TADAU-KOHIMO DII KINADAA'AN DI TUHAN (TADAU KOHIMO TOBITUA)
TADAU KOHIMO TOBITUA TADAU-KOHIMO DII KINADAA'AN DI TUHAN (TADAU KOHIMO TOBITUA) II KALAMAZAN DII KINADAA'AN DI TUHAN Kanou sumambayang: SAMBAYANG Ondomo' o kosianan ngaavi' Nu, Oi Tuhan, om miampai koumohigan Nu sogiigisom bituaho' i suupu Nu ngaavi', montok diisai do i Kristus Tanak Nu, maza' dii kopohuzungan dii Zaa' Dau', nokoponuidong dii misterium' do Paska. Ii mamaamasi om momolinta' montok sohiihinaid aiso kopupuson. Amen. toi’: Oi Kinoingan, ii maza' dii Kinadaa'an di Kristus Tanak Nu, Tuhan za, nokopongidu' dii kapatazon notungkus mantad douso guuguhu maza' do potitikid sinakagon sumusuut, panaak no do miaga do, nokounung doid Disido, novit za maza' dii undang-undang do kodoodouvo' ii koomitonon dii tuhun do tana', dadi' maza' dii kopombituahan do grasia poingovit zikoi no daa dii koomitonon dii Tuhun do Surga. Maza' di Kristus Tuhan za. Amen. 1
TADAU KOHIMO TOBITUA PAMBASAAN KOISO' Pambasaan mantad di profeta Isaiah 52. 13 - 53:12 Bio', i suupu Ku mogkoongoo' i', kakaton mai' popoinsavat Isido, ozoon, minsavat doid tangakavas kozo. Do maso ii tinimungan tuhun togumu' do ohibabaan do kokito Disido - nousang kozo o kokitanai Disido do miaga ko' okon nodii' ko tuhun Isido - ingkaa no i' do ii tinimungan tuhun togumu' do atangahan do id Disido, om laja' ngaavi' poingkakat do aiso-boos id dumbangan Disido; tu' kivaa mai' tokito dioho' ii au' po nokookosunud om kivaa tasasi' di au' po noongou-ongou; 'Isai dii o otumbazaan do nunu ii noongou dagai, om doid diisai ii kivaa kuasa' di Tuhan d nokointahang?' Miaga do tohid-suni guminazo Isido id dumbangan dagai, miaga do gamut id tana' nakakahang. Miampai-aiso vinanus, miampai-aiso doun kolaja-an (okito dagai Isido), aiso kokitanan ngaavi' do kagazat do mato dagai; iso' konunu kahadangan om zinadaan do tuhun ngaavi', songuhun tuhun id katangaban ngaavi' om noubas miampai kadaa'an, songuhun tuhun do mamadadi do tuhun ngaavi' do monokop do voos ngaavi' dioho'; kahaahadangan Isido om au' zikoi minonongkoiho Disido. Om do' dagai i' ma dii kadaa’an ngaavi' binabo Disido, dagai dii katangaban ngaavi' novit Disido. Nga' izikoi, minomusoou izikoi Disido sabaagi songuhun noukum, nimangan di Kinoingan, om novit poposiibo' Nga' nahapus noduak Isido montok hasa' ngaavi' dagai, nouta montok do douso ngaavi' dagai. Do id Disido no do poimvihiu o ukum ii mogovit dagai do pibabasan, om maza' dii ganit ngaavi' Dau' ohingasan zikoi. Saviavi' zikoi do nakaahau miaga do kambing biri-biri' ngaavi', tosoosonguhun do tumanud do lahan dau-sondii', om nimaan daa'o' di Tuhan Isido miampai dii douso ngaavi' dagai saviavi'. 2
TADAU KOHIMO TOBITUA Nimaan dii noindaadamaan-kozo, binabo kozo Disido ii do ohudukkozo Isido, au'-insan Isido do minongukab dii kabang Dau', miaga do tananak-kambing-biri-biri' ii oviton doid dii hamin pangangaatan, miaga do kambing-biri-biri' ii poimbobou id dumbangan dii momumuga do vuhu' tu' au'-insan mongukab do kabang dii. Maza' do sonsog om maza' do undang-undang do novit Isido; kivaa naku iisai-noopo tumampung-mongumohig Disido? Oo', hinangkab Isido do mongidu' mantad dii tana' dii songimpasi; montok hasa' ngaavi' dagai do nimangan podunsongo' id kapatazon. Noonuan dioho' Isido do hobong miampai dii tangalaat, om pamahabangan miampai dii puavang, sundung aiso hasa' nimaan Dau' om aiso do vudut id kabang Dau' Naanangan i Tuhan do minomidaa Disido miampai koundasaan. Nung taakon Disido ii koposizon Dau' id koponogitan, kokito mai' isido dii tungkusan ngaavi' Dau', kikoposizon tanaau mai' Isido om maza' Disido do nunu ii hizabon di Tuhan nga' oimaan i'. Kadaa-an di koduuduvo Dau' opongo po, kokito i' Isido dii tanavau om asantaban. Maza' do koundasaan ngaavi' Dau' i suupu ku do kopopotopot mai' do kogumuan, maganu do hasa' ngaavi' dioho' do id Dau-sondii' Iti nodii do manaak Zou i' Disido do tuhun-togumu-kozo montok ponongku-au' giigina' doid Disido, boogizon mai' Disido ii na’aau miampai dii tongindama, montok do papataak Dau-sondii' doid kapatazon om popohunbozo' Dau-sondii' do onuon montok do momimidouso, do maso Isido poimbabo' dii hasa' ngaavi' do kogumuan om sumambayang id saviavi' timpu' do montok do momimidouso ngaavi. II BOOS DI TUHAN. KOTOHUADAN DOID DI KINOINGAN. 3
