Yakoma Bible - Gospel of John

lo hën soussou hïn ala nga. 14. Ömè dou lègué ta mè Jésus a fa lo nvéni na lè a
bazénguéré tè lo ngoï mè lo lö ka popo tè a kinda.

Jésus hën ouango tènè hïn Pierre

15. Assé ala tè yé mè, Jésus nè hïn Simon Pierre, Simon gningambi té Jean, mo yé
mbi a hön ala mè? Lo nè hën lo, bè-tâ-tènè, mo Seigneur, mo hinga mbi yé mo.
Jésus a nè hën lo, hën tè hïn na a yangambi ngassangbaga té mbi. 16. Lo kiri hounda
lo ti issé ni, Simon gningambi té Jean, mo yé mbi? Pierre a nè hen lo, bè-tâ-tènè,
Seigneur, mo hinga mbi yé mo. Jésus a nè hën lo, bata a ngassangbaga té mbi. 17. Lo
kiri hounda lo lègué tà ni, Simon gningambi té Jean, mo yé mbi? Bè Pierre a so na
lo mè Jésus hounda ti ota ni mo yé mbi? Na lo nè hën lo, Seigneur, mo hinga yé
zou, mo hinga mbi yé mo. Jésus anè hën lo, hën tè hïn na a ngassagbaga té mbi. 18.
Bè-tâ-tènè, bè-tâ-tènè, mbi nè hën mo, assé mo dé massia, mo nvéni mo you bongo
tèrè mo, na mo nön lègué mè bè mo yé. Assé mo ga bangué wè, mo na yéngo
bangué té mo, na mbéni zo na youngo mo na bongo. Lo ya mo, na lo goué ngo mo
na ndo mè bè mo yé ma. 19. Lo nè nga so ti fango ya lo na kpingo koua mè a hën
gloire hïn na Nzapa. Assé lo nè nga so wè, lo nè hïn lo, nön nön ndali mbi. 20. Pierre
a gui téré lo, lo ‘houn bazénguéré mè Jésus yé lo ka ga ndo li ala, lo mè a dou na
téré Jésus ngoï mè ala tè yé ti ndo, na lo nè ya, Seigneur, a dou zo nè la ka mo na?
21. Nga so, Pierre a ‘houn lo, lo nè hïn na Jésusn Seigneur, zo mè na lingo nè? 22.
Jésus a nè hën lo, assé mbi yé ko lo ngba ko mbi si, tè mo day a nè? Mo nön nön
gué ndali mbi. 23. Nga so ala nè na popo té ala, bazénguéré mè na kpingo ni ma. Mè
Jésus a nè hïn lo, ma da ma, na lo na kpingo ma; mè lo nè ya, assé mbi yé, lo ngba
ko mbi ga, té mo da nè? 24. Ômè a dou bazénguéré mè a nè tènè té pandé ti yé mè,
na lo sou na ya mbéti; na é hinga tènè pandé tè lo a dou bè-tâ-tènè. 25. Jésus a li a yé
mayama, mè assi a sou yé ni zou na mbéti, mbi hinga ma a béré könöngo sèssé ni
léngbi na mbéti ni mè zou ala na soungo ni.

49

The following work was translated and reviewed from the French and Greek versions of the Holy Scriptures by the
following team: Boundou, C. primary translator; Boundou, H. reviewer/typesetter; Songozo, R. reviewer; Hurlbut, B.
& M. editor/finance/technology. All concerns for translation and inquiries may be sent
to [email protected]. Copyright 2018 Big Meaning and CEERCA International.
50