P a g e | 51 Meunyo kon tanyou nyang kalon wareh Lon takot lageh adab tan lee na Jameun ka akhe ulama dipeujayeh Sinou ngon sideh karu lagoina Deungon tulesan bacut ta anti Posting bak ef bie ramee nyang baca Seumoga meu faedah lee Allah geu bri Keu mandum Umi atou Abuwa #PanteuTeumuleh, 28.05.18
P a g e | 52 Medsos Wareh ngon kawom mandum lon sayang Saleum lon layang lon buka haba Saleum ulon bri horeumat lon tuan Geunantau lampuan ranub ulon ba Haba lon peugah bacut lon peutrangMasalah tulisan nibak media Sigoh neujaweub dak jeut bak halaman Neubaca beutrang bek jeut keu dakwa Bek salah tuleh bareh ngon kalamBek salah karang meusikrak haba Bek salah seubut nama nyang komenanBek salah peutimang makna meu ija Rame teujeubak lon kalon bagou Ureung that rugou tamong penjara Beurita hoaks viral that jinou Nanggrou teuh kacou ka huro hara
P a g e | 53 Gabuk peulisi rata jeut sagou Netizen jinou leupah that subraHanjeut jikalon beurita kacau Han jituoh pakou salah ngon beuna Haba peuingat bacut bak lon nyou Sigohlom rugou meunyeusai teuka Geunantou lon jok keu bakoeng sugou Geunantou lon blou dua krek bada Lon lakei diri haba seip oh nou Meuah ulon nyou na silap kata Lon lakei meuah tuan ngon putrou Bek jeut geutanyou sampou meudesya #PanteuTeumuleh, 30.05.18
P a g e | 54 Sang Brat That Ka Pungo Hana lon sangka putik boh mamplam Pasou lam cawan ta reutek sira Ta cilet bacut duk bak jambo ladang Cot urou timang di bineh rimba Lon kalon u glee suwe meuputi Miriek ji dodi ban ceh aneuknda Masalah donya aneuk dara puteh di Gadoeh meuselfie bak kuburan massa Hana lee adab jameun ka akhe Bak peubuet jahe malai tan lee na Seudeh lam dada seungkak lam hate Lee ureung bakhe jameun akhe masa Adak jeut beu insaf sigra.... #PanteuTeumuleh, 260617
P a g e | 55 Ka Akhe Jameun Deungon Bismillah awai lon puphon Lon mohon rihon rizha yang Kuasa Narit keu punca awai nyang santon Tuto beu muphom adab pih beu na Jameun ka akhe hanjeut ta hireun Cit kalheuh geukheun bak saboh masa Jameun fiteunah bak rata ureung Ho nyang ta kalon jipeudong dawa Ureung nyang bakhe jiék keu pemimpin Hareuta jikuwin jipeusom ubena Jipeungeut rakyat si pemimpin zalim Dudou geupeutron azeub ngon huro hara Jibalek wajah jibalek badan Peugah drou iseulam but lagei meuruwa Hana jipike jeuheut that geuh sang Rakyat jipeusongsang ngon ie mata buya
P a g e | 56 Oh watei ka jiduek tampok pimpinan Suara ka garang cara jimita Hana jideungo meunyona kritikanLaju jilawan hoax keu seunjata Dak jeut beu muphom mandum hai rakan Beuek ta lawan kezoliman nyata Beuek ta peutheun naggrou nyang aman Urou ngon malam ibadah beuna Tajaga aneuk keuluarga handaitaulanBek bak piasan donya ta gila Ta peubuet suroh peujioh teugah Nyang larang Allah bek takeurija #PanteuTeumuleh, 21.10.18
