ibadat midodareni

IBADAT
MIDODARENI

Konjuk syukur dhumateng Gusti awit
badhe kaparengaken nampi Sakramen
Ijab Yasinta Fitri Pramundari kaliyan

Antonius Ari Wibowo

Gogoluas, Kaligesing, Purworejo
Setu Pon, 26 September 2015

Kidung Pambuka ( KA. 161 )
P : Konjuk …….
U : Amin
P : Asih lan Berkah Dalem Allah ingkang Maha Kuasa tumurun lan

tansah manunggala
U : Kaliyan kula sadaya

Pamartobat
P : Kawula ngakeni …….
U : ingarsaning Allah ……..
P : Allah ingkang Maha Agung Maha asih, lan Maha tresna tansah

angapunten sedaya dosa saha kalepatan kita, Konjuk ……..
U : Amin
P : Suwawi sami munjuk

Duh Allah ingkang Maha asih, tuking katresnan sejati lan
sumber kabegjaning bebrayatan, dalu menika kawula sami
ngempal atas asma Dalem. Kawula nyuwun supados
Panjenengan rawuh nganthi para Suci lan para malaekat Dalem
saking swarga, anjenengi lan mberkahi kadang kawula Yasinta
Fitri Pramundari saha Ant. Ari Wibowo kados dene rumiyin
Gusti Yesus rawuh ing Kana lan mberkahi putra temanten. Awit
namung Panjenengan Gusti kawula ingkang sareng kaliyan
Sampeyan Dalem lan nunggil ing Hyang Roh Suci, gesang lan
mengku keprabon jumeneng Allah ing salami - laminipun.
U : Amin.

Ibadat Sabda
P : Gusti manunggala
U : Kaliyan kula sadaya
P : Njih menika pethikan Injil Suci anggitanipun St. Yoh (2: 1–11)
U : Linuhurna Gusti

IBADAT MIDODARENI 1

P : Rahayu wong kang uripe salaras karo sabda Dalem Gusti lan
ngugemi dawuh- dawuh Dalem

U : Rinesepna Sabda Dalem Gusti, ing manah Kawula

Homili

Sembahyangan umat
L : Duh Gusti, Sampeyan Dalem ngarsakaken supados priya lan

wanita rerencang anggen Sampeyan Dalem nitahaken
manungsa kawula nyuwun supados calon pinanganten kekalih
menika tinarbuka nyangge timbalan luhur menika. Kawula
nyuwun...
U : Kakabulna panyuwun kawula duh Gusti...
L : Sampeyan Dalem jumeneng pepundening para pitados, kawula
nyuwun supados calon temanten menika ing benjing saged
mbangun bale griya alandesan kapitadosan lan asih tresna
sejati. Kawula nyuwun...
U : Kakabulna panyuwun kawula duh Gusti...
L : Sampeyan Dalem tansah njagi gesangipun para putra, kawula
nyuwun supados calon temanten menika tansah sehat lan saged
ngayahi jejibahanipun mranata brayat lan leladi dateng
masyarakat. Kawula nyuwun...
U : Kakabulna panyuwun kawula duh Gusti...
L : Duh Gusti kawula nyuwun supados calon temanten menika
tansah saged ngudi golong giliging manah lan sakiyeg mranata
gesang bebrayatan ingkang salaras kaliyan kersa Dalem.
Kawula nyuwun...
U : Kakabulna panyuwun kawula duh Gusti...
P : Menika duh Gusti atur panyuwunan umat Dalem, tasih kathah
panyuwunan-panyuwunan kawula ingkang dereng kawegdal

IBADAT MIDODARENI 2

ing lathi. Kawula nyuwun kakabulna panyuwunan kawula
menika. Lantaran Sang Kristus Gusti kawula.

Berkah calon temanten
P : Ingkang mitulungi kita inggih Allah
U : Ingkang nitahaken langit lan bumi
P : Suwawi sami munjuk:

Duh Allah ingkang Maha Asih kawula mangertos, ijab lan gesang
bebrayan punika timbalan ingkang luhur lan kinurmat, amargi
lantaran ijab tiyang kalih Sampeyan Dalem angkat dados
rencang nyambut damel, inggih punika nyipta titah enggal lan
nggulawenthah kanthi katresnan. Kawula nyuwun kanthi
ngasih-asih, wontena dhanganing panggalih mbrekahi calon
temanten punika. Mugi ing benjing dadosa ibu ingkang asih
tresna lan rumeksa dhateng para putra, ingkang sesarengan
kaliyan kakungipun ngabdi ing Sampeyan Dalem, lan mong-
kinemong mbangun brayat katulik sejati. Kawula nyuwun
supados para suci mengestonana anggenipun sami badhe
gesang bebrayan. Saha kawula nyuwun supados para malaekat
ngamping-ampingi sarta njagi lampahipun, kalis saking reribet
ingkang bade ngrerindhu katentremaning brayat. Lantaran
Sang Kristus Gusti kawula

Pasrahing calon temanten
Sinta & Ari:

Duh Rama ing Swarga kawula sami ngempal ing ngarsa Dalem.
Wiwit dinten menika kawula badhe ngipuk-ipuk lan
mantepaken anggen kawula sami sambet katresnan kanthi
tulusing manah. Pangajeng-ajeng bab gesang ingkang sarwa
endah gegawangan ing ngajeng kawula. Nanging kawula
mangertos lan ngakeni kesekengan kawula. Kekajengan mila

IBADAT MIDODARENI 3

luhur, nanging badan menika sekeng. Pramila kawula
masrahaken wonten ing ngarsa Paduka kangge bebrayan
kawula ing samangke supados kalis ing sambekala. Katuntuna
kawula supados tansah setya tuhu ing Sampeyan Dalem.
Kaemutna kawula supados tansah saged ngugemi pitedahipun
para sesepuh. Kaemutna kawula menawi keladuk anggen
kawula srawung ngantos badhe nerak angger-angger dalem.
Katebihna kawula saking sedaya godaning hawa napsu. Kanthi
mekaten ing bebrayan kawula ing samangke saged kawula
lampahi kanthi wilujeng lan migunani tumrap anggen kawula
mbangun brayat katulik ingkang sejati. Lantaran Sang Kristus
Gusti kawula.
P : Para kadang kinasih, mangga sedaya panyuwunan wau kita
tunggilaken kaliyan sembahyangan Agung piwucal Dalem Gusti
piyambak

Romo kawulo [KA. 141 ]
Berkah panutup
P : Para kadang kinasih, Ibadat sabda midodareni sampun meh

paripurna , mangga kita sami nyawisaken manah nyadong
Berkah Dalem Gusti.
P : Gusti manunggala
U : Kaliyan kula sadaya
P : Berkah Dalem Gusti sang Maha Agung, tansah tutwuri ing
gesang kita, Konjuk ing Asma Dalem Allah Hyang Rama saha
Hyang Putra tuwin Hyang Roh Suci
U : Amin

Kidung panutup [KA. 432 ]

============

IBADAT MIDODARENI 4

IBADAT MIDODARENI 5

IBADAT MIDODARENI 6

ATUR PANUWUN
Katur dhumateng Hyang Agung Gusti Allah
Pangayomaning Gesang ingkang sampun anjenengi
pepanggihan umat saha dhumateng sadaya umat lan
para rawuh ingkang sampun karsa anyengkuyung
lampahing Ibadat Midodareni ing ndalu punika.

IBADAT MIDODARENI 7