Easter book

ST. PAUL’S PARISH, BUNUK

EASTER CELEBRATION 2019

Theme:
“The Lord is Risen Indeed!”

(Luke 24:34)

Venue:
St. Gile’s Chapel, Git

1

(Sopῠrῠg mijog kan bara Padri ngga Choir mῠrῠt darῠm Grija buang nang Nyanyi
Prosession)

Padri : *************************************
Sopῠrῠg : Processional Hymn

*************************************

Alleluyah! Kristus mbῠh makat!
Ayῠh mbῠh sawῠ makat! Alleluyah!

(MIJOG)

Padri : *************************************
Sopǔrǔg : Hymn / Nyanyi No. 1

*************************************

Tuhan rǔǔ ngga angān.

Samah rǔǔ gǔh ngga Kaam.

Doa Pinyibisig (SIDIKANG)
Sopǔrǔg :
Tapa Bisa-pǔrǔg, taǔn sopǔrǔg atin daya tikuka di Kaam; Kaam
puan sopǔrǔg pinyiraan daya; mating kayuh bisukan di Kaam.
Ngusu pikir atin ami bada berkat Roh Kudus Mai; siǔn kieh tǔk
sawǔ rindu di Kaam, ngga kibās adǔn Mai adi kudus; bada
Jesus Kristus Tuhan ami. Amen.

Doa Pingaku Dosa:

Padri : Tapa raru rindu ong ndǔg ka Ayǔh mbǔh pait Anak-I Jesus Kristus

da pirupas ata so dosa ta, jadi pingarun ta di shorga, ka taban ata
ka udip adi sawǔ adi tan adu adu.

Sopǔrǔg : Ja ata ngaku dosa ta, ngga atin nyesar ngga pinyabah, raan sita
pinyipesan Tapa ka udip darǔm pinyirindu ngga damai ngga
sopǔrǔg daya.

Tapa Bisa-pǔrǔg, Sama ami adi di shorga, kieh mbǔh bidosa
rawan Kaam ka rawan dingan adǔp ami ani, darǔm pikir ngga

2

Padri darǔm pinganang ngga pingandai, ka darǔm sopǔrǔg kayuh kana
adi dǔh ami ndai, darǔm pinyiramah ngga atin arap ami. Kieh tǔk
sawǔ nyesar ka raan marik pimudip ami tagan dosa. Bada Anak
Mai Jesus Kristus, adi kabǔs sabab ami, apun sopǔrǔg dosa ami
adi mbǔh; ka bada kieh nyiraja yǔn Mai darǔm pimudip adi bauh,
yǔn bragah ka adǔn Mai. Amen.

: Tapa Bisa-pǔrǔg, adi apun sopǔrǔg daya adi nyesar atin, masi di

angān † apun ka pirupas angān so sopǔrǔg dosa ngan, nagap ka

nyibake angān darǔm sopǔrǔg pingandai kana, ka kingat angān
darǔm udip adi sawǔ adi tan adu adu; bada Jesus Kristus Tuhan
ta. Amen.

(GURU)

Basa No. 1 : Pingandai Kuasa Bas Tapa (Pinyiruah 14: 1-6 & 11-13)
[A Mighty Act of God (Exodus 14: 1-6 & 11-13]

Komŭnŭ TUHAN nang di Moses, “Kidaan di daya Israel bada pari ka bibari nura Pi
Hahiroth, di asah Migdol ngga Rawŭt Bireh, sindŭk Baal Zephon. Raja Egypt re pikir
daya Israel bigandon di gadung rais ka taru mutas tarun tana-pajam. Aku re bada ayŭh
baking, ka ayŭh re tadak angān, ka pimanang Ku ngarah raja ngga bara tibaran
soldadu-i re taban bragah ka adŭp Ku. Nganŭ daya Egypt re puan nang Aku ati
TUHAN.” Daya Israel ndai nimun adi mbŭh dog kidaan. Kan raja Egypt mbŭh dog
kidaan nang daya Israel mbŭh bu, ayŭh ngga bara pinurung-i ngubah pikir-i, “Ani ati
ndai ta? Ata mbŭh tandah daya Israel bu, ngara adi urun ta!” Raja bada krita kuda

perang-i ngga bara soldadu-i sidia.

Ngara nang di Moses, “Mating kah kubur di Egypt? Kuu mbŭh taban kieh kamati an
bada kieh kabŭs di tarun tana-pajam kah? Tingga meh, ani mbŭh jadi darŭm kuu taban
kieh ngga ruah so Egypt! Dŭh kah kieh muko kidaan di kuu sibayuh ata ruah so Egypt
nang kayuh adi mun ati re jadi? Kieh muko kidaan di kuu bada tandah adŭ kieh jadi
urun daya Egypt. Mbŭh kana dŭ nŭŭh jadi urun di Egypt so nŭŭh kabŭs digiti di tarun
tana-pajam.” Moses nam, “Dŭhnyah taru! Nyiriang simangi ngan, ka angān re kiris
kayuh adi TUHAN re ndai ngga nyiramat angān di andu ati; angān dŭh re tia kiris bara
daya Egypt anŭ.

Ati Pinganang Tapa.
Sopǔrǔg : Trima kaseh ka Tapa.