TADAU KOHIMO TOBITUA HOZOU KOSIMBAAN (Hozou-kapaazaan ko-30: 2.6.12-13, 15-17, 25, S/LK 23: 46) Oi Ama', doid hongon Nu pataakon Ku i sunduvan Ku. 1) Id Diau', Oi Tuhan, sumusut zou mokiumohig. Kada' zou no potumbazaai do pokoozon doid koikuman. Id kotuhidan Nu, pagabaso' zou. Doid hongon Nu pataakon ku i sunduvan Ku. Iziau no ii monobus dogo', oi Tuhan 2) Id dumbangan do saviavi' gagut Ku Izou no o kahahadangan, iso' konunu do kahahadangan doid sungkad-tukad Ku ngaavi' om do koo-osi doid tambahut Ku ngaavi' 3) Sontob dii kokito dogo' id dii talun-alun Manangkus mogidu mantad dogo'. Miaga Zou do tuhun napatai, nohiivan id ginavo do tuhun ngaavi', miaga do konunu nakataam. 4) Nga' izou nopo do dau', humansan zou id Diau, oi Tuhan, Moboos zou: 'Iziau no i Kinoingan ku' Koposizon ku id hongon Nu, pagabaso zou, mantad dii hongon dii sontob abaazatan dogo'. 5) Papabango' mo voos Nu do id suupu nu. Tomposizo' zou id koginavaan Nu. Kavakas no, patamao' ino' ginavo Nu, saviavi' ii humansan id di Tuhan. 4
TADAU KOHIMO TOBITUA PAMBASAAN KODUVO Pambasaan mantad dii suat doid di tuhun ngaavi' do Hebrew 4. 14-16, 5: 7-9 Tu' id di Jesus, ii Tanak di Kinoingan, do kivaa dotokou do padri' takavas kozo ii nokoduapus doid dii tavan takavas-kozo, mositi' do au-insan' tokou do popotumbozo' dotokou do humangkab' di kotumbazaan ii natanud dotokou. Tu' iti nopo nga' okon i' ko' miaga koi' kivaa dotokou do padri' takavas ii au' nakaanu do momiumon do komungkangan ngaavi' dotokou ii miampai dotokou, nga' kivaa dotokou do songuhun ii noimbaazat id potitikid lahan do miaga dotokou, sundung do aiso douso Disido. Dadi', kanou no mimang hansan, do minsomok dii tiikoon-laja' do grasia, do kivaa nodii mai' do kobinsianan doid dotokou mantad Disido om ko-ium do grasia do ontok momoguno tokou do sakadai. Id-suang-timpu' do koposizon Disido do id tana', pinopoinsavat Isido do sambayang om kopokiinsianan, opuod om id tiad di au oongou, kumaa di songuhun ii kivaa do kuasa' do manampasi Disido do mantad kapatazon, om tuminaak Isido do ohudukkozo do noongou dii ii sambayang Dau'. Sundung do Isido no ii Tanak, mininsingiho Isido do mimozo' maza' do koundasaan; nga' kadadi nopo do poinggonop, duminadi Isido montok saviavi' ii mimozo' Disido do ii ontodonon do kopomosizan selajul. II BOOS DI TUHAN. KOTOHUASAN DOID DI KINOINGAN. KAPAABALAN DII ABAL-TAVASI Phil 2: 8-9 Kobontugan om kaazaan doid Diau, Oi Kristus! Ohuuhuduk po I Kristus, gisom-i-ma’ do mononoimo do kapatazon, kapatazon do id salip. Nga’ kinakat di Kinoingan Isido doid takavas om nonuan Isido dii ngaan ii takavas mantad do saviavi’ ngaan. 5
TADAU KOHIMO TOBITUA II ABAL-TAVASI Ii kinadaa'an di Tuhan dotokou Jesus Kristus tumanud sinuat di John 18: 1-19: 42 M: Monunusuzan. J: Jesus. SS: Songuhun suvai moboboos. TT: Tinimungan tuhun toi’ hobi songuhun moboboos. M: Tongkizad no i Jesus miampai di mokiki'ia' ngaavi' Dau om soboong no dii suok Kedron. Kivaa do kabun do doiho' dii, om suminuang Isido dii miampai di mokiki'ia' ngaavi' Dau. Nokoiho kozo i Judas, i popotobus' do tizonon dii, tu' saasau' i Jesus do suminoomo' di mokiki'ia' ngaavi' Dau' do doiho', om ovito no di Judas o sontimungan susumangod kuminaa' doid tizonon dii do miampai do iso tinimungan do mintatamong i sinuu' di padri' om di Pharisee ngaavi', do songingigit do sumbu, titiu om sindata' ngaavi; Poingiho do nunu o aantakan ngaavi' doid Dau', dadi' intutuk no i Jesus om poboos no, J: 'Isai o iumon diozu?' M: Simba no izioho, TT: 'I Jesus ii tuhun Nazareth.' M: Poboos no Isido, J: 'Izou no Isido.' M: Dadi' poingkakat do poingamung dioho' i Judas I popotobus Disido. Koboos nopo i Jesus do, "Izou no Isido" koundul no izioho' om kodunsong no do id tana'. Uot no Isido dioho' do kumoinduvo, 6
