NIBARKA JALA ENDA BETATING RETI: MANSUTKA JAKU TANG ENDA BERUNDING DULU. CHUNTO AYAT: DARA SUAH BENDAR NIBARKA JALA ENDA BETATING LEBUH SIDA SEKELAS NGAGA PENGAWA BERABAN
LANSAR TAU NYADI LUBUK, LUBUK TAU NYADI LANSAR. RETI: ORANG TI TUSAH PENDIAU TAU NYADI KAYA. CHUNTO AYAT: SIDA APAI BUNYAU UKAI MAIN KAYA SERETA SUMBUNG LEBUH AGI GAWA BA TASIK KELIA TANG LANSAR TAU NYADI LUBUK, LUBUK TAU NYADI LANSAR LALU PENDIAU SIDA MAJAK MERINSA.
BAKA BUYAH KE NABAK DIRI KE API RETI: NGEREJA PENGAWA TI NGEMEDISKA DIRI. CHUNTO AYAT: UJANG BAKA BUYAH KE NABAK DIRI KE API LEBUH NGUJI NGELARA ORANG BENUNG BELAYA LABAN IYA EMPU KENA PALU ORANG.
SAPA MAKAI CHABI NYA MIH BERASAI PEDAS RETI: ORANG KE NGEREJA PENYALAH NYA MIH NGASAIKA PENYALAH DIRI. CHUNTO AYAT: JANG ENDA BEMUNYI LEBUH PENGAJAR NANYAKA SAPA BAGI SIDA SEKELAS KE SELALU INGGAR LABAN IYA NEMU SAPA KE MAKAI CHABI NYA MEH BERASAI PEDAS.
LABANG APAI, LABANG ANAK RETI: ENTI APAI INDAI ENDA MANAH ULAH, ANAK DEKA MURIHKA ULAH APAI INDAI IYA. CHUNTO AYAT: IGAT ENGGAU APAI IYA SUAH DIKUMBAI ORANG LABANG APAI LABANG ANAK LABAN SEDUAI SAMA BELA ENDA MANAH JARI.
BAKA UKUI DEKA BERANAK RETI: ENDA JENUH PENDIAU, KASAKKASAK. CHUNTO AYAT: SIA BAKA UKUI DEKA BERANAK LEBUH MEDA ORANG BUJANG DATAI BA RUMAH PANJAI SIDA.
MANUK LEPAS JARI BAU TAI RETI: UDAH BULIH PELUANG TANG ENDA DIKENA. CHUNTO AYAT: LAJA ENDA NURUN INTERBIU GAWA BA OPIS LABAN ENGGAI ENDA ENGGAU NGASU SARITU TANG DIATU MANUK LEPAS JARI BAU TAI.
BEKIKIS BULU BETIS BEBUAI BULU GUNDAI RETI: BEAMBIS BELANJA ENGGAU RETA TENGKIRA DIKENA NYENGULAKA BALA ANAK. CHUNTO AYAT: APAI ENGGAU INDAI UMANG BEKIKIS BULU BETIS BEBUAI BULU GUNDAI EMPA PEMENDAR NYENGULAKA BALA ANAK.
UNTUNG SEKARUNG RUGI SEGUNI RETI: AMU DEKA BULIH UNTUNG TI MAYUH TANG NYAU BULIH PENGERUGI. CHUNTO AYAT: APAI IPA UNTUNG SEKARUNG RUGI SEGUNI LEBUH NYUAL LADA TADI LABAN MINGGU NYIN KEMARI LADA AGI TINGGI REGA TANG IYA BEDAU KA NYUAL.
BAKA PAMA’ DITANGKUP TACHU RETI: ENDA NGEMBUAN MAYUH PENEMU. CHUNTO AYAT: DOM ENDA LANDIK NGENA KEREBAN TEKNOLOGI BAKA PAMA PAMA’DITANGKUP TACHU.
