Be Panah - Romir

Be Panah

ROMIR

RK
Tumse
Pa kar
Tumhare

liye

KHAYAAL

Ye man bhi ajab cheej hai mua
Jispe aata hai usi ke karan rota hai

Sochta hai pa liya humne
Aur sab kuch khota hai

Lagta hai kuch reh gaya piche
Teri mehfil se to uth aate hai
Khichti hai vapas tumhari taraf
Kuch kahi unkahi wo baate hai.

Eeh lamha ehsas e maut sa hai
Kal phir milke zinda ho jau shayad
Aise kitane janam tadpaoge hume
Agar kal mile na mile hum shayad

Pyaas to hai tumhari hum saath rahe
Kuch tum apni sunao kuch hum kahe
Aaj aasma se bhi barsega amrit shayad
Chalo bhig jaye aaj saath saathi saath bahe

Tum nahi saath to hum ulte sidhe chalte hai
Kisi anjaan ko milkar bhi tumhe milte hai.

Sochta hu abhi palat jau tumse ake phir se milu.
Kambakhat is duniya ki rasmopar hum phisalte hai.

DHOOL

Dhool chehrepar thi
Aur hum aaina saaf karte rahe

Dil to toota hi tha
Aur hum pyaar bharte rahe

Kabhi ye soch hota ki
Zindagi koi sapana nahi hai

Samay ke janjeer se
Bandhe koi apna nahi hai
Usi bargat ke neeche intzar karte rahe

Kaash ijhar kiya hota
Kya hota inkaar hi karte

Par hum is dard ki
Intaha se to nahi gujarte
Hum zinda rahe aur maut se darte rahe

aaj ganga naha liye Aur usike ssath bahte rahe
Chikhe chillaye raakh huye

Jal gaye saare vidhi sahte rahe

Chehra gaya aaina bhi
Bas ab dhool bane kisi aur chehre par rahe

VINASH

Dil jal gaya aise aaj ke
Jal se bhi na buzegi pyaas
Maikado se mai na mile agar
To main jalunga jalegi aas

isi mod par mil gaye to phir
Ho jayega ye ahsaas

Jameen nikal jayegi pairotale
Chut jayega aakash

Kise mil rahe ho tum
Kya ye wohi hai jo tha khas
Zindagi bun rahi thi sapna

Jiske aas paas

Tum hi to ho iski vajeh
Jo hua main vimanask udaas

Aaj kyon saamne aaye ho
Dekh ne mera vinash

SUKUN

Tumse milkar ehsas Hota hai sukun
Mehsus hota hai Rooh ka rishta

Oos ki bund sa Pal yun behta hai
Main ruka hua sa Chal raha hai rasta

Safar ye zindagi ka Pal do pal hi to hai
Usme ek pal hai Tumhara tumhara sa

Itne din the nahi to murza gai thi fiza
Aaj phir mehek raha Hai manka guldasta

RAAH

Main chala us rah par
Jis par the tum chale

Sukh mile ya dukh mile
Ya tu mile na mile

kabhi na kabhi to khatma
Honge sab ye fasale

Chalte rahe ta umra ye
Jannat ke silsile

Udhalali me phule
saye man asusale.

Kho kar hi tumko pa liya
Ye dil jala to jale

Tammana hai Ek baar to
Lag jao na gale.

Aagosh me tere mera
Muzko sukun mile

Zinda rahu ya na rahu
Rab mile na mile

Udhalali me phule
saye man aasusale

KYA KAR DIYA

Tumne man mera aaj
pyaar se bhar diya

Chalak raha hu main
ye tune kya kar diya

Jise dekhta hu
Main pyaar karta use

Bina badloki hi
Ho rahi hai baarishe

Boondoki phulose
Daaman mera bhar diya

Panchi banke ud hi
Jau mai aakash main
Bantata chalu chaman
Kaliyonko khushbas main

Mai na raha mere khud ka
Khuda tumne kar diya

Kahise mai gujara
Kahi par mai bikhara
Tere chune se main
Kuch is tarah nikhara

Jeevan ki chita ko
Tumne chandan kar diya

BHARAM

Bina kahe sune hi baat ho
Yun Ufaan pe jazbaat ho
Tumhe ho pata muze ho pata
Tum saath ho ya na saath ho
Is waqt ka hum kya kare
Jo tham gaya humse pare
Hum beh chale tum beh chalo
Raat apni hai subah ho na ho
Kisi mod par mil jaaoge
To jikra bhi na ho kabhi
Phir ajanabi ho jao tum
Tumhe yaad ho ke na yaad ho

