TUGASAN 1 BIBB3193 PENTAKSIRAN BERTERUSAN

INSTITUT PENDIDIKAN GURU KAMPUS RAJANG
96509 BINTANGOR, SARAWAK

TUGASAN 1

Nama : NATASHA BINTI KENNEDY
Angka Giliran : 2021032340166
No. K.P. : 030913130430
Kumpulan : PISMP BIBB JUN 2021-MEI 2026
Kod Kursus : BIBB3193
Nama Kursus : MORFOLOGI BAHASA IBAN
Nama Pensyarah : PN. BELIN ANAK ENSING
Tarikh Hantar : 12 OKTOBER 2022

Tandatangan Pemeriksa :
Nama Pemeriksa : PN. BELIN ANAK ENSING
Tarikh Pemeriksaan :

Pengesahan Maklum Balas Kerja Kursus
Saya mengesahkan bahawa maklum
balas yang diberikan oleh pensyarah
telah saya rujuk dan fahami.

...............................................
Tandatangan Pelajar
Tarikh: ... .......

Pekara Ripih Isi Lambar
1.0 1
2.0 Tempalai Kenang 1
3.0 Konsep Morfofonemik 1
4.0 Proses Ubah Fonem 2
5.0 Proses Nambah Fonem 2
6.0 Proses Pengelenyau Fonem 3
Simpul Penemu
Kereban Sanding Penemu

i

1.0 Tempalai Kenang

Nitihka Sumadi (2010: 140), morfofonemik tu iya nya ubah fonem ti naydi lebuh morfem
betemu enggau morfem ke bukai. Penemu Sumadi tu disukung Zaenal Arifin (2007:8) ti
madahka proses morfofonemik iya nya proses ubah sesebengkah fonem ti nyadi fonem
bukai ke seriran enggau fonem keterubah. Penemu Samsuri(1980:201) mega nerangka
proses morfofonemik tu siti pansik bekaul enggau ubah ba siti-siti fone ke nyadi laban kaul
dua tauka lebih morfem. Pia mega, Kridalaksana (2007:183) madahka morfofonemik tu
subsistem ke bekaulka morfologi enggau fonologi. Terang agi, morfofonemik tu siti proses
ke nyantil subsistem fonologi enggau subsistem morfologi nengah chara meri penambah
(Rahmad,2018). Ukai semina nya aja, proses morfofonemik tu mega pansik bekaul
enggau ubah fonem ke nyadi empas ari proses morfologi baka proses afikasi, proses
reduplikasyen enggau proses komposisyen (Abdul Chaer, 2008: 43). Nya alai, nyata
bendar bepelasarka pansik ti udah dipejalaika sereta penemu ti udah dipadahka,
morfofonemik tu siti proses ti ulih ngubah fonem ngagai fonem bukai ke nemban.

2.0 Konsep Morfofonemik

Morfofonemik tu nitihka pansik iya nya proses ubah fonem nyadi fonem bukai. Leka jaku
morfofonemik tu empu datai ari dual eka jaku iya nya ari leka jaku ‘morfem’ nggau ‘fonem’.
Ari nya tadi, leka jaku morfofonemik tu empu ngundan reti variasyen dalam tukuh morfem
empaas ari faktor fonetik (Longman, 1986). Nitihka Parera (1982:42), ubah morfem ti
nyadi nya bepelasarka perampa fonem ke ngembuan kaul antara morfem enggau fonem.
Ubah nya tadiulih dipadahka ubah morfofonemik. Ari nya tadi, konsep morfofonemik tu iya
nya ubah fonem ti bepanggai ba fonem keterubah tauka fonem ti ditangkanka tauka mega
fonem ari mua fonem ti deka diubah. Pia mega morfofonemik tu bisi bekaul enggau
enggau proses meri penambah ba leka jaku (Fromkin, 1990:141). Kebuah pia,
morfofonemik tu ngubah fonem bekau ari dua tauka lebih morfem ti disakumka. Ramlan
(2001:83) madahka proses ngubah fonem tu nyadi nengah tiga chara iya nya proses ubah
fonem, proses nambah fonem enggau proses pengelenyau fonem. Terang bendar
morfofonemik ti ngubah fonem ngembuan chara kediri empu kena ngubah fonem lalu
enda diubah sengapa.