P a g e | 57 Bek Kiroeh Bak Peumilu Assalamu’alaikom kawom lon teungku Na cut nyak meulu ngon sinyak dara Nyou bacut haba lon surah keu peumiluJeut bek na karu sabee-sabee syedara Tiep limoeng thon sigo geupeuget peumilu Pileh nyang ato keu peumimpin neugara Anggota parlemen meunan chit teungku Daerah geu sueu gubernur keu nama Meumacam pareutei barat ngon timueGamba meusiseu bak jalan raya Rata jeut simpang spanduk geu direuHana ta tuho eu rhab teurhak si dara Bak media sosial ureung kampanyeu Iklan peuhayeu dukongan suara Geupuja-pujou calon di teungku Sang-sang that hayeu geu anggap ka beuna
P a g e | 58 Oh ban na komentar nyang han seu ide Keu bungong karue meunan keu punca Haba teumeunak di tuleh laju Hayuet bak ta eu peu lom ta baca Malei that tanyou iseulam ta tupeu Masalah peumilu kadang jeut keu binasa Gadoh syedara nibak peureubot sue Hana lee ta tumeu hubongan nyang meusra Beuna ta ingat bacut si geutu Masalah peumilu kon si umue masa Nyan keuh politik kadang hana ta tupeuBek sampou karu tanyou syedara Bek tuwo ta ingat wahe e rakan Keu persatuan nyang that neumbei sa Bek sampe karu ngon sabee rakan Musoh that seunang jikalon basa
P a g e | 59 Tanyou ji meuyueb hana keu untongon Meunyo ngon rakan jeut keu binasa Malei oh dudou meurumpok bak jalan Kadang keu bantuan keumeu ta mita Gara-gara peumilu muka ka masam Sikrek boh mamplam han tajeut rasa Han tajeut lakei ija kroeng itam Watei cut abang keumeu jak toeb raga Han tajeut meuyue beuot gari si agamYueba bak simpang ka ceukok roda Seubab di gata beda pilehan Na cek cok urosan rhot ef bi media Jinou ka teulah meunyeusai badan Keumbali di tuan jeut keu rakyat biasaHana gata tumeu pangkat meukuyan Nyang duek bak istana nyan tuwo keu kanda
P a g e | 60 Oh nou keuh dilei bacut lon karang Masalah peumilu nyan that penyang ceuritaSingoh lon sambong watei laen jan Jinou lon tuan keumeu jak kawe buya Hehehe #PanteuTeumuleh, 11.11.18
P a g e | 61 Karonya Tuhan Assalamu'alaikom kawom sinarou Dua blah jaroe ateuh jeumala Lon peuek saleum keu ureung lam nanggroe Seureuta adou nyang na diluwa Haba lon peugah bacut lon sampouKeu ubat asou ngon ayeum mata Keu pasie saka nyang na lam nanggroeTuhan jok keu tanyoe ceudah lagoina Pasie teuhayak lagak sang bagou Ie jih meukulou jeureuneh lagoina Watei ka tajak dak jeut bek tawou Peudirui asou ngon angen samudera Tempat jih sinan bak bineh sagou Daerah kamou di Aceh Jaya Bumou Teuku Uma geuthei le meuntrou Tuhan peusampou keu mandum hamba
P a g e | 62 Pasie that puteh that gleh ta pandangAnou hai rakan kalagei saka Rame ureung jak deungon pasangan Geujak lee keunan deungon keuluarga Watei ka seupot geugisa riwang Tinggai pasie nyan keudrou teuhanta Meubek ta tinggai nyona beukasan Bek plok aqua hai rakan ta sumpom saja Ta jaga beu asri dak jeut pasie nyan Tinggai keu beukalan keu cuco kita Bek tajak rosak ngon broeh meukuyan Sayang that rakan cipta rabbana Oh nou keuh dilei haba lon tuan Bacut lon karang keu pasie saka Meunyo na watei meurumpok laen janHaba ta karang keu laen ceurita #PanteuTeumuleh, 16.11.18
