Leka jaku tu suah dikena baka dalam chunto ayat di baruh tu: 1. Pengelekai penyakit covid-19 meri ‘kesan’ ngagai penatai misi menua kitai. 2. Pengelandik ngena jaku English meri ‘kesan’ ngagai pemuntangngiga kereja lebuh udah tembu belajar. Dalam Chunto 1 ba atas nya, leka jaku ‘kesan’ mai reti ti enda manah, laban penyakit nyangeruga penatai pemisi. Tang, dalam Chunto 2, leka jaku ‘kesan’ nunjukka reti ti manahlaban meri sukung tambah ti manah dikena ngiga pengawa udah tembu belajar. DalamjakuIban pedis endar deka ngiga leka jaku ti ulih diterima mai reti baka nya. Ketegal nya, bisi beberapa iti leka jaku Iban kala udah dikena nunjukka konsep ‘kesan’ baka lekajaku‘empas’, ‘pangka’, ‘segang’ enggau ‘penyadi’. Tuju pansik tu dipejalaika laban deka netapka leka jaku ti engkeman kena madahka‘kesan’ dalam jaku Iban. Enggau nya kitai nguji nguseka reti leka jaku ti beempu konsepti pemadu semak enggau leka jaku ‘kesan’ baka ti nangkanka tu: Leka Jaku Reti 1 empas To fling,dash down (Richards, 1988) To dash on the ground (Sutlive, 1994) Lengkaka enggau udu (TJF, 2015) 2 pangka Dash against, collide, strike (Richards, 1988) To strike (Sutlive, 1994) Empaska balat (TJF, 2015) 3 segang Counteract, force back in another direction, pasangnyegang (Richards, 1988) To counteract, push back from another direction(Sutlive,1994) Semakin besai ngalun baka pasang (TJF,2015) 4 penyadi (jadi)Become, reach a successful conclusion(Richards, 1988) Effect, a happening (Sutlive, 1994) (nyadi) tumbuh (TJF,2015) Ari empat iti leka jaku ti suah dikena ngalihka reti leka jaku ‘kesan’ ba atasnya, pemansik tetemuka leka jaku ‘penyadi’ ti semak bendar enggau konsep ‘kesan’. Kebuahpia, laban leka jaku ‘penyadi’ ulih madah utai ti nyadi ari siti-siti situasyen tauka pekarati nyadi. Pemansik madahka semak bendar laban bisi penemu ti madahka penyadi tu mai pemanahaja, baka penemu Richards (1988) enggau bala Pemansik Tun Jugah Foundation(2015). Taja pia, Sutlive (1994) bisi tetemuka leka jaku ‘penyadi’ lebuh iya ngiga reti leka jaku‘effect’ ti dikena bansa Iban berengkah ari tahun 1956 nyentuk ngagai 1994. Ti ngambi ari reti ‘effect’ dia leka jaku ‘penyadi’ ulih kena nunjukka penyadi ti manah tauka jai. 2.3 Nyeliahka Jaku Injau Tuju pansik tu dipejalaikan laban deka nyeliah enggau naka ulih nginjau jaku ari bansabukai nyadika jaku Iban. Dalam sistem jaku Iban di sekula ti dikena kenyau ari 2007, polisi nginjauendang dikemendarka nitihka atur, tang diatu udah datai maya kitai nempa jaku Ibanari jakuasal belalauka chara bansa bukai nempa enggi sida.
