Ntawv Nkauj Qhuas Vajtswv

299

Peb cov ntseeg Saub, tuaj ua ib ke,
Nloog xibhwb qhia Yesxus txoj lus
Txog peb sijhawm peb yuav rov qab mus tsev,
Yuav nco ntsoov Yesxus tej lus.

300

1. Au Tswv Yesxus peb thov qhuas koj lub npe.
Nimno peb tuaj sablaj hu nkauj qhuas koj.
Thaum yuav sib ncaim peb sawv hu nkauj qhuas koj.
Thiab txhos caug pe koj txais yuav koj hmoov zoo.

2. Rov mus tsev thov kom tau lub siab xyivfab.
Kaj siab lug mus txog tsaus ntuj :ov kaj ntug.
Thov tsomkwm kuv lub ncauj thiab kuv tus npiaig
Uas hu nkauj qhuas koj tsis txhob cia hais phem.

3. Thov foom hmoov zoo rau lwm hnub lwm hmo mus,
Kom peb sawvdaws paub txoj :seeb rau nruab siab.
Txawm yog ntsib ceeblaj los kom muaj siab tuab.
Thov qhia kom paub txoj zoo thiab paub txoj phem.

4. Thov pub kom tau siab tus mus ib sim neej.
Thov pab thaum kuv raug kev 'xhawj xeeb ntxhov siab.
Thaum ko」 hu kuv tawm hauv ntiajteb no mus,
Thov koj coj kuv mus txog koj lub chaw zoo.

301

1. Kev xyivfab houb no siab tus
Peb sawvdaws thov hliv hmoov zoo ntawm Vajiswv li hwjchim.
Npe yog tus Vajtswv Ntuj. Peb sawvdaws tau kawm lawm.
Yog peb Leej Txiv txojlus. Yog peb Leej Txiv txojlus.
Vaj Ntsuj Plig ua tus coj sablaj.

2. Cia peb bum siab thov tus Tswv.
Ua siab kaj pe Vaytswv Ntuj. Thov tus Tswv los pab peb
Ntaus tswvyim kev sablaj. Thov Yesxus nrog nraim peb
Txhua hnub txhua lub sijhawm. Txhua hnub txhua lub sijhawm
Npe hu ua Vajtswv Yesxus.

302

1. Niaj hnub zoo siab rau Vajtswv.
Kuv rov qab hais nej zoo siab.
Niaj hnub zoo siab rau Vajtswv.
Kuv rov qab hais ne zoo siab.
Zoo siab, zoo siab, kuv rov qab hais nej zoo siab.(2)

2. Nej yuav tsum niaj hnub zoo siab
Rau Qhov uas nej ntseeg Vajtswv.
Nej yuar tsum niaj houb zoo siab
Rau qhov uas nej ntseeg Vajtswv.
Zoo siab, zoo siab, rau qhov uas nej ntseeg Vajtswv. (2)

303

1. Lub sijhawm uas peb sablaj,
Vajtswv thov pub lub siab tus rau peb,
Kom tau hmoov zoo ntawm peb tus Tswv Yesxus
Ib yam li qhov dej uas txhawv ntua hauv
Peb cov ntseeg lub siab.
Kom peb tus ntsuj plig thiaj li tau xyivfab puv nkaus.

2. Thov koj tswi peb cov sablaj.
Kom peb cov sau iub siab los nloog koj,
Kom peb lub siab thiaj tsis xav txog !wm yam.
Cia sau siab los njoog Vajtswv txojius.
Nws yuav foom hmoov zoo
Rau peb tus ntsuj plig sim neej kom kovyeej kev tuag.

3. Thov Vajtswv koj foom kev hlub
Los puv nkaus rau peb cov no lub siab
Kom thiaj los ntxuav peb txojkev Iwj tsw mus.
Xwv txojkev ua phem uas nyob hauv peb.
Thiaj li ploj tag mus.
Thov koj pab peb cov sim neej ua raws koj siab nyiam.

304

1. Ua koj tsaug peb Leej Txiv uas tau tsim suab los
Rau peb cov seev suab qhuas koj.
Hu nkauj ua lom zem muaj siab tuaj zog,
Thiab qhuas txojkev kaj ntawm koj.

2. Thov koj pab peb siv suab kom peb muaj kev ruaj.
Qheb peb lub siab zoo qhuas koj.
Yam uas yog lus phem, lus qias txhob hais.
Txhob kheev tawm hauv peb ncauj los.

