tahira

‫فارسی کلم قرتہ العین طاہرہ‬

‫پنجابی ترجمہ‬

‫مقصود حسنی‬
‫ابوزر برقی کتب خانہ‬

‫جنوری ‪2016‬‬

‫‪1‬‬

‫دس محبوبا!‬

‫دم عشق دا بھر کے‬
‫کیہڑا جرم میں کیتا‬
‫بخشیں ہجر وچھوڑا‬

‫کدے قتل کریں‬
‫کدے پچھ دس دا دفتر کھولیں‬

‫۔۔۔۔۔۔۔۔۔‬
‫جد دا بوہا عشق دا ملیا‬
‫سخی دوارے چہوٹھے جاپے‬
‫دیسوں میں پردیسن ہوئی‬
‫اک واری تاں ایدھر تک‬
‫ہتھ تیرے عشق دی کنجی‬

‫۔۔۔۔۔۔۔۔‬
‫ہن صبر دی شکتی کیتھوں‬

‫اتوں دکھ وچھوڑا‬
‫انگ انگ جسے دا ونجلی ہویا‬

‫پیڑاں سر تال نیں بنیاں‬

‫۔۔۔۔۔۔۔۔۔‬
‫بدھی اندر توں نہ آویں‬
‫احساس دا پہانڈا چھوٹا‬
‫تیرے گن کمالں تیکر‬

‫کوئی اپڑ پیوے‬
‫ایہہ گل چہوٹھی جے‬
‫ہر گھڑیا جڑیا ٹٹ ویسی‬

‫تیرا انت نہ کائی‬
‫۔۔۔۔۔۔۔‬

‫واء فجر دی‬
‫مےخانہ تیرا ٹپ آوے‬
‫مے خواراں دا حال سناوے‬
‫اکھاں جمنا بن جاون‬

‫مونھ ہلدی ہووے‬
‫ایس نمانی تے‬
‫جے کرم کماویں‬
‫کیہ وگڑے تیرا‬

‫۔۔۔۔۔۔۔۔‬
‫جے بانگاں ویلے‬
‫آ بستر مرے قدم ٹکاویں‬
‫احساس نزدیکی دا‬

‫جیون مرن دے‬
‫جھنجٹ بھلوے‬

‫۔۔۔۔۔۔۔۔‬
‫جسم دے کوٹھے چوں‬
‫جے کڈ بےمکانی بخشیں‬

‫دنیا دی ہر شے‬
‫دنیا تے چھڈاں‬
‫جان تاں تیرے قبضے‬
‫جہنوں چاہویں‬
‫ہون دے بوہے واڑیں‬

‫‪2‬‬

‫جوانی کیہ دتا‬
‫بڈ بڑھاپا انگ روپ دا ویری‬

‫اوہ معشوق پیارا‬
‫ایہ شراب پرانی‬

‫۔۔۔۔۔۔۔‬
‫نکی عمرے‬
‫آفت ٹھاوے‬

‫چین تے نیندر کھسے‬
‫جہڑا ویکھے‬
‫کھانا پینا بھلے‬
‫۔۔۔۔۔۔۔‬
‫اک گھٹ‬

‫اوس شراب پرانی دا‬
‫پیون والے عمراں پاون‬

‫جہڑے مونھ موڑن‬
‫ہتھ دھون جند پیاری توں‬

‫۔۔۔۔۔۔۔‬
‫اوہ ساقی ایجا‬
‫جھنوں اک گھٹ بخشے‬
‫سکھ دے بلے لٹے‬
‫پر کیہ کریئے‬
‫لوکاں لئی ساغر چھکن‬
‫ساڈے چلو وچ پیاس‬