Kis baat pe naraaj ho
Kal mit gaya tum aaj ho
Duniya ke dastur hai bharam
Tum ye jaan lo ya na jaaan lo

IJHAAR
Kisi shayar ne kaha

Is duniya me aake gar pyaar na ho
To zindagi fazul hai

Aur kisise pyar kiya aur izhar na ho
To maut bhi fazul hai

Lo aaj mai izhar karta hu
Ki tumse mai pyaar karta hu

Muzhe bas yahi kahna tha
Ab muze uthale kuda

Ye pyraar aisa nahi ke mai
Ho jaunga kabhi tumse juda

Ye sunkar shayad thukra bhi do
Milna bhi tera dushwar ho

Phir kis ke sahare jiyunga mai
Phir kisliye ye izhar ho

Chalo rehne do mera pyaar
Yuhi chalta rahe

Maut ane tak to yaar saath ho
Aur milta bhi rahe

Use pata chale ya na chaleAe romir
Zindagi bhar ishq ka aasra to rahe

EK CHATRI

Ek chatri aur main
Bhigta ja raha

Yaad wo pal muzhe
Barha aa raha

Us din bhi barish thi
Dil me bhi gujarish thi
Us mod pe khade the tum
Aanko me kashish thi

Dekha jo maine ek najar
Tune wo baat padh hi li

Saath mere chal diye
Ek chate me panah li
Kya kahu main wo safar
Gila man gila tan badan
Ek ek pal tha yugsa
Chu rahi thi ek chubhan

Aur tum chal diye the
Muzko jalta chod kar
Aaj bhi man main wohi
Chalta hu aag oodhkar

Tum milo ya na milo
Phir usi ek mod par
Ye barishe aati rahe
Bhigata rahu main umrabhar

RAASTA

Main chal raha hu
Khichte hue mere gam ka booz

Kabhi pani me tair kar
Kabhi chattaan karke paar

Barf ki nadi bah rahi hai
Ubala hua pani samete

Pahado ki panah hai
Uska shikhar hai dhar dhar

Darmiya ek gufa hai
Jisme thodi garmahat hai
Tilo se gujarti hai ek zheel
Sama jati hai nadi me raftaar

Ek kaarwan gujar raha hai
Armano ka dustak diye
Teri jism se ruh tak

Jane ka rasta mile ek baar

Tumhe main padhna chahta hu.
Tumse karib judna chahta hu.
Ki khayal ho tumhare man me
Aur main jee loon use mere yaar

INAYAT

Kal raatbhar main tarasta raha
Boond boond barish barsata raha

Jarra jarra beh gaya yaad main
Yu khokar main ro kar bhi hasta raha

Ye kis gunah ki thi muzhko saja
Teri marzi thi ya thi khuda ki raza

Khuda tu kisiko ye zillat na de
Ju meen pani bina mai zulasta raha

Kisi ghayal koyal ki aawaz mai
Kisi tuti veena ka hu saaz mai
Kai laabj milate bikharte gaye
Koi adhure geet sa mai ulazta raha

Tumko dekha jo subaha to zindagi mili
Kisi bhatakate peer ko ju bandagi mili
Maine kalma bhi padha ibadat bhi ki
Bas teri inayat bhi ho main kehta raha

ADHURI DASTAAN

Tum kaha hum kaha
Bemuravat jaha
Zindagi ki thi wo
Ek adhuri dasta

Pyaar ki saadagi
Be wajah be panah
Mud gayi manjile

Kho gaya raasta

Kisine poocha muzhe
Pyaar hota hai kya
Tere jikra bhi hua
Tha mere imtehan
Kaise bhul jau mai
Wo pal namonisha
Rasmo rivajo se ye
Ho gaye bejuban

Chahate khub thi
Ashiqi dillagi par
Jisne chaaha muze
Aisa ek tu hi mila

Ye jaha chut gaya
Dil me hai ye malal
Chehre parse na mita
Pheka tha jo gulal

NIDAR

Tum saath ho to main hu nidar
Tum ne dikhaya rasta aur safar
Ashish do ke man me ho umrabhar
Tera diya hua wo gyaan ka asar

Tere jikra se bhi man pyaar se bhare
Tere daras ko man hua vyakul re
Aaj phirse haath tham lo mera

