Materi Ajar Bima Bungkus

MATERI AJAR

CEMRAIHTAABWAARYAATNAG

BIMA BUNGKUS

SMA KELAS 10
SEMESTER GENAP

Dening Latifatul Khofi

Kompetensi Inti

Memahami, menerapkan, menganalisis dan
mengevaluasi pengetahuan faktual, konseptual,
prosedural, dan metakognitif berdasarkan rasa
ingin tahunya tentang ilmu pengetahuan,
teknologi, seni, budaya, dan humaniora dengan
wawasan kemanusiaan, kebangsaan, kenegaraaan
dan peradaban terkait penyebab fenomena dan
kejadian, serta menerapkan pengetahuan
prosedural pada bidang kajian yang spesifik
sesuai dengan bakat dan minatnya untuk
memecahkan masalah.

Kompetensi Dasar

Memahami isi teks Cerita Mahabarata (Bima
Bungkus)

Indikator Pembelajaran

1. Menentukan isi teks cerita cerita Mahabarata
(Bima Bungkus)
2. Menentukan unsur-unsur intrinsik dalam teks
cerita Mahabarata (Bima Bungkus)
3. Menganalisis nilai-nilai luhur yang terkandung
dalam teks cerita Mahabarata (Bima Bungkus)

Tujuan Pembelajaran

1. Siswa mampu menentukan isi teks cerita cerita
Mahabarata (Bima Bungkus)
2. Siswa dapat menentukan unsur-unsur intrinsik dalam teks
cerita Mahabarata (Bima Bungkus)
3. Siswa mampu menganalisis nilai-nilai luhur yang
terkandung dalam teks cerita Mahabarata (Bima Bungkus)

Petunjuk Belajar

° Dedonga sadurunge miwiti pasinaon
° Siswa mbuka lan nyinauni materi teks cerita
Mahabarata (Bima Bungkus)
° Siswa mahami tuladha soal latihan banjur
mangsuli pitakonan kang ana ing buku latihan
° Yen ana materi kang durung dipahami bisa
ditakokake marang guru.

Apa ta arane wayang kuwi?

Wayang yaiku bentuk pementasan tradisional kang
dicritakake dening dhalang lan diiringi musik
tradisional gamela. Wayang iki sumbere saka kitab
Ramayana lan Mahabarata kang biasane
nyeritakake pandhawa lan kurawa. Anane wayang
iku kawit taun 939 . Seni kang kamot ing sajroning
pertunjukan wayang yaiku : seni swara, seni sastra,
seni musik, seni lukis. Wiwit abad 19 nganti saiki
wayang wis dadi sasaran kajian lan dideskripsikake
dening para ahli.

Jenis-jenise wayang apa wae ta?

1. Wayang wong, yaiku wayang kang paragane wong, dene
critane padha karo wayang purwa.
2. Wayang beber yaiku wayang kang ditontonake kanthi
migunakake mori sing digambari banjur dibeber, yen wis
rampung banjur digulung meneh. Wayang iki nyritakake
lelakone Jaka Kembang Kuning karo Dewi Sekartaji.
3. Wayang Klithik yaiku wayang kang dienggo ing kraton
nyritakake lelakone Sri Gatayu tekan Panji Kudalaleyan.
4. Wayang Wasana yaiku wayang sing digawe saka kayu
gepeng. Wayang iki nyritakake lakon Damarwulan lan
Minak Jingga.
5. Wayang Madya, yaiku wayang sing njupuk lelakone
Parikesit lan turunane kajupuk saka crita Babad Tanah
Jawa.

6. Wayang gedhog, yaiku wayang sing digawe saka kayu
nyritakake lelakone Panji Asmarabangun karo garwane Dwi
Sekartaji utawa Candrakirana.
7. Wayang Golek, yaiku wayang kang wujude golekan.
Nyritakake lakon Amir Hambyah lan Umarmaya, babone njupuk
saka layang Menak.
8. Wayang Sadat, yaiku wayang kang nyritakake lakon agama
islam.
9. Wayang Suluh, yaiku wayang anggitane Jawatan Penerangan
RI kanggo menehi sesuluh marang rakyat.
10. Wayang Potehi, yaiku wayang kang nyritakake lakon Cina

