1 GTM Tamalanrea REPISANNA KAPEMALASAN ALLO MINGGU 19 MEI 2024 Pa`patoka La Memala` Sambayang illalan angngenanna Pebawa Aluk Menani : KJ. 18 : 1 “Tongkommi Puang Matua” (Allah Hadir Bagi Kita) Tongkommi Puang Matua la ussollo' tamba'-Na, turun Penawa Masero susi uran marambak. Sola Penawa Masero, la Mutamba' umma'-Mu! Bakarui penawangki, palolongngi tamba'-Mu. Kada Sabatta Napalanda` Majelis Lako To Ma`kombong: Mentu`ko siulu` to ma`kombong attu temo, kipelau kenamala mattangkia`, tapatokamoa` penawanta, anta paranduk kapemalasanta langngan olona Puang: Kami, to digente` Pebawa Aluk, sitonda kadoresan untarima battu` untammui kasaeammua`, kipasiolaan umpalanda` salama` sitammu illan te Banua Ada`na Puang Yesus, la`bi-la`binna lako to manianna sulluk tama te angngenan kapemalasanne. Yesus Kristus, to ungkutu`i kombonganna mentu` to mangngorean, Iamo mangka untambaiki`, umpasalama`ki` anna umpamesa kappa`ki` mendadi mesa kombongan kasalle illalan lili`na Gereja Toraja Mamasa ummolai pangkurapa`-Na Penawa Masero, napungngu` kasikalinoan: mesa batang kale, anna mesa Penawa Masero, mesa Dewata, mesa pangngorean, mesa pantedokan, mesa Puang Allata`alla to digente` Ambe`; La sae menomba anna memala` lako olona Puang, tete illalan Penawa Masero anna katonganan, umpudi anna umpakasallei sangan-Na sola sangkalebu kaleta anna kebeasaanta, to mangka napasalama` Yesus Kristus; Iamo ussua, battu umponto bannangngi pelombung puduk-Na, iamo Ambe`: Pdt. Rudi Kole Lella, M. Th to laumpalanda` battu laussewangan Batta Kada Dewata illalan kombongan kapemalasanta attu temo. 1. Penanian La Umparanduk Kapemalasan PA : Kupelau la ke`de`kia` pada-pada anta umpudi sangan-Na Puang Matua, ummoyong penanian : KJ. 1 : 1, 2 “Haleluya ! Pudimi” Reff: Haleluya! Pudimi Puang Matande, angga Mesa! Illan Kristus diissanan, Dewata tuo, di poAmbe'! Mentu' issi langi', lino, pato' umpudi kuasan-Na, annu' tangkattu tamba'-Na, tae' ma'biring mamase-Na. O, to lino ma'sendeko! Umba onimmu menani! Dedekmi gandang, kamaru, menani sola pampudian! 2. Su`bakanna Kapemalasan P : “Iate kapemalasanne kenamala sirundunan laona illalan sangan-Na Puang Allata`alla to digente` Ambe`, anna Anak anna Penawa Masero.” Battu : Pa`tunduan lako kaleta, iamo umpotete sangan-Na Puang, to ungkombong langi` anna lino. (Maz. 124 : 8) T : 3. Kada Passalama` P : Pa`kamase lantuk, pa`tamba` anna kasikalinoan, buttu lu yao mai Puang Allata` alla Ambe`, anna Puang Yesus Kristus, la tontong ungkurapa`koa`! T : Anna kurapa`ko duka` ! -----------------------------------( ma`loko ) 4. Batta Kada Pa`patette / Sitimba` :
