BAHAN AJAR BAHASA JAWA SANDIWARA (1)

BAHAN AJAR BAHASA JAWA
SANDIWARA

Kangge Kelas IX/ SemesterGasal

Dening:
NURMALITA APRILLIANI, S.Pd

SMP NEGERI 3 GANDRUNGMANGU
JL. SLAMET RIYADI, DESA KARANGANYAR, KEC.GANDRUNGMANGU

KABUPATEN CILACAP

BAHAN AJAR BAHASA JAWA
SANDIWARA

Pokok Bahasan : Sandiwara Berbahasa Jawa
Kelas/ Semester : Ix/ Gasal
A. Kompetensi Inti

1. Menghargai dan menghayati ajaran agama yang dianutnya.
2. Menunjukkan perilaku jujur, disiplin, tanggung jawab, peduli (toleransi, gotong-

royong), santun, dan percaya diri dalam berinteraksi secara efektif dengan
lingkungan sosial dan alam dalam jangkauan pergaulan dan keberadaannya.
3. Memahami dan menerapkan pengetahuan (faktual, konseptual, dan prosedural)
berdasarkan rasa ingin tahunya tentang ilmu pengetahuan, teknologi, seni,
budaya terkait fenomena dan kejadian tampak mata.
4. Mencoba, mengolah, menyaji, dan menalar dalam ranah konkret (menggunakan,
mengurai, merangkai, memodifikasi, dan membuat) dan ranah abstrak (menulis,
membaca, menghitung, menggambar, dan mengarang) sesuai dengan yang
dipelajari di sekolah dan sumber lain yang sama dalam sudutpandang/teori.

B. Kompetensi Dasar dan Indikator Pencapaian Kompetensi

3.3 Menelaah naskah sandiwara
3.3.1 Menganalisi unsur-unsur intrinsik yang ada dalam dialog sandiwara berbahasa
Jawa (C4)
3.3.2 Menyimpulkan isi dialog sandiwara berbahasa Jawa dengan bahasanya
sendiri (Ngoko Banyumasan). (C6)

4.3 Menyajikan naskah sandiwara
4.3.1 Memperagakan dialog sandiwara secara berkelompok (P5)
4.3.2 Mengritisi penampilan sandiwara kelompok lain dengan bahasanya
sendiri (Ngoko Banyumasan). (P5)

C. Tujuan Pembelajaran

Melalui model pembelajaran Problem Based Learning, setelah menyimak Power Point
mengenai sandiwara berbahasa Jawa dan memutarkan video yang berisi contoh
sandiwara tradisional Jawa, peserta didik dapat :
1. Menganalisi unsur-unsur intrinsik yang ada dalam dialog sandiwara berbahasa Jawa (C3)

dengan teliti.
2. Menyimpulkan isi dialog sandiwara berbahasa Jawa dengan bahasanya sendiri (Ngoko

Banyumasan). (C4) dengan jujur.
3. Memperagakan dialog sandiwara secara berkelompok (P5) dengan percaya diri.
4. Mengkritidi penampilan sandiwara kelompok lain dengan bahasanya sendiri (Ngoko

Banyumasan) (p5) dengan jujur.

BAHAN AJAR BAHASA JAWA
SANDIWARA

D. Pandom Pasinaon

Kagiyatan sinau wonten bahan ajar menika dipunsusun kanthi runtut. Pramila,
saderengipun mlebet ing materi pasinaon, langkung sae para siswa mangertosi
pandom pasinaon supados langkung gampil anggenipun sinau. Ing ngandhap menika
bab-bab ingkang kedah dipungatosaken para siswa:
1. Para siswa maos pandom pasinaon ing materi menika, ingkang arupi kompetensi

dasar, indikator pencapaian kompetensi lan ancas pasinaon.
2. Pahami penjelasan wonten saben kagiyatan sinau.
3. Dipungarap kanthi tliti lan saestu ing saben gladhen, menawi anggenipun sinau

wonten ingkang dereng dipunmangertosi, saged nyuwun pirsa dhateng guru.
4. Dipunpraktikaken pasinaon ingkang sampun dipunwulangaken guru.
5. Sinau malih andharan saking guru utaminipun babagan materi ingkang dereng

dipahami.