3.0 Proses Ubah Fonem

Proses ubah fonem tauka fonem diganti tu nyadi bekau ari dijir tauka sakum siti morfem
enggau morfem ke bukai. Reti iya, nengah proses ubah fonem tu, fonem baru deka

1

bekunsi penteba artikulasyen sepengudah diubah (Sukarsono, 2009:6). Nya alai, proses
ubah fonem tu mega dikumbai ngembuan kaul ba ubah konsonan dalam jaku. Nitihka
Kelly (2000:109), proses ubah fonem tu nerangka bakani fonem ulih berubah lebuh
morfem disakumka enggau morfem bukai. Ambika chunto, lebuh morfem /ber-/ disakumka
enggau morfem /ajar/, morfem nya ngasilka morfem /belajar/. Ari nya tadi, kitai ulih meda,
nengah proses ubah fonem dalam morfofonemik, proses tu ngubah fonem /r/ nyadi fonem
/l/. Berpelasarka chunto nya tadi, proses ubah fonem nya mega ngubah konsonan dalam
jaku iya nya ngubah konsonan /r/ ngagai konsonan /l/. Chunto bukai ti ulih dikena iya nya
lebuh morfem /m/ disakumka enggau morfem /beli/ ti ngasilka morfem /meli/. Ari chunto
nya tadi, proses morfofonemik /meli/ ngubah fonem /b/ nyadi fonem /m/. Terang bendar,
proses ubah fonem tu mandangka fonem ulih diganti dalam proses morfofonemik.

4.0 Proses Nambah Fonem

Proses nambah fonem tu iya nya siti proses morfofonemik ti meri penumbuh fonem dalam
proses morfofonemik ke nyadi bekau ari sakum siti morfem enggau morfem ke bukai. Siti
fonem ke nadai dalam alomorf ulih ditambah ngagai alomorf ke bukai. Reti iya, proses
morfofonemik dalam proses nambah fonem tu deka nambah fonem lebuh siti tauka dua
alomorf morfem nya bisi kurang fonem. Nya alai, proses morfofonemik ba morfem ti panjai
nyamai agi dipeda ari morfem ke udah lenyau fonem tauka ngembuan mayuh fonemik.
Tajapan pia, bisi mega ngumbai morfem ke pandak nyamai agi dipeda laban nyamai agi
nambahka fonem dikena ngaga alomorf ke bukai. Ambika chunto dikena nerangka proses
nambah fonem enggau silik agi, morfem /s/ dijantil enggau morfem /iku/ ngasilka morfem
/siku/. Nengah chunto nya tadi, proses morfofonemik /siku/ nya numbuhka fonem /s/.
Proses nya nambahka fonem /s/ laban ba morfem /iku/ nya kura fonem iya nya fonem /s/.
Proses morfofonemik nambah fonem tu mega ulih dipeda nengah chunto morfem /pe-/ ti
dijantil enggau morfem /ajar/ ti ngasilka morfem /pelajar/. Bepelasarka chunto nya tadi,
fonem /l/ nya fonem ti ditumbuhka. Nyadi, nyata bendar, proses nambah fonem tu ulih
numbuhka fonem bukai lebuh nyakumka morfem.

5.0 Proses Pengelenyau Fonem

Proses pengelenyau fonem dalam proses morfofonemik tu nyadi bekau ari dijir tauka
sakum siti morfem enggau morfem ti bukai. Siti tauka lebih fonem ba morfem deka lenyau
lebuh nengah proses morfofonemik tu. Nitihka Santoso (2000: 89), proses pengelenyau
fonem dalam proses morfofonemik semina nyadi lebuh urat jaku morfem kedua ti dijantilka
bepun enggau fonem /l/, /r/, /w/, enggau /y/. Dikena nerangka enggau silik agi, chunto

