awazain

Urdu

Maqsood Hasni

Abuzar Barqi Kutab'khna
Aguest 2016

Farist
Urdu hai jis ka naam
Awazoon ki tarkeeb o tashkeel ke awamal
Mofrad aur murakab awazain
Urdu ki char awazain

Urdu hai jis ka naam

Tehqeeq karoun ki tehqiqi kawashoun ko nazar andaz karma,
onhain yaksar mostarad kar daina ya phir oon ki tehseion na
karma na insafi aur zulm kay motradaf hai. Woh apni in
lisanyati harkatoon kay hawalah say aanay waloun ko tehqeeq

aur khouj kay midan dasyaab kartay aa'ay hain. Makhi pe makhi
marnay waloon ki baat is se qataee alag'tar hai. Her aata kal
pechloun kay hawala say agla qadam rakhta aaya hai.

Insan ibtada hi say insan aur kaenaat kay sar basta razoun ko
khojnay aur talashnay main masrouf raha hai. Gozray kal kay
logoun nay porani tehziboun ko her hawala aur her zivia-e-nazar
say daikha parkha aur khoja hai. Tamam tar koshashoun kay
bavajoud insan talasha ja saka hai aur na'hi kaenaat kay
sar'basta raz khul pa'ay hain. Woh khud apnay hathoun gozray
kal main banaee gaee ashya aur oon kay tasarfaat ko talash
nahain kar paya.

Yah bhi hota aaya hai aur ho raha hai kah gozray kal kay tehqi
kaam ko bar bar lafzoun ki hair phair kay sath paish karkay

tehqeeq karoun ki saf main naam indraj karwanay ki saee ki
gaee hai. Is say waqti wah wah ya phir ala digri to hasil kar li
gaee laikin tehqi amal ko koee khatir kha faeda nahain ho saka.

Hamaray haan khasusan taleem ko taraqi dainay kay hawala say
hamaisha rola dala gaya hai laikin amli tour par khuch
nahain kiya gaya . Univarastioun main ziyada'tar jaili kaam
howa hai Os jaili kaam aur naqal dar naqal ki hosla afzaee main
jaili logoun ko ala darjoun ki asnaad mil gaee hain jin kay bal
botay par yah jaili log onchi korsioun par barjaman to ho gay
laikin onhoun nay apni nalaeqi kay sabab asuli tehqeeq kay
darwazay farakh nahain, band kiay hain. yahhi nahain her kaam
karnay walay ko dodkara hai. In nalaeqoun nay naam kay PhD
aur MphiL log paida kiay hain aur nalaqi ka yah silsala aglay
waqtoun kay liay bhi jari-o-sari kar diya hai.

Apnay tour par kaam karnay waloun ki kabi aur kisi hawala say
hosla haza ya wasael faraham karnay ki koshesh hi nahain ki
gaee.

Mein apnay moaqaf ko eak missal say wazay karnay ki koshesh
karta houn. Mein nay koee dhae sou kay qareeb Urdu zoban kay
motalaq mazamein aur tehqiqi maqaloun ko daikha aur parka
hai. In sab main eak baat hi dohraee gaee hai kah urdu Hind
Aaryaee zoban hai. Agar koee is ki ibtada say motalaq pichay
gaya hai to balbun kay ehad say pichay nahain ja saka warna sab
ki Shajahan Wali Dakni par taan toti hai. Is hawala say daikha
ja'ay to lafz Urdu kahein dhondnay say nahain mil pata gaya
Lafz Urdu Balbun kay ehad ki paidawar nahain hai aur nahi
aariya Balban kay ehad main Hindustan main aa'ay thay. Oon
ka aana to bohat pehlay say ta'alaq rakhta hai. Dosri baat yah

kah arya koee 3200 say 3500 saal pehlay Hindustan main warid
howay. Kiya os say pehlay yahaan kay log gongay thay aur
isharoun main baat kiya kartay thay.Woh kisi na'kisi zoban
main to baat aur lain dain kiya kartay houn gay. Aakhir woh
koun si zoban thi?

