полудзенок-2

Основна и штредня школа зоз домом школярох ˶Петро Кузмяк''

ШКОЛЯРСКА КУХАРКА

П ОЛ УД З Е Н О К 2.

2020., май

Школярска кухарка

ЗМИСТ

ЄДЛА ЗОЗ МЕСОМ

Цо би ше случело кед бизме єдли лєм месо?...................................3
Курчецина зоз шампиньонами у шметанки, Силвия Маґоч.....................4
Лазанї зоз макаронами, Викториа Фаркаш..............................................5
Месо на роштилю, Мартин Ґовля..............................................................6
Сарма, Андрей Русковски............................................................................7
Печене пульково сцегно, Андрей Роман....................................................8
Пироги, Емилиян Няради............................................................................9
Полнєте биле месо, Ветон Хасани..........................................................10
Цескова мачанка, кромплї и печене месо, Марко Буила........................11

ШПАҐЕТИ

Чи шпаґети наисце италиянске єдло?.............................................12
Шпаґети, Мануела Кучмаш.......................................................................13
Шпаґети, Марио Будински........................................................................14
Шпаґети, Мая Ерделї.................................................................................15
Шпаґети у печарковей мачанки, Андреа Бучко.......................................16

ПИЦА

Цикави твердзеня о пици.................................................................17
Горнякова пица на домашнї способ, Стефан Горняк............................18
Пица ролат, Иґор Маньош.........................................................................19

Школярска кухарка 2

Цо би ше случело кед бизме єдли лєм месо?

Людзе ше вше баржей и баржей одрекаю од меса и
животиньских продуктох, а вибор єдлох за веґетариянцох
и веґанох у ресторанох вше векши. Алє, цо би ше случело

кед бизме ше одрекли у подполносци веґетариянских
идилох и постали лєм месоєди? Найкратше поведзено,

нашо цело би барз ослабло и осушело би ше.
Костиранє хторе уключує лєм месо, значело би же нє
шмеме єсц анї єден други продукт хтори богати зоз

нїтками, а то би вас найвироятнєйше заткало.
Зоз одбиваньом поживи хтора богата зоз угльохидратами

одрекли бизме ше главного жридла енерґиї. Цело би
розкладало масци и найважнєйше протеини, цо би
виволало трованє. Трованє зоз протеинами то поремеценє
хторе виволує нєприємни симптоми як цо то слабосц або
преганячка, а може привесц аж и до шмерци. Шицко тото
би настало як пошлїдок уреї хтора настава у печинки при

претровйованю протеинох до ґлукози.
Скорбут то хорота хтора настава кед нє маме витамин Ц у

нашим целу, а єдино витамин Ц чловек нє може сам
випродуковац. Єдини способ же бизме спричинєли тоту

хороту то же бизме єдли живе месо, прето же зоз
вареньом ми унїщуєме витамин Ц. Алє заш лєм то би

приведло до вельих бактерийних инфекцийох.
Зоз другима словами, кед сце дакеди сцели єсц лєм месо,

роздумайце ище раз чи то добра задумка.

Школярска кухарка 3

Курчецина зоз шампиньонами у шметанки

- Силвия Маґоч

2 главки цибулї
300-400 ґ курового билого меса

200 ґ шампиньони
200 мл шметанки за варенє

дакус олєю
дакус цеску
попру по жаданю

ориґано
Положиц до палачинкару цибулю и подинстац ю. Кед видзиме же
дакус достала фарбу уруцуєме цеснок и шампиньони. Треба дас 10-15
минути. Накадзи шампиньони достаню фарбу, кладземе их до даякей
пластики и охабиме най стоя док нє попражиме биле месо. Потим,
док и месо достанє свою фарбу, усипеме назад тото з пластики и
сипеме 200 мл шметанки за варенє. Шицко тото мишаме док ше нє
зєдинї и вец по смаку додаваме цо сцеме. Я положела дакус попру и

ориґана (нормално и солї).

