Sampi tu jaku pengarap asal bansa Iban ti dikena bepintaka berekat sereta tulung ari Petara, bunsu-bunsu antu ti manah, tuai-tuai Iban ke tebangkar ti udah nadai, semengat aki-ini, apai indai, kaban belayan ti udah lesi bebadi laya sulai. Semua sida tu dikangauka datai ngambika makai semua rengka piring ti udah diading enggau pengarap sida tu udah nya malas piring nya ngena tulung tauka pengaruh. Kelimpah ari pengarap, sampi tu mega adat, leka main asal enggau daya idup kitai bansa sebedau datai pengarap baru baka Kristian, Islam enggau pengarap-pengarap ti bukai. Tu mih kebuah leka sampai ari kelia enda berubah, datai ka sehari tu. Sampi bebida ari biau laban leka biau tu sepeneka matau nitihka pengelandik kitai siku-siku lalu tau mega berubah nitihka singkang sereta insur pemansang dunya. Orang ke nyampi tu siku aja ba siti serak pengawa, enda beraban baka nimang (Timang) tauka mengap (Pengap). Enda baka lemambang timang ti mesti lelaki, lemambang sampi tau lelaki sekalika indu sereta enda milih penuai umur. Kelimpah ari lemambang, pengawa nyampi tu mega tau dikereja sebarang orang ti nemu megai piring, asal iya manah pengingat, landik bejaku, landik bemain enggau leka sereta bungai jaku. Leka sampi ti dikembuan iya endang ulih iya belajar ari lemambang ti tebangkar tauka ulih ari kenyap iya empu. 06 SAMPI 45
Sa- dua- tiga-empat-lima-enam-tujuh Enda aku laya miauka selanjau manuk banda Bedada nyala ngeang kepayang Kena ku miau sempuli padi puya Di tanah matah rata Di padang bunga rarak mengkenyang Laban pala enggi aku Udah ditata enggau lala minyak lunda Ngeli nanyi aku udah ngetup badi besi kemuja Kuyu aku ngulum leka igi pelaga Aku ga baka wi tampung tali Baka rutan tampung danan Baka ira nampung lemba Aku tu baka tubu sulur rebung Baka paku surung gelung Aku tu nunda kereja Sempulang Gana Nunda padah aki kitai semarugah Bempu tanah kuasa menua Nampung adat Surung Kempat Ngembuan ubat seribu guna Aku tu nampung pantang Enggi aki kitai Belang Pinggang Datang ari padang nyang banda Nya alai selanjau manuk belalat Iku merundu balat lebat Kena aku miau sempuli padi lensat Kena aku muai antu ulat Ngambika padi aku nyadi bebuah lebat Setangkai nadai puang Sampi Bumai Aktiviti 1 1.Sadaka leka sampi di baruh tu. 46
Aku miauka selanjau manuk belansi Di tanah tebing ai kena ku miau sempuli padi lengki Kena ku muai penyakit umai Kena muru antu kudi Awakka padi aku nyadi Ke bediri penuh dandang Aku miauka selanjau manuk jelayan kepapit Di tanah serimbing bukit Kena aku muru antu chit Kena muru antu empit Awakka rari ke tisi langit mati dikepit bubung peninggang Nya alai rampu penuh munggu Jagung penuh tanjung Retak penuh lebak Entekai pebuh umai Ensabi mua penyadi Janggat mua pemalat Nya alai kami tu ila Mua pemanah utai ari kaki datai ke serarai Buah naka pemabah Setangkai nadai lelai Tangkai panjai nadai puang Dibali : Hendry Gerijih Leka Sampi enggau Biau (m/s 63-64) 47
Aktiviti 2 1.Dalam raban kerandauka pekara dalam teks sampi. 2. Rintaika ajar manah dalam teks sampi. Ajar manah dalam sampi Aktiviti 3 Kedutka pasal pemanah Bumai. 48 1. 2. 3. 4. 5.