Bhatak raha hu main yuhi darbadar

Mil hi jaate ho kahi bhi kisi kisi me bhi
Dost ho mere kahi to kahi ajanabi

Tera ye saya muzpe yuhi barkarar ho
Janamo janam ye naman sweekar kar
Aaj tune chu liya hai Mere manko is kadar
K Kwahisho ka hakikatse Ho raaha hai gadar

Dil yuhi kyon bokhalasa gaya hai
Idhar udhar ja raha ye kaha gaya hai

Thamlu kaise ise main
Ab Jaaneman kuch to tu hi kar

Badalose pani jaise aa raha nadiyon tak
Na dekhata hai parbat na jami na phul tak

Kudata aaise hai ke
Baccha nachta ansuni dhun par

Pakdo muzhe mai ye kaise ud raha hun
Ye kis ajeeb is dastan se jud raha hun

Kehdoo ke ye to pyyaar hai
Ulfat me hota hai aisa asar

KABOOL NAMA
Jab bhi milte ho

Main kehna bhool jata hu
Bas Tere aanese

Ishq me zool jaata hu

Aj tum na aaoge to
Mar hi jaunga abhi
Barsaat me u bhigke
Jal hi jaunga abhi

Aake ab rehem bhi kar
Main ishq kabool jata hu

Aa gaye na aa gaye
Phir bhi gaye hum kamse
Kisse hum shikwa kare

Na rahim se na ramse

Darbar main Ai khuda
Main ishq kabool jata hu

Jab bhi milte ho
Main kehna bhool jata hu

MAIN BHI KAHA ZINDA THI
Tumse u roothkar main badi sharminda thi
Jab pyaar na tha main bhi kaha zinda thi

Ek bhool meri tum bhoola do na jara
Tumhari aagosh main bula lo na jara
Main pighal jaungi usme katra katra
Tumhare seene par sula do. Na jara

Ek sahma sahma bhiga hua parinda thi
Jab pyaar na tha main bhi kaha zinda thi

Mere khuda tu mere aas pass rahe
Mere ashqoko thamlo wo na bahe
Jaan nikal jaati hai usme katra katra
Mere ankhome raho pyaar salaamat hi rahe

Tum suraj the mere main teri vrinda thi
Jab pyaar na tha main bhi kaha zinda thi

JUDAI

Log chhuth jaate hai
jaise katati hai patang

door jaate hai koi
hissa liye apne sang

Jo lamhe saath saath
Humne gujare the
Woh aasma jara

Muthibhar sitare the
Kai dinose racha
Hua ek nagma tha
Kai khwab kai pal
Jo bas hamare the

Jal nishchal hai
Aati nahi koi tarang
Log chhuth jaate hai
jaise katati hai patang

Phir yaade unki
Akar satati hai
Kya phisal gaya
Hathase jatati hai
Wakt na kisike
Haat me aayega
Bahti nadi to
Bas bahti jati hai

Na rok manko
janam lene do umang
Log chhuth jaate hai
jaise katati hai patang

Aaj phirse itne
Itne yaad aaye ho
Simat kar sare wo
lamhe sath laaye ho

Karu kya iska ab
Tum hi batao to jara

Ankho me mere
Aaj zilmilaye ho

Chalo aa bhi jao
Leke chalo apne sang
Log chhuth jaate hai
jaise katati hai patang

TUM

Tum mere
Man me ho jahen me ho

Pran me kafan me ho

Tum yaha
Lobha maya srujan me ho
Bhakti krodh madan me ho

Tum jaha
Tan me ho Chaman me ho
Antriksha me sadan me ho

Tum sada
Jameen aasma me ho
Beej barish tifan me ho

Tum kahi
Mrutyu ho janam bhi ho

Nikas aagman me ho

Tum kabhi
Wafa ho jafa me ho
Dost ho dushman bhi ho

Tum
Tum ho kaha pata nahi.
Par abhi isi kshan me ho

YAAAD

Uhi tum bevajah yaad aate ho
Aur phir kuch guma nahi rahta
Hum to chalte rahte hai magar

Ruka ruka sa sama hai rahta

Uhi tum to mujhase baat karti ho
Main chup chapsa khuch nahi kahta

Kahi ye aaspaas ke log jan hi na le
sambhalta hu nadi manki nahi behta

Uhi gujar raha tha aaj teri galiyon se
Us maakan main abtak na koi rahta
Deevar pe mera naam kisine likha tha
Beh chuka hai wo naam ab kise kehta