Beduduk ari penerang ba atas nya, pemansik ngambi chunto leka jaku ‘flyover’ ari jaku English. Leka jaku tauka terminologi ‘flyover’ berasal ari konsep jaku ti mai reti “abridgecarrying one railway line or road over another”, ti mega dipadahka “An overpass (calledanoverbridge or flyover in the United Kingdom and some other Commonwealth countries) isabridge, road, railway or similar structure that crosses over another road or railway. Anoverpass and underpass together form a grade separation. Stack interchanges are madeupof several overpasses”. Nitihka penerang ari The Oxford English Dictionary's (1980) lekajaku ‘flyover’ keterubah dikena kira-kira 59 taun ti udah, dikena (after “fly-over” was first usedto describe an aircraft passing over a place, and about 30 years after the advent of nonstoptranscontinental commercial flights.”) ngenang gaya enggau pemujur bilun ti terebai endangentu meraka menua siti ngagai menua siti. Enggau nya leka jaku ‘flyover’ lalu diambi kenama jalai raya ti beranggung enggau pangan diri ba menua nya. Dalam jaku Melayu leka jaku ‘jejambat’ diberi ngagai nama jalai raya baka jematanti meraka tauka ngunjurka jalai raya ti endang udah tembu (Kamus Dewan Bahasaonline, 2017). Leka jaku tu tumbuh ari jaku betandu sebut (gandaan separa), ti bejantilka lekajaku‘jambat-jambat’ ti mai reti (seperti jambatan) baka jematan (Junaidi Kasdan, et.al, 2017). Bepelasarka penemu morfologi jaku English enggau jaku Melayu ba atasnya, pemansik ngasaika endang patut leka jaku asal jaku Iban ditempa kena ngalihka‘flyover’ tauka ‘jejambat’ ari ti nginjau. Enggau nya, pemansik ngasaika konsep leka jaku tumeseti ngundan reti ‘jematan’ ti digaga atas jalai raya sekali ke meraka tauka ngunjur. Ambika banding, bisi beberapa iti leka jaku dalam jaku Iban ti beempukonsep‘flyover’ tauka ‘jejambat’ baka dalam pitak ti nangkanka tu: Leka jaku Konsep Ditempa enggau jaku betandu sebut 1 jematan ba atas jematas 2 jematan beranggung jeranggung 3 jematan meraka jeraka Nama kebuah ditempa ngena chara jaku bejantil tauka hibrid? Tu ngambika iya nyadi lekajaku tau terminologi ti pandak, nyamai sereta manah didinga lalu ngundan reti ti endangenyaruka (Malin Selampur Penempa Leka Jaku DBP 1992 / PedomanUmumPembentukan Istilah DBP 1992 dalam Unting, 2020). Ari tiga leka jaku ba pitak atas nya tadi, leka jaku ‘jematas’ diasaika engkemanbendar laban ngelenakka konsep jematan digaga ba atas jalai raya. Enti baka nya, namakebuah jeranggung enda engkeman? Leka jaku ‘beranggung’ asal iya ‘ranggung’ mai reti nyerak tauka ngelapis ari atas. Kelimpah ari nya, iya bisi mai reti betukuh konotasyenti suahdikena betundi tauka bungah kena madahka pengawa ‘ngeranggung’ tauka ‘beranggung’ ti bekonotasyen enggau pengawa beleman. Enggau tu, iya enda besenutuk enggauMalinSelampur Penempa Leka Jaku DBP 1992 (Unting, 2020). Nama kebuah ‘jeraka’ enda engkeman? Reti meraka dalamjaku Iban iyanyangelayang tauka nyemeraika seberai ukai ngunjur. Dalam konsep ‘flyover’ tauka ‘jejambat’, jematan tu ukai semina meraka tang bisi mega iya digaga ngunjurka jalai raya. Tumihkebuah leka jaku ‘jeraka’ enda engkeman dikena ngalihka leka jaku ‘flyover’ tauka ‘jejambat’. Tang, taja iya pia, leka jaku ‘jeraka’ tu senutuk enggau konsep ‘jejantas’ tauka ‘overheadbridge’. Beduduk ari tu, pemansik ngasaika engkeman bendar leka jaku ‘jeraka’ kenangalihka leka jaku ‘jejantas’ tauka ‘overhead bridge’ ti mai reti jematan digaga kenamerakajalai. Suah agi ‘jejantas’ tauka ‘overhead bridge‘ ditengah mensia bejalai kaki, tajapiabisi