2 P : Mentu`ko siulu` umma` petauanna Puang Allata`alla, maimokoa` anta sitonda kadoresan umpudi anna umpakasalle sangan-Na Puang Allata`alla, sola sangkalebu penawanta anna pikki`ta, susi tiuki` illalan Buku Masero: iamo Sura` Pampudian battu dikua Mazmur, balayan 150, lesoan1, sae lako lesoan 6, iamo la ta sa`bu` sitimba`-timba`, nakua: P : Haleluya! Pudimi Puang to tongkon yao angngenan masero-Na T : Pudimi Puang to tongkon yao langi` matogon ! P : Pudimi Puang ura` kamatoroan-Na T : Pudimi Puang situru` kamasokanan-Na ! P : Pudimi Puang sola oni tamboro`, T : Pudimi Puang umpake gambus anna katapi ! P : Pudimi Puang umpake kamaru anna ma`rupa-rupa sayo T : Pudimi Puang umpake katapi anna tulali ! P : Pudimi Puang umpake ceracap madalingngi` oninna ! T : Pudimi Puang umpake ceracap rumitik oninna ! P : Kenamala angganna menawanna umpudi Puang Allata` alla T : Haleluya ! 5. Menani : PKJ. 2 “Matande, Matande Sangan-Na” Matande, matande sangan-Na. Puang Yesus, dipudi, dipomatande! Matande, kakuasaan-Na la untamba' mentu' umma', ma'dore'ko! Pudimi, pomatandei, Puangmu Yesus. Iamo tontong dadi Tomarayammu! Matande, matande sangan-Na, Tomesulang, Tomasero, Tokasalle. 6. Parenta Dewata Pnt : Anggammu siulu`, kupelau lake`de`kia` pada-pada anta perangngi`i Parenta Dewata diona pa`kamase, annu iamo parenta la urrepi` salu katuoanta, dio tingngayona Dewata anna lako padanta ma`rupa tau : Natimba` Puang Yesus nakua: “La sangkalebu penawammu ungkamasei Puang Allata`alla Dewatammu anna sangkalebu pikki`mu. Iamo te randan to`na anna bunga`na parentae. Anna parenta kaduanna susi siami, nakua: “Kamaseiko padammu ma`rupa tau susi ungkamaseiko kalemu.” Iamo te dua parentae, pungngu` tannunna issinna sura`na Musa anna sura`na angganna nabi” (Mat. 22 : 37 – 40) Battu: Roma 12 : 9 – 21; Roma 13 : 8 – 14 ; 1 Kor. 13 : 1 – 13. Anggammu siulu`, susimi te Parenta Dewatae, Kerongko` ................. ----------------------------------------------------(ma`loko ) 7. PANGNGAKUAN KASALAAN PA : Tae` dengan mesa ma`rupa tau illan alla`-alla`ta, tae` laumpogau` kakadakean. Kita ma`rupa tau mala dikua pa`demi angga`ta dio olo-Na Puang Allata`alla. Iamo to`o, maimokoa` anta tirokon sambu` dio tingngayo-Na Puang Allata`alla, mangngaku kumba`, anta pelau kenamala nagarri`iangki` dosa anna kasalaanta. Anta ma`sambayang : “O Puang Allata`alla todigente` Ambe`, anna Anak anna Penawa Masero, Puang to sumpu mamase liu kaboro`. Temo o Puang, kiakui anna kipenassanni mentu` dosaki dio olo masero-Mu, annu makamban kasalaangki matin, anna pembudakan ullenda kamaseroan anna katonganam-Mu, annu` kami te`e tae` kibela la ullappasan kaleki. Puang kamaseikan......................