BAHAN AJAR BAHASA JAWA
SANDIWARA

FASE 1: IDENTIFIKASI MASALAH

MATERI FAKTUAL

Para siswa mangga dipuntingali tuladha pethikan teks sandiwara wonten ngandhap
menika,

SINAU BERENG



(Bapak lagi maca koren lan ibu nyapu latar)
Bapak : “Bune,,nggawekna aku kopi sing rada anget ya!”
Ibu : “Oh,,nggih Pak.”
(Ibu mlebu, banjur gaweke kopi kanggo bapak)
Ibu : “Niki Pak, diunjuk riyin.”
Bapak : “Ya suwun ya bune.”
Ibu : “Nggih Pak. Maos nopo ta Pak? Tenanan men.”
Bapak : “Kie lho Bu, bapak maca pawartane Sule karo Natalie, jare cah loro kuwi
meh pisah.”
Ibu : “Ealah Pak, urusane wong liya kok digagas.”
(saka njaba katon nurul mulih sekolah)
Nurul : “Assalamu’alaikum, Pak, Bu.
(Banjur Nurul salim karo Bapak lan Ibune)
Bapak lan Ibu : “Wa’alaikumsalam.”
“Pak, Bu, kula mangke badhe sinau bareng kaliyan Tere.”

Ibu : ” Lha arep dicepake kriyik-kriyik ra nduk?”
Nurul : “Nggih, mboten nopo-nopo Bu.”
Ibu : “Ya, mengko tak cepakene.”
Nurul : “Nggih, maturnuwun Bu.”
Ibu : “Yaa…”
(Saka kadohan katon Tere wis teka)
Tere : “Assalamu’alaikum…Nurul…ayo sinau…”
Bapak : “Eh nduk Tere, mlebu sik nduk, tak celuke Nurul.”
(Tere banjur salaman karo Bapake Nurul)
Tere : “Nggih Pak.”
(Bapak mlebu sinambi nyeluk Nurul)
Bapak : “Nduk,,kancamu wis teka.”
Nurul : “Ehh..wis suwe leh mu teka.”
Tere : “Durung kok santai wae.”
Nurul : “Yuh..ya..sinau nang kana.”
(Nurul karo Tere banjur menyang garasi kanggo sinau bareng)
Nurul : “Kok aku gak ngerti ya karo pelajaran matematika bab statistika?”
Tere : “Huuh..yaa pada Rul. Aku lho bar ndek wing wis sinau, tetep wae aku blas ora mudeng
karo materine.”
Nurul : “Hooh,,gek gurune iku lho, yen njelaske suarane rindik banget.”
Tere : “Heeh…tapi nek nyeneni, wah buantere pol.”
Nurul : “Terus penake piya ya? Masa awake dhewe kudu melu bimbel sik, ben isa ngerti
materine.”
Tere : “Nek melu bimbel kuwi larang pol Rul. Nek saiki aku ora duwe dhuwit nggo melu
bimbel. Tapi nek aku ora melu bimbel aku ora paham karo materine iki.”
Nurul : “Ya wis lah, garap sak-sake wae ya.”
Tere : “Ya wis garap sik sakisone.”