3. Thov tus Tswv tsav kuv suab kom muaj lub suab zoo.
Peb lub suab uas peb qhuas koj.
Txhob tso tseg, cia peb hais koj kev hlub.
Thoy qheb peb ncau hais kev tseeb.

4. Thov ua tiag xyeem lub suab kom muaj lub suab luag,
Rau qhov uas peb qhuas Vajtswv.
Peb tus Tswv, thov koj tig ntsej los nloog,
Txais lub suab uas hu qhuas koj.

305

Hnub no zoo siab uas peb tau tuaj ua ke.
Hnub no zoo siab yog Yesxus coj peb tuaj.
Zoo siab, zoo siab, zoo siab.
Luag los maj. Sawvdaws luag nrov nrov
Kom peb txojkev txhawj xeeb ploj mus,
Kom peb txojkev txhawj xeeb ploj mus.

306

1. Tswv Yesxus thov koj qhia kuv lub siab nimno.
Kuv tos nloog koj txojlus saib koj qhia li cas.

2. Tswv Yesxus koj txojlus yog mov yug txojsiav.
Thov koj pub rau kuv noj thiaj tsis tsbaib tsis nqhis.

3. Tswv Yesxus thov qhia kom kuv ua hum koj siab.
Cia koj qhuab qhia kuv ua raws li koj siab nyiam.

4. Tswv Yesxus koj hlub kuv, kuv thiaj ua koj tsaug.
Thov kom kuv muaj siab npuab ntseeg koj ib txhis mus.

307

Tuaj raws sijhawm, sawvdaws yuav tuaj kom raws sijhawm.
Raws, raws, raws sijhawm,
Sawvdaws yuav tuaj kom raws sijhawm.
Nloog Vajtswv txojlus yuav tuaj kom raws sijhawm.
Hnub hmo tsis tos nej, caij nyoog tsis txawj tos leejtwg,
Caij nyoog tsis txawj tos leejtwg.

308

Luag, luag, Luag, luag mentsis thiaj xyivfab.
Luag ntxhi ntsej muag thiaj zoo.
Nloog Vajtswv lus txhob tsaug zog.
Nloog Vajtswv lus txhob tsaug zog.
Qheb siab nloog thiaj khaws tau.

309

Ncaim lawm, ncaim lawm, ncaim lawm, ncaim lawm.
Thov Vajtswv tsomkwm nej sawvdaws.
Kom nej mus zoo txhua leej txhua tus.
Peb yuav rov sib cuag ib hnub tom ntej.
Thov Vajtswv tsomkwm txojkev sib ncaim.
Ncaim lawm, ncaim lawm, ncaim lawm, ncaim lawm.

310

1. Thov tue Tswv pab peb kem rov sib cuag.
Peb tus Tswv niaj hnub yuav tsomkwm.
Nws yeej yuav saib xyuas thiab povhwm.
Thov tus Tswv pab peb kom rov sib cuag.

Peb yuav rov sib cuag, rov sib cuag,
hov sib cuag ntawm Tswv Yesxus.
Pet yuav rov sib cuag, cov kwviluag.
Peb tus Tswv yuav coj peb rov sib cuag.

2. Thov jus Tswv pab peb kom rov sib cuag.
Sim neej nc yog peb tsis sib ntsib,
Lwin sim peb nyob ua ke ib txhis.
Thov tus Tswv pab peb kom rov sib cuag.

3. Thov tus Tswv pab peb kom rov sib cuag,
Yog ruaj dabtsi tuaj tav nej kev,
Yesxus yuav tuaj pab muab povtseg.
Thov tus TIswv pab peb kom rov sib cuag.

4. Thov tus Tswv pab peb kom rov sib cuag.
Yog Vajtswv tuav rawv peb txhais tes,
Peb saw:daws thiaj li tsis yuam kev.
Thov tus Tswv pab peb kom rov sib cuag.

311

1. Txojkev sib yuav los nyob ua ke,
Thov Yesxus los nyob peb lub tsev.
Peb sawvdaws tuaj, muaj siab xyivfab
Nrog neb ob tug sablaj ib tsam.