TADAU KOHIMO TOBITUA J: 'Isai o iumon diozu?' M: Poboos no izioho', TT: 'I Jesus ii tuhun Nazareth.' M: Simba no i Jesus, J: 'Nobiisaan Ku no iziozu do Izou no Isido. Nung Izou nopo o iumon diozu', pohogoso itia suvai ngaavi' do mogidu.' M: Iti nopo nga' monuhuk di boos ngaavi' i noboos Dau' do, 'Aiso i' songuhun di pinataak Nu Dogo' do natagak Ku'. I Simon Peter, i poingovit do ilang, minongodong di om kogonitai no dau i suupu di padri' takavas miampai noputu o tohingo vanan dau'. Ngaan nopo di suupu dii nga' i Malchus. Poboos no i Jesus doid di Peter, J: 'Posusuko' ino ilang nu do id tangkap dino; au' Ku naku inumon i sasavan i pinataak Dogo di Tama' Ku'?' M: Gokomo' no di tinimungan do susumangod om di huguan dioho om di mintatamong do Johudi ngaavi' i Jesus om kagasai no Isido. Ovito' po haid dioho' Isido doid di Annas, tu' i Annas nopo nga' tivanon di Caiaphas, i padri' takavas do toun dii. I Caiaphas no i minanaak-pomusaavan doid dii Johudi ngaavi' do, 'Moomogot no do apatai o songuhun do montok do tuhun ngaavi' Tuminanud di Jesus i Simon Peter miampai songuhun po o mokiki'ia'. Mokiki'ia' nopo diti, i otutunan di padri' takavas, nga' suminuang miampai di Jesus doid hamin tagazo di padri' takavas, nga' tuminimpoon i Peter do id habus di vavazaan. 7
TADAU KOHIMO TOBITUA Dadi' habus no i mokiki'ia' tiso, i otutunan di padri' takavas, om ponongkiboos no di tondu' ii mintamong di vavazaan om ovito' no suminuang i Peter. Poboos no doid di Peter i tondu' i mintamong di vavazaan, SS: 'Okonko' iziau nga' mokiki'ia' nogi do tuhun diho?' M: Simba no isido, SS: 'Okon.' M: Osogit do ontok dii, om podsudu no do alang i suupu ngaavi' om i mintatamong ngaavi', om ingkakat no izioho' do moginsiamut do doiho'; dadi', poingkakat nogi' i Peter do doiho' do moginsiamut dau sondii miampai di suvai. Uoto’ no di padri' takavas i Jesus kokomoi di mokiki'ia' ngaavi' Dau om di kopongia'an Dau'. Simba no i Jesus, J: Nokopoboos Zou do pointahang do montok kinongoon do pomogunan; Tomoimo Zou do minongia' do id suang do synagogue om id suang do Panambazangan Tagazo i titimungon do Johudi ngaavi'. Aiso i' do nokoboos Ku do poinhosok. Nookuo tu' muot ko Dogo'? Uoto' no i nongokoongou Dogo' do nunu i pino'ia Ku, koiho izioho' do nunu ii noboos Ku.' M: Mantad do boos dii, tapapo' no di songuhun di mintatamong songingkakat doiho o voos di Jesus, do minoboos, SS: 'Ingkaa no naku do sumimba do padri' takavas?' M: Simba no i Jesus, 8
TADAU KOHIMO TOBITUA J: 'Nung kivaa nopo do nakahasa do id nunu i noboos Ku, pointahango' no ii, nga' nung aiso do nakahasa dii, nookuo nodii tu' tapapon Zou diau?' M: Dadi' ponuu'ai no di Annas Isido do papaatod doid di Caiaphas, i padri' takavas do poingkagos o hongon. Di poingkakat i Simon Peter do doiho' do moginsiamut, poboos no doid disido o songuhun, SS: 'Okon naku ko' iziau nga' songuhun di mokiki'ia' Disido?' M: Ohimo no disido ii miampai minoboos, SS: 'Okon ko izou.’ M: Songuhun di suupu ngaavi' di padri' takavas, i koobpinoizan di tuhun i noputuhan do tohingo do tinibas di Peter, minoboos, SS: 'Okon ko nokito ku iziau' doiho' id kabun do miampai Disido?' M: Om ohimo' no vagu' di Peter ii; om imang no pingkukuuk o iso' tandaa'. Dadi' ovito' no dioho' i Jesus do mantad hamin di Caiaphas do kuminaa' doid Praetorium (tizonon do Gounal). Doungosuvab nodii ii. Au' i' izioho' sondii suminuang do id Praetorium mooi do au' dii izioho' ozomutan om do kaakan nodii di Pamakanan do Kinahapasan. Dadi' habus no i Pilate doid dioho' om poboos no, 9
TADAU KOHIMO TOBITUA SS: 'Nunu o totondos do novit diozu do pamahavan do tuhun diti?' M: Simba no izioho', TT: 'Nung okon ko tuhun kihasa Iziaho, nga' au' i' dagai oviton Isido doid diau.' M: Poboos no i Pilate, SS: 'Ovito' no diozu sondii Isido, om bisalaon no Isido tumanud di undang-undang diozu sondii.' M: Simba no i Johudi ngaavi', TT: 'Au' zikoi' i' pakavasaon do mongukum do tuhun do patazon. M: Ih nopo nga' monuhuk di boos ngaavi' i noboos di Jesus do popointahang di lahan do ingkuo Isido do matai. Dadi' guhi' no Pilate doid Praetorium (tizonon do Gounal) om hoovo' no disido i Jesus om uot no Disido, SS: 'Laja Ko naku do Johudi?' M: Simba no i Jesus, J: 'Iziau' naku sondii o muot diti, toi ko' kiva suvai pinopoboos diti doid diau kokomoi Dogo?' M: Simba no i Pilate, SS: Johudi zou naku? Tuhun Nu sondii' om i huguan do padri ngaavi' o pinapataak Diau' doid dogo; nunu o nimangan Nu?' 10