Yah sawal bari ehmiat rakhta hai aur is ka jawab khojna bara
zarori hai. Aaj tak kisi nay is ghothi ko suljhanay ki zahmat
gowara hi nahain ki.

Issi tara lafz hind ki jar tak abhi tak koee nahain poncha. Mein
nay is lafz ko jannay ki koshesh ki aur is natija par poncha kah
yah lafz Sami hai aur arboun ya Farioun kay sath Hindustan
main warid howa. Ab thora mazeed aagay barha houn to
maloum howa hai kah yah lafz Sami nahain hami hai aur yah

lafz kahein bahir say nahain aaya balkah yahan say bahir
mokhtalif mafaheem kay sath baramad howa hai.

Mein nay Lagfz Hind ki kahani kay onwan say kuch
marozaat Net par paish ki thein kisi nay baat aagay barhanay ki
koshesh hi nahain ki. Satan ko main farsi lahqa samja raha tha
laikin yah lahqa farsi nahain hai balkah lafz santan ya asthan ka
alag se istamal howa hai. Ism ke lahqoon se lafz bantay aa'ay
hain. Hazrarat Abdal Ghofaar almarouf Nouh (AS) kay potay
yaeni Hazrat Haam kay baitay ka naam Hind tha. Yah lafz Hind
Ki santan ya asthan say Hindustan mostamil ho giya. Lafz Hind
kay hawala say Hindu, Hindi, Hindavi, Hindustan, Hindustani
waghera mostamil hotay gay. Ta hum zoban ka aaghaz Hazrat
Hind say nahain howa. Hazrat Hind say pehlay bhi log yahann
mojoud thay aur yah silsala Hazrat Adam sufi ullah (AS) say bhi

bohat pehlay tak jata hai.

Waqt gozarnay kay sath is zoban ko kaee naam miltay aa'ay hain
aur yah zobanoun main koee naee baat nahain. Donyan ki dosri
zobanoun kay sath bhi yahhi chalta aaya hai. Onhain bhi
mokhatalif oqaat main mokhtalif naam rang-o-roup aur askaal
milti rahi hain. Urdu ka naam ho sakta hai Turki ya Angraizi say
aaya ho laikin yah koee hatmi aur sika band baat nahain, yah
moamla abhi tehqeeq talb hai.

Yah ghalt fehmi jo yaqein main badal gaee hai kah Urdu
Mosalmanoun ki zoban hai. Is harba say yahan kay logoun ko
taqseem karkay oon ki ithadi qowat ka satyanas maar kar rakh
diya giya. Taqseem kay hawala say yahhi surat Punjabi kay sath
paish aaee. Gormokhi ko gher moslim jab'kah Punjabi/Shamokhi

ko moslim zoban ka naam day diya giya halankah yah donoun
naam hi ghalt aur bai'bonyad hain. Gormokhi ko daikhain yah
Goru kay monh say nikli batoun tak hi mehdoud nahain.
Galioun main boli janay wali zoban kay hawala say donyan ki
koee zoban is kay moqabil nahain aa sakti. Kiya Goru Hazraat
kay monh say galiyaan nikala karti thein ya phir ya galiyan
onhoun nay zoban ko di hain?!

Bilkul nahain woh to bhalay aur baray log thay aur oon ki her
baat Danish ka ala namona hai.

Punjabi ko panj aab kay hawala say daikha ja ay to yah dou
lafzoun ka majmoa hai yahhi nahain yah dounoun lafz badaisi
hain. Issi tara Punjabi farsi ka majmoa nahain aur nahi is ka
sara zakhira-e-alfaz Shah (faqeer davaish waghera ya Badshah)

ka kalaam ya kaha howa hai. Yah khita lakhoun saal say aabad
chala aata hai aur is khitay ka hamaisha say apna zati hawala
mojoud raha hai.