‫۔۔۔۔۔۔‬
‫اوہدیاں زلفاں دے قیدی‬

‫لکھ کڑوڑاں‬
‫کوئی اک ادھا‬
‫چھڈ چہڑے دنیا دے‬

‫اک یار دا بوہے ملے‬
‫۔۔۔۔۔‬

‫طوطی دے مونھ اندر‬
‫خیراں دے سر تال‬
‫حریفاں نیں سر تے‬
‫پنڈ دعوی دی چائی‬

‫'ویکھو۔۔۔‬

‫کہیڑا پڑ جتے‬
‫۔۔۔۔۔۔۔‬

‫عشق دا دعوی‬
‫ہر کوئی بنے‬
‫عشق دے پڑ اندر‬
‫جت دی مالی‬
‫قسمت ال ای لیے کے جاندا‬

‫۔۔۔۔۔۔۔۔‬

‫‪3‬‬

‫اکھاں وچ جے پا سرمہ‬
‫سورج ول تکاں‬

‫دنیا ہوسی کھپ ہنھیر‬
‫۔۔۔۔۔۔۔۔‬

‫خشبو زلفاں نوں‬
‫واہ وچ جے دیواں جھٹکا‬
‫قیدی ہون ہرن صحراواں دے‬

‫۔۔۔۔۔۔۔۔۔‬
‫میری اک جھلک دا پہکھا‬
‫سمان سانجھ سویرے ای‬

‫شیشہ کچھ لکو لیاوے‬
‫۔۔۔۔۔۔۔۔‬

‫جے گرجے جا پاواں پیر‬
‫منتا دے وچ ڈبیاں کڑیاں‬
‫پھل جاون بائیبل دے بول‬

‫۔۔۔۔۔۔۔۔۔‬

‫‪4‬‬

‫اوہدیاں مست اکھاں دا‬
‫اک لشکارا‬

‫سکھ چین تے نیندر کھسے‬

‫۔۔۔۔۔۔‬
‫جدھر چہاتی پاوے‬
‫بوہے عقلں دے‬
‫ٹھک ٹھک جاون‬

‫۔۔۔۔۔۔۔۔‬
‫دل مجنوں کیہ کر دا‬
‫لیلی دے خیمے دا‬

‫گنبد ہویا‬
‫۔۔۔۔۔۔۔‬

‫اگ دے وسنیکاں دے خیمے اندر‬
‫پہانبڑ اگ دے‬

‫بکل لہ کے آویں‬
‫نئیں تاں‬

‫سڑ پہجھ جاویں گا‬

‫‪5‬‬

‫جے کول ہوویں‬
‫روگ من تیرے دا‬

‫بج لوواں‬

‫پڑھ چہرے دیاں لکھتاں‬
‫۔۔۔۔۔۔۔۔۔‬

‫تیرا مکھڑا ویکھن لئی‬
‫ہر کوٹ دی خاک میں چھانی‬

‫پئی پھراں‬
‫پھرے جیوں واء فجر دی‬

‫۔۔۔۔۔۔۔۔‬
‫ہجر وچھوڑے دی اگ چوں‬

‫لہو چشمے پھٹے‬
‫ڈب گئے‬

‫کنڈھے دریاواں دے‬
‫۔۔۔۔۔۔۔۔‬
‫دل نمانا‬

‫تیرے مکھڑے دے‬
‫سوہنے نقشاں دا‬

‫قیدی ہویا‬
‫۔۔۔۔۔۔۔۔۔‬

‫دل وچارے‬
‫اپنی جان دے تانے بانے اندر‬

‫تیرا عشق پریا‬
‫۔۔۔۔۔۔۔۔۔‬

‫طاہراں دے دل دے‬
‫دفتر دے ہر ورقے تے‬

‫تیری عشق کہانی‬

‫‪6‬‬

‫جے تیرے تکن وچ‬
‫اگ موسی دی نئیں سی‬

