A·CHIKNI GANDINGRANG « ALMEGA MEDIUMS

https://chimik.wordpress.com/a·chikni-gananirang/

HOME

HOME » A·CHIKNI GANDINGRANG

CHA NCHIRIMGNI Llewellyn R. Marak, Tura FEATURE

Ku·tangko Gamchatnike Simsakna [Sahitya Akademi Award winner] SoundCloud | Nokpante
Ku·sikan Jatni Dal·batgipa
IDENTITY CHIMIK Vol 4 No. 10 December 2006 ALMEGA MEDIUMS
Kattarang gimaroroangode
ku·sikba gimagen!!! A·chikrangni gananirangni bidingo sandigenchimode, GARO HILLSO KRISMAS
Do·gamdot Pil·ani Dikge dingtang dingtang chasongrangni kri uamango gana CHA·CHENGANI
Kattarangko Jakkalna Changani chinani aro gankap tekkapanirang dongbaaha ine A·CHIKNI GANDINGRANG
nikatna man·a. Indiba A·chik ma·gitcham BAPTIST YOUTH FELLOWSHIP
POETRY pagitchamrangni aganritingbaaoniko cheke nigenoba Falling in Love – Ka·sanapa
chansokgija bilsirango maidakgipa gananirangko ganbaaha uarangko namedake Sutter’s Mill
Me·trana ma·ate agananiko knana man·ja. Chengode manderang kratcha·gniko ABDKni ONG·BAANI
Misi Kario mangmang pindapnasan simsaktokaiaha. A·bachengo manchade mandeni ***
Ian Ka·saama? ma·kring gimikan be·entangtangko pindapnaba kilikra kilsongrakon
man·pakujani gimin me·asaranga wa·tok teke aro me·chikranga bolking kipesa
janggi tangbatokaiaha ina. Badiaba chasongoni bolbijak wa·bijakrangko
sikritchue ganbana a·bachengaha. Me·chikrangara ua chasongrangode soka
chela porongrong dongari, gandil ka·machikosan pindaptokaiachim. Da·oni
chanpilate bilsi 50na skang mangmangba A·chik songsarekrangode
be·entangna kratcha·ani dongkuja gita ong·kuaengachim ineba u·ina man·a;
me·asaranga gando jaksigniko ganari, chabolmako pindapari bolbitekode
samprak nakatate gantokaiachim. Indaken ja·dela me·aparangde ‘nakatgipako
ma·na nona, ning·ogipako jikna dena’ ine agane roronga. Indakani a·selan ma·a
noa dakgiparangde mama adani sepango rorongja ine agana. Me·chikrangba
ja·ping samsa wate gana re·kingko ganari, kosakchikode bangbang wate
dongtokaiachim. Anti a·kangchiba uamangko indake ganari re·baako
niksorongachim. Sambao chibima dongode uamang me·asarangba
me·chikrangba ba·ra okmilonge chio chokone autokaia.

A·chik ma·gitcham pagitchamrangni ganani-rang aditan donga, indiba uamang
uarangko chrok mesaani somoirangosan ganbata. Salari ba kam ka·ani
salrangode uamang skoo kotip, jakgitoko jaksan, gitok aro nachilrango dingtang
dingtang gananirangko ganrongbata. Wangala, Mangona, Chugan, Saramni
salrangosa uamang an·tangtangko tarina namnikbata. A·chikrang ganding
chindingo sonako jakkalbreja, uamang tama, silgrak, rang aro rupani
bosturangko jakkalbata. Uarang baksa ripok sikna gapchilek aro gamchatgipa
ro·ongrangko jakkala. Ripokrangko an·tangtangan sikritchue gana
chinanirangoba kochaptoka. Ripokrangko me·chikrangsa bang·bate gana.
Mongsongbate uamang antekkarangko gitok gimiko — ku·dipeona sokpile —
ganrongachim. Uaranga an·tangtangko nitoatnade ong·ja, indiba
den·grikmitingo ba sko sotgrikmiting salrango an·tangtangko naljokatnasa
ong·achim. Uandaken nachilrangoba nakongsirangko samtangtangchian
chakpilgija aro skooba ripokni tarigipa kaderangko ganachim.