P a g e | 63 Meuneuen Kamou Cut Assalamu’alaikom cut lem ngon pocut Keu saleum bacut ulon peuhanta Haba bak rangkang lon keumeu peusaneut Masa kamou cut piasan meuseunda Beude boh laram reugam bak jarou Meusom bak sagoe peu lisek mata Musoh ngon kawan hafai beu meusouBek salah pakou teutimbak anggota Oh ban ka leumah musoh sambinou Peurhab lom adou hana suara Jarou nyang uneun teugon boh asou Keureutam sigo meusu meutaga Laju di musoh peureubah lee drou Teutimbak bak asou keunong bak dada Mata ka seso kamou watei nyou Peuleumah igou kode bahasa
P a g e | 64 Mita nyang laen nyang rata jeut sagoeKa seupot urou peuduli hana Meunan keuh bala masa cut kamou Hana le jinou jameun milenia Kamou that seunang masa saboh rou Meusenunda gurou sabee syedara Jinou ka langka keuneubah ureung drouKa lale tanyou ngon gadget benda Hana ta jaga warisan nanggrou Keu meuneuen ata drou tanna ta puga Hana ta lestari piasan nanggrou Langka that jinou hana sapat na #PanteuTeumuleh, 25.11.18
P a g e | 65 Moto Peuleupeuk Meuriya Assalamu’alaikom cut lem ngon yahwa Gileng boh pala keu ubat atoet Ulon keumarang bacut lee sigra Moto peuleupeuk meuriya bacut lon seubut Lon keumeu peugah yoh saboh masa Mantong ananda seumipak teuot Salah meulangkah han meuho mata Moto rumbia meutarek meubahu jilikot Leumpah that seunang masa nyan si baka Deungon aneuknda meuanou jibapot Meuen le moto watei wou sikula Mieng ngon muka habeh meubalot Kadang dikamou keunong seurapa Bajei ngon seulawa ka meubalot-balotKadang di bajei hitam meuta’a Siluweu aneuknda hitam deungon krot
P a g e | 66 Meuah meulakei nibak ibunda Kon na aneuknda haba han meuturot Kamou that manyak watei nyan masa Rugou ngon laba teupike dilikot Jinou ka sadar kamou ka tuhaLaen ceurita haba meubalot Teuseuheh keudrou ingat keu haba Deungon si baka bak pajoh pulot Meuneuen kamou yoh masa muda Seujarah keu haba jinou ta balot Bak jameun jinou seubut millenia Moto rumbia dianggap hana lee patot #PanteuTeumuleh, 27.11.18
P a g e | 67 Sergur.id Alhamdulillah leumpah meuceuhuPula bak labu keu asou kaya Deungon lon kisah keu sertifikasi guruHarap that cek gu riwayat seujahtra Bak ikoet UKG meuceu’a ceu’uHonda geu laju bak jalan raya Beurangkat poh limoeng lheuh azan meusu Ngon adek meulu guru seni budaya Geu peudong honda sigra le teungkuBak bineh dapu kantin sikula Ruang lab IPA geu peurhab teungkuNgon adek meulu nibak SMA SA Buka le laptop masa nyan teungku Peutunjuk bak abu panitia pelaksana Geu pasou bagah biodata teungku Sigo-go adek meulu geu keureuleng mata
P a g e | 68 Watei dua jeum mulai meuluncu Soal struktur laju geubaca Soal that sosah le han geutupeu Geu teubak teungku ucap Bismillah Singkat ceurita dua nyan cek gu Peujuang sertifikasi guru deungon seutiaJinou ka geupreih info di meulu Bak akun sergur halaman utama Rencana jadeuwal ka meuseuk bacut Kureung bak geuseubut le panitia Hana lom jeulah peukeuh meukeusud Bacut geu seubut verifikasi goh lanca Hampe tiep watei akun geu uet-uet Serching geu maksud ngon google lanjaGeukheun bak hate beu bagah bacut Jadeuwal meukeusud beu-ek tahap sa #PanteuTeumuleh, 11.12.18 (Meusamboeng...... )
