Memorabilia

MEMORABILIA
Baptist Church of Mizoram

I.T.I Veng, Aizawl.

SILVER JUBILEE
1996 - 2021

(9th. June)

Silver Jubilee Committee

Chairman : Upa K. Lalrinmawia
Secretary : Tv. Lalhmangaihtluanga Sailo
Treasurer : Rbt. P.C. Vanlalvena
Member-te : Pu H.C Sangvunga

Pu Jonathan Lalvenhima
Pi Hrangnghilhlovi
Pi C. Lalramdini

MEMORABILIA
Silver Jubilee Magazine
Baptist Church of Mizoram
I.T.I Veng, Aizawl.

Published by:
Silver Jubilee Commitee
Baptist Church of Mizoram
I.T.I Veng, Aizawl.

Copies : 100

Copyright Reserved ©

A CHHUNGA THU AWMTE i

I. Thuhmahruai

II. Thuchah (Message) iv
1) Executive Secretary, Aizawl Area v
2) Bialtu Pastor vi
3) Kohhran Chairman

III. Silver Jubillee Programme vii

IV. Photo Collection

V. Then 1-na : Kohhran Chanchin

1. BCM I.T.I Veng chanchin 2

2. TKP Chanchin - Upa V.L. Ruatliana 9

3. BKHP chanchin - Rbt. Lalbiakzuali 14

4. KNP Chanchin - Tv. Joseph Lalhmangaiha 18

5. BMP chanchin - Upa R.H. Hrangchhunga 21

VI. Then 2-na : Records : 26
1. Tualchhung Kohhran 75
2. Thalai Kristian Pawl 78
3. Baptist Kohhran Hmeichhe Pawl 81
4. Kristian Naupang Pawl 84
5. Baptist Mipa Pawl 87
6. Bialtu Pastor lo ni tawhte

VII. Greetings 90

VIII. Then 3-na : Annual Report 100
1. Tualchhung Kohhran 103
2. TKP 106
3. BKHP 108
4. KNP 110
6. BMP
113
IX. Missionary Profiles 115
119
X. Obituary 123

XI. Then 4-na: Sermon & Articles
1.Hei leh chen hi Lalpan min pui a ni
- Upa Hrangdailova
2. Pathian thilthlawnpek Environment
- Upa C. Lalbiaka
3. BCM Distinctives
- Rev. Dr. K. Thanzauva
4. Kohhran Thalaite leh Zirna
- Upa Khawlthanga Sailo

XII. Sponsor

XIII. Photo Gallery

(i)

THUHMAHRUAI

Kum 1996, Nikir thla alo her chhuah chuan kan
Kohhran hruaitute ruahmanna leh Pathian min hruain-
ain B.C.M, Republic Vengthlang atangin BCM I.T.I Veng
chu kan lo indang ve ta a, a hranin Biak In la nei ve ta
lo chu I.T.I Veng Branch YMA ten Community hall hi hawn-
na inkhawm nan min hmantir a, Kohhran hawnna ar-
tui chhum kan ei ni kha mitthlaah a cham fo mai. KNP
naupang te zualah a harhpawl kan ni a, kan hruaitute rilru
hah dan turte kha tawngtai tam a ngai ngawtin ka ring.

Pathian ni leh lo awm turah inkhawmna tur pawh
neilo kha kan ni a, tuna kan dinhmun en hian Pathian hian
min hruai ka tilo theilo. Hun hmasa lam ah hian Biak In nei
talo chu S.A training-na chu sawrkar thuneitu ten inkhawm-
na atan min hmantir thin a, zingkar KNP inkhawmah thut-
thleng leh dawhkan senghawi ngai apiang kan seng hawi
ziah thin. Tui intur te kha Biak Inah kan pai thin a, Kohhran
dang naupang ten mak min ti thei hle thin. Biak In hmun kan
lei a, kan han laih laite khan leivung cheng rual lek kha kan
ni a, kan u te leh nu leh pa te lei laih vungah kan lo tawlh
nileng ve thak thin. Kohhran member tupawh alian ate, apui
anawi khan kan tangrual thin hle a, Biak In sak hnatlang a
nih tawh chuan tumah kan awl ngailo. Kan tih theih tawkah
kan phe buai vek thin. Heng hun lai ka ngaihtuah let hian
lung avan leng thar em! Heng hun zawng zawng atanga kan
kal chhoh zel dante ka chhut kir hian Silver Jubilee kan lo
lawm ve thei ta mai hi alawmawm mai niloin lawm avangin
he thu ka ziahlai hian rilru a hnim ruih thei hial nia. Min hru-
aitu Pathian hnen ah lawmthu awm mawlh mawlh rawh se.

(ii)

Ni a lo ral a, thla a lo liam a, kum 25 a lo vei meuh
chuan kan beisei phak meuh loh Silver Jubilee lawm tumin
Kohhran kan lo inbuatsaih ve ta reng mai. Biak In pawh a
vawi hnihna atan kan lo sa leh tawh a, kan hruaitute hmal-
aknain a chanve aia tam mah Concrete Building lian tak
kan sa zo thei te hi lawmna tur hlir a ni. Hetia Silver Ju-
bilee te kan lo thlen ve dawn tak ah chuan kan hruaitu
ten Souvenir bu buatsaih atulin an hria a, kan Kohhran din
tirh atanga tun hun thlenga kan record hrang hrangte leh
thlalak thenkhatte, kan hruaitu hmasa leh hruaitu la ni mek
Krista leh Kohhran tana thawkrim tak takte thuziak hrang
hrang lak khawm te, kan Kohhran din tirh atanga tun thlen-
ga mual min liam san ta te thlalak lak khawm te a lo tul
a, Pathian zarah chhinchhiah tur leh ngaipawimawh tur a
lo awm ve ta nual mai. Tihsual palh hlau tak leh kan theih
tawka fimkhur chungin kan hmuh theih chinte kan han dah
tel a, kan Kohhran than chhoh dante pawh famkimlo takin
kan hriat theih chin chinte kan han tarlang ve bawk a ni.

Hripui leng karah rilru a ruahman lawkna chhete kan
neih ve te pawh tih famkim theih a nih loh laiin, kan Sou-
venir bu Memorabilia-ah hian kan record lakkhawmah te
leh thil hrang hrang kan han tarlanah te hian diklo deuh a
lo awm palh kan ring a, kan tihfel loh thil tam takte, tar-
lan tel tur awm tak han tarlan lohte a lo awm anih chuan
chhiartute hriatthiamna kan dil nghal tak meuh meuh a ni.
A hminga a buatsaih tute hi mi famkim leh hriatna nei zau,
mithiam awmkhawm kan nih miau loh avangin kan tihsual
leh tih dik tawklohte chhiartu ten min han hriattir dawn nia.

Awle, kan Kohhran din tan tirh atanga tun thlen-
ga min thlahthlamloa min hruaitu leh Souvenir bu buatsaih
anih chhung zawnga kan hmahruaitu Pathian chu fakin awm
se la, Memorabilia buatsaihna kawnga ahlawhtlinloh hlaua
ngaihtuahna leh hun leh tha sengso zawng zawngte, zan

(iii)

rei pawh pawisa zolo a tha leh zung seng tu te, record leh
kan mamawh kan tarlan tur min ngaihtuahpuitu te bakah,
Fellowship Secretary-te, Article leh Message min ziah saktu
zawng zawngte chungah thinlung takin lawmthu kan sawi a.
Tin, kan ngenna ngaipawimawh a Sponsorship rawn titu te,
sum leh pai ui miahlo a rawn thawhtu Kohhran hruaitu leh
mi inphal te chungah lawmthu kan sawi tak meuh meuh a
ni. Kan zavaia tanrualna avangin he lehkhabu hi khawr pum
thei chauh kan ni. Mimal hming tihlan a remchan loh avan-
gin kan lawmthu sawina te min lo pawmsak hram dawn nia.