3 T : PA : Kami tee, to kasalaangkan dio olo-Mu, anna lako padangki ma`rupa tau, ummolai pikki`, batta kada anna pa`palakoki, susi mangkannamo kipogau` tenni tae`napa kipogau`. Puang kamaseikan......... T : PA : Manassa kumua kami tae`kan umpogau` pa`kuam-Mu, tae`-Ko kikamasei sola sangkalebu penawangki anna pikki`ki, anna tae`kan ungkamasei padangki ma`rupa tau, susi ungkamasei kaleki. Puang pagarri`mi kasalaangki................... T : PA : Sola sangan-Na Anak Tungga`-Mu, Yesus Kristus, pagarri`kan am-Mu kamaseikan, bakaruikan am-Mu tettekan, angki malara ma`sende-sende situru` pa`kuam-Mu, anna unturu` lalan katonganam-Mu, napolalan dimatande sanga masero-Mu. Amin! T : 8. KAREBA KADIGARRI`IANNA KASALAAN P : Mentu`ko siulu`, Puang Allata`alla to randan kuasa anna to sumpu mamase, mangka ussollo` Anak Tungga`-Na, Yesus Kristus, ummolai kamatean-Na anna katuoan-Na sule, ura`na kasalanta. Anna ummolai Kristus, Puang Allata`alla unggarri`i angganna dosa anna kasalaanta. Bukai`i ba`ba penawammu ammu mengkatoba`. Nakua Batta Kadanna Puang Allata`alla : “Kenamala mentu`na to madosa untampe lalan-lalanna, anna to kadake gau` untampe pa`kua penawanna; anna ma`pasule lako olo-Na Puang, annu Puang la ungkamasei`i, anna Puang iamo to ma`pagarri` tongan. (Yesaya 55 : 7) --------battu------- “Moika anna susimo kaseda itin kasalaammuo, la mabusa susi bua uran; moika anna malea susimo kesumba, manassa la mabusa susi bulunna domba.” (Yes. 1 : 18) Iamo to`o kao to digente` pelombung pudukna Puang Allata`alla, to ditambai anna to dibassei bayu-bayu, sola kuasanna Puang Yesus Kristus, kupokadangkoa` matin kumua dengan kadigarri`ianna kasalaan ummolai sanganna : Puang Allata`alla to digente` Ambe`, anna Anak, anna Penawa Masero. Amin Mentu`ko siulu`, umma` petauanna Puang Allata`alla, maimokoa` anta sitonda kadoresan, ta ma`kurru` sumanga` langngan olo-Na Dewata, ura`na pa`kamase-Na tontong mellambi` lako kaleta. Menani NKB. 17 : 1 “Mamase Tongan Puangku” Mamase tongan, Puangku, tae' dengan sitintinna; Naraka mala Nabaenan, bentoen mala Nalambi'. Mamase tongan, Puangku, Anak-Na lumalin, sae umpeang to pusa, anna panampunni. Reff: Mamase tongan, Puangku! Tae' sitintinna! Montong tanan, o matande! Naangka' umma'-Na. 9. To Menani : PS/VG/Solo: ....................... 10. PA`PATOKA LA UMBACA BATTA KADA DEWATA Sambayang la umbaca Buku Masero P : La pada-padaki` ma`sambayang ullambe kuasan-Na Penawa Masero, anna malara usseroi penawanta la untanan talingai Batta Kada Dewata.
4 Ta ma`sambayang............................ Umbaca Buku Masero : Yohanes 16 : 4 - 15 P : Susimi te Batta Kada Dewata, kerongko` anna maupa` angganna to umpaillan penawa Parenta Dewata, allo anna bongi. Haleluya. Uleleanna Batta Kada Dewata:“Pekerjaan Roh Kudus Dalam Hidup Orang Percaya” Mattan tau saturan Menani PKJ. 128 : 2, 3 “Mamase-Na Yesus Tae` Ma`biring” Paiman anna rannu, mamase lantuk, mentu'na tipungngu' 'lan pa'kamase. Mamase, sa'bara', naporai ma'petando, mareppe' penawa, tang ungkabassi tau. Benganna', o Puang, paiman matoto', parannuan tongan, mamase lantuk. Randan ma'lolokan: silio mamase-Na Puang, illan katuoangki tontong tarru' la menden. 