Asl haqiqat yah hai kah zoban ossi ki hai jo ossay istamal main
lata hai. Zoban shakhas say nathi hai jo jis qamash ka admi hota
hai, zoban ka istamal bhi ossi tour say samnay aata hai.
Hamaray haan lakhoun log angraizi boltay hain kiya woh sab
angraiz ho gay?! Bilkul nahain. Issi tara maghrab ya donyan ki
aur walaetoun main bai'shumar log jo bar-e-sagher say motalaq
nahein hain laikin woh Urdu/Hindi istamal main latay hain. Is
tara woh bar-e-sagher kay bashinday to nahain kehla saktay.

Zoban kay istamal main lanay ka dhang tour tariqa, lehja,
andaz, mazaj, mahoul, nazriyaat, asoul-e-moash-o-moashrat

waghera alag say ho saktay hain. Oon kay lisani asoul bhi alag
say ho saktaty. Movanas mazakar ya phir wahid jama banay kay
atwaar bhi mokhtalif ho saktay hain. Kiya in sab batoun ko
daikh kar Urdu zoban ko alag alag khanoun main bant diya
ja'ay ga. Nahai, bilkul nahain.

Is zoban main mokhtalif mazahib ki kotab mojoud hain.
Mukhtalif mazahib ki kitaboon ke tarajam howay hain. Kiya oon
kitaboun ko daikh kar issy Esae urdu, Sikh urdu, Hindu urdu
ishtatraqi urdu, sarmaya'dar urdu, jamhori urdu Wahabi urdu,
Soni urdu shiya urdu waghaera khaha ja'ay ga? Yah hi surat
amarja se ta'aluq rakhti hai. Sagodha, multan lahore waghera ki
tehriri o taqriri urdu eak si nahain. yah farq ashkhas tak chala
jata hai.

Is kay istamal main lanay walay mokhtalif rangoun nasloun
alaqoun say motalaq mojoud hain kiya is hawala say is ki
taqseem ki ja sakti hai?

Urdu/Hindi main mokhtalif zobanoun kay alfaz mojoud hain
taqseem ka jawaz to yahaan bhi nikalta hai. Agar kaha ja'ay
Angraizi urdu, Japani Urdu, Arbi urdu, Farsi urdu, Chini urdu
waghera kiya yah ajeeb nahain lagta.

Reh gaee rasam-ul-khat ki baat to yah aaj tein tara kay mostamil
hain. In khatout kay hawala say naam bhi tein tara kay hain
yaeni Dev nagri, Nasleeq, Roman. Yah tinoun likhnay kay hawala
say tein izhaar kay tour hain warna parhnay, bolnay, samjhnay
kay hawala say koee ikhtalaf mojoud nahain. is baat ko youn
kaha ja sakta hai:

1- Yah zoban yaeni Hind'santani- Hind'asthani (hindi, urdu,
roman) Hazrat Adam safi ullah (AS) say bhi bohat pehlay
yahan kay logoun kay rabtay ka zariya thi haan albatta Kaee
naam aur rasam-ul-khat mayassar aatay rahay hain aur her
dour kay motabiq is ka andaz aur rowaeya raha hai.

2- Hindi, Hindu, Hindustani, Hindavi waghera Hazrat Hind
bin Haam bin Nouh kay hawala say kaha jata raha hai.

3- Zoban ka apna koee mazhab, nazriya, alaqa, rang, nasl
waghera nahain hotay. Yah ossi ki hai jo issay istamal main lata
hai.

4- Zoban apnay istamal karnay wloun kay rang, nasl, alaqa,
nazriya, mazhab waghera kay zair-e-asr zinda rehti aur parwan
charti hai ta hum issy on hi logoun tak mehdoud kar daina kisi

bhi hawala say darust aur monasab baat nahain.