(Ibu banjur teka, nggawa kriyikan)
Ibu : “Kie nduk,,klethik-klethik karo mimike.”
Tere : “Eh..bu, Rul boten usah repot-repot lho.”
Ibu : “Alahh…ra papa. Kok wis tutupan buku ki pa wis rampung le sinau?”
Nurul : “Niki lho Bu, bingung banget karo materine. “
Ibu : “Saiki ta nduk ana teknologi jenenge you tube, dadi bisa ndelok
bimbingan belajar secara gratis. Ngono kowe kok bingung lho. “
Tere : “Hooh ya Rul, awake dhewe kok ra kepikiran.”
Nurul : “Ealahh…maturnuwun nggih Bu saranipun.”
Ibu : “Yaa ra papa, yawis dimaem ya, tak isah-isah sik.”
Nurul lan Tere : “Nggih Bu.”
(Cah loro banjur neruske anggone sinau bareng)
Nurul : “Ah..Alhamdulillah.”
Tere : “Ah..rampung Rul, Rul. Yaw is Rul, ganeng wis rampung aku pamit sik ya.”
Nurul : “Oke..oke..tak celuke Bapak Ibuku sik ya..”
Tere : “Iya...ya..”
(Nurul banjur mlebu menyang omah, saperlu nyeluk Bapak lan Ibune)
Nurul : “Pak, Bu. Tere ajeng budhal.”
Ibu :” Oh..ya.”
(Bapak lan ibu banjur metu saka omah)
Bapak : “Wis rampung ta sinaune?”
Tere : “Sampun Pak. Kula pamit riyin nggih Pak.”
(Tere banjur salaman karo Bapak lan Ibune Nurul)
Bapak : “Oh..nggih ngati-ati ya.”
Tere : “Nggih Pak. Pamit riyin Bu.”
Ibu : “Ya…ngati-ati nduk.”
(Tere banjur mulih menyang omahe)

Menawi para siswa badhe ningali sandiwara basa Jawa, saged dipuntingali wonten link
ngandhap menika:

https://www.youtube.com/watch?v=bsX1XwHQ4n4

BAHAN AJAR BAHASA JAWA
SANDIWARA

FASE 3: mengorganisasikan peserta didik

MATERI KONSEPTUAL

Para siswa sumangga dipunsinau sesarengan materi ing ngandhap menika!

BAHAN AJAR BAHASA JAWA
SANDIWARA

A. Tegesipun Sandiwara
Sandiwara miturut Rahadini (2019) inggih menika sawijining wujud karya sastra ingkang

dipunparagakaken dening aktor. Dene mitirut Herman J. Waluyo (2022:3) tegese sandiwara yaiku
piwulangan kang diwenehake kanthi rahasia utawa sesideman. Sandiwara iku karya sastra sing
duweninancas (tujuan) gambarake panguripan sing ngatonake konflik lan emosi liwat tumindah (action) lan
paguneman (dialog) lan disusun kanggo pementasan ing panggung. Dijupuk saka dudutane, tembung
sandiwara yaiku piwulang kanthi rahasia lumantar tontonan. Para pamiarsa duwe ayahan supaya goleki
dudutan dhewe, endi piwulang kang becik utawa ala kang bisa dituladhani kang kaandhut saka isining
sandiwara mau.

B. Jinising Sandiwara
Miturut alat utawi pirantos ingkang dipunginakaken, sandiwara kaperang dados 6, inggih menika:
1. Sandiwara panggung, dipunparagakaken wonten panggung pertunjukkan saha penonton pinarak ing
sakiwa tengenipun panggung supado saged mirsani, midhangetaken, saha ngraba para paraganipun
kanthi langsung.
2. Sandiwara radio, pagelaran ingkang namung saged dipunmirengaken.
3. Sandiwara TV, drama ingkang medhianipun lumantar TV.
4. Sandiwara Film, drama ingkang migunakaken layar ingkang wiyar saha dipungelar wonten bioskop
utawi jaman rumiyin dipungelar wonten lapangan dhusun.
5. Sandiwara wayang, drama ingkang para paraganipun ngginakaken ringgit/wayang. padatanipun
dipunmainaken dening dhalang.
6. Sandiwara boneka, drama ingkang migunakaken boneka kangge sarana pamentasan.

Adhedhasar paraganipun, naskah kaperang dados 2, menika:
1. Sandiwara tradisional menika tontonan sandiwara tanpa migunakaken naskah. Watak, tokoh, dialog, lan
gerak gerik kapasrahaken sedaya tumrap para paraga. Tuladhanipun kethoprak, (Jawa Tengah), ludruk
(Jawa Timur), Lenong (Betawi).
2. Sandiwara modern, menika sandiwara ingkang migunakaken naskah. Naskah ingkang wosipun dialog lan
gerak gerik para paraga. Tegesipun para paraga ngapalaken dialog lan gerak gerikipun sami kaliyan
naskah/teks ingkang kedah dipunapalaken.

