我與貓系女室友的二三事

我與貓系女室友
的二三事



凌時零分



目錄 85 Ch.19
89 Ch.20
6 Ch.1 93 ch.21
10 Ch.2 96 Ch.22
17 Ch.3 100 Ch.23
21 Ch.4 105 Ch.24
25 Ch.5 109 Ch.25
31 Ch.6 113 Ch.26
36 Ch.7 117 Ch.27
40 Ch.8 122 Ch.28
44 Ch.9 126 Ch.29
48 Ch.10 130 Ch.30
51 Ch 11. 136 Ch.31
55 Ch.12 140 Ch.32
60 Ch.13 144 Ch.33
63 ch.14 148 Ch.34
68 Ch.15 152 Ch.35
72 Ch.16 155 Ch.36
78 Ch.17
82 Ch.18

160 Ch.37
164 Ch. 38
167 Ch.39
172 Ch.40
175 Ch.41
179 Ch.42
185 Ch.43
188 Ch.44
191 Ch.45
195 後記
197 外傳 我與魔女生活的 everyday 1
201 外傳 我與魔女生活的 everyday 2
206 外傳 我與魔女生活的 everyday 3



6 ｜ 我與貓系女室友的二三事

Ch.1

　　人到三十歲，有好多男人喺呢個年紀都無錢無樓
更加唔好講女人。但可能我比其他人幸運，深知有樓
就會有女嘅道理，喺好細個嗰陣就已經認真讀書，出
到社會做嘢慶幸有伯樂提攜，喺社會上算混得唔錯，
又玩下投資，屋企人幫手先俾到首期。
　　無錯前面嘅都係廢話，靠父幹先係人生大贏家！
　　雖然買咗細單位，但俗語有話「麻雀雖小但五臟
俱全」都叫做有個安樂蝸。宜家樓就有啦！但由於做
工程師經常 OT 都無時間識女仔。女……都唔知幾時
先有。
　　雖然無女但係終於可以自己一個人住，唔使同屋
企人住係開心嘅，得閒喺屋企客廳到睇下四仔，無咗
格仔，都咪話唔過癮，完全無人阻住晒，仲可以光明
正大咁睇。
　　而且咁啱有個好兄弟都同我住同一座大廈，放假
都可以一齊睇通宵波，打下麻雀，所以我好期待搬屋
嘅日子。

我與貓系女室友的二三事 ｜ 7

　　正當個單位裝修好，第二日可以拎埋行李，開開
心心咁搬去過自己一人世界嗰陣，我個白痴呀妹竟然
同我講：「呀哥，我有一個外國回流返香港嘅朋友需
要搵屋住，不如佢住你嗰到，你收佢租呀！」
　　聽到呀妹呢句說話我即刻放低手機望住佢。佢
見到我唔耐煩嘅眼神就笑住話：「唔緊要啦！你咪
當係有額外收入幫手供樓囉！佢話唔介意同人 share
house，外國好興㗎！」
　　佢唔介意但我好介意囉！
　　望住呀妹個甜美笑容，我內心有一種唔好嘅預
感。因為我知道我呀妹講得好聽啲就係天真爛漫，唔
好聽就係低能白痴兼低 B，邊個做佢男朋友嗰個一定
係英雄，因為佢會睇實呀妹唔會俾佢做埋啲白痴嘢遺
禍人間。
　　你話我同呀爸呀媽或者同妳住就話啫，無啦啦我
做咩要同個三九唔識七嘅人同居呀！
　　我深呼吸一下然後問佢：「黃嘉柔妳同佢點識
㗎？」
　　「我哋喺外國網上討論區識㗎！」
　　聽到佢呢句説話我眼都突埋出嚟，痴線㗎！我就