Kum 2046 Golden Jubilee kan thlen ngei theih
nan Pathian hruaina leh awmpuina chang turin dil ila,
inlungrualna leh inhmangaih tawnna nen thahnemngai
taka hmalam pan zelin, kan hmalama kan tihtur awm te
Pathian rinchhan chungin thahnemngai takin i ti zel ang u.

Jonathan Lalvenhima
Editor,

Memorabilia

(iv)

BAPTIST CHURCH OF MIZORAM

EXECUTIVE SECRETARY OFFICE, AIZAWL AREA.

Baptist Centre : G -10, Chanmari : Aizawl -796001

Website: www.mizobaptist.org. E-mail: mathanaralte @gmail.com

Rev. Dr. R. Lalthanmawia Motto : Gospel for All Ph. 0389-2323484
Executive Secretary Mob- 8259974180

SILVER JUBILEE
MESSAGE

Baptist Church of Mizoram, I.T.I Vengin harsatna tam
tak kara a piancham vawi 25-na Silver Jubilee a lo thleng ve
ta reng mai hi Sam ziaktu’n “Chu chu Lalpa thiltih a ni a,
kan mithmuhah a mak a ni” (Sam 118:23) tia a sawi ang khan
Pathian hnathawh liau liau a ni tih a chiang hlein ka hria. Ko-
hhran member pawh khawvel thlirna atanga mi challang leh
hausa awm lo, thiamna leh finna lamah pawh sawi tur awm-
lo ni mahse, a neitu Isua krista rinawmna chuan he hun ropui
tak hi a rinawmnain a hruai thleng a ni kan ti lo thei lo vang.

Vawiin a Pathian rinawmna kan hmuh hian Kohhran
memberte thinlungah chona leh Amah rinchhana huaisen
taka ke min pen tirtu nise. Hmalam hun lo awm zel tura
rawngbawlna hlenchhuah tur tam tak awmte tihhlawhtlin anih
theih nana inpekna thara min hruai luttu lo ni mawlh rawh se.

A tawp berah chuan I.T.I Veng Kohhran member zawng
zawngte Pathian hnena lawmthu sawi fo turin ka chah duh che
u a. Duhsakna sang ber hlan chungin member zawng zawngte
Silver Jubilee hlim taka hmang turin chibai ka buk a che u.

Date 20.2.2021

(R.Lalthanmawia)

(v)

Rev.J.C Vanlalluaia BAPTIST CHURCH OF MIZORAM Ph. 0389- 231272
Bialtu Pastor REPUBLIC VENGTHLANG PASTOR BIAL Mob- 9436350635

Pastor Quarter, Republic Vengthlang
Aizawl - 796005, Mizoram.

Motto : Gospel for All

SILVER JUBILEE
MESSAGE

Baptist Church of Mizoram, ITI Veng Kohhran, Aizawl, kum
25-na Silver Jubilee min hruai thlengtu Pathian chu chawimawiin
awm rawh se.

Kohhran member zawng zawngte, Kohhran neitu Tholeh
Isua hmingin Jubilee chibai ka buk che u a, tisa leh thlarau lam
nunah Pathian malsawmna in dawnna turin leh hlim taka Jubilee
in hmanna turin ka duhsakna ka hlan a che u.

Lalpa’n Kohhran a dintirh leh tun inkarah Kohhran tana
thahnemngai taka thawktu, Pathian Kohhran retheihpuitu leh Lal-
pa remruatnain ropuina ramah min lo hawsan tawha, vawiin ni
ah hian rilru an ti tharin an ngaihawm takzet a ni. An chhungte
Kohhranin a hrereng che u a; Jubilee hi hlim tak leh thlamuang
taka in hmanna turin duhsakna a hlan a che u.

Khawvel history-ah chuan Juda-te chu Jubilee lo hmang
hmasatute an ni a, ‘Chhanchhuahna kum’ (Year of Emancipation)
angin an hmang ber a. Jubilee kum a lo thlen chuan leiba zawng
zawng an ngaidam a. Leibat neite chu an phurrit la kiangin ch-
hanchhuah an ni thin.

Kan Jubilee-ah hian midangte tan malsawmna thlen-
tu ni turin; kan leiba te ngaidam ila, kan rilru tinatu leh kan
pawisawitute pawh theihnghilhin Jubilee i hmang ang u.

Lalpa’n Baptist Church of Mizoram, I.T.I Veng Kohhran
malsawmin a ram zau nan hmang zel rawh se.

(JC. VANLALLUAIA)

(vi)

BAPTIST CHURCH OF MIZORAM
I.T.I VENG, AIZAWL

SILVER JUBILEE
MESSAGE

BCM, I.T.I Veng Kohhran ten Pathian khawngaihna
zara Silver Jubilee kan lo thleng thei hi a lawmawm em
em a, Pathian hnenah lawmthu i sawi ang u. Silver Jubilee
Committee ten Message ziak tura min sawm hi Lal Isua thihna
leh thawhlehna a zara ka chan a ni tih ka hriatin a ropui ka ti.

BCM, I.T.I Veng Kohhran hi kum 1996 June ni 9-ah
member tlemte in hawn a ni a, Inkhawmna tur Biak In pawh
awm lovin, intumchawp Pathian anih zia lantirin Kohhran te
Lalpa’n min hruaia. Kohhran kalphung pangngaia kal thei turin
kan hma min hruaisak a, kan thlarau leh tisa a kan mamawh
hriain min hruai thin, a va lawmawm em! Kan thlarau nun
a min kaihruai turin Bialtu Pastor fel leh tha tak takte, Bial
hruaitute leh Kohhran hruaitu tha tak min pe thin a. Kan
mamawh zawng zawng min petu Lalpa chu fakin awm rawh se.

BCM I.T.I Veng Kohhran a lo puitlin theihna tur atan a tha
leh zung lo seng tawh zawng zawng te hnenah lawmthu ka sawi a.
Fellowship hruaitu zawng zawng te hnenah pawh lawmthu ka sawi
bawk a ni. Kan Kohhran member Chatuan ram min pan san ta te an
ngaihawm em em a, Chatuan ramah kan intawh leh kan beisei a ni.

A tawp berah chuan Kohhran member zawng zawng te
thawhhona tha tak hnuaia rawng kan bawl zel theih nan ‘Tlawmna
puan’ sin chunga hmangaihna leh khawngaihna a rawng in bawlsak
tawn a, ‘Chanchintha Mitin tan’ ti chung zela kan theihna sang ber
Lalpa tan hlan zel turin kan in sawm a ni e. Jubilee hmangtu zawng
zawng te hlim taka hmang turin duhsakna sang ber ka hlan a che u.

(J.VANLALLIANA)
Chairman

(vii)
SILVER JUBILEE PROGRAMME

A hun : June 9, 2021 (Nilaini)
A hmun : BCM Biak In, ITI Veng

Thupui : “Hei leh chen hi Lalpan min pui a ni” (I Samuela 7:12)

Speaker : Rev. J.C Vanlalluaia, Bialtu Pastor

Jubilee dar vuak : 10 : 00 a.m

Lungphun hawnna : Dar vuak zawhah

Lungphun hawngtu : Rev. JC. Vanlalluaia, Bialtu Pastor

Pathian biak inkhawm : 11:00 a.m

Hruaitu : Upa J. Vanlalliana,

Kohhran Chairman

Thupuan : Kohhran Secretary

Report : Secretary, Jubilee Committee

Lawmthu sawi

tawngtai : Upa Hrangdailova

Citation- hlanna : Kohran Puipa (OB) hmasa berte

Souvenir tlangzarhna : Upa K. Lalrinmawia,

Chairman Jubilee Committee.

