Традицийни руски єдла

ТРАДИЦИИНИ РУСКИ ЄДЛА

ТЕОДОРА НОВАКОВИЧ, IV1

OKTOБEP 2020.

1

ЗМИСТ

Ґоргелї .............................................................................................................3
Бобальки .........................................................................................................4
Бухти ..............................................................................................................5
Карапачи ........................................................................................................6
Каша ...............................................................................................................7
Сирец ..............................................................................................................8
Сировнїк .........................................................................................................9
Череґи ...........................................................................................................10
Замешка .......................................................................................................11
Бундавова пита ...........................................................................................12

2

ҐОРГЕЛЇ

Потребне:
 Пол кили бундави
 Пол шметанки (малей)
 Пол погара масци
 3 ложки цукру
 Штварцина ложички солї
 Ложичка сода бикарбони
 1 вайцо
 300ґ кукуричней муки
 300ґ муки за замешку (паленти)
 2 ложки обичней муки
Поступок:
Шицки состойки змишац вєдно, цесто треба же би було досц тварде же би ше нє
розпадовало. Зоз достатого цеста направиц кульки велькосци вайца, пошоровац на
подмасцену тепшу и печиц на 200 ступнї док ше нє почнє лапац кафовкаста скорка горе.
Калорийна вредносц:
Цале цесто зоз того количества состойкох ма 3453kcal
У зависносци од того кельо ґоргелї достанєце, тельо калориї будзе мац єден. (нпр. Кед
видзе 25 ґоргелї, кажди з нїx будзе мац 138.12kcal)

Смачного!

3

БОБАЛЬКИ

Потребне:
 400ґ гладкей муки
 Соль
 1 ложка цукру
 2дл млєка
 150ґ маку
 150ґ мелкого цукру
 100ґ меду
 20ґ квасу
Поступок:
Квас положиц до млєка зоз цукром же би викиснул. Вигнєсц цесто так же змишаме
муку, соль, викиснути квас и по потреби ищє млєка. Поверхносц на хторей ше будзе
робиц, посипац зоз муку и з вимишеного цеста правиц шульканци у длужини тепши,
грубини дас 1цм, порезац их на фалатки длужини 2цм и зоз тих фалаткох правиц
кульки. Кульки покласц на подмасцену тепшу и охабиц викиснуц. Кед накишню,
положиц их най ше печу. Таки упечени положиц до даякей миски и преляц зоз
преварену воду або млєком, швидко премишаме и прецадзиме же би ше нє барз
напили води або млєка. Потим посипац зоз мелким цукром розмишаним з маком,
добре розмишац и на концу преляц зоз розпущеним медом.
Калорийна вредносц:
Цале цесто з того количества состойкох ма 3349kcal
У зависносци од того кельо кульки виду, тельо калориї будзе мац єдна. (нпр. Кед
видзе 150 кульки, єдна будзе мац 22.33kcal, а порция од 20 кулькох будзе мац
446.6kcal)
Смачного!

4

БУХТИ

Потребне:
 Пол кили муки
 1 вайцо
 Пол литри млєка + пол шольки за киснуце квасу
 Дакус солї
 Ложка цукру + за киснуце квасу
 Пол квасу
 Масц за праженє (або олєй)
Поступок:
Перше ше положи квас до млєка зоз цукром же би викиснул. Потим ше зоз того квасу,
муки, солї, цукру и млєка направи цесто хторе муши добре скиснуц. Скиснуте цесто ше
розжене на грубше и з округлу фурмочку (або погаром) ше прави бухти. Таки направени
бухти муша ище кус киснуц же би ше на розпеченей масци у шерпенї добре наросли и
попражели. Скорей як ше их кладзе до масци, на каждей бухти розцахнуц дакус
штредок. Нароснути и на червено упражени бухти ше винїма и масци ше з маджуном
або даяким другим филом.
Калорийна вредносц:
Цале цесто з того количества состойкох ма 2321kcal
У зависносци од того кельо Вам бухти биду, тельо калориї будзе мац єдна. (нпр. Кед виду
20 бухти, 1 бухта будзе мац 116kcal)
***До калорийней вредносци нє урахована масц у хторей пражице, понеже кажде
положи розличне количество масци (або олєю). Тиж так нє ураховани цукер зоз хторим
кишнє квас.

Смачного!

