BKDB1132 Timbabaon koduo

TANGON OM HIIS BOROS KADAZANDUSUN

ENPZIPEILSAMPRABIKZDIENSKIEJHUANG2I0N2S1IN

SUANG
TANGON
- ROKOT


HIIS
- SUNDAIT

ROKOT

KONO

ONGKOR ANAK-ANAK SUMANDAK
@ ROKOT

Waro-waro kaka ri, iso tanak wagu di osonong om
abagos roitan di Anak-anak. Tikid tadau, au po
okito tulokon nga mosik no kaka I Anak-anak mooi

mimpanau mogihum rinapa.
Insan tadau minimpanau i Anak-

anak silo bawang Ralat, mooi
kaka moniud sada maan do
rinapa. Kosiud nodi kaka i Anak-
anak iso sada dot Rokot, olombon
nono kaka kopio it rokot.
“Atukoi! au ku po insan kokito
Rokot kagayo diti. Osonong no
kopio ti maan rinapa, olombon
nogi kopio” kaka di Anak-anak.
Ogumu naanu di Anak-anak sada
dot suai nga iri no Turongou
ongokoro, iso no di Rokot olombon
kopio. Owito nodi di Anak-anak

muli walai.

Korikot no silo walai nga mundorong
kaka I Anak-anak toruhai nga koodop
nogi tu nohuyanan kaka moniud di sada.
Maso koodop I Anak-anak ri nga moginipi
kaka yau, waro songulun sumandak
tolundus kopio minooi ruba dau, ka di
sumandak, “kosianai no doo oi Anak-
anak, yoku nopo nga Rokot di naanu nu
di tinu, kada oku no akano’, kosianai
oku no, pogulion oku no silo kinoyonon
ku”. Miad-iad podi kaka di sumandak

mimboros.





Mulong po osuaian kopio I Anak-anak nga osianan kasari yau,
“kada kosusa, au ku ika akanon”, simbar I anak-anak. “Osonong
kopio ginawo nu Anak-anak, sabaagi kounsikahan ku, waro tahakon
ku dika. Posik no kosuabon soira intolu nogi minogkukuk lo tandaha
nu om mimpanau no ponong kotonobon gisom katalib turu tidong om
turu lokos”, kaka di sumandak. Koposik nopo kaka I Anak-anak ri

nga minooi nodi pogulio ri Rokot silo Ralat.

Kosuabon nodi, intolu nogi minogkukuk I tandaha nga posik no
I Anak-anak, mimpanau nodi yau ponong kotonobon gisom katalib turu
tidong om turu lokos. Sodopon nodi kaka nga korikot nogi I Anak-
anak, silo nopo kinoyonon di nga waro ogumu kakamot miagal do
tagung, luping, amas om susuai po. “Iti no kanto tinahakan di Rokot
diri, ogumu no gia kopio ti” kaka di Anak-anak mongunsikou kopio
yau. Owito nodi muli walai om mantad di osonong nodi koposion I Anak-

anak.

Okito nodi kaka I Ongkor dot
osonong nodi koposion I Anak-anak ri
nga tumaai di I Ongkor. Mooi di uhot
di Anak-anak, “Anak-anak oi Anak-
anak, nunu kopio minaan nu tu
osonong nodi koposion nu baino, walai
nga agayo, tusin nga ogumu, poiloon
oku gia” kaka di Ongkor. Popoilo nodi
kaka I Anak-anak mantad
kotimpuunon yau koruba di Rokot om
nogi ngawi ri tinipi dau. Nopongo po
kopio I Anak-anak mimboros nga
osiau po I Ongkor muli walai,
poposodia di siud dau.

Suab nodi nga tangadau no om
koposik nogi I Ongkor, koposik nopo kopio
nga osiau no I Ongkor mooi silo bawang
Ralat, monotos podi I Ongkor mogihum
Rokot di agayo, au no alaid nga kosiud di
kasari I Ongkor di Rokot agayo. Uli nodi I

Ongkor om potilombuson mooi odop.

