Buku Program Majlis Perasmian Penutupan Pertandingan Manangon dan Momohiss

Au po kopio naawi di Gayo Tian do mimboros om indakod tomod no i Niba Gakod
nga apagon i do sumalakoi tu oniba kopio gakod di Niba Gakod om ingkurus nodi kaagu i
Niba Gakod id tana. Sowoll no kaagu i Gaye Fahriga miagal i tu kaantob i tian dau do
agayo tomod. Sikog ka om poboros no i Ligot Liou do, "yoho nogi mindakod," ka dau.
Indakod nodi kaka i Ligot Liou di nga korikot no isio id tunta. Soira nokorikot id sawat i
Ligot Liou, pimboros no i Niba Gakod do, "arabai oku pondo tua" ka. Pimboros kaagu i
Gayo Tian do, rokon, yoho po gulu" ka.

Pomua' nopo i Ligot Liou di om paarabo no dau id siriba. Akano tomod no di Gayo
Tian om i Niba Gakod i tua' do lansat nga au alaid mantad di om pimbirid no i Niba Gakod
do norualan do tian. Gisom do notipuan do gakod i Niba Gakod di mimbirid om laid nopo
di nga kapatai noi Niba Gakod. Mingirak po di i Gayo Tian nokokito di tadi dau nga
kadaalai nopo di mingirak om koloput nodi tian dau. I Ligot Liou nopo di hin tuntu do puun
lansat nga nokotigog om ingkurus no id tana. Lombus no minuli i Ligot Liou hilo id walai
om id sodu po nga okito dau do nokorikot no i motöhing dau do mandad-andad diolo.
Korikot po kopio i Ligot Liou id walai om posunudo no dau nunu i naantakan kumaa di
tadi-tadi dau.

Orosian nodi daa i Ligot Liou do poposunud nga au milo do kukuroyon. Pimboros no
i yodu, "ino no dikoyu, kada kou no pimpanau kangku di nga au kou gia minokinongou",
ka. Tumangob di ginawo di molohing do iso po di tanak diolo do noolu. Monosol po da di i
Ligot Liou do au minokinongou nga aiso nodi komoyon. Nunu i nakatalib amu nodi gumuli
po nga nunu i nakatalib amu daa di gulion kawagu. Mantad diri do sumonong nodi
koposion di Ligot Liou.

49

Tangon/Hiss

NAMA DORA MADELINA JAIRY
UNIT PISMP BKD (SK) AMBILAN JUN 2019
KATEGORI MOMOHIIS
TAJUK TANAKWAGU SORIPION (KIATON)

Kiaton...
Anawau ilo ralan,
Binabang tulan,
Pougusan kumaa Ranau,
Sumulok id Kiulu.

Kiaton...
Tanakwagu soripion,
Norikot kawantangan,
Mirou-girou sumandak,
Au nopusou.

Kiaton...
Nolupoi ilo bunga,
Au natamangan,
Oluhoi o ginawo,
Mandad korikatan.

Kiaton...
Avanus kokitanan,
Nga kuroyon podi,
Okon tontok tinan,
Tanakwagu soripion.

50

Tangon/Hiss

NAMA STEPHANIE RAYNER
UNIT PISMP BKD (SK) AMBILAN JUN 2019
KATEGORI MOMOHIIS
TAJUK TAALA-ALA

Katatas ku puun do togop
Tulun nopo do aparu
Angabaan o tangkob.

Ongoi ooku pokipulut
Ambai oku mooi ponunu
Kada gia omut-omut
Misokot moti tinai nu.

Niwawau dilo tawan
Linangga dilo rahat
Osonong kosuabon
Mamalangga do kadaat.

Sinodu do panahon
Rinumpad do wayaan
Mulod do ohuyan
Sukodon kotumbayaan.

Madada tulang tampasuk
Mugamut momuonsi
Aso borionsok
Randagan bayag momionduk.

51

Tangon/Hiss

NAMA ELVIANA GUNONG
UNIT PISMP BKD (SK) AMBILAN JUN 2019
KATEGORI MOMOHIIS
TAJUK TABOI-ABOI

Taboi-aboi ku yau
Aboi mororobuat
Sinding do gulu-gulu
Parangahan ku koyu

Taboi-aboi ku mindahu
Aboi mororobuat
Sinding do gulu-gulu
Parangahan ku koyu

Momobog do bolobou
Noyopos no gakod ku
Wakid boboon
Pianan kakamot rumilik

Mogowit nogi kokoriu
Linopot do doringin
Moniit nogi bambangan
Panganas ku do makan

Kada po da rumasam
Guli-guli no hino rahat
Awi ku do rumilik
Rikot nogi yokou hiti

52

"Tomposio Boros
Tokou"