2

proses morfofonemik bansa tu ulih dipeda lebuh morfem /sejarah/ dijantil enggau morfem
/wan/ ti ngasilka /sejarawan/ nengah proses pengelenyau fonem. Bepelasarka chunto nya
tadi, fonem /h/ nya dalam /sejarawan/ lenyau laban urat jaku ba morfem ti dijantilka
ngembuan fonem /w/ ti ngujungka proses morfofonemik ngelenyauka fonem /h/ (Santoso,
2000 : 89). Proses tu mega ulih dipeda ba sekeda chunto bukai baka morfem /ber-/ dijantil
enggau morfem /renang/ ti ngasilka morfem /berenang/. Proses morfofonemik /berenang/
nya tadi ngelenyauka fonem /r/. Nengah nya tadi, terang bendar proses morfofonemik ulih
nyadi nengah proses pengelenyau fonem ba siti-siti morfem.
6.0 Simpul Penemu
Berpelasarka proses morfofonemik ti udah diterangka, nyata bendar bisi tig achara ti
ngasuh proses ngubah fonem nyadi. Tiga chara ti dipadahka nya tadi iya nya proses
nambah fonem, proses ubah fonem enggau proses pengelenyau fonem. Nengah tiga
chara nya tadi, proses morfofonemik ke nyadi ulih dipeda enggau terang agi nengah
penerang ke bisi. Nya alai, proses morfofonemik tu patut bendar dipelajar awakka nemu
chara fonem berubah ngena chara ti betul lalu enda ngubah fonem ngena chara ke salah.
Pia mega, nengah proses morfofonemik ke nyadi, kitai ulih nemu kebuah leka jaku nya
berubah- ubah. Terang bendar proses morfofonemik ke nyadi tu meri penerang sereta
penemu bekaul enggau ubah fonem ke nyadi.

3

Kereban Sanding Penemu
Abdul, C. (2008). Morfologi Bahasa Indonesia (Pendekatan Proses). Jakarta : Rineka.
Fromkin, V. (1990). An Introduction to Language. Sidney: Harcourt Brace Jovanovich.
Kelly, G. (2000). How to Teach Pronunciation. England: Pearson Education Limited.
Kridalaksana, H. (2007). Kelas Kata Dalam Bahasa Indonesia (2). Jakarta: Grmadeia
Pustaka Utama.
Longman, F. (1986). Longman synonym dictionary. Longman.
M Ramlan. (2001). Ilmu bahasa Indonesia : morfologi, suatu tinjauan deskriptif. Karyono.
Parera, J. D. (1982). Studi Linguistik Umum dan Historikal Bandingan. Jakarta: Erlangga.
Rahmad, H. (2018). PROSES MORFOFONEMIK BAHASA SUMBAWA DIALEK SUMBAWA
BESAR. Eprints.unram.ac.id. http://eprints.unram.ac.id/4296/
Samsuri. (1980). Analisa bahasa: memahami bahasa secara ilmiah. Erlangga.
Santoso, J. (2000). Morfologi Bahasa Indonesia. Yogyakarta: UNY Press.
Sukarsono. (2009). MORPHOLOGY. Tulungagung: Tiara Press.
Sumadi, S. (2010). Morfologi bahasa Indonesia. Universitas Negeri Malang.
Zaenal, A., & Junaiyah, D. (2007). Morfologi (Bentuk,Makna dan Fungsi). Indonesia.

4

Ripih isi Lambar
Pekara 6
6
1.0 Tempalai Kenang 6
2.0 Munyi Jaku Iban 7
7
2.1 Vokal 8
2.2 Konsonan 8
2.3 Patah Sebut
2.4 Diftong 9
3.0 Tempa Leka Jaku Bepelasarka Research Based Education 9
9
4.0 Ubah Ke Baru Dalam Tukuh Jaku 10
4.1 Jaku Nama Tunggal 11
4.2 Jaku Nama Tumbuh 11
4.3 Jaku Nama Turu 12
4.4 Jaku Nama Betandu

5.0 Sistem Sepil Leka Jaku Baru
6.0 Simpul Penemu

Kereban Sanding Penemu

5

1.0 Tempalai Kenang

Nitihka Harry enggau Mawas (2005), leka jaku nya unit bebas ti mit ke ulih berdiri
kediri. Tajapan pia, leka jaku tu enda ulih dibagi tauka diseraraka agi baka klausa,
frasa tauka ayat. Nyadi, leka jaku tu ngundan reti kediri empu. Ambika chunto, leka
jaku baka kain, orang, dini enggau ti bukai enda ulih diseraraka. Kebuah pia, enti
diseraraka, leka jaku nya nadai ngembuan reti. Nitihka Kamus Dewan Edisi Keempat
(2015), leka jaku tu iya nya unyi tauka munyi ti dijantilka dalam siti-siti jaku ke disebut
tauka ditulis ngena urup dikena madahka reti. Leka jaku tu ulih ditempa ngena sekeda
chara. Ambika banding, leka jaku ulih ditempa nitihka atur tauka sistem morfologi siti-
siti jaku. Terang bendar, leka jaku tu siti unit ke beguna bendar dalam jaku iban laban
leka jaku tu ulih ngenataika reti tauka nerangka siti-siti pekara.