TADAU KOHIMO TOBITUA M: Simba no i Jesus, J: 'Kopomolintaan Ku nopo nga' okonko' doun pomogunan diti; nung doun pomogunan diti o kopomolintaan Ku, nga' nokoponongkiimang no daa o tuhun Ku ngaavi' do mongumohig Dogo' do kada 'do kataak Zou doid Johudi ngaavi'. Nga' kopomolintaan Ku nopo nga' okonko' miaga diti.' M: Poboos no i Pilate', SS: 'Dadi' laja Ko di naku?’ M: Simba no i Jesus', J: 'Iziau no o somboos diti. Oo', laja' Zou no. Nohodi Zou do montok diti, minikot Zou doid pomogunan do montok diti: do sumasi' di katapatan, om saviavi' ii id ponong do id katapatan nga' mokinongou do ohou Ku.' M: Poboos no i Pilate, SS: 'Katapatan? Nunu ino?' M: Om mantad diho do habus no vagu' isido do kuminaa' doid di Johudi ngaavi' om poboos no, SS: 'Aiso i' do hasa' do to'ium ku do id Disido. Nga' tumanud nopo do koubasanan diozu apatut zou do papahapas do songuhun i pointolungku' do ontok Kalamazan do Kinahapasan; dadi', mimang kou naku, do pahapason ku i laja' do tuhun Johudi?' M: Id diti no do gizak no izioho', TT: 'Okonko' tuhun diti, nga' i Barabbas?' 11
TADAU KOHIMO TOBITUA M: I Barabbas nopo nga' magagaau. Dadi' pokiovitai no di Pilate i Jesus om pokibabagai no; kopongo po iti, ponoodo no do siga mantad ugi' i susumangod ngaavi' om posigaai no Disido, om kuihibai no Isido do kuihib i aagang-agang binulou. Mingguuguhion izioho' do mikot doid Disido om minoboos, TT: 'Tabi', oi laja' do tuhun Johudi!’ M: om tapapon no dioho' o voos Disido. Habus no vagu' i Pilate om poboos no doid dioho, SS: 'Bio', oviton ku Isido do humabus doid diozu' do popokito diozu do aiso i' do hasa Dau do to'ium ku.' M: Dadi' habus no i Jesus do poinsiga do ugi' om poinkuihib do kuihib I aagang-agang binulou. Poboos no i Pilate, SS: 'Itia iti tuhun.' M: Kokito nopo dioho' Isido gizak no i huguan do padri' ngaavi' om i mintatamong ngaavi', TT: ‘Papapakon Isido! Papapakon Isido!’ M: Poboos no i Pilate, SS: 'Ovito' no diozu sondii Isido om papapakon no Isido: Aiso i' do hasa Disido do to'ium ku.' M: Simba no i Johudi ngaavi, 12
TADAU KOHIMO TOBITUA TT: 'Kivaa i undang-undang dagai, om tumanud do undangundang dii apatut Isido do patazon, tu' minagampa Isido do Tanak o Kinoingan.' M: Koongou nopo di Pilate izioho' do minoboos diti ko'uangai no o koo’osi disido. Suvon no vagu isido do id Praetorium (tizonon do Gounal), poboos no isido doid di Jesus, SS: ‘Mantad Ko doid nomboo?' M: Nga' au' suminimba i Jesus. Dadi' poboos no i Pilate doid Disido, SS: 'Au' Ko naku asaga do monongkiboos doid dogo?' Tantu no do nokoiho' Ko do kikuasa' zou do papahapas Diau om kikuasa zou do papapapak Diau?' M: Simba no i Jesus, J: 'Aiso' i' do kuasa' nu doid Dogo' nung okon ko pinataak diau ii do mantad savat; iho' no poogi do poinghoohobi po o hasa' di songuhun i pinapataak Dogo doid diau.' M: Mantad timpu' dii do kigiiginavo daa i Pilate do papahapas Disido, nga' gizak no i Johudi ngaavi, TT: 'Nung pahapason nu Isido okon ko tambahut ko di Caesar; isai nopo i mamadadi dau' sondii do laja' nga' humavan di Caesar.' M: Koongou nopo di Pilate o boos ngaavi' diti, pokiovitai no dau' do huminabus i Jesus, om iikau nodii isido do id tiikoon pombisalaan id iso' tizonon i pungaanan do Inantai, id Hebrew nopo nga' Gabbatha. Ontok dii Tadau Kopotoundaan do Kinahapasan ii', kuang hobi do jaam koopod om duvo tangaadau. Poboos no i Pilate doid di Johudi ngaavi' 13
TADAU KOHIMO TOBITUA SS: 'Itia ih laja' diozu.' M: Poboos no izioho, TT: 'Ovito' mogidu Isido, ovito mogidu Isido, Papapakon Isido!' M: Poboos no i Pilate, SS: 'Mimang kou naku do papapakon ku i laja' diozu?' M: Simba no i huguan do padri' ngaavi, TT: 'Aiso i' do laja' dagai nga' i Caesar no.’ M: Om ingkaa no do touvi nopo dii nga pataako' no di Pilate Isido doid dioho' do maan papapako' Dadi' ovito' no dioho i Jesus, om poinsaan dii salip Dau' huminabus Isido di kakadazan-tagazo do pinakaazan doid tizonon do bangkavan, toi, id Hebrew nopo nga' Golgotha, i pinapapakan dioho' Disido miampai do duvo tuhun, sopisonguhun do miampaping Disido, id tanga nopo nga' i Jesus. Ponuat no i Pilate do kopoihaan om podokoto' no ii do id di salip; ii nopo poinsuat nga', 'I Jesus do Nazareth, Laja' do Johudi ngaavi' Ogumu o Johudi ngaavi' do nakabasa' do kopoihaan diti, tu' ii pinapapakan di Jesus nopo nga' au' i' osodu' mantad di kakadazantagazo, om suat nopo dii nga' id boos do Hebrew, Latin om Greek. Dadi' i huguan do padri' ngaavi do Johudi minoboos doid di Pilate, TT: 'Au' ko apatut do poposuat, 'Laja do Johudi ngaavi', nga' nunoboos o tuhun diti, 'Izou no i Laja do Johudi ngaavi.' [James] 14