BAHAN AJAR BAHASA JAWA
SANDIWARA

C. Wujude Sandiwara
Dramatikal inggih menika sandiwara ingkang dipunparagakaken kaliyan saperangan paraga sanes ingkang
dipunsarengi kaliyan solah bawa. 2. Pantomime, inggih menika sandiwara ingkang dipunparagakaken
ngangge gerak gerik ananging boten wonten pangandikanipun/ dialogipun. Ateges namung musik iringan
saha ekspresi saking pasuryanipun paraga. 3. Komedi, inggih menika sandiwara ingkang dipunparagakaken
kalih geguyonan ingkang sifatipun nyindir lan pungkasaning sami seneng-seneng. 4. Parodi yaiku salah
satunggaling wujud dialog antawisipun naskah saha oposisi (kontras).

D. Unsur-unsur ing Sandiwara
a. Unsur intrinsik sandiwara.
Unsur-unsur kang kasusun ana ing jerone sandiwara yaiku kaya ing hgisor iki:
1. Tema, yaiku underaning prakara kang arupa ide dhasar crita, tema sing dienggo ana ing sandiwara
dumadi saka bab-bab karep diprangguli ana bebrayan.
2. Purusa/ paraga (tokoh) lan watake.
Jinising paraga lan watake sajroning sandiwara, yaiku kaya mangkene.
a) Paraga ing sandiwara
Kang klebu jinising paraga sajroning sandiwara, yaiku kaya mangkene.
1) Tokoh utama yaiku paraga kang dadi sumber crita.
2) Tokoh pembantu yaiku paraga kang duweni dialog nanging ora dadi punjere crita.
3) Tokoh piguran yaiku paraga kang dianakake supaya kahanane dadi kaya nyata, nanging paraga
iki ora ngucapke dialog lan mung liwat saklebatan.
b) Watak paraga ing sandiwara
1) Antagonis yaiku paraga kang duweni watak kang ala, saengga ora disenengi penonton.
2) Protagonis yaiku paraga kang duweni watak kang becik lan disenengi penonton.
3) Tritrigonis yaiku paraga kang dadi kancane paraga protagonist utawa antagonis, bisa duweni
watak kang becik utawa ala (penengah).
Watak-wantune para paraga (penokohan), yaiku karakter utawa watak-wantun kang disuweni dening
saben-saben paraga. Cara kanggo nemtokake watak-wantune paraga bisa dideleng saka bab-bab
kaya mangekene iki.
1) Apa sing ditindakake paraga
2) Pocapan-pocapane paraga.
3) Panggambaran fisik paraga dening pangripta.
4) Katrangan langsung saka paraga liya.

BAHAN AJAR BAHASA JAWA
SANDIWARA

3. Alur (dalaning crita) yaiku urutaning prastawa kang kedadeyan ing sajroning crita. Jinise alur ana telu
yaiku kaya mangkene iki.
a) Alur maju yaiku nyritakake prastawa-prastawa saka wiwitan nganti bubar.
b) Alur mundur yaiku nyritakake prastawa-prastawa saka bubaran banjur diwalik nyritakake prastawa
kang kawiwitan.
c) Alur campuran yaiku campuraning alur maju lan alur mundur.
Alur utawa plot yaiku urutan kedadeyan kang dilakoni paraga utama saka babak kapisan nganti babak
pungkasan. Alur diperangake kaya mangkene.
a) Ngenalake masalah, yaiku kedadeyan wiwitan kang dadekake prakara prastawa kang dilakoni
paraga-paragane.
b) Mangerteni isi crita saka perkenalan paraga lan watake.
c) Masalah utama utawa konflik, yaiku kedadeyan kang isine ngenani masalah-masalah kang wiwit
diadhepi paraga-paraga ing crita kasebut.
d) Klimaks/ puncak konflik, yaiku masalah sing paling angel kang diadhepi paraga-paraga ing crita,
yaiku kedadeyan kang isine nyritakake kahanan para paraga ing pungkasaning crita sandiwara.