GERAH MATA UNDANG RETI: GAYA DIPEDA MUDAH DIULIHKA TANG LEBUH DIKEREJA TUSAH BENDAR. CHUNTO AYAT: TUGA GETAH NYA DIPEDA GERAH MATA UNDANG TANG ENTI DICHABUT ENDA GA ULIH.
BAKA PAGAR MAKAI UMAI, NGARAPKA PAGAR, PAGAR GA MAKAI PADI RETI: ORANG KE DIKARAPKA NYAGA PENGELIKUN UTAI ENGGAU MANAH TANG IYA EMPU KE NGEREJA PENYALAH. CHUNTO AYAT: BALA ANAK KABAN KITAI DI SEPIAK NYA BAKA PAGAR MAKAI UMAI ENDA ULIH DIKARAPKA NYAGA UTAI KITA LABAN SIDA IYA KE NGULUKA ORANG NYERUGA RUMAH KITAI.
ENDA ULIH DIRIKA TALI BASAH, ENDA ULIH DUDUKKA MANGKUK BELAH RETI: UTAI TI ENDANG SALAH ENDA ULIH DIASUH BETUL TAUKA MENANG. CHUNTO AYAT: LEBUH MUTUSKA CHARA PASAL BEREBUTKA TEMUDA DIA PENGHULU MADAHKA ENDA ULIH DIDIRIKA TALI BASAH, ENDA ULIH DUDUKKA MANGKUK BELAH NGAGAI SIDA SEPIAK KE TANAH ALAH BA PECHARA NYA
BAKA PINANG DIBELAH DUA RETI: SAMA SIGAT, SAMA BAJIK. CHUNTO AYAT: PENYIGAT ENGGAU PEMAJIK DOM ENGGAU ENDUN BAKA PINANG KE DIBELAH DUA LEBUH SEDUAI DUDUK BA TAWAK DEPAN BALA MAYUH KEMARI.
BAKA MAYAU NGELAMUN TAI RETI: ORANG TI NGELALAIKA PENYALAH DIRI. CHUNTO AYAT: MAU BAKA MAYAU NGELAMUN TAI MADAHKA DIRI NADAI KALA NIRU LATIH PANGAN IYA.
RARIKA RIBUT TETEMUKA UJAN, RARIKA SUNGKUP TETEMUKA PENDAM RETI: NADAI ULIH NYELIAHKA DIRI ARI BESATUP ENGGAU PENUSAH. CHUNTO AYAT: BALA PENCHURI RARIKA REBUT TETEMUKA UJAN, RARIKA SUNGKUP TETEMUKAN PENDAM LEBUH DIPELAMPATKA BALA POLIS LALU DISAUP MENSIA MAYUH.
BAKA SAWA TI NATKA TELAN RETI: GALI GADAK-GADAK NATKA PENGENYANG PERUT UDAH BADU MAKAI. CHUNTO AYAT: WAT BENUNG GALI GARING-GARING BA RUAI BAKA SAWA TI NATKA TELAN.
ORANG DI ILI NGUSI TUBU, ORANG DI ULU BALUT MIANG RETI: ORANG RUMAH BUKAI KE BISI PENUSAH TANG KITAI SERUMAH KE ENGGAU KIRUH CHUNTO AYAT: RUMAH PANJAI BA ULU NYIN ANGUS NYAU NGERAMPIT RUMAH TI DAMPIH DIA, ORANG DI ILI NGUSI TUBU, ORANG DI ULU BALUT MIANG.
RUSA DI KAKI TANGGA ENDA DIEMPARU, KUNCHIT DI TISI LANGIT DEKA DITUNU RETI: UTAI TI SEMAK UDAH TEMU ULIH TANG ENDA DIAMBI, UTAI JAUH SERETA BEDAU TEMU ULIH DEKA DIGIGA. CHUNTO AYAT: ANDIN BAKA RUSA DI KAKI TANGGA ENDA DIEMPARU, KUNCHIT DI KAKI LANGIT KA DITUNU RINDU PEGI KE BRUNEI NGIGA PENGAWA LABAN DI MENUA DIRI PAN MAYUH ENDUR BEKULI.