TADAU KOHIMO TOBITUA M: Simba no i Pilate, SS: 'Nunu i nokosuat ku, nga' nokosuat ku no.' M: Kopongo nopo di susumangod ngaavi' do pinapapapak di Jesus onuo' no dioho' i basaan Disido om pogiboobogizo' no ii do id inggapat baagi, iso' montok do songuhun susumangod. Ii nopo gaung-saahom Disido nga' aiso do hunupian', navo do pasalangkai mantad hiou gisom doid hinupian 1d siibo'; dadi' pogibooboos nodii izioho', TT: 'Mantad do kinison iti, kanou pinsimpuutai iti do manantu' do isai' o kaanu diti.' M: Id lahan diti no do notuhuk i boos ngaavi' di buuk Tobitua do: Pinogibaabaagi dioho' o basaan Ku id tanga dioho. Pinsimpuutan dioho' o basaan Ku ngaavi'. Ingkaa no kozo i nirnaan di susurnangod ngaavi'. Poingkakat id doos di salip di Jesus i tina Dau' om i tobpinai tondu' di tina Dau', i Mary sinavaan di Clopas, om i Mary do Magdala. Kokito nopo Disido i tina Dau' om i mokiki'ia' i koupusan Dau' do poingkakat id doos dosido, poboos no i Jesus doid di tina Dau', J: 'Oi tondu' iti no i tanak-kusai nu.' M: Dadi' doid di mokiki'ia' poboos no Isido, J: 'Iti no i tina' nu.' 15
TADAU KOHIMO TOBITUA M: Om mantad do timpu dii do ovito' no di mokiki'ia' zosido doid hamin dau. Kopongo nopo iti, nokoiho i Jesus do nopongo nodii o saviavi', om do mooi do otuhuk nodii kozo i Buuk Tobitua, poboos no Isido, J: 'Tutuuvan Zou.' M: Kivaa do sontunsina' noponu' do souka' do doiho' dii; dadi' poobugo' no dioho' doid souka' o totogop dii om posonggio' no do id sampatod o laan kazu hisop om posungguvo' no ii doid kabang Disido. Kososop nopo di Jesus i souka', poboos no Isido, J: 'Nopongo no iti.' M: Om potidukuo' no Dau' o tuhu Dau' om kovodtuai no Isido do ginavo. (Saviavi' sumingkotud om poimizo toluu'ai) M: Ontok nopo dii nga' Tadau kopotoundaan, om mooi do au' kotindooi doid salip i tinan ngaavi' do ontok tadau Sabbath -tu' tadau Sabbath nopo nga' tadau pantangon poimbida'- pokianu no do kasagaan di Pilate i Johudi ngaavi' do monipu' di takod ngaavi' om do mogovit di tinan ngaavi' dioho'. Dadi' ngozo' nodii tipuo' di susumangod ngaavi' o takod di songuhun i nakapapak miampai Disido om di tiso' nogi'. Kodimpatai nopo dioho' i Jesus, kokito no dioho' do napatai no Isido, om ingkaa no do okon ko tinipuan dioho' Isido do takod Dau' nga' duako' no dii songuhun susumangod ngaavi' o tobik Dau miampai do tandus; om tuutulus do huminuzung o zaa' om vaig. 16
TADAU KOHIMO TOBITUA Iti no o kososian di songuhun i nokokito dii - i kososian totopot, om nokoiho isido do otopot i boson - om pinataak dau iti mooi do iziozu nga' otumbazaan nogi daa. Tu' saviavi iti nangaantakan do monuhuk di boos ngaavi' di buuk tobitua. Aiso i' tongoiso' do tuhang Dau' do otipu'; om vagu', id sinuatan suvai doid buuk tobitua minoboos, Mintong i' izioho' di songuhun i dinuak dioho'. Kopongo nopo iti, i Joseph do Arimathaea, i mokiki'ia' di Jesus - i mogohimu do tumanud di Jesus tu' oosizan Isido di Johudi ngaavi' - minokianu di Pilate do kasagaan do mogongoi di tinan di Jesus. Panaak no i Pilate do kasagaan, dadi' ngozo' no dioho' ii om ovito' no. I Nicodemus nga' minikot nogi' - i songuhun nogi i minikot haid doid di Jesus do doungosodop - om minogovit isido do inggu hinomuan do tumau kazu toongid, i kivinagat do kuang hobi atus paun. Ngozo' no dioho' i tinan di Jesus om hopoto' no dioho' ii do kain sutala' miampai di hinomuan, tumanud do koubasanan do Johudi ngaavi' do momohobong. Id kinoizonon dii pinapapakan Disido do id salip kivaa do kabun, om id kabun nopo dii nga' kivaa do luak hobong i vagu' po, i aiso po do nohobong. Sabap no do Tadau Kopotoundaan do Johudi ii om osomok i kahabangan, hobongo' no dioho' i Jesus do doiho'. 17
