สูตรสู่ขวัญนักเรียน 2 ศรี ศรี สิทธิพระพร บวรแวนวิเศษ อดิเรกเตโช ชัยยะตุภะวังค์ ชัยยะมังคะลา มหา อาคม บรมวิหารดวงสถานอันวิเศษ มื้อนี้พระเกตุเข้าทะรงเมือง พระยาจะเฮืองทศ ราช บรมนาถเหล่าแถมพร พระอิศวรหลอนแถมโชค พระนารายณ์โยคสิทธิชัย ท้าวสหัสนัยประกาศฝนห่าแก้ว ใจผ่องแผ้วบริสุทธิ์ อุตตะมะโชค อุตตะมะโยค อุตตะ มะราศรี อุตตะมะนที อุตตะมะศรีวิลาศ อินทพาสพร้อมไตรยางค์ทั้งนาวางคาดคู่ พร้อมกันอยู่ สอนลอน อาทิตย์จรจันทฤกษ์ นักปราชญ์เบิกว่าอวยชัยถืกหน่วยชื่อว่า อุตมะราศรี ในมื้อนี้เป�นวันดีสุดขนาด ข้าจักได้เชิญขวัญราชเข้ามาสู่ เข้ามาอยู่ในคีง คือว่ามื้อนี้นักเรียนโรงเรียน..........................................จบการศึกษา ทางมู่ครูบา อาจารย์นำพา มาบายศรีสู่ขวัญมวลหมู่นักเรียน ให้มีแต่ความสุขความเจริญ อันใด๋ เป�นกระพี้ อันใด๋เป�นแก่น กะต้องฮู้เท่าทัน เจ้าต้องขยันขันเกลียวเข้าไว้ ให้เจ้าเอาใจ ใส่การสูตรการเรียน ให้เจ้าอ่านเจ้าเขียนศึกษาค้นคว้า เจ้าอย่าลืมว่า ปมาโท มัจจุโนปทัง คือว่าความประมาทย่อมนำไปสู่ความตาย กัลยา ณ การี กัลยาณัง ปาปการี จะปาปกัง หมายความว่า ทำดีได้ดี ทำชั่วได้ชั่ว ดังนั้น เจ้าอย่าได้ทำความชั่วให้ทำแต่ความดี ยกระดับโรงเรียน....................แห่งนี้ ให้ชื่อเสียงสูงส่ง อย่าเป�นคนหยิบโหย่ง ให้มีคุณธรรม จบออกไปแล้วต้องกล้าเป�นผู้นำ สังคมเขาได้ หรือพร้อมเข้ารับใช้สังคม องค์กร นี่กะแม่นคำสอนหรือเป�นคำแนะนำ ให้เจ้าจดเจ้าจำคิดนำไปใช้ แล้วพวกเจ้าสิได้จำเริญ บาดนี้หมอพราหมณ์กะสิได้ฮ้อง เอิ้นเชิญขวัญ 32ขวัญแล่นมาโฮม มานิยมสมพรในเนื้อในคีง โตตนเจ้าเด้อ ข่อยจัก เชิญเอาเจ้ามาดฟ้าผู้อยู่ก้ำฝ่ายเหนือ ข่อยจักเชิญเอานางคำเฝ�อผู้อยู่ก้ำฝ่ายใต้ ข่อยจัก เชิญเอานางแอกไค้ผู้อยู่หออาสนาคำ มาซ่อยคูณซ่อยยอเอาขวัญหลานเจ้าเด้อ
ว่ามาเยอขวัญเอ้ย.......... ทั้งขวัญแข่งกะให้มาลีลาๆ ทั้งขวัญขากะให้มาลีล่ายๆ ขวัญ แขนซ้ายและแขนขวา ทั้งขวัญคิ้วและขวัญตา ขวัญกายางามดีองค์อาจ ทั้งเคราะห์ คาดให้หยับหนี ให้ขวัญทั้ง32ขวัญเจ้าให้เข้ามาเต้า 92ขวัญดีให้เข้ามาโฮม กะว่ามา เสียมื้อนี้วันนี้ ว่ามาเยอขวัญเอ้ย....... ขวัญนักเรียนโรงเรียน................................ เจ้าไปเที่ยวเล่นอยู่แถวทางเถื่อนถ้ำหินผา ไปทางหน้าเส้นเลาะลัดตัดเมืองตักศิลานคร กะว่ามาเสียมื้อนี้วันนี้ ว่ามาเยอขวัญเอ้ย......... ขวัญขวัญนักเรียนโรงเรียน ................................ เจ้าไปเที่ยวเพลินเล่นอยู่ป่าไพรหนา ท่งกุลาแดนกว้าง ขวาง เขตเมืองสาเกตุนคร กะว่ามาเสียมื้อนี้วันนี้ ว่ามาเยอขวัญเอ้ย................. ขั้นขวัญ หมู่เจ้ามาแล้วหมอพราหมณ์กะสิเล่าแถมพร สิทธิการิยะ ตถาคโต สิทธิลาโภ นิรันตรัง สิทธิเตโช ชโยนิจจัง ขอให้พวกเจ้าทั้งหลาย จงมีโชคลาภตลอดไป และมีเดชมีชัยตลอดกาล เงินกะให้ไหลกอง ทองไหลมา เพชรนิลจินดากะให้ไหลสู่ โชคและลาภไหลเข้าทั้งเช้าและแลง ไปทางหน้ากะอย่าให้มีคนซัง ไปทางหลังกะให้มีคนย้อง ญาติพี่น้องนับหน้าถือตา มีอำนาจวาสนาลื่นล้นคนย้องทั่วเมือง นอนหลับให้เจ้าได้เงินพัน นอนฝ�นกะให้เจ้าได้เงินหมื่น นอนตื่นกะให้เจ้าได้เงินแสน แบมือไปให้ได้เงินล้าน เงินทองไหลเข้าบ้านรวยล้นเป�นเศรษฐี สอบแต่ละป� แต่ละภาคการศึกษา อย่าได้มี ผิดพลาด ให้เจ้าโชคและหมานแต่ เกรด4 ล้วนล้วนควรค่าแก่ทุกคนก็ข้าเทอญ......... ไชยตุภวังค์ ไชยมังคลัง เป�นสุขังแวนยิ่ง ถ้วนทุกสิ่งบรบวนแล้วก็ข้าเทอญ สาธุ