3

Basa No. 2 : Mary Magdelene Bisaksi (John 20: 11-18)
[The Witness of Mary Magdelene (John 20: 11-18)]

Mary mijog sien di sapa kubur. Buang-i sien ayŭh mutu tingga ka darŭm kubur ka kiris
duwŭh naan malaikat nēn piraka buda, guru di yŭn Jesus ko dog piguring, ndi tura ka
ubak ka ndi tura ka kaja. “Dayung, mani kuu sien?” ngara siken ayŭh. Ayŭh nam,
“Daya mbŭh tambit Tuhan ku; aku dŭh puan diki ngara na Ayŭh!” Ayŭh bigiring ka kiris
Jesus mijog diginŭ; pak dŭh-i natŭng anŭ Jesus. “Dayung, mani kuu sien?” Jesus
siken ayŭh. “Asi jiroh mu?” Pikir Ayŭh tukang-teya, ayŭh nang di Ayŭh, “Kambŭi kaam
inŭh adi tambit Ayŭh, bai, kidaan di aku diki kaam na Ayŭh, isa aku di tambit Ayŭh.”
Jesus nang di ayŭh, “Mary!” Ayŭh bigiring nura Jesus ka nang darŭm piminyu Hebrew,
“Rabboni!” (Rati-i, “Gurū.”) “Dŭhnyah tama Aku,” Jesus nang di ayŭh, “sabab Aku
gibayuh maad ka Sama. Pak di ka bara jurud Ku ka kidaan di ngara Aku re pari ka
Ayŭh adi Sama Ku ka adi Sama ngara, Tapa Ku ka Tapa ngara.” Jadi Mary Magdalene
panu di kidaan di bara murid nang adŭp-i agi kiris Tuhan ka kidaan di ngara kayuh
adi-I ko kidaan di ayŭh.

Ati Injil Kristus.
Sopǔrǔg : Trima kaseh ka Tapa.

+++++++++++++++++++++++ (MIJOG)

*************************************
Hymn / Nyanyi No. 2

*************************************

+++++++++++++++++++++++

(GURU)
Basa No. 3 : Cleopas Ngga Dingan-i Bisaksi (Luke 24: 13-16 & 28-35)

[The Witness of Two Friends (Luke 24: 13-16 & 28-35)]

Di andu anŭ gŭh duwŭh naan so bara pinunda Jesus, panu ka ndi anak kupo dŭn
Emmaus, kira ka simŭng-ndi kilomita jo so Jerusalem. Ngara duwŭh minyu pasar
sopŭrŭg kayuh adi mbŭh jadi. Darŭm ngara minyu kirakar, adŭp Jesus nyandat ngara
ka samah panu ngga ngara; ngara kiris Ayŭh, pak tipia dŭh natŭng Ayŭh.

4

Darŭm ngara mbŭh sindŭk anak kupo anŭ adi re ngara ka, Jesus panu mun adi re an
radus; pak ngara bitan Ayŭh, nang, “Nyirŭmŭn di yŭn ami; andu mbŭh rambat ka mbŭh
sindŭk karŭm.” Ka-I mŭrŭt ka nyirŭmŭn di yŭn ngara. Ayŭh guru man ngga ngara, mbit
ruti ka nyiberkat; komŭnŭ Ayŭh mire ruti anŭ ka nggen-i di ngara. Nganŭ ngara rada
ka natŭng Ayŭh, pak Ayŭh miyap so batŭh ngara. Dupan adŭp-i ngara nang, “Dŭh kah
agi nyam gangam-i atin ta darŭm Ayŭh minyu ngga ata di aran buang-I kidaan rati
pinganang Surat-kudus di ata?” Ngara rasu makat ka pari ka Jerusalem, di yŭn ngara
dapŭd simŭng-ndi naan murid tikuruk ngga bara adi bŭkŭn adi nang, “Tuhan sawŭ
mbŭh makat! Ayŭh agi nandŭng di Simon!” Ngara duwŭh meh kidaan di ngara kayuh
adi mbŭh jadi di aran, ka simuki ngara natŭng Tuhan kan Ayŭh mire ruti.

Ati Injil Kristus.

Sopǔrǔg : Trima kaseh ka Tapa.

+++++++++++++++++++++++

Basa No. 4 : Thomas Bisaksi (John 20: 24-29)
[The Witness of Thomas (John 20: 24-29)]

Ndi so ngara adi simŭng-duwŭh naan murid Jesus, dŭn Thomas (dog kadŭn anak-
apid), mating sua ngga ngara kan Jesus mandŭg. Jadi bara murid adi bŭkŭn kidaan
di ayŭh, “Kieh agi kiris Tuhan!” Thomas nang di ngara, “Kambŭi gibayuh kiris arit pasak
di tangan-I, ka tama arit anŭ samŭn arit jarok di tigang-I, aku manŭn dŭh re sabah.”
Ndi minggu ripas anŭ, bara murid tikuruk dinge darŭm arŭn, ka Thomas mbŭh agi
ngga ngara. Sopŭrŭg tiban mbŭh birabŭt, pak Jesus mandŭg ka mijog di ruang ngara
ka nang, “Damai ka angān.” Komŭnŭ Ayŭh nang di Thomas, “Na trinju mu digiti, ka
tingga tangan Ku; ton tangan mu ka na-i di tigang Ku. Dŭhnyah kurang sabah, pak
sabah meh!” Thomas nam Ayŭh, “Tuhan ku ka Tapa ku!” Jesus nang di ayŭh, “Kuu
sabah sabab kuu kiris Aku kah? Sanang inŭh ngara adi sabah pŭn-i dŭh kiris Aku!”