INTEHAA

Khuda ki inayate to
bahot khub hai
Ye inteha hai ke

tu mera mehboob hai

Dar is kadar mere man me
bhara hua hai ke main

apne aapse bhi darta hu
Kahi na loot jaau main

Ye tera sath hi
safar main mera vajud hai

Tere do labj ke main hoon
Muze dilati hai rahat

khuda ki bandagi hai ye
Muze teri chahat

Uski darbaar main bhi
Chahanewalo ka vakub hai

EK PATTA
Tooty hui shakh par hara bhar sa patta mila
maine poocha use abe tu yaha par kaise khila

kahne laga barish ki boonde le aati jeevan is dharti par
mera naseeb hai. Mera jeevan hai is tooty shakh par

Vaise to har boond boond main jeevan maran hota hai
Jo jaha jis jageh hai girta us pal main asar ye hota hai

Nayee shakh par tum gar khilte to ek vriksha hi ban paate
Phul naye sundar khilte ya phir tum par madhur phaal aate

Haan par muzhe dekha kar agar kisine jaan liya is baat ko
Ke is shaakh main jeene ki hai irsha samjhe iski jajbaat ko

Aur utha kar wo oose dede thodi si jammen ya thodasa jal
Dost mere phir to mere khilne se ho jayega mera janam safal

MERE SAPANE
Tumne ye kya kar diya muzko
Main to aape me na raha apne

Log to neend me dekha karte hai
Main to jee raha hun mere sapne

Aaj tere shahar me aaya hu
Tere gali se bhi hokar aaya
Wo khidki jisme deka pahli baar tumhe
Waha phirse dil khokar aaya

Gaya tha usi dukan par main
Jaha bahane se chua tha tumko
chacha ab bhudde ho gaye hai
Poochate rahe kya bhool gaye humko

Kya kahu baat us butte ki
Jo tumhe is kadar pasand tha
Aaj maine bhi chakh liya uskjo
Aanand aanand me malang tha.

Jaha jaun waha tumhe milta hu
Sab jagah tu hi tu hai sanam
Kya ye jameen ho ya ho jannat

Tum yuhi sang raho janam janam

YAKEEN KARO
jab bhi uus mod se gujarta hu.
Tumhari kami mehsus hoti hai
Kyun hum milte bichadte hai
ye baat to khuda se bhi hoti hai

Aaj bhi aaya hu uske dar pe
Dua ye maangane ai khuda

Ek baar mile wo muzhe
Bas ek yehi chahat hoti hai

Tadpna un bin gubar man me liye
Wo saath hai phir bhi kisi aur ko liye

Kya mohobaat karne walo ki
yehi ek saja hoti hai

Har taraf ek shikwa hai
Jise chaha wo to mila nahi

Jo hume chahte hai
unhe bhi to hum phir milte nahi

Aaj jo sath me baithe hi
Kal mehfil me wo ho ya na ho

Jindagibhar bhi to koi
saath me rehta hi nahi

Do pal milke gujarne hai
to kuch is taraha jiye

Ke phir wapis hum dobara
milenge hi nahi

Phir kisi mod pe mil jao to
naye sire se jude

Ke itni meherbani rabse bhi
bar bar hoti nahi

SAPANA
Raat ki tanhai me Neend me ek sapna aaya

Rang rup sparsh gandh se dikha koi apna saaya
Ye sapne bhi kya hote hai ek prashna utha mere man me
Shastra kahe bina roshni ke na dikhe kuch is jeevan me
To kaise aankh band ho neend me maine sapna dekha tha

Yeh sochate sochate maine mere hi andar jhakha tha
Is ka matlab mere bhitar bhi koi roshni rehti hai

Shaant man ki isi satah par wo ek kahani kehti hai
Ye man bhi ajab is cheej hai kaisi duniya rachata hai
Chalat chitra sa taral ye behta ek sapna neend me aata hai

AAWAAZ

Teri aawaz me maine
Tumhe pa liya phirse
Tere jane se ek jagah
Dil me viran thi kahi

Bhar aaya phir se dil
Tumko sunte hi aaj
Is khushiko maine
Ankhoise chalak ne diya hi nahi

Pal wo jo saath gujare the humne zinda hue
Tum ho nahi duniyame ye man manta hi nahi

Aaj bhi dhundata hu main tumhe is bhid me
Na jane Kisike rup me achanak mil hi jao kahi

Gar mil bhi gaye to ek baat puchni hai tumse
Tum yuhi chal diye alvida muzhe kiya hi nahi