P a g e | 69 Lon ngon DARING Ka padum watei ulon nging ticem Bentuk that canden sang putrou raja Wajah lon galou gob peugah ceuken Watei bak DARING laptop lon raba Ileumei pedagogi na namboh kompeten Tiep KB jih jikheun materi ta keureuja Kadang nilai formatif skor han jitem Meujan lhei ploh peureusen meujan hana sapeu na Watei beungoh urou sikula lon sandengKeu soal UN lon bahas lanja Lon meudoa keu murid beujeut keu presiden Beuthah di ulon tuan guru biasa Rata ensiklopedia raba bak online Kadang cit ka heng sinyal ka hana Kadang ka lampu matee PLN Meujan beureugen ka meusipak meja
P a g e | 70 Lagei nyou guru dituntut kompeten Beujeut seureutoh peureusen sertifikasi beuna Kadang that lucu ta bandeng ngon apa kaleng Ikot calon pipkaleng contekan kana Meu nyou keu haba di kamou lam baten Cara beu teukhem seusama anggota Dari pada puteh oek meuwareuna kuneng Kamou peuget cengkoneng meukarang habaKeu gura-gura #PanteuTeumuleh, 14.02.19
P a g e | 71 Masa Aneuk Cut Masa Hana lee ceurita meuen bak jambo tuha Yoeh watei cut bak thon sikureung dua Sabee lam teukhem adak hana beulanja Masa Meuen pet som lam malam meuraba Gapeuh meusimbo ngon bantai tuha Sabee lam meunasah teungeut meubanja Masa Gaki meuparot meusireuk meuputa Bak geu weng gari lam lampoh nyak wa Teugilho boh leupieng deungon U tuha Masa Gilho rhueng ayah sampou an jula Meunyo goh teungeut hanjeut meugisaKadang ka layoh teungeut ngon mata
P a g e | 72 Masa Ngon panyoet ija broek bak binteh meuculaKa dipo asap hitam meutaga Lam reuhueng idong itam that sukla Masa Hanjeut ta ulang saboh ceurita Keunangan jameun indah lagoina Yoeh galom ta kalon canggih nyou donya Masa Aman ngon makmue duson ngon kuta Ureung meuadab takzem nyang tuha Hana meulawan meubantah basa #PanteuTeumuleh, 26.07.19
P a g e | 73 Keu Kakanda Assalamu’alaikom saleum ulon bri Yoh goh mulai lon karang haba Saleum ulon jok horeumat diri Santun bak kami jamai pembaca Haba lon peugah keu cut bang suami Ulon seubut lagi seubagou kakanda Ta bri tamselan lam rumoh terjadi Keu cut bang suami mangat jeut na neu saba Kadang cut adek hanjeut taguen sie Aweuh ngon capli han tuoh beda Hana tuoh boh padum neuk boh suntiKadang hai abi ka tuwo lada Kadang sigo-go tan hias diri Meujan bei gasi mandi lon hanaLale di dapu ngon kuwah kanji Ulon kadang hi si aneuk singa
P a g e | 74 Kadang cit mungken ceuken bak bibi Lheuh lon kap capli bibi ka raya Bak lon cumulok dengon kak Boiti Le that boeh capli culok boh mangga Kadang di lon nyou na tom bak jeungki Nariet meuputi meupep-pep haba Bak mita gutei lon kheun keu ukhty Meusireuk gaki meusimbo ija Meunan umpama ka salah diri Meuah keuh kami wahai kakanda Bek le ta ingat nyang ka terjadi Ulon meujanji han le meugisa Ingat saboh rou tanyou hai akhiTa mumat jari ta ikhrar seutia Sideh bineh blang bak rangkang bak giri Meusingklet gaki lagei ratu ngon raja
P a g e | 75 Lon lakei meuah lhok dalam hati Niet dua ngon akhi siumu masa Tajak rhah muka tajak lhab gaki Ta suci kan diri ngon wudhu hai kanda Bak po teu Allah ta seurah diri Peu nyang ka terjadi khilaf seumataCukop meunyeusai di dalam diri Untong keuh akhi cut bang seutia #PanteuTeumuleh, 15.01.20