Thuchah : Speaker

Note: Ruahmansaah Jubilee lawmna Programme- hi June 7 – 9
(zan thum leh ni khat) a ni a. Covid19 hrileng avanga inkhuahkh-
irhna dan (SOP) ah tiamchin awm loa zan lam Curfew- a nih tak
avangin; zan lam Programme-kan siam tawh sate thiah (Cancel)
a ni a. June 9, 2021 (Nilaini) Jubilee- ni Programme-chauh siam
a ni ta a ni. Jubilee lawmna hi ruai nen ropui taka lawm tuma
ruahmanna siam a ni a. Ruahman lawk anga hman a rem tak loh
avangin thlan bik mi 30 (SOP-in min phalsak chin) te chauhin he
hun hi hman a ni.

Jubilee dar hi vawi 25 vuak niin, Tualchhung Kohhran leh
Fellowship hrang hrang President theuhte leh Jubilee Committee
aiawh thlanchhuah ten dar hi fimkhur takin, Surgical Glove bun
chunga vuak a ni.

2021 chhunga Hruaitute
(a)

2021 chhunga Hruaitute
(b)

2021 chhunga Hruaitute
(c)

2021 chhunga Hruaitute
(d)

2021 chhunga Hruaitute
(e)

2021 chhunga Hruaitute
(f)

2021 chhunga Hruaitute
(g)

THEN 1-NA
KOHHRAN CHANCHIN

Silver Jubilee Souvenir, B.C.M, I.T.I Veng 1

BCM, I.T.I VENG CHANCHIN

BAPTIST CHURCH OF MIZORAM: I.T.I VENG
CHANCHIN TLANGPUI

Baptist Church of Mizoram, I.T.I Veng in kum 25-na
kan thleng ve ta reng mai. Kohhran din tirh atanga tun
thlenga kan kal chhoh zelnaah Lalpan min awmpui a
ni. I.T.I Veng Baptist Kohhran chanchin chipchiar tak
chu kan tarlang kim seng lo ang a, amaherawhchu kan
chanchin hi bul kan tan chhoh atanga tun thlenga kan
indin chhoh leh kal zel dan tlangpui kan tarlang dawn
a ni.

Kohhran din tan dan : Venga Pu C. Lalbiaka -Inah
I.T.I Vengchhungah Bap- Baptist Kohhran mi leh
tist kohhran mi leh sa kan sa te mi 7 inhmukhawmin
awm ve tak nual avangin Kohhran indan chungc-
Baptist Church of hang thu hi ngaihtuah a ni
Mizoram, Republic Veng a, April ni 14, 1996 zanah
Kohhran Committee ch- mi 14-te Pu C. Lalbiaka
uan I.T.I venga Mizoram In ah hian in hmu khawm
Baptist Kohhran In- lehin, chuta member kal
dan chungchang thu a
ngaihtuah a. Kohhran
dinhmun te lo enfiah
a, atul anga hma lo la
turin Pu C. Lalbiaka, Pu
Hrangdailova leh Pu Sailo-
thanga Sailo te a ruat a.
Anni hmalakna hian April
ni 4, 1996 zanah I.T.I

2 Memorabilia

KOHHRAN CHANCHIN

chuan Kohhran indan chu lungrual takin an pawm ta
a ni. He an thutlukna hi BCM, Republic Veng Kohhran
Committee-ah thlenin, an ni hian Bial-ah an thlen ve
leh a, Bial Executive Meeting chuan Kohhran indan hi
remtiin, hetiang hian ruahmanna a siam ta a ni.

Kohhran puipa atan heng mite hi ruat an ni:

Chairman : Upa Chalsiama
Chairman Elect : Pu Hrangdailova
Secretary : Pu C. Lalbiaka
Asst. Secretary : Pu K. Lalrinmawia
Treasurer : Pu Sailothanga Sailo
Asst. Treasurer : Pu Khawlthanga Sailo

Kohhran din tirh hian Kohhran chhungkua
27, member 109 kan ni a, Republic Kohhran atangin
Kohhran Upa 1 leh rawngbawltu 3 kan indan thlak pui
a ni.

Biak In sak chhoh dan : Kohhran kan han indan dawn
takah chuan Inkhawmna tur hmun ngaihtuah a ni a,
Home Guard barrack hlui, High School lamin an hman
zui tak chu inkhawmna atan dil a ni a, thlakhatah
Rs 400/- a luah turin Managing Board lamten min
remtih sak hnuin inkhawmna turin cheibawl a ni a,
hnatlang te neiin Biak In thutthleng tur pawh 19 lai
kan siam hman a, Kohhran hawn a nih hma lawkin,
hotu lam atanga thupekin min thiah sak ta thut mai a,
a manganthlakin a hrilhhai thlak hle a ni.

Silver Jubilee Souvenir, B.C.M, I.T.I Veng 3

BCM, I.T.I VENG CHANCHIN

Hetia Inkhawmna tur hmun kan neih tak lohah
chuan PWD hnuaia SA Classroom chu inkhawmna atan
hian kan han dil leh a, an ni hian a thlawna luah min
phalsak hlauh mai a, Biak In kan neih hma zawng chu
helai hmunah hian kan inkhawm ta nghe nghe a ni.

Headquarter lamin Pu Rokunga inhmun, tuna
kan Biak In hmun lo ni ta hi Rs 2,50,000/- in min leisak
a, hetia Biak In hmunte kan han neih takah chuan Biak
In sa tura ruahmanna siam a ni a, Envelope ah Biak
In Sakna (BIS) Head leh Biak In Sak tanpuina donation
(Appeal) dil khawmte min remtih sak angin, theihtawpa
hmalak chhunzawm a ni a, Kohhran puipate leh mem-
bers ten neih remchan ang angte thawhkhawmin, BKHP
te pawhin Notebook leh pen te zuarin Biak In sakna
atan hian theihtawp an chhuah a ni.

Kan sum neih ang anga bul tan tura ruahman a ni
a,April 3, 1997 zing lam dar 7 khan Rev F. Lalchungnunga,
Aizawl E.S in Biak In sakna lungphum phumin, Biak In
sakna tur hmun laihzawl hnatlang neih chhunzawm a ni
a, Republic leh Bethlehem lama kan rawngbawlpuiten
min rawn pui bawk a, kan hlim tlang hle.

Biak In sakna atan hian Kohhran committee-in
a ruahman angin Zohmun lamah thingzai zai tir a ni
a, a phurhna atan hian Pu C. Lalbiaka’n motor te a
ngaihtuah a, Pu Sailothanga Sailo leh Pu J. Vanlalliana
te a hmunah an han kal a, Biak In hi theih ang anga
sak chhoh niin sum harsatna kan tawh chhoh hnuah
pawh Upa Zolawma, Bawngkawn a miin a dawr a mi
rangva leh tiles-te min bat tir a, an ni mai bakah

4 Memorabilia

KOHHRAN CHANCHIN

hian mimal pawisa puk sak engemawzat a awm
bawk a, Biak In Tukverh leh Ventilation Frame pawh
Kohhran Committee Member ten an in tum sem a
ni. Thahnemngai taka Kohhran chhungkuate tanrualna
hnuaiah Pathian hruaina leh awmpuinain Biak In chu
luah theihin kan lo peih ve ta a. Tichuan, Biak In thar
chu February ni 1, 1998 Pathianni ah kan luah tan ve
ta a ni. Lalpa’n thil ropui tak min tih sak avangin
kan lawm hle a ni.

Biak In thar hawnna hi October ni 1, 1998
(Ningani) ah Bial Inkhawmpui thlen kim ni in neih a
ni a, a hawngtu hi Rev. C. Rothuama, Executive
Secretary, Aizawl a ni. Biak In thar lawmna ruai
ropui takin buatsaih a ni a, Kohhran mi zawng
zawngte leh inkhawmpui Palai lo kal zawng
nen hlim takin Biak In thar lawmna ruai hi kan
theh mup mup mai a ni.