Peb tus Tswv thov koj los,
Thov ghia ob tug los ua niam txiv.
Xyov zoo los phem, xyov ntev los luv,
Nyob ntawm tus Tswv, tsis txhob sib ntxub.
Pet tus Tswv thov koj los.
Thow qhia ob tug sib hiub ib txhis

2. Peb cov kwvtij tuaj nyob ua ke
Ntawm peb tus Tswv Yesxus lub npe.
Thov foom hmoov zoo ob tug sib yuav,
Sib nyiam mus li tsis txhob sib dhuav.

3. Ib txig ib nkawg yuav tau sib hlub
Los nyob ua ke tsis txhob sib ntxub.
Los nyob ua noj yuav muaj siab npuab,
Yuav tau sib pab thiaj tsheej ib cuab.

4. Yog neb sib sau los ua ib tse,
Yuav tau sib hlub tsis txhob sib ceg.
Neb ua ib tse tsis txhob tso tseg.
Tus Tswv yuav qhia mus lawm tom ntej.

312

1. Ncaim lauj cov phooj ywg, ncaim lauj cov phooj ywg,
Ncaim lauj, ncaim lauj.
Ib hnub tom ntej peb tseem yuav rov sib cuag.
Sib ncaim ib ntug.

2. Sib ncaim ntawm ntiajteb, sib ncaim ntawm ntiajteb,
Ncaim lauj, ncaim lauj.
Uas peb yuav sib cuag saum Leej Txiv lub tsev.
Muaj siab xyivfab.

313

1. Peb tuaj sablaj ua ke rau neb
Lub rooj tshoob uas Vajtswv tau pub rau neb.
Nkauj nyab nraug vauv koom ib lub cev,
Koom ib lub siab noj qab nyob zoo ib txhis.

Peb thiaj zoo siab xyivfab qhuas Vajtswv.
Thov kom ob tug vam meej mus ib txhis.
Thov Vajtswv Ntuj pub ob leeg nyob
Ua txij ua nkawm raws li nws txojlus qhia.

2. Nimno neb sib qaws los ua ke.
Ib leeg saib tau ib leeg nrog nraim Yesxus.
Thov Vajtswv pab neb ua siab ntev,
Thiab tiv taus txojkev ntxhov siab kev tu siab.

3. Thov Vajtswv Ntuj foom koob foom hmoov
Rau nkauj nyab nraug vauv tau hmoov ntau kawg nkaus.
Thov Vaj Ntsuj Plig nrog nraim neb nyob,
Coj neb lub neej, nplij kom neb lub siab tus.

4. Thov Leej Txiv Ntuj hlub neb thiab pub
Neb ob leeg muaj txojsiav nyob ntev mus li.
Cia neb lub neej ua rau luag qhuas
Thiab ua lub tsev rau Vaj Ntsuj Plig nyob mus.

314

1. Peb Vajtswv peb sawvdaws ua koj tsaug.
Koj pub peb sawvdaws muaj txij muaj nkawm,
Koj tseem foom pub tub ki los rau peb.

Tsis yog peb yug, uas yog koj siab zoo
Koj thiaj pub rau peb.
Peb thiaj zoo siab muab pub rov rau koj.
Vajtswv thov koj tsomkwm tej tub ntxhais.

2. Pub peb txhua tus hlob zoo thiab nloog lus.
Koj qbeb tej tub ntxhais txhua tus lub siab
Lub ntsws kom tsis txhob ywjfab ywjfwj.

3. Pub peb txhua tus hlob zoo thiab nloog lus.
Kom nws thiaj txawj hlub niam hlub txiv.
Peb tej tub ntxhais cia muab pub rau koj.

315

1. Thov Tswv Yesxus txojkev hlub los nrog nraim neb.
Thov foom hmoov rau neb ua tau ib lub siab.
Tsis txhob kheev txojkev sib hlub txawj sib dhuav li.
Yuav mus raws li Tswv Yesxus coj neb kev.

2. Thov Vajtswv hlub thiab nloog peb lub suab thov nws.
Vamkhom Vajtswv hwjchim tsomkwm kom zoo,
Pub kom neb nyob noj ua ke mus txog hnub kawg.
Thov Vaj Ntsuj Plig nrog nkauj nyab nraug vauv nyob.

3. Thov Vajtswv lub hwjchim pov nkauj nyab nraug vauv
Kom ob leeg sib hlub sib npuab mus ib txhis.
Pub kom koom siab tiv kev txomnyem, kev ntxhov siab.
Txawm yog muaj kev nyuaj siab los เxhob sib ntxub.