P a g e | 76 Ubat Hatee Masa ta hudep beuna neu pike Bek gadoeh sabee pike keu donyaBek lale sibuk peu gabuk hatee Bek lale ngon tivi, ngon hape nokia Lale bak jalan malam dan pagi Lale ngon gari di medan kuta Lale bak keude meusingklet gakiHana ta turi bisan ngon yahnda Lale bak jarou gadget xiaomi Bak keude kuphi wi-fi neumita Lale neu download film nyang hindi Sibuk ngon tari peuleumah pusa Lale keudrou-drou hai cut nyak ali Seumayang tan peuduli ngon beut tan le na Watei su azan meusom le diri Liket kuali ngon goreng pisang
P a g e | 77 Nyo meunan bagou tan jaga diri Rateib lam hate bacut tan le na Oh saket asou baro teupike Meunyeusai akhe hanle meuguna Jinou ta gisa bak po teu rabbi Zikir lam hati bek keundo rasa Tajak seumayang oh azan bunyi Ta beut hai akhi ta peukong iman Oh nou keuh dilei haba bak kami Peusan bak diri ulon seukalian Ta cok manfaat keu ubat hateeKeu abang ali ngon cut da intan #PanteuTeumuleh, 16.01.20
P a g e | 78 Jak Sikula Assalamu’alaikom kawom syedara Lon teugur sapa saleum ulon bri Geunantou lon jok kuphi ngon cancaGeunantou gula talawok bohbi Narit dua krak lon buka haba Bacut calitra lon keumeung rawi Keu bhah aneuk miet nyang jak sikulaDuson ngon kuta muda ngon mudi Cukop le bagou jinou kendala Bak jak sikula cukop meunyakni Ladum na buku lam tah sikula Pense ka hana ka gadoh lam tuwi Ladum na tamong watei jeum bahasa Seubab hantom na PR le geubri Ladum cit bangku kosong meuhanta Ta eu tah sikula nyang na lam laci
P a g e | 79 Ladum ka kiroh rioh lagoina Le peugah haba masalah wi-fiGeu ceukot film atra eropa Nyang inong belia galak keu hindi Ladum keu tik tok meugok-gok keupala Deungon irama ka geugrak bibi Ladum meunyanyi lagei india Hana seungaja teuceupet pipi Di ibu guru aseik keupala Materi hantomna tuntas le geubri Goh lom geu mulai ka de keudua Ka de keutiga peulumpat lagi Macam metode ka le geucuca Tujuan beuna manfaat lagi Tapi e rakan cukop that gura Habeih leuh cara deungon strategi
P a g e | 80 Bak akhe jameun meunan keuh nyata Adab tan le na santun han meukri Hana ji seugan meu ube seuma Han le jihareuga meu ube ari Ta lakei tulong bak po teuh Allah Akei meu ubah di aneuk kami Dijak sikula beuna faedah Dah jeut beu ek glah beu meukri sakri Oh nou keuh dilei dua krak haba Reukueng lon ka gla ka hawa kuphi Singoh ta sambong urou seulasa Ta balek haba ta karang rawi #PanteuTeumuleh, 17.01.20
P a g e | 81 Hana Peureulei Lee Nyo hawa boh drien tajak u tangseBoh drien meugule bak bineh rawa Saleum keu gurei jinou lon uke Santon ulon bri meujumba-jumba Haba lon peugah lon surah jinou le Keu ubat hate sijuek peunawa Haba lon karang sikrak lon cae Haba lon uke keu ta tinggai donya Moto meukilat hana ta peureulei lee Intan meu uke hana meuguna Hana sou bantu oh urou akhe Oh nyawong cre bre Allah geu hila Hana meuguna cilak meu uke Tan ta peureulei lee gincu ban suwa Hana ta harouk keu meuh meu ble-bleTan na guna lee sipatu kaca