TADAU KOHIMO TOBITUA II KOPOKIINSIANAN NGAAVI' POIMBIDA I. Montok di Eklizia Tobitua. Kanou sumambayang, oi koginavaan ku ngaavi', montok di Eklizia tobitua di Kinoingan, do i Kinoingan om Tuhan dotokou aanangan do manaak dosido do pibabasan, do mintamong dosido om do monompuu dosido id-pototongkop di sompomogunan om manaak do, momuuan do koposizon dotokou id kataanangan om tokodoit, mambantug tokou nodaa di Kinoingan ii Tama' tavakaskozo. Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, ii isai id Kristus pinopointahang do kobontugan Nu doid saviavi' dii tinaau', tamangai no ii kalaja' ngaavi' do kobinsianan Nu, do i Eklizia Nu, pointogizas pototongkop di sompomogunan, tumaan no daa miampai kotumbazaan togiot id kopongokunan do ngaan Nu. Maza' di Kristus Tuhan za. Amen. II. Montok di Pope. Kanou nogi' sumambayang montok di Tama' Tobitua kozo dotokou i Pope N…, do i Kinoingan om Tuhan dotokou, ii minomihi' disido montok di1 Kododizan do Bishop ngaavi', do mongumohig no daa disido om au-osinduahan montok di Eklizia tobitua di Tuhan do momolinta'dii Tuhun tongobitua di Kinomgan. Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, ii diisai do kootulan do saviavi' konunu do nadadi, intong no miampai kaanangan do id sambayang ngaavi' dagai om id kovosian Nu umohigai no i Pope nopihi' montok dagai, do, id-siibo' disido, ii tuhun Kristian ngaavi', opolinta' Nu ii minamangun dioho', gumazo no daa 1d kovosian maza' do sabap do kotumbazan dioho'. Maza' di Kristus Tuhan za. Amen. 18
TADAU KOHIMO TOBITUA III. Montok saviavi' dii nuhudan om kinavas-ningkokoton dii ongotumbazaan. Kanou nogi sumambayang montok di Bishop dotokou N…, montok saviavi' Bishop, Faado ngaavi', om Dekon ngaavi' di Eklizia om montok dii toinsanan dii tuhun ongotumbazaan. Sambayang id pokodoit. Dadi’ moboos i Faado: Oi Kinoingan takavas-kozo poimpasi-selajul, ii diisai do Spiritu do ii toinsanan tinan di Eklizia do obituahan om opolinta', kmongoo' o sambayang tohuduk dagai montok do mononompuan Nu ngaavi'; do, maza' dii titaak do gras1a Nu, saviavi' monompuan no daa Diau do ouhi-kozo, Maza' di Kristus Tuhan za. Amen IV. Montok katekumin ngaavi' Kanou nogi' sumambayang montok do katekumin ngaavi' (dotokou), do i Kinoingan om Tuhan dotokou, mogukab nodaa kozo dii tohingo ngaavi' dii id saahom kozo do ginavo dioho' om mogukab dii tataangob ngaavi do kobinsianan Dau', do, nokotoimo nodii do kopohiongan di saviavi' douso dioho' maza' do vaig do kosusuvon kavavagu, izioho', ponogi', nga' iso' no daa miampai di Kristus Jesus Tuhan dotokou. Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, ii mamadadi di Eklizia Nu do pointihombus do apakag miampai tanak ngaavi kavavagu, pogozoo' no ii kotumbazaan om kopomolotian do katekumin ngaavi' (dagai), do, ohodi-koinvagu id dii poizazananvaig do Kopodsuan, ko'uang no daa itioho' doid di ginumu' do tanak ngaavi' ginompi Nu. Maza' di Kristus Tuhan za. Amen. 19
TADAU KOHIMO TOBITUA V. Montok dii kopiisaan do Kristian ngaavi'. Kanou nogi' sumambayang montok saviavi' tobpinai dotokou kusai om tondu' ii otumbazaan id Kristus, do i Kinoingan om Tuhan dotokou aanangan nodaa, do maso mamaamasi izioho' dii katapatan, do monimung dioho' songovian om monogok dioho' id iso' Eklizia Dau' Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, ii monimung do nunu ii nokotogizas om monogok songovian do nunu ii notimung Nu, intong no do otohuod-kozo do id dii tutumanud di Tanak Nu, do sontob doid-diisai o iso' Kopodsuan nobituahan do kopiamung no daa songovian maza' dii kaganapan do kotumbazaan om osompuu id dii kagos do koginavaan-manakadai. Maza' di Kristus Tuhan za. Amen. VI. Montok dii tuhun ngaavi' Johudi. Kanou nogi' sumambayang montok dii tuhun ngaavi' Johudi, doid diisai i nopoguhuanan di Tuhan Kinoingan dotokou do moboos, do manaak no daa Isido dioho' do muzu id koginavaan do ngaan Dau' om id inuhi' kozo doid pidondian Dau' Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, ii pinapataak do batos ngaavi' Nu do id di Abraham om sinakagon ngaavi' dau', kaanangai-kozo no do mokinongou dii sambayang ngaavi' di Eklizia Nu, do iituhun pinoguhu Nu do mmamadadi do Diau sondii', kaanu no daa dii koponuan do koponobusan. Maza' di Kristus Tuhan za. Amen. 20