= єдло ма 1 384 кцал, за 4 особи єдна порция виноши 346 кцал

Школярска кухарка 4

Лазанї зоз макаронами

- Викторя Фаркаш

500 ґ макарони
500 ґ млєтого меса

олєй
соль
попер
сладка млєта паприга
велька главка цибулї
200 ґ трапист сира
Перше ше до єдней шерпенї усипе води же би ше у нєй варели
макарони. До другей шерпенї кладзе ше олєй и ту ше препражи
цибуля даскельо минути. Додава ше месо и з часом ше додаваю и
присмачки док ше месо динста/пражи. Кед шицко готове, порихта ше
тепша до хторей ше кладзе перше пасмо макаронох, вец месо и так
ше повторює док ше нє сцигнє до верху и положи ше до релни. Пече
ше на 180˚С коло 30 минути. На концу ше дода сир на верх (тоти цо
любя).

= єдло ма 3098 кцал, за 4 особи єдна порция ма 774 кцал

Школярска кухарка 5

Месо на роштилю

- Мартин Ґовля

биле месо
солї по жаданю

Винєме биле месо зоз фрижидера же би ше дакус розпущело, а за тот
час розкладаме огень на роштилю. Кед ше жирячака направела, месо

мож класц и печиц.

= єдна порция од 300 ґ ма 348 кцал

Школярска кухарка 6

Сарма - Андрей Русковски

крижалка
1,5 кґ млєтого меса

цибуля
вайцо
шолька ризкаши
ложка червеней паприґи
ложка солї
дакус попру и веґети

До млєтого меса положиц шицко начишлєне и добре розмишац. Лїсца
подзелїц по поли и круциц сарми.Покруцени сарми заляц з воду,
посолїц и положиц вариц. О даяки час усипац 0,5 л парадичанки.
Уварену сарму запражиц. Єдну варешку масци розпущиц, додац

ложку червеней сладкей паприґи и дас два варешки муки. Зготовене
усипац до увареней сарми. Охабиц най зовре и зняц зоз ринґли.

= єдна сарма ма 174 кцал

Школярска кухарка 7

Печене пульково сцегно

- Андрей Роман

єдно пульково сцегно
маслинов олєй
три струча цеску

попер, соль, ориґано
1/3 главки капусти

єдна огурка
два мархви
єдна цибуля
Сцегно премасциц зоз цеском, маслиновим олєйом и присмачками по
смаку. Най одстої єдну годзину и вец положиц печиц до релни,
закруцене до алуминийовей фолиї дас 1,5-2 годзини на 180˚С ( у
зависносци як моцно пече релна). После того виняц и сервирац.
Потрец капусту и мархву, порезац огурку и цибулю и додац соль,
маслинов олєй и лимунов сок. Кажду желєняву присмачиц окреме, та
най вибера хто цо люби.

= єдло ма 1667 кцал, за 3 особи єдна порция ма 556 кцал

Школярска кухарка 8

Пироги - Емилиян Няради

два нєвельки цибулї- за фил
300 ґ млєтого меса- за фил

500 ґ муки- за цесто
2 дл води- за цесто

Загнєсц цесто на твардо. Порезац цибулю на дробно, охабиц най ше
пражи и додац млєте месо. Посолїц и повеґетовац по смаку. Направиц
кульки зоз цеста и зоз розвалку розогнац цесто же би здабало на круг.
Потим положиц млєте месо и цибулю до круга и конци злїпиц, так же

би правели полукруг. Добре посцискац зоз малу видлїчку же би ше
пирога нє отворела док ше вари. Потим увариц пироги док цесто нє

годно єсц.

= єдло ма 2019 кцал, а єдна пирога 132 кцал

Школярска кухарка 9

Полнєне биле месо

- Ветон Хасани

биле месо
сенф

крем сир
домашнї сир
сухе месо лєбо сланїна

2 вайца
презли
мука

Биле месо порезац на два лєбо вецей часци . Кажду часц порезац по
штредку. Кед сцеце ценшу часц вецка треба потлучиц месо. Я то нє
поробел. Порихтац састойки за полнєнє. Перше треба намасциц на
половку меса ложку сенфу, а на други бок меса сир. Вецка положиц
фалаток качкавалю (може и фета лєбо домашнї сир). Потим положиц

дробно нарезане сухе месо лєбо сланїну. Месо треба заврец зоз
зубодлобку и дакус го посолїц. Потим го треба оваляц до муки, до

вайцох и до презлох. Пражиц го у горуцим олєю 7-8 минути зоз
каждого боку.