Sampi Maya Bejalai Niti Daun Aktiviti 1 1.Sadaka leka sampi di baruh tu. Tak berasai kesal mih aku dijungkal arung beradung Megai selanjau ijau manuk sabung Ba mua kita ke bala mayuh betugung Tang enda mih aku tu Lesi bebadi laya chundang Enda aku tu tulah ngelangkah tanah Enda aku danjan negkadah bulan Laban kaki aku udah bediri di segi batu anggung Ngeli nanyi aku udah ngetup badi besi andung pala aku udah ditata lala minyak duyung lalu diumba lelaga bulu burung Belakang aku dibap seludang baju ubung Aku tu ga nunda adat Surung Kempat Ke berarat nepan jelatung Nunda pantang Belang Pinggang Ke betengkelang papan punggung Nunda penti Bui Nasi Datai ari tisi langit gadung Aku tu ga baka tubu sulur rebung Baka paku surung gelung Baka ira tampung lemba Baka tali tampung wi Baka rutan tampung danan Pechah periuk tanah ganti periuk petani Charik labung batik Ganti labung petawi Padam bulan ganti matahari Ho...ha... ho..ha..ho..ha Nya alai tak agi berasai suma Mih aku tu nelengka rasa dabung landai laban penemu enggi tudah aku tu tak nadai menuku nyampau berambai Tang ka aku tu madahka diri enda Dibali : Hendry Gerijih Leka Sampi enggau Biau (m/s 63-64) 49
Laban udah kena injau bala Komiti Gawai Dayak Miauka selanjau manuk lia Awaka pejalai kitai lagi nadai menawa nadai nyida Nadai penanggul nadai penekul Mujur bejalai begadai- gadai mansa kedai pasar lama Nengah seraka jalai ulang Nya alai tak kapa- kapa Lengan kanan jari dua Megai selanjau ijau manuk banda tu mih nunda pengawa kitai kelia nyentukka dia Kema masa kita ke betugung mayuh bebala Ke bediri puak nengeri tengah jalai raya Ke mangkang pamping piring chukup rengka Kena aku masa yang masa senang kita Ke nenjang kita ari belakang sampai ke mua Agi ga aku meda manuk tu Bisi kaki ke bekenji tegar bejalai Bisi sayap ke mengkebab tau terebai Bisi patuk kena makai Nya alai iya tau muai utai ke salah utai ke enda manah Muai utai ke jai utai ke benchi Nya alai aku besampi Minta tepanka Manang Jaban Ngagai semilu batu intan Awakka kitai sama tebekan nguan menua Minta panggaika Manang Matai Ngagai semilu batu chanai Awakka kita sama gerai nyamai belama iya Gerai mih kitai tu ku Sempandai Gayu ku Biku Bunsu Petara Betuah belimpah Bulih reta bulih pengaya Betuchung baka bukit Bekebung baka langit lantang senang magang-magang Dibali : Igai anak Melina Leka Sampi enggau Biau (lambar 75-76) 50
Aktiviti 2 Giga reti jaku sempama ba teks sampi. Sempama Reti Baka paku surung gelung Baka ira tampung lemba. Baka tali tampung wi Baka rutan tampung danan. Aktiviti 3 Dalam raban, kerandauka ajar manah dalam sampi di atas. 1. 2. 3. 4. 5. 51
