1-son 04.10.2023
Maktabimizga joriy o'quv yilida 1-sinfga 85 nafar o'quvchilar qabul qilindi. Ushbu o'quvchilarga maktabimizning rahbari Usmanova Sabohat Ubaydullayevna boshchiligida Prezident sovg'alari taqdim etildi. O'quvchilarning kelajakda a'lo baholarga o'qishi hamda Vatanimizga munosib hissa qo'shadigan farzandlar bo'lishiga ishonch bildirildi “Yangi hayot uchun, yangi O‘zbekiston uchun” shiori ostida tashkil etilgan tadbirimizda Chilonzor tumani maktabgacha va maktab ta'limi bo'limi va Tirsakobod mahalla faollari hamda ota-onalar jamoasi ishtirok etdilar. Tadbir davomida ramziy manoda bitiruvchilarimiz 1-sinfga qabul qilingan jajji o‘quvchilarimizni tadbir markaziga olib kirdilar. Tadbir barcha uchun yangi o‘quv yilini boshlashda haqiqiy motivatsiya bo‘ldi desak yanglishmaymiz albatta 4 sentabr kuni mustaqillik darslari "Yangi hayot uchun,yangi O'zbekiston uchun!" shiori ostida yuqori saviyada tashkil etildi. Dars jarayonida vatanparvarlik ruhidagi she'rlar ijro etildi. Yangi O'zbekistonimizning buguni va porloq kelajagi haqida ma'lumotlar berildi Prezident sovg’asi kichkintoylarga quvonch bag’ishladi.
Qoʻlimizda bir quchoq Gul bilan keldik yana. Yangi oʻquv yiliga Chorlar qoʻngʻiroq, ana. Har yon gulga burkanib Bayramona tus olgan. Maktab hovlisi bugun Toʻyxonaga aylangan.
№ Sinf Sinf rahbari Umumiy to‘plagan bali Reytingdagi o‘rni Yuqori sinflar 1 7 – B Pirnazarova G. 46 ball I o‘rin 2 8 – A Salixova M. 44 ball II o‘rin 3 7 – A Shukurova M. 43 ball III o‘rin 4 9 – B Mutalova D. 42 ball IV o‘rin 5 9 – V Salixova L. 42 ball IV o‘rin 6 6 – V Xo‘jamurodova D. 40 ball V o‘rin 7 11 – B Nizomova X. 40 ball V o‘rin 8 11 – V Maqsudova S. 40 ball V o‘rin Boshlang‘ich sinflar 1 4 – A Ergasheva S. 46 ball I o‘rin 2 4 – V Samukova Z. 44 ball II o‘rin 3 4 – B Aripova Z. 43 ball III o‘rin Ushbu monitoringda sinflar quyidagicha baholandilar. Kundalik.comdagi o‘zlashtirishi so‘nggi bir haftalik hisoblab maksimal 25 ball etib belgilandi. Shuningdek odob ahloq qoidasiga rioya qilishi 25 ballik tizimda baholandi. Keyingi sahifalarimizda TOSHBAQALAR rukni ham chop etiladi
Intellektual turniri Maktabimizda 2021 yil mart oyidan boshlab “Zakovat” intellektual o‘yinlari muntazam tarzda tashkil etilmoqda. Aynan turnir tarzda tashkil etiladigan ushbu o‘yinga jamoalarni qiziqtirish bir muncha mushkul vazifa edi. Lekin turnir pul yutug‘idan iboratligi uning savollari sifati va davomiy tarzda tashkil etilishi keyinchalik o‘quvchilarda katta qiziqish orttirdi. 2021-2022 o‘quv yili mavsumidan boshlab esa doimiy 4 ta jamoa ishtirokchilari zakovat klubini tashkil etgan holda o‘zaro jamoaviy o‘ynashni o‘rganib oldilar. May oyida yakuniga yetadigan ushbu turnirimizning har hafta tashkil etilishi yosh bilimdonlarga motivatsiya taqdim etdi deb ayta olamiz. 15-mart sanasidan boshlab esa Respublika miqyosida umumlashtirilgan o‘yinlar tashkil etilishi va markazlashgan savollar o‘ynalishi o‘quvchilar zexnini o‘tkirlab bormoqda. Maqsad esa bitta, maktab jamoasini shakllantirgan holda Respublika turniri final bosqichida ishtirok etishga erishishdir. Bu yo‘lda tinmay izlanayotgan yosh bilimdonlarimizga faqat omad tilaymiz. Inson doim ilm izlaydi. Ilmdan murod. Murodga yetkazuvchi vosita esa kitobdir. Zakovat turnirimiz har haftada bir marotaba to‘garak shaklida tashkil etiladi. Turnir o‘quv yili davomida tashkil etilib g’oliblar yakunda munosib qimmatbaho sovg’alar bilan taqdirlanadilar.
