara inan meunyanyi Bak ulei jeungki bak leusong raya Na nyang eu gutei wahe e abiSiul bak bibi irama hindia Ija ka teuhah leumah lee gaki Di cut po Marni teukhem meubura
P a g e | 28 Ija krong petak merek bak timonIkat bak keuing ngon talau tima Ka kroet bak ujong geusok tan keunong Meukulon-kulon lagei ujong tika Oh leumah gutei watei geu kalon Bak tika barom geu pingkom sigra Geucok sugot trieng geurhing meukulonBak oek kak Hindon laju geuhila Leumpah that seunang nibak lon kalon Di ateuh leusong kayei bak bangka Ureung meugutei yup rumoh panggongSeujarah ubit lon bak abad dua sa Hana lee jinou wahe e tanglong Ka langka ta kalon di Aceh Neugara Jareung that taeu rumoh meu panggongApalagi leusong ngon Jeungki Seuma
P a g e | 29 Adak jeut bek taboh adat e bang payong Beureukat keu untong raseuki meucahya Seujarah Endatu bek habeh ta gulong Simpan meu sion keu aneuk cuco.... #PanteuTeumuleh, 28.11.16
P a g e | 30 Jeungki Seuma (sambungan) Ta manyum tika barom keu aleu leupi Taleung bak gaki leupeih meubanja Keu jeungki seuma lon sambong keulayi Kalheuh lon meujanji minggu barou sa Di cut po marni kalheuh meugutei Dilua jurai bak jeungki seuma Dengon kak hindon dua meuteuntaiMita boh gutei nibak keupala Jinou ka troih teuka cut po saudah Keumeu jak peugah dua krek haba Ngon bajei keubaya kuneng meuleupahBak dada teuhah peuniti tan lee na Keubaya jih lipeh ka kuneng langsat Warna ka gelap pudar semua Tan keunong sabon ka sigo ahad Sabon telpon tan meupat gadoih lam ie raya
P a g e | 31 Gaki geuh kuto meuleuhop that-that Silop tan meupat jeupang keu nama Ka putoh talou lam parek teungku amatNibak geulumpat tutue tan lee na Geu heunyak boh punggong bak ujong jeungkiIe ranup bak bibi mirah ban saga Ngon sugou bakong teuhing lon eu kri Lagei beurujuek bansi daruet bak babah Di cut po hindon ngon cut po marni Meukhik lam hatee teukhem han leumah Geukalon lagei cukop that meukri Model begini gaya cut po saudah, (Singoh kusambong lom, hek kuh .....)
P a g e | 32 Tulak Bala Assalamu’alaikom tanglong bohate Ranub lam batee pineung kamoe ba Hajat lam dada keumeu meucae Keu adat saree lam hudep manusia Keu adat jameun ulon kheun saree Yoh masa esde hingga ka tuha Yoh masa dilei manou bak pante Ngon adek Yani aneuk mak Ida Lheuh lakei do’a bak po teuh rabbi Bala bek geubri keu ummat dumna Bek le na huro hara di dalam nanggriMakmu beuhase raseuki seujahtra Bak tulak bala di bineh pante Bu kulah ngon sie boh manok teuba Bu lam on pisang geukulah tari Geucop ngon beuneu nyang biru muda
P a g e | 33 Diyup bak aron lon singklet gakiPajoh khanduri ngon capli sira Di adek bunou geucok lee ngon sie Geukap bak bibi si manok bak pha Di ureung laen na nyang ka asiU bineh pasie tuboh teuhanta Geujak rhah badan ulai ngon gakiGeu peugleh diri manou seugera Hana masa nyan ureung meu selfie Hana lom na hape merek nokia Goh na bak kamou dum aplikasi Lhei nam ploh lagi atawa nam dua blah seureuta Hana cumukeh bak bineh pasie Jak peusom diri lam bak seuke muda Cuma meudo’a bak sidrou Rabbi Jeut mudah raseuki peujioh bala
P a g e | 34 301116 Meunan keuh dilei adat di kami Adak jeut lestari si umu masa Nyo gadoh adat pakri ta kheun kri Seudeh lam hati ditamong budaya luwa “Adat Bak Po Teumeurhom, Hukom Bak SyiahKuala. Qanun Bak Putrou Phang, Reusam Bak Laksamana.” #PanteuTeumuleh, 30.11.16
P a g e | 35 Doa Keu Geumpa Pidie Jaya Assalamu’alaikom kawom sinarou Dua blah jarou ateuh jeumala Lon peuek saleum keu aneuk nanggrouNyang na disinou atawa dilua Nyang na lam gampong duson lon hareutouDi kota hai adou dan di nanggroe lua Nyang dara-dara ikot lon pasou Nyang bujang samlakou cit ka utama Jak ta meudoa keu syedara geutanyou Nyang musibah barou di Pidie Jaya Nyang keunong geumpa syedara tanyouJak taleung jarou bak po rabbana Doa talakei wahe e adou Bek lee geutanyou bala ta rasa Bek lee lam donya takalon bagouPeutou lee jinou bak Allah ta’ala