‫دل لوکاں دے‬
‫کیوں ڈب ڈب جاندے نے‬

‫۔۔۔۔۔۔۔۔۔‬
‫دارو اندر پا کوئی ایجی شے‬

‫گل لکو نہ سکاں‬
‫جانو جہدے‬

‫مےخانے وچ کیتھوں‬
‫۔۔۔۔۔۔۔۔۔‬

‫'آ ۔۔۔۔۔۔‬

‫ایجی ویکھنی ویکھ‬
‫تیرے مکھڑے دا ہر نکتہ‬
‫کرے پہلیکھے سبھ دور‬

‫۔۔۔۔۔۔۔۔۔۔‬
‫خورے اوہ کیڑے دیسوں آیا اے‬

‫اوہدے ویکھن وچ‬
‫سورج کرناں‬
‫۔۔۔۔۔۔۔۔‬

‫‪7‬‬

‫ہن جاگ پئئے‬
‫اوہ آ گیا ای‬

‫جسے توں مٹی چہاڑ لے‬
‫اوہ آ گیا ای‬

‫پنڈ کرماں دی چا کے‬
‫اوہ آ گیا ای‬

‫ایہ اتھرو کاہدے‬
‫اوہ آ گیا ای‬

‫اوہ وچھوڑے دے مرضاں دا جانو‬
‫دوا دارو لے کے‬

‫اوہ آ گیا ای‬
‫دکھ وچھوڑا کالجہ کھاجاسی‬

‫'آ ۔۔۔۔۔۔‬

‫گھٹ وصل دا پی لئے‬

‫اوہ آ گیا ای‬
‫عاشق سدا سداویں‬
‫رج رج سوویں‬

‫اکھ پٹ‬
‫دکھ ونڈا لئے‬
‫اوہ آ گیا ای‬
‫خزاواں پہل پتر کھا گیاں سن‬
‫گل بہاراں دے لئے کے‬
‫اوہ آ گیا ای‬
‫نویں حیاتی دے نوویں بانے‬
‫چھڈ سب پرہیزاں نوں‬
‫پی تے موج اڑا‬
‫اوہ آ گیا ای‬

‫‪8‬‬

‫تیرے عشق بنے عاشق نال سنگلں‬
‫اوہ اڈیکدے نیں اپنی بلی دی وار نوں‬

‫۔۔۔۔۔۔۔۔‬
‫اوہ آوے کرن قتل سانوں‬
‫ساڈے اینے چنگے نصیب کیتھوں‬

‫۔۔۔۔۔۔۔۔‬
‫جد اوس میری کھٹ تے پیر دھریا‬
‫اوہدا ویکھ مکھڑا جاپی سویر مینوں‬

‫۔۔۔۔۔۔۔۔‬
‫زاہد چھڑا شراب تے محبوب دتا‬

‫کیہ کراں‬
‫سچے دلں دے اخلص اتے‬

‫رہندا سدا شک تینوں‬
‫۔۔۔۔۔۔۔۔‬

‫تیرے لیکھاں وچ تخت سکندری اے‬
‫میرے کول پیالہ فقر دا‬
‫توں چھڈ بوری‬
‫تخت سمبھال اپنا‬
‫۔۔۔۔۔۔۔۔‬
‫تیرا شونق‬

‫لمیاں بےمثال زلفاں‬
‫سوہنی زین‬

‫تیز رفتار گھوڑا‬
‫فیر وی منکر ایں توں‬

‫بےنوا فقیراں دا‬
‫۔۔۔۔۔۔۔۔‬

‫میں دی گھمن گھیری توں‬
‫بچ بچا کے' جا وس‬
‫فنا دے دیس اندر‬
‫اپڑ پیں گا اک دن‬
‫منزل مقصود اتے‬
‫۔۔۔۔۔۔۔‬

