Be Panah - Romir

Dekho bichadna to sabko hai ek din
ek dusarese

Par aaj jab tumne keh diya ki kal se shayad na miloge tum
to hum chup rahe

Ab ise tum zindagi kaho ya na kaho
Ya kaho jo bhi

BHID

Bhid me chal raha hu main
Phir bhi bhid se hu juda

Tere raste chal raha hu main
Tere vaaste hi bakhuda

Sabhi ke man tanbadan
Sunaate hai ek katha
Kandhe pe laad kar chale
Har koi swayam vyatha
Is bhid me kisi ka kaun hai
Bas rakhate hai kam apne kamse
Saath Ram ko liye hue
Milne chale hai raamse

Subhah se wo chale jo
Milte hai wo sham ko
Apne paraye jo bhi hai
Bhul jaate hai naam ko

Kaisi hai jillat se bhari
Ye bhid vali zindagi

Kise bhi na mile kabhi
aisi yatana bhari bandagi
Tum jo karib aaye to muze kuch aisa laga
Aasma aur jameen ke beech badal hai sa jaga

AHSAAS
Izhar karu pyaar to phir ahsas na rahega

Ye dheeme dheme jalne ka prayas na rahega

Parwana jalke khak hua
Muze shama jaisa laga

Tere agosh me mit jau
Ek baar janam lu phir
Is pyaas ko rehne do
Isi tarah ban jau musafir

Dhundta rahu thikana koi anjan sa laga

Tum chal diye yuhi muze tarasta chodkar
Din bhar yuhi boond boond Barasta chodkar

Barish hua main muze
Kuch aisa hi laga

Tum jo karib aaye to muze kuch aisa laga

ATPATAA SA
kuch atpata sa hai rishta Humara tumhara
jaise hai sagar aur kinaara
tum tatastha ho main aate jaate rehta
phir bhi mukammal na Milana hamara

Ek aavran sa hai tumhari sataeh par
Na ched pata hu main uski dharohar
Roj roj milne se akarshan to hai
Tum aur lagate ho sundar manohar

Tumhe koi chuta to tum naaraj hote
Par main kareeb hota hu to na jatate
Mera man dol jaata hai manav hu mai
Tum janate ho par kyon na batate

Ek sham dedo jo bas ho hamari
Tumhare agosh me jaye raat sari
Wo lamha main aaj bhi hu sanjota
Jo sapne me dekha tha ek raat sari

IPTEDA

Karte hai pyar tumse
Itni hai bas khata

Tumse kahe na kahe
Ye to ab Tu hi bata

Tere aanese mahaol ulaz jata hai
Ye narak zindagi ka jannat najar aata hai

Khayal saare manshaye bhul jaata hu
Bas ek tera chehera najar aata hai

Tere dilme bhi kuch aisa hai to tu bhi jata

Agar main kehdu to ye pyar badal jayega
Jis tarah milta hai tu kya phirse mil payega

Tere hathonse iski dor nikal jayegi
Ab jo ahsas hai meethasa wo na mil payega

Kahi ye tohfaye ishq na ho jaye lapata

VAJAH
Tumse milkar u laga jaise koi hui subah

Zindagi nai si lagane lagi usko jeene ki tum ho vajah…..

Paas aaye muskuraye koi man me gungunaye
Tere saye mere saye Ek dusare me kho jaye

Tumse lipatkar aisa laga Jaise koi suhani sabah……..

Vaadiyo me misra tera Labj tere itr tera
Rahtoki barishe hai Door karde ye andhera

Tumse milkar dil ashna Ashiqi par tere hai fida……..

Baar baar puchta hai man Kab miloge firse humein
Dilme hum rakhate hai sabse chupaye tumhe

Ab dono jaha chute bhi agar kaise ho jaoge juda………..