Daraj-e-bala morozaat ka siraf matlab yah hai kah hamari
jamiaat main sabqa batoun ko lafzoun kay hair phair say
dohraya ja raha hai ya phir eak hi zaviya-e-nazar say daikha jata
hai aur yah rovaeya kisi tara darust nahain. Jamiaat kay
Professor sahiban ko chahiay kah woh tehqeeq ko laqeer ka
faqeer na banaein bal'kah aaj aur gozray kal kay kaam ko
mahdoud zaviya-e-nazar say malahza na karain. Issi tara teqeeq
kay kaam ko rang nasl alaqa mazhab nazriya waghera kay
tarazu par na rakhain bal'kah bara jigra karkay baat ya
moamlay ko 6 atraf say malahza karain aur apnay shagirdoun
ko bhi 6 atraf say daikhnay ka mashwara dain. Agar aisa na kia
giya to oon ka kaam aatay waqtoun main bai'maeni ho kar reh ja
ay ga bal'kah guzarta aaj bhi ossay mustard kar day ga. Is qism

kay kaam ko khidmat ka naam daina tehqeeq kay naam kay sath
ziyadti ho gi.
Thu Jan 06, 2011 10:55 pm

__________________________________

Awazoon ki tarkeeb o tashkeel ke awamal

Kaenat ki takhleeq kay sath hi aawazoon ki takhleeq ka kaam
mokamal ho giya. Her shay main takhleq'kaar nay os ki zarorat
istadad aur hajit kay mowafaq aawazoon ka eak marboot aur
monazam nazam rakh diya. Aawaz ki takhleeq kay baad lafz nay

janum liya. Lafz mukhous halaat aur zarorat kay tehat kisi
zoban/boli kay lisani diciplan motwazan tarteeb-o-tanzeem kay
qudrati aur fitri johar jo oon se mukhsous hota hai, kay
ikhtalat-o-imtazaj ka naam hai. Yah ossi tara se hota hai jis tara
monh se nikalta aur kanoon ko sonaee daita hai. Dahan se
akhraj hi kay baad mukhtalif mafaheem kay sath ravaj pa jata
hai. Yah bhi kah dehan se akhraj kay baad aawazoon kay is
monazam aamaizay (lafz) kay talafzaat/talafaz teh patay hain.
Kayoon'kah talafzaat/talafaz kay teh panay main ashkas kay
aalaat-e-notaq aur moawan aalaat-e-notaq ka amal dakhal hota
hai.

Lafz dar'haqiqat os alaqah ya khitah kay qudrati
mahool-o-halaat, mosam aur ashkas kay tehzibi, samaji, siyasi,
imrani, moashi, jamalyati wagherah kay mazaj ravaeoon aur

andaz-o-atwar ki namaendgi kar raha hota hai. Is ka vajood
(haiat) aur istamalaat ashkas kay niji-o-ijtamae
zooq-e-fikar-o-nazar kay sath sath nafasyati kaifiyaat ko aiaan
kar raha hota hai. Likhtay samay wo shakas/ashkas ya qoom kin
halaat aur zehni-o-fikri kaifiyaat se guzar rahi hai. Lafz yah bhi
wazay kar raha hota hai kah yah tarkeeb-o-tashkeel aur tarteeb
patay waqt kin kin ravaeoon mazaji haltoon hajtoon zarortoon
rujhanoon aur nafasyati kaifitoon ka bar-e-giraan apni zaat
main samoay howay hai. Lafz is amar ki bhi nishandahi kar raha
hota hai kah os alaqah kay logoon ka rehan-sehan kaisa hai aur
oon kay jamalyati andaz-o-atwar kis tara aur kis andaz kay hain.
Ashya ki tanzeem-o-tarteeb aur tazein kaisi hai.

Lafz ka ta'aluq bolnay likhnay sonnay aur samjhnay se hai. Her
chahaar ommoor alag alag suratoon aur haltoon se wabastah

hain. Boud-o-tafawat ko kisi sata par nazar andaz karna
mumkin hi nahain hota. in charoon kay hawalah se mafaheem
bhi omomun aur khasusan alag alag sefaat kay hamil ho saktay
hain.

