The words you are searching are inside this book. To get more targeted content, please make full-text search by clicking here.

MORFOLOGI DAN SINTAKSIS BAHASA IBAN

Discover the best professional documents and content resources in AnyFlip Document Base.
Search
Published by julianna22-161, 2021-12-11 18:41:33

T2 BIBB1084 2021032310012

MORFOLOGI DAN SINTAKSIS BAHASA IBAN

1.0 Analisis Teks Paragraf 1
1. Nama pasar tamu nya datai ari dua leka jaku iya nya “pasar” ti mai reti palan endur
orang bejual enggau “tamu” iya nya orang ke datai meli barang.

Tukuh ayat 1 ba paragraf nya iya nya ayat frasa nama iya nya nama pasar
tamu nya ke dijantilka enggau frasa pengawa datai. Frasa nama nya tadi subjek ke
nyadi elemen ke deka diterangka. Frasa pengawa nya tadi dikumbai predikat laban
iya nyadi elemen ke nerangka subjek. Struktur ayat tu iya nya ayat tumbuh. Ayat
pelasar ba dalam ayat nya iya nya Nama pasar tamu datai ari dua leka jaku ke enda
tau enda ngengkahka subjek ba pun ayat lalu ditangkan enggau predikat. Tempa tu
iya nya ayat tumbuh. Kebuah aku ngumbai ayat tu ayat tumbuh laban ayat nya tadi
asal iya ari ayat pelasar. Tang laban ke proses nambahka tauka ningkilka leka jaku
ke lalu ngubah ayat nya nyadi ayat tumbuh. Ayat nya dikumbai ayat tumbuh ari sukut
ayat turu berakit. Kebuah pia, laban ayat nya ngembuan tanda koma sereta
ngembuan jaku penyambung baka enggau ti nyambung klausa ba ayat nya. Ukai
mina nya aja, ayat nya mega dikumbai ayat turu berakit laban klausa ke dalam ayat
nya lebih ari siti.

2. Asal iya pasar tamu tu dulu suba nyadi palan orang berikan, betanam enggau
betupi nyual asil tauka barang sida.

Tukuh ayat tu iya nya frasa nama ke dijantilka enggau frasa pengawa. Frasa nama
ba dalam ayat tu iya nya asal iya pasar tamu tu dulu suba ke nyadi subjek ayat ke
nyadi elemen ke diterangka. Frasa pengawa dalam ayat tu iya nya nyadi ke nyadi
elemen ke nerangka subjek. Struktur ayat tu iya nya ayat tumbuh. Tempa ayat tu iya
ayat tumbuh ari sukut ayat turu berakit. Kebuah aku ngumbai ayat nya ayat turu
berakit laban ngundan jaku penyambung tauka enggau tanda koma. Ukai mina nya
aja, ayat tu mega tau dikumbai ayat turu champur. Kebuah pia, laban ayat dipenyadi
ari lebih ari siti ayat tunggal lalu dijantilka enggau jaku penyambung tauka enggau
sereta tanda koma.

3. I. Pasar tamu digaga ba palan ke udah ditagaka perintah.
II. Pasar tamu tu suah dibuka maya ujung minggu.
III. Maya tu mensia mayuh datai besun-sun laban deka meli mayuh macham
produk ti bisi dijual dia.
IV. Ba sekeda menua, pasar tamu dibuka tiap-tiap hari.

1

Tukuh ayat ba atas nya iya nya frasa nama lalu dijantilka enggau frasa
pengawa. Frasa nama ba ayat nya dikumbai subjek lalu predikat ba ayat nya
nerangka subjek. Struktur ayat ba atas nya iya nya ayat tunggal. Tempa ayat ba atas
nya iya nya ayat tumbuh ari sukut ayat tunggal. Kebuah aku ngumbai nya ayat
tunggal laban empat iti ayat nya ngembuan siti aja klausa iya nya digaga ba palan
perintah bagi ayat tunggal I, suah dibuka maya ujung minggu bagi ayat tunggal II,
datai besun-sun laban deka meli mayuh macham produk ti bisi dijual dia senentang
ayat tunggal III enggau dibuka tiap-tiap hari bagi ayat tunggal IV. Tu setipak bendar
enggau penemu ti dikenataika Nik Safiah Karim (2008), ke madahka ayat tunggal tu
semina dipenyadi ari siti subjek enggau siti predikat. Ayat I enggau II ba atas nya
mega ulih ditusun nengah tusun tunsang iya nya ngengkahka predikat ba mua ayat
baka ba ayat tunggal III enggau ayat tunggal IV. Taja iya ditusun nengah tusun
tunsang, reti ayat nya agi menyana sereta engkeman. Nambahka nya, ayat nya
mega nadai ngundan jaku penyambung enggau tanda koma.