Me·asarangni gananirang

Skoo kaanirang: (i) Kotip, (ii) Kotip Sa·mal, (iii) Kadesil, (iv) Kotip Marang, (v)
Do·mesil

Nachilo gananirang: (i) Narike, (ii) Naderong, (iii) Rikjajong, (iv) Sisa (v)

12-Sep-17, 12:29 AM

Nakongsi gitcham (pitolni), (vi) Nabal https://chimik.wordpress.com/a·chikni-gananirang/
12-Sep-17, 12:29 AM
Gitoko gananirang: (i) Rikgitok, (ii) Ripok Asingkok, (iii) Ripok Rangmik, (iv)
Konal ba Kakam (Kakamko 1920 bilsimangonisa Rakjing Manda mistrini
tarianiko ganbana a·bachengaha), (v) Ripok Me·dikku, (vi) Ripok Gitchak
gitcham, (vii) Rikpak

Jako gananirang: (i) Jaksil, (ii) Tappa, (iii) Jakchap (jakgitoko)

Gandorang: (i) Gando Makkal, (ii) Gando Me·apa, (iii) Gando Ripok, (iv) Gantap

Chelo gananirang: (i) Panna, (ii) Pandra ba Pandrang, (iii) Pandra Gitchak, (iv)
Ba·ra Ripok (chingopani), (iv) Ba·ra Surak, (v) Ba·ra Patrang

Me·chikrangni gananirang

Skoo gananirang: (i) Kotip, (ii) Kokasil, (iii) Kade, (iv) Kade Bibol, (v) Kabong,
(vi) Bato Rengki, (vii) Mending (knio kachapgipa), (viii) Kesu, (ix) Ki·chongsil, (x)
Pilne ba Salchak Maldong, (xi) Do·mesil (silni ba tangkani do·me).

Kang·kareo gananirang: (i) Seng·ki, (ii) Seng·ki Me·arep,
(iii) Seng·ki Merimtong

Nachilo gananirang: (i) Natapsi, (ii) Narikge, (iii) Nadongbi, (iv) Chakki, (v)
Nabal, (vi) Nakongsi dal·gipa, (vii) Sisa, (viii) Penta

Gitoko gananirang: (i) Kakam, (ii) Steng bibal, (iii) Antekka, (iv) Rikgitchak
gitcham (uano Ripok Do·katchi sikchapa), (v) Ripok Riksimit, (vi) Asingsok,
(vii) Ripok Riksokkru, (viii) Ripok Paltak, (ix) Ripok Merimtong, x) Ripok Me·arep,
(xi) Sukki Nabak, (xii) Rikmadilong, (xiii) Rikchipu, (xiv) Riknatik, (xv) Riksrong,
(xvi) Rikgitok

Jako gananirang: (i) Sangong, (ii) Santok, (iii) Jaksan (dingtang dingtang
rokomrang)

Dingtang dingtang gana chinanirang: (i) Re·king ba E·king, (ii) Gana Ripok,
(iii) Gana Korekinga, (iv) Dakmandea, (v) Dakmandea, (vi) Daksaria, (vi)
Dokkotchua, (vii) Ba·ra Marang ((viii) Ba·ra A·sim, (ix) Selbin ba·ra bima,
(x) Selbin ba·ra bipa

Ia gananirangko dingtang dingtang chasongrango A·chik ma·gitcham
pagitchamrang jakkalbaaha. Iarangna agreba gipin gananirang dingtang
dingtang jolrangni kri dongengkua.