8 ｜ 我與貓系女室友的二三事

知道我呀妹廿幾歲人諗嘢仲咁天真。外國網上討論區
識都信得過！
　　「個朋友男定女呀？」
　　 黃 嘉 柔 歪 住 頭 諗 左 一 陣， 然 後 話：「 嗯 ……我
無問過，不過佢喺討論區 set 個性別係女，佢個名叫
Man。」
　　今次無啦無啦……
　　人蠢原來真係無藥醫㗎……
　　Set 性別做女，但係個名叫 Man，擺明係紅巴
啦！
　　「妳唔好傻的嗎咁去信網上面嘅人好唔好呀！妳
連佢男定女都唔知，就叫我比佢住埋同一間屋？我話
佢係人妖都得啦！如果佢真係女仔真係多謝妳，叫佢
同個男人一齊住。」
　　我已經好留情面咁無鬧到好絕。我心諗妳有無睇
外國新聞，有好多變態殺人狂，妳真係唔擔心嗰個係
一個大隻肌肉佬將妳呀哥我先姦後殺，再姦再殺？真
係諗起都菊花痛。
　　黃嘉柔聽到我嘅說話就好嬲，佢竟然嬲到面都紅
埋向我大叫：「呀哥！你點可以話我朋友㗎！佢係好

我與貓系女室友的二三事 ｜ 9

女仔嚟㗎！」
　　係！係！佢實係㗎！佢實係當妳係好朋友㗎！
　　唉！我真係唔明點解妳呀哥我咁醒，但點解妳咁
豬！都唔知道呀妹隻豬有無比男人呃咗。
　　 我 真 係 無 咁 好 氣 同 佢 講 嘢， 好 難 得 今 晚 唔 使
OT。我都懶得睬佢繼續用電話玩遊戲，心諗佢都痴
痴哋㗎。
　　但係嗰一刻，我無發現到呀妹佢眼神有啲閃縮，
正確嚟講係心虛！
　　由細到大，呀妹佢都唔識講大話，只要一望佢個
樣就會知道佢諗緊咩，甚至知道佢又做咗咩低能嘢。
　　如果嗰陣我有發現到佢個心虛樣，就唔會發生之
後咁狼狽嘅事，亦都唔會遇到命中注定嘅佢。

10 ｜ 我與貓系女室友的二三事

Ch.2

　　第二日我已經迫不及待咁執埋剩餘嘅行李準備去
新屋，就離開住左三十年嘅屋企前，呀媽拉埋我去一
邊，好語重心長咁同我講嘢。
　　佢一定會話呀仔呀，呀媽同你講……然後講一大
輪嘢，長氣到死。
　　「呀仔呀，呀媽同你講。」
　　See 比我講中咗。
　　「我同 Daddy 幫你手比首期，係為咗你第時結
婚生仔。你都唔細啦，係時候識返個女仔，快啲生返
個 B 比呀媽抱孫。」
　　我拍一拍呀媽膊頭：「放心啦，我好快就會識到
女仔㗎啦。」
　　有層樓係手，啲女仲唔飛撲埋嚟！我都想快啲識
返個女朋友仔到時日扑夜扑大戰千幾回合。
　　之前某參選議員講過一個好嚴重嘅問題，就係樓
價太貴，年輕人想扑嘢都無地方可以扑呀！不過唔緊
要，宜家有層樓就唔同講法。

我與貓系女室友的二三事 ｜ 11

　　「放心啦！我都大個仔啦！我走啦。」早一兩日
已經搬左好多嘢去新屋，拉埋呢轉行李就可以唔洗再
返嚟，我拉住行李往門口方向走。
　　好鬼型咁頭也不回，一走出家門我立即深呼吸，
係自由嘅空氣！我聞到自由嘅空氣呀！
　　係呢三十年我從未感受過！宜家終於可以一嘗自
由嘅滋味。
　　我 call 咗的士無幾耐就到咗我住個座大廈，一入
去就見到個保安呀姐坐咗係一邊偷懶，完全無理過其
他 住 客。 我 拉 住 行 李 走 入 ， 正 當 我 想 㩒 關 門 制 嗰
陣，忽然有一把好甜美嘅聲音叫住我：「唔該！等
埋。」
　　我立刻㩒返開門制， 門一開就見到一個著住紅
色制服裙，拉住行李嘅空姐走入嚟。
　　「唔該。」佢望住我，露出好甜嘅笑容講。
　　「唔使客氣。」唔知係咪做空姐嘅都一定喺靚
女，我忍唔住偷偷望咗佢幾眼。
　　佢好似發現到我偷望佢：「咦……我好似無見過
你嘅？」
　　我無諗過佢會主動提出話題，我有啲愕然。