P a g e | 36 Nyang na raseuki ta bagi jinou Sumbangan geutanyou cukop meuguna Ta kirem beusigra seudeukah tanyou Mungken jeut geublou keuleumbu ija Nyang teungoh meungungsi dilua seuramou Nyamok hai adou bek na geurasa Ta kirem ija ngon geutop asou Ta hibur jinou aneuk nyang bak sikula Meunan keuh cara hudep lam nanggrouTa bantu hai adou tanyou sesama Faedah that rayeuk geubri keu tanyouBalasan dudou asou ceuruga Seudeh lon kalon si tiyong bayeun Hanjeut di makeun ka sigo laksa Oh nou keuh dilei haba ulon kheun Dak jeut beu maklum peusan dari hamba.... #PanteuTeumuleh, 10.12.16
P a g e | 37 Kabinet Prajab Geutah bak tarok leukit hana ban Bacut meuligan meugeutah ija Bacut lon tuleh keu rakan-rakan Kabinet susunan dari peserta Ulon mulai dari keuamanan Keu menkopolhukam lon seubut nama Bapak Nasrijal nama digobnyan Ureung di seugan cukop kharisma Bapak presiden laen lom macam Nama Zulkarnaen lincah lagoina Rakyat geu ato urou ngon malam Kadang pih kadang rhot kaca mata Bapak mensesneg wajah rupawan Status geuh lajang muda belia Masalah ADM gobnyan urosan Tapi hai rakan korupsi hana
P a g e | 38 Di ibu mensos meunan cit bagou Dumpeu geupakou keu rakyat dumna Geu ato kurusi dalam seuramou Leungkap bak jarou geu bot ngon canca Masalah keu dana jinou lon sampou Menkeu di kamou Wulan namanya Meunyo di bapak hana neutusou Nyan, nyang deuh keunou nyang imut muka Keu olahraga ikot lon rawi Masalah nyanyi ngon seunam muka Gob nyan Menpora pangkat ulon briNama geuh Andi dari Abdya Menteri Agama seureuta sajan Baca Al-qur’an Yasin seureuta Malam jumeu’at kamou yasinan Bek na gangguan tuboh anggota
P a g e | 39 Nama digobnyan kalheuh geurasiPak Juliadi nyang tampan rupa Meunyo di ibu naksir lam hati Ijin ulon bri jeut meuen mata Menteri Pendidikan ikot meusaho Gob nyan boh ato urosan Aula Seureuta absen dan ato bangku Nama geuh Anto gampong di Panga Menteri kesehatan gob nyan na moto Geujak ngon geuwou mudah lagoina Masalah ubat leungkap bak jarou Ureung geumeuhoi Pak Jhon Sanova Anggota kabinet ka abeh neutusou Jumlah siploh drou pimpin peserta Seungaja lon peugah mangat neutusou Seureuta ulon nyou wakil ketua
P a g e | 40 Meunyo keu spy pihna disinou Gobnyan geu pantau urosan lua Pak Suriyadi nama di gob nyou Anggota BIN kamou dalam asrama Ileumei akosa lon teurap sinou Kolaborasi kamou ngon pihak lua Nyankeuh strategi ulon meurunou Bek sampe nanggrou na nyang mata-mata Watei pak Dodi ngon Zona keunou Siaga kamou meusu tan lee na Pak suriyadi bagah info keu kamou Awas awak nyou pembina di lua Hebat .... hebat .... hebat ..... Peserta diklat gol III hebat Disiplin tinggi badan tegap Nasi tak habis tapi tan meukarat
P a g e | 41 Oh nou keuh dilei kabinet lon surat Tacok manfaat nyang jeut keu gata Jinou ta minah keu laen ayat Keu punca hikayat jinou meuhaba #PanteuTeumuleh, 2013
P a g e | 42 Ingat Keudrou Dua ribei nam blah ka ta lingkeu Jinou meunuju tujoh blah teuma Malam awai phon ka deuh bak ta euGeumpa meusiseu di Banda Punca Aleh peu alamat wahe e abu Dak jeut bek karu di dalam donya Bek lee na bala Allah jok karu Bek lee e abu na huro hara Ibadah ta peukong ngon tabeut kun huBak meunasah laju seumayang beuna Bek gadoeh tanyou ngon donya meuceuhu Ingat apui hu dalam neuraka Ta jaga piteunah bek jeut na karu Keuluarga hai abu beuna ta jaga Bek tajoek ijin aneuk jak meu ha huJak meu tahun baru bak malam jula
P a g e | 43 Kon adat geutanyou lagei nyan teungku Masehi tahun baru kon ata ureung iseulam Meunyo cit hawa keu tahun baru Ta meudoa hai nek meulu bak sa Muharam #PanteuTeumuleh, 2018