KHABAR

Sahi hai ke nahi hai
Par sach baat to yahi hai

Tu aaj kal kaha hai
Teri koi khabar nahi hai

Atyachar aur nirasha
Ke badal chaye hue hai
Andhero ke hai shamiyane

Ujale to ro rahe hai

Ye kis mod par hai duniya
Manjiloki shakl bhi nahi hai

Tumne kaha tha aaoge tum
Jab jab adharm hoga

Ye kaisi pariksha hai sabki
Kab ab sadharm hoga

Kisi ke bhi man me tumhari
Kahi bi chabi nahi hai

Bhoot ka balidaan karke
Bhavishya ki aur chalenge
Nimish matr vartamaan ko
Hum Vyathit hoke milenge

To phir samay se bhi koi
Umeed ki dharohar nahi hai

BARISH

Ye kiski julphose ulazkar
Aaj barish baras rahi hai

Aasman ki bhi bahe
Jamee ko kas rahi hai

Paani itna hai jalta
Ke aag zulas rahi hai
Kise bhigata dekhane ko
Ye aankhe taras rahi hai

Gili aahe tamannaon ko
Yuhi Dastak de rahi hai
Tumhari moujudagi yaha
Ruh mehsus kar rahi hai

SHIKAWA

Shikwa nahi hai koi
Jab tera saath hai
Mai mera nahi hu mazi
Phakat ye jajbaat hai

Gar ye man hi na hota
To sharir ka mai kya karta

Gar tan badan na hota
To man kaise bol pata

In dono ka ek hona hi
To meri hayat hai

Man wohi hai rehta
Tan kitne bhi badal jaye

Tere meri alag ho
Chahe dishayen rahe

Jab ek hi strot iska
Yeh kaynaat hai

Tere sparsh se main
Mujhko hi main hu choota

Pehchan ta hu tumko
Tumko hi main sanjota

Ab ek hi ho gaye hum
Ye khud se mulakat hai

LIKHNA

Aaj jab kaha tumse
Ki main tumse pyyar karta hu

To dilka ek boz halka hua
Kitne dinose yuhi jal raha tha

Ab jalna chod dunga

Tumse ye baat kahu na kahu
Gar rooth jaoge to

Jajbatonka tufan liye ghumta tha
Ab likhna chod dunga

Kahte hue ek dar sa tha
Ju shayad maut samne khadi ho
Aur zindagi haath se chut na jaye kahi

Ab jeena chod dunga

Ab ek khali pan hai ruh ko
Kya karu samaz nahi pa raha
Jab izhar nahi hua tha to zindagi me jaan thi

Main kahunga hi nahi
Tumse mai pyaar karta hu

Kehna chod dunga

DAATA

Daata tere daan ka
Main kaise balidaan karu
Jo deta hai niswarth se
Main swarth ka apmaan karu

Daata dete dete tu
Muzko apni daanat bhi de

Main bhi daan diya karu
Eaisa ek parmarath bhi de

Daata Deneka anand bahu
Kuch nahi to mitti du daan me

Deneki aadat na chute
Udgrit ho meri pehchaan me

Daata teri duniya me
Main khud ko hi daan karu

Tere chola pehnu mai
Tuzko hi paridhaan karu

ADHURA RISHTA

Yeh adhura sa rishta hai
Ise poora kardo

Muzko cheenkar muzse
Muze poora kardo

Aankh nam ho jaati hai
Jab tera saath na ho
Umra kam ho jaati hai

Jab haatome haath na ho

Isse main mar jaunga
Aake zinda kar do

Sirf ye chehra teri aawaz
Ya phir aankhe teri

Na mukkamal hai inse
Dosti ye meri

Tere jimmedar dilka pyaar
Muzme bhar do

Kyon ye shak hai ki
Is baat se anjaan hai tu
Pyaar mera na samazte ho

Kitna nadaan hai tu

Kam se kam thukrane liye hi
Mulakat kar do

FAKIR
Na bhavishya ki chinta

Na bhut ki mimansa
Aaaj me abhi me

Main to mast rehta

Main fakir hu
Ram aur rahim ka

Rahbeer hu
Main fakir hu

Laga muze ruku
To main theherta

Chala jaata hu
Jidhar le jaye rasta

Na main haat ki rekha
Na naseeb ki koi lakir hu

Mast maula hu
Main zindagi ka kya karu

Uska naam lu
Use paane ko sajda karu

Wo mera rehnuma
Usiki main jageer hu

Main fakir hu

Main fakir hu

SAANS
saso k bina ji sakta hu

Tuj bin nahi
Tiktik hoti nahi ghadime

gum Palchin kahi
Tu dastak de to dhadkan

ji uthe meri
tere khayal me rounake

zindagi varna nahi
Kabhi socha hai
pathar me bhi jaan hoti hai
Tu baras ke dekh to hara
rang hoga muzme kahi

Ek hi aarju hai
marnese pahle jee uthu

Gale lag ja mere tu
sukun ab khoya kahi

JUD GAYA
Tum yaad aye ho abhi

To tum se jud gaya
Ek panchi bina pankh hi

Aasma me ud gaya.