Zabanoon/bolioon main aawazoon ki kami baishi ka ta'aluq
na'siraf os alaqah kay ashkas kay aalaat-e-notaq aur moawan
alaat e notaq se hota hai balkah os alaqah kay qudrati mahool
aur mosamoon se bhi hota hai. (Qudrati aafaat balkh
bazaat-e-khud shkas bhi kharai ka sabab bun sakta hai) jin kay
zair-e-asar aalaat-e-notaq tashkeel patay hain. Tamam zobanoon
ya bolioon ki ibtadaee aawazain ginti main eak jitni nahain
hotein aur na hi aisa hona mumkin hota hai. Baqaedah (Mufrad)
aawazoon kay sath sath aur tara ki aawazain raza'karana tour
par apnay hissah ka kidar ada kar rahi hoti hain. inhain

baqaedah aawazoon ka darjah hasal nahain hota aur na hi
madrasay may in ki taleem di jati hai.
Udu ki baqaedah 36 aawazain hain laikin tein tara ki aawazain
1. marakab
2. alamti
3. bhari
boltay aur likhtay waqt kaam kar rahi hoti hai. Yah ginti main
shamar nahain hain laikin izhaar main in ka bara aham aur
zarori role hota hai. Arbi tein tara
1. Bonyadi
2. Marakab
3. Alamti, aawazoon ki hamil zoban hai. in donoon kay bar'akas

Angraizi dou tara
1. Ba qaedah
2. Morakab
aawazain rakhti hai. Her zoban ko apnay zakhirah kay tehat hi
izhar kay moamlaat ko teh karna hota hai. Zarori nahain
mohajar alfaz kay liay hi in moavan/raza'kar aawazoon ki
zarorat mehsous hoti hai bal'kah issi walaet main hi in ki zarorat
dar'paish rehti hai. Goya yah bunyadi aawazoon ki kamyoon ko
pura karnay main musbat kirdar ada karti hain.

Aawazoon kay ba'az ikhtalafi moamlaat koee hairat ki baat
nahain hain bal'kah yah to zoban ki taraqi main oxsigan ka
darjah rakhtay hain. Alaqaee mahool-o-halaat aur mosamoon

kay zair-e-asar aawazoon ki kami baishi ka maslah paish aata
rehta hai. Issi tara bohat sari aawazoon main fitri ishtaraak bhi
mojood rehta hai jo shakas kay nafasyati aur fikri ishtaraak ka
baiyan sabot hai.

__________________________________

Mofrad aur murakab awazain

Aawazoon kay tashkeel panay aur oon kay izhar-o-akhraj ka
ta'aluq shakasi aalat-e-notaq aur moawan aalat-e-notaq say hota
hai jab'kah oon kay tarkibi-o-takhliqi amal main motalaqa khita
kay qudrati mahool, halaat aur mosmi suratoon ka amal dakhal

hota hai. Yah aawazain hi haroof-e-tahiji ka naam/roop hasal
karti hain.

Her aawaz jahan jazbaat-o-ihsasat aur khayalaat ki namaenda
hoti hai wahan os khita kay qudrati mahool aur mosmi halaat ki
bhi namaendgi karti hai. Motalqa vasaib jab dusri (Qurb-o-jawar

aur badaisi) valaetoon say insalaak ka sazawar hota hai to
wahaan kay khayalaat (jo os alaqa kay hawala say tarkeeb pa'ay
hotay hain) os khita ki zoban kay hawala say mahajrat ikhtayar

kartay hain.
Mamasal aawazoon kay hamil alfaz ko mahajrat kartay samay
kisi qisam ki diqat ya dushwari paish nahain aati jabkah adam
mojood aawazoon kay moamla main os alaqa ki boli/ zoban jo os
alaqa say makhsous hoti hai, ki motbadil maravja aawazain ya
marakab aawazoon say maslay ko hal karnay ki koshesh ki jati
hai. Is koshesh main mahajar lafz, Haiti (form) hawala say kuch
ka kuch ho jata hai wo apni valaet kay liay bhi ajnabi ban jata

hai. Maslan:
Vote Urdu main yoon batoor jama istamal ho ga: woh 2 hazar

votoon say jiat giya.