316

1. Peb cov ntseeg Yesxus, peb zoo siab pom xibhwb. (2)
Peb ua lub siab ua nws tsaug.
Thaum ows yuav ncaim ntawm peb cov mus,
Peb siab xyiviab tiamsis peb khuvxim
Uas xibowb yuav rov qab mus tsev.
Peb cov ntseeg siab xyivfab, peb cov ntseeg siab xyivfab,
Peb siab xyivfab tiamsis peb kbuvxim
Uas xibhwb yuav rov qab mus tsev.

2. Peb cov ntseeg sau siab los thov peb Vajtswv Ntuj (2)
Tsomkwm xibhwb, nws tsev neeg
Muaj kev xyivfab, noj qab nyob zoo.
Thov Vajtswv nrog nws ua ke
Kom nws lub cev lub siab muaj zog.
Thov Vajtswv nrog nws mus, thov Vajtswv nrog nws mus,
Thov Vajtswv nrog nws ua ke
Kom nws lub cev lub siab muaj zog.

3. Thov Leej Txiv Vajtswv, Tswv Yesxus, Vaj Ntsuj Plig, (2)
Foom txoj hmoov zoo rau xibhwb
Kom nws mus txog nws vaj nws tsev,
Thiab thov coj nws rov qab tuaj
Ntsib peb cov ntseeg hauv thaib teb no.
Thov Vajtswv coj nws tua, thov Vajtswv coj nws tuaj,
Thov Vajtswv coj nws rov tuaj
Ntsib peb cov ntseeg hauv thaib teb no.

317

1. Hnub no zoo siab uas txog lub xyoo tsbiab.
Vajtswv Ntuj, peb zoo siab ua koj tsaug.
Koj pub peb muaj txojsiav nyob ib xyoos.

Peb yuav tua tsiaj tua txhuv noj peb caug.
Sawvdaws zoo siab kawg ua Vajtswv tsaug
Uas Vajtswv koj pub
Mas peb thiaj muaj noj muaj haus ib xyoos.

2. Koj tsomkwm peb xyoo laus txog xyoo tshiab.
Lub xyoo tshiab no qua nkaus lub xyoo laus
Txog ntua peb lub caij noj tsiaj peb caug.

3. Koj pub peb sawvdaws muaj siab nyob mus.
Txog Iwm xyoo tshiab, peb ua koj tsaug kawg.
Peb noj gab noj tsau los yog koj pub.

4. Sawvdaws thiaj muaj siab nyob thiaj tsis tuag.
Sawvdaws noj qab nyob zoo yog koj pab,
Koj pub sawvdaws nyob muaj txoj hmoov zoo.

5. Koj txhob cia peb cov muaj mob muaj nkeeg.
Peb sawvdaws thiaj tau nyob tsheej ib yig.
Koj pub peb noj tsis tshaib haus tsis nchis.

318

1. Peb tuaj ua ke, bnub no yuav sib ncaim.
Peb tuaj ua ke, hnub no yuav sib ncaim.
Thov Tswv Yesxus nws nrog nej mus.
Nej thov Yesxus pab peb thiab.
Nws yuav tsomkwm peb ob tog tau lub siab xyivfab.
Lwm xyoo peb mam ho ua ke.

2. Yog raug txomnyem Yesxus kuj txawj pab.
Yog raug txomnyem Yesxus kuj txawj pab.
Nws yuav muab peb txojkev txhawj tseg.
Peb muab txojsiav tso rau nws.
Yog nws coj peb mus saum ntuj, tau lub chaw zoo dhau,
Lwm sim peb mam cuag saum ntuj.

319

Peb zoo siab kawg neb ob leeg tau sib yuav
Ua niam txiv. Yuav sib hlub mus ib txhis.
Txawm yog txomnyem los Vajtswv tseem foom hmoov
Txbob sib ceg txhob sib ntxub, yuav sib hlub.
Thiaj tsis ntxhov siab.
Ua lub neej tshav ntuj nrig,
Luag Iwm tus thiaj pomn neb txojkev zoo.
Vajtswv thiaj tau ntsej muag ntawm neb ob leeg.
Peb thov Saub foom hmoov zoo rau neb ob leeg.

320

1. Peb Vajtswv Ntuj thiab Leej Tub Tswv Yesxus,
Koj pub qoob loo ib txhia txawm cauj.
Peb rau vuv nruam nplej tshiab coj los uas siav,
Tau noj tau haus peb ua koj tsaug.

