BAHAN AJAR CARIYOS PENGALAMAN

BAHAN AJAR
CARIYOS PENGALAMAN

MATA PELAJARAN BAHASA JAWA

DENING :
RIYANI TRI INDRYASTUTI

SMK NEGERI 1 KASIHAN

JALAN PG MADUKISMO NGESTIHARJO KASIHAN BANTUL

BAHAN AJAR

CARIYOS PENGALAMAN

SATUAN PENDIDIKAN : SMA/ MA/ SMK
MATA PELAJARAN : BAHASA JAWA
KELAS/SEMESTER : X/2
MATERI POKOK. : MENCERITAKAN PENGALAMAN
ALOKASI WAKTU : 2 X 45 MENIT

Kompetensi Dasar
3.4. Memahami cerita pengalaman
4.4. Menceritakan pengalaman

Indikator Pencapaian
3.4.1 Mengidentifikasi kata-kata sulit yang ada
di dalam cerita pengalaman (C1)
3.4.2 Menganalisis struktur cerita pengalaman
(C4)
3.4.3 Menyimpulkan nilai budi pekerti cerita
pengalaman (C5)
4.4.1 Mengkomunikasikan cerita pengalaman
pribadi secara lisan (P5)

Materi Faktual

PENGALAMAN

Pengalaman inggih menika

kedadosan ingkang sampun nate

dipunlampahi dening tiyang ing

wekdal tertemtu. Pengalaman

menika saged awujud pengalaman

ingkang lucu, nengsemaken, damel

bungah, malah kepara pengalaman

ingkang damel sungkawa, ingkang

baken pengalaman menika

nandhes ing manah saha angel

dipunsupekaken. Sinaosa mekaten,

pengalaman ingkang becik menika

pengalaman ingkang saged paring

piwulang marang sinten kemawon

ingkang mirengaken.

Materi Faktual

CARIYOS
PENGALAMAN

Cariyos pengalaman menika tegesipun

nyariyosaken pengalaman utawi kedadosan

ingkang sampun nate dipunalami dhumateng

tiyang sanes. Wondene cariyos pengalaman

ingkang dipuncariyosaken menika saged awujud

pengalaman pribadhi menapa ugi

pengalamanipun tiyang sanes. Crita pengalaman

saged arupi cariyos ingkang sedih, seneng, lucu,

nrenyuhaken, utawi mrihatinaken. Cariyos

pengalaman menika saged kaandharaken kanthi

basa Jawa krama menapa ugi basa Jawa

ngoko. Awit makaten, cariyos pengalaman

kalebet jenis seratan naratif.

TEKS
NARASI

Karangan ingkang
nyariosaken kanthi cetha
rerangkening kadadosan
ingkang winates ugi ing

sajroning wekdal

Narasi Narasi
Ekspositoris
Sugestif
(nyariosaken kadadosan kanthi
lugu kados pawarta) (nyariosaken satunggaling
bab kanthi runtut kados
cariyos pengalaman)

Titikanipun Cariyos
Pengalaman

1.Cariyos ingkang dipunandharaken
babagan prastawa pribadhi kanthi
basa ingkang prasaja

2.Gadhah alur ingkang cetha saking
wiwitan dugi pungkasan

3.Wonten konflik ing salebeting
cariyos.

4.Wonten unsur-unsur ingkang
bangun kados tema, latar, alur,
karakter, saha sudut pandang.

Struktur Cariyos
Pengalaman

01 Orientasi

Ngandharaken wekdal, panggenan, paraga
ingkang badhe dipuncariyosaken wonten ing
salebeting cariyos pengalaman.

02 Komplikasi

Ngandharaken wiwitanipun perkawis utawi
konflik ing salebeting cariyos pengalaman

03 Resolusi pungkasanipun

Ngandharaken babagan
cariyos pengalaman

04 Koda

Ngandharaken amanat utawi nilai moral ingkang
saged kapundhut dening pamaos saking cariyos
pengalaman punika