4. Sekeda sida ti bejual nya udah lama bedaja lalu sida bisi ngaga langkau endur
bejual mayuh macham asil kampung baka sayur babas, upa enggau buah.

Tukuh ayat tu iya nya frasa nama ke dijantilka enggau frasa pengawa. Frasa
nama ba ayat nya iya nya sekeda sida ti bejual nya ke nyadi elemen ke diterangka.
Nya dikumbai subjek ayat. Frasa pengawa ba ayat nya nyadi elemen ke nerangka
tanggung pengawa subjek. Struktur ayat tu iya nya ayat tumbuh. Tempa ayat ba atas
nya iya nya ayat tumbuh ari sukut ayat turu berakit. Kebuah aku ngumbai ayat nya
ayat turu berakit laban ayat nya bisi jaku penyambung baka enggau, lalu sereta bisi
tanda koma. Ukai mina nya aja, ayat nya mega ngundan lebih ari siti klausa. Nya alai,
iya dikumbai ayat turu.

2.0 Analisis Teks Paragraf 2
I. Bansa sayur ke bisi dijual ba pasar tamu baka daun sabung, daun kesindu, paku,
kemiding enggau ke bukai.
II. Kelimpah ari nya, asil kampung ke bukai ke bisi dijual ba pasar tamu iya nya baka
upa pantu, upa lalis, upa kechala enggau ke bukai agi.
III. Mayuh macham bansa buah kampung mega bisi dijual ba pasar tamu baka buah
maram, buah ridan, buah lemayung, buah lempaung enggau buah ti bukai.
IV. Asil pengelandik jari mega bisi dijual ba pasar tamu baka bakul, tikai, sengkalan,
raga, pua kumbu, bansa asil marik enggau ke bukai agi.

2

V. Asil sayur mega bisi dijual ba pasar tamu baka buah entimun, buah labu, sayur
kuchai, ensabi enggau ke bukai.

Ba penemu aku, elemen ke dipansik aku iya nya ari sukut tukuh, struktur
enggau tempa ayat ba paragraf 2 ngembuan elemen ke sebaka. Kebuah pia, laban
lima iti ayat nya betukuh frasa nama ke dijantilka enggau frasa pengawa. Frasa
nama ba dalam ayat tu tadi dikumbai subjek ke nyadi elemen ke deka diterangka.
Predikat ba dalam ayat tu datai ari raban frasa pengawa ke nyadi elemen ke
nerangka subjek. Ayat ba atas nya berstruktur ayat tumbuh. Tempa ayat nya iya nya
ayat tumbuh ke udah berubah tusun beduduk ari proses tranformasyen ba ayat
pelasar ari sukut ayat turu berakit. Kebuah aku ngumbai ayat turu nya ayat turu
berakit laban ayat nya bisi ngembuan tanda koma enggau jaku penyambung enggau.
Ukai mina nya aja, ayat tu mega dikumbai ayat turu berakit laban ayat nya ngundan
lebih ari siti klausa. Tempa ayat tumbuh ba paragraf 2 tu mega dikumbai ayat turu
champur. Kebuah pia, ayat nya dipenyadi ari lebih sri siti ayat tunggal ke dijantilka
enggau jaku penyambung.

3.0 Analisis Teks Paragraf 3
1. I. Orang ke bejual ba pasar tamu nya nyual barang tauka produk sida ba palan ke
udah diungkupka.
II. Kelimpah ari nya, produk ke dijual ba pasar tamu ngembuan kualiti ke manah
sereta agi baru.

Tukuh ayat nya iya nya datai ari frasa nama ke dijantilka enggau frasa pengawa.
Frasa nama ba dalam ayat nya nyadi elemen ke diterangka. Frasa pengawa ba ayat
nya datai ari raban jaku pengawa ke nyadi elemen ke nerangka subjek. Ayat ba atas
nya berstruktur ayat tumbuh. Tempa ayat ba atas nya iya nya ayat tumbuh ari sukut
ayat turu berakit. Kebuah aku ngumbai nya ayat turu berakit laban bisi ngundan jaku
penyambung tauka. Nambahka nya, ayat nya mega bisi ngundan lebih ari siti klausa.