Ati Injil Kristus.
Sopǔrǔg : Trima kaseh ka Tapa.

5

************************************* (MIJOG)
Hymn / Nyanyi No. 3 (GURU)

*************************************

Basa No. 5 : Ju Naan Murid Jesus Bisaksi (John 21: 1-13)
[The Witness of Seven Disciples (John 21: 1-13)]

Ripas anŭ, Jesus pinandŭng adŭp-I dinge di bara murid-I di Rawŭt Tiberias. Ka simuti
inŭh Ayŭh pinandŭng adŭp-I. Simon Peter, Thomas (adi dog kadŭn anak apid),
Nathanael (sianŭ adi so Cana di Galilee), anak anak Zebedee, ka duwŭh naan murid
Jesus adi bŭkŭn, agi tikuruk. Simon Peter nang di ngara, “Aku re di nyijara iken.” “Kieh
re sua,” ngara nang di ayŭh. Jadi ngara matak pakai arud, pak ndi ngarŭm ngarŭm
anŭ ngara dŭh dapŭd ani ani. Darŭm batŭh andu makat, Jesus mijog di tabing, pak
bara murid dŭh puan anŭ Jesus. Jesus siken ngara, “Dingan, agi kah dapŭd ngan?”
“Mating,” ngara nam. Ayŭh nang di ngara, “Kibar jara ngan tura ka tauh arud, ka angān
re dapŭd iken.” Jadi ngara kibar jara, ka mbŭh rasu dŭh tungang tarik-i pari, sabab
ngara mbŭh nakap raru bagŭ iken. Murid adi Jesus rindu nang di Peter, “Tuhan anŭ!”
Kan Peter dingah anŭ Tuhan, ayŭh kasŭk jipo-i (adi-i kadi darŭm-i nyiraja) ka sitabung
ka piin. Murid murid adi bŭkŭn di ka deyŭh ngga arud, buang tarik jara ngara adi mbŭh
puno da iken. Ngara dŭh jo so deyŭh, agi kurang rabis siratus mita. Kan ngara mbŭh
ndŭg tabing, ngara kiris iken dog badang di tunduh apui arang ka agi kada ruti diginŭ.
Jesus nang di ngara, “Taban kada iken adi angān bauh ko nakap.” Simon Peter mŭrŭt
arud ka tarik jara puno ngga dudu tibande iken ka deyŭh; agi siratus rimŭh puru-taruh
sopŭrŭg-i. Sunggu-i mbŭh raru bagŭ, jara dŭh tiratak. Jesus nang di ngara, “Ja, man.”
Mating bara murid birani siken ayŭh, “Asi Kaam?” sabab ngara puan nang anŭ Tuhan.
Jadi Jesus mbit ruti anŭ, ka nggen-i di ngara; simŭnŭ gŭh Ayŭh ngga iken anŭ.

Ati Injil Kristus.
Sopǔrǔg : Trima kaseh ka Tapa.

+++++++++++++++++++++++

6

Basa No. 6 : Paul Bisaksi (1 Corinth 15: 1-11)
[The Witness of Paul (1 Corinthians 15: 1-11)]

Ka madin aku raan angān ingat, bara dingan ku, Agah Kana anŭ adi aku ko nyuse di
angān, adi angān kambat, adi yŭn pinyabah ngan bidigŭng tagap. Anŭ inŭh Agah
Kana, agah adi aku ko nggen di angān. Agah Kana anŭ re nyiramat angān kambŭi
angān bidigŭng tagap dieh. Kambŭi dŭh, pinyabah ngan anŭ dŭh biyŭn guna. Aku
mbŭh nggen di angān kayuh adi aku ko kambat, adi mbŭh raru biguna: Kristus kabŭs
yŭn dosa ta, nimun adi dog nuris di Surat-kudus; Ayŭh dog kubur ka dog pakat udip
bauh andu adi taruh, nimun adi dog nuris di Surat-kudus; Ayŭh nandŭng di Peter ka
komŭnŭ di sopŭrŭg bara pinyuruh adi simŭng-duwŭh naan. Komŭnŭ Ayŭh nandŭng di
bara pinunda-I adi rabis rimŭh ratus naan; batang sopŭrŭg ngara babŭ udip, sunggu
agi adi mbŭh kabŭs. Komŭnŭ ayŭh nandŭng di James, ka dinge di sopŭrŭg bara
pinyuruh. Sikasŭn-i Ayŭh nandŭng di aku, sunggu aku ati mbŭh keya ka daya dog
biranak aset tipuh-i. Amai aku ati adi mbŭh siabo kurang biguna di dupan bara
pinyuruh; dŭh gŭh aku patut dog kadŭn pinyuruh, sabab aku ko kisiis eklisia Tapa. Pak
so ka pinyirasi-mandis Tapa aku mbŭh jadi adŭp ku adi madin, ka pinyirasi-mandis
adi-I mbŭh nggen di aku dŭh-i jadi au-tarun. Pak gŭt-i aku adi rabis dŭ bandar nyiraja
so bara pinyuruh adi bŭkŭn, sunggu-i dŭh inŭh pingandai adŭp ku, pak pinyirasi-
mandis Tapa adi nyiraja ngga aku. Jadi meh, bait-i mandŭg so aku puan kah so ngara,
anŭ inŭh kayuh adi sopŭrŭg kieh nyuse, ka anŭ inŭh kayuh adi angān sabah.