12 ｜ 我與貓系女室友的二三事

　　「係呀，我係新嚟嘅住客。」
　　「喔！咁唔怪得啦！我叫 Tracy 呀，住你樓下個
層。」到咗五樓， 門一開佢就拉住行李箱走出 。
　　 趁 門 未 關 上， 我 都 立 即 自 我 介 紹：「 我 叫
Gary 呀。」我講完自己個名之後，望住佢甜美笑容
我成個人呆咗，而 門就關上咗。我有啲後悔自己做
咩發呆，唔㩒實 門問佢拎電話。
　　到咗六樓，我就走出 拎鎖匙開門，走入屋企。
　　一入到屋企我就立即坐落棕色嘅皮製梳化到，我
瞇埋眼攤咗係度。
　　柔軟嘅梳化十分美好。
　　寧靜嘅環境都十分美好。
　　一嚟到新環境就識到個靚女空姐真係非常之美
好！
　　我諗我開始轉運行桃花運啦！
　　諗起啱啱個 Tracy 真係幾靚女，笑容好 sweet 個
樣有啲似林明禎。下次搵機會八下佢住咩室，問佢拎
電話，睇下有無機會認識認識下。
　　嚟到新屋第一件事緊係嚟個新屋第一炮。正當我
係到諗緊睇三上悠亞定上原亞衣嗰陣，我個好朋友忽

我與貓系女室友的二三事 ｜ 13

然打電話嚟，我心諗又會咁啱打電話嚟，唔知係咪想
約埋今晚一齊睇波。
　　唔聽佢電話還好，一聽佢電話就聽到佢好慌張嘅
聲音：「黃家杰，你宜家係邊呀！」
　　「我咪到咗新屋囉。元家強你做咩好似好驚咁
嘅？」
　　「唔好講咁多啦，救命呀！你快啲上嚟九樓先
啦！救命呀兄弟！」家強講完呢句說話之後就 cut 咗
我線。
　　「都唔知你發咩神經！」家強叫到好似就死咁，
好似佢屋企發生咗命案咁。既然佢叫到，身為兄弟嘅
我就只好上去佢屋企睇下佢搞咩鬼。我將電話放係褲
袋，拎起放係枱上面嘅鎖匙就出門口搭 上九樓。
　　點知一去就踏上咗條不歸路。
　　 一 到 九 樓 我 就 㩒 佢 門 鐘：「 搞 咩 咁 急 叫 我 嚟
呀……」
　　我未講完門已經打開咗，我未反應得切眼前一
個黑影，一個著住黑色 lace 性感內衣嘅女人跌係我
懷抱裡面。正確嚟講係家強將一個膠 Mary 推係我身
上，我抱住個膠 Mary 呆咗咁望住佢，只見家強佢拉

14 ｜ 我與貓系女室友的二三事

住褲頭好慌張咁叫：「快啲帶住個公仔走呀！我老母
唔知發咩神經話上嚟幫我執屋，比佢發現就不得了
啦！」
　　「我屌……你唔係呀嘛！玩埋啲咁嘅野。你叫我
點收埋拎落去呀！我唔要呀……」識咗家強咁耐，我
無諗過佢竟然咁變態玩埋呢啲野，我情願佢出去玩女
人。
　　我將個膠 Mary 推返佢到，家強又推返去我到。
　　「咪啦屌……」
　　「嚟啦，趕唔切啦。」
　　我哋來來回回咁將膠 Mary 推嚟推去，忽然家強
隔離屋傳出開門聲，咁啱 Mary 推係我身上，身體本
能反應下我抱住 Mary 跑去後樓梯。
　　一關上咗防煙門，我背脊貼住道門流曬汗，個心
怦怦咁跳。
　　仆街呀……今次碌柒啦！
　　我望住膠 Mary 個腦海好似停止咗思考咁，唔知
自己接落嚟應該要點做。
　　「屌……」今次真係屌佢老母啦。
　　搬個 Mary 去搭 又唔可以，萬一比其他人見到