Moginipi di kaka I Ongkor, waro songulun

sumandak tolundus kopio minooi ruba
dau, ka di sumandak, “kosianai no doo
oi Ongkor, yoku nopo nga Rokot di naanu
nu di tinu, kada oku no akano’, kosianai
oku no, pogulion oku no silo kinoyonon
ku”. Miad-iad podi kaka di sumandak

mimboros.





“kada kosusa, au ku ika akanon nung onuan ku do amas”, simbar I
Ongkor. “Osonong kopio ginawo nu Ongkor, sabaagi kounsikahan ku,
tahakon ku I pinokionuan nu. Posik no kosuabon soira intolu nogi
minogkukuk lo tandaha nu om mimpanau no ponong kotonobon gisom
katalib turu tidong om turu lokos”, kaka di sumandak. Koposik di
kaka I Ongkor toruhai ri nga potilombuson po modop, “pogulion ku
lo Rokot silo Ralat suab, modop po tu suabon po mosik suab” kaka

di Ongkor.

Koposik nodi kaka I Ongkor pintanga tuong, alaid no I Ongkor
mangandad nga au po minongkukuk di tandaha. Ababasan nodi I
Ongkor mangandad, ongoi nodi I Ongkor pomoruluk busul di tandaha
nga minongkukuk podi kaka I tandaha. Manangkus po I Ongkor ponong
kotonobon, au po korikot turu tidong om turu lokos nga nohuyanan
no I Ongkor. Korikot I Ongkor silo tidong koonom nga kokito yau
ogumu kakamot miagal do tagung, luping om amas. “Aii, au po korikot
turu tidong om waro no gia ti, aah iti no bo kanto tinahakan di Rokot
ti” kaka di Ongkor tu gobulan no yau mimpanau. Owito nodi kaka

ngawi di kakamot ri muli.

Korikot nodi silo walai nga kagagang I Ongkor tu ngawi
kakamot di noowit dau nga kosiliu do roun om kayu. Nam arasang I
Ongkor, “noudutan oku no I Rokot oi, kada ko po Rokot akanon ku
ika baino”. Arasang kopio I Ongkor gisom nolingan dau I tinipi dau,
onuo’ nopo I Rokot om pogungo’ no gisom kapatai, minaan no
tunuai om akano nodi. Insan nogi akanon di tonsi di Rokot nga
kumatol po kaka tinan di Ongkor om mimbulai miagal do kulit sada.

“Odoi! Nokuro diti” kaka di Ongkor kumanggau nodi,
osiau po I Ongkor mooi silo bawang mooi da podsu tu
akatol no ngawi tinan dau. Kotobung nopo I Ongkor silo
bawang nga sigog ka kosiliu yau do Rokot. Sigog ka
waro mimboros, “Ilo no tawatan nu Ongkor, odoot ko
no om au ko gia mokinongou boroson”. Manasal podi I

Ongkor nga aiso nodi guno.

Mantad dii, pinonguranan nodi di kinoyonon
sabaagi “Kirokot” di kirati do "waro Rokot". Ngawi
tulun di kinoyonon di nga au nodi mangakan do Rokot
tu otumbayaan do kosiliu kaka Rokot nung mangakan

dii.

Ponontudukan di aanu mantad

tangon :
Mositi mokinongou do boroson om

kada no odoot.

SUND
AIT

Gunoon ontok timpu mongomot
Sundait nowonsoi mantad boros mooi do kohiok ginawo,

"sunudai" om "karait". popogirot sunduan parai om
Sundait nopo diti nga mogial- poponiba timpu.
ala do kotoromon monguhot om

monimbar.

Moob-loob popotung,

mogium totolonon

Bubu

Monutu
Tontogon dalid Monggis, parai

mimbulai o kandawai

Sompurut takou-akou, Tundalo
sonsirang toogomon

Pupulasan tumingaa Mongomot
parai

Akanon oku miau, Takano om
akanon ko maragang lanjang

Songinan no kayu, Lontugi
atus tulun monguntuyung

Duo torigi, Manuk
atus panaapan

Mongompori ot kakung

Tapon

POUNSIKOU