Ati Injil Kristus.

Sopǔrǔg : Trima kaseh ka Tapa.

+++++++++++++++++++++++ (MIJOG)

*************************************
Hymn / Nyanyi No. 4

*************************************

+++++++++++++++++++++++

7

(GURU)

Basa No. 7 : Makat Samah Ngga Kristus (Rome 6: 3-11)
[Risen With Christ (Romans 6: 3-11)]

Amai ata mbŭh tatu puan nang kan ata dog baptisa ka darŭm Kristus Jesus, ata dog
baptisa ka darŭm pinyikabŭs-I. Ngga baptisa ta ata dog kubur ngga Ayŭh ka samah
ngga Ayŭh darŭm pinyikabŭs-I, siŭn nimun Kristus mbŭh dog pakat so kabŭs ngga
kuasa Sama adi bragah, simŭnŭ gŭh ata bisa dapŭd udip adi bauh. Amai sabab ata
mbŭh jadi ndi ngga Ayŭh darŭm ata kabŭs mun Ayŭh, simŭnŭ gŭh ata re jadi ndi ngga
Ayŭh darŭm ata dog pakat udip bauh mun Ayŭh. Ka ata puan nang pimudip amba ta
mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog
pirabur, isa ata dŭh tia jadi urun dosa. Amai kan ata kabŭs, ata dog pirupas so kuasa
dosa. Amai ata mbŭh kabŭs ngga Kristus, ata sabah nang ata re udip gŭh ngga Ayŭh.
Amai ata puan nang Kristus mbŭh dog pakat so kabŭs ka dŭh re tia kabŭs; pinyikabŭs
dŭh re tia nguasa Ayŭh. Ngapŭi meh, sabab Ayŭh kabŭs, dosa dŭh biyŭn kuasa di
tunduh Ayŭh; ka madin Ayŭh udip, ka udip yŭn Tapa. Simŭnŭ gŭh angān patut kira
adŭp ngan mbŭh kabŭs, kambŭi jeja ka dosa, pak mbŭh udip yŭn Tapa darŭm Kristus

Jesus.

Ati Injil Kristus.

Sopǔrǔg : Trima kaseh ka Tapa.
+++++++++++++++++++++++

Basa No. 8 : Tuhan Adi Mbŭh Makat Ngga Kuasa-I (Matthew 28: 16-20)
[The Authority of the Risen Lord (Matthew 28: 16-20)]

Bara murid adi simŭng-ndi naan matak ka Galilee, ka ndi sandah nimun adi ko Jesus kidaan
di ngara. Kan ngara kiris Ayŭh, ngara nyambah Ayŭh, sunggu agi kada so ngara babŭ kurang
sabah. Jesus tudu ngara ka nang di ngara, “Aku mbŭh dog nggen sopŭrŭg kuasa di shorga
ngga di ong. Panu angān ka barang yŭn ka bada sopŭrŭg daya jadi murid Ku: baptisa ngara
ngga adŭn Sama, Anak, ka Roh Kudus ka ngajar ngara da sita sopŭrŭg kayuh adi Aku ko
pesan di angān. Aku re ari agi ngga angān, ndŭg Andu Sikasŭn.”

Ati Injil Kristus.
Sopǔrǔg : Trima kaseh ka Tapa.

8

(MIJOG)

*************************************
Hymn / Nyanyi No. 5

*************************************

PIMINYU AJAR SO PADRI (GURU)

+++++++++++++++++++++++

PINYABAH NAISIA (MIJOG)

Kieh sabah ka ndi Tapa, Sama Bisa-pǔrǔg, Pinapa rangit ngga ong, ngga sopǔrǔg
kayuh adi tatǔng ngga kayuh adi dǔh tatǔng. Kieh sabah ka ndi Tuhan, Jesus Kristus,
Anak tambǔ Tapa adi so Sama-I diǔ dawǔ sopǔrǔg kayuh jadi, Tapa so Tapa, Jawa
so Jawa, Tapa sawǔ so Tapa sawǔ, Ayǔh dog biranak dǔh-I dog napa. Ayǔh agi ndi
ngga Tapa Sama. So Ayǔh sopǔrǔg kayuh mbǔh dog ndai. Sabab ata ngga amai
siramat ta, Ayǔh mūn so shorga; ngga bada kuasa Roh Kudus Ayǔh mbit pǔrǔng-I so
Mary Bujang Tibǔn ngga jadi manusia. Rasu sabab ata Ayǔh dog masak di rigang
jaman pritah Pontius Pilate; Ayǔh jerabirasa rasu dog kubur. Andu adi taruh, di andu
Minggu, Ayǔh makat bauh nanyam pinganang Surat; Ayǔh maad ka shorga ka guru
tura ka tauh Sama-I. Ayǔh an mandǔg bauh ngga bragah jadi arang manusia udip
ngga kabǔs; pritah-I dǔh abo ndǔg situi tui. Kieh sabah ka Roh Kudus, adi Tuhan, adi
nggen udip, adi ruah so Sama ngga so Anak. Ayǔh adi dog nyambah ngga dog puji
agi brimun ngga Sama ngga Anak. Ayǔh inǔh adi mbǔh minyu so nabi nabi. Kieh
sabah di ndi Eklisia Katolika Apostolika. Kieh ngaku ndi baptisa yǔn pingapun dosa.
Kieh kajǔn pinyimakat daya adi kabǔs, ka udip darǔm ong adi re mandǔg. Amen.