2. Pasar tamu tu tau dikumbai kitai palan dagang mikro laban iya ngayanka
interaksyen sosial rayat menua ke mayuh pupu raban bansa ke datai ngagai palan
nya baka bansa Iban, Melayu, China, Kayan, Punan, Kenyah, Melanau enggau
mayuh agi bansa bukai.

Ayat ba atas nya betukuh frasa nama ditambah enggau frasa kerja. Struktur ayat ba
atas nya iya nya ayat tumbuh. Tempa ayat ba atas nya iya nya ayat turu Kebuah aku

3

ngumbai ayat ba atas nya ayat turu laban ayat nya ngundan lebih ari siti klausa. Ayat
turu ba ayat tu tau dibagi ngagai dua bengkah iya nya ayat turu selit penerang
enggau ayat turu berakit. Kebuah aku ngumbai ayat nya bisi ngundan ayat turu selit
penerang laban ayat nya dipejadi ari siti batang ayat enggau siti ayat ke nadai reti
sereta ngena leka jaku penyambung selit laban. Ukai mina nya aja, ayat tu mega
dikumbai aku ayat turu berakit laban bisi ngembuan tanda koma enggau jaku
penyambung enggau. Jaku penyambung nya dikena nyantilka ayat tunggal.

3. Sida rindu ngelawa pasar tamu.

Ayat tu betukuh frasa nama dijantilka enggau frasa adjektif. Struktur ayat tu
iya nya ayat pelasar. Kebuah aku ngumbai ayat tu ayat pelasar laban iya nyadi pugu
dikena nempa ayat ke bukai baka ayat tumbuh. Ambika banding, Sida rindu ngelawa
pasar tamu maya ujung minggu. Ayat nya tadi ukai agi ayat pelasar laban udah
ditambah enggau leka jaku ke bukai ke ngubah tusun ayat nya. Tempa ayat nya iya
nya ayat pelasar, Kebuah aku ngumbai tempa ayat nya ayat pelasar laban ayat tu
ngundan siti aja subjek enggau siti aja predikat ke enda tau enda nyebut subjek dulu
lalu dititihka enggau nyebut predikat.

4. Aktiviti baka tu manah amat laban ulih nyungkak penatai pemisi kelebih agi rayat
ke diau ba menua pesisir.

Tukuh ayat tu iya nya frasa nama ke nyadi subjek ayat dijantilka enggau frasa
adjektif ke nyadi predikat ayat. Struktur ayat tu iya nya ayat ayat tumbuh. Tempa ayat
tu iya nya ayat tumbuh ari sukut ayat turu selit penerang. Ayat tu dikumbai ayat
tumbuh laban udah berubah tusun beduduk ari meri transformasyen ngagai ayat
pelasar. Kebuah aku ngumbai ayat tu ayat turu selit penerang laban ngundan leka
jaku penyambung laban. Nambahka nya, ayat tu mega dikumbai aku ayat turu selit
penerang laban ayat tu dipejadi ari siti batang ayat enggau siti ayat ke nadai
ngembuan reti.

5. Nya alai, mayuh infrastruktur ti genap patut digaga ba pasar tamu ngambi
ngemudahka agi mensia ke bejual enggau orang ke datai ngulu pasar tamu nya.

Tukuh ayat tu iya nya frasa nama dijantilka enggau frasa pengawa. Struktur
ayat tu iya nya ayat tumbuh. Tempa ayat tu iya nya ayat tumbuh ari sukut ayat turu
berakit. Kebuah aku ngumbai ayat tu ayat turu berakit laban ngundan leka jaku

4

penyambung enggau. Leka jaku penyambung nya tadi nyantilka ayat tunggal
ngambika nyadi ayat turu. Nya alai, ayat turu dikumbai ayat ke ngundan lebih ari siti
klausa.

5

KEREBAN SANDING PENEMU
Padang Luna & Chemaline Osup. (2020). Sintaksis jaku Iban . Emeritus Publications.
Nik Safiah Karim, et. al. (2008). Tatabahasa dewan edisi ketiga . Dewan Bahasa dan

Pustaka.

6


Click to View FlipBook Version