DOOB HI JAYE HUM Ki doob hi jaye hum
Itna bhi pyaar na karo Gum na rahega gum
Khushi na rahe khushi

Tere sitam se hi to Hum zindagi gujarte
Jeena chahte hai hum Bus tumhe niharte

Ummed se jyada mile To umeede hoti hai kam
Itna bhi pyaar na karo Ki doob hi jaye hum

Beshak ye dil mangta hai jyada se bhi thoda aur
Gar wo muzko mil gaya to karna iss baat pe gaur

Kis baat ke liye main phir ibadate karu sanam
Itna bhi pyaar na karo Ki doob hi jaye hum

Bas yuhi milo chalo zilmilaya to karo
Na aao saath me to phir kwab me aaya karo
Masruf ho kisi baat me to
Itna bhi pyaar na karo gEet gungunaye hum
Ki doob hi jaye hum

LABJ

Tera ek labj sun sake
Hum taraste rahe
Barishe hui nahi

Par hum baraste rahe

Kitne fasane otho tak
Aate aate ruk gaye
Aasma ki taraha
Jameenpar jhuk gaye

Kahi to ho milan
Kshitij tak dhaste Rahe

Tera daras madhumas ras
baki to sab niras niras
Jo bhi tere saath hai
Wo bhi to jayega baras

Jab kuch kaha to suna hi nahi
Hum Bas uhi haste rahe

TU MILA

Tumhari ek hasi se
Rubaru ujaala
Naesi roshnise

Pade hai roj pala

To has jara zilmila
Sub samjh jayenge

Ki tu mila

Tumhari ek zhalak se
Muzhe sukun mila
Ek khalbali si dilme
Use saaz mila

Teri chahte main
gaate chala

Sab samaz jayenge
Ki tu mila

Tumhara ek labj
Madh hosh sa
Suna to behoshko
aaya hosh sa

Tu yuhi baat kar
Shahed hai ghula
Sab samajh jayenge

Ki tu mila

Aaj mera haal bhi
Jara behaal hai

Ye tere na milne ka
Hi Kamal hai

Bhuza bhuza sa hu
Jarasa dil jala

Sab samjh gaye hai
ki tu na mila

AHESAAN

Gar tamaanaye dil
Kuch pareshan hai
To tere naam ka hi

Bada ahsaan hai

Jikra karta hu to
Kshubu udne lagi
Rasto se manzile

Uhi judne lagi

Mai musafir kafir
Bana chal pada
Tere hi khoj me
Tujpe hi ja adaa

Kya ye kaarwan hai
Aur kya hai ye bastiya

Dubane chali aaj
Saari hi kashtiya

Khevat mila to mila
Sahara tere naam ka
Nahi to ye pyaar hai

Mere kis kaamka

Khamkha bevajah
To koi bolta nahi
Sun le meri dasta
Main raaj kholta nahi

TARANA

Kal muze gujara hua ek jamana mila
Ek khubsurat sa hasin tarana mila

Milte hi bol pada kya bhaiya kaun ho tum
Main use naya koi anjan sa shkast tha mila

Hasrato ke darakhto se ek shaakh mili
Jis par ek khila hua sa hara patta mila

Maine pucha use ke tu kaun hai mera
Jana pehchana sa koi lage dost mila

Parchaiyo ke aagosh me main bhul gaya
Ek din muzhe bhi jalta hua suraj tha mila

Chal pada phir usi kantoki raho par
Jispar chalkar muze ek baar phul tha mila

Tum aasman me ek tara banke jagmagaye
Mera ye haath tum tak na pahuchta manme gila

Mera ye aaaj bhi tere kal se juda hua sa hai
Kya tere Aaj main koi tumhe gujara jamana mila

YA KAHO JO BHI
Tum nahi milte to neend nahi aati
Aur milte ho to bhi
Tum ise pyaar kaho ya na kaho
Ya kaho jo bhi

Ye kuch is tarah hota hai
ki subah ki mulayam dhoop mutthime pakadna chaho to nahi milti

Aur tumhe raaj janne hote hai oos ki boondo ke

Ab ise tum inteha kaho ya na kaho
ya kaho jo bhi

Ye hawa ko chune jaisa hai wo jab behti hai to. Haat aati hai
Aur tumhe pata hota hai ki har pal phisal jata hai haat se.

Ab ise tum thaam lo ya chod do
Ya karo jo bhi