+++++++++++++++++++++++

DOA ATIN TǓKǓN (SIDIKANG)

Sopǔrǔg:

Tuhan adi raru masi, pinyirindu Mai adi bada kieh mandǔg ka mija kudus Mai. Tangan
ami kais, atin ami dǔh sidia; kieh dǔh tibirang re man sirabi ka tatuh adi rabu so mija

Mai. Pak Kaam, Tuhan, adi Tapa pinyiramat ami, ka kutung ruti Mai ngga daya bidosa.
Pibisig ka paan kieh ngga pǔrǔng ka deya Anak Mai adi raru brēga, isa Ayǔh bisa rǔǔ
darǔm kieh ka kieh darǔm Ayǔh; ka kieh, ngga bara Eklisia Kristus, bisa guru ka man
darǔm pritah Mai. Amen.

9

DAMAI (MIJOG)
Padri :
Ata ati inǔh pǔrǔng Kristus. Darǔm ndi Roh ata mbǔh dog baptisa ka
Padri : darǔm ndi pǔrǔng. Ja meh ata bijijǔ darǔm sopǔrǔg kayuh adi taban
Sopǔrǔg: damai ka adi bada mujur pimudip sopǔrǔg.
Padri :
Damai Tuhan siraru agi ngga angān.

Samah gǔh agi ngga Kaam.

Ja ata nggen tandā damai di dingan ta.

*************************************
Offertory Hymn / Nyanyi No. 6 (Nguruk Pinganggen)

*************************************

Padri : Biberkat Kaam, Tuhan adi Tapa sopǔrǔg. Bada pimandis Mai kieh biyǔn
ruti ati jugan ami, adi tana mbǔh nggen ka tangan manusia mbǔh ndai.
Sopǔrǔg: Ayǔh re jadi ruti pimudip yǔn ami.
Padri :
Biberkat Tapa ndǔg situi tui.
Sopǔrǔg:
Biberkat Kaam, Tuhan adi Tapa sopǔrǔg. Bada pimandis Mai kieh biyǔn
wain ati jugan ami, buwa so bakah-i, ka pingandai tangan manusia. Ayǔh
re jadi nok roh ami.

Biberkat Tapa ndǔg situi tui.

+++++++++++++++++++++++

PINYIJUGAN PINGANGGEN DUIT:

Sopǔrǔg: Kaam inǔh adi bās, adi bikuasa, adi bibragah, adi sangǔn, adi raja bās;
amai sopǔrǔg kayuh di shorga ngga di ong inǔh jamai. Sopǔrǔg kayuh
mandǔg so Kaam, ka adi Kaam dapu kieh nggen ka Kaam.

10

DOA YUKARIS
Padri : Tuhan rǔǔ ngga angān.
Sopǔrǔg: Samah gǔh rǔǔ ngga Kaam.

Padri : Pakat atin ngan.
Sopǔrǔg: Kieh pakat atin ami ka Tuhan.

Padri : Ja ata nggen trima kaseh ka Tuhan Tapa ta.
Sopǔrǔg:
Padri : Taǔn-i patut ata nggen trima kaseh ngga puji di Ayǔh.

Taǔn batur ngga patut kieh ngga atin gaǔn, di tadǔ nga-i ngga di tadǔ
yǔn-i nggen trima kaseh ngga puji di Kaam, Sama kudus, Raja shorga,
adi Bisa-pǔrǔg ka Tapa adi tan adu adu, bada Jesus Kristus Anak tambǔ
Mai adi Tuhan ami.

Amai Ayǔh inǔh pinganang Mai adi udip; bada Ayǔh Kaam mbǔh napa
sopǔrǔg kayuh so sibungas-i, ka napa kieh nunda gayǔn adǔp Mai.

Bada Ayǔh Kaam mbǔh pirupas kieh so dog piurun dosa, ka nggen Ayǔh
siǔn dog biranak jadi manusia ka kabǔs di atuh rigang; Kaam mbǔh
pakat Ayǔh so kabǔs ka paad Ayǔh ka tura ka tauh Mai di yǔn adi di
sambu.

Bada Ayǔh Kaam mbǔh pait ka kieh Roh Kudus Mai adi nggen udip, ka
bada kieh jadi daya adi Kaam dapu.

Padri : Ngga madin kieh nggen trima kaseh ka Kaam, sabab Kaam mbǔh pakat
Ayǔh so kabǔs ngga bragah. Amai Ayǔh anǔ Anak Biri Paska adi sawǔ
adi mbǔh dog nyadis yǔn ami ka mbǔh taran dosa ong.