我與貓系女室友的二三事 ｜ 15

咪以為我係個變態佬。最後我好白痴咁將 Mary 倒吊
孭住落樓梯。
　　諗起家強一開門就拉住個褲頭，我嚴重懷疑佢係
咪啱啱係屋企玩弄過個 Mary，我專登將佢倒吊係因
為我有一個兄弟就夠啦，唔使再見到千千萬萬，億億
聲嘅兄弟！
　　一諗到佢點輕撫個 Mary，點玩弄個公仔。孭住
佢嘅我好似比兄弟侵犯過咁，一諗到呢到我就忍唔住
反胃乾嘔：「嘔……」
　　個公仔又重到死，孭到我喘曬氣，忽然「砰」一
聲係樓梯迴響，內心有唔好預感。我一低頭就望到我
部 Iphone 跌咗落樓梯，個 Mon 爆撚咗……
　　我開始係到懷疑緊人生，點解我要上去朋友屋
企，點解宜家我要孭住個膠 Mary，點解宜家會咁折
墮。
　　「我屌！唔撚係呀。」我之後一定要問家強拎返
錢去整個 Mon。
　　原本以為去到新屋，係一個美好嘅開始，點知係
一場災難嘅開始。
　　終於行到落六樓，正當我想推門出去嗰陣，係防

16 ｜ 我與貓系女室友的二三事

煙門嘅玻璃到見到有兩個女仔企係我屋企門外面。
　　「屌……邊撚個呀！阻住晒。」當我望真啲點解
個女仔咁熟面口嘅？
　　仆街啦……
　　黃家柔！
　　點解佢會係到㗎！佢身邊點解企住一個女仔，仲
要拎哂行李㗎！
　　忽然我回想起呀妹提過有個網友回流返嚟香港，
想搵屋住。提過我可以租一間房比個網友住。
　　我明明講過唔得㗎！佢做咩仲帶個網友嚟，咁樣
我點收埋個膠 Mary 呀。
　　忽然我聽到一陣好似從地獄傳嚟嘅腳步聲，嚇到
我係咁標汗。
　　唔係咁黑仔呀嘛！係呢個時候有人行樓梯定有保
安巡樓呀。
　　我黃家杰遇到呢三十年嚟人生最大嘅危機！

我與貓系女室友的二三事 ｜ 17

Ch.3

　　「呀哥，呢個就係我嘅網友叫阿 Man。」呀妹
用住天真爛漫嘅表情向我介紹企係佢身邊嘅女仔。
　　「Hi……你 可 以 叫 我 阿 杰 或 者 Gary。」 我 一 邊
望住佢一邊打招呼。
　　我伸手抹一抹額頭上流落嚟嘅汗，個心仍然驚魂
未定。我唔知應唔應該慶幸個妹白白哋痴，完全發現
唔到我古怪嘅地方。我係危機嘅時候立即打比佢問佢
係咪會帶網友嚟，叫佢係大堂等我，好在呀妹無問咁
多，就帶咗個網友落去大堂。
　　我一見到佢哋入咗 ，樓上傳嚟嘅腳步聲越嚟越
接近，我就立即拖住 Mary 跑去屋企前，用鎖匙開門
嗰陣手都震撚埋，一入到屋企我就將 Mary 掉入去雜
物房。
　　好在呢一切都無其他人發現到，唔係我未開始入
住就要準備搬屋都似。
　　我原本都無諗住同其他陌生人一齊住，宜家好似
比呀妹逼到無得拒絕咁。我望住眼前嘅 Man，佢比

