KANDAYU PARAWEI

KANDAYU PARAWEI

1. Nyahu hai paham bataling
Marawei utus uluh kaliling
Kilau pahiau suling gariding
Nasa kaharingan je Balai Mihing

2. Kilat panjang nyahu batengkung
Nyahu marawei utus bagulung
Tegah i-uap je gadung untung
Dimpah rahusan tasik malambung

3. Batengkung hiau je nyahu hai
Marawei utus dia suali
Murik Tarusan nyalung nantiri
Manyupa tamparae tuh ita ati

4. Metuh kaput je dia gitan
Hatalla manyewut auh tamparan
Hamauh manyewut intan Kaharingan
Kaput hapisah palus sabahan.

5. Langit petak jadi balawa
Uluh kalunen jadi inampa
Taluh handiai saraba injapa
Kalute sulak gawin Hatalla

6. Peteh mandehen Ranying Hatalla
Umba kalunen iji i-nampa
Nyuang petak nguntep dunia
Ela manggawi taluh je papa

7. Nyahu hai ayun hakumbang
Hayak kilat je paham panjang
Bara Bukit kangantung gandang
Balua tahanjungan je Kayu Erang.

8. Nyahu hai kilat balawa
Auh peteh Ranying Hatalla
Kaharingan tetep dehen i-haga
Nyamah petak langit i-naheta

9. Auh Nyahu kilat batantu
Manyarurui tamparan taluh je helu
Inyaksi indehen awi Raja Uju
Kaharingan marawei dia balemu

[email protected]

10. Nyahu hai kilat hajanjala
Jamban peteh Ranying Hatalla
Mamparendeng itah je ela laya
Kaharingan jete jalan balawa

11. Kilat panjang nyahu hakumbangang
Balua bukit ngander tingang
Raja Uju ewen hakanduang
Kaharingan nyarurui je ela laying

12. Ujan labat kilat hanyahu
Kaharingan jalan tanduhan helu
Peteh Hatalla dia balemu
Marawei uus je Raja Bunu

13. Kilat panjang nyahu ngaruntung
Riwut marawei penyang hatampung
Sama mananggar je gantung untung
Uka itah tatau manyambung

14. Kalute kapaham auh parawei
Balaku penyang je hinje simpei
Inyimpei dehen je huang atei
Murik tarusan balawang karuhei

15. Auh palempang baguna tutu
Akan utus je Raja Bunu
Tutuh kameluh balimut batu
Peteh muhun je bara ngambu

16. Auh parawei tikas tuh helu
Hajamban riwut rawei kandayu
Manyarurui peteh Hatalla ngambu
Pajanjuri paseban hulu banyahu

17. Ampin pasin Ranying Hatalla
Akan itah sahapus dunia
Balai Kaharingan tege inampa
Jamban manyimpei peteh Hatalla

[email protected]