5

КАРАПАЧИ (НАДУВАРИ)

Потребне:
 2 жовчки
 200ґ муки
 Дакус води або млєка
 Соль
 Полна ложка масци за премасцованє + за праженє
 Мелки цукер
Поступок:
Розмишац жовчки и посолїц, розмишац з дакус млєка або води, усипац муку и добре
вимишиц цесто. Розогнац го з розвалку куц грубше як кед ше правя резанки и
помасциц з розпущену масцу, поскладац и охабиц дас пол годзини най одстої. Потим
цесто заш розогнац, та го з ножом порезац на квадратни або длуговасти фалатки.
Покласц до розгоруценей масци же би ше упражели, так як и бухти. Попражени
карапачи ше положи до даякей миски и посипе з мелким цукром. Найлєпшє их єсц док
су цепли.
Калорийна вредносц:
Цесто зоз того количества состойкох ма 1025kcal
У зависцносци од того кельо карапачи видзе, тельо єдна карапача будзе мац калориї.
(нпр. Кед Вам видзе 30 карапачи, єдна будзе мац 34.2kcal)
***До калорийней вредносци нє урахована масц за праженє и мелки цукер, понеже
тоти состойки кажде похаснує у розличним количеству.
Тиж так рахована вода, а нє млєко у цесту.

Смачного!

6

КАША

Потребне:
 150ґ кукуричних крупох
 Вода за варенє крупи
 По смаку дакус солї
 1л млєка
 Цимет (дас 1 ложичка)
 2 ложички цукру + по смаку хто кельо сце
Поступок:
Перше премиц крупи у даскелїх водох и положиц вариц до води хтора надосц
прекрива крупи. Крупи ше досц длуго и сциха варя (дас годзину). До води у хторей ше
варя крупи мож додац дакус солї же би мали лєпши смак. Кед крупи уварени, дода ше
литра млєка и знова ше шицко превари най згушнє по дзеки. Уварену кашу ше
посладзи по смаку и сипе до танєрох/мисочкох. На верх ше посипе цимет розмишани
зоз двома ложичками цукру.
Калорийна вредносц:
Таке количество каши ма 1115kcal
У зависноци од того на кельо порциї розподзелїце кашу, тельо калориї будзе мац єдна
порция. (нпр. Кед подзелїце на 4 порциї, єдна порция будзе мац 278.75kcal)
***До калорийней вредносци нє ураховани цукер хтори ше додава ище по смаку,
понеже кажде люби иншак поцукровац.

Смачного!

7

СИРЕЦ

Потребне:
 1л млєка
 10 вайца
 3 ложки цукру
 Ложичка солї
Поступок:
Млєко ше положи превариц у одвитуюцей судзини. Кед почнє врец, поступно улївац
пред тим розмишани, посолєни и поцукровани вайца, нєпреривно при тим мишаюци
млєко. Кед ше маса почнє дзвигац, такой ю зняц з огня. Пред тим порихтац други
гарчок, прекриц го з груднїцу и уляц уварену масу, позберац конци груднїци и оквачиц
на одвитуюце место же би ше маса охладзела и одцадзела. Так достата груда сирца
кладзе ше у цалє на стол и з нєй ше реже фалатки под час єдзеня.
Калорийна вредносц:
Цали сирец ма 1530kcal
У зависцносци од того на кельо фалатки порежеце, тельо калориї будзе мац єден
фалаток.

Смачного!

8

Потребне за цесто: СИРОВНЇК

 300ґ муки За польнєнє:
 150ґ масла або масци
 Дакус солї  Пол литри шметанки
 Ложичка цукру  5 жовчки
 1 цале вайцо + 1 жовчок  Дакус солї
 30ґ квасу  200ґ цукру
 150мл млєка  2 ложки муки
 3 ложки розпущеней масци або масла
 500ґ кравского сира
 100ґ сухого грозна
 Шнїг зоз 5 бильчкох

Поступок правеня польненя:

Сир потрец на тарлє або го добре

розмишац, додац 5 жовчки, дакус солї,

цукер, муку, розпущену масц або масло,

сухе грозно и шиїко добре розмишац.

Поступок правеня цеста: Поступнє додавац шметанку и на концу

Муку розмишац з масцу, додац соль, полєгко домишац шнїг з бильчкох.

цукер, вайцо, жовчок, квас розпущени у

дакус млєка. Шицко вєдно змишиц на
цесто и розгнєсц на велькосц тепши. Калорийна вредносц:

Положиц го до тепши и охабиц же би Цали сировнїк ма 6022kcal (цесто 2521kcal

кисло дас пол годзини. Потим премасциц и польнєнє 3501kcal)

зоз польнєньом и положиц печиц док нє У зависносци од того на кельо фалатки
почервенї.
порежеце сировнїк, тельо калориї будзе

мац єден фалаток. (нпр. Кед порежеце на

12 фалатки, єден фалаток будзе мац

501.83kcal)

***При польнєню рахована калорийна
вредносц за 3 ложки розпущеней масци.

Смачного!