2. Peb tsis xav muab pub muab laig rau dab noj.
Koj pub goob loo ib txhia siav ntxov,
Zoo siab ua koj tsaug uas yog koj pab kuv
Thiaj tau coj los noj yug lub cev.

3. Koj hlub peb tsis tu ncua koj thiaj pub zaub
Pub mov rau peb noj tsis tu pluas.
Tswv Yesxus, kuv muaj mov noj tau dej haus,
Kuv zoo siab tsa tes ua koj tsaug.

321

1. Peb ib tsoom ntseeg peb zoo siab kawg
Txog neb lub caij ua txij ua niawm.
Yog hnub tseem ceeb neb yuav sib yuav.
Tsis pub leejtwg muab neb sib cais.

Thov Vajtswv nrog neb nyob.
Neb sib hlub kawg lub dag lub zog.
Txawm yog tau zoo lossis txomnyem,
Los yuav sis koom ua ib lub cev.
Thov Vajtswv nrog neb nyob,
Foom koob foom hmoov rau neb ib txhid.

2. Tus uas ua txiv nws yuav tsum hlub.
Tus pojniam yuav nloog tus txiv lus.
Ua txij nkawm nyob sau siab sib ntsaub
Tsis txhob sib dhuav tsis txhob sib ntau.

3. Ua txij ua nkawd yuav ua siab ntev
Tsis txhob sib cav tsis txhob sib ceg.
Tus vauv tus nyab yuav tsum sib pab
Tsis txhob sib nrauj tsis txhob sib faib.

4. Cov ntseeg qhia tseg kom neb nco ntsoov,
Yog neb xav tau Vajtswv koob hmoov.
Neb yuav tsum nloog Vajtswv li lus,
Muab siab rau ntseeg tus Tswv Yesxus.

5. Kwvtij sawvdaws nrog peb noj mov,
Tus nyab tus vauv ua tshoob ua kos.
Nkawd nyob ua ke ua txij ua nkawd,
Thov Vajtswv nrog nkawd nyob tsis kawg.

322

Tasnisyeem pheej thov tus Tswv
Ib hnub nws thov peb zaug.
Muaj ib hnub Lawv muab nws ntes
Coj mus pov qhov tsov ntxhuav.
Nws nyob hauv qhov tsov ntxhuav
Nws tsis ntshai mentsis li.
Vajtswv tau pos tsov qhov ncauj,
Tasnisyeem thiaj li dim.

323

Ib hnub Yesxus mus hla lub moos Yesliskaus.
Muaj ib tug txivneej hu ua Xaskhais xav pom Yesxus.
Nws nce saum ntoo, nws nce saum ntoo,
Nws nce saum tus ntoo. Yesxus pom nws, hu nws nges los.
Xaskhais, kavtsij nges los. Xaskhais, kavtsij nqes los.
Hnub no kuv so hauv koj tsev. Hnub no kuv so hauv koj tsev.

324

Pestus thiab Yaushas mus kev
Mas ntsib ib tug tuag taw thov khawv.
Nws thov ob tug pub ib yam rau nws
Mas Pestus txawm teb nws hais tias
Nyiaj thiab kub los kuv tsis muaj,
Uas kuv muaj ib yam pub rau koj.
Cia kuv hu Yesxus uas yog tibneeg
Nasxasles lub hwjchim kho koj.
Yawg txawm sawy tsees dhia paj paws,
Sawy tsees dhia paj paws, ua Vajtswv tsaug.
Tswv Yesxus uas yog Vajtswv Saub
Tib Leeg Tub li bwjchim kho koj.

325

Vajtswv hu koj, Vajtswv hu koj, Xasmusyees, Xasmusyees.
Kavtsij tawm los cuag nws,
Kavtsij tawm los cuag nws, Xasmusyees, Xasmusyees.

326

1. Hmo ntuj nws tuaj cuag Yesxus,
Nws hais rau Yesxus tias,
Tus Tswv kuv yuav tsum ua li cas
Tau txojsiav mus ib txhid.
Tswv Yesxus hais rau nws hais tias,
Koj yuav tsum yug dua tshiab,
Koj thiaj yuav tau txojsiav ib txhis
Tsis raug kev ploj kev tuag.