Ngga pinyikabǔs-I Ayǔh mbǔh ngarah pinyikabǔs, ka ngga pinyimakat-I
so kabǔs Ayǔh mbǔh taban kieh ka udip adi sawǔ di tan adu adu.

Padri : Ngapǔi meh samah ngga malaikat ngga pingubak malaikat, ka ngga
Sopǔrǔg: sopǔrǔg isi shorga, kieh kibās adǔn Mai adi bās ngga adi bibragah, yǔn
adu adu muji Kaam ka nang:

(SANCTUS)

Kudus, kudus, kudus Tuhan,
Tapa pinyikuasa ngga pinyibake,
Shorga ngga ong puno ngga bragah Mai.
Hosanna di yǔn adi sambu sopǔrǔg.

Biberkat inǔh Ayǔh adi mandǔg darǔm adǔn Tuhan.
Hosanna di yǔn adi sambu sopǔrǔg.

11

SIDIKANG

Padri : Kambat puji ami, Sama adi di shorga, bada Anak Mai Jesus Kristus adi
Pinyikudip ami; ka darǔm kieh tunda suto ka tunda pesan-I, bada ngga

kuasa Roh Kudus Mai pinganggen ruti ngga wain ati bisa jadi di kieh
pǔrǔng-I ngga deya-I;

Di ngarǔm Ayǔh dog jua, Ayǔh mbit ruti ka nggen puji ka Kaam; Ayǔh
mire-i ka nggen-i di bara murid-I ka nang:

MBIT, MAN; ATI PǓRǓNG KU ADI DOG NGGEN YǓN NGAN; NDAI
SIMUTI JADI PINATǓNG KU.

Simǔnǔ gǔh, ripas man Ayǔh mbit makuk ka nggen puji ka Kaam; Ayǔh
nggen-i di ngara ka nang:

NOK ATI, SOPǓRǓG NGAN; ATI DEYA SIMANYA BAUH KU, ADI
MBǓH RUAH YǓN NGAN KA YǓN DAYA BAGǓ YǓN PINGAPUN
DOSA. NDAI SIMUTI, BARANG SABA ANGĀN NOK-I JADI
PINATǓNG KU.

Sopǔrǔg: Kristus mbǔh kabǔs:
Kristus mbǔh makat:
Kristus re mandǔg dinge.

Padri : Sabab anǔ, Sama adi di shorga, kieh ingat Ayǔh adi mbǔh jugan adǔp-I
ndi sidah yǔn adu adu di atuh rigang, ka piagah pinyimakat-I adi bikuasa
ngga pimaad-I adi bibragah. Darǔm kieh kajǔn pimandǔg-I darǔm
bragah, kieh ndai ngga ruti ka makuk ati sadis-I adi ndi ka adi sukup
kana.

So ka Ayǔh adi Imam Bās ami, kambat sadis trima kaseh ngga puji ami
ati; ka darǔm kieh man ngga nok pinganggen kudus ati di sirung jawin
Mai adi Tapa ami, pibauh kieh ngga Roh Mai, ngatat kieh ngga pinyirindu
Mai, ka nyindi kieh darǔm pǔrǔng Anak Mai, Jesus Kristus Tuhan ami.

So ka Ayǔh, ngga Ayǔh, ka darǔm Ayǔh, bada kuasa Roh Kudus, ngga
sopǔrǔg adi mijog di sirung jawin Mai di ong ngga di shorga, kieh
nyambah Kaam, Sama Bisa-pǔrǔng, ngga ragu puji adi tan adu adu.

Sopǔrǔg: Berkat ngga stabi ngga bragah ngga kuasa jadi Jamai ndǔg situi tui.
Amen.

12

Sopǔrǔg daya pajam.

Mire Ruti ka Nggen Ruti ngga Wain

Padri : Nimun adǔp Kristus Pinyikudip ami mbǔh ngajar kieh, kieh nang:

Sopǔrǔg : Sama ami di shorga, kudus adǔn Mai, mandǔg pritah Mai, jadi
raan Mai, darǔm ong nimun darǔm shorga. Nggen di kieh andu

ati pinguman ami. Apun sarah ami nimun kieh apun sarah daya
di kieh. Dǔhnyah na kieh darǔm pinyisuba, pak piruah kieh so
arap. Sabab Kaam dapu pritah, kuasa ngga bragah ndǔg situi tui.

Amen.

Padri : Ata mire ruti ati yǔn samah dapǔd utung darǔm pǔrǔng Kristus.

Sopǔrǔg : Sunggu ata bagǔ, ata mbǔh ndi pǔrǔng, sabab ata samah dapu
utung darǔm ndi ruti.

Padri AGNUS DEI (Padri ngga Sopǔrǔg)

Anak Biri Tapa, Kaam adi taran dosa ong: masi ka kieh.
Anak Biri Tapa, Kaam adi taran dosa ong: masi ka kieh.
Anak Biri Tapa, Kaam adi taran dosa ong: Nggen di kieh damai
Mai.

: Mandǔg meh ngga pinyabah, Kambat pǔrǔng ngga deya Tuhan
ta Jesus Kristus adi-I mbǔh nggen yǔn ngan, ka deya-I adi-I mbǔh
piruah yǔn ngan.