Materi Konseptual

Tuladha
Cariyos
Pengalaman

Bathine Ngapusi

Nalika umurku nembelasan aku lan kanca-kancaku
senengane lek-lekan lan yen wis ngantuk turu sak nggon-
nggon. Biasane turu neng omahe bakul sugih utawa
perangkat desa sing mesthine sering metu suguhan
panganan. Bengi iki aku sak kanca didhawuhi nunggoake
daleme Pak Lurah sing lagi jagong sekaliyan. Aku lan kancaku
cacah enem seneng banget bakale entuk oleh-oleh utawa
berkat saka Pak Lurah. Kancaku sing papat jam sewelas bengi
wis padha ngorok neng jogan. Aku karo kancaku sijine dikon
melek wong loro .Aku lan kancaku nduwe niat jail yaiku nyilih
piring sendhok cacah enem lan cething cacah papat.
Cethinge tak isine krikil lan tak tutupi serbet makan. Aku trus
nggugah kanca-kancaku sing turu. Kabeh dha tangi ngertine
oleh-oleh saka Pak Lurah wis dicawiske meja. Nalika dha
mbukak cething isine krikil. Trus kabeh dha ngamuk krikil-
krikil dibalangke aku. Untung ora kena sirahku. Kedadeyan
kuwi dadi marakake kapok aku ora arep ngganggu maneh
wong kang lagi turu.

(Kapethik saking Panjebar Semangat anggitanipun W.S.
kanthi besutan

Sepedha Anyar Kanggo Baskara

Dening : Ihdina Khusnasani

Esuk-esuk srengenge lagi lekas jedul, Baskara mlaku mangkat
sekolah alon-alon turut pinggir. Sawetara anggone mlaku Baskara
tekan penggokan lan weruh ana Pak Sudi, Pak RT kang lagi
ngetokake motor saka pager omahe.
“Sugeng ngejing pak RT”, sapa aruhe Baskara kepethuk Pak RT ana
ngarep daleme.
“Eee Baskara, arep mangkat sekolah?”, pitakone Pak RT saraya
ninguk.
“Inggih Pak RT menika badhe dhateng sekolah”
“Ohh ya, neg ngono bareng aku wae kene, aku arep nang kantor
kapanewon, liwat ngarep sekolahmu ta kui?”
“Boten usah repot-repot pak, kula mlampah mawon”
“Eee ora papa mumpung sak jalur, kala-kala ya ta, ora repot, wis
ayo”
“Saestu niki pak”
“Iya le”
Baskara bungah, dheweke banjur bonceng Pak RT.
“Maturnuwun Pak Sudi, niki kula dados gasik sanget dumugi
sekolahan” ujare Baskara nalika dheweke wes tekan sekolahan.
“Iya padha-padha, sinau sek sregep yo le, aku terusan nang kantor
kapanewon”
“Inggih pak, ngatos-atos nggih pak”
“Ya, assalamualaikum”
“Waalaikumsalam”
Sawise boncengke Baskara mau, pak Sudi ana penggalih, “Baskara
kui bocah sumanak, bekti lan duwe budi pekerti apik. Saben dina
dheweke mlaku tekan sekolahan. Omah tekan sekolahane Baskara
kui ya ora cerak nanging dheweke duwe tekad sing mantep, bocahe
ora tau sambat. Arang cah jaman saiki duwe sipat kaya Baskara”.
Pak Sudi ngalem Baskara.
Ganti dina Baskara, mulih sekolah. Ananging baskara rada kaget,
iki nang teras omah e ana pit onthel, apa ana tamu ing njero
omahe. Nanging kok lawange tutupan.