2. Tus ntawd yog Niskausdesmaus.
Nws yeej paub ntaub paub ntawv,
Ua Vajtswv tsaug.
Tiamsis nws twb tsis paub kev mus
Puag saum lub ceeb tsheej ntuj.
Nws paub xyaum Yusdais kevcai,
Nws coj txhua txoj ncaj nraim.
Txawm yog li ntawd los nws muaj txim
Tsis muaj txojsiav ib txhis.

3. Yesxus ua tau tej txujci
Yog Vajtswv lub hwjchim.
Niskausdesmaus yeej pom tej ntawd,
Nws qhuas hais tias, zoo kawg.
Tiamsis Yesxus ntuas nws hais tias,
Koj yuav tsum yug dua tshiab,
Koj thiaj ua tau Vajtswv haiv neeg.
Kuv yuav ua koj Cawmseej.

4. Niskausdesmaus thiaj paub hais tias,
Nws yuav tsum yug dua tshiab.
Nws thiaj li tau txojsiav ib txhis,
Thiab Vajtswv yuav zam txim.
Txawm yog nws xav tsis thoob los xij,
Nws yeejlos zoo siab kawg.
Vim Yesxus qhia rau nws paub txhij
Thiab qhia nws paub kev dim.

327

Kuv siab xyivfab zoo li tus chij saum ib nta ntuj,
Zoo li tus chij saum ib nta ntuj,
Zoo li tus chij saum ib nta ntuj.
Kuv siab xyivfab zoo li tus chij saum ib nta ntuj
Vim yog muaj Vaj Yesxus nyob qhov ntawd.
Rub chij nce lawm saum ntuj kom ntiajteb tau pom,
Kom ntiajteb tau pom, kom ntiajteb tau pom.
Rub chij nce lawm saum ntuj kom ntiajteb tau pom
Vim yog muaj Vaj Yesxus nyob qhov ntawd.

328

1. Peb cov ntseeg yuav ua ke tsis sib ncaim.
Yuav mus ntsib Tswv Yesxus saum ceeb tsheej.
Peb yuav tuav tes sib rawv qhuas Vajtswv.
Tso lub ntiajteb no rau tom qub qab.
Peb yeej yuav tsis nco ib txhis.

2. Peb cov ntseeg yuav ua ke tsis sib ncaim.
Muaj ib hnub peb yuav mus txog ceeb tsheej.
Peb yuav kav kiab kav khw mus ib txhis.
Muaj mi paj xyoob paj ntoo tawg ntsa iab,
Peb thiaj yuav zoo siab ib txhis.

3. Peb cov ntseeg yuav ua ke tsis sib ncaim.
Mus txog saum ntuj ceeb tsheej tsis txomnyem.
Ua neej tshav ntuj qas nrig mus ib txhis.
Thiaj yog peb tibneeg lub neej saum yaj ceeb,
Peb thiaj li yuav tsis sib ncaim.

329

1. Hnub ci iab peb yuav tau sib ncaim mus.
Cov phooj ywg nej ncaim mus nco ntsoov peb.
Txhob tso peb cia, peb cov tseem nco nej.
Thov Tswv Yesxus tsomkwm nej mus zoo mog.
Muaj ib hnub peb yuav sib ntsib.

2. Tshav ntuj nrig yuav sib ncaim mus deb deb.
Yuav thaum twg peb li tau tuaj ua ke.
Txhob tu siab mog, ib hnub yeej yuav ntsib.
Yog sim neej no tsis sib ntsib lawm los tseg,
Peb yeej yuav sib ntsib saum ntuj.

330

1. Kuv pom paj yeeb ntsha, kuv lub siab nco nco Vajtswv.
Paj yeeb tawg ntsa lis iab, kuv hais tias,
Vajtswv thaum twg koj li rov los os.

2. Kuv tawm rooj xib li plaws.Kuv pom paj xyoob paj ntoo tawg.
Kuv lub siab xav hais tias, xyov thaum twg
Kuv li ntsib kuv Vajtswv puag saum ntuj.

3. Kuv pom mi kab npauj npaim ya mus ntsauv rau ub rau no,
Ua tshav ntuj qas nrig, zoo nkauj cuag li
Uas Vajtswv lub ceeb tsheej ntuj.

4. Tshav ntuj ntsa ci iab, kuv lub siab pheej nco Vajtswv.
Nco Vajtswv li txiaj ntsig uas nws tsim
Lub ntiajteb rau peb cov tibneeg nyob.
MMMM.