= єдло ма 1,642 кцал

Школярска кухарка 10

Цескова мачанка, кромплї и печене месо

- Марко Буила

ложка масци
2 ложки муки
3 або 4 струча цеску
2 менши квашни огурки
варена мархва
дас пол литри млєка
ложка шметанки
хто люби, може и ложичку

сенфу
На масци попражиц муку. Цеснок на дробно порезац. Кед мука
попражена, такой додац тот цеснок и усипац млєко. Мишац док ше нє
зєдинї. Кед гусцина добра, додац до того дробно порезани огурки,
мархву, ложку шметанки, сенф и посолїц по смаку. Очисциц дас 1 кґ
кромплї, порезац их на 4 часци. Тепшу добре подмасциц, кромплї
посолїц и повеґетовац. Положиц до тепши. Помедзи кромплї положиц
живинске месо. По верху посипац кус сухого вашильцу и на дробно
порезаного цеску. Мож положиц и кус сланїнки. Тепшу прикриц и

печиц годзину на 220˚С

= єдло ма 2585 кцал, за 4 особи єдна порция ма 600 кцал

Школярска кухарка 11

Чи шпаґети наисце италиянске єдло?

Гоч цесто и штаґети часто повязуєме зоз Италию, их история нам,
випатра, иншак гутори. Паста (макарони) ма глїбоки коренї у

восточних медитеранских державох як цо то Греческа, у даскелїх
територийох Штреднього востоку и Арабского полуострова. Там, єдла

правени од цеста на вельо вецей способи як у Риму.
История шпаґетох як нам историйски докази гуторя, походзи од
арабского єдла ,,itriyya’’ хторе Греки описовали як ,,сухе цесто''. Тото
єдло було главне єдло арабским тарґовцом хтори путовали по швеце.
Пре номадски способ живота и воєни обставини, перше стретнуце
Европянох зоз тим єдлом було коло 7. вику новей ери, кед Араби
окупирали Сицилию. Постоя и даяки нагадованя же Марко Поло
принєсол рецепт за шпаґети зоз Китаю до Италиї, алє вон жил аж

пейцсто роки после того.
Понеже ше Араби поцагли зоз Сицилиї, їх рецепт остал, а нїжши
пасма жительох експериментовали зоз тим єдлом и воно помали
поставало вше популарнєйше и у богатших пасмох дружтва. У 12.
вику постоя перши писани докази о шпаґетох. Заш лєм, у 18. вику
почал ,,прави бум'' за тим єдлом, кед ше почали правиц и рижни
прелїви, з то зоз кечапом. Шветова промоция шпаґетох започала

релативно нєдавно, штредком 20. вику.

Школярска кухарка 12

Шпаґети - Мая Ерделї

цибуля
0,5 кґ млєтого меса

парадичанка
ориґано

паклочко шпаґети

Попражиц вельку цибулю, цеснок. До того ше попражи месо, дода ше
вода и парадичанка и вариц пол годзини. Присмачиц зоз ориґаном,
солю и веґету. Увариц окреме шпаґети и помишац их зоз уварену
мачанку. Хто люби може додац кечап лєбо сир пармезан.

= єдло ма 3102 кцал, за 6 особи єдна порция ма 517 кцал

Школярска кухарка 13

Шпаґети - Марио Будински

пакованє шпаґетох
присмачки (попер, соль, веґета)

два менши цибулї
млєте месо
олєй

желєнява (порезац на коцочки
мархву, гращок и кромплю)
два шерпенї

До єдней шерпенї положиц шпаґети, додац вецей води, солї и олєю
же би ше нє залїпели. До другей шерпенї ше положи перше олєй, а
вец и цибуля хтора треба же би омегчала. Потим положиц млєте месо,
желєняву, присмачки и охабиц най ше динста. Треба мишац часто же
би ше цесто нє залїпело и месо нє загорело. До окремней мисочки
треба положиц води и присмачки и премишац най нєт грудки. Кед ше
шпаґети уварели, треба их прецадзиц и положиц на танєр. Кед месо
при концу динстаня, треба додац присмачки и охабиц ище 10 минути
же би ше динстало вєдно зоз месом, хторе мишаме цали час же би нє

загорело. Кед месо готове, знїмаме го зоз огня и послужиме.