AGI BEKULIT AGI BEDAKI RETI: ASAL KITAI RAJIN BEKEREJA KITAI AGI BULIH UTAI. CHUNTO AYAT: AMAT PEN GAJI APAI ENDA BESAI TANG IYA AGI BEKULIT AGI BEDAKI.
BAKA KEPAYANG NGADAKA DILAH RETI: NYEBUT AJA TANG ENDA NGEREJA. CHUNTO AYAT: LEBUH SIDA APAI SAWAI NGEREJA PENGAWA BEBELA BA RUMAH PANJAI, APAI SANU TAK BAKA KEPAYANG NGADAKA DILAH.
BAKA TIMAU JAMPAT MEDAH RETI: ENDA LIAT NGEREJA PENGAWA, JAMPAT LEJU CHUNTO AYAT: AJIN UKAI MAIN PENGERAJIN LEBUH BERENGKAH NGEPUNKA SEMUA PENGAWA TANG IYA BAKA TIMAU JAMPAT MEDAH, ENDA TEAPUSKA PENGAWA IYA LALU MATAK DIRI.
KETUP LELABI MATI RETI: KEREJA BEBENDAR NYENTUKKA BULIH UTAI TI DIJULUK ATI. CHUNTO AYAT: RIKIE BAKA KETUP LELABI MATI LEBUH BELAJAR LABAN IYA NGEMBUAN JULUK ATI TI TINGGI.
ANAK NGANTI INDAI PULAI TURUN RETI: NGANTI ENGGAU ATI TI LELENGAU, SINU SERETA MERAMPAU. CHUNTO AYAT: MUNAH BAKA ANAK KE NGANTI INDAI PULAI TURUN LEBUH NGANTI DIRI PULAI ARI BUDING.
BAKA BATU TUNGKU RETI: NELAP, SERETA NADAI MAYUH JAKU CHUNTO AYAT: JAWAI SELALU DIPUJI SIDA SERUMAH LABAN ULAH IYA BAKA BATU TUNGKU.
ARUK-ARUK BURIT KALI, PAGILA LUSA DUDI HARI RETI: DEKA MALAS TUNDI, KEDUAN, LAYA SEBARANG MAYA. CHUNTO AYAT: NUAN UDAH BALAT BENDAR BEDUAN AKU, NYA ALAI ARUKARUK BURIT KALI, PAGILA LUSA DUDI HARI AKU MESTI MALAS KEDUAN NUAN NYA.
KAIR PANTUK RETI: UTAI TI DIULIH SEHARI SEMINA CHUKUP DIEMPA SEHARI NYA AJA. CHUNTO AYAT: SIDA SAMI SEBILIK SEMINA KAIR PANTUK NGIDUPKA DIRI.
RUNGGU ENSING ENTI TEREBAI APUS GA SUNGAI RETI: GAMAL DIPEDA LEMBAU TANG ENTI IYA NGEREJA PENGAWA TEMBU ENGGAU MANAH. CHUNTO AYAT: BUJANG DIPEDA BAKA KE RUNGGU ENSING TANG ENTI TEREBAI APUS GA SUNGAI LABAN IYA NGEMBUAN PENGELIAT ATI LEBUH NGEREJA PENGAWA.
BAKA TEKURA ENGGAI ENDA TEPANTUP DI BANDIR. RETI: NGEREJA PENGAWA NITIHKA PENGELAJU DIRI EMPU ASAL MIH TEMBU. CHUNTO AYAT: SILA BAKA TEKURA ENGGAI ENDA TEPANTUP DI BANDIR LEBUH BESEKULA LABAN ENGGAI NGELEBU APAI INDAI.
NYA AJA TERIMA KASIH