Vote Punjabi main yoon batoor jama istamal ho ga: O 2 hazar

votaan nal jit giya.

Advasain, horain aisay alfaz Angraizi aur Arbi kay liay manous

nahain rahay laikin yahaan mostamal hain.

Yah sab aam aur omomi halaat kay tehhat vaqo main aata hai

laikin jab mahajar zoban batoor hakam os khita main dakhal

hoti hai to bhi os ki tamkanat aur nakhwat barqarar nahain reh

pati kayoon'kah ossay daisi zoban ki her hal main ongli pakarna

hi parti hai. Haan albata tabdilioon ki rafter taiz zaroor ho jati

hai. Agli satoor main kuch mofrad aur kuch marakab aawazoon

say mota'aluq misalain paish ki gaee hain ta'kah daraj-e-bala

morozaat ko samjhnay main kisi haad tak aasani rahay.

C batoor Kaf Angraizi

Daisi

Kalas Class
Kalaj College
koras/kors Course
Karij Courage
Kalath Cloth

Car

Kar Cross
Karas Court
kort Cotton
katan
C batoor Seen City
Siti

Circle
carkal
C batoor Chay
(c, h kay sath marakab ho kar chay ki aawaz daiti hai)
Arbi
Chamber chambar jhambar, sambar, shambar
Challenge chailanj jhailanj , shailanj, sailing
Chief cheef jheif, sheif, seif
Chair chaiar jhair,sair, shair
Check check jheck, sheck, saik
Chart chart jhart, jhart, sart, shart
U ki aawaz alamti aawaz paish kay liay:
Put, bull
U ki aawaz alamti aawaz zabar kay liay:
But, cut, hut, shut, dul
S seen ki aawaz kay liay

Possible, simple, sleep, sample, rest, best, host, hospital, school
Marakab ho kar zal/zay kay lay:

Se Imposes, cause, increase, decrease
Daisi shakal:
Impoz, kaz, dekreez, inkareez

So dissolve, resolve
Daisi shakal:
Dizolv, rezolv

Sheen Angraizi main nahain sh marakab ho kar yah aawaz
paida ki jati hai:

Should, shoe, sheet, shade, shed, shall, show, shift, shop, shirt,
short

Daisi alfaz
Shoukat, shan, shoal, shaker, sharheel, shagird

Gh ghain kay liay
Angraizi alfaz

Ghost, ghoul, ghetto, gharry,, ghastly, gherkin
Daisi alfaz

Ghalib, ghair, gharoob, ghamazi, gharqa, gharoor, ghossa
Chay angraizi main batoor mufrad aawaz mojood nahain issay

ch say ada kya jata hai:
Chester, change, charge, chamber, chair, chief, chair

Daisi alfaz
Chabi, chithi, chori, chara, chaku, charind waghera
Arbi main j, jh, sh, s motbadil aawazain ho sakti hain
Khay mofrad ya marakab aaawaz Angraizi main dakhal nahain.
Arbioon kay zair-e-asar Arbi kay alfaz Angraizi main dakhal
howay hain laikin is kay liay kaf+dou chashami hay say talafaz

kiya jata hai.
Talmood main khay kay liay ch ka marakab istamal kiya giya
hai. Zalikha kay liay zelicha likha giya hai. Chay kay lihaz say
lafz zalicha banta hai ho sakta hai qibti qabila main chay ki

aawaz rahi ho aur hamaray haan kh ravaj pa giya ho warna Arbi
main chay ki aawaz siray say mojood hi nahain.
__________________________________

