LAIA 09
Esku artean duzun LAIA honekin 3 urteko ziklo bat bete dugu. 2020ko udaberrian argitaratu genuen<br>lehen alea, gogoz handiz eta ilusioz beterik bidea egiteko prest. Jada ia-ahaztu badugu ere, Covid-19ak<br>sortu zuen krisi haren hasieran ginen. Elkar-zaintzari ordura arte baina serioago begira, komunitate<br>sentsazioa indartu nahian eta komunitate horrek lurraldeari lotuta behar duela ozen oihukatzen.<br>3 urte bete dugu baina ez ditugu asko aldatu aldizkarian jorratu ditugun gaiak. Honako ale honetan ere,<br>orduko hartan egin genuen moduan, zaintza, bizi garen lurraldea edo bizi dugun espazioa, etxe<br>kooperatibak eta burujabetza ezberdinak jorratu ditugu, besteak beste. Horiek baitira gure kezkak: nola<br>izan burujabe, nola harremandu geure artean, non harremandu, nolako espazioak sortu, zein harreman dun<br>espazioarekin...<br>Gaiak errepikatzeri dagokionez (eta ez dugu nahita egin!), LAIAren lehen ale hartan internet eskubideaz<br>aritu zitzaizkigun Izarkom Kooperatibako kideak, eta oraingoan, proiektuak 5 urte bete berri dituela<br>probestuz, operadoraren ibilbideari buruz galdetu diegu. Zein izan da Izarkomen ibilbidea 2017 hartatik<br>gaur arte? Zergatik sortu ziren? Zeintzuk ziren ametsak?<br>Ibilbide bat behar dute proiektu guztiek ametsetatik lurrera jaitsi eta ibilian hasteko. Pausoz-pauso bidea<br>egiten ikasi eta norabideak hobeto aukeratzeko, helburu berriak ezartzeko eta egindakoari harro<br>begiratzeko. Hori egin du Izarkomek azken bost urte hauetan; aurrera jo. Presarik gabe, ezker-eskuin ondo<br>begiratuz eta emandako pausuak ondo aztertuz, baina bidea egin. Eta hori egin du LAIAk sortu zenetik:<br>Eztabaidak bultzatu, aurrera begirako erronka berriak hartu, baina atzera ere begiratuz; garrantzitsua baita<br>amets hura zerk piztu zuen argi edukitzea.<br>3 urte bete ditugu, baina beste hainbeste betetzeko gogoz gatoz. Ekonomia bere zentzu zabalenean,<br>sozialenean hartu eta gure kezkak mahai gainean jartzera.<br>Zatoz gurekin!
-
Follow
-
0
-
Embed
-
Share
-
Upload