2.0 Munyi Leka Jaku

Munyi leka jaku tu iya nya munyi ke mansutka munyi ti bejait tauka bentali lalu munyi
iya enda putus-putus. Nyadi, mensia mansutka mayuh macham munyi jaku tang munyi
ke dipansutka mensia semina ngembuan mimit aja ke bebida enggau pangan diri.
Munyi ke dipansutka dalam penemu linguistik nya munyi ti dipansutka organ
artikulasyen. Sekeda ari organ artikulasyen ti mansutka munyi iya nya mulut, dilah,
gusi, kelekanit kering, kelekanit lemi, peti sura nyawa, ngeli atas enggau ngeli baruh
(Padang enggau Chemaline, 2011). Munyi leka jaku ulih ditentuka ari sukut vokal,
konsonan, patah sebut enggau diftong.

2.1 Vokal

Jaku Iban tu enda tentu jauh nyelai ari Jaku Melayu senentang urup vokal.
Abdul Hamid Mahmood (1998 : 311) madahka vokal tu munyi nyawa ke
diasilka angin ari lempuang lalu pansut neresa unga udahnya pansut nengah
silak mulut laban nadai utai ti ngempang. Penemu tu mega sebaka enggau
penemu Chemaline enggau Padang (2011) ti madahka munyi vokal tu munyi
ti diasilka ketegal nadai utai ti ngempang pejalai angin ba palan artikulasyen.
jaku Iban enggau jaku Melayu tu ngembuan beberapa iti urup ke sama baka
a,e pepet, e taling, i, o enggau u. Tajapan bisi enam iti urup vokal, semina lima
iti lambang aja dikena nanda urup vokal iya nya a,e,i,o,u lalu enda nitihka
pemayuh vokal nya. Kebuah pia, e pepet enggau e taling ngembuan lambang
ke sebaka dalam urup iya nya urup ‘e’. Berpelasarka enam iti vokal nya tadi,

6

munyi leka jaku ulih ditentuka enggau nemban lalu munyi leka jaku ulih disebut
enggau betul nengah munyi vokal.

2.2 Konsonan

Nangkanka nya, chara nentuka munyi leka jaku ulih mega nengah konsonan.
Dalam jaku Iban, bisi dua puluh tiga iti urup konsonan. Enam belas iti ari urup
konsonan nya tadi dikumbai urup konsonan tulin iya nya urup
b,d,g,h,j,k,l,m,n,p,r,s,t,w enggau y. Konsonan ke bukai iya nya konsonan
c,f,q,v,x enggau z nya dikumbai konsonan jaku injau. Konsonan jaku injau nya
ditaga kena nginjau leka jaku ari jaku bukai kelebih agi jaku Inggeris. Dikena
ngelai munyi asal dalam Jaku Iban, bisi mega konsonan ti dikumbai konsonan
turu iya nya ng,ny, enggau ch. Konsonan turu tu dikena ngayanka identity
enggau penulin Jaku Iban kelebih agi konsonan c ke dilambang ngena
konsonan turu ch. Ari munyi konsonan mega, munyi leka jaku ulih ditentuka
lalu munyi leka jaku mega ulih ngayanka penulin jaku Iban nengah konsonan
turu. Nyata bendar munyi leka jaku ulih ditentuka nengah konsonan ke
ngembuan konsonan tulin, konsonan turu enggau konsonan jaku injau.

2.3 Patah sebut

Patah sebut mega ulih nentuka munyi leka jaku. Nitihka George Yule (2017),
dalam patah sebut ba siti-siti leka jaku ngembuan munyi vokal enggau
konsonan. Nya alai, lebuh bejaku, munyi vokal nyaris agi didinga ari munyi
konsonan dalam leka jaku. Nyadi, munyi leka jak utu ulih ditentuka ari patah
sebut nitihka penyuah kitai nyebut leka jaku nya. Ambika chunto, ba leka jaku
buku kitai ulih nentuka munyi iya ari patah sebut leka jaku nya empu iya nya
nengah patah sebut bu enggau patah sebut ku ti ngasilka munyi buku. Pia
mega munyi vokal ‘u’ nyaris agi ari munyi konsonan ‘b enggau ‘k’. Ukai semina
nya aja, akronim mega dipasuka dalam patah sebut. Kebuah pia, akronim tu
mega nyantilka patah sebut lalu ngasilka munyi enggau leka jaku baru. Chara
nentuka munyi nengah patah sebut dalam akronim tu mega sebaka nitihka
patah sebut ke bukai iya nya nitihka penyuah kitai nyabut leka jaku nya.
Ambika chunto, akronim Petroleum Nasional Berhad iya Petronas nentuka
munyi leka jaku nya nengah patah sebut. Munyi vokal dalam akronim nya
mega nyaris agi ari munyi konsonan dalam leka jaku nya. Terang bendar,