Urdu ki char aawazain

Alif mada Aa Pakistan ki kisi zoban main batoor haraf-e-tahiji
shamil nahain laikin is ka istamal batoor haraf hota hai.
Bachoon ko
Aa alif mada aam
School main parhaya bhi jata hai. Is say alfaz ka aaghaz bhi hota
hai. Kuch lught main issay haraf shamar bhi kiya giya hai.
mad Arbi say Urdu main daramad howa hai laikin Arbi main
haraf kay toor par istamal nahain hota. Moamla darasal yah hai

kah her haraf ki zati eak aawaz hoti hai laikin Aa dou aawazain
hain (Alif + alif, Alif + zabar, hamza + zabar). Roman lipi main
issay Aa say ada kiya jata hai.
Aein Arabic say Pakistani zobanoon main warid hoe hai. Is kay
istamal ki ziyada'tar tein suratain milti hain;
1- Aein + alif Aa (Aein ki zabar shumar karnay say tein aawazain
banti hain.
2- Aein + zabar Aa zabar kay sath bhi taqriban Aa ki hi aawaz
paida hoti hai.
3- Darmiyan main aa kar apni shanakht zahar karti hai. Roman
Lipi main a say wazay
kartay hain.
Hamza Arbi aawaz hai. Pakistani zobanoon main is ka mukhtalif
hawaloon say istamal hota hai aur aawazoon ki mukhtalif
suratan parnay sonnay ko milti hain ta'hum is say kisi lafz ka
aaghaz nahain hota.

Hamza + zabar, alif + zabar Aa
Hamza + zair, alif + zair Ay/ai/ee
Hamza + doo zabar Un
Hamza + doo zair in
Hamza + yay Eie/ee maslan aae (yahan single e ko ee parha jaay
ga
Hamza + doo paish, Alif + doo paish= oon
Hamza + meem, Alif + meem= im
Hay maqsura opar hamza = ai
Wao + opar hamza = oo
Yay bari + opar hamza = ay
Hay + opar hamza = zeim (Pakhto)
Noon ghona, noon say hat kar aawaz hai. Issay Arbi noon ki
shakal samjah jata hai. Yah aawaz Faesi say daramad hoee hai.
Shumar main nahain laikin apna bara mazboot mutharak
kirdar rakhti hai. Is ki jar main gonj ki aawaz hai. Is kay istamal

ki omomi tein suratain hain:
1- Mi'koon, saan'koon,
2-Sanwal (N likhnay main noon laikin bolnay main noon ghona)
3- horain
yay Arbi ki bari aham aawaz hai. Is ki maktobi tein suratain
hain:
1-choti yay maslan:

sadgi, abadi, hadi
2-bari yay maslan:

aaway, jaway, maray
hamza kay sath bhi mostamal hai maslan:

ja'ay aa'ay, paay
3-Nichay doo noqtay laga kar maslan: yaad, yawar, yasar, yaqoob
waghera
Agli satoor main in panchoon aawazoon say motalaq mukhtalif

zobanoon kay alfaz batoor missal daraj kar raha hoon ta'kah
morozaat-e-bala ko samjhnay main kisi haad tak madad mil
sakay aur mazeed guftagu kay darwazay khul sakain.
Aa
Urdu: aaj, aadab, aas, aasan, aag, aam, aant, aanso
aasthan, aasha, aashram, aakash, aamavas
Farsi: aab, aabad, aabro, aabla, aazar, aazad, aarzo, aatesh,
aarasta, aaram
Turki: aagha, aal (surakh rang)
Punjabi: aapat, aapsi, aapoon, aalocha, aakhiri, aakhirla,
aakhirwan, aasay pasay
Balochi: aayan (onhain), ji aao (ji haan), aasan (loha), zard aalo
Khobani), aasak (Hiran),
aayani (oonka), aadeem (mairay)
Pushto: aafridi, aakhsal, aawardal, aavaizandool
Arabic: abnaa, bimaashaa