4. Amanat, yaiku piweling lan piwulang luhur sing bisa dipethik dening pamiarsa.
Piwulang lan piweling iki siningid (ora cetha) sajroning crita lan para pamiarsa sing kudu bisa dudut
(nyimpulake) isine sandiwara kasebut.

5. Busananing basa yaiku tata-cara panganggone basa kang bisa awujud dhialek, tata ukara, lan majas.
6. Latar utawa setting.

Latar diperang dadi telu, yaiku :
a) Latar wektu yaiku wektu kang digambarakae nalika paraga-paraga ngalami kedadeyan-kedadeyan ing

panggung.
b) Latar panggonan yaiku panggonan kang digambarake ing panggung saben babake.
c) Latar swasana, ing sandieara latar swasana kaperang dadi loro.

1) Sawasana alam, yaiku kedadeyan ing sakupenge paraga, tuladhane udan grimis, swara jangkrik lagi
ngerik (bengi).

2) Swasana ati, yaiku apa bae kang dirasakake paraga, tuladha : murka, nesu, was-was, seneng.

Satemah luwih paham ngenani unsur intrinsik lan unsur ekstrinsik naskah sandiwara basa Jawa, mangga padha sinau ana ing
tautan link iki:
https://www.kompas.com/skola/read/2022/06/09/093000069/unsur-intrinsik-teks-drama?
page=all#:~:text=Unsur%20intrinsik%20pada%20teks%20drama%20adalah%20tema%2C%20amanat%2C%20alur%2C,sudut%
20pandang%2C%20serta%20gaya%20bahasa.

b. Unsur ekstrinsik sandiwara
Unsur ekstrinsik sandiwara Jawa yaiku unsur kang ana ing sajabane karya sastra, ananging unsur duweni
pangribawa ing system organisme karya sastra.
Kang kalebu unsur ekstrinsik:
1. Latar belakang panulisan carita
2. Sejarah
3. Biografi pengarang
4. Nilai-nilai agama, ekonomi, sosial, pendidikan, lan budaya.

FASE 4: MEMBIMBING PENYELIDIKAN

MATERI PROSEDURAL

Para siswa, sawise mangerteni materi bab pangertosan sandiwara, sumangga sinau bebarengan kanthi
kelompok materi ing ngisor kang arep ngandharaken carane ndudut isining sandiwara lan maragakake
sawijining sandiwara!

Carane ndudut isinig sandiwara yaiku:
1. Maca naskah sandiwara utawa nonton sandiwara.
2. Mangerteni isine saben pacelathon kang diandhareke dening para paraga.
3. Mangerteni masalah uata konflik sandiwara.
4. Mangerteni piwulang lan piweling saka sandiwara.

Tuladha cara ndudut isining naskah sandiwara "Sinau Bareng"

Ing ngisor iki bakal dijlentrehkake babagan pentas sandiwara.
a. Maragakake sawijining sandiwara.
Titikane sandiwara, yaiku naskah sing awujud pangguneman uatawa dialog. Pangguneman ing sandiwara
duweni watak estetis, tegese duweni kaendahan basa. Supaya penonton bisa ngrasakake dialek utawa
ritme omongan saka para paraga kasebut, awake dhewe kudu gladhen supaya pangguneman bisa duweni
watak estetis, yaiku kanthi olah vokal.
b. Bab kang kudu digatekake nalika maragakake sandiwara yaiku:

1) Duweni kreasi nalikaning nindakake paraga.
2) Maragakake kanthi wajar ora di gawe-gawe.
3) Paraga kang ditindakake dipadhakake kelawan tipe, gaya, jiwa, lan ancas pementasane.
4) Paraga kang ditindakake nganggo periode wektu lan watak.

FASE 5: MENGEMBANGKAN DAN
MENYAJIKAN HASIL KARYA

MATERI METAKOGNITIF

Pentas Sandiwara

Cara kang bisa ditindakake nalika dadi paraga ana sawijining lakon sandiwara yaiku:
1) Gladhen olah watak.
2) Gladhen swara
3) Gladhen observasi lan imajinasi
4) Gladhen konsentrasi
5) Gladhen teknik pementasan
6) Gladhen sistem akting
7) Nglancarake kaprigelan lan gladhen.