P a g e | 82 Gata nyang dilei kaya that wase Jeut-jeut rata gle neumilek atra Rata jeut laot gata nyang toke Duson ngon pasie sebut saudaga Mandum atra nyan meuguna tan lee Seulaen hate beugleh ban gaca Seulaen iman beukong lam hate Ibadah keu rabbi bek na meu ila Beuna sideukah beukayem ta brie Beuna peuduli keu yatim tan ma Beuna di jakeut sabee ta bayeu Aneuk nyang saleh hai teungku beuna peulara Nyan keuh peunulang bak saboh layeu Geu pulang lee teungku nyang kong agamaHaba geu peusan beuna ta tupeu Meunyeusai di abu hana meuguna
P a g e | 83 Ta pot boh asam bak bineh pageu Manyang si geutu ta rhom geulawa Oh nou keuh dileu haba ta sueu Ta sambong hai teungku jan laen masa #PanteuTeumuleh, 26.01.20
P a g e | 84 Akhe Jameun Deungon Bismillah Allah ta pujou Keu nyang po asou langet ngon donyaNyang po kuasa ateuh geutanyou Makhluk di bumou ngon manusia Seulaweut saleum takheun ta pujou Rabbana geutanyou saidil ambiya Peujuang iseulam nibak saboh rou Untuk geutanyou nyang na lam donya Bacut lon peugah haba lon sampou Keu udep geutanyaou ateuh rueng donya Beu lee ibadah e aduen ngon adou Seubab di nanggrou ka huro hara Rata jeut bala ka ta eu jinou Rata jeut sagou meuprang saudaraKa lee peunyaket u ateuh asou Leubeh lom jinou virus corona
P a g e | 85 Taduek di rumoh ibadah geutanyou Ta peu lee bak drou pujou rabbana Ta baca Al-qur’an ban jeut–jeut sagou Lakei nibak po peujioh bala Badan ta peugleh jeut bek meupalouTa cuco jarou ie wudhu beuna Pajoh makanan bek meubagou-bagou Makanan nyang ta blou beuna ta kira Keluarga ta jaga bek neujak saho Bek lale ngon moto meuputa-puta Ta saba siat meudua-lhee urou Hingga ka sampou corona tan le na Di ureung tuha sayang geutanyou Nasehat geusampou jeut bek meubala Hudep lam donya beuna ta hirou Beuna ta pakou peutuah ulama
P a g e | 86 Bek lee meubantah ta peugarang drou Tamse han sampou keunou meubala Kareuna peunyaket tanyou han jitusouSigohlom pengpho bek cuba-cuba Ka lee that ta eu jameun saboh rou Ureung meubagou nyang keunong balaUreung teukabo lee that lam nanggroe Nyang leubeh meupalou pengkhianat bangsa Meu nyan keuh bacut haba bak kamou Lam rangkang lon sidrou ulei meuputa Bak panteu teumuleh karang haba nyouDoa bak kamou keu syedara dumna Lon lakei izin keumawe jinou Bak ujong nanggrou kuala daya Jilikot pasie ngon rakan sambinou Lam geulumbang meu anou meupuseng gisa #PanteuTeumuleh, 17.03.20
P a g e | 87 Profil Penulis: Musafir Kelana adalah nama yang tersemat untuk penulis di dunia maya. ASN yang mengemban tugas sebagai pendidik ini berdinas di SMPN 1 Indra Jaya dan memiliki nama lengkap Usmady Arafat, S.Pd. Penyuka memancing dan snorkling ini memulai debut menulisnya akhir Oktober 2015 lalu. Buah karyanya antara lain, Kerikil Cinta Musafir, Sajak Sang Arjuna, Di Senja Aku Mencari, Tempias Kenangan, Ie Beuna dan Ilunia (Gadis Mata Biru Portugis Lamno). Untuk menghubunginya bisa di i.g. @kelana lamno, email: [email protected] atau WA 0812 6047 8235.