TADAU KOHIMO TOBITUA VII. Montok sontob dii au' otumbazaan id Kristus. Kanou nogi' sumambayang montok dii au' otumbazaan id di Kristus do, maza' kopotunudan di Spiritu Tobitua, izioho' ponogi', nga' sumuang nodaa do id dii lahan do kopomosizan. Sambayang id pokodoit. Dadi’ moboos i Faado: Oi Kinoinzan tavakas-kozo poimpasi-selajul, panaak no doid sontob dii au' mangakun di Kristus do, maza' do mamanau iddumbangan Nu miampai ginavo ouhi', o'ium nodaa dioho' o katapatan, om do izikoi sondii', tu' tomoimo id sompi mogigiiginavo om minggisom do mamalati' do hobi po do poimponu-kozo dii misterium' do koposizon Nu, do adadi no daa do sasi' nzaavi' hobi pointopot doid koginavaan Nu id di pomogunan. Maza' di Kristus Tuhan za. Amen. VIII. Montok sontob dii au otumbazaan id Kinoingan. Kanou nogi' sumambayang montok dii sontob au' monoimo di Kinoingan, do, tumanud do nunu ii kotunud id katapatan-touhi' do ginavo, ko'ium nodaa izioho' di lahan doid d Kinoingan sondii' Sambayang id pokodoit. Dadi’ moboos i Faado: Oi Kinoinzan tavakas-kozo poimpasi-selajul, ii minamangun do saviavi' tuhun, do mogium Diau tomoimo maza' do humizab Diau om, maza' do ko'ium Diau, mikot do mundoong, panaak no, sumambayang zikoi, do, sundung do potitikid katatabon kosinduo, saviavi' do kotutun no daa dii tanda' ngaavi' do koginavaan Nu pointama', om dii sasi' diI kalaja' tangavasi' noimaan dii sontob otumbazaan id Diau, om ingkaa no do id kounsikaan mangakun Diau, ii-iso' Kinoinzan totopot om Tama' do tinaau' kotuhunan za. Maza' di Kristus Tuhan za. Amen. 21
TADAU KOHIMO TOBITUA IX. Montok sontob id upis do kopolintaan. Kanou nogi' sumambayang montok sontob id upis do kopolintaan, do i Kinoingan om Tuhan dotokou' popotunud nodaa do pomusaavan om ginavo ngaavi' dioho' tumanud do hizab Dau' montok dii pibabasan totopot om kagabasan do saviavi'. Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, diisai do poinhansan id hongon Nu o potitikid ginavo do tuhun om ii kopotutan ngaavi' do tuhun, intong no miampai kaanangan, sumambayang zikoi, do id sontob momolinta' miampai kuasa' doid dagai, do pototongkop di sompomogunan, kapagkaangaan do tuhun ngaavi', ii kopotontuan do pibabasan, om kagabasan do ugama maza'do titaak Nu do oumohigan no daa. Maza' di Kristus Tuhan za. Amen. X. Montok sontob id koundasaan-tagazo. Kanou sumambayang, oi koginavaan ku ngaavi, doid di Kinoingan ii Tama' tavakas-kozo, do hidangan no daa Disido i pomogunan do saviavi' kahasaan, mongipop do toluo, popoidu' do hous, mogivang do tolungku' ngaavi', papagabas di nangataan ngaavi', manaak koumohigan doid mononompogunan ngaavi', koguhian doid mononompogunan ngaavi', kohidasan doid dii sumakit, om koponomposizan doid dii mogimpapatai. Sambayang id pokodoit. Dadi’ moboos i Faado: Oi Kinoingan tavakas-kozo poimpasi-selajul, koinsasamadan dii mogkoudu' ngaavi', vinakas do saviavi' ii pakalaja-tavagat, ii sambayang di sontob ii humaad id nunu-noopo koundasaantagazo mikot id-dumbangan Nu, do saviavi' umondos no daa, sabap id timpu' dioho' do momoguno doiho tomoimo i kosianan Nu osomok kozo. Maza' di Kristus Tuhan za. Amen. 22
TOIMOO ZIKOI NOH Cho: Toimoo no titaak za, Oi Tuhan Monongkotohuod zikoi Diau, Oi Tuhan 1) Oviton dagai, kumaa doid Diau, Tu iziau no, kahansanan za, Oi Kinoingan, doiti izikoi no Mokianu b’lakat Nu 2) Izikoi ngaavi, mikot doid Diau Pataakon za Diau, koposizon za Oi Kinoingan toimoo zikoi no Sundung tu omungkang 3) Iziau no Tuhan, I sambaon za Ompuno ngaavi, komungkangan za Oi Kinoingan, mokiinsian zikoi Diau Kinongoo zikoi no
MIKOT II JESUS 1) Omungkang zikoi sondii Mokituhung do Tuhan Au zikoi asantaban Nung au ko mikot doid dagai Cho: Jesus ikot doid dagai Iti no pokionuon Diau Tadau-tadau idoos Nu Ikot no id tanga dagai 2) Onuai zikoi do graasia Pamahavan do k’latan Iziau oh hansanon Tadau-tadau tumanud Diau 3) Ontok kapatazon za Hongon Nu pokionuon za Sokodungo do muhi Id surga ih uhion za
BERSATU DENGAN TUHAN DALAM EKARISTI 1) Kita s’bagai umat Kristus, T’rima makanlah tubuh-Nya Yang menjadi korban kudus, Roti kehidupan kekal 2) T’rima minumlah darah-Nya, Darah perjanjian baru Ditumpahkan bagi semua orang, Demi pengampunan dosa Cho: Kita berkumpul di atas nama-Nya Bersama berdoa menyembah, memuji Mengenang-Nya dalam Ekaristi Bersatu kita dengan Tuhan Bertaubat berdamai saling mengasihi Rendahkan hati saling mengampuni Agar layak menerima-Nya Dan bebas dari dosa 3) Syukur pada-Mu Tuhan, Atas cintakasih-Mu Engkau santapan Rohani, Sumber iman Gereja 4) Renung firman di Alkitab, Renung sekelilingmu Apakah sumbanganmu? S’bagai umat Ekaristi 5) Salib lambang keseksaan, Namun jiwamu tak seksa Berbahagialah umat, Yang percaya pasti selamat