Sepedha Anyar Kanggo Baskara

Dening : Ihdina Khusnasani

"Assalamualaikum bu”, uluk salam e Baskara sadurunge mlebu omah
“Eeee waalaikumsalam, wes mulih kowe le”
“Inggih ibu, sugeng siyang”, ujare Baskara sinambi mlebu ngomah
lan salaman karo ibune.
“Bu menika kok wonten sepedha wonten teras nggih, kagunganipun
sinten bu?” pitakone Baskara marang ibune
“Iya le, kui mau sepedha sing ngeterke pak Sudi, pak Sudi ngendika
sepedha kui hadiah kanggo kowe, ibu ya ora ngerti kena ngapa pak
Sudi numbaske kowe sepedha anyar, ngendikane pak Sudi kui
seneng nyawang budi pekerti lan sipatmu. Pak Sudi uga titip salam
kanggo kowe supaya kowe tansah semangat anggone sinau lan golek
ngelmu. Muga-muga sepedha iki iso dimanfaatke kanthi apik, bisa
dinggo mangkat sekolah, mangkat nang masjid, ngaji lan ngewangi
ibu”
“Wahhh, alhamdulillah, Pak Sudi pancen gemati sanget nggih bu”
“Heem, dieling-eling ya pesene Pak Sudi”
“Inggih bu”
Baskara seneng banget, oleh hadiah sepedha anyar saka Pak Sudi.
Baskara banjur wis mantep, tansah tambah semangat anggone golek
ngelmu. Ora lali dheweke sowan marang Pak Sudi lan matur nuwun
langsung.
Saiki Baskara duwe sepedha anyar, Baskara ora perlu mlaku adoh
mangkat sekolah. Sawise duwe sepedha anyar, Baskara tetep dadi
bocah sing berbudi apik, ora banjur dadi bocah sing kemaki. Saben
pethukan tanggane lan lewat ngarep pomahe tanggane, Baskara
tansah uluk salam.
“Ndherek langkung, pakdhe, ndherek langkung budhe” uluk salam e
Baskara nalika dheweke liwat ngarep omahe tanggane utawa
kepethukan tanggane ono ing dalan. Baskara uga ora ngebut
anggone numpak sepedha, dheweke tetep dadi bocah ingkang duwe
budi pekerti

Materi Prosedural

Supados anggenipun cariyos pengalaman menika
sae, prayogi migatosaken perkawis ing ngandhap

menika:

nyariyosaken Ukaranipun prasaja Tembung-
pengalaman saha cetha tembungipun
ingkang boten
gampil
saged dipunmangertosI
dipunsupekaken

Saged milah-milah Dipunandharaken
frasa. kanthi solah bawa lan

mimik ingkang trep
kaliyan menapa
ingkang
dipuncariyosaken

Gampil
dipunmangertosi
topik saha isinipun

cariyos.

Materi Metakognitif

Nemtokaken nilai budi pakarti
ing cariyos pengalaman

Wonten ing cariyos inggih saged kapundhut nilai
budi pekertinipun kanthi cara :

Analisis struktur ing cariyos pengalaman
Nemtokaken indikator babagan nilai budi pakarti
kados tumindak becik utawi awon
Ngramu ukara ingkang trep ingkang ngandhut
menapa ingkang dipuncariyosaken, sinten
ingkang wonten cariyos, wonten pundi
kadadeanipun lan sapiturutipun

Nyariosaken Cariyos Pengalaman

1.Pengalaman menapa ingkang badhe
kacariyosaken

2.Wekdalipun kapan kedadosan ingkang
badhe kacariyosaken menika

3.Papan kedadosan ing pundi cariyos
pengalaman menika nate kedadosan

4.Tiyang utawi paraga sanes ingkang
wonten ing salebetipun cariyos
pengalaman menika

5.Sebab-sebab cariyos pengalaman
menika saged kedadosan

6.Kadospundi cariyos pengalaman menika
kedadosan

DAFTAR PUSTAKA

Damarjati, Triwik & Indra, Sinar. WIBAWA Wiyata Basa Jawa Kelas X
SMA/MA/SMK. 2017. Yogyakarta : Dinas Pendidikan.
Hastari, Dian. LKS Kawuryan Kagunan Weh Urubing Kabudayan. 2008.
Yogyakarta : Sinar Pengetahuan
Herdiyansyah, D. 2014. PENDEKATAN PRAGMATIK DALAM
PEMBELAJARAN MENCERITAKAN PENGALAMAN YANG MENGESANKAN.
Bahtera Bahasa: Antologi Pendidikan Bahasa dan Sastra Indonesia, 1(4).
Zulfa, N. F. (2018). PENGARUH STRATEGI CRITICAL INCIDENT
BERBANTU MEDIA AUDIOVISUAL TERHADAP KEMAMPUAN SISWA
MENULIS CERITA PENGALAMAN PRIBADI PADA MATA PELAJARAN
BAHASA INDONESIA KELAS V SD NEGERI SIDOHARJO 01. Jurnal Lensa
Pendas, 3(2), 34-43.
http://pbjpasinaonbasajawa.blogspot.com/2019/06/materi-cariyos-
pengalaman-kelas-x.html
https://penerbitbukudeepublish.com/teks-narasi/
https://www.youtube.com/watch?v=pa27PuyYinE