P a g e | 44 Padum Yum Gata Meuah wareh aduen adou Aneuk dara makwa mandum sambinou Lon cie peugah dua lhei krek haba Bak panteu teumuleh ta puphoen punca Kayem takalon nibak jameun nyou Jeutjeut sagou di kota atawa di desa Rame aneuk dara badan geu publou Geu peudeuh asou bajei hana sempurna Ladum bak dada bacut deuh asou Ija lam peutou geucop seungaja Ladum hai syedara laen lom bagou Boh pha lagei bak panjou teubrak u luwa Hana lee teuingat keuneubah endatu Badan geuyu pageu bek peuleumah u luwaBek publou tuboh peudeuh bak agam Sayang that rakan hareuga hana
P a g e | 45 Bek that ta seutot budaya barat Yang meugriet geutanyou ta peudeuh aurat Hana reusam lagei nyan bagou Kon get keu rangou lagei nyan cara Malei ngon wareh ban mandum kawom Geularang lam hukom deungon Agama Takzem keu ureung chiek beuna ta muphom Badan geulambong lam apui neuraka Ta pike-pike ingat lee keudrou Bukon lon peurunou peu ija kata Haba peingat bacut lon sampou Wajeib bagi ulon nyou seubagou syedara #PanteuTeumuleh, 2018
P a g e | 46 Jak Seumaweu Assalamu’alaikom tanglong puteh di Ateuh Cot Punti Alue Eumpeuk nama Jalan ka luwah honda ulei ilie Hana lee rót ie ngon jaloe bak bangka Adat seumaweu jinou lon kheun kriJak silaturrahmi saweu syedara Bek ta peutuwo e abi umi Bek lupa diri oh ban ka kaya Yoh saboh masa jameun keudidi Yoh jameun capli jipeugah haba Jameun binatang caroeng meurawiKeu banta saidi na salah haba Na kadang ulon kheun teubit bak bibi Haba han meukri tan lon seungaja Lon seubut gata pawang tan gasi Cut Lem pancuri tukang cue ija
P a g e | 47 Neupot boh rambot hana permisi Neusak yuep sila gari peusom lam ija Nibak watei nyan gata lon eu kri Bak dapue dek fitri lon duek meusila Kamoe meuklep – klep mata nyang kiri Seubab tan gata turi kamou han meusuara Hingga ka lama watei terjadi Rahasia kami cuma berdua Jinou ulon jak saweu teungku saidi Lon mohon diri ka meusak wasangka Hana lon peuigat gata jameuen keudidiLon biyeu teungku ini khilaf anggota Lon lakei meuah wahe e abi Bek na lam diri deundam syedara Lon jak seumaweu ngon silaturrahmiAdat bak akhi saleng ta jaga #PanteuTeumuleh, 210118
P a g e | 48 Salah Teumpat Lon kalon buleun ceudah that bagou Cahaya meukilau di langet jingga Haba dua krak lon neuk hareutou Aduen ngon adou ta deungo sigra Keu haba selfie versi dua nyou Lon kalon bagou leupah that guraLon cie jak surat dua krak talou Lon cie ploh talou bak saboh punca Jameun ka canggih bak abad jinou Ramee sambinou taeu meugaya Takalon bak rupa wajah sambinou Tamse cut putrou ceudah lagoina Meubagou cara gura han sakri Cut adek puteh di selfie meugayaBak bineh laot geu singkrak gakieParoet bak gakie leumah u luwa
P a g e | 49 Kadang bak resto makanan geu selfie Trouk bak kolak boh bie ikot seureuta Kadang di pante bak bineh pasie Keutat siluweu lie meu ulah boh pha Nyang leubeh parah wahe e abiNyang bacut tari etika hana Geujak seumayang bak meuseujid selfieLalee teuhing-hing lagei meuruwa Bak buleun ramadhan teungoh tarawihDi gob nyan ideh lalee poh cakra Lon kalon photo sideh bah ef bih Nyou han neu pateh jeut neu pareksa Ka salah teumpat cut po beulukehMalai teuh wareh ta kalon rupa Bek bak meuseujid geujak meupaleh Dosa that wareh faedah hana #PanteuTeumuleh, 28.05.18
P a g e | 50 Jak Ta Teumuleh Wahe e rakan aduen ngon adou Wareh sambinou tuha ngon muda Nyang teungku-teungku guru di kamouNyang jeulata samlakou sama seureuta Nyang na di pasie bak bineh nanggrouDi darat cut putrou bak bineh kuta Nyang na di lubok seureuta bineh gle Di gunong lon tamse peu cocok haba Tajak meurunou haba ta rinteh Meurunou teumuleh peugot ceuritaTa karang haba keu mandum wareh Seujarah ta cureh keu cuco miwa Haba peuingat bek takot ta tuleh Nasehat keu wareh wajeib bak hamba Adak di baca bak jameun rhab ka habehJeut keu meudaleh geu hindar dosa