Biak In sak tum 2 na:
Kohhran a lo than chhoh zel takah chuan

member-te kan lo pung ve hlek hlek a, Biak In thar
mamawha inhriatna a lo len tak deuh avangin Biak In
hmun thlang lam ram awl la awm Pi Chhingpuii ram
chu Rs 3,50,000/- a leibelh leh a ni a, RCC a sak tura
ruahhman niin mithiamte ruahhman tir a ni. Build-
ing Committee din niin, dt 13/7/2013 (Inrinni) khan
RCC a Biak In sa tura hnatlang hmasa ber atan Rora
chhut hnatlang neih a ni a, kohhran member 24 zet
hnatlangin an thawkchhuak thei a ni.

Silver Jubilee Souvenir, B.C.M, I.T.I Veng 5

BCM, I.T.I VENG CHANCHIN

Biak In sa tur hian Bank Loan-te la in theihtawp
chhuah a sak chhoh a ni a, Kohhranpui hnuaiah Building
Committee te dinin ngawrh takin Biakin sak hna hi
chhhunzawm a ni chho ta a, Biak In sak kawngah hian
Kohhran in tinah Special Appeal-te khawnin sum tuak
thin a ni a, kan biakin sakna ah hian Kohhran mipui te
kan tangrual hle a, Fellowship hrang hrangte TKP, BMP
leh BKHP te pawhin Plan leh Budget ah kum tin sum
te dahin Biak In sak pual hian hnatlang vawi tamtak
koh a ni bawk.Heng zawng zawng bakah hian mimal
tlawmngaiten thahnemngai takin sum leh pai bakah
Biakin sakna bungrua chi hrang hrangte an rawn tum
thin a, hengte hmang hian kan biakin hi sak a ni mek a
ni. Ruahman dan ah chuan tuna kan inkhawmna atana
kan hman mek hi Committee room tur leh Toilet tur ala
ni a, Biak In tak chu a chunglam ah hian chhunzawm
tur a la ni dawn a ni. Kohhran hote tanrual kan la ngai
hle a, tawngtaina nen lungrualtakin Biak In sak hi kan
chhunzawm a la tul dawn a ni.

Kohhran Upa thlante leh a dangte:
BCM, I.T.I Vengdintirh hianUpa Chalsiama chauh Kohhran
Upa a awm a, kum 1997 khan Rev TC. Laltlawmlova
kaihhruaina in Kohhran Upa thlanna hmasa ber neih a
ni a, Pu C. Lalbiaka leh Pu Hrangdailova te Upa atan
thlan tlin an ni. Hemi hnu zela Kohhran Upa kan thlan
chhuah dan chu hetiang hi a ni.

6 Memorabilia

KOHHRAN CHANCHIN

Sl No Thlan hun Thlan tlin
1. 2006 Pu K. Lalrinmawia
2. 2006 Pu Khawlthanga Sailo
3. 2015 Pu C. Kamlova
4. 2016 Pu V.L Ruatliana
5. 2018 Pu J. Vanllalliana
6. 2019 Pu V. Lalchhuanawma
7. 2019 Pu R.H Hrangchhunga

Heng bakah hian Kohhran a rawngbawlpui turin

Kohhran Upa tha tak tak an rawn pem lut bawk a,

rawn pem lutte chu hetiang hi a ni.

Sl No Hming Pem hma a lawina

1 Upa Zaithantluanga BCM, Chawlhmun

2. Upa K. Darkunga (L) BCM, Bethlehem

3. Upa T.C Malsawmsanga BCM, Kawnpui

4. Upa P.C Malsawma BCM, Venghlui

Kohhran Enkawltu (Chowkider) : Biak In leh a
chhehvelte enkawl tur hian mi tlawmngai engemawzat
hman an ni tawh a, Biak In chowkider hmasa ber hi
Pu Fangmawia niin, a hnuah hian mi hrang hrangin
tlawmngaih chhuahin min enkawl sak thin a. Kohhran
enkawl hna hi a hautakin, lawmman tam tham kan pek
theih loh avangin tlawmngaih chhuah tak taka inpekna
nen Biak In hi enkawl a ngaih avangin kan Biakin
enkawltute hi an chhuanawm em em a ni. Kum 2019
atang khan Biak In chowkider tan hian Quarter ruahman
sak niin, kumin hian chowkider atan Pi Lalrintluangi
lak a ni a. Tun dinhmunah hian Chenna in, tui leh eng
free bakah thlatin Rs 5,000/- pek thin a ni.

Silver Jubilee Souvenir, B.C.M, I.T.I Veng 7

BCM, I.T.I VENG CHANCHIN

BCM, I.T.I VENG AT A GLANCE

Kohhran din tan ni : 9th June, 1996
Kohhran hawngtu : Rev. F. Lalchungnunga, E.S, Aizawl Area
Inkhawm tanni : 12th June, 1996
Lungphum phum ni : 3rd April, 1997
lungphum phumtu : Rev. F. Lalchungnunga, E.S, Aizawl Area
Biak In hawn ni : 1st Oct, 1998
Biak In hawngtu : Rev C. Rothuama, E.S, Aizawl Area
Biak Inhmun leina : Rs 2,50,000/- & Rs 3,50,000/-
Biak In thar sak tan : 13th July, 2013

Pastor hmasa ber : Rev T.C Laltlawmlova
Kohhran Upa hmasa ber : Upa Chalsiama
TKP President hmasa ber : Pu K. Lalrinmawia
BKHP President hmasa ber : Pi Hmingthanzauvi

BMP President hmasa ber : Pu Lalngaihzuala

Pic: Kum 1996 atanga 2020 thlenga member than dan

8 Memorabilia

TKP CHANCHIN

THALAI KRISTIAN PAWL:I.T.I VENG UNIT
CHANCHIN TLANGPUI

Upa V.L Ruatliana
(Ex-TKP President, 2000,2001,2002)

Thalai Kristian Pawl, I.T.I veng hi BCM ITI
veng kohhran a din rual khan din ve nghal a ni a,
amaherawhchu TKP thil tum atanga kan TKP kal phung
leh chet phungte kha en chuan beisei erawh a sang
vak thin lo hle a ni. Uangpui chang suh ila, kum thum
chhung President ka lo nih ve tawh avanga (hruaitu
hlui ka nihna changchawia) Souvenir Editorial board-
te’n min duhsaknaah hian ka lawm a, hetiang ang hiala
chanchin hlui ziak tura min sawmna angin ka han thai
kawi ve a ni ang chu.

A chhangchhiatthlakin a nuihzatthlak chang a
tam a, hringnun ram atanga thlir chuan hmuhsitawm
kan nihna lai leh chang pawh a tam ve ngawt ta ve ang.
Whatsapp-a thusawi ni ila ‘Smiley’ dahna tur a va tam
dawn tak em! Mahse, Lalpa Pathian hian Ama hminga
kan tih a nih chuan a titu leh kan tihdan lam min thlir
sak lo hlauh a, mi nuihza burah kan chhuak lo mai a lo
ni e. Pathian chu fakin awm mawlh rawh se. Tun hnua
ka ngaihtuah let chang hian rizai hnuaia ka nuih vur vur
chang leh ka zah chang a tam mai. Mahse, khang hunlai

Silver Jubilee Souvenir, B.C.M, I.T.I Veng 9

T.K.P CHANCHIN

tluka keimah leh ka rawngbawlpuite pawh kan inpekna
a san zia leh nuam kan tih kha a awm bik lovang. Kan
tangrual a, kan nupui fanaute aia kan ngaih pawimawh
chu TKP kha a ni tawp mai. Rualawh a na si, sum kan
nei si lo; vawk kan talh, a hlawk si lo. Hmunphiah kan
kek, kan hah ang aiin kan hmu tam si lo. Kan inpekna
kha Pathianin mal a sawm mai zawk a lo ni.