‫شراب سچے بولں دی‬
‫میں پی لیندی‬

‫پر ٹکن دیا دی بوتل دا‬
‫نہ میں کھول سکی‬
‫۔۔۔۔۔۔۔۔۔۔‬
‫اوہدے قدماں تھلے‬

‫وگدیاں عشق مستی دیاں نہراں‬
‫تداں لوکیں‬

‫اوہدے قدماں وچ‬

‫مرن جیون دی خواہش کر دے‬

‫‪.......‬‬

‫بہا دے کرم دا سورج‬
‫دیوے پیا چانن‬

‫طواف'‬

‫اوہدے حسن دا‬
‫پئے پہاڑ کر دے‬

‫‪.......‬‬

‫اوہدے مکھڑے دا چانن‬
‫بےاکھاں لئی اکھاں‬

‫الست بربکم دانعرہ مار‬
‫بلی بلی کہن لئی لوکائی ساری‬

‫بیٹھی وچ اڈیکاں‬
‫۔۔۔۔۔۔۔۔۔۔‬

‫میں عشق دا سدا‬
‫نھیرے دے مونھ وچ رہ کے‬
‫ہر دم نوں دتاکھڑ کھڑ ہس کے‬

‫ایہہ اچنبھا آکھ سنایا‬
‫لوکو ویکھو میں شہید کربل دا‬

‫۔۔۔۔۔۔۔۔۔‬
‫میری میت تے دریا ہنجو وگدا‬

‫جد اوس ڈٹھا‬
‫کفن دفن دا کیتا چارہ‬
‫فیر میت کول آ کھلوتا‬
‫ویکھدیاں ویکھدیاں‬
‫خوشیاں مکیاں وچ جہانوں‬

‫‪........‬‬

‫دل دے طور اتے‬
‫اگ سٹ حیرتاں دی‬
‫پیوے ہلچل ایجی‬
‫ایہہ پہاڑ آپے ہووے سدھا پدھرا‬

‫۔۔۔۔۔۔۔۔‬
‫نعرہ الست دا جد اوس بلند کیتا‬
‫بوہے کھل گئے عشق خطاواں دے‬

‫دکھ سہن دی ہاک اوتے‬
‫میرے دل اندر‬

‫بلواں خیمے آ گڈے‬
‫۔۔۔۔۔۔۔۔‬

‫‪9‬‬

‫اوہدے لب دے تل تے‬
‫دو زلفاں دے سائے نے‬
‫دل پنچھی دی حالت مندی‬
‫چوگا اک تے گھاتاں دو‬

‫۔۔۔۔۔۔۔۔۔‬
‫ملں تے قاضی چپ چپیتے‬

‫رل بیٹھے نے‬
‫ایدھر عشق نمانا‬

‫کیہ کریئے‬
‫پکا اک تے کچے دو‬

‫۔۔۔۔۔۔۔۔‬
‫تیرے مکھڑے تے ڈگیاں زلفاں نے‬

‫میرے دن دا چانن کھسیا‬
‫ہن حیاتی وچ رہ گیے‬
‫دن اک تے راتاں دو‬

‫۔۔۔۔۔۔۔۔۔۔۔‬
‫چن ورگا ساقی‬
‫غافل کیوں بیٹھا اے‬

‫بھر اک جام پھڑا‬
‫کون اڈیکے‬

‫کل ملسن پیالے دو‬
‫۔۔۔۔۔۔۔۔‬

‫اوہدیاں مست اکھاں چوں‬
‫پئی شراب عشق دی ڈھلے‬

‫رنگ نشہ شراب اکو دا‬
‫بھرے پیالے دو‬
‫۔۔۔۔۔۔۔‬
‫میں کیہ آں‬

‫میرے جئے کئی ہور ہزاراں‬
‫اوہدیاں ابرواں دی تلوار اتے‬

‫کٹ پورے ہوئے‬
‫اوہدیانں مست اکھاں وچ‬

‫میم اک تے لماں دو‬
‫۔۔۔۔۔۔۔۔‬

‫ملن دا وعدہ کرکے‬
‫اوہ ملدا نئیں‬

‫دنیا وچ ایہہ ان ہونی ویکھی‬
‫مرد اک دے‬

‫مونھ وچ کلماں دو‬

‫۔۔۔۔۔۔‬
‫مینوں در اپنے دا‬
‫کتا من کمینہ چاکر آکھ‬
‫دو ناواں وچ فرق نہ کائی‬
‫نوکر اک تے سرناویں دو‬