9

ЧЕРЕҐИ (ГЕРОВЦИ)

Потребне:
 2 жовчки
 1 цале вайцо
 Кус солї
 1 ложка цукру
 1 погарик палєнки або руму
 2 ложки шметанки
 Муки коло 700ґ (тельо най цесто будзе кус твардейше як за рейтеши)
 Пол кили масци або пол литри олєю (за праженє)
 Мелки цукер за горе
Поступок:
Розтрепац вайцо и жовчки як за торту, кус посолїц и додац цукер. Кед добре
розтрепане, уляц палєнку або рум, шметанку и муки кельо поднєшє. Таке цесто
розогнац и осторожно порезац на квадратни фалати (10 х 15цм). Цесто такой
порозрезовац и од нука воздлуж, 2-3 раз, алє так же би нє було розрезане аз по конци.
Таки фалати попреплєтац так же ше вонкашнї часци, як пантлїчки, прецагнє попод
нукашнї, же би були як два варґочики з бокох, а у штредку празне. До того празного
места захпац єден угел. Таки череґи класц до литровей шерпенки у хторей єст пол кили
розгоруценей масци. Мож пражиц и на олєю. Упражени череґи посипац з мелким
цукром.
Калорийна вредносц:
Зоз того количества видзе череґи за єден танєр. Цале цесто ма 2835.5kcal
У зависносци кельо череґи Вам видзе, тельо кажда з нїх будзе мац. (нпр. Кед достанєцє
30 череґи, єдна череґа будзе мац 94.5kcal)
***До калорийней вредносци нє урахована масц за праженє и мелки цукер, понеже
кажде похаснує розличне количество.

Смачного!

10

ЗАМЕШКА

Потребне:
 2л води
 Соль по смаку
 250ґ кукуричней муки за замешку (палента)
Поступок:
Кед вру два литри сланей води, помали и нєпреривно мишаюци ше додава кукурична
мука. Мишаюци замешку, чувствовац кеди є готова: кед бульканє глїбоке и кед ше
видвоює од шерпенї. Теди ше замешка винє и у грубим пасме ше масци прейґ плїтких
танєрох або велького верха на шерпенї най ше охладзи. Охладзена замешка ше кладзе
до цеплого млєка або ше посипує з олєйом и хторим попражена цибулька.
Замешку добре розмасциц на тельо плїтки танєри кельо особи буду єсц, та вец на верх
каждого того танєра положиц по фалаток швижей упраженей домашней колбаси. По
жаданю мож ище и преляц замешку зоз тоту масцу дзе ше пражела колбаса.
Замешку мож рихтац и як торту – на сладко. Перше пасмо замешки ше кладзе на
сподок, пофилує з хлєбичком, сиром, маджуном, прикриє ше з другим пасмом замешки
и так по жаданю кельо пасма сцеце. Медзи пасма ше пирска з олєйом.
Калорийна вредносц:
Калорийна вредносц ше одноши на самy замешку, без прилогох, а виноши 837.5kcal на
тото количество замешки.

Смачного!

11

БУНДАВОВА ПИТА

Потребне:
 600ґ бундави
 4 вайца
 2дл олєю
 1 ложичка солї
 2дл цукру (коло 200ґ)
 4дл муки (коло 300ґ)
 1 пращок за печенє
 Вецей млєка
 Менєй води
 Цимет по жаданю
Поступок:
Потарту бундаву, вайца, олєй, муку, цукер, соль, пращок за печенє, воду и млєко
вимишац. Млєка додавац вецей,а води менєй так же би цесто було кус густейше як за
палачинки. Цесто уляц до подмасценей и з муку посипаней тепши и печиц на 250 ступнї
док нє почнє доставац кафовкасту фарбу од горе и док ше конци нє почню оддвойовац
од тепши. Док ше охладзи, порезац на вельки квадратни фалати и по жаданю посипац
зоз циметом.
Калорийна вредносц:
Цала пита ма 4236kcal
У зависносци на кельо фалати порежеце питу, тельо калориї будзе мац єден фалат. (нпр.
Кед порежеце на 16 фалати, єден фалат будзе мац 264.75kcal)
***Нє ураховани цимет и млєко, понеже млєко увидзице кельо Вам будзе потребне, а
цимет по смаку.
Смачного!

12

У тей електронскей кнїжочки
зоз традицийнима рускима
єдлами кажде пренайдзе дацо
цо люби, а и пробує направиц!
Младши дзеци можебуц анї нє
пробовали даєдни з тих єдлох.
Руски єдла наших предкох маю
интересантни состойки, а ище
интересантнєйши смак! Прето
ше наздаваме же ше и Вам
буду пачиц єдла котри зме
видвоєли. Ище раз - смачного!

13