7

patah sebut tu nentuka munyi dalam leka jaku lalu mega beguna bendar lebuh
nempa leka jaku.

2.4 Diftong

Munyi leka jaku mega ulih ditentuka nengah diftong. Diftong tu iya nya dua iti
urup vokal ke berimbai lalu disebut nyadi siti munyi. Nyadi dalam jaku Iban,
semina ngembuan tiga leka diftong aja iya nya ai, au enggau ui. Diftong tu
diengkah ba ujung leka jaku. Ari nya tadi, munyi leka jaku ulih ditentuka. Munyi
vokal keterubah dalam diftong nya nyaris agi ari vokal ti kedua dalam diftong.
Ambika banding dalam leka jaku pulai, munyi vokal ‘a’ nyaris agi ari vokal ‘i’
lebuh disebut. Bepelasarka chunto nya tadi, munyi leka jaku pulai nya
ditentuka difong ‘ai’ke dijantilka ba leka jaku nya tadi lalu ngundan siti reti ke
entap. Nyata bendar, diftong ai,au enggau ui tu ulih nentuka munyi ba mayuh
leka jaku taja semina tiga leka aja.

3.0 Tempa Leka Jaku Bepelasarka Research Based Education

Leka jaku ulih ditempa bepelasarka Research Based Education ti ngembuan mayuh
teori nempa leka jaku. Siti ari teori ti ulih dikena bepelasarka Research Based
Education iya nya Teori Strukturalisma. Teori tu ditengkebang Ferdinand de Saussure
dalam taun 1983 lalu meri tumpu ngagai leka jaku enggau ayat ti nyadika tukuh tauka
isi teks. Tukuh leka jaku dipeda ari sukut gaya jaku, diksyen,stanza enggau prosodi.
Gaya jaku tu beratika chara milih jaku , frasa enggau ayat ti dikena ngasilka teks.
Diksyen tu chara leka jaku dipilih kena ngenataika reti lebuh nempa leka jaku, stanza
nunjukka gaya baris ditusun kena ngasilka teks lalu prosodi nya nekanka enteli dalam
teks. Ari nya tadi, tukuh siti-siti leka jaku diasilka ari tanda fonem ke bejadika jaku (de
Saussure, 1983). Tukuh-tukuh nya tadi diserenih bepelasarka elemen jaku disakumka
lalu nempa leka jaku ke ngembuan reti. De Saussure (1983) madahka sistem jak uke
ngembuan elemen ti bekait enggau pangan diri. Kebuah pia, lebuh nempa leka jaku,
leka jaku nya ulih meri reti ke engkeman. Ari nya tadi leka jaku ke ditempa nengah
teori Strukturalisma ulih dipilih lalu mai reti dikena nyukung tukuh karang. Anda jaku
mega ngembuan perening enggau penemu diri empu senentang teori tu. Ambika
chunto, Harun Jaafar (2011) nerangka teori tu meratika gaya jaku sechara selampur
ari tukuh nyentukka reti enggau lenak. Ambika banding, Harun Jaafar (2011) nerangka
akronim ke mai reti jantil dua iti leka jaku tauka patah sebut nya sebagi ari diksyen.
Chunto bukai nitihka Harun Jaafar (2011) iya nya hibrid ti bejantilka dua leka jaku ke

8

mai funsyen dikena nambahka pengeraja leka jaku. Pia mega leka jaku ulih ditempa
nengah teori tu lebuh leka jaku ma reti nyindir baka sinkop ti nyadi ari leka jaku ke
ditetak patah sebut iya lalu nyadi leka jaku pandak. Berpelasarka Teori Strukturalisma
nya tadi, leka jaku ditempa nitihka tukuh ti diterangka dalam pansik. Leka jaku ti
ditempa bepelasarka Research Based Education nengah teori Strukturalisma tu
nitihka tukuh ke udah ditetapka awakka leka jaku ti ditempa engkeman. Nyata bendar,
leka jaku ulih ditempa nengah Research Based Education baka teori Strukturalisma ti
ditengkebang de Saussure taun 1983.