‫۔۔۔۔۔۔۔۔‬

‫‪10‬‬

‫عشق دیاں سولں‬
‫پھلں توں ودھ مہکن‬
‫می کوں کل چھڈ گیا ایں‬

‫دکھ دے جانوا‬
‫کدے آ کے کول وی بہہ جا‬

‫۔۔۔۔۔۔۔‬
‫اوس ول زلفاں دے کول دتے نے‬

‫مونھ ڈھک کج کے‬
‫اڈ ہو بیٹھا اے‬
‫جگ نال ڈوراں‬

‫میری وی ٹٹ پج گئی اے‬

‫۔۔۔۔۔۔۔۔‬
‫سکے گلے ہر تھاں‬

‫وسیا نور تیرا‬
‫جی بسم ا‬
‫توں گھر میرے آیاں ایں‬
‫میں تاں ہند ساگ دی ویل آں‬

‫۔۔۔۔۔۔۔۔‬
‫دودھ دیاں نہراں‬
‫تیرے سچے مٹھے بول‬
‫توں رکھ تے سایہ‬
‫چن سورج دا چانن‬

‫میں اک بھورا‬
‫تیرے قدماں دی مٹی دا‬

‫۔۔۔۔۔۔۔۔۔‬
‫جہدے بلں چوں‬

‫ہر دم نال‬
‫شہت چشمے پھٹن‬
‫اوس معشوق پیارے دے‬
‫در دی میں باندی آں‬

‫۔۔۔۔۔۔۔۔۔‬
‫توں ہر ویلے ہر تھاں‬

‫لوکیں پاک تھاواں نوں‬
‫تیرا گھر آکھن‬

‫میں چپ زنجیراں بدھی‬
‫۔۔۔۔۔۔۔۔۔‬

‫عشق دریا وچ کھا کھا گوتے‬
‫ایہ نکتہ لبھا‬

‫توں ازلیں ابدیں چار چوفیرے ظہور تیرا‬
‫میں وچ میں کیتھوں‬
‫۔۔۔۔۔۔۔۔۔‬

‫ول ول آکھے محبوب پیارا‬

‫!لوکو۔۔۔۔۔۔۔‬

‫عشق اچ وڈیائی تے کوڑ‬
‫کیوں لبھدے جے‬

‫میرا مکھڑا تصبیر عشق دی‬

‫‪..........‬‬

‫طاہراں سبھ بھلں من‬
‫تیرے قدمیں اپنا اچا سیس نیوایا‬

‫بل سک گیے نے‬
‫چھیتی چھیتی اک گھٹ پیا‬

‫شراب مہر دی‬

‫۔۔۔۔۔۔۔۔۔‬

‫‪11‬‬

‫ایہہ دل‬
‫تیرے خیال سمندر دا تارو‬

‫ایہہ دل‬
‫تیرے حسن دے ہر نکتے دا‬

‫سجن بیلی‬
‫۔۔۔۔۔۔۔۔۔‬

‫ایہہ کیہ جادو چا کیتا ای‬
‫دل وچارہ‬

‫خون وچ ڈب دا تر دا‬
‫تیرےعشق نظارے ایس توں‬
‫معمول دی گردش کھسی اے‬

‫۔۔۔۔۔۔۔۔۔‬
‫خشبو حسن تے زلفاں دی‬
‫نالے بھیڑ تیری گلی دے لوکاں وچ‬

‫ایجا پھسیا‬
‫نامرادی میتھوں‬

‫نٹھ نٹھ جاندی اے‬
‫۔۔۔۔۔۔۔۔۔۔۔‬

‫جے کول بل کے‬
‫عزت الفت بخشیں‬
‫ایہ دل درداں مارا‬
‫کر کرشما کوئی اچا‬
‫لوکاں وچ کھلووے‬