Me·chikrang cheltangtangko pindapna ripokrangkosa chakpilgija gantokaha.
Songre songgabatani aro a·bao kam ka·ani salrangode uamang bobilrangoni
naljokna gitasa siloniko tarigipa antekkarangko aro ripok rangmikrangko gitoko
aro pitoloniko tarigipa dal·dalgipa nakongsirangko nachilrangko skoo olpile
ganachim ine gitcham photorangoniko an·ching nikna man·a. Uandaken mitam
me·chikrangni nachilrang jrimdugaenba bakchotpilachim ine agana. Indakgipa
nachilrangko Tura Mission Hospitalni Dr. G.G. Crozier MD aro gipin doctorrang
1912-30 bilsirangona kingking kochepe watatpilaha ine agana. Indake a·sel
ong·anirangko nike, Turani A·chik mistri, Rakjing Manda Sangma (Jenden Ch.
Marak sagini pagipa) aluminium-oniko tarigipa ritchenggipa sisarangko tarie
on·skaaha. Steng bibalni pal cheng·gipa silitingrangko tarina a·bachengaha.
Rakjing mistrisa da·ororo ganenggipa konal aro kakamrangko tarichengaha ine
u·ina man·a. Uarangkosa da·ororo A·chikrang jakkalrikrikbaenga. Rupaoniko
(silver) tarigipa do·merangkoba ua tarie palaha. Indakgipa do·mesilrangko
badiaba nokdangrango ripinge donako nikna man·kuenga. An·chingni
chasongode indakgipa gananirangko tarie palgipa A·chikrang dongjaha. Da·ode
Bengali Mussalmanrangsa uarangko ja·rike tarie palskaengaha.

Ia namgipa dakbewalrangko aro changa sapanirangko ia chasongode
jaktuatsrangaha. Rikgitok, kakam, narike, natapsi ba uandakgiparangko
gapchilekrangoniko aro matburingrangni grengoniko sol·e repe uarangko
an·tangtangan sikritchue tarirongachim. Da·ororo A·chik dakmandarangko
an·chingni ma·giparang gipin jatrangkosa noktangtangona rimbae uamangko
ba·ra dokatna jakkalenga. A·chik me·chikrangde ba·ra dokna changoba

an·tangtangde dokgija indakesa ranta ka·na a·bachengengaha. Badiaba https://chimik.wordpress.com/a·chikni-gananirang/
chasongode ba·ra dokna changgipa A·chik mandean dongsrangjawaha; A·chik 12-Sep-17, 12:29 AM
ong·gijagipa manderangni dokarangkosa antidamrangoniko gantokaignok. Ba·ra
dokna changgiparangba an·tangtangna change dongari jaktangtangchi dakgija
a·jong rorirangko jakkalroroangode ja·man chasongode ‘A·chikrangde dakna
changja, a·jongrangsa dakna changa’ ine uamangde agannaba donga. Uni
gimin, iarangna A·chikrang simsaksona nangbeenga.

A·chik me·asarang an·tangtangna ganna dongpajani gimin 1982 bilsimangoni
dakmanda ba·raoniko jacket dake ganna a·bachengaha. Uarangko bang·gija
manderangsan rangsan taritokbaaha. Ja·manode uarangkoba gipin jatrangsa
taridame antidamrango palskagnok. Uni gimin, jattangni ganding
chindingrangkode an·tangtangan ba·ra dake, uarangko sike ganna man·ode
nambatbegenchim.

Chrokmesao gananirang

Wangala aro Mangonarango gane chrokgiparangko nirikgenchimode, uarangko
nambatatna nanganirang bang·en dongenga ine an·ching nikna man·enga.
Northeast India-o donggipa a·brini manderangni gananirangko niatgenchimoba,
uamangde namen rong chikgipa – gitchak, gisim, tangsim ba uandakgiparangko
niksenge gana ine nikna man·a. An·ching A·chikrangni gananirangko
niatskaode, rong re·pilgimin ba·ra gitchamrangko aro niksengbregijagipa,
kokakprupru dakgiparangkosa ganrongskaa. Basakoba basakobade coat
napruako, towel sel·tagijako gantap gane chroktokaia. Mitamara Nagarangni
ba·rako pandra wene chrokaia. Uandake dakaniranga namen kragijani ong·a.

