Tangon I Sinundu om Hiis

I Sinundu

Sinuat di Ivy
Elviany Jhonny

Tulun

Waro no kaka iri. Waro ot tongondu roiton di Ondui om haro iso
tanak tongondu. Ngaran nopo di tanak ri, i Rumandawi. Na, i Ondui om ii
tanak dau diri duduwo koyuwan kaka miyon iyon id walai nga sid tanga
do gowuton. Adat-adat di kodori dot okon I ko it miagal ko tidino tongo
kouyuuyuo tulun.

Jadi, nakaa po dino do duduo om waro po ka kabarasan po iri ot
kusai do roiton di Sinundu dot orohian dot mamanau. Do ino nopo dino
nga suwai ko pomogunan. Ka di Sinundu moboros id tidi dau,

“Idi Idi, nung suab oi idi, mangan oku po tanakai do tinanok, mamamanau
oku po, mogugurab po,” ka.
“Songo pamanahan nu oi Sinundu?” ka di tidi. Om,
“Ai, sisiongo pamanaan ku,” ka.

Naa, ososopung po id susuwab, minangan no ansakai di tidi do lutu nga,
na iri no tu i roiton do binintanok di kodori. Adi, pamaanau no.
Maso mamanau, au po lalaaid om nokorikot no id gogowuton no. Korikot
siri nga haro walai dot songinan no wawalai.

“Kutakok,” ka di Sinundu.
“Ai, koondiw ilo,” ka dit orongow.
“Ai koondiw ka dikoo gima, yoku iti,” ka di Sinundu.
“Ai, indakod,” ka.

Na, indakod no diri I Sinundu. Soira nokoindakod i Sinundu, toronong no i
Ondui do tinumoronong sid tukad. Misuau nopo ka bo i Ondui.

“Ai, minan,” ka di Sinundu, “isai koruang nu siti?” ka da'amot monginggat om
monigup i Sinundu.
Jadi, nokoinggat nokosigup, om witilon no dii. Na, minangakan no di ii Sinundu.
Jadi, narawatan i om nakaakan,
“Isai koruang nu siti?” ka kawagu I Sinundu mongoduat.
“Ki koruang oku bo nga, araraat,” kaaka di Ondui.
“Araat do kukuro komoyoon nu minan?” ka di Sinundu.
Om,
“Intangai ka, uudi, yakang,” ka. Om intangai nono I Sinundu di nituduk di Ondui
nga alalawa no tomod.
“Oo, ‘Araraat,’ kanu gima oi minan, tongondu i bo yaadi dilo,” ka.
“Jadi obuli gaam oi minan nung sowoon ku i adi?” ka di Sinundu mimboros
kumaa di Ondui.
“Ai obuli i bo, ka isai amu obuli,” ka I ondui sumimbar. Olosu i monorimo.
“Obuli i?” ka.
“Ai obuli i bo,” ka.
“Nga, iti ti po bo iti oi minan, nung asawo ku no yadi nga angatan ku muli id
doho do pomogunan,” ka di Sinundu.
“Ou, milo I bo,” ka di Ondui.



Salapas piipiro tadau, nakasawo no I Sinundu om I Rumandawi. Asal noboros
iri nga minisasawo no, dot bububulun id gowuton.
Asal waro o orohian nga naan nopo bo, nipasawo i. Nga tumoning nopo i
Sinundu dit tanak yo, i Rumandawi, sumalapad I Ondui.
“Ai, songo obuli ino oi iwan,” ka di Sinundu, tu tiiwanom no diri tu ba nasah no
do misasawo.
Na nokipisasawo no kaka, ongo duwo tolu tadau nono I Sinundu hiri. Nga,
orikot nopo it modop di sodoi, miyon i Ondui sid pialatan. Ba, amu osonong i
Sinundu o miagal diri, tu nakasawo no i Rumandawi om irad po diri it tiwanon, i
Ondui.
“Na, iti diti oi iwan,” ka di Sinundu,
“mongoi okoi po duo di Rumandawi sid molohing ku,” ka.
“oo ba, tumanud oku,” ka di Ondui.
“Milo I nga, gulion ku ika kio oi iwan,” ka di Sinundu.
“Ai, amu, maya oku i. Siongo patut dot yogol oku yoku? Yoku no bo sowoon
nu no diri babanar nga nokito nu nogi yaakang,” ka di Ondui.
Ai amu la, hombo i nasawo ku, ba ino nobo sawo ku,” ka di Sinundu do
sumimbar
“Nung aiso nogi ot nokito ku di adi, ba kuoyon poma dii do amu oku i asawo
ikau,” ka. nga amu asanang o ginawo di Ondui.
Na, kakawi di Sinundu om onuwo no it sigar dau, maan no poongkuriyabo id
natad kaka, om posorondok do kuda dot mad rugading o wulu di kuda di
Sinundu. Om,