Khawmpui kan thleng dawn a sound system kan
nei chhe si a; Pu Rinzauva hovin thingzai duap man
tlawm kan zawng a, kan kawmawl ken khawmin kan han
tuam ta kha a nia. Biak In hnuaiah zunin kan siam ve lah
chu kan Kohhran Upa thenkhatin min lo hau. Silpaulin
kan han zar mawi ve a, zun laklawh laiin thliin a rawn
chhem puar ta thin kha chu mahni ke rang vekin kan
in zun per a, huiha, a hahthlak lutuk! Inhlawhna tur
kan hriat loh avanga Committee kohnaa Agenda awm
sa aia tam dawn AOB kan rel chang lah a tam narawh
e. A chang leh Agenda pakhatah kan zankhua lo chauh
bawk. Kan rawngbawlpui pakhat phei chu a thinur
beidawng khawp a vawi thum lai banna ka hnenah a
rawn thehlut a, ka lo pawmsak duh bik lo va; inphatsan
hun a ni lo ka tih tlat avangin a bang lui ngam bik ta
lo a, committee-naah chuan a lo kal ve leh mai zel tho
a. Kohhranin Sr. Adviser min pekte lah kha kan rilru
chen tho pu an ni a (mitthlaah an cham), keini lahin
kan rawn ngai lem lova, Committee permit kha an ni
deuh mai a, tun hnua ka ngaihtuah hian ka khawngaih
hnuhnawh ngawt mai. Kohhran Committee ten minlo
hriatthiam thin zia leh kanlo hriatthiam loh zawk zia

10 Memorabilia

TKP CHANCHIN

kha tunnhnu hian ka hre chhuak thiam ve chauh a ni.
An thu leh hla khan kan Committee-ah awmzia vak a
nei lo. Tun hnu hian Sr. Adviser pawimawhna leh an
tihtur dik tak an tiha a hmanna tur taka kan hman
chuan an lo hlutzia ka hre chhuak hnuhnawh.

Vawiinah pawh hian Kohhran hruaitu thenkhat
hian Adviser mawhphurhna leh tihtur kan hre tawk
lo a, kan advice turte hian min thunun zawk tlat niin
a lang, Fellowship-te pawh hian kan la hmang thiam
chuang lo mai ni lovin Kohhran hruaitu, TKP pass lo,
member indaih lohna avanga Sr. adviser-te hi kan awm
tak nual avangin inrelbawlnaah (administration) kan
tla hniam thin a, kohhranin a tawrh chang a awm ta fo
mai.

TKP Zaipawl anga hla kan zir a, kan insawm
khawm tam ve lai berin hmeichhia, pumrua intia
lo lutuk hlir panga vel kan nei ve a, hla rem hun a
lo thlen meuh chuan kan kim leh thei si lote kha a
beidawnthlak ve thin a ni. Tin, vawi hnih tal hi kan la
tha ngei ngei. Vawi khat phei chu TKP ka chhuahsan
tawh hnuah Tv. Matluanga ka zawt a, “Nizanah engnge
in tih?” ka ti a, “Central church-ah hla kan han zir” a
ti a, a awmzia ka zawt a, vawi thum lai an lo la tha a ni
awm e, a zahthlak ve awm mai mai. Pu Ramsanga pawh
Conductor-a a tan tumin a khur nasa lutuk a, “Do” a
ti khur hlawk hlawk a ni awm e. Tlar hmasa Soprano
ho nuih a za si,an zai chhuak thei hram a ni awm e.
Conductor kan nei tha lo kha thil hreawm tak a ni. Tunah

Silver Jubilee Souvenir, B.C.M, I.T.I Veng 11

T.K.P CHANCHIN

chuan kan nei tha tawh a, member-te inpekna a zirin
zaipawl tha tak kan nei thei tawh. Pathian malsawmna
tak meuh meuh a ni e. Kan thianpain Pu ZH Zoliana kha
a hau a, “Guiter kha perh dim ve deuh rawh, a hrui i
ti chat reng mai, pawisa kan neih loh hi, i guiter hrui
perh chah man pawh I thawk chhuak lo”, an ti mai
chu(h), ka lo ip chawih chawih mawle. Pu Zoliana lah
chuan a lo ngai haw lem lo hlauh a, kan inhau na thei
teh a sin. Upa J. Vanlalliana @Vla hian kan tlak chham
ni a a hriat apiang hi tawngtai rualnaah hian a thawh
thin a, tun hnu hian a lo tha riau tih ka hre ta.

Kohhranah hian khang hunlai khan kan tel tam
a, hnatlangah pawh kan thawk tha. Tu’n lo haw lo se,
khatih lai huna kan Kohhran hruaitute kha hnathawh
kawngah an rem hre lo a, hnatlang hnarkaitu leh
tihlawhtlingtu kan ni ve tlatin ka hria. Kan Kohhran
Pathian biakna leh hnathawhnaah ka tel zel ang tih kha
kan tihlawhtling khawp mai. Kan sum hmuhna tlangpuite
pawh vawiin thlengin; Faith promise, hmunphiah keh,
pickle siam leh zawrh, mautuai khawrh, ban khur laih,
slab chhun, rawra leh balu thiar, bawm-inleng, phalthil
theh khawm, vawk talh leh ar sa zawrh a ni mai a,
hetiang bak hi Aizawlah chuan a remchang vak lo.