Man ka nok ngga jadi pinatǔng-I adi mbǔh kabǔs yǔn ngan, ka
kambat Ayǔh darǔm atin ngan ngga pinyabah ngga puji.

(Bara Choir nang Nyanyi ngga kambat – Holy Communion Hymns)

(MIJOG)

*************************************
Post-Communion Hymn – (Dog mien beda Choir)

*************************************

13

DOA RIPAS KAMBAT (SIDIKANG)

Padri : Sama sopǔrǔg ami, kieh nggen trima kaseh ngga puji di Kaam,
amai di tika kieh jo Kaam tudu kieh darǔm Anak Mai ka taban kieh
mari ngga Kaam. Udip ngga kabǔs, Ayǔh kiren pinyirindu Mai,

nggen di kieh pinyirasi-mandis Mai, ka kuka tiban bragah Mai.
Isa-i kieh adi birutung pǔrǔng Kristus udip samah ngga Ayǔh
darǔm pinyimakat-I; kieh adi nok so makuk-I taban udip ka daya
bǔkǔn; kieh adi ko Roh Kudus nyekar nggen jewa ka sopǔrǔg
daya di ong. Nagap pingarap ami di kayuh adi mbǔh Kaam sidia
yǔn ami, isa kieh ngga sopǔrǔg manak Mai siǔn dog pirupas, ka
sopǔrǔg daya di ong udip yǔn nggen puji di adǔn Mai; bada

Kristus adi Tuhan ami. Amen.

Sopǔrǔg : Tapa Bisa-pǔrǔg, kieh nggen trima kaseh ka Kaam amai mbǔh
paan kieh ngga pǔrǔng ngga deya Anak Mai Jesus Kristus. So ka
Ayǔh kieh jugan ka Kaam simangi ngga pǔrǔng ami ndu sadis adi

udip. Piruah kieh so ti ngga kuasa Roh kudus Mai bada udip ka
nyiraja yǔn puji ngga bragah ka adǔn Mai. Amen.

PINGANANG NYIBERKAT

Padri : Tapa damai, adi mbǔh pakat so kabǔs Tuhan ta Jesus, adi
Pingingat Bas Biri, so deya simanya adi tan adu adu, bada angān
sukup kana darǔm sopǔrǔg pingandai kana adi angān ndai
nanyam ka pinyiraan-I, ka ndai gǔh darǔm angān tadǔ kayuh

kana di sirung jawin-I; ngga berkat Tapa Bisa-pǔrǔg, † Sama,

Anak, ngga Roh Kudus, mandǔg ka angān, ka adu adu rǔǔ ngga
angān.

Sopǔrǔg : Amen.

Padri : Panu meh angān ka rindu ka nyireja yǔn Tuhan. Alleluyah,
Alleluyah.

Sopǔrǔg : Ngga adǔn Kristus. Alleluyah, Alleluyah.

************************************* (MIJOG)
Hymn / Nyanyi No. 7 (Dismissal Hymn) 14

*************************************

PROCESSIONAL HYMN 5. Kambǔi Thomas dingah agah,
Tuhan makat, abah-i sabah
HALLELUYAH! Halleluyah! Halleluyah! Nǔg ka adǔp-i mbǔh tingga.
1. Jameh ata dayung dari Halleluyah!

Puji Rajah, samah nyanyi, 6. Thomas, tingga arit tawan,
Jesus makat andu ati. Halleluyah! Tigang, kaja gǔh, nga tangan;
“Sabah taǔn Aku Tuhan!”
2. Andu Minggu isan-isan Halleluyah!
Manǔg dayung kudu naan,
Raan kiris kubur Tuhan. 7. Sabab Thomas kiris dinǔ
Halleluyah! Arit tawan, ngaku-i sawǔ,
“Kaam Tuhan nga Tapa-ku.”
3. Ayǔh kiris malaikat ndi Halleluyah!
Adi guru nga nang sak ati,
“Tuhan adi ka Galilee.” Halleluyah! 8. Daya adi sabah sawǔ,
Muko-i dingah agah adǔ,
4. Tikuruk murid ngarǔm ati, Siǔn dapǔd udip babǔ, Halleluyah!
Jesus manǔg, nga nang sak ati,
“Saramat ka angan so pǔrǔg diti.” 9. Siamu-amu minggu ati,
Halleluyah! Jameh pǔrǔg-ta nyanyi puji
Ka Jesus Rajah-ta ati. Halleluyah

15

1. HYMN / NYANYI NO. 1 4. Mǔh makat! Ata puan
Adu adu Ayǔh rindu:
1. Mǔh makat! Kabǔs arah Bait udip kabǔs Tuhan
Atin ta mǔh dǔh tia taru: An kingat ata siraru.
Mǔh makat: ati agah Alleluia!
Da atin ta gaǔn siraru.
Alleluia! 5. Mǔh makat! So takhta-I
Ni ong ong Ayǔh mǔh dapu:
2. Mǔh makat! Rasu kubur Jameh bada kwasa-I
Nga Kwasa Jesus mǔh puno Kwasa karǔm suba pibu.
Sunggu batǔh ta kabur Alleluia!
Ati tiban udip ruro.
Alleluia!

