тақпақтар жинағы

Балаларға арналған тақпақтар жинағы

Сабақ
Жазғы демалыс бітіпті.
Бірінші қыркүйек жетіпті.
Сабақ қызық болған соң,
Барлық бала келіпті.

Күз

Қарашы күз келді, күз келді
Жапырақ жауыпты іздерді.
Құс біткен керуен тізеді,
Қара бұлт қабағы...
Тәуелсіз елім
Тәуелсіздік – тартуы ол тәңірдің,
Тәуелсіздік – маңдайдағы бағым бұл.
Тәуелсіздік – сыбағасы халқымның,
Тәуелсіздік – таймайтұғын тағым бұл.

Тәуелсіздік – бабам берген аманат.
Тәуелсіздік келешектің кепілі.
Тәуелсіздік жүрмін сені бағалап,
Тәуелсіздік өткен күннің өтілі.

Тәуелсіздік – тәубе екен бүгінде.
Тәуелсіздік – тәубе сенің барыңа,

Тәуелсіздік әр сәбидің үнінде.
Тәуелсіздік әр қазақтың жанында!
Қарттар күні
Ата отыр кәріміз,
Қуат берер дәріміз.
Әулиедей аялап,
Ардақтаймыз бәріміз!
Наурыз мейрамы

Жыл басы – Наурыз мереке,
Ақ нұрға әлем боянды.
Наурыз тойы береке
Тіршілік жаңа оянды!

Жылдың басы Наурыз,
Жердің басы Наурыз.
Мерекеге арналсын
Бүгінгі жыр- әніміз.

Анашым
Анашым менің анашым,
Мәпелеп өсірген сен едің .
Мейірімің қандай....
Отан, туған жер, Қазақстан

Қазақстан – атамекен, құт қонған жер,
Кең дала, суы мөлдір, нұр тұнған жер.

Көкорай белестері мақпал кілем,
Қырлары қызғалдағы құлпырған жер.

Қазақстан, замананың заңғарында,
Халқыма мекен болған жайлауың да.
Алатау ақ самайлы басын иген
Қайратты қарт Қаратау қойнауында

Жаз

Жаз келіп жадырап,
Балалар ойнайды.
Далада асыр сап,
Ойынға тоймайды.

Көк шығып айнала,
Құлпырып гүлдермен,
Жер жүзі жайнайды,
Құстар кеп сайрайды.

Күз
Келді міне күз,
Айнала сары түс.
Керемет, тамаша,
Қандай әсем күз.

Жеміс - жидек пісті,
Қамбаға астық түсті.
Қызу жұмыс басталып,
Жинап алды жан салып.

Көктен көзін бір алмай,
Қызғылт тартты кәрі құз...
Жер қызығын қия алмай,
Маужырап тұр сары күз...

***
Думан толы асқарлы
Күз мезгілі басталды.
Күз әуені кеп жетті,
Әнге бөлеп жастарды.

Нұрға бөлеп өмірді,
Жырға бөлеп көңілді,
Жарқыраған сәулелі
Күз әуені төгілді.

Жұлдыз туып таң алды,
Әнге орап ғаламды,
Сазды әуен шаттыққа
Бөледі бар адамды.

Әуенге еріп сиқырлы,
Айтылды ән боп сыр қилы.
Күзгі әуен жастардың
Жүрегіне нұр құйды.

Нұрға бөлеп өмірді,
Жырға бөлеп көңілді,
Жарқыраған сәулелі
Күз әуені төгілді

***
Күз туралды тақпақ: Күз
Дым бүркіп, тұман басталып,

Қарғалар шулап топтанса.
Үлкендер шаруа басқарып,
Ауылдан сыртқа аттанса.
Жайқалса шетте шоқ қамыс,
Желбіретіп үкісін.
Қызғыш жоқ, кұс жоқ, жоқ таныс,
Көл беті тыйса күлкісін.
Ауылдың малы өрістеп,
Жайырақ шықса манаурап.
Оқыранып, жер иіскеп,
Байлауда тұрса жарау ат.
Егістік жақтан Даладан,
Естісең мотор гүрілін.
Астықты керуен қалаға,
Ағылып жатса күн ұзын.

***
Күз туралы тақпақ: Сары күз
Жалын жалап өтті бір,
Жүдеп қалды көп түбір.
Одан әрі бармайды,
Жапырақтар сарғайды.
Өрт деген де, өрт деген,
Ол деңгейлес дертпенен
Құтқарам деп сол дерттен
Ағыл - тегіл мол дерттен асықты бұлт, асықты.
Бірақ өртті басыпты.
Басу оған оңай - ды,
Күз бермейді тоғайды!

Күз туралы өлең тақпақ: Күз әні
Жердің көркі қашады,
Таулардан бұлт асады.
Қайтып күннің қызуы,
Шөпті қырау басады.

Мүлгиді сай - саламыз,
Біздің жомарт даламыз.
Дәнін жинап алған соң,
Жатыр үнсіз сары аңыз
Ызғарлы жел қатайды
- Мұны күз деп атайды.