Leka main entelah tu siti ari leka main dikena kitai ngapuska hari tauka malam. Menya orang ke tuai suah mansutka entelah maya bumai betaun baka maya mantun enggau maya ngetau, ngambika enda berasai daing panas. Suah mega orang beentelah maya malam hari serayaka dikena merindang malam sebedau nindukka diri. Nyadi entelah tu tau dibagi kitai dua. Sebagi nya ungkup orang ke nembiak lalu sebagi agi ungkup orang ke tuai. Sida ke nembiak tau beentelah sebarang maya. Ukai baka ke bisi batang pengawa dikereja ulih orang menya. Entelah bisi empat bagi, iya nya penerang lalai, menua, ulu lungga enggau lalai. Penerang lalai nya meri gambar pasal utai ti dilalaika ngena jaku kelaung tauka jaku bebungai. Menua meri penerang endur utai nya ditemu lalu ulu lungga nya leka jaku tauka rambai jaku ti besenimbal enggau lalai iya. Lalai reti iya utai ti digiga ba entelah nya. ENTELAH 52
Pantap enda putus Tunu enda angus Tumbuk enda ga kebus Saut: 1. 2. Lebuh mansang manjung lebuh pulai ngulit. Ulu lungga: lauk tadi Saut: 3. 4. 5. Rusa ngindik paya enda bebekau. Ulu lungga: peluh magang Saut: Sudu puntul iku, ditegu enda nganu kitai. Ulu lungga: Cheremin jemari. Saut: Laja apai Sali enda ulih tesa. Ulu lungga: Tuan Saut: Aram Begiga Entelah 53 Aktiviti 1
Saut: 6. 7. Pisang sesikat enda alah empa. Ulu lungga: tenguk Saut: 8. 9. 10. Mayau bekuntau dalam rambing Ulu lungga: Parai Saut: Rengayung nebah terentung, Anang abup, abup! Ila buah tamang checinang mansau begenarau. Menua iya: Menua kitai menua iya. Menua antu menua Petara. Ulu lungga: Gelung kerungan Saut: Apai Sali nganti garing-garing, Aya Pungga ngipa jalai genting, bisi penama tang pansut sigi enda, mansang senang tang nadai jalai pulai. Menua: Di rumah panjai, begulai enggau kitai Ulu Lungga: Sulu Saut: 54 Ulu lungga: Lung Malam gadung tawas enda.
11. 12. Kulat kerang tumbuh di batang enda alah pusil. Ulu lungga: Uding Saut: 13. 14. 15. Telentang puang, telangkup penuh. Menua: Ulu lungga: Palui Saut: Aki migu kin kitu merap bebendai. Ulu lungga: Empasa Terebai nadai besayap, semina bulu ti ngebu, kena palu enda nemu ingap. Terengkah enda ngerayap, semina entachang entap, sambut rauh bisi ngerijat. Menua iya di palan lenta ngiga belanja, di pasar besai alai kitai betawarka rega. Ulu lungga: Suah Prebintun/Ulu Keris/Katil Tinduk Saut: Saut: 54 Aki embit dikimbit rapit-rapit antara daun pisang. Aki enggut ditaruh tegut-tegut dalam gua selubang. Bungkang dilalai, pala tebantai, ulih makai maya telanjai, Menua: Menua antu, menua petar, Menua kitai, menua iya Ulu lungga : Badu Nipan Tajung/ Dulu Nyabung Saut:
Landak nelan luchak Luchak nelan batu Batu ngada ke lemetak Lematak beranak ka kayu Saut: 16. 17. Apai Majut Indai majut Berani naka penaku-nakut Belallai engkarut pun tiang Ulu lungga: Nyara Saut: 18. 19. 20. Antu selinyu- linyu bau sepintu bilik Dara selinggang - linggang kantu raba mechik Menua: Di munggu bulu nasan, di lebak pambak batu punan Ulu lungga: Aki Engkerasak Saut: Peti apai Belawi mangka ke belakang. Ulu lungga: Bichu Mansang pandak pulai panjai. Ulu lungga: lari magang Saut: Saut: 54 Ulu lungga: Chura ta baka buyah
Buah lelayang timah, nemu bepadah bekangau makai, Tekang gemala intan nemu ngiga bekangau pulai. Saut: 21 Ikan Nanga Igan tau tenggelam tau pansut undang batang rajang tau mansang tau surut Ulu lungga: Burak belakang. Saut: 22 23 24. 25 Saut: Batang pinang beguyang endur manang besipat embat, Pating pinang jemung endur Saging begali ngayap. Ulu lungga: Kambuh pedang Lunchong Saut: Saut: Ulu lungga: Pun Kemunting. Luan ditanya kemudi nyaut. Ulu lungga: Nanak kalui Segana segitu, belanda tinggal baju, ni luan tu aku. Ulu lungga: Periuk 55