Waqt k aayaam sab
Is taraha badal gaye
K Main vartaman ke
Haathose nikal gaya

Tumhari yaad aksar
Kuch unkahi kehti hai
Ek nadi ki tarah nas nas me
Man samander ban gaya

Sagar samete dil me
Main kinara dhundh ta hu

Tere shaher me akar
Main vapas chala gaya

LAPATA

Kya tumhe hai ye pata Tum ho to main hu lapata

Zindagi se hu judaa Main dhundata khud ka pata

Tu mila to mil gayi
Mangi hui muzko dua
Aur phir main janata na

Uske aage kya hua

Maaf hi karna agar kuch ho bhi Jayegi khata

Na ban hi pau parwana
teri mehfil ka main

Gar vajeh hi ban hi jau
tere dage dil ka main

To apne kwabose muzko dilke daman se mita

Kya tumhe hai ye pata Tum ho to main hu lapata

Pas baitho to jara

Boondoki malaose gili gili sarabor
Keh rahi ho saath mere baitho to jara

Ye sulagta yaouvan kahi jal hi na jau main
Ye sapna sach hote hote dekhane to do jara

Ye mausam ne aaj kaise hai aag u lagai
Tere saath dheeme dheeme jalne to do jara

Meri najar me sabne dekha hai pyaar tera
Kahi behek hi najau jalim sambhalne to do jara

Na dekha karo yun humko itne bhi pyyar se
Isi duniya me bhi humko jeene to do jara

BHAY

Matr ek kalpana sa hai yeh bhay
Usper pani hogi tumko hi vijay

Sochte ho ye hua to wo ho jayega
Kruti se pahle prinam kya payega
Gar tum sahi ho to rasta nek hai
Kuch bhi hone ke aasar to anek hai

Sanskar aur vichar ka vishwas ho
Kuch accha paneka manme dhyas ho

Nirnay se juda hua abhyas ho
To dar ka samana bhi ek prayas ho

Pane ka dar khone ka bhay rahe sada
Us pe jeet paane ki bhi ho ek ada
Nirbhay rahe satark. aur sanjida
Aajse abhise bhay ko karna alvida

Bhay nahi to man kitna sahaj hai
Halka hai man ab na use boz hai
Sundar satik pardarsh niswarth man
He mitr abhay hai tu nirbhay ban

IBAADAT

Pyaar kya hai Ek ibadat
jise maine manga nahi
Muze mil hi gayi Wo chahat
Jise maine chaha nahi

Tu na mila to Ruswa hue
hai labj mere Shayarise

Na jane kaha titar bitar hai
Unhe maine khoya Kahi

Ab mai kaise bayan karu
Jo chahata hu kehna tumhe

Bin kahe tumhe raaj ye
Dilme mere rehta nahi

Nigaho ko apne tum
Dilse mere jod do

Aur sunlo iski jabani
Main to kuch kehta nahi

Ishq wishq to phalsafa hai
Haqiqat to kuch aur hai
Sab kahenge tumko jaanam
Par mai isne behta nahi

FARYAAAD
Faryaad me tera naam aaya

ye mera gustakh dil
Tu hai kaha e jaane ja
Ab to muzko aake mil

Tu nahi to. Rastoko
Manzile milti nahi
Tere na hone se

Aksar ye saba khilti nahi

Tu nahi shamil to Mehfil me nahi lagata hai dil

Tere aane se hi roshan
Hogi meri zindagi

Bepak bematlab hai meri
Iptadaye bandagi

Safar mera e hamsafar
Kar kabile aaram dil

SARPHIRA
Man ye pagal hai mera

Kalpanose ghira
Sochta hai namumkin

Hai jarasa sar phira

Sochta hai tumko aur
Tumse judi baate kai
Sajata hai khoob manjar
Chahata hai phir wohi