Ubarampe/alat pagelaran wayang

1. Pluntur yaiku tali utawi tampar kang dienggo nggantung
rericikaning gamelan.
2. Janget yaiku tali lulang kanggo nyencang kelir.
3. Kelir yaiku mori putih kanggo nampani bayangane wayang
kulit.
4. Blencong yaiku lampu nganggo tedheng dianggo madhangi
wayang.
5. Klanthe yaiku tali gong
6. Jala-jala yaiku tali lulang dianggo mbedheng kelir.
7. Wayang
8. Debog
9. Kothak
10. Keprak

Pralambang ing pagelaran wayang

》Wayang mralambangake manungsa
》Kelir mralambangake langit
》Debog mralambangake bumi
》Blencong mralambangakesrengenge, wulan, lintang.
》 Gamelan mralambangake kabutuhan manungsa

(sandhang, pangan, papan)

》Kothak mralambangake sangkan paran
》Gunungan mralambangake urip
》Gempala mralambangake jantung
》Kepyak mralambangake lakuning getih

Urut-urutaning
Pagelaran Wayang

1. Jejer Aja lali!!!!
2. Kedhaton
3. Paseban Jaba

4. Bodholan

5. Jejer Sabrang

6. Perang Gagal

7. Gara-gara

8. Perang Kembang

9. Perang Brubuh

10. Tancep Kayon

Unsur Crita Wayang

Unsur pembangun crita wayang yaiku : tema, latar utawa

setting, penokohan, alur, pesen, punjering crita/sudut

pandang, konflik, wos surasane crita, lan gawe ringkesan.

Yok pencet link iki

https://youtu.be/cX4UvKJNGhw

Teks cerita wayang Mahabarata

BIMA BUNGKUS

Jejer Ngastina. Duhkitaning Prabu Pandu lan Dewi
Kunti jalaran lahire ponang jabang bayi kang
awujud bungkus. Tan ana senjata kang tumata
kanggo mbedah bungkus. Kurawa uga melu cawe-
cawe arsa mecah bungkus, sanadyan amung
lelamisan, bakune arsa nyimakake si bungkus.
Wisiking dewa sang bungkus den bucal ing alas
Krendawahana.
Ing pertapan Wukir Retawu Begawan Abiyasa
kasowanan Raden Permadi kang kaderekake
punakawan.
"Kanjeng Eyang, kadi pundi nasibipun kakang
Bungkus, sampun sawetawis warsa mboten wonten
suraos ingkang sae, bab menika Eyang.
Andadosaken duhkitaning Kanjeng Ibu Kunti..."
Tartamtu Sang Winasis kang pancen luber ing
pambudi sampun pirsa apa kang dadi lakon.
Putuku ngger, Permadi mangertiya jer kakangmu
nembe nglakoni karmane, ing tembe kakangmu Si
Bungkus bakal dadi satriya utama, lan bakal oleh
apa kang sinebut wahyu jati.."
Ing Suralaya, Batara Guru nimbali Gajahsena, putra
sang batara kang awujud gajah, kinen mecah si
bungkus saengga dadi sejatining manungsa. Sang
Guru ugi angutus Dewi Umayi kinen nggladhi
kawruh babagan kautaman marang si bungkus.

Eee durung rampung lho

Purna anggennya peparing ajaran marang si
bungkus, Dewi Umayi aparing busana arupa
cawat bang bintulu abrit, ireng, kuning, putih,
pupuk, sumping, gelang, porong, lan kuku
Pancanaka.
Selajengipun, Gajahsena mbuka bungkus.
Pecahing bungkus dados sapatemon
kekalihipun, kagyat dados lan perangipun.
Binanting sang Gajahsena. Sima jasad sang
gajah. Roh lan daya kekiyatanipun manjing
jroning angga sang bungkus.
Praptene Betara Narada.
Si Bungkus tumakon marang Sang
Kabayandewa "Heem, aku iki sopo?"
"Perkencong, perkencong waru doyong, ngger,
sira kuwi sejatine putra kapindho ratu Amarta
Prabu Pandudewanata. Sira lair awujud
bungkus, lan kersaning dewa sira kudu dadi
satriya utama..., lan sira tak paringi tetenger
Bratasena ya ngger..."
Rawuhipun Ratu saking Tasikmadu kang
nyuwun senjata pitulungan marang Bratasena
kinen nyirnakake raja raseksa aran Kala
Dahana, Patih Kala Bantala, Kala Maruta lan
Kala Ranu. Para raseksa sirna. Sekakawan
kekiatan saking raseksi wau nyawiji marang
Raden Bratasena, inggih punika kekiatan Geni,
Lemah, Angin lan Banyu.