Satemah luwih paham ngenani carane maragakake naskah sandiwara basa Jawa, mangga padha sinau ana
ing tautan link iki:
https://bintangmakmur-id.com/langkah-langkah-latihan-memerankan-drama-dengan-baik-dan-benar/

Saiki, paragakake naskah sandiwara ing ngisor iki bareng karo kelompokmu!

NJAGA KESEHATAN



Aku karo kanca-kancaku wis janjian yen arep budhal menyang umahe Risma jam setengah
papat sore. Mula sadurunge budhal aku wis sholat ashar, banjur pamitan marang bapak lan ibu
kang lagi mirsani TV ana ruang keluarga.
Aku : “Pak, bu, kula badhe kesah dhateng daleme Risma.”
Ibu : “Kok sorenan nduk. Ana acara apa ning umahe Risma?”
Aku : “Badhe nuweni Risma Bu. Terosipun Bu Guru, sampun tigang dinten Risma
sakit typus.”
Bapak : “Lha, wingi rak Risma ya bar gladhi paskibra bareng karo kowe ta nduk,
nggo upacara 17 Agustus.”
Aku : “Nggih Pak, terose Bu Guru, Risma menika sayah kaliyan boten purun
nedha.”
Ibu : “Nah…iku nduk sing marake awak gampang mriyang, merga kesel lan ora
gelem mangan. Mula kowe kudu tansah njaga kesehatan”
Aku : “Nggih Bu, kula badhe manut dhawuhipun Ibu.”
Bapak : “Lha iki arep budhal karo sapa?”
Aku : “Kaliyan kanca-kanca Pak, Selfi, Farel lan Niko”
Ibu : “Oooo…ngono ta, yaw is ati-ati ning dalan. Aja sore-sore mulihe”
Aku : “Nggih Pak, Bu, kula budhal riyin. Assalamu,alaikum”
Bapak lan Ibu : “Wa’alaikumsalam.”
Sawise pamitan marang bapak lan ibu, aku banjur numpak pit menyang umahe Selfi. Jebul Arum,
Farel lan Niko wis padha ngenteni nang kana.

Kelompok liyane bisa paring pamrayogi tumrap asil paragan kelompok kang maju!

BAHAN AJAR BAHASA JAWA
SANDIWARA

FASE 6: MENGANALISIS DAN MENGEVALUASI
PEMECAHAN MASALAH

Para siswa sawise nemtokake unsur-unsur intrinsik ing naskah sandiwara, ndudut isine naskah sandiwara lan
maragakake naskah sandiwara, mula mangga padha dianalisis & dievalusi proses anggone
nemokake kabeh unsur mau!
Bab angel apa saka proses nemtokake unsur intrinsik nganti maragakake naskah sandiwara iki?
1. Anggone nemtokake unsur-unsur intrinsik kudu tliti.
2. Anggone ndudut isine naskah drama kudu jumbuh karo konteks.
3.Anggone maragakake naskah drama kudu jumbuh karo watak paraga, tipe, gaya, jiwa, lan ancas
pementasane

BAHAN AJAR BAHASA JAWA
SANDIWARA

DUDUTAN & RELEVANSI

DUDUTAN

1. Sandiwara iku duweni teges piwulang kang ditindkakake kanthi pralambang.
2. Unsur-unsur ing Sandiwara

a. Unsur intrinsik sandiwara.
1) Tema
2) Purusa/ paraga (tokoh) lan watake
3) Alur (dalaning crita)
4) Amanat,
5) Busananing basa
6) Latar utawa setting

b. Unsur ekstrinsik sandiwara
3. Bab kang kudu digatekake nalika maragakake sandiwara yaiku:

a. Duweni kreasi nalikaning nindakake paraga.
b. Maragakake kanthi wajar ora di gawe-gawe.
c. Paraga kang ditindakake dipadhakake kelawan tipe, gaya, jiwa, lan ancas pementasane.
d. Paraga kang ditindakake nganggo periode wektu lan watak.
4. Carane ndudutwosing sandiwara.
a. Maca naskah sandiwara utawa nonton sandiwara.
b. Mangerteni isine saben pacelathon kang diandhareke dening para paraga.
c. Mangerteni masalah uata konflik sandiwara.
d. Mangerteni piwulang lan piweling saka sandiwara.