‫۔۔۔۔۔۔۔۔‬
‫ویکھ کے مکھ چن دے ٹوٹے دا‬

‫میرے لوں لوں وچ‬
‫اگ عشق دی بل پئی آ‬
‫اگ بجھاون دی شکتی‬

‫بدلں وچ کیتھوں‬

‫‪......‬‬

‫سانوں چمڑی وہم بیماری اے‬

‫!آ۔۔۔۔۔‬

‫پنڈ کرماندی چک لیے‬
‫کر ایہ دور بیماری‬
‫فیر وکھ سانوں‬

‫گیڈر ہون گے شیر جنگلں دے‬

‫‪......‬‬

‫اپنے توں دور کرن وال‬
‫کھلر کے کھل کھلرا‬
‫خورے کیتھے جا لکیا اے‬

‫‪......‬‬

‫اوہ آودی ذات وچ مگن رہن وال‬
‫بےانت' جے انت دے شیشے وچ‬

‫چہاتی پاوے‬
‫دل دی تھڑکن‬
‫کیوں ڈاواں ڈولے کھاوے‬

‫۔۔۔۔۔۔۔۔۔‬
‫میرے دل چوں‬
‫عشق دے بدل اٹھن‬

‫اگ وساون‬
‫ویکھ کے پہانبڑ اگ دے‬
‫وصل دا پانی لیے کے‬

‫اوہ آیا نئیں‬
‫۔۔۔۔۔۔۔۔۔۔۔۔‬

‫‪12‬‬

‫عاشقا اٹھ'‬

‫حق سچ دا مکھڑا ویکھ‬
‫پردے اٹھ گیے نے‬
‫اوہدیاں قدرتاں دے‬
‫۔۔۔۔۔۔۔‬
‫حق نال سجیا‬

‫سوہنا سچا تے شفق ورگا‬
‫ایہ چہرا تانسوہنے بہا دا اے‬

‫۔۔۔۔۔۔۔‬
‫کرم رب دے نال‬
‫جنت جہان بنیا‬
‫مکی رات کالکاں دی اے‬
‫آؤ' رل مل پڑھیے‬
‫نفل شکرانیاں دے‬

‫۔۔۔۔۔۔۔۔۔‬

‫'سن۔۔۔‬

‫سچے تے سچے بول اوہدے‬

‫'ڈریا۔۔‬

‫مکر فریب تے کوڑ پسار سارا‬

‫دس بندیا‬
‫ہور کیہ لبھدا سیں‬

‫۔۔۔۔۔۔۔۔‬
‫خاتمہ ظلماں دا خوب ہویا‬
‫ڈیرے کرماں ایتھے لئے سن‬

‫'ویکھو‬

‫چہٹ پل وچ کیہ ہویا‬
‫ماڑیاں دے سر تے‬
‫بجی پگ عزتاں دی‬

‫۔۔۔۔۔۔۔‬
‫دیوے علماں دے بل پئے سارے‬

‫بےخبری مونھ لکویا‬

‫شیخا‪'.........‬‬

‫ہن تھل کوئی ورقہ ہور‬
‫۔۔۔۔۔۔۔۔۔‬

‫کرداں دا سی ہنھیر ایتھے‬
‫گلیاں سن لہو بھریاں‬

‫اوہ اتریا لئے کے ددھ مٹکے‬
‫چھیتی چھیتی وچھا لو سارے‬
‫دسترخوان سچیاں نیتاں دے‬

‫۔۔۔۔۔۔۔‬
‫اوہدے اون نال کمب گیے‬

‫محل ظلمتاں دے‬
‫اوہدے کرم نال‬
‫ہن مک جاسی‬
‫میٹی ظالماں دی‬

‫نوٹ‪ :‬قرتہ العین طاہرہ مذہبی اعتبار سے بہائی‬
‫تھیں تاہم زبان کی لوچ اور بعض تصوف سے میل‬

‫کھاتے مضامین خوب ہیں۔‬