TUHAN KINI KU BERLUTUT 1) Tuhan kini ku berlutut Penuh hormat dan sujud Hati sanubari ikut, walau tiada patut 2) Ku persembahkan milikku Jiwa serta ragaku Tandakan cinta kasihMu padaMu ya Allah ku 3) Pandanglah kami ya Tuhan Para umat pilihan Ampunilah kesalahan Jauhkan kejahatan Cho: Syukur ‘tuk cinta kasih Tuhan Yang telah Kau limpahkan S’bagai sumber kehidupan puteraMu Kristus Tuhan
GOD OF MERCY AND COMPASSION 1) God of mercy and compassion, Look with pity upon me. Father, let me call Thee Father, ’Tis Thy child returns to Thee. Cho: Jesus, Lord, I ask for mercy; Let me not implore in vain; All my sins I now detest them, Never will I sin again. 2) By my sins I have deserved Death and endless misery; Hell, with all its pains and torments, And for all eternity. 3) By my sins I have abandoned Right and claim to Heav’n above, Where the saints rejoice forever, In a boundless sea of love. 4) See our Savior, bleeding, dying, On the cross of Calvary; To that cross my sins have nailed Him, Yet He bleeds and dies for me
TERCURAH DARAH TUHANKU 1) Tercurah darah Tuhanku di bukit Golgota; yang mau bertobat, ditebus, terhapus dosanya, terhapus dosanya, terhapus dosanya yang mau bertobat, ditebus, terhapus dosanya. 2) Penyamun yang di sisi-Nya di b'ri anugerah; pun aku yang penuh cela dibasuh darah-Nya, dibasuh darah-Nya, dibasuh darah-Nya, pun aku yang penuh cela dibasuh darah-Nya. 3) Ya Anak domba, darah-Mu tak hilang kuasanya, sehingga s'lamat umat-Mu dan suci s'lamanya, dan suci s'lamanya, dan suci s'lamanya, sehingga s'lamat umat-Mu dan suci s'lamanya. 4) Sejak kupandang salib-Mu dengan iman teguh, Kasih-Mulah kupuji t'rus seumur hidupku, seumur hidupku, seumur hidupku, kasih-Mulah kupuji t'rus seumur hidupku. 5) Dan jika nanti lidahku tak lagi bergerak, tetap kupuji kuasa-Mu di sorga-Mu kelak, di sorga-Mu kelak, di sorga-Mu kelak, tetap kupuji kuasa-Mu di sorga-Mu kelak.
OI GINAVO DI JESUS 1) Oi Ginavo di Jesus Hizabon sabap tuhun Om sinuak do tandus Noivang do id tuhun Cho: Hozou ku minsavat ginavo di Jesus Amu kotongkizad tuhun di notobus Amu kotongkizad tuhun di notobus 2) Odoi dogo, nakaansau Amu kosoou, Tuhan Ahangas mokinoongou Ponuu do Kinoingan 3) Pointapui Ginavo Nu Mantad koginavaan I ki douso togumu Naanu kavasian 4) Atantu zou do baino Zadaan ku douso ku Mizon id suang ginavo Di Jesus, Tuhan ku
WERE YOU THERE 1) Were you there when they crucified my Lord? Were you there when they crucified my Lord? Oooh, sometimes it causes me To tremble, tremble, tremble… Were you there when they crucified my Lord? 2) Were you there when they took him from the cross? Were you there when they took him from the cross? Oooh, sometimes it causes me To tremble, tremble, tremble… Were you there when they took him from the cross? 3) Were you there when they laid him in the tomb? Were you there when they laid him in the tomb? Oooh, sometimes it causes me To tremble, tremble, tremble… Were you there when they laid him in the tomb? 4) Were you there when the stone was rolled away? Were you there when the stone was rolled away? Oooh, sometimes it causes me To tremble, tremble, tremble… Were you there when the stone was rolled away?
WHEN I SURVEY THE WONDROUS CROSS 1) When I Survey the Wondrous Cross on which the Prince of glory died, my richest gain I count but loss, and pour contempt on all my pride. 2) Forbid it, Lord, that I should boast save in the death of Christ, my God! All the vain things that charm me most, I sacrifice them through his blood. 3) See, from his head, his hands, his feet, sorrow and love flow mingled down. Did e'er such love and sorrow meet, or thorns compose so rich a crown? 4) Were the whole realm of nature mine, that were a present far too small. Love so amazing, so divine, demands my soul, my life, my all.
THE WAY OF THE CROSS Cho: We carry the saving Cross Through the roads of the world Through the alleys of poverty and misery Marching to a dawning day To freedom and victory To God's life and endless glory 1) Christ, bread of life, the self-giving Lord of all He leads the way of the cross 2) Christ, sent by God, obedient to the father’s will He leads the way of the cross 3) Christ truth and life, condemned by false hood He leads the way of the cross. 4) Christ, of the poor, condemned through innocent He leads the way of the cross. 5) Christ, redeemer, crowned with piercing thorns He leads the way of the cross.