Opstina-Stip_foto-vodic_2019

Почитувани штипјани,
Почитувани сограѓани,
Градот на текстилот, градот под Исарот, градот на највкусната пастрамалија
и на најпознатиот културно-забавен фестивал „Макфест“ денес е центар на
многу настани кои привлекуваат посетители од државата и регионот.
Штип денес го доживува развојниот подем каков што го заслужува, затоа сите
заедно ќе продолжиме да се движиме во иста насока, со засилен интензитет и
искрени и вредни заложби за подобар и поубав град.
Да се биде градоначалник на град – центар на истокот и репер за успешна
општина претставува чест и одговорност.
Затоа целиот мој труд, капцитет и искуство ги вложувам во секој сегмент
од нашето општество, за сите заедно да добиеме повисок и поквалитетен
стандард на живеење овде, во нашиот град.
Штип е универзитетски град со многу можности и капацитети, претприемачки
и граѓански центар кој покажува пример како треба да се надградува едно
здраво мултикултурно и мултиетничко општество.
Затоа штипјани продолжете да бидете бунтовни и полни со креативни идеи, за
својот град.
Бидете нашиот партнер во секој иден подвиг и чекор, заеднички да оставиме
белег за нашиот Штип, да оставиме уште поголеми можности и капацитети со
кои ќе се гордеат идните генерации.
Ваш,
Благој Бочварски.