sekeda ulih ditengah motosikal enggau ensikal. (Jeraka ba pintu penama UNIMASdi KotaSamarahan, Sarawak ulih ditengah motosikal). Berindik ari penerang dalam isu nyeliahka jaku injau ba atas nya tadi. Pemansikmeri sadang penemu ngena leka jaku tauka terminologi baka dalam pitak ti nangkankatungambika jaku Iban bisi terminologi kediri ari ti nginjau. Nambahka nya, reti enggaukonsepterminologi jaku Iban tu mega engkeman bendar ngeraup reti jaku bansa bukai ti dikalihkaiya. Jaku English Jaku Melayu Jaku Iban1 Flyover Jejambat Jematas 2 Overhead Bridge Jejantas Jeraka 3.0 SIMPUL Penerang senentang isu ba atas nya endang patut dikibuhka kitai enti dekamedapengerembai jaku Iban entap agi. Kebuah pia, kitai diatu endang udah beempu sistemjakuti dikemendarka Opis Menteri Pelajar Malaysia. Tapa pia jaku tu idup lalu deka diserenihbelama. Kitai enggau naka ulih ngurangka isu enggau kelikuh ngambika jaku Ibanmajaktegap. Bala pengajar, pengelicha enggau anda tebangkar jaku Iban patut naka ulihbetatikapengerembai enggau pemansang jaku Iban. Diatu, Bahagian Pembangunan KurikulumbaOpis Menteri Pelajar Malaysia udah dikemendarka numbuhka Raban Pengari LekaJakuMata Pelajar Jaku Iban [Jawatankuasa Peristilahan Mata Pelajaran BahasaIban(JKPMPBI)] dikena ngenegapka pemansang jaku Iban dalam pelajar. Iya mega diadangulihnapi kelikuh ti deka datai pasal jaku Iban. Enggau nya aku meransang semua kitai samanyukung JKPMPBI ngambika jaku Iban mansang entap sereta tegap. Asil pansik enggau sadang penemu tu deka dibai ngagai aum Raban Pengari LekaJaku Mata Pelajar Jaku Iban (JKPMPBI) ngambika diperundingka enggau lenak sebedaungemasukka penemu tu dalam pelajar jaku Iban di menua kitai.
4.0 KEREBAN SANDING Ensiring, J., Umbat, J., & Saleh. R. M., (Peny) 2011. Bup Sereba Reti. Kuching: YayasanTun Jugah. Ensiring, J., etl. (2016). Comprehensive Iban-English Dictionary. Kuching: YayasanTunJugah. Junaini Kasdan.,etl. (2017) Gandaan Separa dalam Terminologi Bahasa Melayu: AnalisisSosioterminologi. GEMA Online® Journal of Language Studies Volume 17(1), February 2017 http://doi.org/10.17576/gema-2017-1701-11 Kementerian Pendidikan Malaysia. (2007). Sistem Jaku Iban Di Sekula. Putrajaya: KPMMorris, C. W. (1938). The Foundation of The Theory of Signs. International Encyclopedia of Unified Science, Vol.1 No.2. Chicago: The University of Chicago Press. www.googlescholar net. [7 February 2016] Osup, C. & Luna, P. (2011). Morfologi Jaku Iban. Perak: Emeritus Publications Richards, A. (1988). An Iban-English Dictionary. Oxford University Press: Fajar bakti Sutlive,V. & Sutlive,J.(1994). Handy Reference Dictionary Iban & English. Kuching: YayasanTun Jugah. Unting, N.T.E. (2017). Struktur Dan Pragmatik Dalam Pelandai Bulan. Tesis PhD. Perak: UPSI Unting, N.T.E. (2020). Pansik Pelajar. Miri: IPG Kampus Sarawak. ………(2020) e-Kamus Bahasa Melayu. DBP ………(1980)The Oxford English Dictionary's online