Israaeil, batoaaenoha, hadaaeqa, olaaeqa, samaae, maaen,
Dua'aaun
Sowaaaon, asmaaaon
Aakhir, aakhrat, aaghaz, aasar, aabnous
Maal, qaal, maab
Aein ki dhohri aawaz:
Aein+alif aa

ariz, aj (aein+zabar+alif+jeem), afiat, aqbat, aad, ajaeb, anasar,
alaqa
Aein +zabar aa ajab
Darmiyan main aa kar khalat, ta'aluq, mota'aluq, sama'at,
shuja'at
Hamza
Urdu+Farsi

a-Pehlay lafaz kay akhri haraf (hay maqsora) kayo par hamza

dal kar
tana-e-aghyar, tofa-e-mahboob, jama-e-mahboob,
qatra-e-shabnum,
reshta-e-olfat
b-pehlay lafz kay aakhri haraf (bari yay) kayo par hamza dal kar
ja'ay majra, ja'ay andaisha, ja'ay itraz, ja'ay ozar, ja'ay rihaesh,
ja'ay panah
shabha ay zulmat, shabha ay faraq, shabha ay hijraan
c-Aao, jao, aa'ay, ja'ay, aa'ee, khao, kha'ay, khaee
d- pieo, sieo, jao, sanao, batao
Balochi ji aao, sari aa pushst aa

(hamza opar zabar), (hamza opar zabar)
zoti aa (hamza opar zabar)

niyam aa (hamza opar zabar)
hamza opar zabar bamaeni ko

Pushto kursae (yay kay opar hamza), boba'aee yay kay opar
hamza), obaee
(yay kay opar hamza)
hay kayo par hamza say pushto haraf zeim banta hai jis say zay
ki aawaz nikalti hai maslan varzeim
koray, aakhri yay par hamza daltay hain
walay ta en
(Akhri hay maqsora kayo par hamza aur hamza kay nichay zair
dala jata hai)
sabaoon
aawardel (alif mada+wao+ray+dal (opar) hamza+lam
Baravi mosam ae (hamza kay nichay zair), zinda ae (hamza kay
nichay zair),
Sardar ae (hamza kay nichay zair), ghareeb (hamza kay nichay
zair),
thaikri ae khuda aa (aa, hamza kayo par zabar), neem roch aa

Arabic abna,aa'aa, bimashaa
Esraaela, yomaezin, olaeka, hadaaeqa, samaae
Yoodo,
Duaan
Maaen, shaen
Sawaaon, asmaaon
Daem, qaem

Noon ghona

Aawaizaan, badandaan, badamaan, kharamaan, charaghaan,
darmaan,
Shadaan, goraizaan
Boraeaan, sachaeaan
Kharabiaan, khushaan, raqribaan, humdardiaan, sardiyaan,

garmiaan,
Apnoon, biganoon, yaganoon, farmanoon
Aasiyoon pasiyoon, aapoon
Rataan, ghataan, akhaan, rakhaan, jarabaan, zataan,
barataan,shabrataan
Dardaan, ortaan
Goriyaan, poriyaan
Votraan, spotraan, advaesaan,
Dokhoon, sukhoon, purkhoon
Akhoon, pakhoon, hathoon,
Shakaetain, hakaetain, shartain, navazshain, sazshain, vazartain,
amartain, baghavtain barkatain
horain, ortain, dardain, advasain
Yah ki tein maktobi suratain

Badi, t'aadi, taadi, khodi, shabiri, Baghdadi, faryadi, hadi, badli
Tahiyon, hisabiha, nohihay, asaina, mofsidain, yaqoob
Yaad, yabinda, yara, yawa, yagana, yazd, yakh, yakta, peer, pair
Babo, yasa, yargha, yasawal
Yakka. Yakayak, yatra,
Free, degree, she
Faryadi, shadi, yazdi, yazidi, samadi, samavi, dunyavi, dini, sadi
Yakay, akhri, jati, kati, tati, aasi, rajgiri, vadairi, adi, qurqi
Khanay, thanay, mardanay, zananay, sarhanay, othanay,
biganay, apnay
Jaay, aaay, saay, laay, paay, paraay, samaay, dhaay
Aagay, pichay, nichay, thalay, ballay, khalay, rajay, maharajay,
karochay
Saday, sidhay, qarzay, darjay, arzay, shakhasay,

Khaira, akhirla, char, chirya, chaila, baila, maila, chaila, kaila
cheil
Thu Jan 22, 2009 2:04 am

__________________________________