4.0 Ubah Ke Baru Dalam Tukuh Jaku

Nitihka Chemaline Osup (2011), tukuh leka jaku tu iya nya siti ari penemu ti dipansik
ba senentang morfologi. Nyadi, ubah ke baru dalam tukuh jaku nya tadi mungkur
empat raban iya nya jaku nama tunggal, jaku nama tumbuh , jaku nama turu enggau
jaku nama betandu.

4.1 Jaku Nama Tunggal

Tukuh jaku nama tunggal tu ulih diperatika ari patah sebut ti ngundan siti pata
sebut tauka lebih ari siti patah sebut. Dalam aku Iban, patah sebut ch,ng
enggau ny disebut siti patah sebut laban semina dibunyika siti aja taja
ngembuan dua urup. Siti patah sebut tu tau nyadi ari siti vokal tauka siti vokal
disempulangka enggau siti konsonan tauka beberapa iti konsonan. Konsonan
ulih datai ari mua tauka ari belakang. Leka jaku ke pemadu pandak semina
nya ari siti vokal enggau siti konsonan tauka enggau dua iti vokal ti seretai
disebut dalam Jaku Iban. Bisi empat bengkah patah sebut iya nya jaku tunggal
siti patah sebut baka leka jaku ai, jaku tunggal dua patah sebut baka leka jaku
irau, jaku tunggal tiga patah sebut baka leka jaku menyadi enggau jaku tunggal
empat patah sebut baka leka jaku sentimeter. Akronim mega sebagi ari jaku
nama tunggal laban mai siti reti. Nyata bendar, jaku nama tunggal ulih ngasilka
ubah baru dalam tukuh jaku.

4.2 Jaku Nama Tumbuh

Ubah ke baru dalam tukuh leka jaku mega ulih diubah nengah jaku nama
tumbuh ke nyadi ari proses meri penambah ngagai urat jaku ti ngujungka
tumbuh leka jaku ti entap. Leka jaku ti nerima penambah nya morfem lalu

9

penambah nya tadi morfem berikat. Penambah tu dikena ngubah tauka
netapka urat jaku awakka ulih nyadi siti ari bansa kelas jaku dalam ubah ke
baru (Awang Sariyan,2007). Jaku nama tumbuh ulih dibagi ngagai empat iya
nya penambah mua, belakang, kepit enggau selit (Chemaline Osup enggau
Padang Luna, 2011). Penambah mua nambah penambah ba mua urat jaku
baka ‘umai’ ditambah penambah ‘b-‘ ngasilka ‘bumai’. Penambah belakang
semina bisi siti aja penambah iya nya penambah ‘-ka’ ti ulih ngasilka ubah ke
baru dalam tukuh jaku baka urat jaku ‘manduk’ ditambah penambah ‘-ka’
ngasilka tukuh jaku baru iya nya ‘mandukka’. Dalam penambah kepit, iya meri
penambah ba mua enggau belakang urat jaku baka urat jaku ‘pantup’ ditambah
penambah kepit ‘te…ka’ nyadi ‘tepantupka’. Ubah ke baru dalam tukuh jaku
mega ulih ditentuka nengah meri penambah ngagai urat jaku tumbuh baka ‘di’
+ ‘kesayau’ + ‘-ka’ lalu nyadi ‘dikesayauka’. Jaku turu mega ulih diberi
penambah lalu mantaika ubah ke baru dalam tukuh jaku nya. Terang bendar,
jaku nama tumbuh ulih meri ubah ke baru dalam tukuh jaku.