Maayus hota hai ye phir
Jab kadmoko milti dhara

Gar kahi sach ho bhi jaye
Iski koi mannate

Chod kar ye bhag jata peeche sari jannate

Mangta hai aur jyada
Kahi ched hai isko jara

Kab ye samaz payega
Santushti sadhan shanti ka

Kabhi to tut jayega pul
Iski asat bhranti ka

Sat se judke sat asat ka
Khatm karde majra

Man to pagal hai mera
Kalpanaose ghira

SOCH
Main sochta hu
Soch janm kaha se leti hai
Ya phir sadiyon se
Yeh yehipar hi hoti hai

Khayal aata hai
Aur ek shabd ban jata
Shabd kriya aur kriya
Ghatanakram hai ban jata

To phir is jeevan ka ugam
Ek vichar hi hoga

Hum sochate hai jo
Wo sakar hi hoga

To chalo kuch aisa soche
Jisse ye sansar sundar ho

Ek boond se dhara
Dhara nadise samandar ho

TEHELNA CHAND KA

Chaand aaj aasmaan me hai jal raha
Kisiki aah me woh chandani nigal raha

Raat dheeme chal rahi hai
Sapne bhi kuchal rahi hai
Nind aankhose pare hai
Lahre man uchal rahi hai

Sagar kinaropar hai pighal raha
Chaand aaj aasmaan me hai jal raha

Thodi der aur kirane aayegi
Iski sari tapan chupayegi
Aasma me na rahega nisha

Baha ke chaand zindagi ye jayegi

Phir raat honetak muze woh chal raha
Chaand mere man me kyun tehel raha

Roklo

Waise to milte hai sab humse
Par itne pyar se koi nahi milta
Tumhe dekh kar yeh man mera
Ek phool ki traha hai khilta

Phir ek dhun bajne lagati hai
Gazal shabdose sajane lagti hai
Tumse baate to karta hu main
Par ankhe sapne sanjone lagati hai

Phir tum milkar chale jaate ho
Par mere saath kuch reh jaate ho
Wo hissa tumhara mere man me
Waqt main aur tum beh jaate ho

Kabhi rok lo muzko lamha rukne do
Akash ko dharti par zhukne to do
Main ek pal yeh jee bhar ke jeelu
Tere pyar me jara mehekne to do

Kaliya Khilegi
Zindagi jis tarah se tum dekhlo
Us tarah se wo tumhe milegi
Khilega chaman tere bagka
Gar tere dilme bhi kaliya khilegi

Ek teri muskurahat
Dede diloko aisi rahat
Aah me rakha hi hai kya
Jab nahi usme bhi chahat

Lau diyeki umrabhar to jalegi Us tarah se wo tumhe bhi milegi

Kal gaya wo kal phir na aayega
Kal tumhara aaj tu na payega
Suraj dikha hai aaj ka dhal jayega
Raat se bhi jo rishta nibhayega

Usiki bhi chandni raate khilegi Us tarah se wo tumhe bhi milegi

Sab ye khel hai zhehen ka
Abhas hai ye satya manka
Samne to dikh raha hai
Tairta hua pani pe tinka

Pehchan lo jo uski takat to dikhegi Us tarah se wo tumhe bhi milegi

Kafila

Tumse milne main chala
Safar me mit gaya fasala
Jidhar dekhata hu main
Waha par muzako tu mila

Ab tujse main ye kahunga
TAb tu mujse wo kahoge
Na jaane kitni baaton ka
Chal raha man me silsila

Tum saath the to aas thi
Man me teri ek pyaas thi
Us mod par us raah par
tumne chod diya diljala

Ab tum miloge is baat se
Tera hath chut gaya hathse
Jab main mila meri raatse
To chaand k man me tha gila

In otho ko chu lene do
Aghosh me jee lene do
Tere sanso ka meri sason ka
Bas chalta rahe yeh kafila