12 Memorabilia

TKP CHANCHIN

Mihringte kan lo changkang zel a, TKP-te pawh
tunah chuan Kohhran chhungah chuan ngaihtuahawm
lo leh changkanna seng lut thiam ber, a ngaihna leh
hmangchang hria, kawng engkimah Kohhran kut ke ni
thei dinhmunah an ding tih hi ka hmuh dan a ni. KNP
te entawn leh ngaihsan an Hero anni tih inhria se, an
nun leh chetzia uluk se, Nakin lawka Kohhran hruaitu
tur an nih bawk avangin an in tahhriam a pawimawh
khawpin ka hria. Amaherawhchu anmahni zingah sual
hnathawh avanga han peng bo ve hret hret sawi tur chu
awm ve tho mah se Fellowship dangte ai chuan enkawl
an nuam a, chanvo chungchang thu-ah induhsakna leh
a bika rem lo chung chunga in-promote tumna awm
lo se, mi thate an thatna anga chawimawi leh hman
tangkai zel ni se, member chak lo zawkte dawm kan
kawngah hma la zel bawk sela, TKP thutiam: Krista leh
Kohhran tan- ‘Ka chakna Isua Krista chu ring tlatin
nitin Pathian ka pawl anga, kan kohhran Pathian
biakna leh hnathawhnaah ka tel zel ang. Khawtlang
thatna leh inunauna tinghet turin ka thawk anga,
Krista hnenah midangte hruai ka tum tlat ang’,
ti chung zelin an hnunga lo kal zel turte tana entawn
tlaka invawng zel turin duhsakna ka hlan e.

~~~~~~~~~~~~

Silver Jubilee Souvenir, B.C.M, I.T.I Veng 13

B.K.H.P CHANCHIN

BAPTIST KOHHRAN HMEICHHE PAWL : ITI VENG UNIT
CHANCHIN TLANGPUI

Rbt. Lalbiakzuali
(Secretary, 1996-2001,
President 2002, 2003,2006, 2008, 2009,

Treasurer 2011)

BKHP ITI Veng Unit hi Dt. 9.6.1996 BCM ITI Veng

din rual khan kan hotute remruatnain BKHP ITI Veng

Unit hi a ding nghal a, chuta kan hruaitu hmasa berte

hming hi han tarlan ve hrim hrim hi ka duh a chungte

chu :

President : Pi Hmingthanzauvi

Vice President : Pi Lalthantluangi

Secretary : Pi Lalbiakzuali

Asst. Secretary : Pi F. Zomuani

Treasurer : Pi R. Lalluri

Finance Secretary : Pi P.C. Sangliani

Sr.Adviser : Upa Chalsiama

: Rbt. C. Vanlala

BKHP ITI Veng Unit din tirh hian member 9 kan
ni a, chungti chung chuan BKHP ten hma a lakna kawng
hrang hrang hi a la kim ve nghal vek a ni. MBKHP Target,
BKHP Bial target, Mission Support, chhawmdawlna
In tanpuina Nauhnuchham (B.C.O) enkawlna, Biak In

14 Memorabilia

B.K.H.P CHANCHIN

sakna te, hetiang tuak hian hlim takin hma kan la ve
thin a ni.

Tin, MBKHP Day te hmangin thuzir te zirin
inkhawmna te kan nei ve thei nghal vek a ni. Dt.
22.07.1996 ah BKHP inkhawmna hmasaber kan nei a,
chuta kan thawhlawm chu Rs 16 a ni. Membership fee
kan khawn sum tlingkhawm hmasa ber chu Rs 11 a ni.

SUMTUAK DAN TLANGPUI LEH HMALAKNA
THENKHATTE:

Dt.29.06.1996 khan chi pack in sumtuakna
hnatlang hmasa ber neih a ni. Tin, kan fate kawr bang
puanthem te thawhkhawmin Pi R. Lianzuali, Kulikawn
ah a khawl hawhin vawi tam tak rawmawl tlangte
thuiin kan kal thin a, kan zuar leha, sum tamtak kan
lei chhuak thin. Sachek leh Lasi te zuarin sum kan tuak
bawk thin. Tin, Christmas Card hlui te mi dilkhawmin
lehkhabute leh note bute-ah te siamin Pen nen MBKHP
khawmpui leh Bial inkhawmpui ah te, Aizawl veng
hrang hrangah te kan zuar a sum tam tham tak kan
lei bawk thin a ni. Tin, note bu siam hian zan tin kan
hnatlang a, zan khatah hian bu 100-200 te kan siam a,
a tukah kan pasal ten chem chhip tat hriamin kut durh
phungin min cut mam sak leh thin. Hun alo kal zel a,
E.S. Office Press ah te YMA Office ah te kengin awmsam
zawkin min lo cut sak ta a ni.

Thil nuihzatthlaktak pakhat kan zep tel lawk
hetia thil zuara kan vahvel na ah hian vawi khat chu
Millenium Centre sak hma hian an laih khuar ah hian

Silver Jubilee Souvenir, B.C.M, I.T.I Veng 15

B.K.H.P CHANCHIN

bag an lo paih tel teuh mai a, a zipper duh vang khan
kan chhar teuh mai a, Zipper chuan ipte zipper nei
kan thui a, sum tam tak kan lei chhuak thei a ni. Tin,
St. Francis-a tawngtaina thu kha Poster ah kan siam a
kan hralh leh a, sum tamtak kan thawk chhuak leh a ni.
Upa C. Lalbiaka’n Forest huanah sahar-ah lei te thunin
inhlawhna te min siamsak thin bawk. Tin, sarang than
kan leia apron leh lukhum kan thui a chupawh chuan
sum tamtak kan lei bawk. Dt.16.02.1999 MBKHP khaw-
mpui Chanmari Lunglei a neihah khan Receipt donation
khawnna kan siam a, chutah chuan sum tam tham tak
Rs 10,119 kan hmu a biakin thutthleng nghenchhan nei
10 ngawt mai siam nan kan hmang a ni. Tin, sunhlu
te kan repa kan zuara sum tam ak kan lei bawk. Tin,
Fehchhuah hi thlatin kan nei a, inthlan nikhua ah te
thingpui sen hang leh kurtai te zuarin sum kan tuak
bawk thin. Group te siamin target te kan insiam
a, sangha te, arsa te, rawtuai te a theih ang angin
sumtuak nan kan zuar bawk thin.Tin, Kohhran in Biak
In sak nan kum engemawzat atang khan Rs 50,000/-
min rawn tuk thin a kan la pe ve zel thei bawk a ni.

Tin, kan dintirh atang a vawiin ni thleng hian
unit leh group hian kan sum tuakna ber leh pawimawh
ber chu fehchhuah hi a ni, neih ang ang keng khawmin
hruaitu leh lilamtute siamin thlatin kan nei ziah bawk.

16 Memorabilia

B.K.H.P CHANCHIN
UNIT BKHP RAWNGBAWLA KAN KAL CHHUAH
TAWHNATE :

BKHP te hian Kohhran te zawk leh fahrah
zawkte leh Missionary Field tlawhna te kan nei ve thin
a, hun hmasa lam deuha kan kal chhuahna te atlangpui
tarlang ila :

1. Marpara 2 . B C M K a n a n , T h e n z a w l
3. Phuldungsei Chaltui BCM 4. Luangpawl Nazarit BCM,
Mamit te an ni

Hlimtakin Fellowship te neih puiin hun kan
hmang ve thin a, a zawng zawng chuan ziah sen a ni
lovang, engpawhnise hlimtaka nu ho ten Lalpa rawng
kan bawlho na BKHP hi ding reng rawh se.

~~~~~~~~~~~~~

Silver Jubilee Souvenir, B.C.M, I.T.I Veng 17

K.N.P CHANCHIN

KRISTIAN NAUPANG PAWL : ITI VENG UNIT
CHANCHIN TLANGPUI

Joseph Lalhmangaiha
(KNP hruaitu 2002, 2003, 2004, 2005,

2006, 2007,2010)

Bul tanna: Baptist Church of Mizoram (BCM) ITI
Veng chu BCM Republic Veng atangin June ni 9, 1996
khan kan indang a. Hemi rual hian Kohhran hnuaia
Fellowship pawimawh tak pakhat Kristian Naupang
Pawl (KNP) chu Kohhran hruaitu ten an din ve nghal a.
Tichuan June ni 9, 1996 chu KNP ITI Veng Unit din tan
ni a lo ni ta a ni.

Hruaitute: KNP ITI Veng Unit hruaitu hmasa berte
(1996 – 1997) chu hengte hi an ni.

Convener - Nl. C. Lalchungnungi
Members - 1. Tv. PC. Vanlalvena

2. Tv. PC. Lalthianghlima
3. Nl. Laldingngheti
4. Nl. Sairengpuii

18 Memorabilia

K.N.P CHANCHIN

Heng hruaitu hmasa te hian thahnemngai takin
naupangte chu rilru, taksa leh thlarauva an thanlen
theih nan an lo kaihruai thin a. An inpekna a ropui hle
a ni.

Member dinhmun: KNP ITI Veng Unit dintirh ah hian
member 18 an ni a. Pathian zarah pung chho zelin
Kohhran record hnuhnung ber (2020) a a lan danin
member 113 an ni.

Activities: BCM ITI Veng a din tirh hian keimahni puala
Biak In kan la neih loh avangin Industrial Training
Institute (ITI) classroom pakhat chu ITI lam hotute
leh BCM ITI Veng hruaitu te inbiakremna in Kohhran
inkhawm nan hman thin a ni. KNP te hian Pathianni tin
zing dar 6:00 ah anmahni pualin inkhawmna an nei thin
a. Fakna hla te, Bible chang vawn leh Kristian awmdan
mawite an zir thin.

April 23 hi KNP Day a nih angin he ni pual hian
a remchang angin naupangte tan intihhlimna leh a
lawmna hun buatsaih thin a ni.

Kumtin bial huapin KNP inkhawmpui bial KNP in
a buatsaih thin a. He hunah hian naupangten a huho
leh mimal a intihsiakna thianghlim an nei thin. KNP
ITI Veng Unit pawh a din tirh atangin Pathian zarah
khaihlak awm lovin an tel ve thin. Lawmman te pawh
an lo dawng ve nual tawh a ni.