= єдло ма 2774 кцал, за 4 особи єдна порция ма 694 кцал

Школярска кухарка 14

Шпаґети - Мануела Кучмаш

400 ґ шпаґети
300 ґ млєтого меса

3 ложки презли
вайцо
веґети
солї

Змишац шицко и направиц мали лабдочки. Вариц их 30 минути. За
тот час вивариц 400 ґ шпаґети. Окреме увариц кус вецей як пол литри
парадичовей мачанки до хторей ше додава соль, веґета, попер, мелка

паприґа, ориґано, цукер. Месо заляц зоз мачанку и готове.

= єдло ма 1801 кцал, за 4 особи єдна порция ма 450 кцал

Школярска кухарка 15

Шпаґети у печарковей мачанки

- Андреа Бучко

єдно пакованє шпаґетох
єдно пакованє печаркох
шметанка за варенє 0,5 л
дакус трапист сира (дас на два
пальци до мачанки и хто
люби по готових шпаґетох)
веґета, соль, попер (хто як

люби)
Печаки поумивац и нарезац. До палачинкари положиц дакус олєю и
причекац же би ше зограло. Печарки попражиц и причекац же би вода
випарела. Потим додац половку шметанки. То охабиц най вре дакус и
вец додац шицку шметанку. При концу додац натарти сир и причекац
пар минути же би ше розпущел. На концу додац присмачки. Шпаґети

увариц нормално.

= єдло ма 2585 кцал, за 4 особи єдна порция ма 600 кцал

Школярска кухарка 16

Цикави твердзеня о пици

Як виглєдованя указали, кажди 8. американєц би поєдол
пицу на гоч кельо годзин, гоч през дзень гоч вноци.

Штварцина хлапцох хтори жию у Зєдинєних Америцких
Державох, у возросту од 6 до 19 роки, єдза пицу
каждодньово.

Слово ,,пица'' ше першираз появело 997. року, у єдним
тексту, писаним по латински, хтори походзи зоз вароша Ґаете

на югу Италиї. Гоч то нє була пица хтору нєшка познаме и
єме, назва остала.

Найдрагша пица на швеце кошта 12 000 долари. Кухар
Ренато Виола кухар того єдла, за хторе мушице дзвигнуц
кредит же би сце го пробовали. Состойки того безобразно
драгого специялитета то три файти кавияру, ґамбори, ястоґ и

найдрагши сир на швеце.
Найвекша пица на швеце ма пречнїк скоро 50 метери.
Довилийо Нарди, власнїк єдного италиянского ресторану,

предводзел тим кухарох хтори ю направели.
У ЗАД, 4% од вкупного числа пицох поє ше за фриштик док

ше, други 96% є позно пополадню або аж и вечар,
До 2011. року, америцке Министерство здравя, кажду пицу
хтора мала голєм 2 ложки парадичанки, класификовала як

желєняву!
Рочнє ше поє 114 200 950 килоґрами кулену, лєм на пици.
Нормално, бешедуєме о конзумираню у ЗАД , дзе ше кулен

находзи у 40% шицких италиянских специялитетох.

Школярска кухарка 17

Горнякова пица на домашнї способ

- Стефан Горняк

300 ґ муки
води - додавац док ше нє

загнєце цесто
пол ложички солї

10 ґ квасу
два домашнї вайца
два шолїчки парадичанки

домашнї кулен
домашня салама

сир трапист
ориґано

После док ше пица упече, можеце а нє мушице, на ню положиц кечап,
чили або маслини.

= єдло ма 3092 кцал, за 3 особи єдна порция ма 1030 кцал

Школярска кухарка 18

Пица ролат - Иґор Маньош

квас
ложка цукру
400 мл млєка
800 ґ муки

марґарин
шметанка

вайцо
cусам, салама
kолбаса, трапист

Направиц заправочку и кед кус накишнє загнєсц цесто. Цесто
роздзелїц на 3 часци и помасциц зоз марґарином. Положиц

поскладане цесто до фрижидера най стої 15 минути. Розгнац цесто и
помасциц зоз шметанку. До штредку положиц салами и колбаси, а по
нїх натрец траписту. Закруциц ролат, помасциц зоз вайцом и посипац
сусам. Дакус най подкишнє у тепши и аж вец класц печиц. Пече ше 35

минути на 200°С.

= єдло ма 7733 кцaл

Школярска кухарка 19

СМАЧНОГО!

Школярска кухарка 20