4.3 Jaku Nama Turu

Ubah ke baru dalam tukuh jaku mega ulih diasilka nengah jaku nama turu iya
nya proses nijirka dua iti urat jaku tauka lebih ke mai reti ti entap. Jaku tu ulih
dibagi ngagai empat iya nya jaku nama turu ke nyadi ari dua tauka lebih leka
jaku ti meali-ali baka tuai rumah. Ubah ke baru nyadi dalam tukuh jaku nya
nyadi lebuh dua iti urat jaku nya bebida tang lebuh dipegulaika iya mai siti reti.
Jaku nama turu kedua iya nya jaku nama turu gelar orang ti diberi chara rasmi
ngena chara rama ke diguna nunjukka pangkat enggau status sosial baka
Datuk Patinggi. Ubah dalam tukuh jaku tu iya nya dua iti morfem nya tadi nyadi
siti morfem ke dikena madahka pangkat. Jaku nama turu ketiga iya nya jaku
nama penemu ti dikena nerangka konsep dalam siti-siti penemu baka segi
empat sama lalu ubah ke nyadi dalam leka jaku dia iya nya leka jaku ti didijir
ngubah tukuh jaku nya nyadi siti konsep dalam penemu. Jaku nama turu
keempat iya nya jaku turu besilup ke mai reti ti besilup baka sempama ke
ngubah tukuh jaku laban ngembuan reti ke lain ari urat jaku ti dituru. Chunto
jaku turu tu iya nya ati ari. Nyata bendar, ubah leka jaku ulih ditentuka nengah
jaku turu tu nengah bansa jaku turu ke udah diterangka.

10

4.4 Jaku Nama Betandu

Jaku nama betandu mega nentuka ubah baru dalam tukuh jaku. Bisi tiga iti
bansa jaku betandu dalam jaku Iban iya nya jaku nama betandu penuh, jaku
nama betandu sebagi enggau jaku betandu nama bentali. Jaku nama betandu
penuh ngubah tukuh jaku nengah nandu urat jaku. Chunto iya, leka jaku ‘ibu’
ditandu penuh nyadi ‘ibu-ibu’. Jaku betandu sebagi tu meri ubah ke baru dalam
tukuh jaku lebuh semina nandu sebagi aja leka jaku lalu enda nandu urat jaku.
Ambika banding leka jaku ‘laki’ lebuh ditandu sebagi nyadi ‘lelaki’ ti udah
berubah ari sukut tukuh jaku. Pia mega dalam jaku nama betandu bentali, leka
jaku ke ditandu enda sebaka enggau urat jaku . Ambika chunto, leka jaku ‘duit’
lebuh ditandu bentali nyadi ‘duit-ringgit’. Jaku nya tadi ditandu nitihka munyi
ujung urat jaku ti ditandu. Ari nya tadi, leka jaku duit ngembuah ubah tukuh
jaku ti baru. Bepelasarka nya tadi, terang bendar ubah ke baru ulih nyadi dalam
tukuh jaku nengah jaku nama betandu.

5.0 Sistem Sepil Leka Jaku Baru

Bepelasarka jurai penemu ti udah dipadahka Asmah Haji Omar (1995), dalam keretas
iya, sistem sepil dalam jaku Iban bisi menatika sekeda kriteria prinsip linguistik,
penulin,penyedang, pengelentur enggau praktikal. Prinsip linguistik tu diguna lebuh
ngasilka jaku standard baikka ari sukut sistem enggau struktur fonologi tauka jalai jaku
tang sistem sepil enda ulih bepelasarka kriteria tu aja laban jaku Iban ngembuan
identity kediri empu. Dalam kriteria penulin, jaku iban bisi penulin kediri empu ke
mandangka jaku tu enda beduduk ari jaku bukai tang chuan sepil jaku Iban enggau
jaku Melayu sigi deka sebaka laban sebilik dalam jaku seperugan. Nengah kriteria
penyedang, jaku Iban nulis ngena urup Roman sekalika nya jaku asal tauka jaku injau.
Kebuah pia awakka jaku Iban mudah diperetika lalu ulih dikerembai ngagai bansa
bukai. Ari kriteria pengelentur dalam sistem sepil, sepil jaku Iban digaga naka ulih
setipak enggau pemansang dunya ngena chara berinjauka jaku bansa bukai dikena
napi pemansang dunya tu. Kriteria kepenudi iya nya praktikal, jaku Iban tu patut ulih
dikena enda ngira alai enggau maya lalu ulih diterima semua orang. Pia mega enda
pulaika penanggul lebuh belajarka jaku Iban. Berindik ari kriteria nya tadi, semua sepil
jaku injau English ke ngundan urup ‘tion’ diubah ngagai ‘syen’ chunto iya baka leka
jaku ‘television’ diubah ngagai ‘televisyen’ tang enti urup nya ditengah, sepil iya enda
ditukar. Ukai semina nya aja, nengah kriteria nya tadi, urup ‘o’ dalam tetiap sistem
sepil leka jaku baru diubah nyadi urup ‘u’ ketegal mudah dikena nitihka kriteria