11. PANGNGAKUAN KAPAIMANAN NICEA KONSTANTINOPEL PA : Mentu`ko siulu`, kupelau la ke`de`kia` anta ussa`bu` Pangngakuan Nicea Konstantinopel, annu iamo pangngakuan kapaimananta. Annu umpotendan kamesaanta sola mentu` to mangngorean illan te lili`na linoe, anta pada-pada ussa`bu` pangngakuanta, susi inde`e: Kuorean angga mesa Dewata, iamo Puang Allata`alla, Ambe` to randan kuasa, to ungkombong langi` anna lino, to umpadadi diitanna anna tadiitanna. Kuorean angga mesa Puang, iamo Yesus Kristus, Anak Tungga`-Na Puang Allata`alla, to buttu yao mai Puang Allata`alla Ambe`, anna ta`pa dengan attu disiossoranni, Dewata lu dio mai Dewata, Masiang lu dio mai kamasiangan, Dewata tongan lu dio mai Dewata tongan, didadian tae` digaraga, susi siami Puang Allata`alla, Ambe`. Ummolai kalena, digaraga angga maritik, to mangka sae yao mai suruga umpellambi`iki`, ta polalan dipasalama`, anna merrupa tau ura`na pengkaranganna Penawa Masero, ummolai anak dara Maria, dipasok lako kayu pantokesan, ura`na kasalaanna ma`rupa tau attunna Pontius Pilatus ma`parenta, ussa`dingan kamaparrisan lambisan dilamun, katallung allona tuomi sule dio mai alla`na to mate situru` issinna Buku Masero, anna mane lu langngan suruga anna ummokko` yao tandai kananna Puang Allata`alla, Ambe`. Anna la sae sule sitonda kamatandean la umbisara to tuo anna to mate; anna tae` dengan biringna kaparentaanna. Kuorean Penawa Masero, to dipekapuangngi anna to mepatuo, to buttu yao mai Puang Allata`alla: Ambe` anna Anak, dipenombai anna dipakasalle, to mangka ma`kada lako ma`rupa tau ummolai angganna nabi. Kuorean dengan mesa kombongan maserona to mangngorean dipake`de` yao batu longkarrin mangka napaokko` Rasul. Kuorean angga mesa pantedokan, la kagarrisanna kasalaan. Ummampaina` katuoanna sule to mate anna katuoan illalan attu la sae. amin ------------------------------------------------------------------( ma`loko )
5 12. SAMBAYANG PELAMBE P: Anta pada-pada ma`sambayang : ...................(dibubung sambayang : Ambeki yao Suruga) Ambeki yao suruga, dipomasero sangam-Mu. Paombo`mi kaparentaam-Mu anna dituru` pa`kuam-Mu illalan lino susi yao suruga. Bengkan nande la siruanna kiande allo temo. Ammu garri`iangkan kasalaangki, susi kami unggarri`imo to kasalaan lako kaleki. Dau pabeaikan disudi la umpogau` kasalaan, sapo` la mupasikambelakan kakuasaanna kakadakean. Annu` Ikomo to ummampui kaparentaan, kakuasaan anna kamatandean sae lako-lakona. Amin ! 13. UMPA`PETANDOAN BUA PEMALA` / PA`KURRUSAN SUMANGA` PA/Dkn : Mentu`ko siulu`, maimokoa` anta ma`petando langngan olo-Na Dewata, sirapan pa`kurrusan sumanga`, dipasiolaan ungkilalai batta kada Dewata nakua: “O anggammua` sado`dorangku, ura`na pa`kamasena Puang Allata`alla lako kaleta, kupelau lako kalemua` la ussorongkoa` kalemu langngan Dewata la sirapan bua pemala` tuo, dipalao senga`, anna la umpomasannang penawanna Puang Allata`alla. Susimi te kapemalasan tongan sipato` mupogau`e.” (Roma 12 : 1 – 2), Battu : Maleaki 3 : 10; 2 Kor. 9 : 6 – 8; 2 Kor. 8 : 11 – 14. Pa`petando ma`rupa pa`baran-baranan / Lelang Pa`petando ma`rupa doi` PA/Dkn.:Marassanni dirempun pa`petando, lamenaniki` umpakasalle sanganna Puang Matua, ummoyong penanian : NKB. 143 : 1... “Dandi Maleke” Dandi maleke: "Tontongko Kuingaran", tae' sarubeba' illan buaku. Moi malalun illan katuoangku, dako' la masiang langi' patungku. Reff: Iko tae' Kukalembei, Kao urrepi'ko, Kao untetteko; Iko tae' Kukalembei, Kao untunduiko, la muorean. Oreanni dandi: "Tontongko Kuingaran", sola kadoresan tarru' lalangku. Lino anna tau tae kurannuan, mesa to