Gladhen

1. Mangerteni Wacan Crita Wayang
Wacanen wacan crita wayang kanthi irah-irahan “Bima
Bungkus” Sawise rampung anggone maca, menawa ana
tembung kang kokanggep angel, golekana tegese, banjur
gawenen ukara nganggo tembung kasebut!
Tembung Angel:

Lelamisan : mung omongan
Wisik : pituduh
Pambudi : pangerti
Purna : rampung
Kasowanan : katekan
Sapatemon : sak ketemune

Ngukara (Nggawe Ukara)

Ayo sinau gawe 5 ukara migunakake tembung kang
kokanggep angel ing dhuwur!
1.
2.
3.
4.
5.

Sawise kagiyatan “ngukara” koktindakake kanthi becik,
menawa ana bab-bab kang durung komangerteni, ayo
bebarengan nyinau piwulangan candhake kanthi temen
lan urut lumantar bimbingan bapak/ibu guru!

2. Mangerteni Unsur Pangrakite Crita Wayang
Para siswa diemutake bapak/ibu guru babagan unsur
pangrakite crita. Unsur pangrakit utawa perangane crita
kuwi ana unsur intrinsik lan unsur ekstrinsik. Para siswa wis
nyiaoni bab unsur intrinsik lan ekstrinsik ing piwulangan
bab crita wayang. Saiki para siswa diajak nerapake unsur
intrinsik lan unsur ekstrinsik ing crita wayang Bima
Bungkus.

Garapen kanthi pener miturut crita kang
wus kokwaca sadurunge!

Tema

Latar Penokohan
Alur
Sudut pandang

Amanat

3. Ringkesan crita
Ayo damel ringkesanipun cerita wayang “Bima Bungkus”
adhedhasar pitakenan-pitakenan ing nginggil. Caranipun
inggih menika kanthi ngginakaken wangsulan kala wau
dados ukara baku ingkang dipunrembakakaken dados
pada/paragrap saengga dados wacana!

Ringkesan

Penilaian Dhiri

Sabanjure maca lan mahami materi ngenani teks cerita
aku wis duweni kemampuan kaya ing ngisor iki.
Kanthi dicentangi ya.

Ora Kurang


paham paham Paham Paham
Banget

1. Mangerteni isi teks cerita Mahabarata Bima
Bungkus
2. Mangerteni unsur intrinsik teks cerita
Mahabarata Bima Bungkus
3. Mangerteni nilai-nilai luhur kang ana ing teks
cerita Mahabarata Bima Bungkus

Refleksi

Sawise maca materi ing dhuwur, banjur
tulisana apa wae kang durung
dimangerteni lan apa wae kang wis
dimangerti saka materine? lan apa wae
unsur intrinsik saka cerita wayang bima
bungkus?

Ringkesan

Wayang yaiku sawijing wujud seni pertunjukan kang awujud
drama kang khas. Seni kang kamot sajroning pertunjukan yaiku :
seni swara, seni sastra, seni musik, seni tutur, seni lukis. Unsur
pembangun crita wayang yaiku : tema, latar utawa setting,
penokohan, alur, pesen, punjering crita/sudut pandang, konflik,
wos surasane crita, lan gawe ringkesan. Cerita wayang iku ana
loro yaiku Mahabarata lan Ramayana. Sing biasa diparagakake
yaiku Mahabarata ceritane Pandhawa lan Kurawa. Cerita
wayang Mahabarata Bima Bungkus uga kalebu cerita wayang
Mahabarata.

Daftar pustaka

Widaryatmo, Gandung, dkk. 2015. Prigel
Basa Jawa Jilid 1. Jakarta: Erlangga.