Silver Jubilee Souvenir, B.C.M, I.T.I Veng 19

K.N.P CHANCHIN
Sumtuakna: Naupangte tan chuan pawl tana sumtuakna
neih tam theih a ni lo a. Zing inkhawm thawhlawm
tlingkhawm bakah Inrinni leh naupang school chawlh
remchangah mimal in tihfai, darthlalang nawhfai,
pheikhawk nawhfai leh tual phiatfai a inhlawh thin a
ni.
Thubelh: Naupangte hi nakin hnua kan Kohhran hruaitu
tur te an ni a. Anmahni kan enkawl dan leh kan hruai
dan hian kan nakin hun a hril a ni. Awm dan mawi leh
nunphung tha, Kristian tha leh mi piangthar ni tura kan
buatsaihna kawngah hian nasa zawk a tan kan lak sauh
sauh a pawimawh hle a ni.

~~~~~~~~~~~~~~

20 Memorabilia

B.M.P CHANCHIN

BAPTIST MIPA PAWL : ITI VENG UNIT
CHANCHIN TLANGPUI

Upa RH. Hrangchhunga
(Treasurer 1999, Vice President 2000, 2001 & 2010,

Asst. Secretary 2007, Treasurer 2008,
President,2009)

A hmasa in tho leh kan Lalpa Isua Krista hmingin
chibai ka buk a che u.

Kum 1997- 2021 Kohhranin kum 25 kan thlen
chamah hian Jubilee Souvenir bu a BMP Chanchin
tlangpui ziak turin min rawn ti ve mauh mai a (a hminga
‘Upa’ kan lo nih takah chuan a inthlahrunawm duh
ngei mai) ka lawm rual rualin ka huphurh hle mai. Phek
2/1 leka BMP chanchin tlangpui han tarlan chu a kim
lo nuaih ang tih ka hlau hlel love. Kan hotuten ti awm
berah min ngai ve bawk si a, ka thiam ang tawkin ka
rawn thal lai bekang puah phawng phawng mai dawn a
ni.

A hruaitu hmasa ber ni lo mah ila BMP hruaitu
hmasa pawl Kohhranah chuan (a kum upa lam nilo mah
ila) ka lo ni ve ta reng mai. Kohhran ding tir kan nih
angin hruaitu pawh mi thar, Kohhranah experience nei

Silver Jubilee Souvenir, B.C.M, I.T.I Veng 21

B.M.P CHANCHIN

hauh lo awm khawm, committee manner pawh hrelo
kan ni chu a hahthlak chang a tam hle mai. Mihring
indaihlohna avanga infawmkhawm kan ni ber mai a!
Committee nikhua pawha, “Pu Chairman” tih nachang
pawh hre mang lo te kan ni hlawm a, kan bultan dan
chu nuihzatthlak ve tak chu a ni.

Kan chanchin tlangpui lamah lo lut tawh dawn
ila:

1. SUM TUAKNA: Sumtuakna tlangpuiah chuan
thlatin Faith Promise member tina khawn hi (tuna la
kalpui mek) a ki pui ber a ni a. A huho a inhlawhna hi
kan hmu zeuh zeuh bawk a, chu chu kan sum dehchhuah
dan tlangpui chu a ni. Tumkhat chu, thahnemngaih thil
thuah Sawrkar atanga Contract kan hmuh ve theih nan
tiin President/Secretary seal siamtir a ni bawk (tun
hnua ngaihtuah chuan nuihzatthlak tak a ni).

2. RAWNGBAWLNA : Tun hma chuan inkhawm
hrang tham pawh kan awm lova, Committee pawh kum
khatah kan nei khat thin khawp mai, vawi 4/5 bak kan
committee thei lo.

i) WORK CAMP : Hun a lo kal hreta, BMP pawh
sawmhnih khat kan lo ni ve ta a, mistiri pawh kan lo
awm ve nual a, Tripura, Dulukma-ah Work Camp tura
sawmna kan tawng hlauha, kal man tur Upa C. Lalbiaka
pawisa puk sakin kan liam thla ve thei ta a ni. (A vai
hian ka chiang ta chiah lova, vawi 4/5 vel chu BMP
hming hian kan Work Camp ve tawh a ni).

22 Memorabilia

B.M.P CHANCHIN

ii) FEHCHHUAH : Rawngbawla fehchhuah hi AAA
& DC a lo din takah hian Kohhran aiawha BMP fehchhuah
hi tum li (4) vel lai chu neih tawh a ni.

iii) INKHAWM HRAN CHUNGCHANG : Hun a lo
inher ve zeal, a hranga inkhawm tham kan lo ni ve ta.
Tam hle lo mah ila kan inkhawm chhunah chuan kan tui
ve thei khawp mai. Sermon ngailote kan han Sermon
ve ta chu danglam tak a ni.

iv) KHAWMPUI KAL : ‘Khawmpui’ tih lemah
Zoram pum huap BMP Meet hi vawi thum neih a ni tawh
a, kan la kal thei zel a ni. Bial Khawmpui pawh kan
neih tan tirh atangin rokhawlhna awm lovin kan la kal
ve thei zel e.

3. ZAIPAWL : BMP Zaipawl hi member zawng zawng a
thei leh a tui apiang kha Zaipawl kan ni mai a, Aizawl
City Area BMP Zaipawl intihsiakna hmasa berah khan
pakhatna kan ni a, intihsiak tum hnihna ah erawh
pakhatna kan ni pha lova, pahnihna kan ni ta a ni.

Zaipawla kan rawngbawlna hi Lalpa’n mal min
sawm a, kum 2018 khan Zoram pum huap Pavalai (Hei
hi Presbyterian lam dan ania) Zaipawl zawng zawng
zingah thiam ber LELTE AWARD kan dawng a ni. Lalpa
chu fakin awm rawh se.

Zaipawla kan rawngbawlna hi Pathian zarah a
hlawhtling thawkhat hle mai a, Kohhran hrang hrangah
sawmtu kan hmu ve nual a, zaia rawngbawlna neiin
kan fehchhuak nual mai.

Silver Jubilee Souvenir, B.C.M, I.T.I Veng 23

B.M.P CHANCHIN

4. SPORTS : Sport hi Aizawl City Co-ordination Com-
mittee-in Aizawl khawpui chhunga BMP Unit tinte in-
tihsiakna a Football khelhna hmasa ber Tlangnuam ah
khan kan Unit hmingin kan lo tel ve tawh bawk a ni.

Aizawl City Co-ordination-in inelna a buatsaih
Football, Quiz, hruipawh etc. hi kan Unit hian Pathian
zarah a hmachhawn (represent) thei ve zel a ni.

A tawp berah chuan BMP I.T.I Veng Unit te Path-
ian venna leh kaihhruaina kan dawn zawng zawngah
lawmthu i sawi mawlh mawlh ang u.

B.M.P, I.T.I Veng Unit hi Pathianin hruaiin awm-
pui zel se la, Member-te inlungruala hmalam pan zel
turin; Pathian ropui nan theihtawp chhuahin ke i pen
zel ang u.