matutu, Yesus Pesulang. Kedibukaimi ba'bana suruga, la pa'demi duka' kamasussaan. Kurangngimi dengan kamara moni: "O, sabua' madota', kendekko mai". Umpa`sambayangan Bua Pemala` battu Pa`petando PA/Dkn. : Tapada-pada ke`de` anta ma`sambayang: „O Puang, Ikomo to ummampui langi` anna lino sola angganna issinna. Saekan malimuntu` memala` dio tingngayo-Mu umpa`petandoan pa`kurru` sumangasangki matin olo-Mu. Kenamala iate pa`petandoki matinne la Mutarima anna la Mu-pomasero, annu la umpatu pengkarangan kamamaseamMu, annu` iate umma` petauammue sola kapaimanan anna masaloso tongan penawanna ma`petando matin olo-Mu. Tamba`kan duka`, o Puang, anna malara iate pa`petandona umma` petauammue, mala la ma`guna illan umapatipalao pengkarangan illan kaparentaam-Mu illan te linoe. Ia te pemala`e kipasande` matin umpotendan sangan-Na Yesus Kristus, Puang Pesulangki. Amin (battu sambayang senga` siliona) ----------------------------------------------------------------------------- ( ma`loko ) 14. KAREBANNA KOMBONGAN 15. PA`PAKAINGA` battu PA`PAKARI`DI` P : Mentu`ko siulu`: Attunna ma`perangngi talinga, kenamala Batta Kada Dewata tialling illalan penawanta. Attunna paita mata, kenamala pa`kamase-Na anna pa`tette-Na Puang umpabuttu pa`kurrusan sumanga` ta` dengan kattunna ummolai
6 batta kada anna penggauanta allo-allona. Attunna lentek la mentekka, batta kadannamora Puang Yesus Kristus la umparundukki` illalan salolo salu katuoanta. Pengkilalai tonganni batta kada Dewata susi mangka tarangngi angngena`. Penanian Pa`patette P : Kupelau la ke`de`kia` pada-pada anta menani illalan mai Penanian : PKJ. 131 : 1 “Puang To Laurepi` Lingkaku” Puang urrepi' mentu' lingkaku, anna la umbillanganna' lalan. Kusorongan kaleku, siolan ma'sambayang, Puang la umbillanganna' lalan. 16. PA`TAMBA` P : Mentu`ko siulu` petauanna Puang Allata`alla, sulemokoa` lako angngenammu sola kamasakkean anna kamaupasan. Pengkilalai`i ammu pogau`i batta kadan-Na Puang Allata`alla illalan salolo salu katuoammu. Popa`tutui penawammu lu langngan olo-Na Puang, ammu tarimai tamba`-Na: “Pa`kamase-Na Puang Yesus Kristus, anna pa`kaboro`-Na Puang Allata`alla, anna kamesaanna Penawa Masero la tontong ungkurapa`koa` (ki`)...... amin! 17. PENANIAN PAMBUBUNG : PA : Mentu`ko siulu`, yolona anta mane bubung kapemalasanta, kipalanda` yolo kurru` sumanga` lako Ambe`/Indo` Pdt. / Pnt. / Dkn.................... to mangka urrepi` kapemalasan, anna lako angganna Pebawa Aluk, anna Dewatamora tontong ussappi`i sola angganna rapunna. Anna kurru` sumanga` duka` lako mentu` siulu` to untongkonni kapemalasan allo temo, anna Dewatamora untamba`koa` illan salolo salu katuoammu. PA : Anggammua` siulu`, lamenaniki` illalan mai Penanian KJ. 413 : 1, 3 “Puang, Tettei Anak-Mu” Puang, tettei anak-Mu, anna mala tae' pusa. La mambela ewali, kemadappi'-Ko Puang. Reff:. Puang, repi'! Parri'na katuoan; angku tae'ra pusa, la Mutoe limangku. Lambi' lako mateku, Puang umparundukna'. Dako' kupenombai, Iko Puang Pesulang. 16. MATTAN TAU SATURAN 17. SISALAMA`-LAMA` TO MA`KOMBONG --------------------------------------------------------------------------- (ma`loko) 18. SAMBAYANG ILLALAN ANGNGENANNA PEBAWA ALUK 19. Menani : KJ. 299 “Kurru` Sumanga` Langngan Puang” (Bersyukur Kepada Tuhan) Kurru' sumanga' langngan Puang, kurru' sumanga' langngan Puang, annu' mamase-Na. Kurru' sumanga' langngan Puang.