3. Mǔh makat! Kabǔs yǔn ta
Jesus patut dog nyibragah
Ayǔh meh Pingarun ta:
Kibas Ayǔh samah-samah.
Alleluia!

+++++++++++++++++++++++++++++++++++++++++++++++++++++++++++++++++

2. HYMN / NYANYI NO. 2 3. Shorga pawǔn nga rami
Nga ong sua gaǔn
1. Anu pinyimakat Tuhan
Ong mǔh piagah-I Jameh bana nyanyi puji
Ata gaǔn manang rawan Nga sidaru, nga sirǔǔn
Di anu bas ati So pǔrǔg kayuh, tatǔng nga dǔh
Ayǔh kabǔs ka mǔh makat Nyanyi samah jawǔn
So ong maad ka Shorga Kristus, Tuhan mǔh makat
Tuhan Jesus mǔh makat Madin ka nǔg setui-tui.
Jameh samah ngada.

2. Nga ‘tin tǔkǔn timǔngǔn
Ngyen puji ka Sama
Tuhan ta darǔm sangǔn
Nganing sakar jawa
Dingah pinganang Tuhan ta
Minyu nga-I nyaduh
Dǔn-I patut dog puji
Nga sak jawǔn nyanyi.

16

3. HYMN / NYANYI NO. 3

1. Andu ati andu raya, 3. Tuhan, dingah meh kieh
Darǔm simayang-ami;
Jesus, adi puun jawa, Berkat Roh-Mai babǔ nggen,
Mǔh makat jah so tana, Ngatur pǔrǔg udip-ami.
Ngarah shetan nga dosa.

2. Batǔh andu bauh nusak: 4. Puji meh Sama, Anak,
Nga Roh Alkudus puji,
Makat meh Anak Jawa, Ndi Tapa, Taruh Naan,
Jameh so pǔrǔg nga puji Madin nǔg situi-tui.
Rajah so pǔrǔg rajah. Amen.

+++++++++++++++++++++++++++++++++++++++++++++++++++++++++++++++++

4. HYMN / NYANYI NO. 4 4. Ayǔh manang: darǔm Shorga
Ayǔh kambat puji:
1. Gaǔn meh nyanyi sopǔrǔg angan;
Da pawǔn sak ragu: Daya kudus mutu tingga
Pimakat Kristus an kidaan Ngyen di Tuhan stabi.
Udip adu adu.

2. Sawǔ manang singah Judah 5. Rajah ta ata ti kibas
Taran kwasa shetan;
Pinyikabǔs rasu arah; Nga mite masi-I:
Tikuka meh sibayan. Shiǔn sopǔrǔg daya shǔ bait bas
Dapǔd mǔrǔt rais-I.

3. Rupas gǔh simangi so naraka: 6. Ngyen bragah ka Allah Sama
Ka Anak gǔh puji;
Jesus Pinubos-i:
Ribu ribu bara daya Roh Alkudus kibas bana
Panu nǔg prentah-I. Manǔg setui tui.

Alleluia! Amen!

+++++++++++++++++++++++++++++++++++++++++++++++++++++++++++++++++

5. HYMN / NYANYI NO. 5 3. Tuhan ta mbǔh makat!
Madin Ayǔh magǔng
1. Tuhan ta mbǔh makat! Anak-I adi dog ngakat
Kraja-I dǔh arot: Kan-I dosa gǔrǔng.
Rajah-ta adi dog takap
Kota kabǔs nyirubot. 17

2. Tuhan-ta mbǔh makat!
Nga shetan dǔh braba:
Urun Tuhan madin kambat
Udip darǔm jawa.

6. HYMN / NYANYI NO. 6 3. Kinyam-I susah jera
(OFFERTORY HYMN) Dog kideng atuh rigang
Darǔm bragah rǔǔ di Shorga
1. Kristus, Tuhan mǔh makat Masi meh dingah kieh.
Kristus mǔh matǔd bǔǔng Alleluia!
Dingah meh nyanyi malaikat
Nyanyi bana di samu. 4. Jameh ata piagah
Alleluia! Sopǔrǔg mǔh dog pibauh
Sarah dosa dog ampun
2. Ayǔh adi ngyen ashǔng-I Shiǔn ata sua mǔrǔt Shorga.
Yǔn ngarun sopǔrǔg sarah Alleluia!
Ayǔh meh Biri Paska
Ja ata sua Kibas
Alleluia!

+++++++++++++++++++++++++++++++++++++++++++++++++++++++++++++++++

7. HYMN / NYANYI NO. 7
(DISMISSAL HYMN)

1. Jesus makat andu ati: Halleluyah!
Andu bas ka ata ti; Halleluyah!
Dog-i rigang jaman jah, Halleluyah!
Jadi Pinubos so sarah. Halleluyah!

2. Jameh ata muji Jesus, Halleluyah!
Jesus Rajah-ta di Shorga; Halleluyah!
Da rigang nga kubur-i, Halleluyah!
Ayǔh nubos so pǔrǔg-ta ti: Halleluyah!

3. Da susah adi mbǔh dog Ayǔh, Halleluyah!
Siramat mbǔh nǔg ka ata gǔh, Halleluyah!
Madin malaikat di Shorga, Halleluyah!
Ngaku, nyambah Ayǔh Rajah, Halleluyah!

+++++++++++++++++++++++

HAPPY AND BLESSED EASTER!

+++++++++++++++++++++++

18