RELEVANSI

Sawise sinau bab sandiwara kaajab para siswa :
1.Bisa luwih mangerti bab kahanan ing bebrayan, satemah para siswa bisa ngundhakake kabisan
sesrawungan karo wong liya.
2.Kanthi nyinau sandiwara bisa ngrembakakake kawruh bab sebab musababe utawa faktor-faktor kang
ndadekake perkara/ konflik ing sesrawungan, kayata ing keluarga utawa sekolah.
3.Bisa nuwuhake semangat ing sajrone dhiri pribadi siswa sarta nuwuhake rasa paseduluran kang dhuwur.
4.Para siswa bisa duweni pengalaman langsung lan ndudut piwulang lan piweling kang kaandut ing
sajroning naskah sandiwara.
5.Bisa minangka sarana gladhen pacelathon kang jumbuh karo kahanan ing bebrayan.

BAHAN AJAR BAHASA JAWA
SANDIWARA

KAPUSTAKAN

Alamo, E., Susanti, D., & Saaduddin, S. (2018). PELATIHAN KELOMPOK SANDIWARA DAN PEMANTAPAN
MANAJEMEN KELOMPOK DI KELURAHAN GANTING PADANGPANJANG, SUMATERA BARAT. Batoboh: Jurnal
Pengabdian Pada Masyarakat, 3(1), 37-47.
Beta, P. (2019). Peningkatan Keterampilan Berbicara melalui Metode Bermain Peran. Cokroaminoto
HARIADI, H. (2021). PENINGKATAN KEMAMPUAN SISWA DALAM MENERAPKAN UNGGAH-UNGGUH BAHASA JAWA
DENGAN TEKNIK BERMAIN PERAN (PLAY ROLE): SMPN 3 Pule Kabupaten Trenggalek. Mitra Pendidikan, 2(3),
58-63.
Priyantono,Sawukir.2014.Marsudi Basa lan Sastra Jawa 2 .Jakarta: Erlangga
Slamet, M.Pd.2016. Wursita Basa Kanggo SMP/SMPLB/MTs Kelas IX. Klaten: CV Sahabat.
Sumarlan,2014.Widya Adi Basa Jawi 3.Solo: Tiga Serangkai Journal of Primary Education, 2(2), 48-52.

Bahan ajar Sandiwara Berbahasa Jawa flipbook link:
https://anyflip.com/oyouz/rmuv/
Kamus Bausastra Jawa online link: https://www.sastra.org/leksikon
Jurnal online link:
https://scholar.google.com/scholar?start=20&q=jurnal+tentang+sandiwara&hl=id&as_sdt=0,5
§ Artikel online link:
https://lenteramata.com/pacelathontegese/#Tips_Memperagakan_Teks_Pacelathon
https://www.kompas.com/skola/read/2022/06/09/093000069/unsur-intrinsik-teks-drama?
page=all#:~:text=Unsur%20intrinsik%20pada%20teks%20drama%20adalah%20tema%2C%20amanat%2C%2
0alur%2C,sudut%20pandang%2C%20serta%20gaya%20bahasa.
https://bintangmakmur-id.com/langkah-langkah-latihan-memerankan-drama-dengan-baik-dan-
benar/
Youtube link:
https://www.youtube.com/watch?v=bsX1XwHQ4n4
Google Form:
https://forms.gle/iwjdzAh7bEheiv5v5 (link pretest)
https://forms.gle/LtPUZRCc6GH5dmpRA (link evaluasi mandiri)
https://forms.gle/FL1pE7EnCSzq6eAo8 (link pengayaan)