Skang chasongrangode me·asarang chelo pandra mik kolatchi ong·pilgipako
gadang gadang dake wene ganrongachim. Mitamara ba·ra marangko chelo
wenchenge uni kosako pandrako wendapskaa. Pandra wenani dongjaode ba·ra
gitchakko chelo wentongskaa. Ua salrango genji ba gonji ingipakode jumangan
nikja. Genji gisimko ba A·chikrangni madura ingipakode First World War-ni sal
somoirangonisa ganna a·bachengaha ina. Ua salrango shortpant khakiko
bazarrango bang·en palrongachim, aro indaken France a·songchi re·ange
sokbapilgipa A·chikrang chola gisim aro shortpant khakiko gane mesoktokaha.
Sorkario kam ka·gipa baburang aro policerangba shortpant khakiko ganrongaha.
Genji gisimkode East Bengaloniko ra·bae palrongaha aro A·chik songsarekrang
kam ka·o ba salarirangoba uarangko ganna namen namnikbeachim. Untalsa
songadamrangoba, mongsongde Lasker aro Sordarrang khakiko
ganrongtokaha. Ia chasongo indakgiparangko gantaiode chrok-mesaoba
rongrangko niksenge nikjaha. Indagiparangko ganako photo-rango ba video-o
nikode delmrumrue nikaia. Nagarang aro Mizorang gita rong chikako ganosa
namen niksengan baksa nambate aro nitobate nika. Uni gimin, chasongni kri
ganode nama. Dama Bol 100 Wangalao mitam A·chik me·asarang chola ganjani
gimin namnikgija agangiparangba dongenga. Indiba, chola ganjaoba pandra ba
panna wentonge chrokode uan A·chikni bewaloni sretja. Mizo aro Naga
me·asarangde pangpang ki·sangtangtangko pettarongrong dake mesokaia.
Indake dakbo inede miksongjaenga, indiba A·chikrangni pandra wentonge
chrokania maming gualani dongja. Kakketko agangenchimode, pandra
wenanisa A·chikrangni chong·motgipa bewal ong·a. Cholani pal pandrako wene,
jakpongrangko mesoke chrokode a·brini manderangna krakra dake nikbata.
Pandra wenjaode cholako kra-ma·gape basee ganskana man·a. Uni gimin,
minggnikoan rong niksengako aro meliako ganode nitobate nikgen. Minggipin
uasan, me·asarang dakmandako gantap dake ganjaode nambatgen. Uni pal
ba·ra tangsim, tangsek ba uandakgiparangko ganskaode nambata, maina
me·asarang dakmandako gantap ganode kragijani ong·a. Gantapko shortpant
ganani kosako gandapode nitoe nikgen. Basakobade VIP-rangna ba minister-
rangna Mussalman tupi dake tarigipako A·chik kotip dake patsoronga. Uan
nitoani pal batesa nidik nisiani ong·a. Kotiprangko tarion an·tangtang tarina
changjaode, kotip karonggiparangko name aro nitoe tariatna nanga. Uarangko
skoo brekmitek ripokrangko kadejaoba bimang nitoe kotip sa·mal dongipako
patatode namen mikkuri chae nika.

https://chimik.wordpress.com/a·chikni-gananirang/

An·ching ganding chindingrangchi an·tangtangni mikkim rasongko mesokasan
ong·ja, indiba an·ching an·tangtangko A·chik jat ine gipin jatrangna mesokna
chol ong·a. Jatni dakbewalko gimaatahaode A·chikrangni mikkim rasong
dongjawajok. Uarangchian A·chik mande ine a·gilsakna parakatna aro rasong
chana man·a.
Share this

Be the first to like this.

10 Comments

12-Sep-17, 12:29 AM

https://chimik.wordpress.com/a·chikni-gananirang/

Leave a Reply

12-Sep-17, 12:29 AM

https://chimik.wordpress.com/a·chikni-gananirang/

Powered by WordPress.com.

12-Sep-17, 12:29 AM