18 ｜ 我與貓系女室友的二三事

我感覺同其他女仔好唔同，一頭黑色長髮、小麥健康
嘅膚色、又大又圓又黑嘅貓眼，著住黑色貼身衫顯出
佢美好嘅身段。
　　佢比人感覺好 cool，好神祕仲好難以接近嘅靚
女。
　　我無諗到過「紅巴」竟然係一個咁靚嘅女仔，如
果同一個咁靚嘅女仔一齊住，仲有得收租……咁我都
唔抗拒嘅。
　　「周卓雯。」佢無表情勁簡短咁介紹自己，比人
感覺好似好難以同人接近咁。
　　「呀哥，阿 Man 佢無屋企人喺香港，好在你平
租房比佢，唔係一個女仔出面要捱貴租，你知啦一個
女仔係出面好危險㗎嘛。」
　　聽到呀妹嘅說話，我就啤住佢。叫佢同陌生男人
住咪仲危險！仲有妳條癲婆擅作主張同人傾左幾錢租
呀！
　　我唔想係外人面前同呢個衰妹開片，影響我個形
象。好似比呀妹逼到硬食咁。
　　「呀哥，你仲唔快啲幫人拎行李上去。」
　　我嘆咗口氣，表現出我紳士嘅一面，主動伸手幫

我與貓系女室友的二三事 ｜ 19

阿 Man 拉行李。
　　佢望咗我一眼，點一點頭講：「唔該。」
　　呀妹見我拉住行李就話：「Man 唔好意思呀，
我約咗朋友趕時間，我要走先啦，bye bye。」佢一
邊甜笑， 一邊向我哋揮手道別。
　　我同 Man 一齊目送佢離開，然後互相望對方一
眼，氣氛有啲尷尬。
　　我帶住 Man 上到我屋企，好在我屋企有兩間房，
原本有間房係諗住同朋友睇通宵波，會比朋友係到留
宿，點知宜家竟然租咗比個女仔住。
　　一入到屋我就簡單介紹下：「呢間係我間房，旁
邊個間房就係你嘅。」
　　阿 Man 走入房四處張望，佢將手袋放落床上面，
然後係到留意房裡面嘅擺設。
　　「呢到直入係廁所，旁邊就係雜物房。入門口旁
邊就係廚房。」阿 Man 聽住我嘅介紹就出咗房參觀，
當佢想打開雜物房嗰陣我立即伸手擋住道門大叫：
「等等！」
　　阿 Man 聽到我大叫，就停咗落嚟呆咗咁望住我。
我察覺到自己好似大聲得滯，就有啲尷尬摸住鼻講：

20 ｜ 我與貓系女室友的二三事

「er……呢間房好細㗎，比我堆晒好多雜物係到好亂
㗎。妳千奇唔可以打開呢間房。」
　　見到阿 Man 想打開雜物房嚇到我差啲賴撚晒屎，
因為個膠 Mary 就咁比我掉咗入間雜物房裡面。雜物
房好撚細一打開門就會見到，萬一佢打開咗以為藏屍
案或者以為我係變態佬點算。
　　阿 Man 佢點咗點頭表示明白。
　　「咁……因為我未整好租約，過幾日我整好租約
再同妳簽啦。」
　　過幾日我同 Man 簽咗租約，就係咁我就同佢開
始咗同居生活。

我與貓系女室友的二三事 ｜ 21

Ch.4

　　同 Man 同居咗幾日，我發現佢非常神秘。聽呀
妹講佢外國回流返香港，但我好少見佢走出房門，係
我返工嘅時間都唔知佢有無出去搵工。
　　後尾同呀妹傾計得知，原來阿 Man 係一個好出
名嘅畫家同插畫家，經常係屋企畫畫所以唔會點出
街。
　　咁就仆街啦！
　　個膠 Mary 仲係屋企，無理由等 Mary 陳屍係屋
企等佢發臭㗎。我一定要掉返個 Mary 比家強㗎嘛！
　　同阿 Man 同住咗一星期，我哋好少碰面，每日
我返工放工佢都係喺房裡面，有時 OT 到好夜返到屋
企見到佢沖杯麵或者見到佢走去廁所，我同佢講過嘅
說話應該都無廿句。有關佢嘅一切我都唔了解。
　　星期日朝早我走咗去廚房煮早餐，當我整好拎出
廳嗰陣咁啱見到 Man 係房走咗出嚟，佢眼定定咁望
住我放係檯面嘅沙嗲牛肉麵。
　　「妳好，早晨。」