Ankhe Moond Li

Maine aankhe moond li Aur dekha ek najara
Meri aankho me tha tu ek Sitara

Maine dhadkan rokli
Aur jeena nakara
To teri dhadkan se
mila tha sahara

Maine sapna dekha tha
tumne ankhe moond li
Aur mera sapna
tumne sawaara

Tum rahe gumsum na samzhe ek mera isahra
To kya karu jab dil ne tere pukara

Khatm hogi dooriya
fasle majbooriya
Jab mil hi jaoge
sanam tum dobaara

Ooth tere Chum lunga
agosh me samet lunga
Kbhi na bhulogi
tum wo sharara

Ab main ankhe kholata hu Tum kahi jana nahi
Kitna suhana tha milan ye hamara

Jo hua So hua

Muze ek bewafa se pyar hua so hua
Dilko chot lagi to kya hua jo hua

Meri najrose tum girke ashk hue janeja
Meri tarha kise bhi rulana nahi janeja

Kho diya eitbaar is pyaar se to kya hua
Muze ek bewafa se pyar hua so hua

Samne ate ho muskurate ho to lage sapna
Kis tarah hum jiye kho gaya hai jigar apna

Ab tu dede jeher to asar hi nahi to kya
dua Muze ek bewafa se pyar hua so hua

Suna hai ye mai hoti nahi bewafa
Jitna chaho ise utni deti hai ye wafa

Sukun hai jarasa jabse isko maine chua
Muze ek bewafa se pyar hua so hua

Khat

Ek khat likha hai maine tumhe
Wo maine daak kiya hi nahi

Main khud hi padhta hu roj use
Bas phir bhi man bharta hi nahi

Mere priy likha uske age muzjhse
Tere nam bhi na likhne aya tha.

Us waqt mere dil ne tumko
Jaane Kitna karib paya tha

Wo ahsaas us pal ka zilmil zilmil
Man Chanchal titli sa rukta hi nahi

Phir mehkne lagate hai labj
Barasne lagati hai aisi shabnam

Tumhe kuch kahte kahte aksar
Beet hi jate janam janam

Lifafe par pata likha
wo to tha mere dilka

Isliye janeman maine
use daak me diya hi nahi

Samzhao to

Zhulaste hai kai arman
Machalte hai pighalte hai

Afsos bhi nahi karate Hum
jab bhi tusmse bichadte hai

Ye rishte sambhalne k liye
use waqt bhi dena chahiye

Milne k liye waqt nahi to
Bolo kaise bhala nibhaiye

Sapne me hota hai milan
Par wo to bas ektarfa hai

Ek naam tera labpe aya to
Hangama kitna barpa hai

Aaj bhi tum keh rahe the
Saath chalo jara ruk jao to

Main to uth aaya mefil se
Dil wahi hai use samzhao to

KAHANI
Main likh raha kahani mere intajaar ki

Kis tarah inayate hai muzpe pyaar ki

Baitha hu uski rah par
Najre bichake yun

Boond ko tarasta hai
Ju Bhumi ka junu

Wo ayegi yaha pe abhi rut bahar ki
Kis tarah inayate hai muzpe pyaar ki

Dehek rahi hai saanse
Behek raha hai man
Saari kaaynaat hi
Dhunde tumhe sajan

Madhoshiya hai yu dile bekarar ki
Kis tarah inayate hai muzpe pyaar ki

Tere daras ki chaah me
Main to chalak raha

Jo bhi mila hai aaj muzhe wo mehek raha

Jadugari hai ye fakat deedar yaar ki
Kis tarah inayate hai muzpe pyaar ki

ZEHEN

Tum mere jehen me
Ho taral Ho sahej
Ya jannat ki aur main
Chal raha hu mehej

Hara sa patta kahi
Ug raha shakh par
Ya koi sapna yuhi
Tairta aankh par

Ya haseen libas me
Koi phul khil gaya

Ya kisi peer ko
Bakhuda hi mil gaya

Pahad par zheel ko
Raah mil gayi nayi
Ek boond se hi aaj
Ek nadi bhar gayi

Wadiyo ne kuch likha
Daal daal paat par
Panchiyo ne padha
Gaur kiya baat par

Samudra itmanan se
Tat se baitha rel kar

Ya kahi kashti koi
Hairan hai tufan zel kar

Tum aa gaye ho samne
Aur milayi hai najar

Bas mil gayi manzil muze
Main bhatak raha tha darbadar

KAASH
: Itne pyar se tham kar
Kitni chaav se padhte ho
Kash main tum padh rahe ho wo akhabaar hi hoti

Jalti pal pal par tumhare othon se to lagi rehti
Kash main tumhari cigrette hi hoti

Dil se lagi rehti Jebpar
Likhti jo hai man me tumhare
Kash Tum jo likhate wah pen hi main hoti