Sedu - sedu ibu dango dangai dara sinu bekangau api, Sedu sedan aya nyabak lemai ngenang ibu di batang mandai. Saut: 26 29 Saut: Menua: Ai temuda balai rimba endur rusa ngulam ubi, di babas madang raras panchar panas tumu pagi. Ulu lungga: Tanchut basah anang nyembi. 27 28 Buntak tampi ngumbai diri besai ngeli, Enti enda disapi enda ga nemu makai Buntak dayung ngumbai diri panjai patung Enti enda ditulung enda nemu bejalai Ulu lungga: Sangkar babi Saut: Tedung selumpungulih nelan uduk sepintu bilik Sawa selumpung aja ulih makai pama selubuk Ulu lungga: Tepayan pesuk 30 Saut: Apai sugu - sugu enda tau enggau betemu, Enti betemu nyeregu ka rua sarang tedung, Apai sugu - sugu enda tau enggau bepansa, Anti bepansa nyua ka laja pematang atong. Saut: Disepu enda angat dikulum enda betu. Ulu lungga: suah nangkir. 56 Menua: Di munggu taju antu, dilengkap madang kemedu Ulu lungga: Dara angkat bejalai
31 Pungga ngumbai diri belelang Netak kedang randang nyelengga Dini iya amat bisi bakanya Nama jari kiba nya agi betekan di kelaya tikai bemban Menua: Menua antu menua Petara, menua kitai menua iya. Ulu lungga: Timpang tunjuk jari. Saut: 32 Ujan beraja, panas bisa, Ngayuka aya kitai laja Datai ari Telaga Gelang Ujan beranding kuning Ngayuka aya kitai Keling Datai ari tinting aur gading Bekechenging nungking di batang. 33 34 35 Menua: Menua antu menua Petara, menua kitai menua iya. Ulu lungga: Indai pilai. Saut: Jenawang bujang kering, tikam ke Renggan Disepu kedu Aya Keling,peda tak mati Kayan Ping Tetungging telentang -banang Menua: Menua lama, rumah panjai panjang jementang. Ulu lungga: Antu rari malam aja. Saut: Indai Wik besandik enggau batik Betawi Indai Wa bema enggau pua lebur api. Ulu lungga: Ribut mangka balat bepusin. Saut: Kerang manuk kepayang, anti betelu enda betelu Entekai tisi serarai, daun lebat amai, anti belanggu enda belanggu Menua: Menua antu, menua petara, berimbai ruai, betungga mua. Ulu lungga: Senggang lama. Saut: 57
BIBLIOGRAFI Sistem Sepil Jaku Iban di Sekula. (2017). Pusat Perkembangan Kurikulum Kementeian Pendidikan Malaysia. Patricia Ganing, Asmiaty Amat. ( 2021). Entelah Leka Main masyarakat Iban.Penerbit Universiti Malaysia Sabah. YB Jimmy Donald. ( 2014). Leka main asal Iban.Bahagia Press Sdn Bhd. Buku Teks Bahasa Iban Tingkatan 5.( 2021). Kementeian Pendidikan Malaysia. Website Yotube .Jawang Perangsang Nembiak Sekula. https://www.youtube.com/watch?v=rM_JOmOICqg&t=27s DSKP Bahasa Iban Tingkatan 5 (2017). Pusat Perkembangan Kurikulum.Kementerian Pendidikan Malaysia Sempama Jaku Iban. (2007) Pusat Perkembangan Kurikulum Kementeian Pendidikan Malaysia. Jonathan Sinki ak Lintan. (2019). Leka Sampi enggau Biau. Majlis Adat Istiadat Sarawak. Jabatan Ketua Menteri (m/s 75-75) 58