“Kayo adi, mongoi kito po di idi,” ka. “Gulion ku ikau ki oi iwan,” ka.
“Amu, maya oku,” ka di Ondui.
“Ai gulion i ika to oi iwan, mongoi okoi po no,” ka di Sinundu. Nga, amu I kaakun
Ondui, mositi ko kawaya i. Amu po kasasako i Rumandawi, mogugulu no i Ondui,
“Ino-hino kangku bo dikau, ‘Yoku ot sowoo,’ kangku dikau nga yaakang nogi ot
sinawo nu,” ka.
“Ai amu i bo awasi ino iwan, hiti koh po, gulion ku i ikau, tu soira ma do maan
ku olingan do ikau tu tidi ko di sawo ku,” ka di Sinundu.
“Ai, amu i.”
Om posokoo nono di Sinundu i Rumandawi id kuda nga i Ondui nogi ot
mogugulu no tumakom id solot di kuda. Naa, amu diri asanang o ginawo di
Sinundu.
“Ba, adi,” ka di Sinundu, “sako no ti kuda,” ka. Om sako i Rumandawi, turus
romito di Sinundu, tu araat babanar i Ondui, ara'at kumaa tanak. Rumasang di
tanak di maya, mositi ko I Ondui no ot koinsomok di Sinundu. Modop nga mositi
ko I Ondui id pialatan. Iri no o au kosonongon di Sinundu. Jadi, nakasako I
Sinundu, sako no i Rumandawi id tolikud. Pulidon di Ondui i Yusak Suronggo nga
amu i nopulid tu ginumirot id tawak di sawo, di Sinundu.
“Ba girot oi adi,” ka,
“Potuludon ku iti kuda,” ka di Sinundu. Om maan no kaka pototoso potulud tu
monotos i momulid i Ondui di tanak dau tu mositi ko yino no tumakom,
monolod.



“ “Girot,” ka po di Leeng Sinundu om girot nono i Yusak Suronggo dit solot,
na maatakoom i nono bo i Kungkuwut do Kulubung diri. Timpuun po, maatakom
po i Kungkuwut do Kulubung, om pototoso di Sinundu potulud iti kuda sitid
pomogunan, alaid po iri om maasawit po diri i Kungkuwut do Kulubung, laid po
ka diri nga noloo no I Kungkuwut do Kulubung. Aso no kinoonunuwan, gisom
nokorikot i Sinundu id pomogunan dau do okon I ko araraat do pomogunan
diri di Sinundu. Na ontok nopo di Kungkuwut do Kulubung diri om aso no tu
nolo’o om napatai. Aso no kinoonuwan. Na, kadung nokorikot po yo Sinundu
duo di sawo yo i Yusak Suronggo sid pomogunan di Sinundu, minisasawo no
keembagu, dot aramai nogi dino diri mantad di pogulu. It tidi di Sinundu nga
ototomon no tu kikiawi dit tongondu dit nokoubal no miruba di Sinundu nga
okon ko miagal diri do kalawa.
Na, i Yusak Suronggo no o noruba di Sinundu om baru om nokopipadan. Na
ontok nopo di Kungkuwut do Kulubung diri om na, aso no kinoonuwan tu noloo
maso do muutulud i kuda. Napatai i Kungkuwut do Kulubung tu amu awasi sid
tanak, yino nogi o sumolod. Songot ongangaam dogima. Jadi, ino no gisom,
naawi.



HIIS

Sisindiron

Ikau Noh Koupusan Ku

A sentence of your storybook

Koupusan ku,
Honggo ko dii do baino,
Langadon toomod ginawo ku,
Gompio no ginawo ku.



Nung milo daa okito ti ginawo ku,

Om oilaan nu isai koupusan ku,
Nung karati ko daa suang ginawo ku

Om oilaan isai koginawaan ku



Alansan oku daa kumaa dikau,
Kada oku no sindualai,

Tu ikau no gamut koposion ku,
Om ikau no toput tunduundu’ ku,



Koupusan ku,
Sundung do mongoruol ko ginawo ku,
Ika no upuson ku,
Gisom do kapatayon ku.