Hath me haath thamkar chalti rehti umrabhar
Kash main teri wristwatch hi hoti

Ye hoti mai wo hoti
Tumhare hamesha pass hoti
Kash main tumhara ahsaas hoti

BEWAFA

Muze ek bewafa se pyar hua so hua
Dilko chot lagi to kya hua jo hua

Meri najrose tum girke ashk hue janeja
Meri tarha kise bhi rulana nahi janeja

Kho diya eitbaar is pyaar se to kya hua
Muze ek bewafa se pyar hua so hua

Samne ate ho muskurate ho to lage sapna
Kis tarah hum jiye kho gaya hai jigar apna

Ab tu dede jeher to asar hi nahi to kya dua
Muze ek bewafa se pyar hua so hua

Suna hai ye mai hoti nahi bewafa
Jitna chaho ise utni deti hai ye wafa

Sukun hai jarasa jabse isko maine chua
Muze ek bewafa se pyar hua so hua

ISRAAR

Hum israar(telling again and again) karte hai
Mohabat hai
Mohabat hai

Ikaraar karte hai

Ilm na tha is baat ka
Hum aayan(jahir) karte hai
Arsh( 8th heaven) ke ahsaas ka

Hum bayan karte hai

Ulfat ke hum aalim(pandit) na the
usne shagird kar liya

Gaalib se hume rashk( heva) tha
Usne shayeer kar diya

Rubaru hokar khuda se
bajm e bada(daruchi mehfil) karte hai

Ashiqi bhi to fakat jouke(shauk) Romir hai nahi
Har kisi shay main hai to khuda mai( daru) me kyo nahi

Mushtak (abhilashi) hai hum jeba ( sunder) husnki
Tamanna e dil karte hai
Mohabat hai
Mohabat hai
Ikaraar karte hai

JUHI

Tumse muzhe mohabbat hai to milna jaruri nahi
Man to phata zola hai iski pyaas kabhi hoti puri nahi

Tum ho kahi khush yehi bas mere liye ye kafi hai
Par main tumhare paas nahi e meri gustakhi hai

Sirf tumhari yaad hi aaye to mehkne lagti hai juhi
Geet gungunane lagte hai
Waqt bewaqt hum b yuhi

Chalo dekh lo tum chand nil gagan me aaj raat ko
Main bhi dekhunga usee to apne dilse dilki baat ho

PANKH

Hain jinko pankh mile
Wo ashiyana banate hai
Tinka tinka jod jod kar
Wo kun rukna chahte hai

Aur ek main hu bina pankh hi
Kun udneka yatna karu

Ek jagah par nahi thehrta
Man kinta bhi prayatna karu

Jo jisko nahi mila hai
Vah uski hi aas dhare
Jeevan to hai naam isika
Paane ka praaas kare

Chalo tum bhi ban jao
Jo ho usse bhi behtar aur
Zhank lo manme aur tham lo
Kati patang ki udati dor

AHAM

Main hu ek vichar matr
Main hu aham tere ruh ka
Kan kan me hai atma basi
Mai bhi hu kan us vyuhka

Vicharonko tyag kar main
Dhyan jab karata kabhi
Ruh ki spandanose nikat

khud ko main pata tabhi

Sharir rakt aur vichar ek
Chitapar jab mai jalunga
Chaitanya se Mukt hokar
Mai tumsehi akar milunga

Jis tarang antrang se
shuru hua hai yeh safar
Ek din usi kshan me jana
Ho jana hai krishna vivar

Aaj main aham se meri
Atma ko tatolta hu

Tum bhi man ki bat sunlo
Main jo manse bolta hu

TAKAJA

Dekhle tu yeh teri najar ka takaja hai
Tu kahe to jannat kahe to janaja hai

Aib to duniya me bhi hai zindagi to apni hai
Tu sochta hai khamiya hai
Ya bahot jyada hai

Jitna chaloge rah tum Shorishe (gondhal) utni mile
Kaunsi manzil hai pana wo tera irada hai

Kabhi aaina dekhna tu bhi manka e mere dost
Bayan nahi karte hum bhi itni maryada hai

Shayro ka bas chale to saari duniya badal de
Kitne aaye aur chal diye
Takdeer amada hai

Todakar dil tumne mera ek najm ko di zindagi
Chod dunga bandagi teri khuda ye vaada hai