กระต่ายกับเต่า

ນິທານເລື່ອງ

ກະຕ່າຍກັບເຕົ່າ

ດົນນານມາແລ້ວ ໄດ້ມີກະຕ່າຍໂຕໜື່ງທີ່ມັກໂອ້ອວດວ່າມັນເປັນຜູ້ທີ່ແລ່ນ
ໄດ້ວ່ອງໄວກ່ອນໝູ່ ມັນໄດ້ທ່ຽວໄປໂອ້ອວດກັບເລົ່າສັດທັງຫລາຍສະເໝີ

ຈົນຢູ່ມາວັນໜຶ່ງມັນໄດ້ໄປເຈີເຕົ່າໂຕໜື່ງກຳລັງຄານມາຢ່າງເຊື່ອງຊ້າ ກະຕ່າຍກໍ່ໄດ້
ສະແດງອາການຫົວຂັວນເຍາະເຢີຍ ແລະ ເວົ້າກັບເຕົ່າວ່າ

"ເຕົ່າເອີຍຖ້າເຈົ້າຫາກຍ່າງຊ້າແບບນີ້ ແລ້ວມື້ໄດນໍເຈົ້າຊິຮອດເຮືອນ."
ເຕົ່າຕອບດ້ວຍຄວາມບໍ່ພໍໃຈວ່າ "ເຖິງຂ້ອຍຊິເປັນຜູ້ຍ່າງໄດ້ຊ້າກວ່າໝູ່ ແຕ່ຂ້ອຍກໍ່ກັບ
ຮອດເຮືອນທຸກມື້ ເຈົ້າຄິດວ່າເຈົ້າເປັນຜູ້ທີ່ຍ່າງໄວກ່ອນໝູ່ຊັ້ນບໍ? ເຈົ້າສູຂີ້ໂມ້ເກັ່ງຫຼາຍ!"

 ເມື່ອໄດ້ຍິນແບບນັ້ນ ກະຕ່າຍກໍ່ເກີດຄວາມໂມໂຫຂື້ນ ຈຶ່ງຕອບກັບໄປວ່າ "ເຕົ່າເອີຍຄັນເຈົ້າເກັ່ງແທ້
ມື້ອື່ນມາແລ່ນແຂ່ງຂ້ອຍບໍລະ ມາເບີ່ງກັນໂລດວ່າໃຜຊິເປັນຜູ້ສະນະກັນແທ້"

ເຈົ້າເຕົ່າກໍ່ຕອບກັບທັນທີທັນໄດວ່າ "ໄດ້ເລີຍ ຕົກລົງເຮົາມາແລ່ນແຂ່ງກັນ ຫາກໃຜເປັນຜູ້ເຂົ້າເສັ້ນໄຊ
ກ່ອນຍ່ອມເປັນຜູ້ສະນະ!"

ເມື່ອຕື່ນເຊົ້າມາເຕົ່າກັບກະຕ່າຍກໍ່ໄດ້ມາເຈີກັນ ແລະສັດຕ່າງໆ ທີ່ໄດ້ຍິນຂ່າວຄາວການ
ແຂ່ງຂັນຄັ້ງນີ້ຕ່າງກໍ່ພາກັນມາເບີ່ງ ເພື່ອຮ່ວມກັນເປັນພະຍານໃຫ້ແກ່ກະຕ່າຍ ແລະ ເຕົ່າ

ເມື່ອການແຂ່ງຂັນເລີ່ມຂື້ນ ກະຕ່າຍແລ່ນຢ່າງໄວທີ່ສຸດ ເພື່ອຈະໄປ
ໃຫ້ເຖິງເສັ້ນໄຊ ສ່ວນເຕົ່ານັ້ນກໍ່ໃຊ້ຄວາມພະຍາຍາມຂອງມັນຢ່າງ
ເຕັມທີ່ ແລະຄ່ອຍໆຄານໄປເລື້ອຍໆຄືກັນ ກະຕ່າຍແລ່ນໄປຈົນ
ເກືອບຮອດເສັ້ນໄຊແລ້ວ ແລະ ມັນຫັນຫຼັງໄປເບີ່ງເຕົ່າທີ່ກຳລັງຄານ

ມາຕາມຫຼັງມັນ ມັນເລີຍຄິດຢູ່ໃນໃຈວ່າ

ຈັງໄດເຮົາກໍ່ເປັນຜູ້ຊະນະແນ່ນອນ! ເຮົານອນຮ້ອງເພງຫຼີ້ນຢູ່ກ້ອງຮົ່ມ
ໄມ້ກ່ອນ ຄົງອີກດົນເພື່ອເຕົ່າຊິມາຮອດ

ສ່ວນເຕົ່າກໍ່ຄ່ອຍຄານມາເລື້ອຍໆ ຈົນຂື້ນມາແຊງກະຕ່າຍທີ່ກຳລັງເຝີ
ນອນຫຼັບໄປ

ເມື່ອກະຕ່າຍຕື່ນຂື້ນມາ ມັນກໍ່ຕົກໃຈທີ່ເຫັນວ່າເຕົ່ານັ້ນໃກ້ຊິເຂົ້າ
ເສັ້ນໄຊມັນຈຶ່ງຮີບແລ່ນມາເພື່ອຫວັງວ່າຊິທັນ ແຕ່ກໍ່ສາຍໄປແລ້ວ

ເຕົ່າໄດ້ເຂົ້າຮອດເສັ້ນໄຊໄປກ່ອນ ສັດປ່າ
ທີ່ມາເຊຍ ກໍ່ຊື່ນຊົມຄວາມຕັ້ງໃຈຂອງ
ເຕົ່າຕ່າງກໍ່ພາກັນສະແດງຄວາມຍິນດີໃນ

ການທີ່ເຕົ່າໄດ້ໄຊຊະນະ.

ນິທານເລື່ອງນີ້ສອນໃຫ້ຮູ້ວ່າ: " ຄວາມພະຍາຍາມຢູ່ທີ່ໄດ ຄວາມສຳເລັດຢູ່ບ່ອນນັ້ນ"

จัดทำโดย

นางสาวนศิมา พานแก้วชูวงศ์
623280221-0