~~~~~~~~~

24 Memorabilia

THEN 2-NA
KOHHRAN RECORD

Silver Jubilee Souvenir, B.C.M, I.T.I Veng 25

RECORD

BAPTIST CHURCH OF MIZORAM : I.T.I VENG
KOHHRAN PUIPA LO NI TAWHTE

Kum 1996 : Upa Chalsiama
Chairman : Pu Hrangdailova
Chairman Elect : Pu C. Lalbiaka
Secretary : Pu K. Lalrinmawia
Asst. Secretary : Pu Sailothanga
Treasurer : Pu Khawlthanga Sailo
Asst. Treasurer

Kum 1997 : Upa Chalsiama
Chairman : Pu C. Lalbiaka
Chairman Elect : Pu Hrangdailova
Secretary : Pu . C.Vanlala
Asst. Secretary : Pu K. Lalrinmawia
Treasurer : Pu Khawlthanga Sailo
Asst. Treasurer

Kum 1998 : Upa C. Lalbiaka
Chairman : Upa Chalsiama
Chairman Elect : Upa Hrangdailova
Secretary : Pu C. Vanlala
Asst. Secretary : Pu K. Lalrinmawia
Treasurer : Pu Lalngaihzuala
Asst. Treasurer

Kum 1999 : Upa Chalsiama
Chairman : Upa Hrangdailova
Chairman Elect : Upa C. Lalbiaka
Secretary : Pu K. Lalrinmawia
Asst. Secretary : Pu Rothangliana
Treasurer : Pu Khawlthanga Sailo
Asst. Treasurer
Memorabilia
26

Kum 2000 KOHHRAN PUIPA NI TAWHTE
Chairman
Chairman Elect : Upa Hrangdailova
Secretary : Upa C. Lalbiaka
Asst. Secretary : Pu Vanlala
Treasurer : Pu K. Lalrinmawia
Asst. Treasurer : Pu Rothangliana
: Pu Khawlthanga Sailo
Kum 2001
Chairman : Upa C. Lalbiaka
Chairman Elect : Upa Chalsiama
Secretary : Pu K. Lalrinmawia
Asst. Secretary : Pu Lalremsiama
Treasurer : Pu Rothangliana
Asst. Treasurer : Pu C. Lalmuanzara

Kum 2002 : Upa Chalsiama
Chairman : Upa Hrangdailova
Chairman Elect : Pu K. Lalrinmawia
Secretary : Pu Lalremsiama
Asst. Secretary : Pu Rothangliana
Treasurer : Pu C. Lalmuanzara
Asst. Treasurer
: Upa Hrangdailova
Kum 2003 : Upa C. Lalbiaka
Chairman : Upa Chalsiama
Chairman Elect : Pu K. Lalrinmawia
Secretary : Pu C. Vanlalpeka
Asst. Secretary : Pu V.L Ruatliana
Treasurer
Asst. Treasurer

Silver Jubilee Souvenir, B.C.M, I.T.I Veng 27

RECORD : Upa C. Lalbiaka
: Upa Chalsiama
Kum 2004 : Upa Hrangdailova
Chairman : Pu K. Lalrinmawia
Chairman Elect : Pu C. Vanlalpeka
Secretary : Pu V.L Ruatliana
Asst. Secretary
Treasurer
Asst. Treasurer

Kum 2005 - 2006 : Upa Hrangdailova
Chairman : Upa Chalsiama
Chairman Elect : Pu K. Lalrinmawia
Secretary : Pu V.L Ruatliana
Asst. Secretary : Pu C. Vanlalpeka
Treasurer : Pu J. Vanlalliana
Asst. Treasurer

Kum 2007

Chairman : Upa Chalsiama

Chairman Elect : Upa Khawlthanga Sailo

(From Nov 07) : Upa Zaithantluanga

Secretary : Pu K. Lalrinmawia

Asst. Secretary : Pu V.L Ruatliana

Treasurer : Pu J. Vanlalliana

Asst. Treasurer : Pu C.T Lalrinzauva

Kum 2008

Chairman : Upa Zaithantluanga

Chairman Elect : Upa Hrangdailova

Secretary : Upa K. Lalrinmawia

Asst. Secretary : Pu V.L Ruatliana

Treasurer : Pu C.T Lalrinzauva

Asst. Treasurer : Pu J. Vanlalliana

28 Memorabilia

Kum 2009 KOHHRAN PUIPA NI TAWHTE
Chairman
Chairman Elect : Upa Hrangdailova
Secretary : Upa C. Lalbiaka
Asst. Secretary : Upa K. Lalrinmawia
Treasurer : Pu V.L Ruatliana
Asst. Treasurer : Pu C.T Lalrinzauva
: Pu J. Vanlalliana
Kum 2010
Chairman : Upa K. Lalrinmawia
Chairman Elect : Upa Hrangdailova
Secretary : Upa Zaithantluanga
Asst. Secretary : Rbt. J. Vanlalliana
Treasurer : Rbt. C.T Lalrinzauva
Asst. Treasurer : Rbt. J. Vanlalliana

Kum 2011 : Upa Hrangdailova
Chairman : Upa C. Lalbiaka
Chairman Elect : Upa K. Lalrinmawia
Secretary : Rbt. V.L Ruatliana
Asst. Secretary : Rbt. J. Vanlalliana
Treasurer : Rbt. H. Romawia
Asst. Treasurer
: Upa C. Lalbiaka
Kum 2012 : Upa Khawlthanga Sailo
Chairman : Upa K. Lalrinmawia
Chairman Elect : Rbt. V.L Ruatliana
Secretary : Rbt. J. Vanlalliana
Asst. Secretary : Rbt. C.T Lalrinzauva
Treasurer
Asst. Treasurer

Silver Jubilee Souvenir, B.C.M, I.T.I Veng 29

RECORD : Upa Khawlthanga Sailo
Kum 2013 : Upa Zaithantluanga
Chairman : Upa Hrangdailova
(From July 2013) : Upa C. Lalbiaka
Chairman Elect : Upa K. Lalrinmawia
Secretary : Rbt. J. Vanlalliana
Asst. Secretary : Rbt. C.T Lalrinzauva
Treasurer : Rbt V.L Ruatliana
Asst. Treasurer I
Asst. Treasurer II : Rev. Dr. K Thanzauva
: Upa Zaithantluanga
Kum 2014 : Upa Hrangdailova
Chairman : Upa C. Lalbiaka
(From July 2013) : Upa K. Lalrinmawia
Chairman Elect : Rbt. J. Vanlalliana
Secretary : Rbt. C.T Lalrinzauva
Asst. Secretary : Rbt V.L Ruatliana
Treasurer
Asst. Treasurer I : Upa K. Lalrinmawia
Asst. Treasurer II : Upa Hrangdailova
: Upa Zaithantluanga
Kum 2015 : Rbt.VL.Ruatliana
Chairman : Rbt. J.Vanlalliana
Chairman Elect : Rbt. C.T.Lalrinzauva
Secretary : Rbt. R.H. Hrangchhunga
Asst. Secretary
Treasurer
Asst. Treasurer I
Asst. Treasurer II

30 Memorabilia

Kum 2016 KOHHRAN PUIPA NI TAWHTE
Chairman
Chairman Elect : Upa Hrangdailova
Secretary : Rev. Dr. K.Thanzauva
Asst. Secretary : Upa Zaithantluanga
Treasurer : Rbt.V.L.Ruatliana
Asst. Treasurer I : Rbt.J.Vanlalliana
Asst. Treasurer II : Rbt. C.T.Lalrinzauva
: Rbt. R.H.Hrangchhunga
Kum 2017
Chairman : Rev. Dr. K. Thanzauva
Chairman Elect : Upa C. Kamlova
Secretary : Upa K. Lalrinmawia
Asst. Secretary : Upa VL Ruatliana
Treasurer : Rbt. CT Lalrinzauva
Asst. Treasurer I : Rbt. J. Vanlalliana
Asst. Treasurer II : Rbt. Vanlalvena (Jan - June)
Asst. Treasurer II : Upa Hrangdailova (July - Dec/17)

Kum 2018 : Upa TC Malsawmsanga
Chairman : Upa Zaithantluanga
Chairman Elect : Upa K. Lalrinmawia
Secretary : Upa VL Ruatliana
Asst. Secretary : Rbt. CT Lalrinzauva
Treasurer : Rbt. J. Vanlalliana
Asst. Treasurer I : Upa Hrangdailova
Asst. Treasurer II

Silver Jubilee Souvenir, B.C.M, I.T.I Veng 31