11

praktikal. Nambah mega ‘o’ enggau ‘u’ tu endang ‘free morphophonemic alternation’.
Tang, dalam jaku injau, urup ‘o’ agi diguna. Urup vokal ke berimbai tiga dalam sepil
baka aia,iau enggau uai mega berubah nitihka kriteria. Ambika banding, sepil leka jaku
lama baka ‘semaia’ diganti enggau sepil baru iya nya ‘semaya’ laban bepelasarka
prinsip ngembuan pemudah dikena ti tinggi iya nya kriteria praktikal. Ari nya tadi,
sistem sepil leka jaku baru sigi patut bepelasarka kriteria ke udah ditetapka awakka
ulih nyadi siti jaku ke standard.

6.0 Simpul Penemu

Ambika simpul, leka jaku dalam jaku Iban ulih ditempa nengah mayuh chara baka ari
munyi jaku enggau pansik. Proses nempa leka jaku tu patut bendar dipelajar awakka
jaku Iban ngembuan pengeraja dalam leka jaku. Jaku Iban mega enda ibuh nginjau
ari jaku bukai enti nyema mayuh leka jaku ulih ditempa baikka nengah munyi tauka
nengah pansik. Ari nya tadi mega, jaku Iban ulih ngembuan jaku ti entap sereta
menyana lebuh ditempa nitih chara ti betul lalu ukai semina ditempa ngapa. Ubah ke
baru dalam tukuh jaku enggau sistem sepil leka jaku baru dalam jaku Iban mega
beguna bendar lalu patut dipelajarka semua kelebih agi nembiak sekula. Kebuah pia,
ubah ke baru dalam tukuh jaku enggau sistem sepil leka jaku baru dalam tukuh
enggau sistem sepil leka jaku bar utu ulih ngangkatka jaku Iban. Pia mega, ubah ke
baru dalam tukuh jaku enggau sistem sepil leka jaku bar utu ulih ngasuh jaku Iban
ngembuan tukuh jaku enggau sistem sepil ke standard lalu ulih dipelajar bansa bukai.
Nya alai, patut bendar munyi leka jaku, tempa leka jaku bepelasarka Research Based
Education, ubah baru dalam tukuh jaku enggau sistem sepil leka jaku baru dipelajarka
awakka jaku Iban mansang baka jaku bukai.

12

Kereban Sanding Penemu
Abdul Hamid Mahmood. (1998). Guru dan Bahasa Melayu. Media Printext.
Asmah Haji Omar. (1995). Dayak Cultural Foundation (1995). Atur Sepil Jaku Iban

(The Spelling System of Iban). Kuching Dayak Cultural Foundation. -
References - Scientific Research Publishing. Www.scirp.org.
https://www.scirp.org/(S(351jmbntvnsjt1aadkposzje))/reference/ReferencesPa
pers.aspx?ReferenceID=1366769
Awang Sariyan. (2007a). Perkembangan falsafah bahasa dan pemikiran dalam
linguistik. Sasbadi.
Awang Sariyan. (2007b). Tuntutan bahasa : asas pegangan pelajar. Pearson
Malaysia.
Chemaline Anak Osup, & Padang Anak Luna. (2011). Morfologi Jaku Iban : malin
nembiak enggau pengajar. Emeritus Pub.
Dewan Bahasa Dan Pustaka. (2015). Kamus Dewan Edisi Keempat. Dewan Bahasa
Dan Pustaka.
Ferdinand De Saussure. (1983). Mélanges de linguistique offerts à M. Ferdinand de
Saussure. Slatkine Reprints.
Harry Usup Umbar, Mawas Nalau, & Singki, J. (2005). Tatabahasa bahasa Iban
(Jalai Jaku Iban). Klasik Pub. House.
Harun Jaafar. (2011). Kesusasteraan Melayu. Selangor Darul Ehsan: OUM.
Padang Anak Luna, & Chemaline Anak Osup. (2011). Fonologi jaku Iban : malin
nembiak enggau pengajar. Emeritus Publications.
Yule, G. (2017). The study of language (6th ed.). Cambridge University Press.