Fazlitdinova Gulchexra Abdullayevna BOSHLANG’ICH TA’LIM Yadgarova Dilfuza Mirzakabulovna INFORMATIKA Oliy toifali pedagog 2003-2021 yillarda o’quv ishlari bo’yicha direktor o’rinbosari 2017- 2018 yillarda tuman attestatsiya komissiya a’zosi, tumanda bir qancha seminarlar tashkil etgan. Bir necha marta xalq ta’limi tomonidan taqdirlangan Maktabimiz faxri Akbarov Humoyun Eraliyevich INGLIZ TILI 2012-yildan shu maktabda faoliyat yuritib keladi. 2013-yilda DTM sertifikatiga ega bo‘lgan 2015-2019 yillarda malaka oshirish institutida hududiy trenerlik qilgan 2022 yilda Oliy toifa egasi bo‘lgan va 2023 yilda Vazir jamg’armasini qo‘lga kiritgan Bir necha marta tizimdagi faoliyati uchun munosib taqdirlangan Maktabimiz faxri Oliy toifali pedagog 1996 yildan shu maktabda faoliyat yuritib keladi 2011-yilda Koreya davlatida malaka oshirgan. Google level-2 sertifikatini olib 50% ustama ga ega bo‘lgan Bir necha marta tizimdagi faoliyati uchun munosib taqdirlangan Maktabimiz faxri Ayni vaqtda maktabimizda 60 nafar pedagog hodimlar faoliyat olib boradi. Shundan 7 nafar oliy toifali, 10 nafar I toifali, va 13 nafar II toifali pedagoglar bolajonlarga dars berib keladilar. Shuningdek chet tili va boshqa fanlardan jami 12 nafar ustozlarimiz sertifikatga egadirlar.
Rost va yolg’on Haqiqatdan qo‘rqqan odam yolg‘onning panasiga berkinadi Daftar hoshiyasidagi bitiklar Xom sut emgan banda Odam uchta narsaning qadrini doim kechikib biladi. Yoshlik. Sog‘lik. Tinchlik. Baho Odam bolasi elektr simi emaski, birini musbat, birini manfiy desang… Tosh va qum Toshni maydalab, qumga aylantirish uchun bir daqiqa kifoya. Ammo qumning toshga aylanishi uchun ming yil kamlik qiladi. Do‘stlik ham shunga o‘xshaydi. Ona tili Qancha ko‘p tilni bilsangiz, shuncha yaxshi. Biroq odam ona tilida tafakkur qiladi, ona tilida tush ko‘radi, ona tilida yig‘laydi... O‘lim oldida onasini ona tilida yo‘qlaydi... Mushuk O‘zi itdan qochib, daraxtga chiqib oladida, tag‘in qushlarga dag‘dag‘a qiladi… qo‘rqoq shallaqi bo‘ladi! Olim va shoir Hech nimaga hayron qolmaydigan odamdan olim chiqadi. Hamma narsaga hayratlanadigan odamdan shoir chiqadi! Atlas (arab.-tekis, silliq) – tanda ipi ham, arqoq ipi ham tabiiy ipakdan toʻqiladigan bir yuzlama silliq mato. Tanda ipi abrbandi usulida boʻyab bezatiladi. Alohida ishlov berib Atlasga jilo beriladi, shunga koʻra u tovlanib turadi. Atlasning tabiiy ipakdan to‘qilgan eng a`lo navi sakkiz tepkili xon atlas deb ataladi. Xon atlasning barcha siri uning tuzilish hamda to‘qilish usulidadir. Atlas to‘qish Marg‘ilonda juda qadimdan rivojlangan va boshqa joylarga tarqalgan. XON ATLAS TARIXI
Toshkent shahar Chilonzor tumani Shosh ko’chasi 6 a uy Badiy rahbar S.Usmanova Muharrirlar A.Musayev D.Xo‘jamurodova Adadi 44 nusxa