22 ｜ 我與貓系女室友的二三事

　　「……」
　　「妳食咗早餐未？」
　　「……」
　　「我煮埋妳個份一唔一齊食？」我客套咁問。
　　原本一直望住我無反應嘅佢，對眼忽然發出閃
光。佢立刻走到餐檯前坐低食嘢。
　　我哋一直無對話，忽然佢抬起頭望住我好認真咁
同我講：「下次，我想要杯牛奶同想食煎蛋。」
　　我呆咗咁望住佢，邊有人咁厚面皮叫人幫佢準備
早餐，佢意思好似打算一直要我準備咁。
　　當相處耐咗，望住佢一頭黑色長髮，一身健康膚
色甚至凹凸有致嘅身材，都令我覺得佢唔單只神秘仲
好傲嬌，就好似一隻黑色流浪貓咁。
　　我煮多一碗麵拎出廳，見到佢仲未食等埋我一齊
食。當我坐低後，佢就立即拎起雙筷，食得津津有
味。明明只係一碗普通嘅沙嗲牛肉麵，但佢食到好似
米芝蓮美食咁。
　　見 Man 食到咁滋味，我嘴角不自覺咁向上翹起。
佢食完麵甚至捧起碗飲湯，飲完湯後放低碗，伸手拎
咗張紙巾抹一抹嘴。

我與貓系女室友的二三事 ｜ 23

　　當 Man 發現我一直注視住佢，佢塊面就開始變
紅。
　　「 你 ……煮 得 好 好 食。」Man 望 住 我 用 好 認 真
嘅語氣講。
　　我無諗過會有人讚我煮野好食，而且見到 Man
佢咁認真令我忍唔住笑起上嚟。煮嘢食成為咗一個契
機，令到我同 Man close 咗。其實所謂嘅 close 只喺
每日朝早都會一齊食早餐，食完早餐之後佢都會幫手
洗碗。雖然 Man 佢依舊好 cool，但係佢表情明顯比
之前柔和好多。
　　之後每日朝早，星期六日嘅夜晚放假係屋企我都
會煮早餐或叫外賣，每一次都會同 Man 一齊食飯。

＊　＊　＊

　　又一個 OT 嘅晚上，趕完圖後我伸一伸懶腰，望
一望手錶時間。原來已經夜晚十點，不過做得呢一行
就預咗一定會 OT，呢幾年都已經習慣麻木咗，好似
已經將 OT 視為理所當然咁。
　　我望一望四周其他同事已經收咗工，又係我最後

24 ｜ 我與貓系女室友的二三事

一個離開公司。一落到大堂看更見到我就打招呼：
「黃生，今日又 OT 呀？每次都係你最後走。」
　　「日日都 OT，女朋友唔會話你咩？」
　　「係呀……哈哈。」我有啲尷尬咁笑。我無答看
更問題就笑住向門外走去。
　　女朋友都要有時間先識到㗎，做呢行經常 OT，
公司大多數都係男人，女嘅唔係結咗婚，就已經有男
朋友。
　　忽然電話響起嚟，我一望到個電話來電顯示，就
立即聽電話：「元家強！你條友失咗蹤咁多日去咗邊
呀！ whatsapp 完全唔覆我。」
　　元家強聽到我係咁鬧佢，佢立即安慰我：「巴
打！冷靜啲。我慢慢解釋你聽。你宜家得唔得閒呀？
不如我哋去飲返杯，去曹念華返工間酒吧見。」